კახა კალაძე

კახა კალაძე: არსებობს დიდი პლატფორმა და შესაძლებლობა იმისა, რომ ოპოზიციურ ველზე ახალი პოლიტიკური პარტიები გაჩნდეს

თბილისის მერი კახა კალაძე მიიჩნევს, რომ დღეს ქვეყანაში ძალიან დიდი შესაძლებლობებია იმისთვის, რომ გაჩნდეს ახალი პოლიტიკური პარტიები, რადგან, ფაქტობრივად, ოპოზიცია საქართველოში არ არსებობს.„რაც შეეხება ოპოზიციურ ველს, რა თქმა უნდა, ზოგადად, ძალიან დიდი შესაძლებლობებია - არსებობს უკვე დიდი პლატფორმა და შესაძლებლობა იმისა, რომ გაჩნდეს ახალი პოლიტიკური პარტიები იმიტომ, რომ დღეს ოპოზიცია, ფაქტობრივად, არ არსებობს. არსებობს რადიკალური დაჯგუფება, რომელიც გამარგინალებულია და მხოლოდ და მხოლოდ წარმოადგენს პრობლემას, როგორც საკუთარი თავისთვის, ასევე ამ ქვეყნის განვითარებისთვის“, - განაცხადა კახა კალაძემ.ჟურნალისტის შეკითხვაზე, თუ რამდენად შესაძლებელია ახალ ოპოზიციურ ძალაში ყოფილი პრემიერ-მინისტრის, პარტია „ქართული ოცნების“ თავმჯდომარის ირაკლი ღარიბაშვილის გადასვლა, კახა კალაძემ აღნიშნა, რომ მისთვის უცნობია, თუ რაზე დაყრდნობით გაკეთდა მსგავსი განცხადება ცალკეული პირების მხრიდან.„არ ვიცი, აღნიშნული განცხადება საიდან გამომდინარე გაკეთდა, გამიჭირდება პასუხის გაცემა. ირაკლი ღარიბაშვილი ჩვეულებრივ მუშაობს. ჩვენ ვართ რიგითი ჯარისკაცები, როგორც ამ ქვეყნის მოქალაქეები, ვემსახურებით ჩვენს ქვეყანას და ვაკეთებთ ისეთ საქმეს, რომელიც, პირველ რიგში, წაადგება ჩვენს სამშობლოს და მის ხვალინდელ დღეს“, - აღნიშნა თბილისის მერმა.

საზოგადოება • 1744113587

სოფელ დიდ ლილოში სპორტული კომპლექსი აშენდა

სამგორის რაიონში, სოფელ დიდ ლილოში სპორტული კომპლექსი აშენდა. დასრულებულ სამუშაოებს თბილისის მერი კახა კალაძე გაეცნო.კომპლექსის პირველ სართულზე მოეწყო 700 კვ.მ ჭიდაობის დარბაზი 200 ერთეული ტრიბუნით, გასახდელებითა და სველი წერტილებით. ამავე სართულზე განთავსებულია ექიმის, მსაჯების, უსაფრთხოებისა და ადმინისტრაციის ოთახები.კომპლექსის მეორე სართული დაეთმო ფიტნეს დარბაზს სველი წერტილებითა და გასახდელებით. დარბაზში შესაძლებელია განთავსდეს, როგორც ჭიდაობის ლეიბი, ისე ძიუდოს ტატამი. შენობას აქვს საპარკინგე სივრცეც.პროექტი თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურმა განახორციელა. სამუშაოების ღირებულებამ 5.8 მილიონი ლარი შეადგინა.ინფორმაციას თბილისის მერიის პრესსამსახური ავრცელებს.

