ისტორიები • 1757094246

„ეს ქალი ქვრივი იყო, მეცოდებოდა და ვლოცულობდი მისი შვილებისათვის, მაგრამ უშედეგოდ...“ - რა შემთხვევას იხსენებს მამა პაისი

შობლებს, განსაკუთრებით დედებს, მუდამ უნდა ახსოვდეთ, რომ, როგორც გულმხურვალე ლოცვით შეუძლიათ შვილებისათვის ღვთისაგან უსაზღვრო მადლი მიიღონ, ასევე გაღიზიანებულად ნათქვამით, წყევლით,  რისხვით შეიძლება შვილებს უბედურება დაატეხონ თავს.სიტყვას უდიდესი ძალა აქვს. უფალმა სწორედ სიტყვით შექმნა სამყარო. სიტყვა უბრალო ბგერები არ არის, რომელიც წარმოითქმება და ჰაერში გაიფანტება, წავა, უკვალოდ გაქრება, როგორც ამას, სამწუხაროდ, ბევრი ფიქრობს. მას უდიდესი დატვირთვა აქვს.მშობლების სიტყვას განსაკუთრებული ძალა აქვს. ამიტომ არავითარ შემთხვევაში არ შეიძლება შვილის დაწყევლა. არცერთი წუთით არ უნდა დავივიწყოთ, რომ, როგორც დედის ლოცვა აღწევს ღმერთამდე, ისევე - წყევლაც. დედის ყოველი სიტყვა, ზოგჯერ უგუნურად და გაუაზრებლად ნათქვამი, როდესმე მაინც ახდება.აქ მოთხრობილი ამბები ყოველივე ამის სამწუხარო და ნათელი დადასტურებაა.მშობლის წყევლა თუნდაც აღშფოთება ძლიერად მოქმედებს. თუ მშობელს კი არ დაუწყევლია თავისი შვილი, არამედ მხოლოდ აღშფოთდა მისი საქციელის გამო, ესეც საკმარისია, რომ შვილებმა მოსვენება დაკარგონ. ასეთი ბავშვები შემდგომში მთელ ცხოვრებას ტანჯვა-წამებაში ატარებენ. რა თქმა უნდა, საიქიო ცხოვრებაში ეს მათ შეღავათს მისცემს, რადგან ამ წამებით აქაურ ვალებს ისტუმრებენ. ხდება ის, რის შესახებაც წმ. ისააკი ამბობს: „ამქვეყნად იგემებენ თავის გეენას“, ანუ ამქვეყნიური ტანჯვით ის ჯოჯოხეთურ სატანჯველს ამცირებს. ესე იგი როდესაც ძალაში შედის სულიერი კანონები, ასეთი ადამიანი რამდენამდე თავისუფლდება გეენიისაგან, ტანჯვისაგან.მშობლები, რომლებიც სიტყვით „გზავნიან“ შვილებს ეშმაკთან, მას „უძღვნიან“ თავიანთ შვილებს. ამის შემდეგ ეშმაკს უკვე აქვს უფლება ამ ბავშვებზე, იგი ამბობს: „შენ მე ისინი თავად მომიძღვენი“.მეოცე საუკუნის ერთ-ერთი დიდი მამა ბერი პაისი ასეთ შემთხვევას იგონებს: „ერთ ქალს ოთხი შვილი ჰყავდა და ვერც ერთი ოჯახს ვერ ეკიდებოდა. დედა ტირილით მეუბნებოდა: „მომკლავს ამათი დარდი, ილოცე მათთვის“. ეს ქალი ქვრივი იყო, მე მეცოდებოდა იგი და ვლოცულობდი მისი შვილებისათვის, მაგრამ უშედეგოდ. მივხვდი, რომ რაღაცა ისე ვერ იყო... ერთხელ მათ ვკითხე, დედა ბავშვობაში ხომ არ გწყევლიდათ-მეთქი.- დიახ, მამაო, ბავშვობაში ძალიან ცელქები ვიყავით და დედა მუდამ გვწყევლიდა. - მიპასუხეს.- წადით და დედათქვენს უთხარით, რომ თქვენი მოუწყობელი ცხოვრების ნამდვილი მიზეზი ეს არის. უთხარით, მოინანიოს, აღსარება თქვას და დღეიდან გამუდმებით გლოცოთ.წელიწადნახევარში ოთხივემ ოჯახი შექმნა!კარგია, როცა მშობელი ცოცხალია და ამდენად მონანიება შესაძლებელია. მაგრამ ისმის კითხვა: თუ ის ისე წავიდა ამ ქვეყნიდან, რომ თან წაიღო ეს ცოდვა? შეიძლება თუ არა წყვლისგან განთავისუფლება? მამა პაისი პასუხობს:- თუ შვილები საკუთარ თავს ჩაუკვირდებიან და მიხვდებიან, რომ თავის დროზე აშავებდნენ, აწვალებდნენ მშობლებს და ამიტომაც იქნენ დაწყევლილნი, თუ ისინი დანაშაულს აღიარებენ და ცოდვებს მოინანიებენ, ყველაფერი მოწესრიგდება. სულიერ ცხოვრებაში წარმატებით ისინი განსვენებულ მშობლებსაც შეეწევიან... განაგრძეთ კითხვა

საზოგადოება • 1755711450

„აჯანსაღებს სახსრებს, აცილებს ზედმეტ წონას, ამშვიდებს“ - ბერი პაისის სასარგებლო რჩევები მეტანიებზე

