ნიკა მელია

ეკა სეფაშვილი: ელისაშვილის ეს ქმედება პირდაპირ ასახავს გლობალური ომის პარტიის ზრახვებს საქართველოში

პარტია „ხალხის ძალის“ საერთაშორისო ურთიერთობათა მდივანი ეკა სეფაშვილი ალეკო ელისაშვილის მიერ სასამართლოს კანცელარიის გადაწვის მცდელობას მედიასთან ეხმიანება.ან თვითონ მოიგონა, ან უცხოელმა დამკვეთებმა უთხრეს, რომ ხელისუფლება ძალისმიერი მეთოდებით შეიცვლებოდა საქართველოში, და სწორედ ამიტომ გაბედა ასეთი უმსგავსობის ჩადენა. აშკარად ელოდა რაღაც პოლიტიკურ დივიდენდებს - მაღალი თანამდებობის, გავლენების ან მსგავსის მიღებას, - განაცხადა ეკა სეფაშვილმა და განმარტა, რომ ალეკო ელისაშვილმა არ იცოდა ქართველი ხალხის დამოკიდებულება, რადგან ის მხოლოდ უცხოური ძალის წარმომადგენლებს ესაუბრებოდა. დეპუტატმა გამოთქვა ვარაუდი, რომ სწორედ უცხოურმა ძალებმა დააჯერეს და უბიძგეს ოპოზიციონერს ამ დანაშაულის, ჩადენა რაიმე პოლიტიკური დივიდენდის ან თანხის სანაცვლოდ.„ალეკო ელისაშვილი არ არის ისეთი სულელი, რომ ვერ აცნობიერებდეს, რა გააკეთა. ძალიან კარგადაც აცნობიერებს და, როგორც ჩანს, მას დააჯერეს გლობალური ომის პარტიიდან, რომ საქართველოში ხელისუფლების ძალისმიერი მეთოდებით შეცვლა შესაძლებელი იქნებოდა. აქ ერთი მნიშვნელოვანი მომენტია - ალეკო ელისაშვილს უბრალოდ არ აქვს წარმოდგენა, რა ხდება საქართველოში; არ იცნობს ქართველი მოსახლეობის და საზოგადოების რეალურ განწყობებს. ესეც გასაგებია, რადგან ერთადერთი, ვისთანაც საერთოდ საუბრობს, უცხოელი დამკვეთებია, და შესაბამისად არც იცის, რას ფიქრობს ხალხი.როგორც ჩანს, ან თვითონ მოიგონა, ან უცხოელმა დამკვეთებმა უთხრეს, რომ ხელისუფლება ძალისმიერი მეთოდებით შეიცვლებოდა საქართველოში, და სწორედ ამიტომ გაბედა ასეთი უმსგავსობის ჩადენა. აშკარად ელოდა რაღაც პოლიტიკურ დივიდენდებს - მაღალი თანამდებობის, გავლენების ან მსგავსის მიღებას. მას ნამდვილად სჯეროდა, რომ საქართველოში ძალადობრივი მეთოდებით ხელისუფლების შეცვლა შეიძლებოდა, და როგორც ჩანს, მას ეს დააჯერეს.მის ამ „დაჯერებას“ წინ უძღოდა არა მხოლოდ გლობალური ომის პარტიის რაღაც დაპირებები (ან შესაძლოა ფულიც გადაუხადეს, რადგან სხვანაირად შეუძლებელია ასეთ უგუნურ საქციელს საფუძველი ჰქონოდა), არამედ ევროკავშირის და სხვადასხვა დასავლელი პოლიტიკოსების მიერ წახალისებული ძალადობები. ყველაფერ ამას ის განგრძობითად ხედავდა, და ბუნებრივია, კიდევ უფრო უმტკიცდებოდა რწმენა, რომ მის ამ ქმედებას შესაბამისი რეაგირება არ მოჰყვებოდა.გავიხსენოთ ნიკა მელიას დაჭერის საქმე და სხვა შემთხვევები - როგორი ისტერია ჰქონდა კოლექტიურ, გლობალური ომის პარტიით მართულ დასავლეთს (მთელ დასავლეთს ერთი წყალი რომ არ გადავასხათ, გავმიჯნოთ). სწორედ ამიტომ, ელისაშვილის ეს ქმედება პირდაპირ ასახავს გლობალური ომის პარტიის ზრახვებს საქართველოში. ისინი მტკიცედ არიან დარწმუნებული, რომ მიზანს მიაღწევენ.მაგრამ ერთი ავიწყდებათ - ქართველი ხალხი, რომელიც საბოლოოდ წყვეტს, ვინ უნდა იყოს ხელისუფლებაში და ვინ მიიღებს მათ მხარდაჭერას“,- განაცხადა ეკა სეფაშვილმა.

