მსოფლიო • 1782234843

დონალდ ტრამპმა პირად საუბარში პრეზიდენტ ვოლოდიმირ ზელენსკის მოუწოდა, იმოქმედოს „უფრო გაბედულად“ რუსეთთან დაკავშირებით - უკრაინული მედია

აშშ-ის პრეზიდენტმა, დონალდ ტრამპმა პირად საუბარში პრეზიდენტ ვოლოდიმირ ზელენსკის მოუწოდა, იმოქმედოს „უფრო გაბედულად“ რუსეთთან დაკავშირებით. ამის შესახებ უკრაინის ოფიციალურმა პირმა უკრაინულ მედიას განუცხადა.„ტრამპი ამბობს, რომ მას ნამდვილად არ სჯერა, რომ პუტინი რამეს გააკეთებს ზეწოლის გარეშე“, – დასძინა ტრამპსა და ზელენსკის შორის ბოლო შეხვედრის დეტალებში ჩახედულმა ოფიციალურმა პირმა.მიუხედავად იმისა, რომ აშშ-ის ოფიციალურმა პირებმა არ დაადასტურეს, მხარს უჭერს თუ არა ტრამპი პირდაპირ უკრაინის მიერ რუსეთის ტერიტორიაზე განხორციელებულ დარტყმებს, მათ აღნიშნეს, რომ აშშ-ის პრეზიდენტი ძალას მთავარ ფაქტორად მიიჩნევს.უკრაინელი ოფიციალური პირები თვლიან, რომ ბოლო დროს განვითარებულმა სამხედრო მოვლენებმა ტრამპი დაარწმუნა, რომ კიევი წლის დასაწყისში არსებულ მდგომარეობასთან შედარებით უფრო ძლიერ პოზიციაშია.

მსოფლიო • 1782228513

ზელენსკი პოლონეთთან დავის ფონზე გდანსკში უკრაინის აღდგენის კონფერენციას გამოტოვებს

უკრაინის პრემიერ-მინისტრმა, იულია სვირიდენკომ სამშაბათს განაცხადა, რომ ის უხელმძღვანელებს დელეგაციას ამ კვირაში გდანსკში დაგეგმილ უკრაინის აღდგენის კონფერენციაზე.პრეზიდენტი ვოლოდიმირ ზელენსკი ღონისძიებას გამოტოვებს, რაც პოლონეთის პრეზიდენტ კაროლ ნავროცკისთან მიმდინარე დიპლომატიური დავის ფონზე ხდება.„მე ვხელმძღვანელობ უკრაინის დელეგაციას და ჩვენს საერთო მუშაობას გდანსკში, უკრაინის აღდგენის კონფერენციაზე 2026“, - დაწერა სვირიდენკომ სოციალურ ქსელ X-ზე.მისი თქმით, უკრაინული გუნდის შემადგენლობაში იქნებიან ბიზნესლიდერები, თანამდებობის პირები, კანონმდებლები და ადგილობრივი თემების წარმომადგენლები, რომლებიც უკრაინის თავდაცვითი შესაძლებლობების, მდგრადობისა და ენერგეტიკული სექტორის გარშემო „კონკრეტული შეთანხმებების“ მიღწევას ცდილობენ.კონფერენცია, რომელსაც პოლონეთი და უკრაინა ერთობლივად მასპინძლობენ და 25-26 ივნისს გაიმართება, მიზნად ისახავს უკრაინის აღდგენისთვის საერთაშორისო მხარდაჭერის მობილიზებას და ქვეყნის ომით დაზარალებული ბიზნესისთვის ინვესტიციების მოზიდვას.

