ვანო მერაბიშვილი

პარლამენტის დროებითმა საგამოძიებო კომისიამ ქონებრივი უფლებების დარღვევის, მოქალაქეების დევნის, რეპრესიებისა და არაადამიანური მოპყრობის საქმეები განიხილა

2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელმა პარლამენტის დროებითმა საგამოძიებო კომისიამ სამი საკითხი განიხილა.შპს „ჟინერის“ ქონებრივი უფლებების დარღვევის საქმეზე კომისიას ახსნა-განმარტება თეიმურაზ ჭიჭინაძემ მისცა. მისი განცხადებით, კომპანია „ჟინერზე“ ზეწოლა, რომელიც გრძელვადიანი იჯარის წესით „ჟინვალჰესს“ ფლობდა, 1999 წლიდან დაიწყო, მას შემდეგ რაც „ახალგაზრდა რეფორმატორთა“ ჯგუფი პარლამენტში შევიდა და პარლამენტის ეკონომიკური პოლიტიკის კომიტეტის თავმჯდომარე ვანო მერაბიშვილი გახდა.თეიმურაზ ჭიჭინაძის განცხადებით, ვანო მერაბიშვილს და მასთან დაკავშირებულ ჯგუფს, პარლამენტში საკომიტეტო მოსმენების დროს, მხარს USAID-ის წარმომადგენელი უჭერდა.მისი თქმით, ამ პერიოდში გამართული ყველა სასამართლო პროცესი, მათ შორის, საერთაშორისო არბიტრაჟი, კომპანიის სასარგებლოდ დასრულდა.როგორც „ჟინერის“ სამეთვალყურეო საბჭოს თავმჯდომარემ თეიმურაზ ჭიჭინაძემ აღნიშნა, კომპანიაზე ზეწოლა, მისი ხელში ჩაგდების მიზნით, 2005 წლიდან განახლდა. მისივე ინფორმაციით, მან და კომპანიის დირექტორმა ემზარ ჩაჩხიანმა ფინანსურ პოლიციაში განხორციელებული ზეწოლის შემდეგ კომპანიის წილები დათმეს. თეიმურაზ ჭიჭინაძემ ასევე აღნიშნა, რომ ამ პერიოდში ის თბილისის საკრებულოს წევრი იყო და ფინანსურ პოლიციაში გადაყვანა იძულების წესით მოხდა.მისი განცხადებით, დედაქალაქის მერის, გიგი უგულავას კაბინეტში, კომპანიის დირექტორზე ემზარ ჩაჩხიანზე განხორციელებული ზეწოლის შედეგად მოხდა სასამართლოდან სარჩელის გამოტანა, რის შემდეგაც კომპანია გააკოტრეს და ის სახელმწიფოს გადაეცა. მისივე თქმით, მომდევნო ეტაპზე, ჰესი წყალკანალს მისცეს და გასაყიდად ამზადებდნენ.როგორც თეიმურაზ ჭიჭინაძემ აღნიშნა, ამ პროცესებს მოჰყვა სასმელ წყალზე ტარიფის გაზრდა, რაც მიზანმიმართულად განხორციელდა.მან ასევე ისაუბრა თუ როგორ მოხდა „ორთაჭალჰესის“ მიყიდვა „ენერგო-პრო“-სთვის. თეიმურაზ ჭიჭინაძის განცხადებით, აღნიშნულ საქმესთან დაკავშირებით სტრასბურგის სასამართლოში სარჩელის განხილვაში მას ხელი შეუშალა „ნაციონალური მოძრაობის“ წარმომადგენელმა მამუკა ჟღენტმა.კომპანია „ჟინერის“ საქმეზე, ასევე, ისაუბრა შოთა მაჭარაშვილმა წიგნის - „გაკოტრების „ნაციონალური“ ფორმულა“ ავტორმა.მეორე საკითხი, რაზეც კომისიამ იმსჯელა შალვა ოგბაიძისა და მისი ოჯახის წევრების დევნისა და რეპრესიების საქმე იყო.შალვა ოგბაიძის განცხადებით, 2004 წელს, მაშინ როდესაც ის საგზაო პოლიციის მთავარი სამმართველოს უფროსი იყო, მიაწოდეს ინფორმაცია, რომ ერთ-ერთი ჩამორთმეული ავტომანქანით, რომელიც საჯარიმო სადგომზე უნდა მდგარიყო, გიგი უგულავას მეუღლე სარგებლობდა. მისი თქმით, მას შემდეგ, რაც სამართლებრივი რეაგირებისთვის პროკურატურას მიმართა, იგი შინაგან საქმეთა მინისტრმა გიორგი ბარამიძემ დაიბარა და თანამდებობიდან გადადგომა მოსთხოვა, წინააღმდეგ შემთხვევაში დაჭერით დაემუქრა.როგორც შალვა ოგბაიძემ აღნიშნა, გადადგომის შემდეგ იგი საავტომობილო ფედერაციას ჩაუდგა სათავეში. მან დეტალურად ისაუბრა, გარკვეული დროის შემდეგ, როგორ მოითხოვდნენ „ნაციონალური მოძრაობის“ ხელისუფლების წარმომადგენლები მისგან ფედერაციის ხელმძღვანელობიდან გადადგომას და რუსთავის ავტოდრომის სახელმწიფოსთვის გადაცემას. მისი თქმით, პარალელურ რეჟიმში, მის კომპანიაში - ავტოსადილერო ცენტრში ფინანსური პოლიცია შევიდა და შედეგად, კომპანია აუქციონზე გაიყიდა.შალვა ოგბაიძემ, ასევე, ისაუბრა 2011 წლის 26 მაისის აქციის დარბევაზე. როგორც მან აღნიშნა, დარბევის შემდეგ ის უგონო მდგომარეობაში საავადმყოფოში მოხვდა, ხოლო მისი ორი ვაჟი დააკავეს და აწამეს. მისი თქმით, ხელისუფლების ცვლილების შემდეგ, სტრასბურგის სასამართლომ მის შვილებს წამების მსხვერპლთა სტატუსი მისცა.საქართველოს ფეხბურთის ფედერაციის პრეზიდენტის არჩევნებში მონაწილე კანდიდატებისადმი არაადამიანური მოპყრობის საქმეზე კომისიამ მამუკა კვარაცხელია და გიორგი ნემსაძე გამოჰკითხა.მამუკა კვარაცხელიას განცხადებით, 2007 წელს მან ფეხბურთის ფედერაციის პრეზიდენტის არჩევნებში მონაწილეობა მიიღო და მიხეილ სააკაშვილის ზეწოლის გამო ვერც ერთი ხმა ვერ მიიღო.მისი თქმით, იმის შესახებ თუ როგორ ჩაერია მიხეილ სააკაშვილი ფეხბურთის ფედერაციის პრეზიდენტის არჩევნებში, ყველგან საუბრობდა, მათ შორის, მედიაშიც და ასევე, მონაწილეობდა ქვეყანაში გამართულ საპროტესტო აქციებში.როგორც მამუკა კვარაცხელიამ აღნიშნა, 2008 წლის 1 ივნისს, იგი ნიღბიანმა პირებმა ავტომანქანიდან გაიტაცეს, ფიზიკურად გაუსწორდნენ, რის შედეგადაც მრავლობითი მოტეხილობა მიიღო.გიორგი ნემსაძის განცხადებით, პირველად იგი 2005 წელს აპირებდა ფეხბურთის ფედერაციის პრეზიდენტის არჩევნებში მონაწილეობის მიღებას, თუმცა, მას შემდეგ, რაც კანდიდატურის მოხსნის შესახებ გიგი უგულავას მოთხოვნა გადასცეს, არჩევნებში მონაწილეობა აღარ მიიღო.მან დეტალურად ისაუბრა 2007 წელს გამართულ ფეხბურთის ფედერაციის პრეზიდენტის არჩევნებზე. როგორც გიორგი ნემსაძემ აღნიშნა, არჩევნებში გამარჯვების შემდეგ, ხელისუფლების წარმომადგენლებმა იგი ტელეფონით საქართველოს პრეზიდენტ მიხეილ სააკაშვილთან დააკავშირეს. მისი თქმით, მიხეილ სააკაშვილმა მის პოლიტიკურ გუნდში არსებული დაპირისპირების გამო, მას ფედერაციის ახალი ყრილობის დანიშვნა სთხოვა.გიორგი ნემსაძის განცხადებით, 2009 წელს, ფეხბურთის ფედერაციის პრეზიდენტობის კანდიდატმა, ზვიად სიჭინავამ, მისი პრეზიდენტად არჩევის შემთხვევაში მოადგილის თანამდებობა შესთავაზა, თუმცა ხელისუფლების წარმომადგენლები ამის წინააღმდეგ წავიდნენ.სხდომის დასასრულს, პარლამენტის დროებითმა საგამოძიებო კომისიამ გადაწყვეტილება მიიღო ხვალ, 29 აპრილს მიმართოს პარლამენტის ბიუროს თხოვნით - პარლამენტის პლენარული სხდომის დღის წესრიგში შეიტანოს საკითხი კომისიისთვის უფლებამოსილების ვადის ერთი თვით - 5 ივნისამდე გაგრძელების თაობაზე.როგორც კომისიის თავმჯდომარე თეა წულუკიანმა განაცხადა, პლენარულ სხდომაზე კომისიის შუალედი ანგარიში იქნება წარდგენილი.მისი განცხადებით, კომისიამ 13 თებერვლიდან 17 სხდომა ჩაატარა, 55 პირი გამოჰკითხა, საიდანაც 30-მდე პირი დაზარალებული იყო.„შემოსულია 400-მდე განცხადება, საიდანაც 300-ზე მეტი განცხადება უკვე დამუშავებულია. ირკვევა, რომ ყველაზე მეტი განცხადება თუ განცხადება- საჩივარი, დიდწილად, მაინც საკუთრების უფლების დარღვევასა და წამება - არაადამიანურ მოპყრობაზეა. დასკვნის პროექტის წერა ამჟამად უკვე მიმდინარეობს და 100-ზე მეტი გვერდი უკვე შედგენილია“, - აღნიშნა თეა წულუკიანმა.

