პოლიტიკა • 1757592555

კახა კალაძე: უხვ ნალექს წერეთლისა და ჩოლოყაშვილის ახლად რეაბილიტირებულმა გზის მონაკვეთმა უპრობლემოდ გაუძლო, ერთადერთი იყო საბურავებით ამოვსებული სანიაღვრე სისტემა

თბილისის მერის განცხადებით, დედაქალაქში მოსული უხვი ნალექის მიუხედავად, ვაკეში, გიორგი წერეთლისა და ქაქუცა ჩოლოყაშვილის ქუჩებზე რეაბილიტირებულ კონკრეტულ მონაკვეთზე არანაირი დაზიანება არ მომხდარა - ერთადერთი იყო საბურავებითა და სამშენებლო მასალებით ამოვსებული სანიაღვრე სისტემა, რამაც გამოიწვია პატარა პრობლემა, რომელიც მოწესრიგებულია.როგორც კახა კალაძემ აღნიშნა, გავრცელებული ინფორმაცია გზის ჩავარდნის შესახებ სიმართლეს არ შეესაბამება და მედიას ადგილზე არსებული მდგომარეობის ამსახველი ფოტომასალა წარუდგინა.„არანაირი გზის ჩავარდნა არ მომხდარა, ეს ტყუილი ინფორმაციაა. გარკვეული დაზიანება იყო, რაც გამოიწვია სამშენებლო ნაგვის ჩამოტანამ.სხვათა შორის, გვაინტერესებდა, თუ რა იყო პრობლემა, გვქონდა კომუნიკაცია შესაბამის კომპანია GWP-სთან. მინდა გაჩვენოთ, იმ კონკრეტულ ადგილზე თუ როგორ იყო გადავსებული ჭა საბურავებით და სამშენებლო ნაგვით.ეს იყო პრობლემა, რომელიც იმ კონკრეტულ მონაკვეთზე შეიქმნა. გაწმენდის სამუშაოები დაიწყო და ყველაფერი მოწესრიგდა, არანაირი პრობლემა არ არის. ძალიან დიდი ნალექი მოვიდა და აღნიშნულმა რეაბილიტირებულმა კონკრეტულმა გზის მონაკვეთმა - ჩოლოყაშვილმაც, წერეთელმაც და ვაკის სასაფლაოს წინ არსებულმა ტერიტორიამაც უპრობლემოდ გაუძლო. ერთადერთი იყო საბურავებით ამოვსებული სანიაღვრე სისტემა, რამაც გამოიწვია ის პრობლემა, რომელიც მოწესრიგებულია“, - განაცხადა კახა კალაძემ.

პოლიტიკა • 1757589696

კახა კალაძე - „მეგობარი აქტი“ რეალურად იყო მტრული და მეგობრობის იქ არაფერი ეწერა

„მეგობარი აქტი“ რეალურად მტრული იყო და მეგობრობის იქ არაფერი ეწერა, – ამის შესახებ თბილისის მერმა, კახა კალაძემ დემოკრატი კონგრესმენის, სტივ კოენის მიერ ჰელსინკის კომისიაში გაკეთებული იმ განცხადების შეფასებისას აღნიშნა, რომლის თანახმადაც, ამერიკის შეერთებული შტატების სენატი „მეგობარი აქტის“ მიღებას არ აპირებს.კახა კალაძის შეფასებით, საქართველოსთან დაკავშირებული კანონპროექტი სიცრუით იყო გაჯერებული.„რეალურად მტრული აქტი იყო და მეგობრობის იქ არაფერი ეწერა. მხოლოდ და მხოლოდ იყო მტრული, ქართველი ხალხისა და სახელმწიფოს წინააღმდეგ მიმართული. ყველაზე მძიმე და მთავარი რაც არის, დოკუმენტი გაჯერებული იყო ტყუილებით, ცილისწამებაზე იყო დაფუძნებული. მაშინ, როდესაც გამოვდივართ და ვამბობთ, რომ მნიშვნელოვანია, ამერიკის შეერთებულ შტატებთან ურთიერთობები ახალი ფურცლიდან დაიწყოს, გადაიტვირთოს, რომ მეგობრობა, პარტნიორობა მნიშვნელოვანია, რა თქმა უნდა, მსგავსი ტიპის აქტის მიღება ძალიან მძიმე იქნება – აქტის, რომელიც მხოლოდ ტყუილებზეა დაფუძნებული“, – განაცხადა თბილისის მერმა.

პოლიტიკა • 1757584103

კახა კალაძე: ეუთო/ოდირზე ზეწოლა და მუქარა იყო მხოლოდ იმიტომ, რომ გლობალური ომის პარტიის ძალებისთვის სასიკეთო შედეგი არ დადგა საქართველოში

