ნაციონალურ მოძრაობას

კახა კალაძე: ნებისმიერ ადამიანს შეიძლება ცხოვრებაში შეეშალოს, მაგრამ ნებისმიერი განსაცდელი უნდა მიიღო კაცურად და ადამიანურად

ძალიან რთულია და მიჭირს, არ მსიამოვნებს საუბარი, როდესაც ყოფილ თანაგუნდელს ეხება. ყოფილი თანაგუნდელი, რომელსაც აღიარებული აქვს ის ბრალი, რაც წაუყენეს და ამისთვის იხდის სასჯელს. შემდეგ გაკეთებული განცხადებები, რომელსაც არანაირი საფუძველი არ გააჩნია - ეს არის ჩემთვის ჩვეულებრივი პოლიტიკური სპეკულაციამ, - განაცხადა ქალაქ თბილისის მერმა, კახა კალაძემ, ირაკლი ღარიბაშვილის მიერ გავრცელებულ წერილებზე საუბრისას.მისი თქმით, მძიმე სანახავია, როდესაც ყოფილი პრემიერ-მინისტრი და მმართველი გუნდის ერთ-ერთი ყოფილი ლიდერი, "ნაციონალურ მოძრაობასთან" ერთ ხმაში საუბრობს.„იგივე კონკრეტული ფაქტი, რომელიც არის დადასტურებული, სამწუხაროდ, სუიციდი - ამ ფაქტით სპეკულირება კატეგორიულად მიუღებელია. კიდევ ერთხელ ვიმეორებ, კიდევ ერთხელ, ადამიანურად ვამბობ: ნებისმიერ ადამიანს შეიძლება ცხოვრებაში შეეშალოს, მაგრამ ნებისმიერი განსაცდელი უნდა მიიღო კაცურად და ადამიანურად.შესაბამისად, ამ ტიპის განცხადებები, როდესაც ერთხმად ლაპარაკობს ირაკლი ღარიბაშვილი - კიდევ ერთხელ, მიჭირს ამაზე საუბარი, ქვეყნის ყოფილი პრემიერ-მინისტრი და ჩვენი გუნდის ერთ-ერთი ლიდერი იყო - ერთხმად ლაპარაკობს ღარიბაშვილი და „ნაციონალური მოძრაობა“ და ქვეყნის მტრები, ძალიან მძიმე სანახავია ეს ყველაფერი“, - აღნიშნა კალაძემ ჟურნალისტებთან საუბრისას.

პოლიტიკა • 1788340858

მიმდინარეობს კოორდინირებული კამპანია იმისთვის, რომ საქართველომ საკუთარი ტერიტორიები რუსეთს ჩააბაროს და ტერიტორიულ მთლიანობაზე უარი თქვას - შალვა პაპუაშვილი