პოლიტიკა • 1745834469

ეს იყო აბსოლუტურად მშვიდობიანი მიტინგი, მაგრამ იყო გადაწყვეტილი დასჯა იმ ადამიანების, ვინც ძლევამოსილი ვანო მერაბიშვილის პოლიციის სამმართველოსთან ხმის ამოღება გაბედა - უკნიდან მომხვდა დამტვრეული ბეტონის ნამსხვრევი, მერე იყო პლასტმასის ტყვიებით ჩემი დაცხრილვა - შალვა ობგაიძე

ეს იყო აბსოლუტურად მშვიდობიანი მიტინგი, მაგრამ იყო გადაწყვეტილი დასჯა იმ ადამიანების, ვინც ძლევამოსილი ვანო მერაბიშვილის პოლიციის სამმართველოსთან ხმის ამოღება გაბედა, - ამის შესახებ საქართველოს პარლამენტის დროებითი საგამოძიებო კომისიის სხდომაზე, თბილისის საკრებულოს წევრმა, შალვა ოგბაიძემ 2009 წლის 6 მაისის აქციის თაობაზე საუბრისას განაცხადა.როგორც მან აღნიშნა, პოლიციის სამმართველოსთან მას უკნიდან ესროლეს ბეტონის ნამსხვრევები, რის შემდეგაც დაცხრილეს პლასტმასის ტყვიებით.„ერთი შურდული, კენჭი, ქვა, ბოთლი არავის არ ქონია ხელთ, აბსოლუტურად მშვიდობიანი, ხელაწეული ხელებით აპროტესტებდნენ ადამიანები დაკავებული ახალგაზრდების წამებას და ეს წამება განვრცობადი იყო და უფრო უკეთურ რაღაცებს აპირებდნენ, აღარ მინდა ახლა ვთქვა, რის გამოც ჩვენ დავიძარით რუსთაველის გამზირიდან მერე ფეხით და ჩავედით იქ. მე ზურგით ვიდექი პოლიციის სამმართველოს ალაყაფის მიმართ და ვცდილობდი, რომ ადამიანები, რომლებიც ვთქვათ უკვე პირველი გასროლა რომ მოხდა, არ მიახლოებოდნენ ღობეს. მე ვიცოდი ეს რითაც დამთავრდებოდა და ეს ჩაითვლებოდა შეჭრის მცდელობად. შეჭრის მცდელობა ერთადერთი საწყალ უცნობს დააბრალეს, ფურცლით გადახტა და რა უქნეს თქვენ კარგად იცით. ის ყოფილა თურმე პოლიციის აღება სამმართველოსი. მაგრამ მე ვაკავებდი ამ ადამიანებს, რომ ეს არ მომხდარიყო და აი ამ დროს უკნიდან მომხვდა დამტვრეული ბეტონის ნამსხვრევი, 14 ნაკერი დამადეს და მერე იყო პლასტმასის ტყვიებით ჩემი დაცხრილვა, თუ შეიძლება ასე ითქვას. ერთ მომენტში ბატონი სოზარი ცდილობდა მე გადამფარებოდა და გია მაისაშვილი. გიას პირდაპირ შუბლში მოხვდა, მე უკვე ჩავიკეცე, გონება დავკარგე, ტვინის შერყევა მქონდა. თქვენზეც იძალადეს მაშინ, როგორც მერე ყველასთვის ცნობილი გახდა, არ გინდობდნენ არც თქვენ ბატონო სოზარ“, - განაცხადა შალვა ოგბაიძემ.