საპარლამენტო არჩევნებზე გლობალური ომის პარტიის ძალებისთვის, რომლებიც საქართველოსა და ქართველ ხალხს ებრძვიან, სასიკეთო შედეგი არ დადგა, ამიტომ ფეხქვეშ გათელეს და შეურაცხყოფას აყენებდნენ ეუთო/ოდირს, მის დასკვნასა და მის წარმომადგენლებს, - ამის შესახებ დედაქალაქის მერმა კახა კალაძემ დღეს მედიას განუცხადა.მისი თქმით, მას ძალიან კარგად ესმის ეუთო/ოდირის გადაწყვეტილების.„ეუთო/ოდირზე გულწრფელად ვამბობ, არ გამკვირვებია, რომ უარი განაცხადეს ჩამოსვლასთან დაკავშირებით. ამას აქვს თავისი ახსნა და მიზეზი. თქვენ გახსოვთ, საპარლამენტო არჩევნების შემდეგ, როდესაც მათ საერთაშორისო თანამეგობრობას წარუდგინეს დასკვნა, თუ რა დღეში ჩააგდეს იმის გამო, რომ საქართველოში მათთვის სასიკეთო შედეგი არ დადგა, მხედველობაში მაქვს გლობალური ომის პარტიის ძალები, რომლებიც ამ ქვეყანასა და ქართველ ხალხს ებრძვიან. როგორ ფეხქვეშ გათელეს და როგორ შეურაცხყოფას აყენებდნენ ეუთო-ოდირს, მის დასკვნას და მის წარმომადგენლებს.იმხელა ზეწოლა და იმხელა მუქარა იყო, ახლა არანაირი სურვილი არ აქვთ ჩამოვიდნენ და დააკვირდნენ თვითმმართველობის არჩევნებს, როდესაც თვითმმართველობის არჩევნებზე სადამკვირვებლო მისიის ჩამოსვლის არანაირი აუცილებლობა არ არის. შესაბამისად, ძალიან კარგად მესმის მათი ამ გადაწყვეტილების“ - განაცხადა კახა კალაძემ.

პოლიტიკა • 1757583901

კახა კალაძე: დაკავებულს პატიმრობა შეეფერდება თუ არა, ამას მე და თქვენ კი არა, მოსამართლე წყვეტს... კეთილი ინებეთ და დაელოდეთ სასამართლოს გადაწყვეტილებას

"არაა საჭირო ეს მივარდნები. პროტესტი თუ აქვთ, ამას არავინ უშლის და გააპროტესტონ, კანონის ფარგლებში“, - ამის შესახებ დედაქალაქის მერმა მედიასთან საარჩევნო შტაბის შენობაზე განთავსებული ბანერის დაზიანების ფაქტზე დაკავებულზე საუბრისას აღნიშნა.კახა კალაძის თქმით, პროტესტის უფლება აქვს ყველას, თუმცა, მსგავსი ქმედებები სცდება კანონის ფარგლებს."თქვენ რა იცით ხუთ წელს მიუსჯიან თუ რამდენს? მოსამართლე ხართ? არსებობს კანონები, რომელიც აუცილებლად უნდა აღსრულდეს. პატიმრობა შეეფერდება თუ არა, ამას მე და თქვენ კი არა, მოსამართლე წყვეტს. კეთილი ინებეთ და დაელოდეთ სასამართლოს გადაწყვეტილებას. ფაქტი არის ძალიან ცუდი. არცერთ რადიკალს არ უნდა მიეცეს შესაძლებლობა, რომ  მსგავსი ქმედებები ჰქონდეს. მე რომ მოვიდე თქვენს სახლში და დაგიზიანოთ რაიმე, მოგეწონებათ?მე დავინახე, რომ სხვა ადამიანებიც აზიანებდნენ ბანერებს, მაგრამ ამ ეტაპზე შესაბამისმა უწყებამ მხოლოდ ერთი ადამიანი დააკავა, რადგან სხვების იდენტიფიცირება ვერ მოხდა. კანონს ყველამ  პატივი უნდა სცეს. არაა საჭირო ეს მივარდნები. პროტესტი თუ აქვთ, ამას არავინ უშლის და გააპროტესტონ, კანონის ფარგლებში“, - განაცხადა კახა კალაძემ.რაც შეეხება ჟურნალისტის კითხვას, რომ აღნიშნულ შენობაზე საარჩევნო ბანერი კანონიერად არ იყო განთავსებული, დედაქალაქის მერის თქმით, ეს ფაქტი სიმართლეს არ შეესაბამება, რადგან ბანერის გაკვრაზე მეპატრონის ნებართვა არსებობს."ტყუილია, რომ თითქოს ჩვენი ბანერი კანონიერად არაა განთავსებული. თქვენ ირაკლი აბესაძეს თუ დაუჯერებთ, ეს კარგს არაფერს მოგიტანთ. მისი გონებრივი შესაძლებლობა და ინტელექტი არ გამოგადგებათ. 2012 წლიდან ვარ პოლიტიკაში და დიდი გამოცდილება მაქვს. თქვენ თუ გინდათ, აბესაძეს დაუჯერეთ. ისტორიულ ზონაში არსებულ შენობაზე ბანერის განთავსებას მუნიციპალიტეტის ნებართვა არ სჭირდება. სჭირდება მხოლოდ მფლობელის ნებართვა, რაც გვაქვს, რადგან აღნიშნული ფართი საარჩევნო შტაბისთვის ვიქირავეთ. შესაბამისად, ბანერის გაკვრაც შეგვიძლია“, - აღნიშნა თბილისის მერმა.

