ლიზა

ევროპა კიდევ ერთ ენერგეტიკულ კრიზისში შედის - ჩეხეთის ვიცე-პრემიერი

ჩეხეთის ვიცე-პრემიერმა და მრეწველობის მინისტრმა, კარელ ჰავლიჩეკმა განაცხადა, რომ ევროპა კიდევ ერთ ენერგეტიკულ კრიზისში შედის.ჰავლიჩეკის თქმით, კრიზისს ჯერჯერობით ფასებზე დიდი გავლენა არ მოუხდენია, თუმცა უახლოეს თვეებში ენერგიის ხარჯები გაიზრდება.მისივე განცხადებით, ჩეხეთი ევროკავშირში მოკავშირეებს ეძებს სტაბილიზაციის ღონისძიებების დასანერგად.ჩეხეთის ვიცე-პრემიერმა ასევე ყურადღება გაამახვილა ბირჟებზე ენერგომატარებლების ფასების მიმდინარე ზრდაზე და აღნიშნა, რომ ევროპაში ენერგიის ფასები მსოფლიოს სხვა ნაწილებთან შედარებით მნიშვნელოვნად მაღალია. ერთ-ერთ მიზეზად მან ე.წ. სარეზერვო წყაროების სისტემა დაასახელა, რომელიც ელექტროენერგიის ფასზე ფუნდამენტურ გავლენას ახდენს.„ევროპამ შეცდომები დაუშვა გარკვეული ცვლილებების აჩქარებისას. ამის გამო 20 წელი დავკარგეთ და სიტუაციის გამოსასწორებლადაც დაახლოებით იმდენივე დრო დაგვჭირდება. ჩვენ უნდა დავასტაბილუროთ ვითარება ევროპაში, რათა შევამციროთ დამოკიდებულება და შევქმნათ ენერგიის ახალი წყაროები“, – განმარტა ჰავლიჩეკმა.ცნობისთვის, მანამდე საფრანგეთის მთავრობამ განაცხადა, რომ განაგრძობს დახმარების გაწევას იმ დარგებისთვის, რომლებიც ახლო აღმოსავლეთში არსებული ვითარების გამო საწვავის ფასების ბოლო ზრდისგან ყველაზე მეტად დაზარალდნენ.ასევე, იტალიის მთავრობამ 2027 წლიდან მცირე ავტომობილებისა და მოტოციკლებისთვის საგზაო გადასახადის გაუქმება დააანონსა, საწვავის მაღალი ფასების გამო.

საზოგადოება • 1789755967

„დაიბადა ჯანმრთელი გოგონა...“ - სასწრაფო დახმარების ბრიგადამ მშობიარობა გზაში მიიღო