მსოფლიო • 1782227280

ევროკომისიის სპიკერი: პოლონეთისა და უკრაინის ხელმძღვანელობებს შორის დავა ძირს უთხრის ევროკავშირისა და უკრაინის ერთიანობას და რუსეთის წისქვილზე ასხამს წყალს

პოლონეთისა და უკრაინის ხელმძღვანელობებს შორის დავა ძირს უთხრის ევროკავშირისა და უკრაინის ერთიანობას და რუსეთის წისქვილზე ასხამს წყალს. ამის შესახებ ევროკომისიის მთავარმა პრესსპიკერმა, პაულა პინიომ განაცხადა.„სრულიად ცხადია, რომ ასეთ სიტუაციაში მხოლოდ ერთი კმაყოფილი დამკვირვებელია და ეს აგრესორია“, - განაცხადა პინიომ უკრაინასა და პოლონეთს შორის დავის შედეგების კომენტირებისას.პრესსპიკერმა დააზუსტა, რომ მიუხედავად იმისა, რომ უკრაინის პრეზიდენტი ვოლოდიმირ ზელენსკი 25-26 ივნისს გდანსკში უკრაინის აღდგენის კონფერენციას არ დაესწრება, ევროკომისიის პრეზიდენტი, ურსულა ფონ დერ ლაიენი ღონისძიებაში მიიღებს მონაწილეობას.„ეს ჩვენი მხრიდან უკრაინის მხარდაჭერის სიგნალია. თუ რაიმე ვისწავლეთ უკრაინაში ამ გაუმართლებელი ომის პირობებში ბოლო ხუთი წლის განმავლობაში, ეს არის ის, რომ ერთიანობა ჩვენი უძლიერესი იარაღია“, - დასძინა მან.პაულა პინიომ ხაზგასმით აღნიშნა, რომ „ყველაფერი, რაც ამ ერთიანობას ძირს უთხრის, მათ შორის დავები, ამ შემთხვევაში წევრ სახელმწიფოსა და უკრაინას შორის, სასარგებლო არ არის“.

მსოფლიო • 1782145950

პოლონელი დეპუტატი: თუ უკრაინას დასავლეთის ნაწილად ყოფნა სურს, მან უნდა შეწყვიტოს „უპა“-ს ისეთ მოვლენად აღქმა, რომელიც მათ სახელმწიფოებრიობას აყალიბებს

პარტია „კანონი და სამართლიანობის“ (PiS) წევრმა, მიხალ მოსკალმა ვოლოდიმირ ზელენსკის ქმედებები მკაცრად გააკრიტიკა. დეპუტატის განცხადებით, უკრაინის პრეზიდენტის დამოკიდებულება პოლონეთის მიმართ „უმადური და უტაქტოა“.მოსკალმა ხაზი გაუსვა პოლონეთის როლს უკრაინის გადარჩენაში და აღნიშნა, რომ პოლონეთის დახმარების გარეშე უკრაინა ვერ გაუძლებდა რუსულ აგრესიას.„ახლა ისინი ისტორიულად გვამცირებენ და სურთ, რომ მათი ისტორიის ნაწილი ბავშვების თავის ქალებში ლურსმნების ჩაჭედვა იყოს, ხოლო მათი გმირი - დამნაშავე იყოსთუ უკრაინას დასავლეთის ნაწილად ყოფნა სურს, მან უნდა შეწყვიტოს „უპა“-ს [უკრაინის ამბოხებულთა არმიის] ისეთ მოვლენად აღქმა, რომელიც მათ სახელმწიფოებრიობას აყალიბებს“, - განაცხადა მიხალ მოსკალმა.

მსოფლიო • 1782143760

„დიდი იმედგაცრუებით ვუყურებ იმას, რომ პოლონეთის მხრიდან მრავალწლიანი უდიდესი მხარდაჭერის მიუხედავად, უკრაინამ ჯერ კიდევ ვერ გაბედა ვოლინის ხოცვა-ჟლეტისა და მასობრივი მკვლელობების შემსრულებელთა ცალსახად დაგმობა“ - პოლონეთის სენატის ვიცე-სპიკერმა უკრაინული სახელმწიფო ჯილდოები უკან დააბრუნა