საზოგადოება • 1744113401

სოფელ დიდ ლილოში სპორტული კომპლექსი აშენდა

პოლიტიკა • 1744113241

ნუ გვაშინებენ ამ სანქციებით, არც კაია კალასს და არც არავის მიეცემა შესაძლებლობა, საქართველოს ინტერესები ფეხქვეშ გათელონ - კახა კალაძე

ნუ გვაშინებენ ამ სანქციებით, არც კაია კალასს და არავის არ მიეცემა შესაძლებლობა, საქართველოს ინტერესები ფეხქვეშ გათელონ, – ამის შესახებ დედაქალაქის მერმა, კახა კალაძემ საგარეო საქმეთა და უსაფრთხოების საკითხებში ევროკავშირის უმაღლესი წარმომადგენლის, კაია კალასის განცხადების საპასუხოდ ისაუბრა.როგორც კახა კალაძემ მედიასთან საუბრისას აღნიშნა, საქართველოს ხელისუფლება ატარებს და იცავს ქვეყნის ინტერესებს.„ნუ გვაშინებენ ამ სანქციებით. ჩვენ ვიცავთ ჩვენს ქვეყანას, ქვეყნის ინტერესებს. კაია კალასი ქართველი ხალხის უფროსი ვერ იქნება. ზემოდან ყურება და მბრძანებლობა ვისთანაც გასდით, იმათთან გაუვიდეთ. არც კაია კალასს და არავის არ მიეცემა შესაძლებლობა, საქართველოს ინტერესები გამოყენებული იყოს თავიანთი ქვეყნის ინტერესების გასატარებლად და ჩვენი ქვეყნის ინტერესები გათელილი იყოს ფეხქვეშ, როგორც ეს სხვა ქვეყნის შემთხვევაში გააკეთეს.კაია კალასი და მსგავსი ტიპის ჩინოვნიკები არიან უმცირესობაში, უმცირესობაში არიან რადიკალები, ვითომ პოლიტიკური პარტიები. ყველას მოუწევს, რომ ამ ყველაფერს შეეგუოს. ჩვენი ქვეყნის უმრავლესობამ მხარი დაუჭირა „ქართულ ოცნება“ დემოკრატიულ საქართველოს“, – აღნიშნა კახა კალაძემ.

პოლიტიკა • 1744111724

კახა კალაძე: რადიკალურ დაჯგუფებას უსტატუსო სალომე ზურაბიშვილი არ სჭირდება

თბილისის მერის კახა კალაძის განცხადებით, სალომე ზურაბიშვილი ოპოზიციის ლიდერი ვერ იქნება, რადგან ის მათთვის საინტერესო იყო პრეზიდენტის სტატუსის გამო.„ეს დაპირისპირება დიდი ხანია გრძელდება. სალომე ზურაბიშვილის ლიდერობა ვერ შედგება. სალომე ზურაბიშვილს იყენებდა ეს რადიკალური დაჯგუფება და თვითონაც გახდა მისი წარმომადგენელი თავისი სტატუსიდან გამომდინარე, რომელიც ჰქონდა მას პრეზიდენტის შემთხვევაში. დღეს მას არანაირი სტატუსი არ გააჩნია და ამ რადიკალურ დაჯგუფებასაც უსტატუსო სალომე ზურაბიშვილი არ სჭირდება. ეს არის მოცემულობა“, - განაცხადა კახა კალაძემ.

პოლიტიკა • 1744111377

კახა კალაძე: არანაირი რიგგარეშე არჩევნები არ იგეგმება - საპარლამენტო არჩევნები ჩატარდება 2028 წელს, როგორც ეს კონსტიტუციით და კანონით არის გაწერილი