მეტანია (ბერძ. მეტა-ნოია – „სინანული“) — თაყვანისცემა ან სინანულით შევრდომაა. ორგვარი წესი საეკლესიო ტიბიკონში: მცირე – პირჯვრის გამოსახვა; დიდი – მუხლის მოყრა, შუბლით მიწაზე შეხება.დიდი მეტანია სრულდება შემდეგნაირად: ვიწერთ პირჯვარს, ვასრულებთ მუხლთმოყრას და შუბლით ვეხებით მიწას, რის შემდეგაც კვლავ ვდგებით ფეხზე.მცირე მეტანიის დროს ვიწერთ პირჯვარს, ვიდრეკთ თავს, წელში ღრმად ვიხრებით და კვლავ ვიმართებით.წმინდა მამა, ბერი პაისი მეტანიას სულიერ ტანვარჯიშს უწოდებს და ამბობს, რომ გარდა სულიერი გაძლიერებისა, მეტანია აჯანსაღებს სახსრებს, აკაჟებს სხეულს, აცილებს ზედმეტ წონას და ამშვიდებს ადამიანს. აი, უფრო ვრცლად წმინდა მამის მოსაზრება მეტანიაზე.წმინდა ბერი პაისი: მეტანიები ყველა სხვა სულიერ ღვაწლზე მეტად გვეხმარება.- მამაო სხეული გტკივათ?- არა, რადგან სულიერ ტანვარჯიშს ვასრულებ. მეტანიებს. ერის კაცები ვარჯიშებს აკეთებენ, მონაზვნები მეტანიებს, ერის კაცები ტანვარჯიშით სხეულს იჯანსაღებენ, მონაზვნები მეტანიებით - სულსაც და სხეულსაც. საბრალო ერის კაცებმა არ იციან, როგორ ეხმარება მეტანიები არა მარტო სულის, არამედ სხეულის გაჯანსაღებას. მეტანიები აჯანსაღებს სახსრებს, აკაჟებს სხეულს, აცილებს ზედმეტ წონას, ამშვიდებს და ავაჟკაცებს ადამიანს. ამავდროულად აძლევს შესაძლებლობას ავიდეს სათნოებათა სულიერ სიმაღლეებზე, ასევე მთების მწვერვალებზე თავისუფლად და ქოშინის გარეშე.მეტანია აუცილებელია როგორც ახალგაზრდისთვის, ისე ასაკიანებისთვის, მათთვისაც, ვისაც ხორციელი ბრძოლა აქვს და მათთვისაც, ვინც თავისუფალია ასეთი ბრძოლებისგან. ძლიერი აღნაგობის ადამიანმა უფრო მეტი მეტანია უნდა შეასრულოს, ვიდრე სნეულებისკენ მიდრეკილმა. ისე, როგორც ძლიერი ძრავა უფრო მეტს მუშაობს.მეტანია განსაკუთრებით ეხმარება ახალგაზრდებს, რომ ხორცი დაიმორჩილონ. ამიტომ მათ ყოველთვის ვეუბნები, შეასრულეთ რამდენადაც შეგიძლიათ ბევრი მეტანია თქვენთვისაც და მათთვისაც, ვინც სნეულებაშია ან ხანდაზმულია და არ ძალუძს მეტანიების შესრულება.მეტანია ლოცვაა, თუმცა ამავდროულად ასკეზიცაა და შეეწევა ადამიანს უფრო მეტად, ვიდრე ყველა სხვა დანარჩენი სულიერი ღვაწლი. გარდა იმისა, რომ ჩვენს სულიერ ძრავას ლოცვისთვის აღძრავს, მოაქვს სხვა მრავალი სიკეთე: პირველ ყოვლისა, მეტანიებით თაყვანს ვცემთ ღმერთს და მდაბლად ვითხოვთ მისგან წყალობას, მეორე სარგებელი - მდაბლდება ჩვენი დაუმორჩილებელი ხორცი და მოდის სიმშვიდე და უვნებობა, მესამე - აჯანსაღებს ხორცს და მოაქვს ჯანმრთელობა ადამიანისთვის.მეტანიებით ღვთისგან შენდობას ვითხოვთ და გამოვხატავთ მადლიერებას.როდესაც მეტანიებს ასრულებ, წარმოიდგინე, რომ ღვთის წინაშე დგახარ და თაყვანს სცემ, ასე შეგიყვარდება მეტანიები.მეტანიები საკუთარი თავისთვის თუ მოყვასისთვის, უმნიშვნელოვანესია ყველა სხვა ხელსაქმესთან შედარებით. ეს არის ხელსაქმე დაუსრულებელი ღვაწლით. მთავარია, ადამიანს კეთილშობილება ჰქონდეს და სინანულით იღწვოდეს. მეტანიებს ამიტომაც ეწოდებათ სინანული. სიტყვა სინანული ბერძნულად ჟღერს როგორც მეტანია.მეტანიის კეთებისას ვმდაბლდებით და ღვთისგან შენდობას ვითხოვთ.კარგი იქნება, როდესაც მეტანიის კეთებას ვიწყებთ, მდაბლად ვთქვათ: უფალო, ვცოდე, მომიტევე.ყველაზე მთავარია, რომ ადამიანს შინაგანად ჰქონდეს მადლიერება. მერე კი თითოეული თავისებურად გამოხატავს ამას. როდესაც კაცი მადლიერების გრძნობით აღივსება, ასრულებს მეტანიებს ქრისტეს მიმართ კეთილშობილების, აღმაფრენის, სიყვარულის გამო. მაშინ ის ვერ გრძნობს დაღლას ისევე, როგორც მამის ხილვით გამოწვეული აღმაფრენისგან და სიხარულისგან დახტიან პატარა შვილები დაუღლელად.რასაც მეტი შრომა ახლავს, მეტი ფასი აქვს.ყოველი მეტანიის დროს ფეხზე უნდა წამოდგე, ამით ღვთის წინაშე დიდ თაყვანისცემას ასრულებ და სხეულისთვისაც უფრო ადვილია. დიდი მეტანიის დროს იატაკს ხელისგულებით კი არ უნდა შეეხო (ამან შეიძლება მყესები დაგიზიანოს), არამედ შეკრული მტევნით, ანუ მუჭებით. ხოლო ხელებზე კოჟრები რომ არ გაგიჩნდეს, წინ რბილი ხალიჩა დაიფინე.რაც უფრო იმატებს ასაკი, ფიზიკური ძალები ბუნებრივად იკლებს. გულმოდგინედ განაგრძე შენი ღვაწლი და როცა ვერ შეძლებ ყველა დიდი მეტანიების კეთებას, მცირე მეტანიით ან იესოს ლოცვით ჩაანაცვლე.- მამაო ფეხები და წელი მტკივა...- თუ მეტანიებს გააკეთებ, დაგეხმარება. სცადე ნელ-ნელა, ნაწილ-ნაწილ და ნახე, როგორ ჯობია. მახსოვს, მამა ტიხონი რომ ხანში შევიდა და დიდი მეტანიების შესრულებისას წამოდგომა უჭირდა, ჭერზე მსხვილი თოკი დაკიდა და მისი დახმარებით წამოდგებოდა. ასე აგრძელებდა ღვთის კრძალულებას თითქმის სიცოცხლის ბოლომდე დღემდე. მოღვაწე ხერხს მიმართავს.

საზოგადოება • 1755697260

თუ საკუთარ თავს ახლავე მივაჩვევთ... იმ წლებს ადვილად გადავიტანთ - ბერი პაისი ამბობდა, რომ ეს წინასწარმეტყველება მალე ახდება

წმინდა მამების ნაწინასწარმეტყველები ბოლო ჟამის ნიშნები, უფრო და უფრო გვარწმუნებს იმაში, რომ ეს დრო შორს არ უნდა იყოს; მომრავლებული კატასტროფები, გლობალური დათბობა, მომაკვდინებელი ვირუსები, საზარელი დანაშაულობები – მათი თქმით, ეს ყველაფერი სწორედ მეორე მოსვლას მოასწავებს.როგორ მოვიქცეთ უკანასკნელი ჟამისასო – ჰკითხეს ერთხელ ბერ პაისს. მან კი უპასუხა:"თუნდაც ადამიანს ოქროს მონეტები, ან დოლარები ჰქონდეს, მათ გამოყენებას ვერ შეძლებს. ამიტომაც, თუ საკუთარ თავს ახლავე მივაჩვევთ, უბრალოდ ზომიერად ცხოვრებას, იმ წლებს ადვილად გადავიტანთ.ისინი, არ დაიწყებენ, ადამიანთა წამებას, თუმცა, ის, ვისაც ბეჭედი არ ექნება, ცხოვრებას ვერ შეძლებს. თქვენ იტანჯებით ბეჭდის გარეშე, იტყვიან ისინი, ის რომ მიგეღოთ, სირთულეები აღარ გექნებოდათ. იმ წლებს გადავიტანთ: თუკი ადამიანს პატარა მიწის ნაკვეთი ექნება. ცოტა მარცვლეულს, კარტოფილს მოიყვანს, რამდენიმე ზეთისხილის ხეს დარგავს, საქონელი თუ ეყოლება: თხა, რამდენიმე ქათამი, მაშინ ქრისტიანი შეძლებს თავისი ოჯახის გამოკვებას, ვინაიდან დიდი მარაგისგან ხეირი მაინც არაა: პროდუქტი დიდხანს ვერ ძლებს, მალე ფუჭდება;მალე დაედება ფასი სოფელს, მგონი დროცაა ნელ-ნელა მოვემზადოთ ამისთვის.ნუ მიატოვებთ და უპატრონობით ნუ დაანგრევთ მამაპაპისეულ კერას. ალბათ, იმაზე მალე გამოგადგებათ, ვიდრე გგონიათ.რა თქმა უნდა, ეს გაჭირვება დიდხანს არ გასტანს - სამი წელი, სამწელიწადნახევარი; რჩეულთათვის დღეები შემოკლდება, ისინი ვერც კი შეამჩნევენ, როგორ გაირბენს ეს წლები. ღმერთი ადამიანს უმწეოდ არ დატოვებს.მე ვნუგეშობ, ჩვენ ჭექა-ქუხილი გველის და ჩვენს ბრძოლას აქვს ფასი, რადგანაც ამჟამად ჩვენი მტერი – ეს ალი ფაშა კი არ არის, არც ჰიტლერი და არც მუსოლინი, არამედ – ეშმაკი. და ამიტომაც ჯილდო ჩვენი იქნება ჯილდო ზეციური.ღმერთმან, ვითარცა სახიერმან, წარმართოს ბოროტება სიკეთედ, ამინ.”ღირსი პაისი მთაწმინდელი (1924-1994)

საზოგადოება • 1754684109

„მოიდრიკე მუხლი, მაგრამ ისე, რომ ღვთის გარდა ვერავინ გხედავდეს...“ - მამა პაისის შეგონება ბავშვებს