"ჩვენ ბოლო პერიოდში ვხედავთ კამპანიას, რომელიც მიმართულია ჩვენი ქვეყნის ტერიტორიული მთლიანობის წინააღმდეგ," - განაცხადა საქართველოს პარლამენტის თავმჯდომარემ, შალვა პაპუაშვილმა მედიასთან საუბრისას.მისივე თქმით, გიორგი ბარამიძის, მიხეილ სააკაშვილისა და ნიკა გვარამიას განცხადებები ნიშანია კოორდინირებული კამპანიისა, რომლის მიზანია რუსეთისთვის საქართველოს ტერიტორიების ჩაბარება."ეს ძალიან ნიშანდობლივია, ჩვენ ბოლო პერიოდში ვხედავთ კამპანიას, რომელიც მიმართული არის ჩვენი ქვეყნის ტერიტორიული მთლიანობის წინააღმდეგ, ამას მინდა ხაზი გავუსვა. ეს დაიწყო ჯერ დაიწყო ბარამიძის განცხადებით, რომელმაც ომის დანაშაულები დააბრალა საქართველოს და ქართველ ჯარისკაცებს, ოთხმოცდაათიან წლებში მიმდინარე დაპირისპირებისას, შემდეგ გვარამიამ, რომელმაც ისტორიული ტრავმა უწოდა, რომლისგანაც საჭიროა გათავისუფლება და, რატომღაც, პარალელები გაავლო სომხეთთან და თქვა, რომ მისი შეფასებით, როგორც სომხეთი ყარაბაღის ტრავმისგან გათავისუფლდა და პერსპექტივები გაეხსნა, ასე უნდა გავთავისუფლდეთ ჩვენ ამ ტრავმისგან. პირდაპირ გამოჩნდა, თუ რა ხედვა აქვთ მათ ქვეყნის მთლიანობასთან დაკავშირებით.ეს გაგრძელებაა იმ ხაზის, რომელიც ზოგადად, კოლექტიურ "ნაციონალურ მოძრაობას" ყოველთვის ჰქონდა, მათ შორის, ხელისუფლების ყოფნის დროს. გაგრძელება იმისა, როცა სააკაშვილი ამბობს, რომ აფხაზებს ვეზიზღებით და მას არაფერი ეშველება, ის რომ შერიგების პოლიტიკას აზრი არ აქვს, ბოკერიას განცხადება, რომ შერიგების პოლიტიკა არის ფუჭი, გვარამიას განცხადება, რომ ეს არის ტრავმა და ეს ტრავმა ბლოკავს ჩვენს განვითარებას და უნდა მოვიცილოთ და წინ გავიხედოთ, მისი გადმოსახედიდან. ეს ყველაფერი აჩვენებს, რომ ეს არის კოორდინირებული კამპანია იმისთვის, რომ საქართველომ ჩააბაროს საკუთარი ტერიტორიები რუსეთს და უარი თქვას საკუთარ ტერიტორიულ მთლიანობაზე და საკუთარი ქვეყნის გამთლიანებაზე," - აცხადებს შალვა პაპუაშვილი.

პოლიტიკა • 1788337418

გიორგი შარაშიძე: ღარიბაშვილს თუ ჰგონია, „ჩაშვებების“ სერიით, რომელიც მან დაიწყო, სამართლიანი სასამართლოს გადაწყვეტილებას გადაურჩება, ძალიან ცდება

ირაკლი ღარიბაშვილის წერილი კიდევ ერთხელ ადასტურებს, როგორ ბინძურ, მოღალატე, კორუმპირებულ და ყველაფრის მკადრებელ პარტიად ჩამოყალიბდა „ქართლი ოცნება“, რომელიც ხელისუფლებაში ქართველი ხალხის უმრავლესობით მოვიდა, – ამის შესახებ პარტიის „გახარია საქართველოსთვის“ წევრმა, დეპუტატმა გიორგი შარაშიძემ განაცხადა.მისი თქმით, მოღალატეობრივ ქმედებებს ადგილი განსაკუთრებით ბოლო ექვსი წლის მანძილზე ჰქონდა.„ღარიბაშვილს თუ ჰგონია, ამ „ჩაშვებების“ სერიით, რომელიც მან დაიწყო, სამართლიანი სასამართლოს გადაწყვეტილებას გადაურჩება, ძალიან ცდება. მთავარი ისაა, რომ არა მხოლოდ ღარიბაშვილი, არამედ მდინარაძე და კობახიძე მათ მიერ ჩადენილი უამრავი დანაშაულის გამო მკაცრად იქნებიან გასამართლებული და დასჯილი, ეს დღეს იქნება თუ ხვალ, ამ ხელისუფლების, თუ ახალი ხელისუფლების პირობებში. მათ მკაცრი სასჯელი ქართველი ხალხისგან და მათ მიერ არჩეული ხელისუფლებისგან ელით, ამ სასჯელისთვის სამივე უნდა მოემზადონ“, – განაცხადა გიორგი შარაშიძემ.მისი თქმით, იმ პარტიისგან, სადაც ამდენი აგენტი და ამდენი ყოფილი „ნაცია“, საერთოდ რა მოლოდინი უნდა ყოფილიყო.„რაც შეეხება „ოცნებაში“ დარჩენილი სხვა წევრები ძალიან ცდებიან, თუ ჰგონიათ, ქართველი ხალხი ვერ ხვდება, რომ იქ ანგელოზი არავინაა – როდესაც მათი ლიდერები ასეთი დამნაშავეები არიან თავად რით განსხვავდებიან. იმ პარტიისგან, სადაც ამდენი აგენტი და ამდენი ყოფილი „ნაცია“, საერთოდ რა მოლოდინი უნდა გვქონოდა? ეს ის სამწუხარო რეალობაა, რასაც ღარიბაშვილის მიერ დაწყებული ჩაშვებების და დასმენების ახალი სერიებით ვხედავთ. რაც შეეხება თვითმკვლელობებს, რა თქმა უნდა, ამას თავისუფალი და სამართლიანი გამოძიება სჭირდება. ერთადერთი, რაც შემიძლია, თვითმკვლელობების შესახებ გითხრათ, ეს კიდევ ერთხელ ადასტურებს, რომ „ნაცები“ და „ოცნება“ არა თუ არაფრით განსხვავდებიან, ერთმანეთზე უარესები არიან. კარგად გვახსოვს „ნაციონალური მოძრაობის“ დროს მომხდარი არაერთი თვითმკვლელობა თუ მკვლელობა, ამ სიას ემატება „ოცნების“ პერიოდში ასევე გამოუძიებელი და ბურუსით მოცული თვითმკვლელობები. სამწუხარო რეალობაა, ბევრ რამეში „ნაციონალური მოძრაობის“ ხელწერას როგორ აგრძელებს „ოცნება“. „ოცნებას“ და „ნაციონალურ მოძრაობას“ შორის უკვე არანაირი სხვაობა არ არის და ისინი ერთმანეთზე უარესები არიან, სამწუხაროდ, ეს თვითმკვლელობებიც არ არის გასაკვირი. რა გზასაც ადგა და რა ხელწერაც ჰქონდა „ნაციონალურ მოძრაობას“, იმავეს „ოცნება“ აგრძელებს“, – განაცხადა გიორგი შარაშიძემ.