სოციალურ ქსელში გვერდი „შენი სიცოცხლის გადასარჩენად“ პოსტს აქვეყნებს, სადაც წერია როგორ გადაარჩინეს ჯვარის რაიონული სამსახურის ექიმებმა მშობიარე ქალის სიცოცხლე და იგი ფიზიოლოგიურად ამშობიარეს:„ჯვარის რაიონული სამსახურის ექიმი თეა ჩაკაბერია 2006 წლიდან სასწრაფო სამედიცინო დახმარების ექიმია.მის პრაქტიკაში არაერთი პაციენტი, არაერთი რთული და მნიშვნელოვანი გამოძახება ყოფილა, თუმცა ეს ერთი შეხედვით მორიგი გამოძახება მისთვის სრულიად განსხვავებული აღმოჩნდა.გამოძახება შემოვიდა ლოზუნგით - „მშობიარობა“.ადგილზე მისულ მე-7 ბრიგადას ახალგაზრდა ქალი მოვლითი სამშობიარო ტკივილებით დახვდა. პაციენტის მდგომარეობა უმოკლეს დროში შეფასდა და ბრიგადის წევრებმა მისი ჰოსპიტალიზაციის გადაწყვეტილება მიიღეს. ჰოსპიტალიზაციის პროცესში ქალბატონს მოვლით ტკივილებს შორის ინტერვალი თანდათან შეუმცირდა. ბრიგადის წევრები მაშინვე მშობიარობის მისაღებად მოემზადნენ.ძალიან მალე, ფიზიოლოგიურად, დაიბადა ჯანმრთელი გოგონა, რომელმაც სიცოცხლის პირველივე წამებში თავისი ხმით ამცნო სამყაროს, რომ ყველაფერი კარგად იყო.ეს ახალგაზრდა დედისთვის მეხუთე მშობიარობა იყო.თეა ექიმი განსაკუთრებული სიამაყით საუბრობს თავის გუნდზე ექთან ხათუნა გეთიასა და მძღოლ პაპუნა სამუშიაზე, რომელთა პროფესიონალიზმმა და სიმშვიდემ ამ მნიშვნელოვანი წუთების მშვიდობიანად წარმართვაში დიდი როლი ითამაშა.მიუხედავად იმისა, რომ არც ერთ მათგანს ჰოსპიტალიზაციის პროცესში მშობიარობის მიღების გამოცდილება მანამდე არ ჰქონია, არც ერთი წამით არ დაბნეულან. მოქმედებდნენ შეთანხმებულად, მშვიდად და თავდაჯერებულად. სანამ პატარა გოგონა ქვეყანას მოევლინებოდა, ბრიგადის წევრები მშობიარე დედას მხოლოდ ერთ წინადადებას უმეორებდნენ: „იმშობიარე და პატარა ჩაგვახუტე.“ეს იყო კიდევ ერთი გამოძახება, რომელიც სასწრაფო დახმარების ბრიგადისთვის დაუვიწყარ ისტორიად იქცა ისტორია, რომლის მთავარი გმირებიც პროფესიონალიზმი, სიმშვიდე და ახალი სიცოცხლის დაბადებაა“,- ნათქვამია ინფორმაციაში.

საზოგადოება • 1789755620

„რეანიმაცია და ინტენსიურ თერაპიაში მკურნალობა არცერთ პაციენტს არ დასჭირვებია, ესაჭიროებათ კლინიკაში მონიტორინგი“ - ციციშვილის ბავშვთა კლინიკის სამედიცინო დირექტორი

თბილისის ბაგა-ბაღებში მასობრივი ინტოქსიკაციის ფაქტზე ფინანსთა სამინისტროს საგამოძიებო სამსახურმა გამოძიება დაიწყო. დედაქალაქში მდებარე 20 სააღმზრდელო დაწესებულებიდან სხვადასხვა კლინიკაში 55 აღსაზრდელი და 1 აღმზრდელი გადაიყვანეს, რომელთა ჯანმრთელობის მდგომარეობა ამჟამად სტაბილურია.მოზარდების მდგომარეობასა და კლინიკაში მიმდინარე სამედიცინო დაკვირვების პროცესზე ი. ციციშვილის სახელობის ბავშვთა კლინიკის სამედიცინო დირექტორმა, მაია ჩხაიძემ ისაუბრა.„გუშინ საღამოს შემდეგ ეტაპობრივად შემოდიოდნენ პაციენტები 2-დან 5- წლამდე ასაკის, გასტროენტერიტის მოვლენებით, ანუ, დიარეით და ღებინებით, უფრო ღებინება პრევალირებდა. არცერთის მდგომარეობა მძიმე არ იყო, ამჟამად, მდგომარეობა დამაკმაყოფილებელია. რეანიმაცია და ინტენსიურ თერაპიაში მკურნალობა არცერთ პაციენტს არ დასჭირვებია, უბრალოდ, ამჟამად ესაჭიროებათ კლინიკაში მონიტორინგი, სითხის დანაკარგის შევსება და შემდგომი ლაბორატორიული კვლევები, ამიტომ, აგრძელებენ მკურნალობას კლინიკაში,“ - აცხადებს მაია ჩხაიძე.ცნობისთვის, ფინანსთა სამინისტროს საგამოძიებო სამსახურის ინფორმაციით, სააღმზრდელო დაწესებულებებსა და ბაღებისთვის საკვები პროდუქტების მიწოდების ობიექტებში საგამოძიებო მოქმედებები უკვე ჩატარდა. გამოძიება ადამიანის სიცოცხლისათვის ან ჯანმრთელობისათვის საშიში პროდუქციის დამზადება-რეალიზაციის მუხლით მიმდინარეობს. ამასთან, ეპიდემიოლოგების რეკომენდაციით, რისკების დაზღვევის მიზნით, 7 საჯარო ბაღში სააღმზრდელო პროცესი შეჩერდა, დანარჩენი 183 ბაღი კი ჩვეულ რეჟიმში განაგრძობს ფუნქციონირებას.