დიდი ძალა აქვს ბავშვის ლოცვას. მამა პაისი ათონელი ბრძანებს:„ლოცვისას ხშირად ვხედავ, რომ მოდიან ჩემთან მწუხარე ყრმები და ღვთისაგან შეწევნას ითხოვენ. მათ ოჯახში რაღაც სადარდებელი გასჩენიათ, ამიტომაც დედები ლოცვად აყენებენ, რათა უფლისაგან შეწევნა გამოითხოვონ. ისინი იმავე „სიხშირეზე“ ირთვებიან და იქ ვხვდებით ერთმანეთს“.ბავშვებო, ლოცვა სამი მეტანიით დაიწყეთ. პირველად იტყვით:„უფალო, იესო ქრისტე, ძეო ღვთისაო, შემიწყალე მე ცოდვილი“, - და მეტანიას აღასრულებთ;შემდეგ ღვთისმშობელს შეევედრებით, შემდეგ იტყვით: „ყოველნო წმიდანო, ევედრეთ ღმერთსა ჩვენ ცოდვილთათვის“, - ისევ მეტანია და ასე განაგრძეთ.შეამჩნევთ, რომ თავიდან სიზარმაცე მოგერევათ, ისე დაგაწვებათ, როგორც მძიმე ტვირთი, მაგრამ თუ ლოცვას არ შეწყვეტთ, სამ მეტანიას შეასრულებთ, გული მუხლთმოდრეკის გამრავლებას მოგთხოვთ. ეს ნიშანია იმისა, რომ ჩვენი გულის ნაკვერჩხალი რწმენის ძალით გაღვივდა და ღვთის სიყვარულით აალდა. თქვენი განუწყვეტელი ლოცვის ნაყოფი კი ის იქნება, რომ ლოცვის სურვილი გაგიძლიერდებათ. ჩემი რჩევა საქმით გამოსცადეთ და დარწმუნდებით, რომ ასეა.ისწრაფვოდეთ ღვთისკენ, როგორც მშობელი დედისკენ. ის მოწყალეა და ყოვლისმჭვრეტელი. მას ისე ვუყვარვართ, როგორც დედას - შვილები. თუ რამეს სთხოვთ, უთუოდ შეისმენს და შეგისრულებთ, თუ, რა თქმა უნდა, ეს სათხოვარი მისი წმინდა ნების საწინააღმდეგო არ იქნება. მან თვითონ გვითხრა, ითხოვეთ და მოგეცემათო, ამიტომ თამამად მიილტვოდეთ მისკენ.მიდიხარ სკოლაში? - მოიდრიკე მუხლი, მაგრამ ისე, რომ ღვთის გარდა ვერავინ გხედავდეს, სთხოვე, გაგინათოს გონება და მახსოვრობა. მალე დაინახავ, რომ სხვებზე უკეთ სწავლობ, ან იმაზე უკეთ მაინც, ვიდრე მანამდე, სანამ ღვთის შეწევნას ითხოვდი.ილოცეთ, ხშირად ილოცეთ, ბავშვებო, აპატიეთ, ვინც გაწყენინათ და ღმერთი მშვიდობისა მარადის თქვენთან იქნება.ყოველ დილა-საღამოს მოინანიეთ, თუ რამ შესცოდეთ და შეეცადეთ, აღარასოდეს გაიმეოროთ. თუ კიდევ შესცოდავთ, მაშინვე შეინანეთ, თქვით: „უფალო, შევცოდე, შემიწყალე მე და შემეწიე, რომ გამოვსწორდე“. ისიც შეგინდობთ და გამოსწორებაში შეგეწევათ. ილოცეთ, ბავშვებო, ღვთის მიმართ და უფალი გაცხოვნებთ“.

საზოგადოება • 1753199942

დიდი ძალა აქვს ბავშვის ლოცვას... სამი მეტანიით დაიწყეთ - ბერი პაისის რჩევა

დიდი ძალა აქვს ბავშვის ლოცვას. მამა პაისი ათონელი ბრძანებს:„ლოცვისას ხშირად ვხედავ, რომ მოდიან ჩემთან მწუხარე ყრმები და ღვთისაგან შეწევნას ითხოვენ. მათ ოჯახში რაღაც სადარდებელი გასჩენიათ, ამიტომაც დედები ლოცვად აყენებენ, რათა უფლისაგან შეწევნა გამოითხოვონ. ისინი იმავე „სიხშირეზე“ ირთვებიან და იქ ვხვდებით ერთმანეთს“.მაგრამ როგორ „გადავრთოთ“ ბავშვები ამ სიხშირეზე, როგორ შევაყვაროთ ლოცვა?აი, ოპტელი მამის, სქემიღუმენ თეოდოსის, ყრმობისდროინდელი მოგონება იმის შესახებ, თუ როგორ დაარიგა ბავშვები ნიჟეგოროდელმა მთავარეპისკოპოსმა იაკობმა:„ბავშვებო, მინდა, ლოცვაზე გესაუბროთ. იცით, როგორ უნდა მივეჩვიოთ მას? თავიდან ცოტ-ცოტა უნდა ვილოცოთ, მაგრამ რაც შეიძლება ხშირად. ლოცვა ნაპერწკალივითაა - რამდენიმე ხნის შემდეგ შეიძლება აალდეს და კოცონად იქცეს. მაგრამ ამისთვის დრო, ოსტატობა და დიდი სურვილია საჭირო.ავიღოთ ორი ნაკვერჩხალი, ერთი - ვარვარა, მეორე - ჩამქრალი. ახლა ჩამქრალი გასაღვივებლად ცხელზე დავდოთ. მაგრამ ის არ გაღვივდება, თუ გამუდმებით არ ვუბერეთ სული ცხელ ნაკვერჩხალს. თუ ცხელზე ძლიერად შევუბერავთ, მას ნაპერწკლები გასცვივა, ჩამქრალს კი ვერაფერს ვარგებთ. სამაგიეროდ, თუ ზომიერად და შეუჩერებლად ვუბერეთ, მეორეც აენთება, მერე კი, თუ მათ შუაში შეშის ნაჭერს ჩავდებთ, მასაც მოედება ცეცხლი.მაგრამ ღუმელში ნესტიანი შეშა ან სველი ნაკვერჩხალი რომ აანთო, იცით, რამდენი დრო, გარჯა და მოთმინებაა საჭირო? ჩემო შვილებო, ლოცვაა სწორედ ის ალმოდებული ნაღვერდალი, ჩვენი გულები კი ჩამქრალი ნაკვერჩხლებია.ამიტომაც არის საჭირო, ყოველდღე ვილოცოთ - ეს იგივეა, რომ საკუთარი გულის ჩამქრალი ნაკვერჩხლები ლოცვის ცეცხლმოკიდებულ ნაღვერდალზე დავდოთ და ნელ-ნელა გავაღვივოთ. დამიჯერეთ, ბავშვებო, თუ ჩემი მორჩილნი იქნებით და ყოველდღე ცოტ-ცოტას ილოცებთ, თქვენი გულები საღვთო სიყვარულის ცეცხლით აენთება. მაგრამ იცოდეთ, არ შეწყვიტოთ ლოცვა, ამაოდ არ გაფანტოთ ნაპერწკლები. გახსოვდეთ, რომ ლოცვის შეწყვეტას სიზარმაცე მოჰყვება, ჰაერში გაბნეული ნაპერწკლები კი გულს ვერ აგინთებთ.ბავშვებო, ლოცვა სამი მეტანიით დაიწყეთ. პირველად იტყვით:„უფალო, იესო ქრისტე, ძეო ღვთისაო, შემიწყალე მე ცოდვილი“, - და მეტანიას აღასრულებთ;შემდეგ ღვთისმშობელს შეევედრებით, შემდეგ იტყვით: „ყოველნო წმიდანო, ევედრეთ ღმერთსა ჩვენ ცოდვილთათვის“, - ისევ მეტანია და ასე განაგრძეთ.შეამჩნევთ, რომ თავიდან სიზარმაცე მოგერევათ, ისე დაგაწვებათ, როგორც მძიმე ტვირთი, მაგრამ თუ ლოცვას არ შეწყვეტთ, სამ მეტანიას შეასრულებთ, გული მუხლთმოდრეკის გამრავლებას მოგთხოვთ. ეს ნიშანია იმისა, რომ ჩვენი გულის ნაკვერჩხალი რწმენის ძალით გაღვივდა და ღვთის სიყვარულით აალდა. თქვენი განუწყვეტელი ლოცვის ნაყოფი კი ის იქნება, რომ ლოცვის სურვილი გაგიძლიერდებათ. ჩემი რჩევა საქმით გამოსცადეთ და დარწმუნდებით, რომ ასეა... სრულად

კულტურა • 1751262334

„პირველი სეზონი პანდემიის დროს გადავიღეთ. 1500-ზე მეტი ადამიანიდან არავინ დავირუსებულა" - სასწაულები ბერი პაისის ფილმის გარშემო