პოლიტიკა • 1788335824

გიორგი შარაშიძე: „ოცნება“ „ნაციონალურ მოძრაობასა“ და სააკაშვილზე დგას, სააკაშვილს ჭკუა თუ აქვს, ხანდახან უნდა გაჩერდეს ან ისეთი რაღაც არ ილაპარაკოს, რაც ისევ „ოცნებას“ აძლიერებს

„ოცნება“ დღეს „ნაციონალურ მოძრაობასა“ და სააკაშვილზე დგას, – ამის შესახებ პარტიის „გახარია საქართველოსთვის“ წევრმა, დეპუტატმა გიორგი შარაშიძემ განაცხადა.მისი თქმით, ეს კიდევ ერთი დასტურია, მიხეილ სააკაშვილი როგორ აძლევს საბაბს „ოცნებას“, მისი წერილები საკუთარი პროპაგანდის გასაძლიერებლად გამოიყენოს.„სამწუხარო რეალობაა, რაშიც ვართ. რა თქმა უნდა, ნდობის აღდგენა მნიშვნელოვანია და თუ სააკაშვილი ამას კითხვის ნიშნის ქვეშ აყენებს, ის ამით ხელისუფლების პროპაგანდას აძლიერებს. ეს პირველი შემთხვევა არ არის და სამწუხარო რეალობაა. რა თქმა უნდა, სააკაშვილს არ ვეთანხმები. გარდა იმისა, რომ ჩვენი ტერიტორიული მთლიანობის აღდგენის საკითხი გადის საქართველოს დემოკრატიულ განვითარებასა და ევროპულ მომავალზე, ასევე ნდობის აღდგენაზე გადის. ის, რომ ბევრი ჭრილობა და ტკივილია, ეს ვიცით. მორიგ ჯერზე ამ ტკივილის გახსენება საჭირო არ არის. სჯობს, ვისაუბროთ იმაზე, როგორ შევძლოთ საქართველოს ტერიტორიული მთლიანობის აღდგენა მშვიდობიანი გზებით. „ოცნება“ ქართველ ხალხს ფსევდო პატროტულ ნარატივს სთავაზობს და ხალხს ცდილობს დაანახოს, როგორი ცუდია „ნაცმოძრაობა“ და კარგია თავად. სააკაშვილს თუ ჭკუა აქვს, უნდა გაჩერდეს, ხანდახან ან ისეთი რაღაც არ ილაპარაკოს, რაც შემდეგ ისევ „ოცნებას“ აძლიერებს“, – განაცხადა გიორგი შარაშიძემ.

