თბილისის №198 საჯარო სკოლა სამწუხარო ინფორმაციას ავრცელებს

სსიპ ქალაქ თბილისის №198 საჯარო სკოლა სამწუხარო ინფორმაციას ავრცელებს.

„თბილისის №198 საჯარო სკოლა დიდი გულისტკივილით ემშვიდობება ჩვენი სკოლის მოსწავლეს - შალვა წიკლაურს. უმძიმესი და ტრაგიკულია მისი ამ ქვეყნიდან უდროოდ წასვლა.

სკოლის ადმინისტრაცია, სპეციალისტები, მასწავლებლები, ტექნიკური პერსონალი და მოსწავლეთა მშობლები ღრმა მწუხარებას გამოთქვამენ და გულწრფელად იზიარებენ შალვას მშობლებისა და ოჯახის ამ უდიდეს ტკივილს. შალვა მუდამ ჩვენს გულებში დარჩება. მისი ნათელი ხსოვნა მარადიულია“ - წერია გავრცელებულ ინფორმაციაში.