თამარ გაბუნია

მიხეილ სარჯველაძემ City Cancer Challenge-ის ღონისძიებაში მიიღო მონაწილეობა

ონკოლოგიური პაციენტებისთვის სერვისებისა და უფლებების კიდევ უფრო გაუმჯობესების საკითხები განიხილეს City Cancer Challenge-ის ღონისძიებაზე.სტუმრებს მისასალმებელი სიტყვით მიხეილ სარჯველაძემ მიმართა. შეხვედრაზე,ონკოლოგიური დიაგნოზის მქონე პაციენტებისთვის არსებული საჭიროებები და გამოწვევები განიხილეს.ისაუბრეს სერვისების მაქსიმალურად ხელმისაწვდომობის მიზნით გასატარებელ ღონისძიებებსა და სამომავლო გეგმებზე.ჯანდაცვის მინისტრმა,მოწვეულ სტუმრებს პროცესში აქტიური ჩართულობისთვის მადლობა გადაუხადა და განაცხადა,რომ უწყების მთავარი მიზანი თითოეული ბენეფიციარისთვის, მკურნალობის პროცესის გამარტივება, მათი ინტერესებისა და უფლებების დაცვაა.ღონისძიების მონაწილეებს, სიტყვით, ასევე, ჯანდაცვის მინისტრის მოადგილე თამარ გაბუნიამ მიმართა.ფონდი „City Cancer Challenge“ქალაქებისთვის საუკეთესო გამოცდილების გაზიარებას უზრუნველყოფს და სიმსივნეების შესახებ ცნობიერების დონის ამაღლების გზით, სიკვდილიანობის თავიდან აცილებას ისახავს მიზნად.ღონისძიებას მინისტრის მოადგილეები თამარ გაბუნია და თეა გიორგაძე,City Cancer Challenge-ის ევროპის რეგიონის დირექტორი სოფი ბუსმანი, city cancer challenge-ის აღმასრულებელი დირექტორი ისაბელ მესტრესი,ჯანმრთელობის მსოფლიო ორგანიზაციის წარმომადგენლები,ასევე ფარმაცევტული სექტორისა და პაციენტთა ორგანიზაციების წევრები ესწრებოდნენ.

საზოგადოება • 1728636984

თავდაცვის ძალებმა სამედიცინო სწავლება GEOMEDEX 24 ჩაატარა

ვაზიანის სამხედრო აეროდრომის მიმდებარე ტერიტორიაზე ნატოს სტანდარტებით პირველი ქართული სამხედრო სამედიცინო სწავლება გაიმართა. GEOMEDEX 24, ნატო-საქართველოს არსებითი პაკეტის (SNGP) სამხედრო სამედიცინო ინიციატივის ფარგლებში, აღმოსავლეთის სარდლობისა და სამედიცინო დეპარტამენტის ხელმძღვანელობით ჩატარდა. სწავლება საქართველოს თავდაცვის ძალების სამხედრო სამედიცინო შესაძლებლობების განვითარებას ისახავს მიზნად.საჩვენებელი სწავლების დროს განხორციელდა დაჭრილი სამხედროების საველე ჰოსპიტალში - ROLE2F „დიდგორი მედევაკით“ ევაკუაცია, შემდეგ კი, ვერტმფრენით სამოქალაქო ჰოსპიტალში გადაყვანა.სწავლების მიმდინარეობას საქართველოს თავდაცვის მინისტრის მოადგილე პაატა პატიაშვილი, თავდაცვის ძალების მეთაურის მოადგილე, ბრიგადის გენერალი ირაკლი ჭიჭინაძე, დევნილთა, შრომის, ჯანმრთელობისა და სოციალური დაცვის მინისტრის მოადგილე თამარ გაბუნია, SNGP-ის ძირითადი ჯგუფის წევრები, თავდაცვის ატაშეები, აშშ-ის ევროპის სარდლობის ავიაციის ძალებისა და აზერბაიჯანის შეიარაღებული ძალების მთავარი ექიმები, თავდაცვის ძალებისა და ლუგარის სახელობის სამედიცინო კვლევითი ცენტრის წარმომადგენლები გაეცნენ.ღონისძიების ფარგლებში, ბრიგადის გენერალმა ირაკლი ჭიჭინაძემ სამხედრო სამედიცინო მიმართულების განვითარებაში შეტანილი წვლილის, სწავლების წარმატებით დაგეგმვისა და აღსრულებისთვის მედლებით „ღირსეული პარტნიორი“ პოლკოვნიკი იურგენ მუნტენაარი და ვიცე-პოლკოვნიკი ივონ ზიბერტი დააჯილდოვა.GEOMEDEX 24-ში მე-4 ქვეითი ბრიგადის სამედიცინო ასეული იყო ჩართული. ასეული ნატოს ოპერატიული შესაძლებლობების კონცეფციის შეფასების და უკუკავშირის (OCC E&F) პროცესის სერტიფიცირებისათვის ემზადება. ქვედანაყოფის საწყისი ოპერატიული შესაძლებლობები (IOC) ევროპის მულტინაციონალური სამედიცინო საკოორდინაციო ცენტრის შემფასებელთა ჯგუფის მიერ ეროვნულ დონეზე დადებითად შეფასდა, ასეული ნატოს საბოლოო ოპერატიული შესაძლებლობების სერტიფიცირებას (FOC) 2025 წელს ნატო-საქართველოს სწავლებაზე გაივლის.