პოლიტიკა • 1787500043

მიხეილ სააკაშვილი არავის არ უპირისპირდება, საუბრობს მხოლოდ ფაქტებზე - ლაშა ფარულავა

პოლიტიკა • 1787494420

დავით მათიკაშვილი ოპოზიციის დაპირისპირებაზე: საბოლოო დაპირისპირება და სახის დაკარგვა... აი, ასე დავარქვათ ამ მოვლენებს - რასაც ერთმანეთს ეძახიან, სიმართლეა და ეს საზოგადოებამ კარგად იცის

ოპოზიციაში დაპირისპირება კიდევ უფრო მწვავდება. "მანიპულატორი ნარცისი, რომელიც ოპოზიციური ფლანგის მოსანელებლად იბრძვის" - თამარ ჩერგოლეიშვილი მიხეილ სააკაშვილს მორიგ პოსტს უძღვნის.ფედერალისტების ლიდერი აცხადებს, რომ სააკაშვილი კოალიცია „ახალს“ ოპოზიციურ ველზე დაკარგული დომინაციის დასაბრუნებლად ურტყამს, თუმცა მსჯავრდებული პრეზიდენტის ეს მცდელობები მარცხისთვისაა განწირული.რაც შეეხება "ნაციონალურ მოძრაობას", აქ დანარჩენ ოპოზიციას კვლავ ფინანსური მოგების სანაცვლოდ ინტერესების დათმობაში ადანაშაულებენ და აცხადებენ, რომ სააკაშვილი ფაქტებით საუბრობს.მმართველი გუნდისთვის კი, ოპოზიციაში არსებული დაუსრულებელი დაპირისპირება თვითლუსტრაციის კიდევე ერთი მაგალითია."საბოლოო დაპირისპირება და სახის დაკარგვა, აი, ასე დავარქვათ ამ მოვლენებს. საზოგადოების წინაშე რეალური მათი მოცემულობის ჩვენება, კიდევ ერთხელ იძლევა იმის საფუძველს, პირდაპირ და არაორაზროვნად ვთქვათ, თუ რა მოღალატეობრივ და ანტისახელმწიფოებრივ ძალებთან გვაქვს საქმე, როდესაც "ნაცმოძრაობას" და მათ გარშემო არსებულ შვილობილ პარტიებზეა საუბარი. ახლა ისინი პრაქტიკულად სიმართლეს ლაპარაკობენ. ის, რასაც ერთმანეთს ეძახიან, სიმართლეა, ეს საზოგადოებამ კარგად იცის. ერთის მხრივ, ტელევიზიების ქურდი, მეორეს მხრივ, ყოფილი პრეზიდენტი, რომელმაც საკუთარი დანაშაულით ქვეყანა გაწირა, ქვეყანა უბედურ დღეში ჩააგდო, ხოცა ახალგაზრდები ქუჩაში და ასე შემდეგ... და ამ ყველაფრის ფონზე, კიდევ ერთი რეალური და თვალსაჩინო, მკაფიო სურათი, რომელიც მათ დადეს საზოგადოების წინაშე, ჩვენს ხალხს, საქართველოს, კიდევ უფრო მეტად არწმუნებს, თუ რატომ არ შეიძლება მეხუთე კოლონის და მოღალატეობრივი აგენტურული ოპოზიციის მიშვება ხელისუფლებასთან", - განაცხადა დავით მათიკაშვილმა.