პოლიტიკა • 1764184513

VIDEO: „რა ინტერვიუც მე მოვისმინე ნიკა მელიასი, ადრინდელი, რაღაც შემზარავი სიტყვებით იხსენიებს იქ სააკაშვილს და ძალიან გამიკვირდა…” - თაკო ჩარკვიანი

„რა ინტერვიუც მე მოვისმინე ნიკა მელიასი, ადრინდელი, რაღაც შემზარავი სიტყვებით იხსენიებს იქ სააკაშვილს და ძალიან გამიკვირდა…” - ამის შესახებ „კანონი და სამართალი“ ლიდერმა, თაკო ჩარკვიანმა გადაცემა „ვახო ხუზმიაშვილის თავისუფალ სივრცეში“ განაცხადა.

პოლიტიკა • 1764183369

VIDEO: „ზუსტად ნიკა მელია იყო ის მთავარი ფიგურა, რომელიც წინასწარ ეუბნებოდა, რომ მიშა შენი ჩამოსვლა დიდი ალბათობით დამთავრდება დაპატიმრებითო…“ - დავით ნებიერიძე

„ზუსტად ნიკა მელია იყო ის მთავარი ფიგურა, რომელიც წინასწარ ეუბნებოდა, რომ მიშა შენი ჩამოსვლა დიდი ალბათობით დამთავრდება დაპატიმრებითო…“, - ამის შესახებ კოალიცია „ცვლილებებისთვის” წევრმა, დავით ნებიერიძემ გადაცემა „ვახო ხუზმიაშვილის თავისუფალი სივრცეში“ განაცხადა.

პოლიტიკა • 1764160102

ნიკა მელია: პარტიების აკრძალვა არის ჩაკეტილობის და პარტიული ტყვეობისგან ხსნა, მოვიდა დრო დისიდენტობისა