ჯანდაცვა • 1725719781

ჯანდაცვის მინისტრი აკადემიკოს ფრიდონ თოდუას 80 წლის იუბილესადმი მიძღვნილ სამეცნიერო კონფერენციაზე სიტყვით გამოვიდა

ჯანდაცვის მინისტრი, აკადემიკოს ფრიდონ თოდუას 80 წლის იუბილესადმი მიძღვნილ სამეცნიერო კონფერენციაზე სიტყვით გამოვიდა. მიხეილ სარჯველაძემ, საქართველოში, თანამედროვე მედიცინის განვითარებაში, ფრიდონ თოდუას ღვაწლზე ისაუბრა.მინისტრმა აღნიშნა, რომ აკადემიკოსმა, ქართულ ჯანდაცვის სისტემას სახელი გაუთქვა და თანამედროვე მიდგომები და მკურნალობა ქართველი პაციენტებისთვის ხელმისაწვდომი გახადა.სამეცნიერო კონფერენციაზე -„ტექნოლოგიები XXI საუკუნის მედიცინაში" - მოხსენებები გაკეთდა ისეთ საინტერესო თემებზე, როგორიცაა: „თანამედროვე კომპიუტერული ტომოგრაფიის შესაძლებლობები, ფილტვის ქრონიკული ობსტრუქციული დაავადების დროს," „რადიოლოგიური ბიომარკერების როლი ნერვული სისტემის დაავადებების კვლევაში," „კაროტიდული ათეროსკლეროზის თანამედროვე ულტრაბგერითი დიაგნოსტიკა" და სხვა.ფრიდონ თოდუას განსაკუთრებული წვლილი მიუძღვის, საქართველოს რადიოლოგიური სკოლის განვითარებაში. მან დააფუძნა საქართველოს რადიოლოგთა ასოციაცია. იგი იყო მედიცინაში მეცნიერულ-ტექნიკური პროგრესის ახალი მიღწევების, რადიოლოგიური კვლევის ახალი დიაგნოსტიკური მეთოდების დანერგვის ინიციატორი. ფრიდონ თოდუა იყო პირველი, ვინც ყოფილ საბჭოთა კავშირში კომპიუტერული ტომოგრაფიის განვითარებას ჩაუყარა საფუძველი და გამოავლინა დიდი ორგანიზატორული ნიჭი განყოფილების ჩამოყალიბებასა და კადრების მომზადებაში. მან პირველმა შეიმუშავა ე.წ. „უსისხლო“ მანიპულაციები სხვადასხვა დაავადებების მკურნალობისთვის და დანერგა ორგანოშემანარჩუნებელი ოპერაციები კომპიუტერული ტომოგრაფიის და ულტრაბგერითი კონტროლით, რაც შესაძლებლობას იძლევა უარი ითქვას რთულ ოპერაციულ ჩარევებზე. მის მიერ შემუშავებული მეთოდები ფართოდ დაინერგა მსოფლიოს მრავალ კლინიკაში.თოდუას კლინიკის მიერ ორგანიზებულ კონფერენციას, ჯანდაცვის მინისტრის მოადგილეები თამარ გაბუნია და თეა გიორგაძე, აკადემიკოსები, მეცნიერები და 250-მდე საქართველოს წამყვანი ექიმი ესწრებოდნენ.ინფორმაციას ჯანდაცვის სამინისტროს პრესსამსახური ავრცელებს.