პოლიტიკა • 1745833989

ეს იყო ოპერაცია „ყულფი“, როდიონოვმაც კი, რაღაც ნაწილი გზა დაგვიტოვა გასაქცევი 1989 წლის 9 აპრილს. მერაბიშვილმა არ დაგვიტოვა არსად გასაქცევი საშუალება, ყველა იმ ხორცსაკეპ მანქანაში უნდა მოყოლილიყო და როგორც მან ბრძანება გასცა, დაზიანების გარეშე არავინ არ უნდა ყოფილიყო - შალვა ოგბაიძე 2011 წლის 26 მაისის აქციაზე

2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი საქართველოს პარლამენტის დროებითი საგამოძიებო კომისიის სხდომაზე, სადაც თბილისის საკრებულოს წევრმა, შალვა ოგბაიძემ 2011 წლის 26 მაისის აქციის დარბევის დეტალებზე ისაუბრა.შალვა ოგბაიძის განცხადებით, იმჟამინდელი შინაგან საქმეთა მინისტრის, ვანო მერაბიშვილის მიერ გაცემული იქნა დავლება, რომლის თანახმადაც, 2011 წლის 26 მაისის აქციიდან დაზიანების გარეშე არცერთ მოქალაქეს არ უნდა დაეტოვებინა ტერიტორია.„ჩემმა მეუღლემ გამოგვიტანა გამოსაცვლელი ტანსაცმელი 21:00 საათი იქნებოდა, წვიმა დაიწყო. მაგრამ უკან გასვლა უკვე იყო საშიში, იმიტომ რომ, ვიცოდით, უკან გასვლის დროს ფიზიკური შეურაცხყოფის გარეშე არავის არ უშვებდნენ ეს იყო მთლიანად გადაკეტილი მოედანი, ჩიტაძის ქუჩა იქნებოდა, თუ რუსთაველის ორივე მხარე. ეს იყო ოპერაცია „ყულფი“, რომელიც იმ სულძაღლიანმა როდიონოვმაც კი, რაღაც ნაწილი გზა დაგვიტოვა გასაქცევი 1989 წლის 9 აპრილს. მერაბიშვილმა არ დაგვიტოვა, არსად გასაქცევი საშუალება არ იყო, ყველა ამ ხორცსაკეპ მანქანაში უნდა მოყოლილიყო და როგორც მან ბრძანება გასცა დაზიანების გარეშე არავინ არ უნდა ყოფილიყო, რაც შესრულდა კიდევაც. მე უგონოდ შემიტანეს საავადმყოფოში იმ ღამის შემდეგ, ხოლო გიორგი და ლევანი აწამეს უღმერთოდ. პოლიციის სამმართველოში, რომ მიიყვანეს ლევანი ყოველ სართულზე გადასცემდნენ ესტაფეტით, რომ ეს ოგბაიძის შვილიაო. ყველას ვისაც არ ეზარებოდა თითოს უმატებდა. გიორგი მარნეულის წინასწარ დაკავების იზოლატორში ვიპოვეთ. ცა არ უნახავთ, არავითარი გასეირნება“,-განაცხადა შალვა ოგბაიძემ.

პოლიტიკა • 1745832725

იმჟამინდელმა შსს მინისტრმა გია ბარამიძემ მითხრა, ძალიან ცუდად იყო საქმე და უმჯობესი იყო, თუ გადავდგებოდი, ცხადია, მუქარა მოდიოდა მერაბიშვილისგან, ოქრუაშვილისგან და სააკაშვილისგან - შალვა ობგაიძე

რატი ალექსიძის უფლებადამცველი გელა ნიკოლეიშვილი მეუბნება, რომ რატი ალექსიძის ავტომობილს, რომელიც უნდა მდგარიყო საჯარიმო მოედანზე, ხშირად ხედავენ ქალაქში, სხვადასხვა ადგილზე. ნახევარ საათში მირეკავს თავად რატი ალექსიძე, ასევ გელა ნიკოლაიშვილი და მეუბნებიან, რომ ეს ავტომობილი იპოვეს მშრალ ხიდზე, – ამის შესახებ შალვა ოგბაიძემ „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის“ სხდომაზე განაცხადა, რომელიც 2003-2004 წლებში საგზაო პოლიციის მთავარი სამმართველოს უფროსი იყო.ოგბაიძის თქმით, აღმოჩნდა, რომა ვტომობილს ექსპლუატაციას უწევდა გიგი უგულავა, მაშინდელი უშიშროების მინისტრის მოადგილე.„2003 წლის დეკემბრის დასაწყისში დავინიშნე იმ პერიოდისთვის ერთ-ერთ ყველაზე სახელგატეხილი ორგანიზაციის ხელმძღვანელად, საგზაო პოლიციის მთავარი სამმართველოს უფროსად. ერთ დღეს მირეკავს გელა ნიკოლეიშვილი, ჩვენთვის ცნობილი უფლებადამცველი და მეუბნება, რომ რატი ალექსიძემ მთხოვა, თქვენთვის მომემართაო, რომ მის ავტომობილს, რომელიც უნდა მდგარიყო საჯარიმო მოედანზე, ხშირად ხედავენ ქალაქში, სხვადასხვა ადგილზე. მაშინ რატი, თუ არ ვცდები, კიევის დინამოში თამაშობდა. შემდეგ ვურეკავ პროკურორ მამუკა გვარამიას, რომელიც მეუბნება, რომ ეს ავტომობილი დგას პროკურატუროს შენობაში. რა თქმა უნდა, ის იტყუება. შევთანხმდით, რომ ავტომობილი დაკავებაზე უნდა გადაგვეცა და გადავეცით დაკავებაზე. ნახევარ საათში მირეკავს თავად რატი ალექსიძე, ასევ გელა ნიკოლაიშვილი და მეუბნებიან, რომ ეს ავტომობილი იპოვეს მშრალ ხიდზე. რატის ვუთხარი, რომ ავტომობილი უნდა წარმოედგინა საგზაო პოლიციაში, რადგან იყო კანონგარეშე და შესაბამისი პროცედურები უნდა ჩატარებულიყო. როგორც გადმომცეს, ქალბატონი იჯდა მანქანაში და, თუ არ ვცდები, მძღოლი იყო კობა სუბელიანი. ცოტა ხანში გავიგეთ, რომ ამ ავტომობილს ექსპლუატაცაიას უწევდა გიგი უგულავა, მაშინდელი უშიშროების მინისტრის მოადგილე. ზუსტად არ მახსოვს თანამდებობა, მაგრამ ჯერ ქალაქის მერი არ იყო. ამის შემდეგ დაიწყო, რაც დაიწყო, შავი პიარის აგორება. იმავე საღამოს მიბარებს შინაგან საქმეთა მინისტრი სამინისტროში, მე ვწერ გადადგომის შესახებ განცხადებას. ამის შემდეგ იწყება შავი პიარის აგორება, რაც ყველაზე მძიმე გასამკლავებელია. დამიბარა გია ბარამიძემ. ერთ დღეში მოხდა ყველაფერი. მან მითხრა, რომ ძალიან ცუდად იყო საქმე, იყო ძალიან შეშფოთებული და მომეჩვენა, შეშინებულიც. მიხსენა, რომ მე აუცილებლად დამიჭერდნენ. თურმე ის ყველანაირად ეცადა მაშინ, რომ არ დავეჭირე. შეხვედრაზე საუბარი იყო, რომ ჩემთვის უმჯობესი იყო, თუ დავწერდი განცხადებას და გადავდგებოდი“, – განაცხადა შალვა ოგბაიძემ.კომისიის თავმჯდომარე თეა წულუკიანმა ოგბაიძეს მიმართა: „შინაგან საქმეთა მინისტრი თქვენ გეუბნებათ, რომ თქვენი დაჭერა რომ არ გახდეს საჭირო, უნდა მოვითმინოთო. შესაბამისად, უნდა ვივარაუდოთ, რომ მის მიმართ მოდიოდა ვინმესგან მუქარა. ვისგან მოდიოდა?“, რაზეც ოგბაიძემ აღნიშნა:„ცხადია, ვინ იყო მაშინდელი გადაწყვეტილების მიმღები წრე? ეს იყო ვანო მერაბიშვილი, ირაკლი ოქრუაშვილი, სააკაშვილი“.