თბილისის მერი კახა კალაძე აცხადებს, რომ მმართველი გუნდი აქტიურად ემზადება ადგილობრივი თვითმმართველობის არჩევნებისთვის და არანაირი სხვა, რიგგარეშე არჩევნების ჩატარების საკითხი არ განიხილება.როგორც მან შესაბამისი შეკითხვის საპასუხოდ განაცხადა, საპარლამენტო არჩევნები ჩატარდება 2028 წელს, როგორც ეს ქვეყნის კონსტიტუციითაა გაწერილი.„არანაირი რიგგარეშე საპარლამენტო არჩევნები არ იგეგმება. „ქართული ოცნება-დემოკრატიული საქართველო“ ემზადება ადგილობრივი თვითმმართველობის არჩევნებისთვის, რაც ძალიან მნიშვნელოვანია. ყველაფერს გავაკეთებთ იმისთვის, რომ ჩავატაროთ ღირსეული საარჩევნო კამპანია, შევხვდეთ მთელი ქვეყნის მოსახლეობას, არ დავტოვოთ არცერთი რაიონი, ქალაქი და სოფელი - უბნების დონეზეც კი მივიდეთ და ხალხს ვუთხრათ, თუ რის გაკეთებას ვაპირებთ; როგორ ვუპასუხებთ იმ გამოწვევებს, რომლებიც დღეს გვაქვს და მათი მოგვარება საჭიროა. შესაბამისად, არანაირი რიგგარეშე არჩევნები არ იგეგმება. საპარლამენტო არჩევნები ჩატარდება 2028 წელს, როგორც ეს კონსტიტუციით და კანონით არის გაწერილი“, - განაცხადა კახა კალაძემ.მისივე შეფასებით, ოპოზიციას ადგილობრივი თვითმმართველობის დონეზე, ისევე, როგორც საპარლამენტო არჩევნებში, გამარჯვების შესაძლებლობა არ აქვს.„ოპოზიციას არანაირი შესაძლებლობა არ აქვს გამარჯვების, არც საკრებულოების დონეზე და არც მერების არჩევნებში. ნულის ტოლია მათი შანსები და ეს ძალიან კარგად იციან, იმიტომ, რომ როდესაც ხარ ქვეყნის მტერი, აგენტი, რა თქმა უნდა, ვერანაირი შესაძლებლობა ვერ გექნება პოლიტიკური თვალსაზრისით, რომ რაიმე წარმატებას მიაღწიო. ჩვენი ქვეყნის მოსახლეობა, როგორც საპარლამენტო არჩევნებზე, ისე თვითმმართველობის დონეზე, ყველა მოღალატეს და აგენტურის წარმომადგენელს შესაბამის პასუხს გასცემს“, - აღნიშნა თბილისის მერმა.რაც შეეხება თვითმმართველობის არჩევნებში ოპოზიციური პარტიების მონაწილეობის საკითხს, კახა კალაძე განმარტავს, რომ ეს დამოკიდებულია იმაზე, თუ რა მითითებებს მიიღებენ ისინი ქვეყნის გარედან.„ეს დამოკიდებულია გარედან, რას ეტყვიან თავიანთი პატრონები მათ. დაიმახსოვრეთ ამ ადამიანების განცხადებები - თუ შეიცვლება მათი პატრონების მიდგომა და ჩათვლიან საჭიროდ, რომ არჩევნებში მიიღონ მონაწილეობა, რა თქმა უნდა, გამოვლენ და იტყვიან საპირისპიროს, რომ მონაწილეობენ არჩევნებში“, - აღნიშნა დედაქალაქის მერმა.

პოლიტიკა • 1744111034

კახა კალაძე: მთავრობის თანხმობის გარეშე უცხოეთიდან თანხების მიღება ვერ მოხდება და ეს სწორი გადაწყვეტილებაა