ჯანდაცვა • 1723197369

მიხეილ სარჯველაძე „ამერიკულ ჰოსპიტალ თბილისში“ იმყოფებოდა, რომელმაც Joint Commission International-ის საერთაშორისო აკრედიტაცია მოიპოვა

ჯანდაცვის მინისტრი მიხეილ სარჯველაძე, „ამერიკულ ჰოსპიტალ თბილისში“ იმყოფებოდა, რომელმაც Joint Commission International (JCI)-ის საერთაშორისო აკრედიტაცია მოიპოვა.JCI პაციენტთა ჯანმრთელობისა და უსაფრთხოების დაცვის ხარისხის გასაუმჯობესებლად მუშაობს და ამ მიმართულებით, მსოფლიოში, აღიარებულია ოქროს სტანდარტად.საერთაშორისო აკრედიტაციის მიღების აღსანიშნავად გამართული ღონისძიება ჯანდაცვის მინისტრმა გახსნა. როგორც მიხეილ სარჯველაძემ, სიტყვით გამოსვლისას აღნიშნა, სახელმწიფო მუდმივად მხარს დაუჭერს ინიციატივებს, რომელიც პაციენტთა უფლებების დაცვას ემსახურება და ასეთ მაღალ შეფასებას იმსახურებს.კლინიკის ხელმძღვანელებმა, სამინისტროს, განხორციელებული რეფორმებისთვის, მადლობა გადაუხადეს და აღნიშნეს, რომ არსებული სისტემების კიდევ უფრო გასაუმჯობესებლად, სახელმწიფოს ასეთი მხარდაჭერა ძალიან მნიშვნელოვანია.ღონისძიებას განათლების, მეცნიერებისა და ახალგაზრდობის მინისტრი გიორგი ამილახვარი, ჯანდაცვის მინისტრის მოადგილეები თამარ გაბუნია და თეა გიორგაძე, ასევე - სამედიცინო სფეროს წარმომადგენლები, დიპლომატები და სხვა მოწვეული სტუმრები ესწრებოდნენ.