პოლიტიკა • 1744922143

გური სულთანიშვილი: ჩვენ უნდა ზუსტად გავიაზროთ და აღვწეროთ რადაც ევროპა გადაიქცა - ანუ ევროპა რაც იყო, შეგვიძლია იმას ვუწოდოთ ყოფილი ევროპა

საბჭოთა კავშირი როდესაც დაიშალა, პოსტ-საბჭოთა ტრანზიციის პერიოდში დასავლეთი მივიღეთ აბსოლუტურ სიკეთედ. ამის მაგარი ხატმწერი გამოსახულება არის, ვანო მერაბიშვილი ეუბნება თუ არ ვცდები ნიკა გვარამიას სატელეფონო ჩანაწერში, რომ ქვემოთ რაღაცა უბრალოდ უცხოელის გვარი ჯონ რაღაცა, ჯონ ჯონსი მიაწერეო და უკვე ხალხი დაიჯერებსო, - განაცხადა ფილოსოფოსმა, გური სულთანიშვილმა გადაცემაში „იმედი LIVE“.მისივე თქმით, საქართველომ პირველი ნაბიჯები უკვე გადადგა კოლონიალიზმის წინააღმდეგ, სუვერენიტეტის დასაცავად. მანვე აღნიშნა, რომ უნდა გავიაზროთ რად გადაიქცა ევროპა იმ არის ტექნოკრატი და ბიუროკრატიით რაც დღეს არის.„ჩვენ ამ ფეტიშს უნდა მოვრჩეთ პირველ რიგში და ეს დავიწყეთ დაახლოებით როდესაც რუსეთ-უკრაინის ომი დაიწყო, ევროპარლამენტმა და ამ ევროპულმა ბიუროკრატიამ სრულად მთელი აპარატი მოაბილიზა ჩვენს, პატარა საქართველოს წინააღმდეგ, დაგვიპირისპირდა, ჩვენ პირველი ნაბიჯები გადავდგით კოლონიალიზმის წინააღმდეგ, სუვერენიტეტის დასაცავად. ჩვენ უნდა ზუსტად გავიაზროთ ყველაფერი, ერთი-ერთში რაც თვალხილული არის ის უნდა აღვწეროთ, რომ ახლა რადაც ევროპა გადაიქცა, ანუ ევროპა რაც იყო, შეგვიძლია იმას ვუწოდოთ ყოფილი ევროპა, ახლა რაც არის ტექნოკრატია და ბიუროკრატია, ამას ჯერჯერობით აკადემიური ტერმინი, ასეთი ტერმინი არ მაფიქრდება“, - განაცხადა გური სულთანიშვილმა.

პოლიტიკა • 1744714372

დროებითმა საგამოძიებო კომისიამ 2003-2012 წლებში პოლიტიკური თანამდებობის პირების კორუფციული გარიგებები და პირთა საკუთრების უფლებების შელახვასთან დაკავშირებული ფაქტები განიხილა

პოლიტიკა • 1743665410

გივი თარგამაძეს ვურჩევ, მობრძანდეს კომისიის სხდომაზე, ვინაიდან სისხლის სამართლებრივი პასუხისმგებლობის საკითხი დადგება და ეს იქნება გარდაუვალი, ბატონო გივი, ბუჩქებში ნუ დაიმალებით - თეა წულუკიანი

„2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის“ ხელმძღვანელი, თეა წულუკიანი გივი თარგამაძეს მიმართავს, რომ სხდომაზე გამოუცხადებლობა სისხლის სამართლებრივი პასუხისმგებლობის სკაითხის დაყენებას გამოიწვევს.წულუკიანმა თარგამაძეს მოუწოდა, მივიდეს კომისიის სხდომაზე და კითხვებს უპასუხოს.„მოწვეული გვყავს ბატონი გივი თარგამაძე. გივი თარგამაძისთვის შეტყობინება იქნა გაგზავნილი, უფრო მეტიც, მან პირადად მოაწერა ხელი ინფორმაციას იმის თაობაზე, რომ ჩაიბარა ეს შეტყობინება. შესაბამისად, მისთვის არის ცნობილი, რომ დღეს, 11:00 საათზე მოწვეულია კომისიის წინაშე. საჯაროდ მან განაცხადა, რომ კომისიის სხდომაზე გამოცხადებას არ აპირებს, მაგრამ ჩვენ, რასაკვირველია, ველოდებით, რომ ის გამოცხადდება. ბატონ გივის, რომელსაც შეტყობინება ჩაბარებული აქვს, შესაბამისად, ჩვენი ოპერაცია, „გივი, ჩვენ ვართ გივი“, წარმატებით დასრულდა, ვინაიდან ჩვენ მას ჩავაბარეთ შტყობინება, ვურჩევ, ბატონო გივი, მობრძანდით, ვინაიდან სისხლის სამართლებრივი პასუხისმგებლობის საკითხი დადგება და ეს იქნება გარდაუვალი. ამიტომ მობრძანდით და გაეცით პასუხი კითხვებს, რომლებიც ეხება აგვისტოს ომს და იმ რვაწლიან პერიოდს, როდესაც თქვენ მართავდით უშიშროების კომიტეტს პარლამენტში, როდესაც თქვენ საქართველოს შვილებს გვემუქრებოდით, რომ სულს ამოგვხდიდით. ზოგს, სამწუხაროდ, მართლაც დაუდგა შავ-ბნელი დღე და სული ამოხადა „ნაციონალური მოძრაობის“ ხელისუფლებამ, ციხეში, თუ ციხის მიღმა, ქუჩაში დახვრიტეს ხალხი, აწამეს არაერთი ადამიანი და მოხდა ისე, რომ ჩვენ, ვინც აქ ვართ და არა მხოლოდ ჩვენ, ვართ ცოცხლები და ვსვამთ კითხვებს, ვითხოვთ ამ კითხვებზე პასუხს. ამიტომ, ბატონო გივი, ბუჩქებში ნუ დაიმალებით, გამობრძანდით, მობრძანდით, დაბრძანდით და აბსოლუტურად ცივილურ პირობებში გაეცით ჩვენს კითხვებს პასუხი. ამაზე მეტი გაფრთხილება მე არ ვიცი, როგორ შეიძლება გააკეთოს ადამიანმა, რომელსაც არანაირი სურვილი არ აქვს, რომ ეს იყოს რაღაც ტიპის სადამსჯელო მექანიზმი. საზოგადოებას აქვს კითხვები და კეთილი ინებეთ, თუ ასეთი უშიშრები იყავით 9 წლის განმავლობაში, ბაჩო ახალიას, ზურა ადეიშვილის და ვანო მერაბიშვილის იმედით და მათ იმედად, ახლა მობრძანდით და გაეცით კითხვებს პასუხი“, – განაცხადა თეა წულუკიანმა.