პოლიტიკა • 1787316697

თურმე, სცოდნიათ მშვენივრად, რეალობა რა იყო - სცოდნიათ, რომ გვარამია ძარცვავდა „რუსთავი2-ს“ - ირაკლი ზარქუა

ოპოზიციაში დაპირისპირებას მმართველ გუნდში ეხმაურებიან. "ნაციონალურ მოძრაობასა" და კოალიცია „ცვლილებების" წევრებს შორის ერთმანეთის მისამართით ღია ბრალდებები ისმის.პარლამენტის დიასპორის კომიტეტის თავმჯდომარე, ირაკლი ზარქუა აცხადებს, რომ ისინი საქართველოს წინააღმდეგ ბრძოლაში არიან გასვრილი.„ჩვენ ხომ ვამბობდით არა, რომ მაშინ, როდესაც "რუსთავი 2" ამ აგენტურას ჰქონდა წართმეული და ბობოქრობდა იქ გვარამია, ჩვენ ხომ ვამბობდით, რომ ამ კაცს სხვა ამოცანები აქვს? ჩვენ ხომ ვამბობდით, რომ ის არის მიტაცებული, რომ იქ ის ბრალი, რაც წაუყენეს, რომ თანხები ჰქონდა მიტაცებული, გაფლანგული და რასაც ედავებოდა "რუსთავი 2-ის" კანონიერი პატრონი. თურმე, სცოდნიათ მშვენივრად, რეალობა რა იყო, თურმე სცოდნიათ, რომ გვარამია ძარცვავდა "რუსთავი 2-ს". თურმე სცოდნიათ, რომ იმ "მთავარზე", როცა ოპერატორებს, რიგით ოპერატორებს ხელფასი არ ჰქონდათ,თურმე 80 ათას ლარს იღებდა თვეში გვარამია. მშვენივრად სცოდნიათ, ხმას რატომ არ იღებდნენ მაშინ? მაშინ არ აწყობდათ, ახლა აწყობთ? და გვარამია ახლა რომ ჰყვება, თურმე სააკაშვილი რას წარმოადგენს და მასთან ერთად დამარცხების ფორმულა არისო, რომ იძახის მაშინ რა, არ იცოდა? ამას ხომ ვამბობდით ჩვენ, რომ ესენი არიან კოლექტიური ნაცმოძრაობა, ყველა გასვრილი ამ უბედურებაში, საქართველოს წინააღმდეგ ბრძოლაში", - აცხადებს ირაკლი ზარქუა."40 მილიონი რომ მქონდეს, სააკაშვილის პარტიაში 40 კაცი აღარ იქნება," - დაწერა გვარამიამ. პასუხად, ანა წითლიძემ "ახალის" ლიდერს წარსული შეახსენა - "ადამიანი, რომელმაც ჯერ "რუსთავი 2", მერე "მთავარი არხი" და შემდეგ "ნაციონალური მოძრაობა" გაძარცვა", - წერს წითლიძე სოციალურ ქსელში. მიხეილ სააკაშვილი კი დამარცხების რეპეტიციაზე საუბრობს, გვარამიას ე.წ. ოპოზიციას უწოდებს და ამბობს, რომ მასთან ერთად ბრძოლაში შესვლა საშიშია.

პოლიტიკა • 1787315400

ნაციონალური მოძრაობა არ იყიდება - გიორგი კაპანაძე

დაპირისპირება მიხეილ სააკაშვილსა და ნიკა გვარამიას შორის კიდევ უფრო მწვავდება. მოსყიდულები, ბინძური ტყუილები, მითვისებული მილიონები და გაძარცვული ტელევიზიები, - "ნაციონალურ მოძრაობასა" და კოალიცია "ცვლილებების" წევრებს შორის ერთმანეთის მისამართით ღია ბრალდებები ისმის."40 მილიონი რომ მქონდეს, სააკაშვილის პარტიაში 40 კაცი აღარ იქნება," - დაწერა გვარამიამ. პასუხად ანა წითლიძემ "ახალის" ლიდერს წარსული შეახსენა. პარტია "ერთიანობა - ნაციონალური მოძრაობის" პოლიტიკური საბჭოს წევრი, გიორგი კაპანაძე ამბობს, რომ ნაციონალური მოძრაობა არ იყიდება."ნაციონალური მოძრაობა არ იყიდება. უნდა გავასწოროთ ფოკუსი ერთიან ნაციონალურ მოძრაობაზე თავდასხმად. არ ემსახურება საერთო ეროვნულ გამარჯვებას," - აცხადებს გიორგი კაპანაძე."ადამიანი, რომელმაც ჯერ რუსთავი 2, მერე მთავარი არხი და შემდეგ ნაციონალური მოძრაობა გაძარცვა," - წერს წითლიძე სოციალურ ქსელში. მიხეილ სააკაშვილი კი დამარცხების რეპეტიციაზე საუბრობს, გვარამიას ეგრეთწოდებულ ოპოზიციას უწოდებს და ამბობს, რომ მასთან ერთად ბრძოლაში შესვლა საშიშია.