ჯანდაცვა • 1722193860

ჰეპატიტის მსოფლიო დღის აღსანიშნავად, ახალციხეში, ღონისძიება გაიმართა

ჰეპატიტის მსოფლიო დღის აღსანიშნავად, ახალციხეში, ღონისძიება გაიმართა, რომლის მიზანიც ჰეპატიტებსა და მათ გამომწვევ დაავადებებზე, ცნობიერების ამაღლება იყო.ახალციხეში გამართული შეხვედრა ჯანდაცვის მინისტრმა გახსნა. მიხეილ სარჯველაძემ განსაკუთრებული ყურადღება გაამახვილა სკრინინგისა და ჰეპატიტების სამკურნალო სახელმწიფო პროგრამების მნიშვნელობაზე. Სიტყვით გამოსვლისას, მინისტრმა, ამ მიმართულებებით, მთელი ქვეყნის მასშტაბით და განსაკუთრებით კი, რეგიონებში, ცნობიერების ამაღლების მნიშვნელობაზეც ისაუბრა.როგორც მიხეილ სარჯველაძემ აღნიშნა, ჰეპატიტების სამკურნალო პროგრამების წარმატებაში ძალიან მნიშვნელოვან როლს ასრულებენ მედიკოსები. მინისტრის განცხადებით, განსაკუთრებით აღსანიშნავია, ამ მიმართულებით, ინფექციური პათოლოგიისა და შიდსის ცენტრის დირექტორის, თენგიზ ცერცვაძის ინიციატივები და მისი ღვაწლი. ღონისძიებაზე, ჯანდაცვის მინისტრის პირველმა მოადგილემ, თამარ გაბუნიამ C ჰეპატიტის ელიმინაციის სახელმწიფო პროგრამის მიღწევები და მისი შედეგებიწარმოადგინა.აღსანიშნავია, პროგრამა 2015 წელს ამოქმედდა და მასში შემავალი სერვისები სრულად ფინანსდება სახელმწიფოს მიერ. მკურნალობა უკვე დაასრულა 84 000-მდე მოქალაქემ, მათი განკურნების მაჩვენებელი 99%-ია.მოწვეულ სტუმრებს, B ჰეპატიტის სამკურნალო სახელმწიფო პროგრამა დეტალურად გააცნო დაავადებათა კონტროლისა და საზოგადოებრივი ჯანმრთელობის ცენტრის დირექტორის მოადგილე ეკატერინე ადამიამ. ასევე, აღსანიშნავია, რომ B ჰეპატიტის მართვის პროგრამა სრულად ფინანსდება სახელმწიფოს მიერ. პირველ ეტაპზე,პაციენტები, ტესტირებასა და დიაგნოსტიკას გაივლიან. მკურნალობას კი სექტემბრიდან დაიწყებენ.შეხვედრა კითხვა - პასუხის რეჟიმში გაგრძელდა.ღონისძიებას ესწრებოდნენ: დაავადებათა კონტროლისა და საზოგადოებრივი ჯანმრთელობის ცენტრის, რეგიონის მასშტაბით, პირველადი და საზოგადოებრივი ჯანდაცვის ცენტრების წარმომადგენლები. ასევე - ახალციხის მერი ირაკლი ლაზარაშვილი, მედიკოსები, პაციენტები და სხვა მოწვეული სტუმრები.

ჯანდაცვა • 1721289860

მიხეილ სარჯველაძე, სომხეთის ჯანდაცვის მინისტრის შეხვდა

ჯანდაცვის მინისტრი მიხეილ სარჯველაძე, სომეხ კოლეგას, ანაჰიტ ავანესიანს შეხვდა.მხარეებმა, ჯანმრთელობის დაცვის მიმართულებით, ერთობლივ პროექტებზე იმსჯელეს და პარტნიორობის შემდგომი გაღრმავების საკითხებზე შეთანხმდნენ. საუბარი შეეხო სომხეთსა და საქართველოში, ჯანდაცვის სფეროში მიმდინარე და დაგეგმილ რეფორმებს და ამ მიმართულებით გამოცდილების გაზიარების მნიშვნელობას.მიხეილ სარჯველაძემ, დელეგაციის წევრებს, ჯანდაცვის სერვისებზე ხელმისაწვდომობის გაუმჯობესების კუთხით, არსებული მნიშვნელოვანი პროგრესი გააცნო. მინისტრმა აღნიშნა, რომ ქვეყნებს შორის გამოცდილების გაზიარება, პაციენტზე ორიენტირებული სისტემის კიდევ უფრო განვითარებას შეუწყობს ხელს.საქართველოში, სომხეთის ჯანდაცვის მინისტრის ვიზიტს, წინ უძღოდა ჟენევაში, ჯანმრთელობის მსოფლიო ასამბლეის ფარგლებში, მიხეილ სარჯველაძესა და ანაჰიტ ავანესიანს შორის გამართული შეხვედრა, სადაც კიდევ უფრო მჭიდრო პარტნიორობის სამომავლო პერსპექტივები განიხილეს.სამინისტროში გამართულ შეხვედრას მინისტრის მოადგილეები, თამარ გაბუნია და თეა გიორგაძე, ასევე საქართველოში, სომხეთის რესპუბლიკის საგანგებო და სრულუფლებიანი ელჩი აშოტ სმბატიანი ესრებოდნენ. სომხეთის ჯანდაცვის მინისტრთან ერთად, საქართველოში, ვიზიტით იმყოფებოდნენ: სომხეთის დაავადებათა კონტროლისა და პრევენციის ეროვნული ცენტრის გენერალური დირექტორი სტეპან ატოიანი, ონკოლოგიის ეროვნული ცენტრის დირექტორი ნარეკ მანუკიანი, წამლებისა და სამედიცინო ტექნოლოგიების ექსპერტიზის ცენტრის დირექტორი არაიიკ ბაღრიანი, საერთაშორისო ურთიერთობების დეპარტამენტის უფროსი არმენ მელქონიანი და დელეგაციის სხვა წევრები.