პოლიტიკა • 1743435972

დროებითმა საგამოძიებო კომისიამ 2004-2008 წლებში ოკუპირებულ ტერიტორიებზე შექმნილ ვითარებაზე, საკუთრების უფლების დარღვევებზე და სასჯელაღსრულების დაწესებულებებში არსებულ მდგომარეობაზე 4 პირს მოუსმინა

2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელმა პარლამენტის დროებითმა საგამოძიებო კომისიამ მორიგი სხდომა გამართა.სხდომაზე განსახილველი საკითხები იყო: 2004-2008 წლებში საქართველოს ოკუპირებულ ტერიტორიებზე შექმნილი ვითარება, საკუთრების უფლების დარღვევის ფაქტებთან დაკავშირებული საკითხები და სასჯელაღსრულების დაწესებულებებში 2003-2012 წლებში არსებული საპატიმრო პირობები.საკითხების განხილვამდე, პარლამენტის დროებითი საგამოძიებო კომისიის თავმჯდომარემ თეა წულუკიანმა კომისიის წინა კვირაში ჩატარებული სხდომები შეაჯამა და კომისიის მიზნებზე ისაუბრა.მისი განცხადებით, დროებითი საგამოძიებო კომისია არ იძიებს სამხედროების მოქმედებებს, არამედ იძიებს „ნაციონალური მოძრაობის“ რეჟიმის დროს პოლიტიკური თანამდებობის პირების საქმიანობის სხვადასხვა საკითხს და პირველ რიგში, მაშინდელი უმაღლესი მთავარსარდლის და უმაღლესი პოლიტიკური თანამდებობის პირის, პრეზიდენტ მიხეილ სააკაშვილის გადაწყვეტილებებსა და საქმიანობას.„წინა სხდომებიდან გამომდინარე ირკვევა და უკვე დადასტურებულადაც შეიძლება ჩაითვალოს, რომ მიხეილ სააკაშვილს და მის ამფსონებს - დავით კეზერაშვილს, ვანო მერაბიშვილს და სხვა პოლიტიკური თანამდებობის პირებს არ ჰქონდათ სამხედრო გეგმა ისე აწარმოვეს საომარი მოქმედებები 2008 წლის აგვისტოში და ის გეგმა, რომელიც ჩვენმა ღირსეულმა, საქმის მცოდნე სამხედროებმა შეადგინეს უარყოფილი და გვერდზე გადადებული იქნა. შესაბამისად, ისინი აგვისტოს ომის დროს არა სამხედროების აზრის გათვალისწინებით მოქმედებდნენ, არამედ პოლიტიკური მიზანშეწონილობებითა და პოლიტიკური მოსაზრებებით მართავდნენ საომარ მოქმედებებს. მათ გაწირეს მშვიდობიანი მოქალაქეები და მიატოვეს. უფრო მეტიც, გენერალმა ყურაშვილმა ჩემს კითხვაზე მიპასუხა - თქვენს მოსაზრებას საფუძველი აქვსო. კერძოდ, იმ მოსაზრებას, რომ გენერალი ყურაშვილი, როგორც სამშვიდობო ოპერაციების წარმომადგენელი ვანო მერაბიშვილის მოადგილესთან ერთად, რომელიც საომარ მოქმედებებზე პასუხისმგებელი იყო, ბრძოლის არეალში შეიყვანეს იმიტომ, რომ გენერალი ყურაშვილის დანახვაზე მოსახლეობა მშვიდად იქნებოდა. ეს მიმართულება ჩვენ კარგად უნდა გავაღრმაოთ - მიატოვეს და ვერ მოასწრეს მოსახლეობის გაფრთხილება თუ მიზანმიმართულად ჩატოვა მიხეილ სააკაშვილმა მშვიდობიანი მოქალაქეები საომარი მოქმედებების არეალში. ჩვენ მათ ვეკითხებით, რატომ გახადეს რეზერვისტები საზარბაზნე ხორცად? რატომ არ იყო არავითარი გეგმა? რატომ აქციეს ჯარი, ჯარისკაცები და ოფიცრები საზარბაზნე ხორცად? ამას ვეკითხებით მაშინდელ პოლიტიკოსებს. ასევე ვსვამთ კითხვას - რატომ არ დაბრუნდა თავის შვილებთან და ოჯახში გიორგი ანწუხელიძე? რატომ ჩავარდა ის ტყვედ? ეს იყო გარდაუვალი, თუ შეიძლებოდა ამის თავიდან აცილება, თორემ იმ გმირმა, სეპარატისტებთან და რუსებთან პირისპირ ტყვეობაში რომ აღმოჩნდა, გმირობა აჩვენა. და არა მხოლოდ მან აჩვენა გმირობა! რატომ არ ახსენებენ უშანგი სოფრომაძეს? იქ გიორგი ანწუხელიძე მარტო არ იყო. იქ იყო უშანგი სოფრომაძე, იქ იყო კახაბერ ხუბულური. რატომ არ დაუბრუნდა უშანგი სოფრომაძე თავის მეუღლეს და შვილებს? ეს არის ჩვენი შეკითხვა - შეიძლებოდა ამის თავიდან აცილება პოლიტიკოსების მიერ თუ არა?!ჩვენი მიზანია ყველამ გაიგოს, რომ ახალგაზრდებო, ვინც არ უნდა მოხვიდეთ მომავალში პოლიტიკაში, თქვენ უნდა იცოდეთ, რომ ჯარი არ არის სათამაშო. სააკაშვილმა ჯარიც და მშვიდობიანი მოსახლეობაც და სხვათა შორის ის ორი გენერალიც, რომელიც აქ მობრძანდა, საკუთარ სათამაშოდ აქცია.შესაბამისად, ჩვენ ამ მიმართულების კვლევას გავაგრძელებთ და ბუნებრივია, რომ ის პოლიტიკოსები, ვინც მაშინ ხელისუფლებაში იყვნენ და დღეს ზოგიერთი ციხეშია, ზოგიერთი ქუჩაში და ზოგიერთიც გაქცეულია, რა თქმა უნდა, ღელავენ. რა თქმა უნდა, ცდილობენ რაც შეიძლება მეტ ადამიანს აუმღვრიონ გონება და აფიქრებინონ, თითქოს ეს კომისია არის იმისთვის, რომ ჯარის ქმედებები შეაფასოს“, - აღნიშნა თეა წულუკიანმა.მისი თქმით, „ქართული ოცნების“ ხელისუფლებამ სპეციალური ჯგუფი შექმნა, რომელსაც იუსტიციის მინისტრის რანგში თავად ხელმძღვანელობდა.„ჩვენ გადავარჩინეთ ქართული ჯარის ღირსება სტრასბურგშიც და ჰააგის სასამართლოშიც. ამიტომ, აქეთ ამ თემაზე არავითარ შენიშვნას არ მივიღებთ და თქვენ ჩვენ ვერ გაგვაჩერებთ! ჩვენ სააკაშვილის კიდევ ბევრ დანაშაულზე, კეზერაშვილის, მერაბიშვილისა და სხვა პოლიტიკური პირების ომის პირობებში, საპატიმროში თუ საკუთრების უფლების მიმართულებით, კიდევ არაერთ დანაშაულებრივ ფაქტს გამოვავლენთ“, - აღნიშნა კომისიის თავმჯდომარემ.