პოლიტიკა • 1757581842

ეუთო/ოდირზე ზეწოლა და მუქარა იყო მხოლოდ იმიტომ, რომ გლობალური ომის პარტიის ძალებისთვის სასიკეთო შედეგი არ დადგა საქართველოში - კახა კალაძე

საპარლამენტო არჩევნებზე გლობალური ომის პარტიის ძალებისთვის, რომლებიც საქართველოსა და ქართველ ხალხს ებრძვიან, სასიკეთო შედეგი არ დადგა, ამიტომ ფეხქვეშ გათელეს და შეურაცხყოფას აყენებდნენ ეუთო/ოდირს, მის დასკვნასა და მის წარმომადგენლებს, - ამის შესახებ დედაქალაქის მერმა კახა კალაძემ დღეს მედიას განუცხადა.მისი თქმით,  მას  ძალიან კარგად ესმის ეუთო/ოდირის გადაწყვეტილების.„ეუთო/ოდირზე გულწრფელად ვამბობ, არ გამკვირვებია, რომ უარი განაცხადეს ჩამოსვლასთან დაკავშირებით. ამას აქვს თავისი ახსნა და მიზეზი. თქვენ გახსოვთ, საპარლამენტო არჩევნების შემდეგ, როდესაც მათ საერთაშორისო თანამეგობრობას წარუდგინეს დასკვნა, თუ რა დღეში ჩააგდეს იმის გამო, რომ საქართველოში მათთვის სასიკეთო შედეგი არ დადგა, მხედველობაში მაქვს გლობალური ომის პარტიის ძალები, რომლებიც ამ ქვეყანასა და ქართველ ხალხს ებრძვიან. როგორ ფეხქვეშ გათელეს და როგორ შეურაცხყოფას აყენებდნენ ეუთო-ოდირს, მის დასკვნას და მის წარმომადგენლებს.იმხელა ზეწოლა და იმხელა მუქარა იყო, ახლა არანაირი სურვილი არ აქვთ ჩამოვიდნენ და დააკვირდნენ თვითმმართველობის არჩევნებს, როდესაც თვითმმართველობის არჩევნებზე სადამკვირვებლო მისიის ჩამოსვლის არანაირი აუცილებლობა არ არის. შესაბამისად, ძალიან კარგად მესმის მათი ამ გადაწყვეტილების“ - განაცხადა კახა კალაძემ.

პოლიტიკა • 1757580838

ხალხი ანალიზს აკეთებს, ვინ ვინ არის, ვინ რა პოლიტიკას ახორციელებს და ვინ ვის ინტერესს ემსახურება - ყველა მუნიციპალიტეტში გაიმარჯვებს „ქართული ოცნება“ - კახა კალაძე

თბილისის მერი კახა კალაძე აცხადებს, რომ ოპოზიცია ადგილობრივი თვითმმართველობის არჩევნებში მერობისა და საკრებულოს წევრობის კანდიდატებს ვერ აკომპლექტებს, რაც იმის ნიშანია, რომ მათ გამარჯვების არანაირი შესაძლებლობა არ აქვთ.როგორც მან შესაბამისი შეკითხვის საპასუხოდ აღნიშნა, ქართველი ამომრჩეველი კარგად ხედავს, რომელი პოლიტიკური პარტია ვის ინტერესს ემსახურება.„ოპოზიციური პარტიების მხრიდან კანდიდატების არდაყენება იმაზე მიუთითებს, რომ ამ პოლიტიკურ ძალებს არანაირი შესაძლებლობა, მხარდაჭერა არ აქვთ. ყველანაირად დემოტივირებული, რესურსობრივად განულებულები არიან. ქართველი ხალხი ხომ ხედავს და გრძნობს ამ ყველაფერს? დღეს ხომ არ არის 2012 წლამდე არსებული პერიოდი, როდესაც ერთი კაცის ჯიბეში იყო ტელევიზია, სააგენტოები. სოციალური მედია შეიძლება მაშინ არ იყო, დღეს კი უკვე სხვადასხვა პლატფორმა არსებობს და ადამიანი ინფორმაციას სხვადასხვა საკითხზე აბსოლუტურად ყოველგვარი პრობლემის გარეშე იღებს. ხალხი ანალიზს აკეთებს, ვინ ვინ არის, ვინ რა პოლიტიკას ახორციელებს და ვინ ვის ინტერესს ემსახურება“, - განაცხადა კახა კალაძემ.მისივე შეფასებით, ყველა მუნიციპალიტეტში, როგორც მერობის, ისე საკრებულოს დონეზე, „ქართული ოცნება“ გაიმარჯვებს.„მეამეყება, რომ ჩვენ ქართველ ხალხს ვემსახურებით. ქართველი ხალხი არის ჩემთვის მთავარი პრიორიტეტი. რა თქმა უნდა, მათ უფლებებს დავიცავთ ყველგან, სადაც და როგორც არ უნდა ვიყოთ. შესაბამისად, ოპოზიციას არანაირი რესურსი არ გააჩნია, იციან, რომ დამარცხებულები არიან ყველგან. ყველა მუნიციპალიტეტში, როგორც მერობის, ისე საკრებულოს დონეზე, გაიმარჯვებს „ქართული ოცნება - დემოკრატიული საქართველო“, - აღნიშნა თბილისის მერმა.