ჯანდაცვა • 1720161586

ჯანდაცვის სამინისტრომ, ქართული მედიცინის ისტორიის მუზეუმს, გრიგოლ მუხაძის სამედიცინო არქივი გადასცა

ჯანდაცვის მინისტრი ქართული მედიცინის ისტორიის მუზეუმში იმყოფებოდა. მიხეილ სარჯველაძემ მუზეუმი დაათვალიერა და იქ დაცულ ექსპონატებს გაეცნო.ჯანდაცვის სამინისტრომ, მუზეუმს, ქართული ქირურგიის ფუძემდებლის და მედიცინის მეცნიერებათა დოქტორის, აკადემიკოს გრიგოლ მუხაძის სამედიცინო არქივი გადასცა, რომელიც უწყებამ კულტურის სამინისტროს დახმარებით მოიძია.მიხეილ სარჯველაძემ ქართული ქირურგიის განვითარებაში, აკადემიკოსის დამსახურებაზე გაამახვილა ყურადღება და აღნიშნა, რომ გრიგოლ მუხაძემ საქართველოში ქირურგიის ეპოქა შექმნა. მინისტრმა ხაზი გაუსვა, რომ აკადემიკოსის სამედიცინო და სამეცნიერო მოღვაწეობა, ქართული მედიცინისთვის მრავალ მნიშვნელოვან გადაწყვეტილებას უკავშირდება, შესაბამისად, მისი ხელნაწერები, სამედიცინო სახის საბუთები და ბროშურები უფრო ფართო აუდიტორიისთვის უნდა იყოს ხელმისაწვდომი.გრიგოლ მუხაძე იყო ქართველი ქირურგი, საქართველოს მეცნიერებათა დამსახურებული მოღვაწე, მედიცინის მეცნიერებათა დოქტორი, პროფესორი, საქართველოს მეცნიერებათა აკადემიის აკადემიკოსი, მეცნიერებისა და პრაქტიკული ქირურგიის ერთ-ერთი ფუძემდებელი, საქართველოში; ტრავმატოლოგიისა და ორთოპედიის ინსტიტუტის და თბილისის სახელმწიფო უნივერსიტეტის საექიმო ფაკულტეტის შექმნის ერთ-ერთი ინიციატორი და ორგანიზატორი. მან დააარსა და სათავეში ჩაუდგა სისხლის გადასხმის ცენტრალურ სადგურს, რომელიც მისივე ინიციატივით, გადაკეთდა სისხლის გადასხმის სამეცნიერო-კვლევით ინსტიტუტად; შექმნა ქირურგიის უძლიერესი სკოლა, სადაც უამრავი ქირურგი გამოზარდა.მედიცინის ისტორიის მუზეუმში, მინისტრთან ერთად, მისი მოადგილეები თამარ გაბუნია და თეა გიორგაძე, ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილე ლადო კახაძე, სამედიცინო უნივერსიტეტის რექტორი ირაკლი ნატროშვილი, უნივერსიტეტისა და სამედიცინო სფეროს წარმომადგენლები ესწრებოდნენ.

საზოგადოება • 1720086013

ონკოპაციენტებს კლინიკაში მედიკამენტების აფთიაქიდან მიტანა აღარ მოუწევთ - პროცედურაზე მისულ ყველა პაციენტს წამალი დაწესებულებაში დახვდება