დროებითმა საგამოძიებო კომისიამ ემზარ კვიციანს მოუსმინა, რომელმაც ბატალიონ „მონადირის“ შექმნის მიზეზებზე და მიზნებზე ისაუბრა. მისი თქმით, 1992 წელს, მას შემდეგ, რაც აფხაზეთში მდგომარეობა დაიძაბა და ცხადი გახდა, რომ აფხაზი სეპარატისტები და რუსეთი ომისთვის ემზადებიან და ჩრდილოეთ კავკასიის უღელტეხილებიდან საქართველოს ტერიტორიაზე „ბოევიკებმა“ გადმოსვლა დაიწყეს, კოდორის ხეობის ადგილობრივი მოსახლეობის გადაწყვეტილებით, შეიქმნა რაზმი „მონადირე“, რომელსაც საქართველოს ტერიტორიული მთლიანობა უნდა დაეცვა. ემზარ კვიციანმა დეტალურად ისაუბრა 1992 წლიდან 2008 წლამდე კოდორის ხეობაში განვითარებულ მოვლენებზე.მისი შეფასებით, 2006 წელს კოდორის ხეობაში ქართული ჯარის შეყვანა 1994 წელს დადებული შეთანხმების დარღვევა იყო, რამაც რუსეთს ხეობაში ჯარების შეყვანის საბაბი მისცა.ემზარ კვიციანის განცხადებით, კოდორის ხეობის ჩაბარება იყო ჩვენი ქვეყნის წინააღმდეგ განხორციელებული კოლექტიური ღალატის შედეგი და ამის შესახებ მიღებული იყო პოლიტიკური გადაწყვეტილება.„რუსეთის სპეცსამსახურები, აფხაზეთის დე-ფაქტო ხელისუფლების უშიშროება და საქართველოს უშიშროების სამსახურში ჩანერგილი ადამიანები ერთობლივად მოქმედებდნენ იმისთვის, რომ მიხეილ სააკაშვილი მოეყვანათ ხელისუფლებაში, რადგან მას პირობა ჰქონდა დადებული კოდორის ხეობის უმტკივნეულოდ ჩაბარების შესახებ“, - აღნიშნა ემზარ კვიციანმა.კომისიას ახსნა-განმარტება გიორგი (გონერი) კაპანაძემ მისცა, რომელიც აგვისტოს ომის დღეებში თიღვის მუნიციპალიტეტის გამგებელი იყო.მან ისაუბრა 2008 წლის 2 აგვისტოდან განვითარებულ მოვლენებზე, რუსეთისა და ოსი სეპარატისტების მიერ განხორციელებულ ქმედებებზე და საქართველოს ხელისუფლების სხვადასხვა წარმომადგენელთან კომუნიკაციაზე.გიორგი კაპანაძის განცხადებით, 7 აგვისტოს მსხვილკალიბრიანი იარაღით დაბომბვის შედეგად, ორი ქართველი სამშვიდობო დაიღუპა.როგორც მან აღნიშნა, მას არც ომის წინა დღეებში და არც ომის დაწყების შემდეგ ადგილობრივი მოსახლეობის ევაკუაციის შესახებ ბრძანება არავისგან მიუღია და საკუთარი ინიციატივითა და „წითელი ჯვრის“ დახმარებით, 7 აგვისტოს შეძლო ბავშვებისა და ქალების გამოყვანა, მოსახლეობის ნაწილმა კი, უკვე აქტიური საბრძოლო მოქმედებების დაწყების შემდეგ თავად დატოვა სოფლები.მისი თქმით, კომისიის სხდომაზე გენერლების: ზაზა გოგავასა და მამუკა ყურაშვილის მიერ მოყვანილი ზოგი ფაქტი არასწორი - „დროში აცდენილი იყო“.საკუთრების უფლების დარღვევის ფაქტებთან და სასჯელაღსრულების დაწესებულებებში 2003-2012 წლებში არსებულ საპატიმრო პირობებთან დაკავშირებულ საკითხებზე დროებითმა საგამოძიებო კომისიამ მოქალაქე მარიამ რატიანს მოუსმინა.მარიამ რატიანის ინფორმაციით, მის მეუღლეს, კახა გურგენიძესა და მისი მეუღლის მეგობარს, დათო გოგოშვილს სუპერმარკეტების ქსელი „იბისი“ ჰქონდათ და მას შემდეგ, რაც ისინი 2009 წლის საპროტესტო აქციებზე მივიდნენ და აქციის მონაწილეებს საკვები და პირველადი მოხმარების საგნები მიუტანეს, მათი ოჯახების „ჯოჯოხეთი“დაიწყო.როგორც მარიამ რატიანმა აღნიშნა, ქონების ჩამორთმევის მიზნით, დათო გოგოშვილი, შემდეგ კახა გურგენიძის სიმამრი და ნარკოტიკის „ჩადების“ შემდეგ კი უკვე კახა გურგენიძე დააპატიმრეს.მან დეტალურად ისაუბრა სამართალდამცავების მიერ მისი შვილების მისამართით განხორციელებულ მუქარაზე, სახელმწიფოს მიერ ქონების ჩამორთმევასა და ამ პროცესში „თიბისი“ ბანკის მონაწილეობაზე.მარიამ რატიანის განცხადებით, პატიმრობის შემდეგ, მის მეუღლეს ფსიქიკა დაუზიანდა და ჯანმრთელობის სხვა პრობლემები დაეწყო.სასჯელაღსრულების დაწესებულებებში 2003-2012 წლებში არსებული საპატიმრო პირობების შესახებ კომისიის სხდომას ქსნის მე-15 პენიტენციური დაწესებულებიდან დისტანციურად მსჯავრდებული ანზორ პარკაძე ჩაერთო.მან დეტალურად ისაუბრა გლდანის მე-8 პენიტენციურ დაწესებულებაში 2012 წლამდე არსებულ მდგომარეობაზე.ანზორ პარკაძის განცხადებით, მას, ისევ როგორც სხვა პატიმრებს სისტემატურად სცემდნენ, აწამებდნენ და ფსიქოლოგიური ზეწოლის ქვეშ ამყოფებდნენ. მისივე თქმით, პატიმრები შეიძლება ეცემათ მედიკამენტების მოთხოვნის გამოც კი.ანზორ პარკაძემ აღნიშნა, რომ პატიმრები ერიდებოდნენ სახალხო დამცველის წარმომადგენლებთან შეხვედრებსაც კი, ვინაიდან საუბრები ისმინებოდა და შეხვედრის დასრულების შემდეგ პატიმრებს სასჯელაღსრულების დაწესებულების თანამშრომლები სცემდნენ, იყო გარდაცვალების შემთხვევაც.მისივე თქმით, პატიმრების მიმართ მსგავსი მოქცევა პენიტენციურ დაწესებულებაში ჩვეულებრივი ამბავი იყო.სხდომის დასასრულს, პარლამენტის დროებითი საგამოძიებო კომისიის მდივანმა, სოზარ სუბარმა განაცხადა, რომ კომისიის მომდევნო სხდომა 2 აპრილს გაიმართება.