პოლიტიკა • 1789750106

ეკა სეფაშვილი: გლობალურ ძალებს საქართველოში ხელისუფლების შეცვლა სურთ, სწორედ ამ სცენარის ნაწილია ნორვეგიის ელჩთან ოპოზიციონერების საიდუმლო შეხვედრა და ბახმაროში გამართული სემინარი

საქართველოში დესტაბილიზაციის ახალი ტალღის შესაძლებლობაზე „დღის ქრონიკაში“ ისაუბრა „ხალხის ძალის“ საერთაშორისო ურთიერთობების მდივანმა, დეპუტატმა ეკა სეფაშვილმა და რადიკალი არასამთავრობო ორგანიზაციების ინიციატივით ბახმაროში მოწყობილ სემინარს გამოეხმაურა, რომელსაც ქვეყანაში აკრედიტებული დიპლომატიური მისიების წარმომადგენლებიც ესწრებოდნენ.ეკა სეფაშვილის თქმით, სულ მალე გამოიკვეთება სემინარის ჩატარების მიზნები. მან არ გამორიცხა, რომ ბახმაროს შეკრების მონაწილეებს გლობალურმა ძალებმა მისცეს ახალი დავალება, რომლის მიზანია საქართველოში დესტაბილიზაციის ახალო კერის წარმოქმნა.„ბახმაროში ჩატარებული სემინარი საყურადღებოა ერთი მომენტის გამო - რამდენიმე დღის წინ ნორვეგიის ელჩთან ჩატარდა გასაიდუმლოებული შეხვედრა, რასაც ბახმაროს შეკრება მოჰყვა. ეს ორი მოვლენა ერთმანეთთან კავშირშია და ერთი სცენარის ორ ფრაგმენტს წარმოადგენს. ამ სცენარში იგულისხმება ის, რომ გლობალური ძალების ერთ-ერთ სამიზნედ არჩეულია საქართველო, სადაც ამ ძალებს ხელისუფლების შეცვლის მიზნით არეულობის მოწყობა სურთ. მათ უნდათ, ქვეყნის ხელისუფლება ისეთი ადამიანებით შეცვალონ, რომლებიც მათ ნება-სურვილს უსიტყვოდ დაემორჩილებიან.ამ სცენარის ასამოქმედებლად ახალი ფაზა დაიწყო, რომლის შემადგენელი ნაწილიც ნორვეგიის ელჩთან საიდუმლო შეხვედრა და ბახმაროს სემინარია. ეს ყველაფერი ჩვენ ერთხელ უკვე გავიარეთ, როცა უამრავ საელჩოში იმართებოდა მსგავსი აუდიენციები და ზუსტად ვიცით, რა შეიძლება ამას მოჰყვეს. უცხო ძალებისგან უნდა ველოდოთ ახალ მითითებებს, რომელთა შესახებაც ძალიან მალე გავიგებთ - ნიკა გვარამია და ზურაბ (გირჩი) ჯაფარიძე, რომლებიც ამ შეხვედრებზე იყვნენ, სულ მალე გააჟღერებენ უცხო ძალებისგან მიღებულ დავალებებს. საქართველოში პოლარიზაციის ახალ ტალღას ვიხილავთ, რომელიც ისევ და ისევ გლობალური ძალების მიერ დაფინანსებული, მხარდაჭერილი და კოორდინირებული იქნება,”- განაცხადა ეკა სეფაშვილმა.დეპუტატმა იმედი გამოთქვა, რომ სემინარის გამართვის კანონიერების საკითხს შესაბამისი ორგანოები შეისწავლიან და დარღვევების გამოვლენის შემთხვევაში დამნაშავეები დაისჯებიან.„დარწმუნებული ვარ, ქვეყნის სამართალდამცავი ორგანოები ბახმაროს სემინარს გამოიკვლევენ და დაადგენენ, ჩატარდა თუ არა ის კანონის გვერდის ავლით. დარწმუნებული ვარ, დარღვევის გამოვლენის შემთხვევაში, ამ შეხვედრების ორგანიზატორებს კანონის წინაშე პასუხისმგებლობის აღება მოუწევთ,“ - განაცხადა ეკა სეფაშვილმა.