პოლიტიკა • 1757580779

კახა კალაძე: კვლევა არ სჭირდება, ყოველდღიურად მაქვს მოსახლეობასთან შეხვედრები და ვგრძნობ იმ მხარდაჭერას, რომელიც "ქართულ ოცნებას" აქვს

ხალხი ხედავს, რომ ერთადერთი ძალა ვართ, ვინც ინარჩუნებს ქვეყანაში მშვიდობას და ახდენს ეკონომიკურ განვითარებას, - ამის შესახებ თბილისის მერმა მედიასთან ტელეკომპანია "იმედის" მიერ გამოქვეყნებულ საზოგადოებრივ აზრის კვლევასთან დაკავშირებით განაცხადა, რომელიც კომპანია GORBI-მ ჩაატარა.მისივე შეფასებით, მმართველი პარტიის გაზრდილი რეიტინგი უკავშირდება კონკრეტული პოლიტიკური პარტიების გარე ძალებისგან მართვას და მათ მოღალატეობრივ ქმედებებს."ამას კვლევა არ სჭირდება, ყოველდღიურად მაქვს მოსახლოებასთან შეხვედრები. ვგრძნობ იმ მხარდაჭერას, რაც "ქართულ ოცნებას" აქვს. პირდაპირ ვიტყვი - ერთადერთი ძალა ვართ, ვინც ქართულ საქმეს აკეთებს, იცავს ქვეყნის ინტერესს და ქართველი ხალხის მომავალს. ადამიანები კარგად ხედავენ, როგორ იმართება შიდა აგენტურა გარე ძალებისგან. ჩვეულებრივი მოღალატეები არიან, მზად არიან, ყველაფერზე წავიდნენ ქვეყნის, ხალხის წინააღმდეგ. ასეთ პოლიტიკურ ძალებს და პოლიტიკოსებს მომავალი არ და ვერ ექნება ამ ქვეყანაში. ამიტომ არის გაზრდილი "ქართული ოცნების" რეიტინგი. ხალხი ხედავს, რომ ერთადერთი ძალა ვართ, ვინც ინარჩუნებს ქვეყანაში მშვიდობას და ახდენს ეკონომიკურ განვითარებას, მიუხედავად ცილისწამებისა, შეურაცხყოფისა და ზეწოლისა“, - განაცხადა კახა კალაძემ.

პოლიტიკა • 1757580265

კვლევა არ სჭირდება, ყოველდღიურად მაქვს მოსახლეობასთან შეხვედრები და ვგრძნობ იმ მხარდაჭერას, რაც „ქართულ ოცნებას“ აქვს - კახა კალაძე

ხალხი ხედავს, რომ ერთადერთი ძალა ვართ, ვინც ინარჩუნებს ქვეყანაში მშვიდობას და ახდენს ეკონომიკურ განვითარებას, - ამის შესახებ თბილისის მერმა  მედიასთან ტელეკომპანია „იმედის“ მიერ გამოქვეყნებულ საზოგადოებრივ აზრის კვლევასთან დაკავშირებით განაცხადა, რომელიც კომპანია GORBI-მ ჩაატარა.მისივე შეფასებით, მმართველი პარტიის გაზრდილი რეიტინგი უკავშირდება კონკრეტული პოლიტიკური პარტიების გარე ძალებისგან მართვას და მათ მოღალატეობრივ ქმედებებს.„ამას კვლევა არ სჭირდება, ყოველდღიურად მაქვს მოსახლოებასთან შეხვედრები. ვგრძნობ იმ მხარდაჭერას, რაც „ქართულ ოცნებას“ აქვს. პირდაპირ ვიტყვი - ერთადერთი ძალა ვართ, ვინც ქართულ საქმეს აკეთებს, იცავს ქვეყნის ინტერესს და ქართველი ხალხის მომავალს. ადამიანები კარგად ხედავენ, როგორ იმართება შიდა აგენტურა გარე ძალებისგან. ჩვეულებრივი მოღალატეები არიან, მზად არიან, ყველაფერზე წავიდნენ ქვეყნის, ხალხის წინააღმდეგ. ასეთ პოლიტიკურ ძალებს და პოლიტიკოსებს მომავალი არ და ვერ ექნება ამ ქვეყანაში. ამიტომ არის გაზრდილი „ქართული ოცნების“ რეიტინგი. ხალხი ხედავს, რომ ერთადერთი ძალა ვართ, ვინც ინარჩუნებს ქვეყანაში მშვიდობას და ახდენს ეკონომიკურ განვითარებას,  მიუხედავად ცილისწამებისა, შეურაცხყოფისა და ზეწოლისა“, - განაცხადა კახა კალაძემ.

პოლიტიკა • 1757579277

კახა კალაძე: პირადად მე და ჩვენ, ყველა, თავს არ დავზოგავთ, რომ თბილისის აღმშენებლობის და განვითარების ტემპი, რაც ბოლო რვა წელია გვაქვს, გაგრძელდეს