უკვე ბევრმა ჩვენგანმა ნახა ქართულად ადაპტირებული ბერძნული სერიალი "მამა პაისი - ფარასადან ზეცაში". ვინც ნახა, მათი ცხოვრება შეიცვალა რწმენაში განმტკიცებითა და იესოს ლოცვის პრაქტიკაში შემოტანით.   მამა პაისის ფილმის სცენარის ავტორის - იორღოს ციაკასის ინტერვიუ, რომელიც ფილმის მეორე სეზონამდე ჩაიწერა, ბერძნულიდან ქართულად ნანა ბეჟანიშვილმა თარგმნა. აი, რას იგონებს სცენარისტი სერიალზე. - გიტირიათ თუ არა ფილმის დასრულებული ვერსიის ნახვისას?ციაკასი: - დასრულებული ვერსიის ნახვამდეც მიტირია, გადაღებებზეც, მონტაჟის დროსაც... იცით, რომ მონტაჟის დროს ერთი ეპიზოდი შეიძლება 10 ან 20-ჯერ ვნახოთ, უამრავჯერ.. ყველა დეტალს ყურადღებას ვაქცევთ, ხმას, დეტალებს... იყო მომენტები, რომ გული მიჩუყდებოდა ძალიან და ახლაც იგივე მემართება...როდესაც დასრულებულ ვერსიას ვნახავ, მაშინაც იგივე მემართება... მჯერა, რომ თვითონ წმინდა პაისი შეგვეწია, რომ ეს ფილმი გადაგვეღო.. იცით, ალბათ, რომ თვითონ წმინდანს არ უყვარდა ფოტოს გადაღებაც კი და ჩვენ ამხელა სერიალი გადავიღეთ მის შესახებ და ვეუბნებოდი, რომ ეპატიებინა ჩემთვის... მაგრამ ვფიქრობ, ერთი ადამიანისთვის მაინც რომ იყოს ეს სერიალი სიკეთის მომტანი, ალბათ, წმინდანი ნებას დამრთავდა... - რადგან ეს სერიალი შედგა ესე იგი ნება დაგრთოთ, სხვაგვარად ვერ შედგებოდა... - დიახ, დიახ.- თავად გაქვს მოყოლილი რამდენი სასწაულის მომსწრენი გახდით, სერიალის გადაღების დროს. ეს ნიშნავს, რომ თვითონ წმინდანი იყო თქვენს გვერდით, ასე არაა? ბრძოლები გქონდათ გადაღებების დროს ? - მაშ არ გვექნებოდა? რა თქმა უნდა, ბევრი დაბრკოლება გვქონდა და როდესაც კონიცაში ვიყავით, მის მშობლიურ სახლში გავრბოდი ხოლმე და ვთხოვდი შეწევნას (დახმარებას)... პირველი სეზონი გადავიღეთ კორონას პანდემიის დროს ისე, რომ არასოდეს არც ერთი ადამიანი არ გამხდარა ავად (კორონით) მაშინ, როდესაც 50 ადამიანი ერთად ვმუშაობდით, 180 მსახიობი და 1300 დამხმარე. ვიცოდით, რომ აქედან ერთს მაინც რომ აღმოჩენოდა კორონა, უნდა გაგვეჩერებინა გადაღებები 15 დღით და იცი, რასაც ნიშნავს ეს? არასდროს არავინ ავად არ გამხდარა... და როცა ვამთავრებდით გადაღებას ერთ ლოკაციაზე, ის დასახლება სწორედ მაშინ იხურებოდა კორონას გამო, როდესაც ჩვენ უკვე წამოსულები ვიყავით იქიდან... 

საზოგადოება • 1751006403

არ გამოგრჩეთ - მოილოცოთ და ემთხვიოთ სკვნილს, რომელზედაც წმინდა მამა პაისი ლოცულობდა

ფეისბუქ გვერდი "ტკბილ ხარ შენ უფალო" შემდეგ ინფორმაციას აქვეყნებს."27 ივნისს, პარასკევს, დღის 3 საათზე, სამების საკათედრო ტაძარში გადაიხდება საჯანმრთელო პარაკლისი, რის შემდეგაც მრევლს საშუალება მოგეცემათ  ემთხვიოთ წმინდა პაისის სკვნილს, რომელზედაც ის ლოცულობდა.ყველას გელოდებით პარაკლისზე" - წერია გვერდზე. 

საზოგადოება • 1750445997

„ახლა ბოლო სერია გავახმოვანე. იცით, როგორი განცდაა? 30 წლის ვხდები და ყველაზე ღირებული, რაც კი შემიქმნია, ესაა“ - ემოციური მიმართვა მაყურებელს

აგერ უკვე ოთხი თვეა, რაც ალექსი მოსიაშვილი ქართულად ახმოვანებს ბერძნულ სერიალს "მამა პაისი ფარასადან - ზეცაში". მეორე სეზონის ბოლო სერიასაც მალე შემოგვთავაზებს ფეისბუქგვერდები - "სარწმუნოება, ფოტო და ვიდეო არქივი" და "ტკბილ ხარ შენ უფალო". სერიალი სრულად ასახავს მეოცე საუკუნის ათონელი წმინდა მამის - პაისი ათონელის ცხოვრებასა და მოღვაწეობას. ფილმმა დიდი აღფრთოვანება გამოიწვია მის მაყურებელში. ბევრი დააფიქრა და ქრისტიანის არსი შეახსენა. ბევრსაც იესოს ლოცვა ასწავლა... აი, რას მიმართავს სერიალის მაყურებელს ალექსი."ხალხი გვწერს, როგორ შეცვალა ამ სერიალმა მათი ცხოვრება უკეთესობისკენ, როგორ სიღრმეებში ჩავიდა მათი ქრისტიანობა, როგორ შეეხო მათ გულს, როგორ ამოატრიალა დიალოგებმა და სცენებმა უკეთესობისკენ მათი დამოკიდებულება ადამიანების და ცხოვრების მიმართ. 30 წლის ვხდები და ყველაზე დიდი და ღირებული, რაც კი შემიქმნია, ეს არის მრავალსერიანი ფილმის "მამა პაისი ფარასადან ზეცაში" გახმოვანება. ახლა ბოლო სერია გავახმოვანე. იცით, როგორი განცდაა? ოთხი თვე გავატარე ამ რეჟიმში. გახმოვანების ეს 4 თვე ჩემი ცხოვრების განუყოფელი ნაწილი გახდა. ისეთი განცდა მაქვს, თითქოს რაღაც ეტაპი დასრულდა. რეალურად არაფერიც არ დასრულება. ამ დიდი საქმით დასაბამი დაედო იმას, რაც ასე აკლდა ქრისტიანებს. ვფიქრობ, ეს საქმე გავაგრძელო. ვერ აღგიწერთ, რა საოცრება გააკეთა მამა პაისიმ. დიდი მადლობა პირველ რიგში ღმერთს, ღვთისმშობელს, მამა პაისის, რომ ეს საქმე დაგვევალა მე, თამარ ბროლაძეს, ნანა ბეჟანიშვილსა და თამარ კიკალიშვილს, რომლებმაც უდიდესი შრომა ჩადეს თარგმნასა და მოწოდებაში. მეც, ჩემი მხრივ, მის გახმოვანებაში.უღრმესი მადლობა ყველას ვინც ამდენი ხნის მანძილზე  გვგულშემატკივრობდით, ცდილობდით მოტივაცია მოგეცათ თბილი შეტყობინებებით. ამ სერიალის საშუალებით ის ჩვენი მამა პაისი გახდა. მადლობა, მადლობა. ღმერთმა დაგვლოცოს" - ამბობს ალექსი მოსიაშვილი.ყველაფერს ამ საოცარი სერიალის შესახებ წაიკითხავთ ამ ბმულზე გადასვლით.