პოლონეთის სენატის ვიცე-სპიკერმა, მიხალ კამინსკიმ უკრაინისთვის ორი სახელმწიფო ჯილდოს დაბრუნების შესახებ განაცხადა. ინფორმაციას ამის შესახებ „პოლონური რადიო“ ავრცელებს.უკრაინის ელჩისადმი გაგზავნილ წერილში მან აღნიშნა, რომ ეს გადაწყვეტილება უკავშირდება ვოლოდიმირ ზელენსკის ქმედებებსა და განცხადებებს, რომლებსაც, მისი თქმით, მხარი უკრაინული პოლიტიკური სპექტრის უმრავლესობამ დაუჭირა.„დიდი გაკვირვებითა და იმედგაცრუებით ვუყურებ იმას, რომ პოლონეთისა და მთელი ევროპის მხრიდან მრავალწლიანი უდიდესი მხარდაჭერის მიუხედავად, უკრაინამ ჯერ კიდევ ვერ გაბედა ვოლინის ხოცვა-ჟლეტისა და იმ მასობრივი მკვლელობების შემსრულებელთა ცალსახად დაგმობა, რომლებიც უკრაინელი ნაციონალისტების ორგანიზაციამ და უკრაინის ამბოხებულთა არმიამ პოლონეთის რესპუბლიკის მოქალაქეების წინააღმდეგ განახორციელეს“, - წერს მიხალ კამინსკი.

მსოფლიო • 1782142020

პოლონეთის პრეზიდენტი: ყველა პოლონელმა იცის და ესმის, რაოდენ დიდი ზიანი მიაყენეს უკრაინელმა ნაციონალისტებმა პოლონეთს, პოლონელ ქალებს, კაცებსა და ბავშვებს

პოლონეთის პრეზიდენტმა, კაროლ ნავროცკიმ უარყო მოსაზრებები იმის შესახებ, თითქოს მისი გადაწყვეტილება ვოლოდიმირ ზელენსკისთვის „თეთრი არწივის“ ორდენის ჩამორთმევის თაობაზე, შიდაპოლიტიკური მხარდაჭერის მოპოვებას ისახავდა მიზნად.ორშაბათს, უკრაინულ ტელევიზიასთან ინტერვიუში ზელენსკის მიერ გაკეთებულ კომენტარებზე პასუხად, ნავროცკიმ განაცხადა, რომ დავა პოლონეთის საშინაო პოლიტიკასთან არაფერ შუაშია და მხოლოდ ისტორიულ მოვლენებზე განსხვავებულ შეხედულებებს ეხება.მანამდე ზელენსკიმ მიანიშნა, რომ ნავროცკი ცდილობს, ანტიუკრაინული განწყობების გამოყენებით, პრემიერ-მინისტრ დონალდ ტუსკის წინააღმდეგ საკუთარი პოლიტიკური პოზიციები გაიმყაროს. ამ შენიშვნის შესახებ დასმულ კითხვაზე ნავროცკიმ უპასუხა, რომ ზელენსკი ცდება.„ეს დავა პოლონეთის საშინაო საქმეებს საერთოდ არ ეხება“, - განაცხადა ნავროცკიმ. „ყველა პოლონელმა იცის და ესმის, რაოდენ დიდი ზიანი მიაყენეს უკრაინელმა ნაციონალისტებმა პოლონეთს, პოლონელ ქალებს, კაცებსა და ბავშვებს“.

მსოფლიო • 1782141900

ზელენსკი სტარმერს: უკრაინაში ყოველთვის სასურველი სტუმარი იქნები

უკრაინის პრეზიდენტმა, ვოლოდიმირ ზელენსკიმ უპასუხა კირ სტარმერის განცხადებას ბრიტანეთის პრემიერ-მინისტრის თანამდებობიდან გადადგომის გეგმების შესახებ და აღნიშნა, რომ ის უკრაინაში ყოველთვის „სასურველი სტუმარი“ იქნება ქვეყნისთვის გაწეული მხარდაჭერის გამო.„კირ, მადლობა ჩვენი თანამშრომლობისთვის, შენი მხარდაჭერისთვისა და იმ ერთობლივი გადაწყვეტილებებისთვის, რომლებმაც ჩვენი ევროპა და ჩვენი სიცოცხლის დაცვის მექანიზმები უფრო გააძლიერა.გაერთიანებული სამეფო იყო, არის და დარჩება მსოფლიოს ლიდერებს შორის. აქ, უკრაინაში, ჩვენ ღრმად ვაფასებთ ბრიტანეთს. თითოეული შეხვედრა და თითოეული საუბარი, რომელიც გვქონია, ყოველთვის სავსე იყო რეალური შინაარსით.მადლობა იმისთვის, რომ ყოველთვის კონტაქტზე იყავი, ყოველთვის ჩართული და ყოველთვის ცდილობდი გაგეკეთებინა ის, რაც საჭირო იყო და რაც ნამდვილად დაგვეხმარებოდა.გაერთიანებულ სამეფოს და ყველა ბრიტანელს ვუსურვებ წარმატებას, ისევე როგორც თქვენი ეროვნული მიზნების განხორციელებას. ჩვენ გვჯერა ბრიტანეთის“, - დასძინა მან.