თბილისის მერის კახა კალაძის განცხადებით, კანონში დაგეგმილი ცვლილება, რომლის თანახმად, უცხოური გრანტების მიღებაზე მთავრობის თანხმობა იქნება საჭირო, დაკავშირებულია ქვეყანაში რევოლუციების მოწყობის მცდელობის აღკვეთასთან.„აღნიშნული გადაწყვეტილების მიღება საჭირო გახდა ბოლო წლების განმავლობაში ამ ქვეყანაში რევოლუციების მოწყობის არაერთი მცდელობის გამო. თქვენ იცით, რომ ზოგიერთი არასამთავრობო ორგანიზაცია თანხებს იღებდა არაგამჭვირვალედ. ეს ყველაფერი იფუთებოდა. ერთ კონკრეტულ მაგალითს მოვიყვან: მძიმე სენით დაავადებული ბავშვების მშობლებისთვის ცნობიერების ამაღლების მიზნით იყო ერთი ასეთი შემთხვევა და ამ დროს რეალურად მიმდინარეობდა ტრენინგი, თუ როგორ უნდა მოეწყოთ სახელმწიფო გადატრიალება, „კანვასი“ იყო თუ არ ვცდები, არ მინდა შემეშალოს. ეს კატეგორიულად მიუღებელია. შესაბამისად, მთავრობის თანხმობის გარეშე უცხოეთიდან თანხების მიღება ვერ მოხდება და ვფიქრობ, ეს არის სწორი გადაწყვეტილება“, - განაცხადა კახა კალაძემ.მისივე შეფასებით, ე.წ. დიფ სთეითი შეეცდება, იპოვოს ახალი გზები იმისთვის, რომ ქვეყანაში თანხები შემოიტანოს და სახელმწიფო გადატრიალების მცდელობას მოახმაროს.„რაც შეეხება თანხების მიღებას, USAID-ისა და NED-ისგან თანხების შემოტანა ვერ ხდება, მაგრამ „დიფ სთეითი“ იპოვის ახალ გზებს, რითაც ეცდება, რომ ქვეყანაში თანხები შემოვიდეს, რაც სახელმწიფო გადატრიალების მცდელობას მოხმარდება. იცით, რომ „დიფ სთეითი“ ჯერ არ დამარცხებულა. ის არსებობს და ღრმა ფესვები აქვს გადგმული არა მხოლოდ ჩვენს ქვეყანაში, არამედ მთელ მსოფლიოში. ჩვენ საკმაოდ ადრე დავიწყეთ ამაზე საუბარი. ბევრს არ სჯეროდა, თუმცა აშშ-ის პრეზიდენტმა პრიორიტეტად სწორედ „დიფ სთეითის“ დამარცხება გამოაცხადა და ვნახოთ, როგორ მიიყვანს ბოლომდე ამ დაპირებას“, - განაცხადა კახა კალაძემ.

დედაქალაქი • 1744099126

დიდ დიღომში კიდევ ორი რეკრეაციული სივრცე ეწყობა

თბილისის მერიის გარემოს დაცვის საქალაქო სამსახურმა დიდ დიღომში მეორე რეკრეაციული სივრცის მოწყობა დაიწყო.როგორც თბილისის მერმა კახა კალაძემ დღეს დედაქალაქის მთავრობის სხდომაზე განაცხადა, დემეტრე თავდადებულის ქუჩაზე, ორ ჰექტარ ფართობზე არსებული შუა გამყოფი ზოლის რეაბილიტაცია უკვე მიმდინარეობს, ამჯერად კი მსგავსი ტიპის სამუშაოები დიდი დიღმის მე-3 მიკრორაიონში, N30 კორპუსის მიმდებარედ, ერთ ჰექტარ ფართობზე განხორციელდება.„აღნიშნული პროექტი ჩვენი წინასაარჩევნო დაპირების ნაწილია. ტერიტორია სრულად მოწესრიგდება, დაირგვება ხე-მცენარეები, გაკეთდება სარწყავი სისტემა, დამონტაჟდება განათების ბოძები LED სანათებით, განთავსდება საპარკო ინფრასტრუქტურა. დიდ დიღომს ძალიან სჭირდება რეკრეაციული სივრცეები. ეს არის ტერიტორია, რომელიც სწრაფად ვითარდება, უამრავი მშენებლობა მიმდინარეობს და შესაბამისად, რეკრეაციული სივრცეების განვითარება ძალიან მნიშვნელოვანია“, - განაცხადა კახა კალაძემ.გარდა ამისა, მერის ინფორმაციით, დიდ დიღომში, გიორგი ბრწყინვალეს ქუჩაზე რეკრეაციული სივრცის რეაბილიტაციას იწყებს საბურთალოს რაიონის გამგეობაც. 12 000 კვ.მ ფართობზე დამონტაჟდება ყველა შესაბამისი საპარკო ინფრასტრუქტურა.„პროექტის ფარგლებში, მოეწყობა სატრენაჟორო და საბავშვო-გასართობი ზონები, ატრაქციონები შშმ პირთათვის, ძაღლების გასასეირნებელი სივრცე, განათებისა და სარწყავი სისტემები. ტერიტორიაზე შენარჩუნდება არსებული გამწვანება და დაემატება სხვადასხვა ჯიშის ხე-მცენარე“, - აღნიშნა მერმა.გარდა ამისა, მისივე ინფორმაციით, აღნიშნულ მისამართზე საფეხბურთო და საკალათბურთო სპორტული მოედნები განახლდება.