საზოგადოება • 1749275064

დღეს სულის შაბათია - რას ნიშნავს ეს დღე ქრისტიანებისთვის

სულთმოფენობის დღესასწაულს (8 ივნისს), წინ, სულის შაბათი უძღვის. ეს არის მიცვალებულთა საყოველთაო  ხსენების დღე, რომელიც კიდევ ერთხელ გვახსენებს, რაოდენ დიდი მნიშვნელობა აქ მიცვალებულთა სულზე ზრუნვას.ამ დღეს ტაძრებში გარდაცვლილთა სულთა საოხად დიდი პანაშვიდი აღესრულება.წმინდა მამები ამბობენ, რომ ამ დღეს განსაკუთრებით ელოდებიან გარდაცვლილები საკუთარი ოჯახის წევრების მხრიდან შემწეობას და მოხსენებას.ყველამ უნდა ეცადოთ მოიხსენიოთ თქვენი მიცვალებულები, დაესწროთ წირვას, შეაგზავნოთ მოსახსენებელი და მათ სახელზე დაანთოთ თუნდაც ერთი სანთელი. იკურთხება  მრევლის მიტანილი პროდუქტი და შემდეგ ის რიგდება მშიერთათვის... შეგიძლიათ ზეთი შესწიროთ, რომელიც ტაძრის კანდელებში ჩაისხმება.მიცვალებულები ახლობლების ლოცვასა და სიკეთეებზე არიან დამოკიდებულნი. მათ აღარ შეუძლიათ მონანიება. ამიტომ ჩვენი მიცვალებულებისთვის უნდა ვილოცოთ, ვიკითხოთ ფსალმუნნი და მათ სახელზე გავცეთ მოწყალება.წმინდა პაისი ათონელი:მიცვალებულები გონს მოდიან და დახმარებას ითხოვენ, მაგრამ საკუთარ თავს ვერ ეხმარებიან. ჯოჯოხეთში მყოფებს ქრისტესგან მხოლოდ ერთი რამ სურთ, 5 წუთი იცოცხლონ, რომ მოინანიონ. ჩვენ, ცოცხლებს, გვაქვს მონანიების დრო, მიცვალებულებს კი - არა.სწორედ ამიტომ მოვალენი ვართ დავეხმაროთ მათ ჩვენი მხურვალე ლოცვით. ამიტომ აქვს ჩვენს ეკლესიას წირვა,პანაშვიდი.პანაშვიდი მიცვალებულთა სულების საუკეთესო დამცველია. მათ აქვთ სულის ჯოჯოხეთიდან გამოყვანის უნარი. თქვენ კი, ყოველ ღვთისმსახურებაზე, უნდა წაიკითხოთ ფსალმუნები თქვენი მიცვალებულებისთვის.აუცილებელია წანდილის გაკეთება, რადგან ხორბალს აქვს მნიშვნელობა: დათესე ხრწნილებაში, ის აღდგება უხრწნელობაში (1 კორ. 15:42). ანუ ის სიმბოლოა ადამიანის სიკვდილისა და აღდგომისა. უნდა მიუთითოთ მიცვალებულთა სახელები, რათა მღვდლებმა მოიხსენიონ ისინი, რადგან ისინი უფრო მეტად გაჭირვებულები არიან, ვიდრე ავადმყოფები. ***საკურთხი მიცვალებულთა მოსახსენიებელ დღეებში კეთდება. ეს დღეები გახლავთ ხორციელის კვირისა და დიდი მარხვის სამი (მე-2, მე-3, მე-4) შაბათი, სულთმოფენობის წინა დღე (მას სულის შაბათსაც უწოდებენ). გარდა ამისა, საკურთხს აკეთებენ გარდაცვლილის დაბადებისა და გარდაცვალების დღეებში.რასაკვირველია, გარდაცვლილის სული საკვებს არ გეახლებათ; მას მადლით აღავსებს საკურთხის დროს აღვლენილი ლოცვები, მიცვალებულის სახელზე მომზადებული ტრაპეზით გლახაკების დაპურება და მოწყალების გაცემა.საკურთხზე ყოველთვის ამზადებენ კოლიოს ანუ წანდილს.ამ ტრადიციას საინტერესო ისტორია აქვს: იულიანე განდგომილმა, კონსტანტინეპოლის მეფემ, უარყო ქრისტე და კერპთაყვანისმცემლობას შეუდგა. მან იცოდა, რომ დიდმარხვის პირველ კვირას მორწმუნენი მარხვას განსაკუთრებით წმინდად ინახავდნენ და ცოდვებს ინანიებდნენ. იულიანემ უბრძანა ქალაქის თავს, მთელი კვირის მანძილზე ყოველდღე შეებღალა ბაზარში გასაყიდი სანოვაგე სამსხვერპლო ცხოველთა სისხლით. მეფის ბრძანება შესრულდა. კონსტანტინეპოლის მთავარეპისკოპოს ევდოქსის გამოეცხადა წმინდა თეოდორე ტირონი (იგი მრავალი წლის წინათ ეწამა ქრისტესთვის), ამცნო, რომ საზრდელი ნაკერპალის სისხლით იყო შებილწული და ურჩია, მის ნაცვლად მიეღოთ კოლიო - თაფლთან ერთად მოხარშული ხორბალი. ქრისტიანებმა შეიძინეს ხორბალი, კოლიო მოხარშეს და მთელი კვირის განმავლობაში მას იხმევდნენ. ასე გადაურჩნენ მარხვის შემწიკვლებას (დარღვევას). მას შემდეგ დიდმარხვის პირველი შვიდეულის შაბათი წმინდა თეოდორეს ხსენების დღედაა მიჩნეული.წანდილის გარდა ტრაპეზზე უნდა იყოს პური, ღვინო, ზეთი და კერძები, რომელთა გაკეთების სურვილიც მიცვალებულის ახლობლებს ექნებათ.

საზოგადოება • 1749242908

"აუცილებელია წანდილის მომზადება" - სულის შაბათს მიცვალებულები განსაკუთრებით ელოდებიან მოხსენიებას

სულთმოფენობის დღესასწაულს (8 ივნისს), წინ, სულის შაბათი უძღვის. ეს არის მიცვალებულთა საყოველთაო  ხსენების დღე, რომელიც კიდევ ერთხელ გვახსენებს, რაოდენ დიდი მნიშვნელობა აქ მიცვალებულთა სულზე ზრუნვას.ამ დღეს ტაძრებში გარდაცვლილთა სულთა საოხად დიდი პანაშვიდი აღესრულება.წმინდა მამები ამბობენ, რომ ამ დღეს განსაკუთრებით ელოდებიან გარდაცვლილები საკუთარი ოჯახის წევრების მხრიდან შემწეობას და მოხსენებას.ყველამ უნდა ეცადოთ მოიხსენიოთ თქვენი მიცვალებულები, დაესწროთ წირვას, შეაგზავნოთ მოსახსენებელი და მათ სახელზე დაანთოთ თუნდაც ერთი სანთელი. იკურთხება  მრევლის მიტანილი პროდუქტი და შემდეგ ის რიგდება მშიერთათვის... შეგიძლიათ ზეთი შესწიროთ, რომელიც ტაძრის კანდელებში ჩაისხმება. ***მიცვალებულები ახლობლების ლოცვასა და სიკეთეებზე არიან დამოკიდებულნი. მათ აღარ შეუძლიათ მონანიება. ამიტომ ჩვენი მიცვალებულებისთვის უნდა ვილოცოთ, ვიკითხოთ ფსალმუნნი და მათ სახელზე გავცეთ მოწყალება. ***წმინდა პაისი ათონელი: მიცვალებულები გონს მოდიან და დახმარებას ითხოვენ, მაგრამ საკუთარ თავს ვერ ეხმარებიან. ჯოჯოხეთში მყოფებს ქრისტესგან მხოლოდ ერთი რამ სურთ, 5 წუთი იცოცხლონ, რომ მოინანიონ. ჩვენ, ცოცხლებს, გვაქვს მონანიების დრო, მიცვალებულებს კი - არა.სწორედ ამიტომ მოვალენი ვართ დავეხმაროთ მათ ჩვენი მხურვალე ლოცვით. ამიტომ აქვს ჩვენს ეკლესიას წირვა,პანაშვიდი.პანაშვიდი მიცვალებულთა სულების საუკეთესო დამცველია. მათ აქვთ სულის ჯოჯოხეთიდან გამოყვანის უნარი. თქვენ კი, ყოველ ღვთისმსახურებაზე, უნდა წაიკითხოთ ფსალმუნები თქვენი მიცვალებულებისთვის.აუცილებელია წანდილის გაკეთება, რადგან ხორბალს აქვს მნიშვნელობა: დათესე ხრწნილებაში, ის აღდგება უხრწნელობაში (1 კორ. 15:42). ანუ ის სიმბოლოა ადამიანის სიკვდილისა და აღდგომისა. უნდა მიუთითოთ მიცვალებულთა სახელები, რათა მღვდლებმა მოიხსენიონ ისინი, რადგან ისინი უფრო მეტად გაჭირვებულები არიან, ვიდრე ავადმყოფები.***საკურთხი მიცვალებულთა მოსახსენიებელ დღეებში კეთდება. ეს დღეები გახლავთ ხორციელის კვირისა და დიდი მარხვის სამი (მე-2, მე-3, მე-4) შაბათი, სულთმოფენობის წინა დღე (მას სულის შაბათსაც უწოდებენ). გარდა ამისა, საკურთხს აკეთებენ გარდაცვლილის დაბადებისა და გარდაცვალების დღეებში.რასაკვირველია, გარდაცვლილის სული საკვებს არ გეახლებათ; მას მადლით აღავსებს საკურთხის დროს აღვლენილი ლოცვები, მიცვალებულის სახელზე მომზადებული ტრაპეზით გლახაკების დაპურება და მოწყალების გაცემა.საკურთხზე ყოველთვის ამზადებენ კოლიოს ანუ წანდილს.ამ ტრადიციას საინტერესო ისტორია აქვს: იულიანე განდგომილმა, კონსტანტინეპოლის მეფემ, უარყო ქრისტე და კერპთაყვანისმცემლობას შეუდგა. მან იცოდა, რომ დიდმარხვის პირველ კვირას მორწმუნენი მარხვას განსაკუთრებით წმინდად ინახავდნენ და ცოდვებს ინანიებდნენ. იულიანემ უბრძანა ქალაქის თავს, მთელი კვირის მანძილზე ყოველდღე შეებღალა ბაზარში გასაყიდი სანოვაგე სამსხვერპლო ცხოველთა სისხლით. მეფის ბრძანება შესრულდა. კონსტანტინეპოლის მთავარეპისკოპოს ევდოქსის გამოეცხადა წმინდა თეოდორე ტირონი (იგი მრავალი წლის წინათ ეწამა ქრისტესთვის), ამცნო, რომ საზრდელი ნაკერპალის სისხლით იყო შებილწული და ურჩია, მის ნაცვლად მიეღოთ კოლიო - თაფლთან ერთად მოხარშული ხორბალი. ქრისტიანებმა შეიძინეს ხორბალი, კოლიო მოხარშეს და მთელი კვირის განმავლობაში მას იხმევდნენ. ასე გადაურჩნენ მარხვის შემწიკვლებას (დარღვევას). მას შემდეგ დიდმარხვის პირველი შვიდეულის შაბათი წმინდა თეოდორეს ხსენების დღედაა მიჩნეული.წანდილის გარდა ტრაპეზზე უნდა იყოს პური, ღვინო, ზეთი და კერძები, რომელთა გაკეთების სურვილიც მიცვალებულის ახლობლებს ექნებათ.