„მეამაყება, რომ ჩვენს დედაქალაქს ის იერსახე უბრუნდება, რითაც ყველა ქართველი ამაყობდა“, - ამის შესახებ "ქართული ოცნების" თბილისის მერობის კანდიდატმა, მოქმედმა მერმა გარემოს დაცვის პოლიტიკის პრეზენტაციაზე სიტყვით გამოსვლისას ისაუბრა.კახა კალაძემ მიმდინარე და სამომავლო პროექტების განხორციელების დროს მხარდაჭერისთვის პრემიერ-მინისტრს, ცენტრალურ მთავრობასა და დედაქალაქის საკრებულოს მადლობა გადაუხადა."რამდენიმე დღეში ქალაქში კიდევ ერთი რეკრეაციული სივრცის რეაბილიტაცია დასრულდება. ყველასთვის საამაყო ვერის ბაღი მთლიანად განახლდება. ულამაზესი სივრცე გამოდის და მეამაყება, რომ ჩვენს დედაქალაქს ის იერსახე უბრუნდება, რითაც ყველა ქართველი ამაყობდა. ასევე, ვაკის პარკის რეაბილიტაცია არის ბოლო ეტაპზე და იქაც აღდგენილი იქნება ისე, რომ შენარჩუნებული იყოს პარკის პირვანდელი იერსახე, მოწესრიგდება კიბეები, შადრევნები, კასკადი, განათებები და ა.შ. გარდა ამისა, რამდენიმე დღეში გლდანის პატარა ტბაზე განხორციელებულ საკმაოდ მნიშვნელოვან პროექტს ვასრულებთ. სამომავლოდ კი, საკმაოდ ამბიციური გგემები გვაქვს.ჩვენ ვიცით ყველა პრობლემა, ყველა გამოწვევა, რომელიც დაკავშირებულია დედაქალაქთან. ჩვენ ვართ ის გუნდი, ვინც ვიცით, როგორ უნდა მოვაწესრიგოთ, როგორ უნდა გადავჭრათ, როგორ უნდა ვუპასუხოთ ყველა გამოწვევას. რა თქმა უნდა, ჩვენ ამ პრობლემების არ გვეშინია, რადგან ზურგს გვიმაგრებს ძალიან ძლიერი გუნდი. ჩვენ გვაქვს ცენტრალური ხელისუფლების დიდი მხარდაჭერა და ამისთვის მინდა პრემიერ-მინისტრს, ირაკლი კობახიძეს მადლობა გადავუხადო. მადლობა თითოეულ მინისტრს, მთავრობის წევრებს, თბილისის საკრებულოს თავმჯდომარეს, საკრებულოს წევრებს მხარდაჭერისთვის. ჩვენ ამ ყველაფერს ვაკეთებთ ერთად ჩვენი ქალაქისთვის. განსაკუთრებული მადლობა ჩვენს თბილისელებს, რადგან მათი თანადგომა კიდევ მეტ მოტივაციას გვაძლევს, რომ ყოველთვის მზადყოფნაში ვიყოთ, 24-საათიან რეჟიმში ვემსახუროთ ქალაქს. პირადად მე და ჩვენ, ყველა, თავს არ დავზოგავთ, რომ თბილისის აღმშენებლობის და განვითარების ტემპი, რაც ბოლო რვა წელია გვაქვს, გაგრძელდეს. კიდევ უფრო მეტის გაკეთება უნდა შევძლოთ“, - აღნიშნა კახა კალაძემ.ამასთან, თბილისის მერმა კიდევ ერთელ ისაუბრა დაგეგმილ ადგილობრივი თვითმმართველობის არჩევნებზე და აღნიშნა, რომ დარწმუნებულია გამარჯვებაში."რა თქმა უნდა, ჩვენ ვაგრძელებთ მუშაობას ჩვენი ქალაქისა და ქალაქელებისთვის. მე დარწმუნებული ვარ და მჯერა, რომ ჩვენ 4 ოქტომბერს აუცილებელად გავიმარჯვებთ. გაიმარჯვებს ჩვენი ქალაქი, რადგან ეს სჭირდება თბილისს. ქალაქის აღმშენებლობა უნდა გაგრძელდეს. ერთადერთი პოლიტიკური ძალა ვართ, ვისაც ქვეყანაში მშვიდობის შენარჩუნება შეუძლია, რომელიც არავის მისცემს იმის შესაძლებლობას, რომ ჩვენი ქვეყანა გამოიყენონ თავიანთი ინტერესებისთვის. ჩვენ გვჭირდება მეგობრებიც, პარტნიორებიც, თუმცა, ეს უნდა იყოს ორმხრივი და არა საქართველოს ინტერესების დათმობის ხარჯზე. მშვიდობას და სიმშვიდის შენარჩუნებას მოაქვს ზუსტად ასეთი პროექტების განხორციელების საშუალება“, - განაცხადა დედაქალაქის მერმა.

საზოგადოება • 1757579233

თბილისის მერია ზოოპარკს თბილისის ზღვის ტერიტორიაზე დაჩქარებული ტემპით გადაიტანს, არსებული ზოოპარკის ადგილას კი მწვანე სივრცე მოეწყობა, რომელიც მზიურის პარკს დაუკავშირდება