პარტიების აკრძალვა არის ჩაკეტილობის და პარტიული ტყვეობისაგან ხსნა, იარსებებს ბევრი სხვადასხვა ზომის ჯგუფი, საკვანძო საკითხებში ერთმანეთთან კოორდინაციაში, – ამის შესახებ პარტია „ახალის“ ლიდერი, ნიკა მელია ციხიდან გამოგზავნილ წერილში წერს.მისივე თქმით, პარტიული პოლიტიკის დრო როდესაც დაბრუნდება, მაშინ შეეძლება ყველას, ერთმანეთი მრწამსობრივი თუ პრაქტიკული ღირებულებების მიხედვით მონახოს.„29 მაისს, სახლიდან, ბელინსკის ქუჩიდან ოთხ თანმხლებ პირთან ერთად გამოვედი, სულ ხუთნი; გამოვედით ორი მანქანით, ორივე მანქანაში დამონტაჟებული ოთხი ვიდეოკამერით, წავედით ტელევიზიისკენ, გადაცემაში მონაწილეობის მისაღებად, 20:30 საათია.20:50-ზე ლისის ტყესთან 40-მდე სხვადასხვა ზომისა და ფორმის დრაგუნი, ზოგი ტანხმელი და ზოგი ბიზონივით, მანქანებიდან გადმოცვივდა, თითქმის ყველა ხაფი ხმით ღრიალებდა. ოთხივე კამერა დალეწეს და ჩემთან ერთადვე გაიტაცეს. გამიტაცეს მიკროავტობუსით, არანაირი განმარტება, რატომ, რისთვის და ა.შ. მიმიყვანეს დიღმის სამმართველოში, შემჩურთეს მე-5 სართულის რომელიღაცა ოთახში.მომდევნო დღეს, დილით, ნების საწინააღმდეგოდ აღმოვჩნდი სასამართლოს შენობაში, დარბაზის ხის გალიაში. დარბაზში დამხვდა შავებში ჩაცმული შვანგირაძე, უკიდურესად არაინტელექტუალური გამოხედვით, ცივი იერით, მოსამართლე, რომელიც თითქოს სისხლის მიმოქცევის გარეშეც კი არის, პლასტმასის მულაჟი. შვანგირაძეს არ გამოუვლენია მინიმალური დაინტერესებაც კი, თუ როგორ აღმოვჩნდი გალიაში, ყასიდი ინტერესიც კი, თუ რა მოხდა ღამით. აი, ისეთ შთაბეჭდილებას ქმნიდა, თითქოს მასთან სამსახურში მისული, საექსკურსიო-შემეცნებითი ვიზიტით მისული ჯგუფის ნებაყოფლობითი წევრი გახლდით.ერთი სიტყვით, შელახული ღირსების აღდგენისა და დაცვის გამოსავალი, წყლის ძალაში ვნახე…ორი კვირის წინ, როგორც იქნა, გატაცების მიზეზი დაასახელეს და ეს ჩემივე მარჯვენა ხელის შუა თითი აღმოჩნდა, პოლიციელისთვის ნაჩვენები! ანუ, თითქოს მოძრავი მანქანიდან ვერაზე მანქანის შუშა ჩამოიწია და ჩემი შუა თითი აღიმართა. მათივე ვერსიით, ეს თითი, ეჭვმიუტანლად შუა იყო და არავითარ შემთხვევაში საჩვენებელი! მინდოდა, დეტალებში გცოდნოდათ ამ საქმეზე წელიწადნახევრიანი პატიმრობის საფუძველი.გუშინწინ კი მომეცა საუბრის შესაძლებლობა, თუმცა აქაც დავწერდი: პარადოქსია, მაგრამ პარტიების აკრძალვა არის ჩაკეტილობის და პარტიული ტყვეობისაგან ხსნაც კი. თუკი, რაიმე სიშლეგისთვის მადლობა ეთქმის რეჟიმს, ესაა! მოვიდა წინამორბედთა დრო – დრო დისიდენტობისა. დღეს კულტურული ადამიანი აღარ იფიქრებს, აღარც პარტიებზე და აღარც ფრაქციებზე. იარსებებს ბევრი სხვადასხვა ზომის ჯგუფი, საკვანძო საკითხებში ერთმანეთთან კოორდინაციაში! მოხერხდება საკვანძო საკითხებში ერთი ხაზის, ერთი ნების, ერთი დინამიზმის გამოვლენა.როდესაც კვლავ მოვა პარტიული პოლიტიკის დრო, მაშინ მონახოს ყველამ ერთმანეთი, მრწამსობრივი თუ პრაქტიკული ღირებულებების, ელექტორალური თუ პიროვნული ღირებულებების მიხედვით! ააგორეს ქვა, დაუგორდებათ ლოდი! დროებით“, – წერს ნიკა მელია.

სამართალი • 1764156323

მოსამართლისთვის წყლის შესხმის ფაქტზე ნიკა მელიას ერთი წლითა და ექვსი თვით თავისუფლების აღკვეთა შეეფარდა

თბილისის საქალაქო სასამართლომ „კოალიცია ცვლილებისთვის“ ლიდერი ნიკა მელია მოსამართლისთვის წყლის შესხმის ფაქტზე დამნაშავედ ცნო.მოსამართლე ელენე გოგუაძემ მას ერთი წლითა და ექვსი თვით თავისუფლების აღკვეთა შეუფარდა. სასამართლოს გადაწყვეტილებით, სასჯელის ათვლა 2025 წლის 20 ივნისიდან დაიწყება.ცნობისთვის, ნიკა მელია პოლიციამ 29 მაისს ადმინისტრაციული წესით დააკავა. მეორე დღეს კი, პარლამენტის დროებითი საგამოძიებო კომისიაზე გამოუცხადებლობის საქმეზე მისი სასამართლო პროცესი გაიმართა, სადაც აღკვეთის ღონისძიების სახით პატიმრობა შეეფარდა. მელიამ პროცესზე მოსამართლეს სიტყვით მიმართვისას წყალი შეასხა.