მსოფლიო • 1789749422

სომხეთსა და აზერბაიჯანს კვლავ აქვთ წინააღმდეგობები, მაგრამ ამის გადაჭრის გზა დიალოგია, რომელიც გრძელდება - ნიკოლ ფაშინიანი

სომხეთსა და აზერბაიჯანს კვლავ აქვთ წინააღმდეგობები, მაგრამ ყველა წინააღმდეგობის გადაჭრის გზა დიალოგია, რომელიც გრძელდება და მათი დაძლევის ახალ შესაძლებლობებს ქმნის, – ამის შესახებ სომხეთის პრემიერ-მინისტრმა, ნიკოლ ფაშინიანმა გერმანიაში ვიზიტის დროს განაცხადა.ფაშინიანის მტკიცებით, მშვიდობაზე ზრუნვაა საჭირო და საჭიროა მუშაობა მშვიდობის შემდგომი ინსტიტუციონალიზაციისთვის.„ახლა ჩვენ გვაქვს ორმხრივი ვაჭრობა აზერბაიჯანთან, რაც სამი ან ოთხი წლის წინ წარმოუდგენელი იქნებოდა. ამჟამად ჩვენ რაღაცას აზერბაიჯანისგან ვყიდულობთ, ხოლო აზერბაიჯანი სომხეთიდან რაღაცის იმპორტს ახორციელებს. გარდა ამისა, აზერბაიჯანის რკინიგზა სომხეთისთვის ექსპორტისა და იმპორტისთვის 2025 წლის ნოემბრიდან გაიხსნა“, – აღნიშნა ნიკოლ ფაშინიანმა.

პოლიტიკა • 1789738470

დავით სონღულაშვილი: „მივიღეთ გადაწყვეტილება, რომ მცირე მარნებისთვის სერტიფიცირების მომსახურების საფასური გაუქმდეს“

მცირე ზომის მარნები ადგილობრივი ბაზრისთვის განკუთვნილი ალკოჰოლური სასმელების შესაბამისობის სერტიფიკატის გაცემის მომსახურების საფასურისგან გათავისუფლდებიან. შესაბამისი ცვლილება პროცედურების გავლის შემდეგ შევა ძალაში.გარემოს დაცვისა და სოფლის მეურნეობის მინისტრის, დავით სონღულაშვილის განცხადებით, მცირე მარნებისთვის სერტიფიცირების საფასურის გაუქმების გადაწყვეტილება მათთან კონსულტაციების შედეგად იქნა მიღებული.„მცირე მარნების ხელშეწყობა ჩვენი პრიორიტეტია, შესაბამისად, მათთან კონსულტაციების შედეგად გავითვალისწინეთ არსებული გამოწვევა და მივიღეთ გადაწყვეტილება, რომ სერტიფიცირების მომსახურების საფასური მცირე მარნებისთვის არ გავრცელდეს. ამასთან, სერტიფიცირება რჩება სავალდებულო მოთხოვნად, რადგან ხარისხისა და მომხმარებლისთვის უსაფრთხო პროდუქციის უზრუნველყოფა ჩვენი მთავარი ამოცანაა. ვფიქრობთ, ეს მიდგომა ხელს შეუწყობს როგორც მცირე მარნების განვითარებას, ისე ქართული ღვინის ხარისხის კიდევ უფრო გაუმჯობესებას და მისი კონკურენტუნარიანობის ზრდას“, - განაცხადა დავით სონღულაშვილმა.ადგილობრივ ბაზარზე სარეალიზაციოდ განკუთვნილი საქართველოში წარმოებული ალკოჰოლური სასმელების სერტიფიცირება სავალდებულოა. 1 სექტემბრიდან შესაბამისობის სერტიფიკატის გაცემის მომსახურება ფასიანია, თუმცა მცირე ზომის მარნებისთვის აღნიშნული მომსახურება უფასოდ განხორციელდება. მცირე მარნებისთვის სერტიფიცირების ვალდებულება კვლავ ძალაში რჩება და მათ შესაბამისი პროცედურების გავლა და პროდუქციისთვის საჭირო დოკუმენტაციის მიღება მოეთხოვებათ.„ნებისმიერი გადაწყვეტილება, რომელსაც მეღვინეობა-მევენახეობის მიმართულებით ვიღებთ, მხოლოდ ერთ მიზანს ემსახურება - ქართული ღვინო იყოს მაღალი ხარისხის, კონკურენტუნარიანი და კიდევ უფრო მეტად დამკვიდრდეს საერთაშორისო ბაზრებზე“, - განაცხადა დავით სონღულაშვილმა.