"ქართული ოცნების" თბილისის მერობის კანდიდატის, კახა კალაძის განცხადებით, დიღმის ტყე-პარკის მსგავსი სივრცეები ქალაქს ძალიან სჭირდება. შესაბამისად, მუნიციპალიტეტი ყველაფერს გააკეთებს მისი სრულად გამოსყიდვისთვის და რეაბილიტაციისთვის.ამის შესახებ კახა კალაძემ გარემოს დაცვის პოლიტიკის ფარგლებში დაგეგმილი პროექტების პრეზენტაციაზე განაცხადა."დიღმის ტყე-პარკი კარგი მაგალითია იმისა, როგორი მავნე პრაქტიკა ჰქონდა ძველ ხელისუფლებას. ამ ტერიტორიის დიდი ნაწილი იყო გასხვისებული. გარკვეული ნაწილი გამოვისყიდეთ, თუმცა დარჩენილია ნაწილი, რაც ჯერ კიდევ კერძო საკუთრებაშია. ჩვენ მთლიანად გვინდა მისი გამოსყიდვა, ვაწარმოებთ მოლაპარაკებას. ქალაქში მსგავსი სივრცეების არსებობა პრინციპულად მნიშვნელოვანია. ამ შემთხვევაში დიდი ჩარევა არაა საჭირო, რადგან ტყე-პარკზეა საუბარი. ყველაფერს გავაკეთებთ იმისთვის, რომ ქალაქს აღნიშნული ტერიტორია დაუბრუნდეს“, - განაცხადა კახა კალაძემ.რაც შეეხება დედაქალაქში გარემოს დაცვის პრიორიტეტულ მიმართულებებს, როგორც პრეზენტაციისას მერის მოადგილე ანდრია ბასილაიამ აღნიშნა, ყველა რეაბილიტირებული პარკი თუ სკვერი სავსეა მოქალაქეებით, რაც სიგნალია, იმისა, რომ მუნიციპალიტეტს მწვანე სივრცეებთან მიმართებით სწორი დამოკიდებულება აქვს."ჩვენ რადიკალურად შევცვალეთ ის მიდგომა და დამოკიდებულება, რაც დედაქალაქს ჰქონდა მწვანე სივრცეებთან მიმართებით. შედეგი სახეზეა - დედაქალაქში ყველა სკვერი თუ პარკი, რომელსაც რეაბილიტაცია უტარდება არის სავსე მოქალაქეებით. ეს ჩვენთვის სტიმული და სიგნალია, რომ გარემოს დაცვა დარჩეს ერთ-ერთ პრიორიტეტულ მიმართულებად. გვაქვს ამბიციური გეგმები მომდევნო ოთხი წლის განმავლობაში. ვაპირებთ, გავაგრძელოთ პარკებისა და სკვერების რეაბილიტაცია. ამ მიმართულებით იგეგმება 200 ჰა-მდე რეკრეაციული სივრცის რეაბილიატაცია-მოწყობა. გარდა ამისა, ვახორციელებთ ბევრ საგზაო სამუშაოს, კუნძულებს, თარგებს, რომლის ფარგლებშიც, 350 000-მდე სხვადასხვა სახეობის მწვანე ნარგავი დაირგვება“, - განაცხადა ანდრია ბასილაიამ.მისივე თქმით, ერთ-ერთი მნიშვნელოვანი პროექტი, რაც უახლოეს მომავალში განხორციელდება ზოოპარკის თბილისის ზღვის ტერიტორიაზე გადატანა იქნება."ქალაქში გვაქვს ძველი ზოოპარკი, რომლის გადატანაც დავიწყეთ თბილისის ზღვის ტერიტორიაზე. დამეთანხმებით იმაში, რომ დღეს აღნიშნული ზოოპარკი ვერ პასუხობს თანამედროვე მოთხოვნებს ვერც ცხოველებთან და ვერც ვიზიტორებთან მიმართებით. შესაბამისად, დავგეგმეთ დაჩქარებული ტემპით მისი გადატანა. შედეგად, მივიღებთ ახალ სივრცეს, დაახლოებით 50 ჰექტარ ფართობზე. არსებული ზოოპარკის ტერიტორიაზე კი რეკრეაციული სივრცე მოეწყობა, რომელიც დაუკავშირდება მზიურის პარკს. შედეგად, მივიღებთ ერთიან პარკს, რომელიც ვაკეს და საბურთალოს რაიონებს ერთმანეთთან დააკავშირებს, ჯამში 25 ჰექტრამდე გამოვა აღნიშნული პროექტი“, - განაცხადა ანდრია ბასილაიამ.ამას გარდა, მერის მოადგილემ დაასახელა კონკრეტული პარკები და სკვერები, რასაც მომდევნო ოთხი წლის მანძილზე რეაბილიტაცია ჩაუტარდება."ძალიან მნიშვნელოვანია დედაქალაქში პარკების და სკვერების რეაბილიტაცია. ამ კუთხით, გამოვყავი რამდენიმე პროექტი, ბუნებრივია, ეს არ არის სრული ჩამონათვალი რისი გაკეთებაც იგეგმება მომდევნო წლებში. დავიწყებ პირველი რესპუბლიკის ბაღის რეაბილიტაციით. აღნიშნული პროექტი უკვე შესყიდულია, დედაქალაქისთვის ეს ისტორიული არეალია.შემდეგი იქნება, დიღმის ჭალებში პარკის მოწყობა. ამ ტერიტორიაზე იგეგმება სპორტული და გამაჯანსაღებელი ობიექტების მშენებლობა. გარდა ამისა, რიყის პარკი რეაბილიტირდება. ეს არის ერთგვარი სავიზიტო ბარათი ჩვენი დედაქალისთვის. მას უამრავი ტურისტი სტუმრობს. ახლა ის სრულად ამორტიზებულია და გვინდა შესაბამისი პროექტის შესყიდვა და მისი რეაბილიტაცია. ასევე, იგეგმება ავჭალის პარკის რეაბილიტაცია; კახიძის სკვერის რეაბილიტაცია; არტოს ბაღის რეაბილიტაცია; მნიშვნელოვანია მუშთაიდის ბაღის რეაბილიტაცია იმდენად, რომ ალბათ ყველა თაობის თბილისელს ერთხელ მაინც მოსწევია აქ დასვენება. ამჟამად, ის კერძო პირებზეა გადაცემული. გვაქვს სურვილი, დავიბრუნოთ და ჩავუტაროთ სარულყოფილი რეაბილიტაცია. ხუდადოვის ტყე-პარკს რაც შეეხება, დავიწყეთ წინა წლებში მისი რეაბილიტაცია, აღვადგინეთ ძირითადი ბილიკი, გვინდა, რომ გაგრძელდეს ეს ტენდენცია, რადგან ვფიქრობთ, ამ პარკს აქვს უკეთესი პოტენციალი; დიღმის ტყე-პარკის რეაბილიტაცია მნიშვნელოვანი პროექტი იქნება, ჩვენ რამდენიმე წელია, დავიწყეთ გამოსყიდვა-მონაცვლეობის პროცედურები, როცა დასრულდება ის, აუცილებლად მოვახდენთ მის რეაბილიტაციას“, - აღნიშნა ანდრია ბასილაიამ.