ჯანდაცვის სამინისტროში, ონკოლოგიური დაავადებების მქონე პაციენტებისა და პაციენტთა ორგანიზაციების წარმომადგენელთა მონაწილეობით, მორიგი სამუშაო შეხვედრა გაიმართა. მინისტრმა მათ სხვადასხვა თერაპიისთვის საჭირო მედიკამენტების გაცემის წესის ახალი პროექტი წარუდგინა, რომლის მიხედვითაც, წამლები პირდაპირ სამედიცინო დაწესებულებებში იქნება ხელმისაწვდომი.მიხეილ სარჯველაძის განმარტებით, ბენეფიციარებს აღარ მოუწევთ, სააფთიაქო ქსელებიდან, კლინიკაში მედიკამენტების თავად მიტანა - პროცედურაზე მისულ ყველა პაციენტს წამალი დაწესებულებაში დახვდება. როგორც ჯანდაცვის მინისტრმა აღნიშნა, ცვლილების მიზანია, ქვეყანაში, ონკოლოგიური დაავადებების მკურნალობა უფრო მეტად ხელმისაწვდომი გახდეს. პაციენტების განცხადებით კი, აღნიშნული ინიციატივა, მნიშვნელოვნად გააუმჯობესებს მათ ყოველდღიურობასა და თავად მკურნალობის პროცესს.შეხვედრაზე, ონკოლოგიის მკურნალობასთან დაკავშირებულ სხვა მიმართულებებზეც იმსჯელეს - მხარეებმა, სერვისების მაქსიმალური ხელმისაწვდომობის უზრუნველყოფისთვის მნიშვნელოვანი საკითხები განიხილეს და ერთმანეთს საკუთარი მოსაზრებები გაუზიარეს.შეხვედრას, ასევე, ესწრებოდნენ: ჯანდაცვის მინისტრის პირველი მოადგილე თამარ გაბუნია, მინისტრის მოადგილე თეა გიორგაძე, სამინისტროს სხვა დეპარტამენტებისა და პაციენტთა ორგანიზაციის წარმომადგენლები.

ჯანდაცვა • 1720085168

ონკოლოგიური დაავადებების მქონე პაციენტებთან და პაციენტთა ორგანიზაციების წარმომადგენლებთან სამუშაო შეხვედრა გაიმართა

ჯანდაცვის სამინისტროში, ონკოლოგიური დაავადებების მქონე პაციენტებისა და პაციენტთა ორგანიზაციების წარმომადგენელთა მონაწილეობით, მორიგი სამუშაო შეხვედრა გაიმართა. მინისტრმა, მათ, სხვადასხვა თერაპიისთვის საჭირო მედიკამენტების გაცემის წესის ახალი პროექტი წარუდგინა, რომლის მიხედვითაც, წამლები პირდაპირ სამედიცინო დაწესებულებებში იქნება ხელმისაწვდომი.მიხეილ სარჯველაძის განმარტებით, ბენეფიციარებს, აღარ მოუწევთ, სააფთიაქო ქსელებიდან, კლინიკაში, მედიკამენტების თავად მიტანა - პროცედურაზე მისულ ყველა პაციენტს, წამალი, დაწესებულებაში დახვდება. როგორც ჯანდაცვის მინისტრმა აღნიშნა, ცვლილების მიზანია, ქვეყანაში, ონკოლოგიური დაავადებების მკურნალობა უფრო მეტად ხელმისაწვდომი გახდეს. პაციენტების განცხადებით კი, აღნიშნული ინიციატივა, მნიშვნელოვნად გააუმჯობესებს მათ ყოველდღიურობასა და თავად მკურნალობის პროცესს.შეხვედრაზე, ონკოლოგიის მკურნალობასთან დაკავშირებულ სხვა მიმართულებებზეც იმსჯელეს - მხარეებმა, სერვისების მაქსიმალური ხელმისაწვდომობის უზრუნველყოფისთვის მნიშვნელოვანი საკითხები განიხილეს და ერთმანეთს საკუთარი მოსაზრებები გაუზიარეს.შეხვედრას, ასევე, ესწრებოდნენ: ჯანდაცვის მინისტრის პირველი მოადგილე თამარ გაბუნია, მინისტრის მოადგილე თეა გიორგაძე, სამინისტროს სხვა დეპარტამენტებისა და პაციენტთა ორგანიზაციის წარმომადგენლები.