პოლიტიკა • 1789736853

ნოდარ ბოკერია: ჩვენს ქვეყანას სჭირდება სწორედ ასეთი ეკონომიკური განვითარების ხანგრძლივი პერიოდი, რომ საბოლოოდ ეს მაჩვენებელი ყოველდღიურ ცხოვრებაზე აისახოს

თბილისის საკრებულოს სხდომაზე საკრებულოს უმრავლესობის წევრი ნოდარ ბოკერია გამოეხმაურა ოპოზიციური პარტია „ლელოს“ წარმომადგენლების განცხადებებს საქართველოში ეკონომიკური მდგომარეობის შესახებ. როგორც ნოდარ ბოკერიამ განაცხადა, ეს პარტია პოპულისტური და ამავდროულად ტყუილზე დაფუძნებული კამპანიის გავრცელებაში არის ჩაბმული.„ეკონომიკურ სიდუხჭირეზე თქვენი პარტიის სიტყვების პასუხად მოგიყვანთ ძალიან მარტივ სტატისტიკას. თქვენს პარტიას, ზოგადად, ციფრები არ უყვარს, რადგან ციფრები უტყუარი საბუთია. საქართველოში 2012 წლის შემდეგ აბსოლუტური სიღარიბე დაიწია დაახლოებით 27 პროცენტული პუნქტით. საქართველოს ეკონომიკური განვითარება საშუალოდ შეადგენს 9 პროცენტს. ჩვენს ქვეყანას სჭირდება ასეთი ეკონომიკური განვითარების ხანგრძლივი პერიოდი, რომ საბოლოოდ ეს მაჩვენებელი ყოველდღიურ ცხოვრებას დაეტყოს. ალბათ თქვენი პარტია ერიკ ტრამპის განცხადებასაც მოუსმენდა, როდესაც მან საინვესტიციო პოლიტიკის შეფასების შედეგად თქვა, რომ საქართველო მსოფლიოში ერთ-ერთი ყველაზე მზარდი ეკონომიკური ლიდერია.ამის შემდეგ თქვენი გუნდი ავრცელებს ტყუილზე დაფუძნებულ კამპანიას, რომ ბიძინა ივანიშვილს ქვეყანა მიჰყავს იზოლაციისკენ. მე შეგახსენებთ, რომ ბიძინა ივანიშვილმა და სწორედ ამ გუნდმა დაძაბულ გეოპოლიტიკურ სიტუაციაშიჩამოაყალიბა საქართველო ერთ-ერთ ყველაზე ანგარიშგასაწევ ძალად. შეგახსენებთ, რომ ჩინეთი გახდა ჩვენი ყველაზე დიდი პარტნიორი ჩვენი ეროვნული ინტერესებიდან გამომდინარე, გაითვალისწინეთ აშშ-სთან გადატვირთული ურთიერთობები, ცენტრალურ აზიასთან გაძლიერებული ურთიერთობები. ევროკავშირის გზაზე რაც კი გაკეთდა და ძალიან ბევრი გაკეთდა, ეს იყო „ქართული ოცნების“ დიდი მუშაობის შედეგი. შეგახსენებთ, ვიზალიბერალიზაციას, ასოცირების შეთანხმებას და კიდევ სხვა მრავალს“, - განაცხადა ნოდარ ბოკერიამ.