დედაქალაქი • 1744098816

თბილისის მერმა კახა გულედანს გაწეული საქმიანობისთვის მადლობა გადაუხადა

დედაქალაქის მერმა კახა კალაძემ ყოფილ მოადგილეს, კახა გულედანს, რომელიც რეგიონული განვითარების მინისტრის პოსტზეა წარდგენილი, მუნიციპალიტეტის მერიაში გაწეული საქმიანობისთვის მადლობა გადაუხადა.თბილისის მუნიციპალიტეტის მთავრობის დღევანდელ სხდომაზე კახა კალაძემ კახა გულედანს მომავალ საქმიანობაში წარმატებები უსურვა.„მინდა, გაწეული საქმიანობისთვის მადლობა გადავუხადო ჩემ აწ უკვე ყოფილ მოადგილეს, კახა გულედანს, რომელიც პრემიერ-მინისტრმა რამდენიმე დღის წინ რეგიონული განვითარების მინისტრის პოსტზე წარადგინა. კახა არის უაღრესად კეთილსინდისიერი, პროფესიონალი ადამიანი, თავისი საქმის მცოდნე. მინდა, მას ძალიან დიდი მადლობა გადავუხადო გაწეული შრომისთვის და იმ საქმეებისთვის, რაც ჩვენ ერთად ვაწარმოვეთ. ის წლების განმავლობაში იყო სამგორის რაიონის გამგებელი, შემდეგ უკვე ჩემი მოადგილე. მას ჩვენს უწყებაში ბევრი კარგი გაკეთებული საქმე აქვს, მათ შორის, დაუმთავრებელი მშენებლობით დაზარალებული ოჯახების პრობლემების მოგვარება. კახას ჩართულობითა და უშუალო მონაწილეობით, უამრავი ოჯახი გავაბედნიერეთ. მადლობა ამ ყველაფრისთვის და წარმატებები ამ მნიშვნელოვან და საპასუხისმგებლო თანამდებობაზე“, - განაცხადა კახა კალაძემ.

დედაქალაქი • 1744098771

გლდანის მე-8 მიკრორაიონში რეკრეაციული სივრცე ეწყობა

თბილისის მერიის გარემოს დაცვის საქალაქო სამსახური კიდევ ერთ რეკრეაციულ სივრცეს ამჯერად გლდანის რაიონში აწყობს.როგორც დედაქალაქის მერმა კახა კალაძემ თბილისის მუნიციპალიტეტის მთავრობის სხდომაზე აღნიშნა, შესაბამისი სამუშაოები N28-33 კორპუსების მიმდებარედ, 3 000 კვ.მ ფართობზე მიმდინარეობს.„რეკრეაციული სივრცე ეწყობა გლდანის რაიონშიც. თბილისის მერიის გარემოს დაცვის საქალაქო სამსახური გლდანის მე-8 მიკრორაიონში, N28-33 კორპუსების მიმდებარედ, შესაბამის სამუშაოებს 11 500 კვადრატულ მეტრ ფართობზე ახორციელებს. სარეაბილიტაციო სამუშაოების პირველი ეტაპი დასრულებულია. 8 500 კვადრატულ მეტრ ფართობზე რეკრეაციული სივრცე უკვე მოეწყო, ხოლო დარჩენილ 3 000 კვადრატულ მეტრ ფართობზე სამუშაოები ახლა მიმდინარეობს. პროექტის ფარგლებში მოეწყობა გარე განათებისა და ვიდეომეთვალყურეობის სისტემები, საფეხმავლო ბილიკები, საბავშვო და სპორტული მოედნები“, - აღნიშნა კახა კალაძემ.მისივე ინფორმაციით, ტერიტორიაზე განთავსდება საპარკო ავეჯი, ჩატარდება გამწვანების სამუშაოები - შევა ნოყიერი მიწის ნაზავი, დაითესება ბალახი და დაირგვება სხვადასხვა სახეობის ნერგი.