მსოფლიო • 1782120262

პოლონეთის პრეზიდენტის ადმინისტრაცია უკრაინის მთავრობას უმადურობაში ადანაშაულებს - „ივიწყებენ, რომ სწორედ პოლონური ხელიდან მოდიოდა დახმარება“

პოლონეთის პრეზიდენტის ადმინისტრაცია უკრაინის მთავრობას უმადურობაში ადანაშაულებს.პოლონეთის პრეზიდენტის კანცელარიის ხელმძღვანელმა, ზბიგნევ ბოგუცკიმ უკრაინის ხელისუფლება პოლონეთის სახელმწიფო ჯილდოების დაბრუნების გამო გააკრიტიკა.პოლონეთის პრეზიდენტის, კაროლ ნავროცკის მიერ უკრაინის პრეზიდენტ ვოლოდიმირ ზელენსკისთვის „თეთრი არწივის“ ორდენის ჩამორთმევის შესახებ გადაწყვეტილების შემდეგ, უკრაინის ყოფილმა პრეზიდენტებმა და დიპლომატებმა ჯილდოების დაბრუნება გადაწყვიტეს.„უკრაინის მთავრობის წარმომადგენლები აბრუნებენ პოლონურ ჯილდოებს და ივიწყებენ, რომ სწორედ ამ ხელებმა გაუწოდეს დახმარების ხელი და ეს დახმარება პოლონური ხელიდან მოდიოდა: პოლონეთის მთავრობისგან, ადგილობრივი ხელისუფლებისგან, არასამთავრობო ორგანიზაციებისგან და მილიონობით პოლონელისგან“, – აღნიშნა ზბიგნევ ბოგუცკიმ.ამასთან, ზბიგნევ ბოგუცკიმ განცხადებას თან დაურთო ამონარიდი პოეტ ლუდვიკ კროპინსკის ლექსიდან „უმადურობის შესახებ“.„P.S. „აქედან წარმოიშვა დაწყევლილი უმადურობა, რომ ვინც აიღო, დაივიწყა და ვინც მისცა, იმახსოვრებს. ორივეს დიდი დამსახურება ექნებოდა ღვთის წინაშე, თუ პირველს ემახსოვრებოდა და მეორეს – დაავიწყდებოდა“, – ლუდვიკ კროპინსკი „უმადურობის შესახებ“,  – წერს პოლონეთის პრეზიდენტის კანცელარიის ხელმძღვანელი.მანამდე, უკრაინის პრეზიდენტმა, ვოლოდიმირ ზელენსკიმ პარალელები გაავლო კაროლ ნავროცკისა და უნგრეთის ყოფილი პრემიერ-მინისტრის, ვიქტორ ორბანის ქმედებებს შორის.

მსოფლიო • 1782074073

ჩვენი დრონები ​3000 კილომეტრზე მეტ მანძილზე იფრენენ, უფრო შორს წავალთ, ვიცით, სად მდებარეობს რუსეთის ყველა სამხედრო ობიექტი, ქარხანა, ნავთობის, გაზის საწყობი - ზელენსკი