პოლიტიკა • 1757579179

შალვა პაპუაშვილი: თბილისი დღეს შეუდარებელია, ამას მტერი თუ მოყვარე ყველა ხედავს. მათ შორის ჩვენი ოპონენტები ზუსტად კახა კალაძის ხელმძღვანელობით აღდგენილ პარკებში, როგორ დასეირნობენ, ესეც აჩვენებს თუ რა წარმატებაა ამ მხრივ

თბილისის მოქალაქეებს აქვთ შესაძლებლობა მოისმინონ რა გეგმები აქვს კახა კალაძეს მომავალი 4 წლის განმავლობაში. გარემოს დაცვა და შესაბამისი პირობების შექმნა თანამოქალაქეებისთვის, ეს არის რაც წლების განმავლობაში კახა კალაძის მხრიდან კეთდებოდა, - განაცხადა საქართველოს პარლამენტის თავმჯდომარემ შალვა პაპუაშვილმა, თბილისის მერობის კანდიდატის კახა კალაძის ღონისძიების დასრულების შემდეგ.მისი თქმით, თბილისი დღეს შეუდარებელია და ამის უარყოფა არავის შეუძლია.„დღეს თბილისი შეუდარებელი არის, მისი მდგომარეობა, რაც წლების წინ იყო. ამას მტერი თუ მოყვარე ყველა ხედავს. მათ შორის ვაკვირდებით ჩვენი ოპონენტები ზუსტად კახა კალაძის ხელმძღვანელობით აღდგენილ პარკებში, როგორ დასეირნობენ და ხვდებიან მოქალაქეებს. ესეც აჩვენებს თუ რა წარმატებაა ამ მხრივ.დღეს იყო საუბარი თუ როგორ მოხდება მომავალი წლების განმავლობაში მწვანე გარემოს და ჩვენი მოქალაქეებისთვის უსაფრთხო გარემოს შექმნა“, - განაცხადა შალვა პაპუაშვილმა.შეგახსენებთ, რომ პარტია „ქართული ოცნება-დემოკრატიული საქართველოს“ თბილისის მერობის კანდიდატმა, დედაქალაქის მოქმედმა მერმა კახა კალაძემ საზოგადოებას მომდევნო ოთხი წლის განმავლობაში, გარემოს დაცვის პოლიტიკის მიმართულებით დაგეგმილი პროექტები წარუდგინა.

პოლიტიკა • 1757579151

თბილისის მერია ზოოპარკს თბილისის ზღვის ტერიტორიაზე დაჩქარებული ტემპით გადაიტანს, არსებული ზოოპარკის ადგილას კი მწვანე სივრცე მოეწყობა, რომელიც მზიურის პარკს დაუკავშირდება