პოლიტიკა • 1720079043

ჯანმრთელობის დაცვისა და სოციალურ საკითხთა კომიტეტი ჰოსპიტალური სერვისების დაფინანსების რეფორმის თაობაზე მუშაობას აგრძელებს

ჯანმრთელობის დაცვისა და სოციალურ საკითხთა კომიტეტმა საზედამხედველო საქმიანობის ფარგლებში, ჰოსპიტალური სერვისების დაფინანსების რეფორმასთან დაკავშირებით, გასვლითი შეხვედრა ამჯერად ბორჯომში გამართა. შეხვედრაზე სამცხე-ჯავახეთისა და შიდა ქართლის რეგიონის კლინიკების წარმომადგენლები იყვნენ მოწვეული.შეხვედრაში ჯანმრთელობის დაცვისა და სოციალურ საკითხთა კომიტეტის წევრებთან ერთად, პარლამენტის მაჟორიტარი დეპუტატები, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე და მინისტრის პირველი მოადგილე თამარ გაბუნია მონაწილეობდნენ.ჯანმრთელობის დაცვისა და სოციალურ საკითხთა კომიტეტის გასვლითი შეხვედრების ეს ციკლი, რომელსაც კომიტეტი უკვე რამდენიმე თვეა საქართველოს სხვადასხვა მხარეში ატარებს, ჰოსპიტალური სერვისების დაფინანსების რეფორმის შედეგების გაანალიზებას და და რეფორმის წინაშე მდგარ გამოწვევებზე მსჯელობას ეთმობა. შეხვედრაზე კანონმდებლებმა და აღმასრულებელი ხელისუფლების წარმომადგენლებმა კლინიკების პასუხისმგებელ პირებს მოუსმინეს და რეფორმასთან დაკავშირებით მათ კითხვებს უპასუხეს, ასევე გაიმართა დისკუსია დიაგნოზთან შეჭიდული ჯგუფების (DRG) დაფინანსების მოდელის დადებით და უარყოფით მხარეებზე, შემოთავაზებული მოდელის გაუმჯობესებისათვის გადასადგმელ შემდგომ ნაბიჯებზე.ღონისძიება პარლამენტის ჯანმრთელობის დაცვისა და სოციალურ საკითხთა კომიტეტის მიერ, ევროკავშირისა და გაეროს განვითარების პროგრამის (UNDP) პროექტის - „ძლიერი საპარლამენტო ინსტიტუციები საქართველოში“ მხარდაჭერით, გაიმართა.

საზოგადოება • 1720076736

ჯანმრთელობის დაცვისა და სოციალურ საკითხთა კომიტეტმა საზედამხედველო საქმიანობის ფარგლებში, ჰოსპიტალური სერვისების დაფინანსების რეფორმასთან დაკავშირებით, გასვლითი შეხვედრა ამჯერად ბორჯომში გამართა. პარლამენტის პრესსამსახურის ინფორმაციით, შეხვედრაზე სამცხე-ჯავახეთისა და შიდა ქართლის რეგიონის კლინიკების წარმომადგენლები იყვნენ მოწვეული.შეხვედრაში ჯანმრთელობის დაცვისა და სოციალურ საკითხთა კომიტეტის წევრებთან ერთად, მონაწილეობდნენ პარლამენტის მაჟორიტარი დეპუტატები, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე და მინისტრის პირველი მოადგილე თამარ გაბუნია.„ჯანმრთელობის დაცვისა და სოციალურ საკითხთა კომიტეტის გასვლითი შეხვედრების ეს ციკლი, რომელსაც კომიტეტი უკვე რამდენიმე თვეა, საქართველოს სხვადასხვა მხარეში ატარებს, ჰოსპიტალური სერვისების დაფინანსების რეფორმის შედეგების გაანალიზებას და და რეფორმის წინაშე მდგარ გამოწვევებზე მსჯელობას ეთმობა.შეხვედრაზე კანონმდებლებმა და აღმასრულებელი ხელისუფლების წარმომადგენლებმა კლინიკების პასუხისმგებელ პირებს მოუსმინეს და რეფორმასთან დაკავშირებით მათ კითხვებს უპასუხეს, ასევე გაიმართა დისკუსია დიაგნოზთან შეჭიდული ჯგუფების (DRG) დაფინანსების მოდელის დადებით და უარყოფით მხარეებზე, შემოთავაზებული მოდელის გაუმჯობესებისათვის გადასადგმელ შემდგომ ნაბიჯებზე.ღონისძიება პარლამენტის ჯანმრთელობის დაცვისა და სოციალურ საკითხთა კომიტეტის მიერ, ევროკავშირისა და გაეროს განვითარების პროგრამის (UNDP) პროექტის – „ძლიერი საპარლამენტო ინსტიტუციები საქართველოში“ მხარდაჭერით, გაიმართა“,- აღნიშნულია პარლამენტის პრესსამსახურის ინფორმაციაში.