პოლიტიკა • 1743435060

2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელმა პარლამენტის დროებითმა საგამოძიებო კომისიამ მორიგი სხდომა გამართა.სხდომაზე განსახილველი საკითხები იყო: 2004-2008 წლებში საქართველოს ოკუპირებულ ტერიტორიებზე შექმნილი ვითარება, საკუთრების უფლების დარღვევის ფაქტებთან დაკავშირებული საკითხები და სასჯელაღსრულების დაწესებულებებში 2003-2012 წლებში არსებული საპატიმრო პირობები.საკითხების განხილვამდე, პარლამენტის დროებითი საგამოძიებო კომისიის თავმჯდომარემ თეა წულუკიანმა კომისიის წინა კვირაში ჩატარებული სხდომები შეაჯამა და კომისიის მიზნებზე ისაუბრა.მისი განცხადებით, დროებითი საგამოძიებო კომისია არ იძიებს სამხედროების მოქმედებებს, არამედ იძიებს „ნაციონალური მოძრაობის“ რეჟიმის დროს პოლიტიკური თანამდებობის პირების საქმიანობის სხვადასხვა საკითხს და პირველ რიგში, მაშინდელი უმაღლესი მთავარსარდლის და უმაღლესი პოლიტიკური თანამდებობის პირის, პრეზიდენტ მიხეილ სააკაშვილის გადაწყვეტილებებსა და საქმიანობას.„წინა სხდომებიდან გამომდინარე ირკვევა და უკვე დადასტურებულადაც შეიძლება ჩაითვალოს, რომ მიხეილ სააკაშვილს და მის ამფსონებს - დავით კეზერაშვილს, ვანო მერაბიშვილს და სხვა პოლიტიკური თანამდებობის პირებს არ ჰქონდათ სამხედრო გეგმა ისე აწარმოვეს საომარი მოქმედებები 2008 წლის აგვისტოში და ის გეგმა, რომელიც ჩვენმა ღირსეულმა, საქმის მცოდნე სამხედროებმა შეადგინეს უარყოფილი და გვერდზე გადადებული იქნა. შესაბამისად, ისინი აგვისტოს ომის დროს არა სამხედროების აზრის გათვალისწინებით მოქმედებდნენ, არამედ პოლიტიკური მიზანშეწონილობებითა და პოლიტიკური მოსაზრებებით მართავდნენ საომარ მოქმედებებს. მათ გაწირეს მშვიდობიანი მოქალაქეები და მიატოვეს. უფრო მეტიც, გენერალმა ყურაშვილმა ჩემს კითხვაზე მიპასუხა - თქვენს მოსაზრებას საფუძველი აქვსო. კერძოდ, იმ მოსაზრებას, რომ გენერალი ყურაშვილი, როგორც სამშვიდობო ოპერაციების წარმომადგენელი ვანო მერაბიშვილის მოადგილესთან ერთად, რომელიც საომარ მოქმედებზე პასუხისმგებელი იყო, ბრძოლის არეალში შეიყვანეს იმიტომ, რომ გენერალი ყურაშვილის დანახვაზე მოსახლეობა მშვიდად იქნებოდა. ეს მიმართულება ჩვენ კარგად უნდა გავაღრმაოთ - მიატოვეს და ვერ მოასწრეს მოსახლეობის გაფრთხილება თუ მიზანმიმართულად ჩატოვა მიხეილ სააკაშვილმა მშვიდობიანი მოქალაქეები საომარი მოქმედებების არეალში. ჩვენ მათ ვეკითხებით, რატომ გახადეს რეზერვისტები საზარბაზნე ხორცად? რატომ არ იყო არავითარი გეგმა? რატომ აქციეს ჯარი, ჯარისკაცები და ოფიცრები საზარბაზნე ხორცად? ამას ვეკითხებით მაშინდელ პოლიტიკოსებს. ასევე ვსვამთ კითხვას - რატომ არ დაბრუნდა თავის შვილებთან და ოჯახში გიორგი ანწუხელიძე? რატომ ჩავარდა ის ტყვედ? ეს იყო გარდაუვალი, თუ შეიძლებოდა ამის თავიდან აცილება, თორემ იმ გმირმა, სეპარატისტებთან და რუსებთან პირისპირ ტყვეობაში რომ აღმოჩნდა, გმირობა აჩვენა. და არა მხოლოდ მან აჩვენა გმირობა! რატომ არ ახსენებენ უშანგი სოფრომაძეს? იქ გიორგი ანწუხელიძე მარტო არ იყო. იქ იყო უშანგი სოფრომაძე, იქ იყო კახაბერ ხუბულური. რატომ არ დაუბრუნდა უშანგი სოფრომაძე თავის მეუღლეს და შვილებს? ეს არის ჩვენი შეკითხვა - შეიძლებოდა ამის თავიდან აცილება პოლიტიკოსების მიერ თუ არა?!ჩვენი მიზანია ყველამ გაიგოს, რომ ახალგაზრდებო, ვინც არ უნდა მოხვიდეთ მომავალში პოლიტიკაში, თქვენ უნდა იცოდეთ, რომ ჯარი არ არის სათამაშო. სააკაშვილმა ჯარიც და მშვიდობიანი მოსახლეობაც და სხვათა შორის ის ორი გენერალიც, რომელიც აქ მობრძანდა, საკუთარ სათამაშოდ აქცია.შესაბამისად, ჩვენ ამ მიმართულების კვლევას გავაგრძელებთ და ბუნებრივია, რომ ის პოლიტიკოსები, ვინც მაშინ ხელისუფლებაში იყვნენ და დღეს ზოგიერთი ციხეშია, ზოგიერთი ქუჩაში და ზოგიერთიც გაქცეულია, რა თქმა უნდა, ღელავენ. რა თქმა უნდა, ცდილობენ რაც შეიძლება მეტ ადამიანს აუმღვრიონ გონება და აფიქრებინონ, თითქოს ეს კომისია არის იმისთვის, რომ ჯარის ქმედებები შეაფასოს“, - აღნიშნა თეა წულუკიანმა.მისი თქმით, „ქართული ოცნების“ ხელისუფლებამ სპეციალური ჯგუფი შექმნა, რომელსაც იუსტიციის მინისტრის რანგში თავად ხელმძღვანელობდა.„ჩვენ გადავარჩინეთ ქართული ჯარის ღირსება სტრასბურგშიც და ჰააგის სასამართლოშიც. ამიტომ, აქეთ ამ თემაზე არავითარ შენიშვნას არ მივიღებთ და თქვენ ჩვენ ვერ გაგვაჩერებთ! ჩვენ სააკაშვილის კიდევ ბევრ დანაშაულზე, კეზერაშვილის, მერაბიშვილისა და სხვა პოლიტიკური პირების ომის პირობებში, საპატიმროში თუ საკუთრების უფლების მიმართულებით, კიდევ არაერთ დანაშაულებრივ ფაქტს გამოვავლენთ“, - აღნიშნა კომისიის თავმჯდომარემ.