პოლიტიკა • 1787314945

უსინდისო ტყუილია, რომ პარტია "ახალი" გილაურის პროექტია - ზურაბ ჯაფარიძე

დაპირისპირება მიხეილ სააკაშვილსა და ნიკა გვარამიას შორის - კიდევ უფრო მწვავდება. მოსყიდულები, ბინძური ტყუილები, მითვისებული მილიონები და გაძარცვული ტელევიზიები, - "ნაციონალურ მოძრაობასა" და კოალიცია "ცვლილებების" წევრებს შორის ერთმანეთის მისამართით ღია ბრალდებები ისმის.დაპირისპირების ახალ ტალღაში "კოალიცია ცვლილებისთვის" ერთ-ერთი ლიდერი, ზურა გირჩი ჯაფარიძეც ჩაერთო, რომელიც სააკაშვილს ტყუილში ადანაშაულებს და ამბობს, რომ გაღიზიანების რეალური მიზეზი არჩევნებში მათი კოალიციის მიღებული შედეგია."უსინდისო ტყუილია, რომ პარტია "ახალი" გილაურის პროექტია. უსინდისო ტყუილია, რომ გილაურმა კოალიციაში ათობით მილიონი მოიტანა. ეს პლინტუს დაბლა ქცევა პირდაპირი გაგრძელებაა იმ ბოდვის თითქოს, კოალიცია წინასაარჩევნოდ ხალხს ატყუებდა 4-იანი და 5-იანი ერთი და იგივეაო. ვიღაცეებს, ვინც სხვებს მოუწოდებს საჯაროდ პარტიულობაზე მაღლა დადგომისკენ, დღემდე ყელში აქვს გაჩხერილი არა მხოლოდ ის, რომ ჩვენმა კოალიციამ სხვებთან შედარებით ყველაზე კარგი შედეგი აჩვენა იმ ვითომ არჩევნებზე, მართლა რა დროს ესაა ეს დედააფეთქებული?!" - წერს ზურაბ ჯაფარიძე.

პოლიტიკა • 1787303824

გიორგი შარაშიძე: „ნაციონალური მოძრაობის“ მთავარი ფუნქციაა, გააგრძელოს „ქართული ოცნების“ საქმის კეთება, რადგან დღემდე „ქართული ოცნება“ „ნაციონალურ მოძრაობაზე“ დგას