პოლიტიკა • 1789734110

„დაუშენს კუნთოვანი დისტროფიის მქონე ბავშვებისთვის ცენტრი გაიხსნება“ - ბექა მიქაუტაძე

„დედაქალაქში დიუშენის კუნთოვანი დისტროფიის მქონე ბავშვებისთვის თანამედროვე სარეაბილიტაციო ცენტრი აშენდება“, - აღნიშნულის შესახებ საკრებულოს სხდომაზე განცხადება ჯანმრთელობის დაცვისა და სოციალურ საკითხთა კომისიის თავმჯდომარემ, ბექა მიქაუტაძემ, გააკეთა.როგორც ბექა მიქაუტაძემ განაცხადა, ამისთვის თბილისის მუნიციპალიტეტი გლდანის რაიონში 1 657 კვადრატული მეტრის მიწის ნაკვეთს გადასცემს ორგანიზაციას „ერთად ვებრძოლოთ დიუშენის კუნთოვან დისტროფიას“.„ეს არის მნიშვნელოვანი ნაბიჯი იმ ბავშვებისა და ოჯახების მხარდასაჭერად, რომლებსაც ყოველდღიურად უწევთ ამ დაავადებასთან გამკლავება. ახალი ცენტრი მათ შესაძლებლობას მისცემს, მიიღონ კომპლექსური სარეაბილიტაციო და საგანმანათლებლო მომსახურება, რაც ხელს შეუწყობს მათ განვითარებას, სოციალიზაციასა და საზოგადოებრივ ცხოვრებაში აქტიურ ჩართულობას.განსაკუთრებით მნიშვნელოვანია, რომ ასეთი სივრცის შექმნა მხოლოდ შენობის აგებას არ ნიშნავს - ეს არის მხარდაჭერა ბავშვებისთვის, მათი მშობლებისა და იმ ოჯახებისთვის, რომლებიც ყოველდღიურად დიდ ძალისხმევას დებენ მათი კეთილდღეობისთვის. ეს ცენტრი მალე რეალობად იქცევა და დიუშენის კუნთოვანი დისტროფიის მქონე ბავშვებისთვის კიდევ უფრო მეტი შესაძლებლობის მოპოვების, მხარდაჭერისა და განვითარების სივრცე გახდება.ამ მნიშვნელოვანი გადაწყვეტილებისა და მხარდაჭერისთვის კი მადლობას ვუხდით თბილისის მერს, კახა კალაძეს“, - განაცხადა ბექა მიქაუტაძემ.

პოლიტიკა • 1789730677

თუ ვინმე მოინანიებს, აღიარებს დანაშაულს, ისინი დატოვებენ საპატიმროს, როგორი მძიმეც არ უნდა იყოს მათი დანაშაული, როდესაც რადიკალებს, უცხოურ აგენტურას არ უხარია ადამიანების მიერ საპატიმროების დატოვება, ეს თავისთავად მეტყველებს, თუ რა არის მათი რეალური მიზანი - რადიკალიზაცია, პოლარიზაციის კიდევ უფრო მეტად გაღვივება - პრემიერი

ჩვენი გზავნილი არის ის, რომ თუ ვინმე მოინანიებს, აღიარებს საკუთარ დანაშაულს, მათ მიმართ ამოქმედდება შესაბამისი ზომები, კერძოდ, შესაბამისი პირები დატოვებენ საპატიმროს, როგორი მძიმეც არ უნდა იყოს ის დანაშაული, რომელიც მათ აქვთ თავის დროზე ჩადენილი, ვგულისხმობ ძალადობას, რომელსაც იყენებდნენ აქციების დროს, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.როგორც მთავრობის მეთაურმა აღნიშნა, ეს პოზიცია ძალაში რჩება.„შესაბამისად, ჩვენ ვიღებთ შესაბამის ზომებს, როდესაც კონკრეტული პირები მიმართავენ შესაბამის უწყებებს საკუთარი განცხადებებით. ეს ჩვენი პოზიცია არის ძალაში. როდესაც, ამ რადიკალებს, უცხოურ აგენტურას არ უხარია ადამიანების გარეთ გამოსვლა, მათ მიერ საპატიმროების დატოვება, ეს თავისთავად მეტყველებს იმაზე, თუ რა არის მათი რეალური მიზანი. მათი ერთადერთი მიზანია რადიკალიზაცია, პოლარიზაციის კიდევ უფრო მეტად გაღვივება. ჩვენ გვაქვს სხვა დღის წესრიგი“, - განაცხადა პრემიერმა.