სამართალი • 1764131284

მოსამართლის შეურაცხყოფის საქმეზე ნიკა მელიას განაჩენი დღეს გახდება ცნობილი

სასამართლოს უპატივცემულობის, კერძოდ, მოსამართლის შეურაცხყოფის საქმეზე ნიკა მელიას განაჩენი დღეს გახდება ცნობილი. პროცესი თბილისის საქალაქო სასამართლოში 15:00 საათზეა დანიშნული.შეგახსენებთ, რომ მიმდინარე წლის 30 მაისს თბილისის საქალაქო სასამართლოს დარბაზში გამართულ წინასასამართლო სხდომაზე ბრალდებულმა ნიკანორ მელიამ საქმის განმხილველ მოსამართლეს ირაკლი შვანგირაძეს წყალი შეასხა, სხდომის დარბაზიდან გაძევების შემდგომ კი სიტყვიერი შეურაცხყოფა მიაყენა.

პოლიტიკა • 1764074351

მიხეილ სააკაშვილი ნიკა მელიას მიმართავს - ერთ ჰექტარზე კი არა, ერთი საკნის დაშორებით ვიმყოფებით საპყრობილის მესამე სართულზე და შეგვეძლო, გაგვერკვია ნებისმიერი გაუგებრობა

ჩემს 2 ნოემბრის პოსტში ნიკა მელია არც ნახსენებია და არც ნაგულისხმები, იქ არაფერია იმის მსგავსი, რაზეც ნიკა საუბრობს, არ ეწერა, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.მისი თქმით, ამ რთულ მომენტში დიდი შეცდომა იქნებოდა ერთმანეთზე თავდასხმა.„რაც შეეხება ნიკა მელიას განცხადებას, ჩემს 2 ნოემბრის პოსტში ის არც ნახსენებია და არც ნაგულისხმები, იქ არაფერი მსგავსი რაზეც ნიკა საუბრობს არ ეწერა. იგივე ეხება ჩემს მეორე მეგობარს, ნიკა გვარამიას. ძალიან ვაფასებ ორივე ნიკას მრავალწლიან ბრძოლას, რომლისთვისაც ფასი გადაიხადეს ორჯერადი პოლიტპატიმრობის სახით. ბოლოჯერ იმის გამო მოხვდნენ ციხეში, რომ ღალატის კომისიასთან დაკავშირებით დაიკავეს ღირსეული პოზიცია.წითელი ხაზი, ამ დროს როცა საერთო მტერია დასამარცხებელი არაფერ შუაშია, ზოგადად ამ რთულ მომენტში მხოლოდ უპირობო ერთიანობა გადაგვარჩენს და ნამდვილად დიდი შეცდომა იქნებოდა ერთმანეთზე თავდასხმა. ქვეყანაა გადასარჩენი და პირად ემოციებზე აყოლას და ეგოების შეჯიბრს, ამ კრიტიკულ მომენტში, ისტორია არ გვაპატიებს.ჩემი სამი კვირის წინანდელი პოსტი ეძღვნებოდა გილაურების კლანის ან ნებისმიერი სხვა სახის ივანიშვილთან დაკავშირებული „ბიზნესმენების“ პოლიტიკასთან არ მიშვებას და მე მყარად ვდგავარ ამ პოზიციაზე. გამარჯვების შემდეგ, უნდა მივიღოთ კანონი ოლიგარქების პოლიტიკაში არ დაშვების შესახებ (ასეთი მიღებული კანონის ერთ-ერთი თანაავტორი ვარ უკრაინაში). მთლიანობაში, კიდევ ერთხელ მინდა, გავუსვა ხაზი, რომ ერთიანობას უბრალოდ არ აქვს ალტერნატივა, ვარდების რევოლუციამ გაიმარჯვა სწორედ განსხვავებული ლიდერების ერთობით. კარგია, რომ პარტიების წარმომადგენლებმა ძალიან თავშეკავებული კომენტარი გააკეთეს ამ ამბავზე. ისე ჩემო ნიკა, ერთ ჰექტარზე კი არა, ერთი საკნის დაშორებით ვიმყოფებით, საპყრობილის მესამე სართულზე და შეგვეძლო, აქაც გაგვერკვია ნებისმიერი გაუგებრობა. თავისუფლება ნიკა მელიას და ყველა პოლიტპატიმარს“, – წერს მიხეილ სააკაშვილი.ცნობითვის, „კოალიცია ცვლილებისთვის“ წევრმა, ნიკა მელიამ სასამართლო სხდომაზე განაცხადა: „თავისუფალ ცურვაში უნდა გადავეშვათ ყველა პოლიტიკოსი, ერთ-ერთმა პოლიტიკოსმა ივანიშვილზე გაყიდული და გარიგებული მიწოდა, ასეთ ადამიანებთან ერთ სივრცეში ვერ ვიქნები“. მელია ერთ-ერთ პოლიტიკოსში მიხეილ სააკაშვილს გულისხმობდა.