პოლიტიკა • 1719483403

ჯანმრთელობის დაცვისა და სოციალურ საკითხთა კომიტეტში ჯანმრთელობის ხელშეწყობის სახელმწიფო პროგრამის შესრულების მიმდინარეობაზე იმსჯელეს

ჯანმრთელობის დაცვისა და სოციალურ საკითხთა კომიტეტში დისკუსია თემაზე: „ჯანმრთელობის ხელშეწყობის სახელმწიფო პროგრამა: მიმოხილვა და სტრატეგიული ხედვა“ გაიმართა.შეხვედრაზე ჯანმრთელობის ხელშეწყობის სახელმწიფო პროგრამის მიმოხილვა და სტრატეგიული ხედვა ჯანმრთელობის მსოფლიო ორგანიზაციის ექსპერტებმა წარადგინეს, რომლებმაც შეისწავლეს სახელმწიფო პროგრამის მიმდინარეობა და მახასიათებლები და ამ მიმართულებით არსებული სიტუაცია გაანალიზეს.ექსპერტებმა კომიტეტის წევრებს მათ მიერ შემუშავებული რეკომენდაციები გააცნეს.ჯანმრთელობის დაცვისა და სოციალურ საკითხთა კომიტეტის თავმჯდომარის, ზაზა ლომინაძის განცხადებით, პროგრამა აქტიურად ხორციელდება როგორც სამინისტროს, ასევე პარლამენტის და ჯანმრთელობის მსოფლიო ორგანიზაციის ჩართულობით.„ამ პერიოდის განმავლობაში არაერთ მნიშვნელოვან პროექტს ჩავუყარეთ საფუძველი, მათ შორის, ალბათ პირველი და უმთავრესი არის 2017 წელს მიღებული კანონი თამბაქოს წინააღმდეგ, რომელიც ყოველწლიურად იხვეწება და დარწმუნებული ვარ, რომ საბოლოოდ იმ ფორმას მიიღებს, რაც უმნიშვნელოვანესია ჩვენი ქვეყნისთვის და, ზოგადად, მსოფლიოსთვის. აღსანიშნავია, პარლამენტის მიერ ახლახან მიღებული კანონიც უსაფრთხო სისხლის შესახებ, რომელიც ჰარმონიზაციაშია ევროკავშირის კანონთან. ასევე შევიმუშავეთ არაგადამდები დაავადებების სტრატეგია, დამტკიცების სტადიაშია მარილის მოხმარების შემცირების სტრატეგია“, - განაცხადა ზაზა ლომინაძემ.ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველი მოადგილის, თამარ გაბუნიას შეფასებით, ჯანმრთელობის ხელშეწყობის პროგრამისადმი კომიტეტის მხარდაჭერა მნიშვნელოვანია, რადგან ამის გარეშე რთული იქნებოდა იმ ამოცანების მიღწევა, რომლებიც პროგრამის ფარგლებშია დაგეგმილი.მინისტრის პირველმა მოადგილის თქმით, ეფექტური ჯანმრთელობის ხელშეწყობის განხორციელებისთვის სახელმწიფოს მხრიდან საკმარისი რესურსია გამოყოფილი.შეხვედრის მონაწილეები შეთანხმდნენ, რომ წარმოდგენილი რეკომენდაციებიჯანმრთელობის ხელშეწყობის სახელმწიფო პროგრამის მაღალ დონეზე განხორციელებას ნამდვილად დაეხმარება.შეხვედრას კომიტეტის წევრებთან ერთად, ესწრებოდნენ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის წარმომადგენლები.