„ქართული ოცნების“ თბილისის მერობის კანდიდატის, კახა კალაძის განცხადებით, დიღმის ტყე-პარკის მსგავსი სივრცეები ქალაქს ძალიან სჭირდება. შესაბამისად, მუნიციპალიტეტი ყველაფერს გააკეთებს მისი სრულად გამოსყიდვისთვის და რეაბილიტაციისთვის.ამის შესახებ კახა კალაძემ გარემოს დაცვის პოლიტიკის ფარგლებში დაგეგმილი პროექტების პრეზენტაციაზე განაცხადა.„დიღმის ტყე-პარკი კარგი მაგალითია იმისა, როგორი მავნე პრაქტიკა ჰქონდა ძველ ხელისუფლებას. ამ ტერიტორიის დიდი ნაწილი იყო გასხვისებული. გარკვეული ნაწილი გამოვისყიდეთ, თუმცა დარჩენილია ნაწილი, რაც ჯერ კიდევ კერძო საკუთრებაშია. ჩვენ მთლიანად გვინდა მისი გამოსყიდვა, ვაწარმოებთ მოლაპარაკებას. ქალაქში მსგავსი სივრცეების არსებობა პრინციპულად მნიშვნელოვანია. ამ შემთხვევაში დიდი ჩარევა არაა საჭირო, რადგან ტყე-პარკზეა საუბარი. ყველაფერს გავაკეთებთ იმისთვის, რომ ქალაქს აღნიშნული ტერიტორია დაუბრუნდეს“, - განაცხადა კახა კალაძემ.რაც შეეხება დედაქალაქში გარემოს დაცვის პრიორიტეტულ მიმართულებებს, როგორც პრეზენტაციისას მერის მოადგილე ანდრია ბასილაიამ აღნიშნა, ყველა რეაბილიტირებული პარკი თუ სკვერი სავსეა მოქალაქეებით, რაც სიგნალია, იმისა, რომ მუნიციპალიტეტს მწვანე სივრცეებთან მიმართებით სწორი დამოკიდებულება აქვს.„ჩვენ რადიკალურად შევცვალეთ ის მიდგომა და დამოკიდებულება, რაც დედაქალაქს ჰქონდა მწვანე სივრცეებთან მიმართებით. შედეგი სახეზეა - დედაქალაქში ყველა სკვერი თუ პარკი, რომელსაც რეაბილიტაცია უტარდება არის სავსე მოქალაქეებით. ეს ჩვენთვის სტიმული და სიგნალია, რომ გარემოს დაცვა დარჩეს ერთ-ერთ პრიორიტეტულ მიმართულებად. გვაქვს ამბიციური გეგმები მომდევნო ოთხი წლის განმავლობაში. ვაპირებთ, გავაგრძელოთ პარკებისა და სკვერების რეაბილიტაცია. ამ მიმართულებით იგეგმება 200 ჰა-მდე რეკრეაციული სივრცის რეაბილიატაცია-მოწყობა. გარდა ამისა, ვახორციელებთ ბევრ საგზაო სამუშაოს, კუნძულებს, თარგებს, რომლის ფარგლებშიც, 350 000-მდე სხვადასხვა სახეობის მწვანე ნარგავი დაირგვება“, - განაცხადა ანდრია ბასილაიამ.მისივე თქმით, ერთ-ერთი მნიშვნელოვანი პროექტი, რაც უახლოეს მომავალში განხორციელდება ზოოპარკის თბილისის ზღვის ტერიტორიაზე გადატანა იქნება.„ქალაქში გვაქვს ძველი ზოოპარკი, რომლის გადატანაც დავიწყეთ თბილისის ზღვის ტერიტორიაზე. დამეთანხმებით იმაში, რომ დღეს აღნიშნული ზოოპარკი ვერ პასუხობს თანამედროვე მოთხოვნებს ვერც ცხოველებთან და ვერც ვიზიტორებთან მიმართებით. შესაბამისად, დავგეგმეთ დაჩქარებული ტემპით მისი გადატანა.  შედეგად, მივიღებთ ახალ სივრცეს, დაახლოებით 50 ჰექტარ ფართობზე.  არსებული ზოოპარკის ტერიტორიაზე კი რეკრეაციული სივრცე მოეწყობა, რომელიც დაუკავშირდება მზიურის პარკს. შედეგად, მივიღებთ ერთიან პარკს, რომელიც ვაკეს და საბურთალოს რაიონებს ერთმანეთთან დააკავშირებს, ჯამში 25 ჰექტრამდე გამოვა აღნიშნული პროექტი“, - განაცხადა ანდრია ბასილაიამ.ამას გარდა, მერის მოადგილემ დაასახელა კონკრეტული პარკები და სკვერები, რასაც მომდევნო ოთხი წლის მანძილზე რეაბილიტაცია ჩაუტარდება.„ძალიან მნიშვნელოვანია დედაქალაქში პარკების და სკვერების რეაბილიტაცია. ამ კუთხით, გამოვყავი რამდენიმე პროექტი, ბუნებრივია, ეს არ არის სრული ჩამონათვალი რისი გაკეთებაც იგეგმება მომდევნო წლებში. დავიწყებ პირველი რესპუბლიკის ბაღის რეაბილიტაციით. აღნიშნული პროექტი უკვე შესყიდულია, დედაქალაქისთვის ეს ისტორიული არეალია.შემდეგი იქნება, დიღმის ჭალებში პარკის მოწყობა. ამ ტერიტორიაზე იგეგმება სპორტული და გამაჯანსაღებელი ობიექტების მშენებლობა. გარდა ამისა, რიყის პარკი რეაბილიტირდება. ეს არის ერთგვარი სავიზიტო ბარათი ჩვენი დედაქალისთვის. მას უამრავი ტურისტი სტუმრობს. ახლა ის სრულად ამორტიზებულია და გვინდა შესაბამისი პროექტის შესყიდვა და მისი რეაბილიტაცია. ასევე, იგეგმება ავჭალის პარკის რეაბილიტაცია; კახიძის სკვერის რეაბილიტაცია; არტოს ბაღის რეაბილიტაცია; მნიშვნელოვანია მუშთაიდის ბაღის რეაბილიტაცია იმდენად, რომ ალბათ ყველა თაობის თბილისელს ერთხელ მაინც მოსწევია აქ დასვენება. ამჟამად, ის კერძო პირებზეა გადაცემული. გვაქვს სურვილი, დავიბრუნოთ და ჩავუტაროთ სარულყოფილი რეაბილიტაცია.  ხუდადოვის ტყე-პარკს რაც შეეხება, დავიწყეთ წინა წლებში მისი რეაბილიტაცია, აღვადგინეთ ძირითადი ბილიკი, გვინდა, რომ გაგრძელდეს ეს ტენდენცია, რადგან ვფიქრობთ, ამ პარკს აქვს უკეთესი პოტენციალი;  დიღმის ტყე-პარკის რეაბილიტაცია მნიშვნელოვანი პროექტი იქნება, ჩვენ რამდენიმე წელია, დავიწყეთ გამოსყიდვა-მონაცვლეობის პროცედურები, როცა დასრულდება ის, აუცილებლად მოვახდენთ მის რეაბილიტაციას“, - აღნიშნა ანდრია ბასილაიამ.