პოლიტიკა • 1764061057

თამარ ჩერგოლეიშვილი: 23 ნოემბერს სააკაშვილის ციხესთან 20 „ნაცი“ იდგა, ილუზიებში აცხოვრებენ იმ უბედურს

20 „ნაცი“ იდგა სააკაშვილის ციხესთან 23 ნოემბერს, მართლა 20 კაცი იდგა, ილუზიებში აცხოვრებენ იმ უბედურს, – ამის შესახებ პარტია „ფედერალისტების“ ლიდერი თამარ ჩერგოლეიშვილი სოციალურ ქსელში წერს.მისი თქმით, პეტრე ცისკარიშვილს სააკაშვილზე პარაზიტირება უნდა და, რომ უთხრას, ხალხი აღარ გყავსო, ის შერისხავს.„მართლა 20 კაცი იდგა. აი, მართლა! მართლა! პეტრეს მიშაზე პარაზიტირება უნდა და, რომ უთხრას, ხალხი აღარ გყავსო, ის შერისხავს. ასე ჩამოათრიეს აქ და ჩააგდეს ბიძინას დილეგში, ატყუებდნენ, რომ 100 ათასი ქართველი ხმალს იშიშვლებს მის გამო. სიმართლე რომ ეთქვათ, მისით ვეღარ ისარგებლებდნენ“, – წერს თამარ ჩერგოლეიშვილი.ცნობითვის, „კოალიცია ცვლილებისთვის“ წევრმა, ნიკა მელიამ სასამართლო სხდომაზე განაცხადა: „თავისუფალ ცურვაში უნდა გადავეშვათ ყველა პოლიტიკოსი, ერთ-ერთმა პოლიტიკოსმა ივანიშვილზე გაყიდული და გარიგებული მიწოდა, ასეთ ადამიანებთან ერთ სივრცეში ვერ ვიქნები“. მელია ერთ-ერთ პოლიტიკოსში მიხეილ სააკაშვილს გულისხმობდა.„ნაციონალური მოძრაობის“ წევრის, პეტრე ცისკარიშვილის განცხადებით, ნებისმიერ ფორმატში, ნებისმიერ მომავალ, თავისუფალ, თუნდაც სამართლიან საარჩევნო გარემოში სააკაშვილი ითამაშებს საკვანძო როლს.

პოლიტიკა • 1764060940

შალვა პაპუაშვილი: დემოკრატიის მტრების ადგილი პოლიტიკაში არ არის, მათ საშუალება არ უნდა ჰქონდეთ, რომ ისარგებლონ დემოკრატიული ინსტიტუტებით

მას შემდეგ, რაც 4 ოქტომბრის დამხობის გეგმა ჩაიშალა, დამხობის რაღაც ახალ გეგმას მოიფიქრებენ, ჩვენი პასუხია საკონსტიტუციო სარჩელია, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.მისი თქმით, ნიკა მელიაც ანტიკონსტიტუციური პარტიის წარმომადგენელია.„იმედი გვაქვს, რომ საკონსტიტუციო სასამართლო სარჩელს გაიზიარებს. დემოკრატიის მტრების ადგილი პოლიტიკაში არ არის, დემოკრატიის მტრებს საშუალება არ უნდა ჰქონდეთ, რომ ისარგებლონ დემოკრატიული ინსტიტუტებით. რადიკალებს სამართლებრივი პასუხი გაეცემათ. რაც ოპოზიციაში ხდება, ამაზეა ქართული გამონათქვამი – ყვავმა ყვავს უთხრა, შენ ჩემზე შავოო“, – განაცხადა პაპუაშვილმა.