უკრაინის პრეზიდენტი ვოლოდიმირ ზელენსკი აცხადებს, რომ უკრაინულ დრონებს 3000 კილომეტრზე მეტი მანძილის დაფარვა შეეძლებათ და ამასთან, კიევი რუსეთის ტერიტორიაზე დარტყმების დიაპაზონს გაზრდის.მისივე თქმით, ომმა ახლა რუსეთის ტერიტორიაზე გადაინაცვლა და უკრაინას სჭირდება იარაღი, რომელსაც შეუძლია, მოწინააღმდგეს დარტყმა უფრო დიდ მანძილზეც მიაყენოს. ამასთან, უკრაინის პრეზიდენტმა აღნიშნა, რომ უკრაინულ მხარეს აქვს ინფორმაცია, თუ სად მდებარეობს რუსეთისთვის მნიშვნელოვანი სტრატეგიული ობიექტები.„ჩვენ იმ ეტაპზე ვართ, როდესაც ჩვენმა თავდაცვის ინდუსტრიამ, ჩვენმა თავდაცვის ძალებმა, ჩვენმა წარმოებამ სწორედ ეს პროცესი დაიწყო – ომის დაბრუნება რუსეთში. ეს მოხდება. ისინი ყოველდღე გვიტევენ და ჩვენ ყოველდღე ვუპასუხებთ. რა თქმა უნდა, ყოველდღიურად იქნება გაძლიერება. გუშინ ჩვენ საპასუხო დარტყმა განვახორციელეთ ტიუმენის რეგიონში ნავთობგადამამუშავებელ ქარხანაზე. სიმართლე გითხრათ, ჩვენი დრონები სამიზნეს 2070 კმ მანძილზე ხვდება. მათი მარშრუტი 2500 კილომეტრი იყო. ისინი 3000 კმ-ზე მეტ მანძილზე იფრენენ – ეს ახალი დრონებია, კარგი დრონები. ჩვენ უფრო შორს წავალთ, რადგან ვიცით, სად მდებარეობს მათი ყველა სამხედრო ობიექტი, ქარხანა, ნავთობის საწყობი, გაზის საწყობი და ა.შ. ჩვენ გვჭირდება იარაღი, რომელსაც შეუძლია უფრო დიდ მანძილზე დარტყმა და ჩვენ ამას ვაკეთებთ“, – განაცხადა ვოლოდიმირ ზელენსკიმ.ცნობისთვის, 20 ივნისს ზელენსკიმ განაცხადა, რომ უკრაინული დრონები თავს დაესხნენ ნავთობგადამამუშავებელ ქარხანას რუსეთში, ტიუმენში, უკრაინის საზღვრიდან 2000 კილომეტრზე მეტ მანძილზე.

მსოფლიო • 1782072880

გაფართოება ახალი პირობებით - რა იცვლება ევროკავშირში და როგორ აისახება ეს გაწევრიანების პროცესზე