საზოგადოება • 1789721431

ბაგა-ბაღის დირექტორი, რომლის აღსაზრდელებიც მოიწამლნენ, კომენტარს აკეთებს

ბაგა-ბაღებში მასიური ინტოქსიკაციის ფაქტზე გამოძიება დაიწყო. ფინანსთა სამინისტროს საგამოძიებო სამსახურის ინფორმაციით, თბილისში მდებარე 20 ბაგა-ბაღის 55 აღსაზრდელსა და 1 აღმზრდელს ინტოქსიკაციის ნიშნები აღენიშნებოდა. ისინი სხვადასხვა კლინიკებში გადაიყვანეს.სააღმზრდელო დაწესებულებებსა და ბაღებისთვის საკვები პროდუქტების მიწოდების ობიექტებში საგამოძიებო მოქმედებები უკვე ჩატარდა. გამოძიება მიმდინარეობს ადამიანის სიცოცხლისათვის ან ჯანმრთელობისათვის საშიში პროდუქციის დამზადება-რეალიზაციისფაქტზე.ბაგა-ბაღების სააგენტოში განმარტავენ, რომ ეპიდემიოლოგების რეკომენდაციით, 7 საჯარო ბაღში რისკების დაზღვევის მიზნით შეჩერდა სააღმზრდელო პროცესი, დანარჩენი 183 ბაღი კი ჩვეულ რეჟიმში აგრძელებს ფუნქციონირებას.თბილისის №109 საბავშვო ბაგა-ბაღის დირექტორის, მარინა კობაჩიშვილისგანცხადებით, ბაღში ბავშვების ჯანმრთელობის მდგომარეობასთან დაკავშირებით ინფორმაცია მას შემდეგ შევიდა, რაც აღსაზრდელები მშობლებმა ბაღიდან გაიყვანეს."ჩვენთან ეს ინფორმაცია მოვიდა მას შემდეგ, რაც ჩვენი აღსაზრდელები გაიყვანეს საბავშვო ბაღიდან მშობლებმა. ეტაპობრივად შემოდიოდა ზარები იმასთან დაკავშირებით, რომ ბავშვებს აღენიშნებოდათ გულისრევა და ფაღარათი. სურსათის უვნებლობის სამსახურია შემოსული ამ ეტაპზე და მიმდინარეობს იმ პროდუქტების გატანა ბაღიდან, რა პროდუქტებიც იქნა გუშინ მოხმარებული, რათა ჩაუტარდეთ ექსპერტიზა ამ პროდუქტებს", - აცხადებს თბილისის №109 საბავშვო ბაგა-ბაღის დირექტორი მარინა კობაჩიშვილი.

სამართალი • 1789717577

შსს-მ თბილისსა და რეგიონებში განსაკუთრებით დიდი ოდენობით ნარკოტიკები ამოიღო, დაკავებულია 11 პირი, მათ შორის უცხო ქვეყნის მოქალაქეები