პოლიტიკა • 1764057716

პეტრე ცისკარიშვილი: „კოალიცია ცვლილებისთვის“ ჩვენ წინააღმდეგ მუშაობდა, ჩვენი კონკურენტი იყო, ეს პოლიტიკური ძალა ასუსტებდა „ნაციონალურ მოძრაობას“

ოპოზიციურ გაერთიანებაში სააკაშვილი ითამაშებს უმთავრეს როლს მას შემდეგ, რაც ის იქნება საქართველოში და თავისუფლებაზე, – ამის შესახებ „ნაციონალური მოძრაობის“ წევრმა, პეტრე ცისკარიშვილმა განაცხადა, რითაც კოალიცია „ცვლილებისთვის“ წევრის, ნიკა მელიას განცხადებას გამოეხმაურა.მისივე თქმით, ნებისმიერ ფორმატში სააკაშვილი საკვანძო როლს ითამაშებს.„ნებისმიერ ფორმატში, ნებისმიერ მომავალ, თავისუფალ, თუნდაც სამართლიან საარჩევნო გარემოში სააკაშვილი ითამაშებს საკვანძო როლს. დრო გვიჩვენებს, ჩვენ უნდა გვქონდეს შესაბამისი არენა, რათა პოლიტიკური აქტიურობა სხვა ეტაპზე გადავიდეს. სწორედ ამ არენაზე გასასვლელად, მოსამზადებელი სამუშაოების დროს გვეცოდინება, რა ფორმატით, ვისთან, როგორ, ვინ თანამშრომლობს“, – განაცხადა პეტრე ცისკარიშვილმა.კითხვაზე, როდის იქნება ეს ყველაფერი, ცისკარიშვილმა უპასუხა: „ამას დრო გვიჩვენებს, შეიძლება, რამდენიმე კვირაში, შეიძლება, რამდენიმე თვეში“.ამასთან, როგორც ცისკარიშვილმა აღნიშნა, გასულ წელს, არჩევნებისას „კოალიცია ცვლილებისთვის“ „ნაციონალური მოძრაობის“ წინააღმდეგ მუშაობდა.„გასულ წელს ჩვენ წინააღმდეგ მუშაობდა, ჩვენი კონკურენტი იყო ამ არჩევნებში, „ნაციონალურ მოძრაობას“ ასუსტებდა ეს პოლიტიკური ძალა. აქედან გამომდინარე, ბიძინა ივანიშვილს ძალიან უხაროდა, რომ ბევრი ოპოზიციური მოთამაშეა ველზე. რა თქმა უნდა, ჩვენი მიზანი იყო ოპოზიციის გაერთიანება იმ მომენტისთვის, 2024-ის საპარლამენტო არჩევნებისთვის, რომ ამომრჩეველს ჰქონოდა არჩევანის საშუალება ერთი-ერთზე, დასავლეთსა და რუსეთს შორის. ჩვენ ვიყავით ერთიანი სიის მომხრე. იქიდან გამომდინარე, რომ ბევრი ჩვენი ოპოზიციონერი კოლეგა ამ ნაბიჯზე არ წამოვიდა, ამაზე არ დაგვთანხმდა, მოცემულობა შეიქმნა, რომ ყველამ ცალ-ცალკე ვიასპარეზეთ, რამაც ბიძინა ივანიშვილის ამოცანებს ხელი შეუწყო“, – განაცხადა პეტრე ცისკარიშვილმა.ცნობითვის, „კოალიცია ცვლილებისთვის“ წევრმა, ნიკა მელიამ სასამართლო სხდომაზე განაცხადა: „თავისუფალ ცურვაში უნდა გადავეშვათ ყველა პოლიტიკოსი, ერთ-ერთმა პოლიტიკოსმა ივანიშვილზე გაყიდული და გარიგებული მიწოდა, ასეთ ადამიანებთან ერთ სივრცეში ვერ ვიქნები“. მელია ერთ-ერთ პოლიტიკოსში მიხეილ სააკაშვილს გულისხმობდა.