საზოგადოება • 1748449292

"წმინდა მამაო, მოწევა მივატოვე და ჩემი ცოლი გამოჯანმრთელდა" - ბერი პაისის მნიშვნელოვანი დარიგებები

"იმისათვის, რომ სნეული გამოჯანმრთელდეს, მსხვერპლი უნდა გაიღო!" - გვირჩევს წმინდა პაისი მთაწმინდელი. ამ წმინდა ბერძენი მამის შეგონებები მორწმუნეთ კიდევ უფრო აძლიერებს და ავსებს რწმენით. თუ ჯერ ისევ არ გინახავთ მასზე გადაღებული სერიალი "ფარასადან ზეცაში", გირჩევთ ნახოთ. ბერ პაისთან ხშირად მიდიოდნენ ახლობლის ავადმყოფობით შეწუხებული ადამიანები, წმინდა მამა კი ასეთ რამეს ამბობდა:"თუ ღვთისაგან რაიმეს ვითხოვთ და თავად მსხვერპლად არაფერს ვიღებთ, მაშინ ჩვენს ვედრებას დიდი ფასი არა აქვს. თუ გულხელდაკრეფილი ვზივარ და ვამბობ: „ღმერთო ჩემო, გევედრები, განკურნე ესა და ეს ავადმყოფი!“ თავად მე კი ამ დროს არანაირ მსხვერპლზე არ მივდივარ, ეს იმას ნიშნავს, რომ უბრალოდ ჩემს კეთილ სურვილებს გამოვთქვამ (ანუ სიტყვებს ქარს ვატან). ხოლო, თუკი სიყვარული მაქვს, თუკი მე მაქვს მსხვერპლის გაღების უნარი, მაშინ ქრისტე, როდესაც ამას დაინახავს, შეასრულებს ჩემს თხოვნას, რა თქმა უნდა, მხოლოდ იმ შემთხვევაში, თუკი ეს სხვას წაადგება.ამიტომ, როდესაც ადამიანები სნეული ახლობლებისათვის ლოცვას გთხოვენ, უთხარით მათ, რომ თავადაც ილოცონ, ანდა, ეცადონ, რომ საკუთარი ნაკლოვანებებისგან გათავისუფლდნენ. მოვა ჩემთან ზოგიერთი და მთხოვს: „განმკურნე, შევიტყვე, რომ ჩემი დახმარება შენ შეგიძლია“. თუმცა, ეს ადამიანები ყოველგვარი პირადი ძალისხმევის გარეშე ცდილობენ, დახმარება მიიღონ. მაგალითად, შენ ეუბნები ადამიანს: „ტკბილს ნუღარ ჭამ, გაიღე ღვთის წინაშე ეს მსხვერპლი, რომ იგი დაგეხმაროს“. ის კი გპასუხობს: „რატომ, განა ღმერთს დახმარება უმსხვერპლოდ კი არ შეუძლია?“ ამგვარად, ასეთ ადამიანებს არ შეუძლიათ, მსხვერპლი თუნდაც საკუთარი თავისათვის გაიღონ. აბა, სხვისთვის როგორღა გაწირავენ თავს?! მაგრამ არიან ისეთებიც, ტკბილს რომ არ ჭამენ მხოლოდ იმისათვის, რომ ღმერთი შაქრიანი დიაბეტით დაავადებულებს დაეხმაროს, ან - საერთოდ რომ არ იძინებს, რათა ქრისტემ ცოტაოდენი ძილი უწყალობოს უძილობისგან გატანჯულ ადამიანებს. ამგვარი ქმედებით ასეთი კაცი ღმერთის მონათესავე ხდება. და მაშინ ღმერთი ადამიანებს თავის მადლს ანიჭებს.როდესაც ადამიანი მეუბნება, რომ რომელიმე ავადმყოფი ახლობლისთვის ლოცვა არ შეუძლია, ვურჩევ, რომ ამ ავადმყოფი ახლობლისთვის მსხვერპლი გაიღოს, გაიღოს მსხვერპლად რაღაც ისეთი, რაც პირადად მის ჯანმრთელობას ავნებს.ერთხელ ჩემთან სენაკში ერთი ადამიანი გერმანიიდან მოვიდა. მას ჰყავდა ქალიშვილი, რომელიც თანდათანობით პარალიზებული ხდებოდა. ექიმებმა მასზე ხელი აიღეს. საბრალო მამა სრულ სასოწარკვეთილებას განიცდიდა.„შენი შვილის ჯანმრთელობისათვის რამენაირი მსხვერპლი გაიღე. მეტანიების აღსრულება შენ არ შეგიძლია, ლოცვა შენ არ შეგიძლია, აბა, სხვა რა უნდა გააკეთო?!. კარგი: რამდენ ღერ სიგარეტს ეწევი დღეში?“ „ოთხ-ნახევარ კოლოფს“ - მიპასუხა მან.„დღეში ერთი კოლოფი მოსწიე, ხოლო ის ფული, რომელსაც სამ-ნახევარ კოლოფზე ხარჯავდი, რომელიმე ღატაკს უწყალობე“, - ვუთხარი მას.„მამაო, ოღონდაც ჩემი შვილი გამოჯანმრთელდეს და მოწევას საერთოდ დავანებებ თავს“, - მითხრა ამ კაცმა.„არა, როდესაც ის გამოჯანმრთელდება, ამას უკვე ფასი აღარ ექნება, მოწევა ახლავე უნდა მიატოვო. დაანებე თავი სიგარეტს, ნუთუ შვილი არ გიყვარს?!“, - შევეპასუხე მე.„ჩემი შვილი არ მიყვარს? მე ხომ მისი გულისათვის შემიძლია, მეექვსე სართულიდან გადავხტე“, - მომიგო მან. „იმას კი არ გეუბნები, მეექვსე სართულიდან გადახტი-მეთქი, ასე ხომ შენს შვილს უპატრონოდ დატოვებ და თვითონაც სულს წააგებ, არამედ გირჩევ, რომ მოწევა მიატოვო და მიატოვო პირდაპირ ახლავე“ - ვეუბნებოდი მე.მაგრამ მას მოწევაზე უარის თქმა არაფრით არ სურდა და ბოლოს და ბოლოს ჩემგან ატირებული წავიდა.აბა, ასეთი ადამიანის დახმარებას როგორ შეძლებ? მაგრამ ისინი, ვინც მისმენენ, შეწევნას აუცილებლად იღებენ.მეორედ კიდევ ერთი ადამიანი მოვიდა, რომელსაც ფეხით სიარულისაგან სული ეხუთებოდა. მივხვდი, რომ ბევრს ეწეოდა და ვუთხარი: „ახირებული კაცი ხარ, ამდენს რატომ ეწევი?! ასე ხომ ავად გახდები?!“ცოტა რომ დაისვენა, მითხრა: ჩემი ცოლი ძალიან ავადაა და შეიძლება მოკვდეს, გევედრები, ილოცე, რომ სასწაული მოხდეს, ექიმებმა თავიანთი უძლურება აღიარეს.„გიყვარს შენი ცოლი?“ - ვკითხე. „მიყვარს“, - მიპასუხა. „მაშ რატომ არ გინდა, რომ თავად შენ დაეხმარო მას. თვითონ გააკეთა ყველაფერი, რაც კი შეეძლო, ექიმებმაც ყველაფერი იღონეს. შენ ახლა მოხვედი ჩემთან და მთხოვ, რომ მეც გავაკეთო ყველაფერი ის, რაც შემიძლია ანუ, ვილოცო, რომ ღმერთი დაეხმაროს. მაგრამ, შენ რა გააკეთე იმისათვის, რომ დახმარებოდი?!“„მე რისი გაკეთება შემიძლია, წმინდაო მამაო?“- გაუკვირდა მას.„თუ მოწევას თავს დაანებებ, შენი ცოლი გამოჯანმრთელდება“.ამ დროს ვფიქრობდი: თუკი ღმერთი დაინახავს, რომ მისი ცოლისთვის გამოჯანმრთელება სულიერად სასარგებლო ვერ იქნება და ამიტომ მას არ განკურნავს, ეს კაცი ხომ მაინც მიატოვებს მოწევას და ყველა იმ ბოროტებისაგან გათავისუფლდება, რაც თამბაქოს მოაქვს.გავიდა ერთი თვე და ეს ადამიანი ჩემთან გახარებული, მადლობის სათქმელად მოვიდა.„წმინდაო მამაო, მოწევა მივატოვე და ჩემი ცოლი გამოჯანმრთელდა“, - მახარა მან. ცოტა ხნის შემდეგ მან კვლავ მომნახა. ძალიან აღელვებული იყო და მიამბო, რომ ნელ-ნელა კვლავ დაიწყო მოწევა და ცოლი ისევ მძიმედ ჰყავდა ავად. მაშინ ვუთხარი: „ახლა უკვე თავად იცი წამალი, თავი ანებე მოწევას“.  