შინაგან საქმეთა სამინისტროს საპატრულო პოლიციის, ცენტრალური კრიმინალური პოლიციის, თბილისის, იმერეთისა და სამეგრელო-ზემო სვანეთის პოლიციის დეპარტამენტების თანამშრომლებმა, განსაკუთრებით დიდი ოდენობით ნარკოტიკული საშუალებების უკანონო შეძენა-შენახვისა და რეალიზაციის ხელშეწყობის, ასევე, ნარკოტიკული საშუალების შემცველი მცენარის უკანონო კულტივირების ბრალდებით, სხვადასხვა დროს 11 პირი დააკავეს. ინფორმაციას ამის შესახებ შსს ავრცელებს.უწყების ცნობით, დაკავებულებს შორის არიან როგორც საქართველოს, ასევე, უცხო ქვეყნის მოქალაქეები.„სისხლის სამართლის საქმეებზე ჩატარებული ოპერატიული ღონისძიებებისა და საგამოძიებო მოქმედებების შედეგად დადგინდა, რომ ბრალდებულთა ნაწილი ნარკოტიკულ საშუალებას წინასწარ შერჩეულ ადგილებზე ათავსებდა, რის შემდეგაც შესაბამის კოორდინატებსა და ფოტოსურათებს დაინტერესებულ პირებს უგზავნიდა.პოლიციამ, ბრალდებულების პირადი და დროებითი საცხოვრებელი ბინების ჩხრეკის შედეგად, ასევე, მათ მიერ მითითებული ადგილებიდან ნივთმტკიცებად ამოიღო სარეალიზაციოდ გამზადებული განსაკუთრებით დიდი ოდენობით სხვადასხვა სახის ნარკოტიკული საშუალება, მათ შორის: „კოკაინი“, „ჰეროინი”, „მეთადონი“, „ალფა პვპ“, „მარიხუანა” და მცენარე „კანაფი”.საგამოძიებო მოქმედებების შედეგად, სამართალდამცველების მიერ, ასევე, ამოღებულია ნარკოტიკული საშუალებების დაფასოებისთვის საჭირო მასალები და სავარაუდოდ ნარკოტიკების რეალიზაციის შედეგად მიღებული ფული.გამოძიება სისხლის სამართლის კოდექსის 260-ე, 260-ე კვარტა და 265-ე პრიმა მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს“, – ნათქვამია შსს-ს გავრცელებულ ინფორმაციაში.

სამართალი • 1789714864

პოლიციამ თბილისსა და რეგიონებში განსაკუთრებით დიდი ოდენობით ნარკოტიკები ამოიღო - დაკავებულია 11 პირი

შინაგან საქმეთა სამინისტროს საპატრულო პოლიციის, ცენტრალური კრიმინალური პოლიციის, თბილისის, იმერეთისა და სამეგრელო-ზემო სვანეთის პოლიციის დეპარტამენტების თანამშრომლებმა, განსაკუთრებით დიდი ოდენობით ნარკოტიკული საშუალებების უკანონო შეძენა-შენახვისა და რეალიზაციის ხელშეწყობის, ასევე, ნარკოტიკული საშუალების შემცველი მცენარის უკანონო კულტივირების ბრალდებით, სხვადასხვა დროს 11 პირი დააკავეს.დაკავებულებს შორის არიან როგორც საქართველოს, ასევე, უცხო ქვეყნის მოქალაქეები.სისხლის სამართლის საქმეებზე ჩატარებული ოპერატიული ღონისძიებებისა და საგამოძიებო მოქმედებების შედეგად დადგინდა, რომ ბრალდებულთა ნაწილი ნარკოტიკულ საშუალებას წინასწარ შერჩეულ ადგილებზე ათავსებდა, რის შემდეგაც შესაბამის კოორდინატებსა და ფოტოსურათებს დაინტერესებულ პირებს უგზავნიდა.პოლიციამ, ბრალდებულების პირადი და დროებითი საცხოვრებელი ბინების ჩხრეკის შედეგად, ასევე, მათ მიერ მითითებული ადგილებიდან ნივთმტკიცებად ამოიღო სარეალიზაციოდ გამზადებული განსაკუთრებით დიდი ოდენობით სხვადასხვა სახის ნარკოტიკული საშუალება, მათ შორის: „კოკაინი“, „ჰეროინი", „მეთადონი“, „ალფა პვპ“, „მარიხუანა" და მცენარე „კანაფი".საგამოძიებო მოქმედებების შედეგად, სამართალდამცველების მიერ, ასევე, ამოღებულია ნარკოტიკული საშუალებების დაფასოებისთვის საჭირო მასალები და სავარაუდოდ ნარკოტიკების რეალიზაციის შედეგად მიღებული ფული.გამოძიება სისხლის სამართლის კოდექსის 260-ე, 260-ე კვარტა და 265-ე პრიმა მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.