სამართალი • 1762772408

სასამართლომ, ნიკა მელია, ლისის ტბასთან ადმინისტრაციული წესით დაკავების საქმეზე, 5 000 ლარით დააჯარიმა

თბილისის საქალაქო სასამართლომ ნიკა მელია ადმინისტრაციულ სამართალდამრღვევად ცნო და 5 000-ლარიანი ჯარიმა დააკისრა. დღევანდელ სხდომას მელიაც ესწრებოდა, რომელსაც პოლიციისთვის შეურაცხყოფის მიყენებას ედავებიან.შსს-ს ინფორმაციით, პოლიტიკოსი ლისის ტბის ასახვევთან ადმინისტრაციულ სამართალდარღვევათა კოდექსის 173-ე მუხლის საფუძველზე მაისში დააკავეს, რაც სამართალდამცავი ორგანოს თანამშრომლის სიტყვიერ შეურაცხყოფას ან სხვაგვარი შეურაცხმყოფელი ქმედების განხორციელებას გულისხმობს.

პოლიტიკა • 1762614734

"საზოგადოებისთვის ამ ადამიანთა საქმიანობა, როგორც საბოტაჟის და ქვეყნის წინააღმდეგ საქმიანობა, ისედაც კარგად ცნობილია" - დავით მათიკაშვილი

მილიონ-მილიონიანი გირაო სახელმწიფოს წინააღმდეგ ჩადენილ დანაშაულებში ბრალდებულ მამუკა ხაზარაძესა და ბადრი ჯაფარიძეს. დანარჩენი ბრალდებულების მიმართ კი წინასასამართლო სხდომის თარიღად 25-ი დეკემბერი განისაზღვრა. 8 ოპოზიციონერი პოლიტიკოსის საქმეზე პროცესი საქალაქო სასამართლოში გვიან ღამით დასრულდა.მრავალტომიან საქმის მასალებში არსებულ მტკიცებულებებში აუდიო ჩანაწერებიც დევს.დაწყებულ გამოძიებას დევნად და ზეწოლად აფასებენ ოპოზიციაში. "ქართულ ოცნებაში" კი ამბობენ, რომ ბრალდებები მტკიცებულებებით არის გაჯერებული, რითიც კიდევ ერთხელ დასტურდება რომ ოპოზიციის გეგმა და მიზანი ქართველების დასანქცირება და ქვეყანაში არეულობის მოწყობა იყო."ის, რომ ეს ადამიანები, ე.წ. პოლიტიკოსები, სინამდვილეში კი რადიკალური და რეაქციული, ანტიქართული აგენტურული ძალების წარმომადგენლები წლების განმავლობაში საბოტაჟს უწყობდნენ თავის ქვეყანას, უცხო ძალებს აწვდიდნენ ინფორმაციას, ხდებოდა პირდაპირ სააშკარაოზე იმის თქმა, რომ მათ სურთ საქართველო ჩართონ სხვადასხვა რთულ და ჩვენი ქვეყნისთვის შესაძლოა დაუძლეველ პრობლემატიკაში, ეს ყველაფერი ჩვენმა ქვეყანამ კარგად იცის. ამიტომ, ბუნებრივია, დაველოდებით გამოძიებას, თუმცა, საზოგადოებისთვის ამ ადამიანთა საქმიანობა, როგორც საბოტაჟის და ქვეყნის წინააღმდეგ საქმიანობა, ისედაც კარგად ცნობილია,"- განაცხადა საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა.ცნობისთვის, საბოტაჟის, უცხო ქვეყნისათვის მტრულ საქმიანობაში დახმარების, საქართველოს კონსტიტუციური წყობილების და ეროვნული უშიშროების საფუძვლების წინააღმდეგ მიმართული საქმიანობის დაფინანსების, ასევე საქართველოს კონსტიტუციური წყობილების ძალადობით შეცვლისკენ, ან სახელმწიფოს ხელისუფლების დამხობისკენ მოწოდების საქმეზე გენერალურმა პროკურატურამ ბრალი მიხეილ სააკაშვილს, გიორგი ვაშაძეს, ნიკა გვარამიას, ნიკა მელიას, მამუკა ხაზარაძეს, ბადრი ჯაფარიძეს, ზურაბ ჯაფარიძესა და ელენე ხოშტარიას წარუდგინა.