დედაქალაქი • 1744098586

უნივერსიტეტისა და პეტრე ქავთარაძის ქუჩების დამაკავშირებელი გზის და გვირაბის მშენებლობა, დაახლოებით, ერთ თვეში დასრულდება

ვაკის რაიონში, უნივერსიტეტისა და პეტრე ქავთარაძის ქუჩების დამაკავშირებელი გზის და გვირაბის მშენებლობის სამუშაოები დასასრულს უახლოვდება, - განაცხადა დღეს თბილისის მუნიციპალიტეტის მთავრობის სხდომაზე დედაქალაქის მერმა კახა კალაძემ.მისი თქმით, დაახლოებით, ერთ თვეში მძღოლებს საშუალება ექნებათ, ბაგებიდან უმოკლესი გზით - ახალი ხიდისა და გვირაბის გამოყენებით გადაადგილდნენ.„სამუშაოების პირველი ნაწილი იყო საავტომობილო ხიდის პროექტი, რომელიც დასრულებულია და დღეს უამრავი ადამიანი იყენებს ბაგებიდან უნივერსიტეტის ქუჩაზე გადასაადგილებლად. მეორე ეტაპი კი იყო უნივერსიტეტისა და ქავთარაძის ქუჩების ერთმანეთთან დაკავშირება გვირაბით. ეს სამუშაოები გასულ წელს დავიწყებთ და, დაახლოებით, ერთ თვეში დასრულდება. შესაბამისად, მძღოლებს ბაგებიდან უმოკლესი გზით, ახალი ხიდისა და გვირაბის საშუალებით გადაადგილების შესაძლებლობა ექნებათ. ეს მოგვცემს საშუალებას, რომ გადავანაწილოთ სატრანსპორტო ნაკადები და ის დიდი დატვირთვა, რაც უნივერსიტეტის ქუჩაზე მოდის, მოიხსნას“, - განაცხადა თბილისის მერმა.მან ასევე აღნიშნა, რომ აღნიშნულ ობიექტზე მასშტაბური ინფრასტრუქტურული სამუშაოების ბოლო ეტაპი ინტენსიურ რეჟიმში მიმდინარეობს.„დღეის მდგომარეობით, გვირაბის კონსტრუქციის მშენებლობის ძირითადი სამუშაოები დასრულებულია. ამჟამად, ხორციელდება გვირაბის შესასვლელ-გასასვლელის პანდუსების, ბეტონის კედლების მოწყობა და ჰიდროსაიზოლაციო სამუშაოები. ასევე, მიმდინარეობს სადრენაჟე და სანიაღვრე სისტემების მოწყობა და გვირაბში მონტაჟდება განათების სისტემა. პარალელურად, დაწყებულია მშენებარე გვირაბიდან პეტრე ქავთარაძის ქუჩამდე არსებული, შავიშვილის ქუჩის გარკვეული მონაკვეთის რეაბილიტაცია. აღნიშნულ ტერიტორიაზე ფართოვდება გზა, რისთვისაც საჭირო გახდა იქ არსებული ავტოფარეხების დემონტაჟი იმისთვის, რომ ავტოტრანსპორტი თავისუფლად გადაადგილდეს“, - განაცხადა დედაქალაქის მერმა.

სპორტი • 1743875425

პრემიერ-მინისტრი 7x7 ფეხბურთის ასოციაციის ყოველწლიური დაჯილდოების ცერემონიას დაესწრო

საქართველოს პრემიერ-მინისტრი ირაკლი კობახიძე, თბილისის მერ კახა კალაძესთან ერთად, 7x7 ფეხბურთის ასოციაციის ყოველწლიური დაჯილდოების ცერემონიას დაესწრო.მთავრობის მეთაურმა ჯანსაღი ცხოვრების წესის პოპულარიზაციაში მასტერლიგის მნიშვნელობაზე ისაუბრა და ხაზი გაუსვა მაღალი მიღწევების სპორტთან ერთად მასობრივი სპორტის განვითარების აუცილებლობას.პრემიერმა გამარჯვებულებს მიულოცა და მომავალი ტურნირის მონაწილეებს წარმატებები უსურვა.ღონისძიების ფარგლებში გაიმართა დაჯილდოების ცერემონია, ასევე, შეაჯამეს გასული წლის პროექტები და გაიმართა 2025 წლის სეზონზე დაგეგმილი სიახლეების პრეზენტაცია.