ტრადიციად იქცა - როდესაც წევრების შეკრებაზე არაწევრი მიდის, მას გულთბილად ხვდებიან, უღიმიან და ემშვიდობებიან. ხელშესახებ დაპირებებს აქ იშვიათად გასცემენ, გარდა იმისა, რომ "კარი ღიაა."მართალია, ევროკავშირის ეზოს ჭიშკარი ფორმალურად ყოველთვის ღია იყო, მაგრამ ევროპელი ლიდერები ირწმუნებიან, რომ დღეს ის ისევ ღიაა, როგორც არასდროს აქამდე.თუმცა, პრობლემაც ამაშია, რომ მხოლოდ ღიაა... და მეტი არაფერი.ერთგულება, კაცობრიობის ისტორიაში ალბათ ყველაზე ღირებული რამაა, თუმცა პოლიტიკაში ის ხშირად უსასრულო ლოდინს ნიშნავს. იაპონელი ძაღლის, ჰაჩიკოს მსგავსად, რომელიც ათწლეულები ელოდა თავის პატრონს მატარებლის სადგურზე. ელოდა და ბოლოს, ამ დარდმაც მოკლა.მოკლედ, ევროპული პოლიტიკა ბევრი უცნაურობით გამოირჩევა. შეიძლება, ევროკომისია ამბობდეს, რომ ხსნის მოლაპარაკებებს უკრაინასთან, რაც მას სწრაფ გაწევრიანებაში დაეხმარება, თუმცა ევროკავშირის წევრი ქვეყანა, რომელიც საბოლოო გადაწყვეტილებას იღებს, ამბობს, რომ ეს ჯერ ვერ მოხდება. ევროსტრუქტურების ელიტური ჯგუფები ჯერ ამბობენ, რომ უკრაინას ბლოკში მიიღებენ, შემდეგ კი აღიარებენ, რომ ევროპის ყველაზე დიდ ქვეყანაში მიმდინარე ომის დასრულების კონტურები ჯერ არ იკვეთება.წევრ ქვეყანას ნათქვამის შესრულების მძლავრი ბერკეტები აქვს - 27-დან ნებისმიერს შეუძლია ევრობიუროკრატიის ვერდიქტი ვეტოთი გაყინოს. თუმცა ევროპელი ლიდერები უკვე მუშაობენ წესებზე, რომელთა მიხედვითაც, ეს ფუნდამენტური უფლება, რომელიც დღეს ყველა წევრს თანაბარ პირობებში აყენებს, ახლადშემოერთებულ სახელმწიფოებს - მათ შორის უკრაინას, მოლდოვასა თუ საქართველოს - უკვე შეზღუდული ექნებათ.ევროპას ახალი წევრები სურს, თუმცა არა თანაბარი უფლებებით. სანამ ბრიუსელში ვეტოს უფლების ჩამორთმევასა და ბიუროკრატიულ ბარიერებზე მსჯელობენ, რეალობა ბრძოლის ველზე სრულიად სხვაგვარია: უკრაინა ომის მეოთხე წელსაც შეუპოვრად იბრძვის. კიევის უპილოტო საფრენმა აპარატებმა მოსკოვს მიაღწიეს და რუსეთის დედაქალაქი შავ კვამლში გახვიეს. სანამ მოსკოვი იწვის, დრონების მუდმივ ნაკადს, თავდაცვის უშედეგო მცდელობებით, ჩეჩენი კადიროველები ებრძვიან.უკრაინელების სამხედრო სიმტკიცე, რომელიც დღეს მოსკოვის მისადგომებთანაც ჩანს, ისტორიულად, ყოველთვის მათი იდენტობის ნაწილი იყო, თუმცა ამ ისტორიას სისხლიანი ფურცლებიც ახლავს. ასეთია ვოლინის ტრაგედია, როცა მეორე მსოფლიო ომის დროს უკრაინელმა ნაციონალისტებმა ასიათასობით პოლონელი მშვიდობიანი მოქალაქე მოკლეს.კაროლ ნავროცკი, პოლონეთის პრეზიდენტი, დიდი ხანია, უკრაინისგან ითხოვს, მოხდეს ვოლინის ტრაგედიის მსხვერპლთა ექსჰუმაცია და მიცვალებულებისთვის პატივის მიგება. პასუხად, კიევიდან მხოლოდ დუმილი ისმის, ან, კიდევ უარესი - მაგალითად, ვოლოდიმირ ზელენსკიმ ახლა ამ დაჯგუფებას საპატიო ჯილდო მიანიჭა. ამიტომ, ნავროცკის გადაწყვეტილება პრინციპული და ხისტია. "მე მივიღე გადაწყვეტილება, უკრაინის პრეზიდენტს ჩამოერთვას "თეთრი არწივის" ორდენი", - განაცხადა მან.ამ განაცხადს დაპირისპირება მოჰყვა კიევსა და ვარშავას შორის. ერთი მეორეს მიყოლებით, უკრაინელი მაღალჩინოსნები უარს ამბობენ სხვადასხვა დროს პოლონეთის მთავრობის მიერ მინიჭებულ ჯილდოებზე. პრეზიდენტმა ზელენსკიმ "თეთრი არწივის" ორდენი - პოლონეთის უმაღლესი ჯილდო ნავროცკის სახელზე, საფოსტო ბანდეროლით გააგზავნა.ვიდრე მეზობელ ქვეყნებს შორის ურთიერთობები დრამატულად ვითარდება, კიდევ ერთი მეზობლის ახალი მამასახლისი იღებს გადაწყვეტილებას, რომ უკრაინის ევროკავშირში სწრაფი გაწევრიანება არ უნდა მოხდეს და ამ ინიციატივას ბლოკავს. საუბარია უნგრეთზე და პეტერ მადიარზე.გზაშია კიდევ ერთი ვეტო. ბულგარეთის ახალი პრემიერ-მინისტრი არ აპირებს, ევროკავშირს რუსეთისთვის სანქციების მორიგი პაკეტის დაწესების შესაძლებლობა მისცეს. რუმენ რადევი, რომლის მთავრობამაც კიევს სამხედრო დახმარება ერთი კვირის წინ უკვე შეუწყვიტა, სანქციების დაბლოკვის მიზეზად სახელმწიფო ინტერესებს ასახელებს.ერთი მხრივ, ისტორიული სამართლის ძიება, მეორე მხრივ, ომის პრაგმატიზმი და, მესამე მხრივ, ევროპული ერთობის კრიზისი - უკრაინას დღეს ომი არა მხოლოდ ფრონტის ხაზზე, არამედ დიპლომატიურ პარტერშიც აქვს, სადაც მეგობრებიც კი, ხშირად, ისტორიულ აჩრდილებს მეტად ენდობიან, ვიდრე მომავლის უსაფრთხოების გარანტიებს. 