საზოგადოება • 1747422287

Exclusive: "ცრემლებით საუბრობს, რომ ბერი პაისის როლმა მისი ცხოვრება მთლიანად შეცვალა" - რას გვიყვებიან სერიალზე, რომელმაც ქართველი მაყურებლის გული დაიპყრო

უკვე რამდენიმე კვირაა ბერ პაისზე გადაღებულმა სერიალმა " წმინდა პაისი - ფარასადან ზეცაში" ქართველი მაყურებელი დაატყვევა. ახლა მეორე სეზონს ვუყურებთ და შეიძლება ითქვას, ამ წმინდანის ცხოვრებას მადლით ვეზიარებით. სერიალს ქართულად თარგმნის და მაყურებელს აწვდის საეკლესიო ფეისბუქ გვერდი სახელწოდებით "სარწმუნოება, ფოტო და ვიდეო არქივი". კერძოდ კი სამეგობრო სამეული - თამარ ბროლაძე, ნანა ბეჟანიშვილი და თამარ კიკალიშვილი...სამეგობრო საბერძნეთში შეიკრა. თამარ ბროლაძე და ნანა ბეჟანიშვილი თესალონიკში ქართულ სამრევლოს წირვებზე ქართულად გალობდნენ. გოგონები აწ განსვენებული მამა ნიკოლოზ მელიქიძის სულიერი შვილები გახლდნენ.ბერძნული სერიალის თარგმნის იდეა კი თამარ ბროლაძეს გაუჩნდა. შემდეგ მეგობრები აიყოლია და ჩვენი მამა გაბრიელის თანამედროვე ბერძენ წმინდა მამაზე გადაღებული ფილმი თარგმნეს.სერიალი ათონის მთის ვატოპედის მონასტრის წინამძღვრის, არქიმანდრიტ ეფრემ ვატოპედელის მხარდაჭერითაა გადაღებული. ის დაფუძნებულია რეალურ მონათხრობებსა და წიგნებზე. პირველ სეზონში ცხრა სერიაა, მეორეში - თორმეტი. ახლა ქართველი მაყურებელი მეორე სეზონის მესამე სერიას ელოდება. საბერძნეთში კი სერიალის ჩვენება ცოტა ხნის წინ დაასრულეს.ბერ პაისზე გადაღებული ამ ემოციური სურათის გასვლის შემდეგ, საბერძნეთში ტაძრები ახალგაზრდა მრევლის ახალი ნაკადით გავსებულა. შეგიძლიათ ნახოთ და გულგრილი ნამდვილად ვერ დარჩებით. მუსიკა აქვს საოცრად გულში ჩამწვდომი, გაგქცევს ზემოქმედების ქვეშ და შემდეგ აკვიატებულად სულ გაქვს ყურში ეს მელოდია.და მთავარი როლის შემსრულებელი გნუსხავს. ცხადია, ვისაც ასახიერებს, იმ უდიდეს წმინდანს მიუძღვის აქ "ბრალი", თუმცა დიდი ქარიზმა აქვს არტისტსაც. ეს არის კვიპროსელი მსახიობი პროკოპის აგათოკლეუსი...სხვა დანარჩენს "პრაიმტაიმს" სერიალის მთარგმნელი - თამარ ბროლაძე უყვება...თამარ ბროლაძე: - ახლახან გვქონდა სერიალის მეორე სეზონის პირველი სერიების პრეზენტაცია. არქიმანდრიტ იოვანე მჭედლიშვილის გვერდში დგომითა და დახმარებით, სამების ახალგაზრდულ ცენტრში გავუშვით ორი სერია. რამდენიმე დღე გავიდა და ახლაც მწერენ იმ ემოციებზე, რაც იქ მყოფთ დაეუფლათ. ძალიან ბედნიერი დღე იყო. რომ არა მამა იოვანე, ამ საღამოს ვერ გავაკეთებდით.გაგვიხარდა, რომ სპეციალური სტუმრის რანგში მამა თეოდორე გიგნაძე გვესტუმრა. მან თქვა, რომ მისი ცელქი სამი წლის შვილიშვილი სამ სერიას გაუნძრევლად უზის და უყურებს. თუ დაიკარგება და ვერ ვიპოვით, აღმოვაჩენთ, რომ სადღაც ოთახში ხელებ აპყრობილია და უფალოო, ლოცულობსო. მართლა ასეთი მადლიანი ფილმია. მის ნახვას უდიდესი მადლი სდევს, რასაც ყველა მაყურებელი განიცდის. ფილმის დიდი და კეთილი ნაყოფიდან გამომდინარე მამა თეოდორემ იმედი გამოთქვა, რომ ოდესმე ეს ფილმი საქართველოს ტელევიზიებითაც გავა. საბერძნეთში მცხოვრებმა ქართველმა ემიგრანტებმა დიდი სიყვარულით გამოგვიგზავნეს რახათ-ლუქუმები, რომ ზუსტად ბერი პაისის მსგავსად გავმასპინძლებოდით მოსულ სტუმრებს."ჯერ დატკბით, მერე მობრძანდით", ასე ეუბნებოდა ყველას. ჩვენგან თბილი ჟესტი იყო და გაგვიხარდა და სიმბოლურად ისე ვუმასპინძლეთ მოსულ ადამიანებს, როგორც ეს წმინდა მამა მასთან მისულთ.ყველას დავურიგეთ ბერი პაისი ხატები, რომელიც საბერძნეთიდან გამოგვიგზავნეს... ემოციური მუხტი იყო, ტიროდნენ... ფილმის დასრულების შემდეგ, ეს უცნობი ადამიანები ისე თბილად განვეწყეთ ერთმანეთის მიმართ, ვეხუტებოდით და ვეფერებოდით ერთმანეთს... ძალიან თბილი საღამო გამოვიდა. მინდა, რომ ეს სიყვარული იყოს ხალხში და მრევლში. კიდევ ერთხელ გავაკეთებთ მსგავს შეხვედრას სეზონის დასასრულს...ასეთი ღონისძიებების დაგეგმვა ხელს უწყობს მრევლის დაახლოებას, რათა ჩვენ შორის უფრო მეტად განმრავლდეს რწმენა და სიყვარული. ყველაფერი კი ასე დაიწყო:დაახლოებით ხუთი წლის წინ, ათონის მთის წინამძღვარმა ეფრემ ვატოპედელმა (იმ დროს საბერძნეთში სერიალის პირველი სეზონი გადიოდა), ინტერვიუში ასეთი რამ თქვა: ძალიან კარგი სერიალია, სულისთვის სასარგებლო, კარგი ნაყოფის მომცემიო. და გვირჩია აუდიტორიას - მაყურებელს, გადათარგმნეთ და თქვენს ენაზე უყურეთო.მახსოვს, ინტერნეტსივრცეში დავიწყე სერიალის ძებნა. ვერ ვიპოვე. გავიდა წლები და გადამავიწყდა. დაახლოებით ორი თვის წინ, ინტერნეტში, სრულიად შემთხვევით, ერთ-ერთ ბერძნულ გვერდზე ვნახე ამ ფილმის მეორე სეზონის ეპიზოდები. გამახსენდა, რომ ამ ფილმს ვეძებდი. თავიდან დავიწყე ძებნა და ვნახე, რომ უკვე ხელმისაწვდომი აღმოჩნდა.ფილმი რომ ვნახე გული ძალიან გამითბა. მივხვდი, რომ ის საოცრებაა.დავუკავშირდი მეგობრებს საბერძნეთში. ნანა და თამარი ახლაც იქ ცხოვრობენ. დიდი მასალა იყო გადასათარგმნი, მარტო ვერ შევძლებდი. გოგონები დამთანხმდნენ. და დავიწყეთ თარგმნა. პირველ ვერსიას თარგმნის ნანა ბეჟანიშვილი, შემდეგ თამარ კიკალიშვილი ამოწმებს და ბოლოს მე ვარგებ ტექსტს ქართულ ხასიათს და კონტექსტს, რა დროსაც ზოგჯერ მიწევს ზუსტი თარგმანის ზუსტად ქართული შესატყვისით შეცვლა.