დღეს საქართველოში გაცილებით მეტი გამოწვევა არსებობს, ვიდრე დროის იმაზე დახარჯვა, რა ხდება „ნაციონალურ მოძრაობაში“, – ამის შესახებ პარტიის „გახარია საქართველოსთვის“ წევრმა, გიორგი შარაშიძემ განაცხადა.მისი თქმით, „ნაციონალური მოძრაობის“ მთავარი ფუნქცია „ქართული ოცნების“ საქმის კეთებაა და „ქართული ოცნება“ დღემდე „ნაციონალურ მოძრაობაზე“ დგას.„ის პროცესები, რომლებსაც არ აქვს კავშირი ჩვენი ქვეყნის მოქალაქეების პრობლემების გადაჭრასთან, ჩვენი ქვეყნის წინაშე არსებული გამოწვევების გადაჭრასა და გამკლავებასთან, ჩვენთვის საინტერესო არ არის, მით უფრო, თუ ეს ეხება „ნაციონალურ მოძრაობას“, რომელზეც დღემდე დგას „ოცნება“. ვიდრე „მთავარ” ოპოზიციურ პარტიას დაირქმევენ, იქამდე ის განმარტონ და ბატონმა გვარამიამ განმარტოს, საიდან მოიტანა ის 40 მილიონი, რომელიც მან 2024 წლის საპარლამენტო არჩევნების დროს დახარჯა. „ოცნება“ ყველა თეთრს დასდევს, სადაც მისი ნამდვილი ინტერესია, მათ შორის არასამთავრობო ორგანიზაციების და „ენჯეოების“ ლამის 100 და 1000 ევროს დასდევს, და ამისთვის კანონები მიიღო, რეპრესიული მანქანა აამოქმედა და ბიზნესს სრულად აკონტროლებს. ვერცერთი თეთრი ვერ შევა დღეს ვერცერთ პოლიტიკურ პარტიაში და რას მეუბნებით რომ ამ დროს 40 მილიონის მობილიზება მოახდინა ბატონმა გვარამიამ? რა თქმა უნდა, ეს იყო „ოცნების“ ფული. მეტსაც გეტყვით, დღეს რომ არის გილაურზე ამბავი ატეხილი, ეს გილაურის ფულიც არ არის. რა გგონიათ, გილაურს მეტი საქმე არ ჰქონდა 40 მილიონი დაეხარჯა გვარამიას პარტიაში? რა თქმა უნდა, ეს არ იყო გილაურის ფული, ეს იყო „ოცნების“ ფული, რომელიც გილაურის გავლით მოხვდა გვარამიასთან.აქედან გამომდინარე, „ნაციონალური მოძრაობის“, როგორც კონკრეტულად ამ ორგანიზაციის, ასევე მისი დანაყოფების, მთავარი ფუნქცია არის ის, რომ მან გააგრძელოს „ოცნების“ საქმის კეთება, რადგან დღემდე და დღესაც შეიძლება ისე, როგორც არასდროს, „ოცნება“ დგას „ნაციონალურ მოძრაობაზე“, – განაცხადა შარაშიძემ.

პოლიტიკა • 1787053189

„ნაციონალურ მოძრაობას“ არ დაუტოვებია არავითარი ალიანსი, ალიანსი ფუნქციონირებს - ხატია დეკანოიძე

მარტში შექმნილი ოპოზიციური ალიანსი აგვისტოში უკვე იშლება. "ნაციონალურ მოძრაობაში" დიდი ხანია ღიად ამბობენ, რომ ალიანსთან დაკავშირებული საკითხები მათთვის საინტერესო აღარ არის. სააკაშვილის პარტიას თავიანთ რიგებში ვერც გაერთიანების სხვა წევრები ვერ ხედავენ.პარტიის პოლიტიკური საბჭოს წევრი, ხატია დეკანოიძე კი აცხადებს, რომ პარტიას გაერთიანება არ დაუტოვებია."ნაციონალურ მოძრაობას" არ დაუტოვებია არავითარი ალიანსი. ალიანსი ფუნქციონირებს", - განაცხადა ხატია დეკანოიძემ."კოალიცია ცვლილებისთვის" პოლიტიკური საბჭოს თავმჯდომარე, თენგიზ თევზაძე კი აცხადებს, რომ "ნაციონალური მოძრაობა", ამ ეტაპისთვის, ალიანსის ნაწილი არ არის."პაუზა არის აღებული იმიტომ, რომ ალიანსის მუშაობაში არის პრობლემა. ალიანსი თუ ქმედითად გააგრძელებს მუშაობას საზოგადოება და მასში შემავალი პოლიტიკური პარტიები ამას გაიგებენ. თუ რაიმე გვექნება დაგეგმილი, ამის შესახებ საზოგადოებას მოვახსენებთ.რაც შეეხება "ნაციონალურ მოძრაობას", უნდა ჰკითხოთ "ნაციონალურ მოძრაობს, რადგან ის ამ მომენტში არ არის ალიანსის ნაწილი", - განაცხადა თენგიზ თევზაძემ.