ომი უკრაინაში • 1782045157

უკრაინამ ყირიმის ხიდის ორივე მხარეს რუსული სამხედრო ლოგისტიკა გაანადგურა

უკრაინამ ყირიმის ხიდის ორივე მხარეს რუსული სამხედრო ლოგისტიკა, ნავთობტერმინალები და საჰაერო თავდაცვის სისტემები გაანადგურა. ადგილობრივი მედიის ინფორმაციით, ქერჩის ნახევარკუნძულზე თავდასხმას 4 ადამიანი ემსხვერპლა, 28 კი დაშავდა.ირკვევა ისიც, რომ გაძლიერებული შეტევების ფონზე, ოკუპირებულ ყირიმში საწვავის მწვავე დეფიციტია და მისი თავისუფალი გაყიდვა შეჩერებულია.უკრაინის პრეზიდენტის, ვოლოდიმირ ზელენსკის განცხადებით, ეს იერიში სამართლიანი ნაბიჯია რუსეთის აგრესიის საპასუხოდ.

მსოფლიო • 1781899065

უკრაინის საგარეო საქმეთა მინისტრმა ნავროცკის ნაბიჯს სტრატეგიული შეცდომა უწოდა, რომლითაც მხოლოდ მოსკოვი იხეირებს

უკრაინის საგარეო საქმეთა მინისტრი, ანდრეი სიბიგა აცხადებს, რომ პოლონეთს დაუბრუნებს თავის ჯილდოს მას შემდეგ, რაც პოლონეთის პრეზიდენტმა ვოლოდიმირ ზელენსკის „თეთრი არწივის“ ორდენი ჩამოართვა.სიბიგამ ნავროცკის ნაბიჯს სტრატეგიული შეცდომა უწოდა, რომლითაც მხოლოდ მოსკოვი იხეირებს.„გვწყდება გული, რომ ვარშავაში ემოციებმა იმარჯვა და პოლონელი პოლიტიკოსები აიძულა გადაედგათ გაუმართლებელი და იმპულსური ნაბიჯები არა მხოლოდ პრეზიდენტ ზელენსკის, არამედ, პირველ რიგში, უკრაინის სახელმწიფოს მიმართ. ასეთი გაუაზრებელი ქმედებების ფონზე, მე ვერ ვხედავ შესაძლებლობას, შევინარჩუნო 2022 წლის ოქტომბერში მინიჭებული პოლონეთის რესპუბლიკის მაღალი სახელმწიფო ჯილდო - „პოლონეთის წინაშე დამსახურებისთვის“ ორდენის ვარსკვლავიანი კომანდორის ჯვარი. მალე მას პოლონეთს დავუბრუნებ“, - დაწერა სიბიგამ.მან განაცხადა, რომ საქმე ორდენებში კი არა, დამოკიდებულებაშია და უკრაინა ყოველთვის გამოდიოდა ურთიერთპატივისცემის პრინციპით - მაშინაც კი, როდესაც საქმე რთულ და პრობლემურ თემებს ეხებოდა.