სხვათა შორის, ერთ-ერთი მთარგმნელის ცხოვრებაში ასეთი რამ მოხდა. ის ამბობს, ვიყავი დეპრესიულ განწყობაზე, წმინდა პაისის ხატის წინ ვტიროდი, დამეხმარე, რომ გავაკეთო რამე ღირებული, ჩემ ცხოვრებას აზრი რომ მიეცესო. მეორე დღეს მე დამირეკავს და ფილმის თარგმნა შემითავაზებია... დაფიქრების გარეშე რომ დამთანხმდა ძალიან გამიკვირდა. თითო სერიაზე მუშაობას დიდი დრო სჭირდება. თანაც მუშაობს, ძალიან დაკავებულია და ამდენად გაოცებული ვიყავი, რომ ასე სწრაფად დამიბრუნა დადებითი პასუხი. მან პირველი სეზონის ბოლოს გაგვიმხილა ეს ამბავი. ცრემლით აღიარა, ამ სერიალმა გადამარჩინა და სიხარული ვიგრძენიო... ერთად არაერთხელ ვართ სამივე ბერი პაისის საფლავზე მონალოცი. ცხადია, მაშინ ვერ წარმოგვედგინა, რომ ფილმს გადაიღებდნენ, ჩვენ კი მას ქართულად ვთარგმნიდით. ერთი სასწაული მაგონდება. ჩემმა მეუღლემ, ტურისტული ეგიდით, მომლოცველთა ჯგუფი ბერი პაისის საფლავზე ჩაიყვანა. იქ ერთ ქალბატონს მოუყოლია თავისი ისტორია: ამ ქალს ინფარქტისგან ყბა ჰქონდა დეფორმირებული. ჩასულა თესალონიკში დასთან სტუმრად, რომ იქაურ ექიმებთან მისულიყო. იმ ღამით უნახავს სიზმარი, მაგიდაზე ჭიქით წყალი და თეთრებში ჩაცმული თეთრ თმიან-წვერიანი კაცი, რომელსაც უთქვამს, თუ დალევ კარგად გახდებიო. მეორე დღეს დას მოსალოცად მიუყვანია ბერი პაისის საფლავზე. იქ მისულს დაუნახავს ზუსტად ის მაგიდა და ჭიქა წყალი, რაც სიზმრად ნახა. მაშინვე ავიღე ჭიქა და დავლიეო. ხატები რომ ვნახე, მივხვდი, რომ სიზმრად ნანახი თეთრ წვერიანი კაცი ბერი პაისი იყოო. იმ ღამით დაიძინა და მეორე დღეს კი, გამოჯანმრთელებულს გაუღვიძია...სერიალი ქართულად გაახმოვანა ალექსი მოსიაშვილმა, საეკლესიო გვერდის "ტკბილ ხარ შენ, უფალოს" ადმინისტრატორმა. იმდენად ნიჭიერია და ინტონაციით ისე ცვლის გმირების ხასიათებს, რომ ჰგონიათ სხვადასხვა ადამიანი ახმოვანებს.რაც შეეხება ბერი პაისის როლის შემსრულებელს. ის  პროკოპის აგათოკლეუსი გახლავთ. ბერძენია, კვიპროსელი. პროფესიონალი მსახიობია. როდესაც ამ როლზე მიიღო შეთავაზება, იმ დროს არ იყო მორწმუნე.მონაყოლი აქვს, სანამ ფილმზე მუშაობას დაიწყებდნენ, თერთმეტი თვე გაატარა ათონის მთაზე ისე, რომ სახლში არ დაბრუნებულა. ბერების ცხოვრებას ახლოდან გაეცნო. სურდა, რომ კარგად შეეგრძნო წმინდა მამის როლი. წვერი და თმა გაიზარდა და ზუსტად ბერების მსგავსად იცხოვრა.ამის შედეგ იმუშავა ფილმზე. მსახიობი ყველა ინტერვიუში ამბობს, რომ ბერი პაისის როლმა მისი ცხოვრება მთლიანად შეცვალა. გახდა გულჩვილი. ვიდეოები რომ ნახოთ, უცრემლოდ ვერ საუბრობს ამ როლზე, ყელში ბურთი ეჩხირება. ყველგან, ყველა ინტერვიუში, სადაც კი წმინდა ბერის როლზეა საუბარი, ისეთ ემოციებშია თვალზე ცრემლი არ უშრება.უხარია, რომ ამ დიდი საქმის მონაწილეა. სერიალი ზუსტად რეალურ ადგილებშია გადაღებული, სადაც კი ბერ პაისს უცხოვრია და უმოღვაწია. ძირითადად, გარე გადაღებები იყო და ამინდი რომ არ ყოფილა შესაბამისი, თურმე, გადაღებისას, მისტიკურად ზუსტად ის ამინდი გამოდიოდა, რაც სჭირდებოდათ. ამის მოწმე ყველა ვართო, ამბობს მსახიობი.ერთ სცენაში სინას მთაზე ბერი პაისი მლოცველ განდეგილ ბერს უყურებს. პროკოპი ჰყვება, ისეთი ქარიშხალი იყო, ერთი წამი ვერ გაჩერდებოდი, რომ გადაგვეღო განდეგილი ბერის როლში მყოფი მსახიობი, ქარიშხალი უკან აგდებდა. მერე ვილოცეთ და ბოლოჯერ ვცადეთ. უცებ ჩადგა ქარი, გადავიღეთ და დავასრულეთ თუ არა, ისევ ქარიშხალი ამოვარდაო.ბერ პაისს ჰყავდა მეგობარი გულწითელა ჩიტი, რომელსაც ოლეტი დაარქვა. პროკოპი იხსენებს, ათონის მთაზე გადაღებების დროს, როცა პრობლემები იჩენდა თავს, მოფრინდებოდა გულწითელა ჩიტი, ჩემთან ახლოს დაჯდებოდა და ჭიკჭიკებდაო. ამ დროს ენით აუწერელ სიხარულს ვგრძნობდით ყველაო. ჩიტის მოსვლით კი ზუსტად ვიცოდით, რომ პრობლემა მოგვარდებოდა და ჩვეულებრივ გავაგრძელებდით გადაღებასო. ბევრი სასწაული გადახდენიათ და ამას აღტაცებით ჰყვება ხოლმე ინტერვიუებში.საეკლესიო გვერდები "ტკბილ ხარ შენ, უფალო" და "სარწმუნოება ფოტო და ვიდეო არქივი", შემოწირულობებით პერიოდულად, ვეხმარებით ადამიანებს. მინდა გაცნობოთ, რომ ამ სერიალის თარგმნისთვის კეთილი ადამიანებისგან შემოსული თანხის დიდი ნაწილით ბევრ ადამიანს შევეწიეთ, დავეხმარეთ მრავალშვილიან დედებს, სოციალურად დაუცველ ოჯახებს, ასევე შ.შ.მ. პირებს. ჩვენმა მთარგმნელებმა თანხის 100 პროცენტი საქველმოქმედოდ გამოიყენეს. ამ საქმით უნდათ უანგაროდ ემსახურონ უფალს. მამა დავით ქვლივიძის საქველმოქმედო ფონდ "ივერონს" მინდა გვერდში დგომისა და მხარდაჭერისთვის დიდი მადლობა გადავუხადო. ასევე მადლობას ვუხდით ყველას, ვინც ამ პროექტს უჭერს მხარს...სერიალს ასი ათასობით ადამიანი უყურებს და გვიხარია, რომ ბევრისთვის საყვარელი ფილმი გახდა. გვწერენ, თუ როგორ შეიცვალა მათი ცხოვრება ამ სერიალის ნახვის შემდეგ. სერიალის ნახვა შეგიძლიათ ამ ბმულზე შესვლით.მინდა ქართველ წმინდანებზე გადავიღოთ ასეთი ხარისხის სურათი, ასეთი ქრისტიანული ხედვებით. ვიმედოვნებ, უფალი ინებებს და შევძლებთ.