პოლიტიკა • 1786527726

ლაშა ფარულავა: სააკაშვილი უკმაყოფილოა იმ ხალხით, რომელიც თავისი პასიურობით ასუსტებს საერთო ბრძოლას, ეს ეხება ყველას, მათ შორის იგულისხმებიან ალიანსის წევრებიც, ასევე, შეიძლება, ჩვენზეც იყო საუბარი

მიხეილ სააკაშვილი იმ ხალხით არის უკმაყოფილო, რომელიც თავისი პასიურობით არა მხოლოდ აზიანებს საერთო ბრძოლას, არამედ ასუსტებს, – ამის შესახებ „ერთიანი ნაციონალური მოძრაობის“ წევრმა, ლაშა ფარულავამ განაცხადა.ფარულავამ კომენტარი გააკეთა საქართველოს ყოფილი პრეზიდენტის, მიხეილ სააკაშვილის განცხადებაზე, რომ „ოპოზიცია, ზოგიერთი გამონაკლისის გარდა, არ აქტიურობს, მათზე ან საქმეა აღძრული, ან გაყიდულია, ან პლაჟზეა წამოკოტრიალებული, უცხოეთში ისვენებს და ვერ მოიცალა რამის თქმისთვის“.„პირველ რიგში, პუტინის პირად ტყვეს და ივანიშვილის პოლიტიკურ პატიმარს, მიხეილ სააკაშვილს სრულად ვეთანხმები. ის ამ ქვეყნისთვის არის პოლიტიკური ტყვე, მასთან ერთად ჩვენი თანამებრძოლებიც. ბრძოლა უნდა გაგრძელდეს. არ შეიძლება, როცა ამდენი პოლიტპატიმარია ციხეში, ოპოზიციის მხრიდან არ იყოს ისეთი ტიპის აქტიურობა, რომელიც სჭირდება ამ პოლიტიკურ პროცესს. ამაზე საუბრობს სააკაშვილი და ეხება ყველას, მათ შორის, შეიძლება, ჩვენზეც იყო საუბარი, რადგან ჩვენ გვაქვს ვალდებულება ქვეყნისა და ხალხის, პოლიტპატიმრების წინაშე. ეს ვალდებულება გულისხმობს იმას, რომ ვიყოთ აქტიურები და ეს ქვეყანა არ უნდა ვაქციოთ ირანულ-რუსული სისხლიანი ფულის კრიპტოსამრეცხაოდ. რეალურად, უნდა შევცვალოთ ყველაფერი, რომ ჩვენს ახალგაზრდებს ჰქონდეთ მომავალი. მეტი აქტიურობა გვმართებს და ამაზე ვმუშაობთ ჩვენ. ვაქტიურობთ და ამის კონკრეტული მაგალითი იყო ის, რომ გეგონათ, ყრილობაზე დაშლილ „ნაციონალურ მოძრაობას“ ნახავდით, მაგრამ გაერთიანებული ნახეთ. მიხეილ სააკაშვილი იმ ხალხით არის უკმაყოფილო, რომელიც თავისი პასიურობით არა მხოლოდ აზიანებს საერთო ბრძოლას, არამედ ასუსტებს“, – აღნიშნა ფარულავამ.კითხვაზე, სააკაშვილის ეს განცხადება ეხება თუ არა ოპოზიციის ალიანსის წევრებს, ლაშა ფარულავამ განაცხადა, რომ, „მათ შორის, ალიანსის წევრები იგულისხმებიან“.„შეგიძლიათ, ნახოთ თქვენი ვიდეოკომენტარები და ნახავთ, რომ იქ არ არიან ის პოლიტიკოსები, რომლებიც, მაგალითად, ალიანსში არიან, იყვნენ პოლიტიკურ პროცესში 2024 წელს, სად გაქრა ეს ხალხი? სად წავიდნენ? ეს ქვეყანა ყველასია და უნდა ვიბრძოლოთ ყველამ. არ შეიძლება, მხოლოდ „ნაციონალური მოძრაობა“ იყოს ამ ბრძოლის წინა ხაზზე“, – განაცხადა ფარულავამ.