დროებითმა საგამოძიებო კომისიამ ემზარ კვიციანს მოუსმინა, რომელმაც ბატალიონ „მონადირის“ შექმნის მიზეზებზე და მიზნებზე ისაუბრა. მისი თქმით, 1992 წელს, მას შემდეგ, რაც აფხაზეთში მდგომარეობა დაიძაბა და ცხადი გახდა, რომ აფხაზი სეპარატისტები და რუსეთი ომისთვის ემზადებიან და ჩრდილოეთ კავკასიის უღელტეხილებიდან საქართველოს ტერიტორიაზე „ბოევიკებმა“ გადმოსვლა დაიწყეს, კოდორის ხეობის ადგილობრივი მოსახლეობის გადაწყვეტილებით, შეიქმნა რაზმი „მონადირე“, რომელსაც საქართველოს ტერიტორიული მთლიანობა უნდა დაეცვა. ემზარ კვიციანმა დეტალურად ისაუბრა 1992 წლიდან 2008 წლამდე კოდორის ხეობაში განვითარებულ მოვლენებზე.მისი შეფასებით, 2006 წელს კოდორის ხეობაში ქართული ჯარის შეყვანა 1994 წელს დადებული შეთანხმების დარღვევა იყო, რამაც რუსეთს ხეობაში ჯარების შეყვანის საბაბი მისცა.ემზარ კვიციანის განცხადებით, კოდორის ხეობის ჩაბარება იყო ჩვენი ქვეყნის წინააღმდეგ განხორციელებული კოლექტიური ღალატის შედეგი და ამის შესახებ მიღებული იყო პოლიტიკური გადაწყვეტილება.„რუსეთის სპეცსამსახურები, აფხაზეთის დე-ფაქტო ხელისუფლების უშიშროება და საქართველოს უშიშროების სამსახურში ჩანერგილი ადამიანები ერთობლივად მოქმედებდნენ იმისთვის, რომ მიხეილ სააკაშვილი მოეყვანათ ხელისუფლებაში, რადგან მას პირობა ჰქონდა დადებული კოდორის ხეობის უმტკივნეულოდ ჩაბარების შესახებ“, - აღნიშნა ემზარ კვიციანმა.კომისიას ახსნა-განმარტება გიორგი (გონერი) კაპანაძემ მისცა, რომელიც აგვისტოს ომის დღეებში თიღვის მუნიციპალიტეტის გამგებელი იყო.მან ისაუბრა 2008 წლის 2 აგვისტოდან განვითარებულ მოვლენებზე, რუსეთისა და ოსი სეპარატისტების მიერ განხორციელებულ ქმედებებზე და საქართველოს ხელისუფლების სხვადასხვა წარმომადგენელთან კომუნიკაციაზე.გიორგი კაპანაძის განცხადებით, 7 აგვისტოს მსხვილკალიბრიანი იარაღით დაბომბვის შედეგად, ორი ქართველი სამშვიდობო დაიღუპა.როგორც მან აღნიშნა, მას არც ომის წინა დღეებში და არც ომის დაწყების შემდეგ ადგილობრივი მოსახლეობის ევაკუაციის შესახებ ბრძანება არავისგან მიუღია და საკუთარი ინიციატივითა და „წითელი ჯვრის“ დახმარებით, 7 აგვისტოს შეძლო ბავშვებისა და ქალების გამოყვანა, მოსახლეობის ნაწილმა კი, უკვე აქტიური საბრძოლო მოქმედებების დაწყების შემდეგ თავად დატოვა სოფლები.მისი თქმით, კომისიის სხდომაზე გენერლების: ზაზა გოგავასა და მამუკა ყურაშვილის მიერ მოყვანილი ზოგი ფაქტი არასწორი - „დროში აცდენილი იყო“.საკუთრების უფლების დარღვევის ფაქტებთან და სასჯელაღსრულების დაწესებულებებში 2003-2012 წლებში არსებულ საპატიმრო პირობებთან დაკავშირებულ საკითხებზე დროებითმა საგამოძიებო კომისიამ მოქალაქე მარიამ რატიანს მოუსმინა.მარიამ რატიანის ინფორმაციით, მის მეუღლეს, კახა გურგენიძესა და მისი მეუღლის მეგობარს, დათო გოგოშვილს სუპერმარკეტების ქსელი „იბისი“ ჰქონდათ და მას შემდეგ, რაც ისინი 2009 წლის საპროტესტო აქციებზე მივიდნენ და აქციის მონაწილეებს საკვები და პირველადი მოხმარების საგნები მიუტანეს, მათი ოჯახების „ჯოჯოხეთი“დაიწყო.როგორც მარიამ რატიანმა აღნიშნა, ქონების ჩამორთმევის მიზნით, დათო გოგოშვილი, შემდეგ კახა გურგენიძის სიმამრი და ნარკოტიკის „ჩადების“ შემდეგ კი უკვე კახა გურგენიძე დააპატიმრეს.მან დეტალურად ისაუბრა სამართალდამცველების მიერ მისი შვილების მისამართით განხორციელებულ მუქარაზე, სახელმწიფოს მიერ ქონების ჩამორთმევასა და ამ პროცესში „თიბისი“ ბანკის მონაწილეობაზე.მარიამ რატიანის განცხადებით, პატიმრობის შემდეგ, მის მეუღლეს ფსიქიკა დაუზიანდა და ჯანმრთელობის სხვა პრობლემები დაეწყო.სასჯელაღსრულების დაწესებულებებში 2003-2012 წლებში არსებული საპატიმრო პირობების შესახებ კომისიის სხდომას ქსნის მე-15 პენიტენციური დაწესებულებიდან დისტანციურად მსჯავრდადებული ანზორ პარკაძე ჩაერთო.მან დეტალურად ისაუბრა გლდანის მე-8 პენიტენციურ დაწესებულებაში 2012 წლამდე არსებულ მდგომარეობაზე.ანზორ პარკაძის განცხადებით, მას, ისევ როგორც სხვა პატიმრებს სისტემატურად სცემდნენ, აწამებდნენ და ფსიქოლოგიური ზეწოლის ქვეშ ამყოფებდნენ. მისივე თქმით, პატიმრები შეიძლება ეცემათ მედიკამენტების მოთხოვნის გამოც კი.ანზორ პარკაძემ აღნიშნა, რომ პატიმრები ერიდებოდნენ სახალხო დამცველის წარმომადგენლებთან შეხვედრებსაც კი, ვინაიდან საუბრები ისმინებოდა და შეხვედრის დასრულების შემდეგ პატიმრებს სასჯელაღსრულების დაწესებულების თანამშრომლები სცემდნენ, იყო გარდაცვალების შემთხვევაც.მისივე თქმით, პატიმრების მიმართ მსგავსი მოქცევა პენიტენციურ დაწესებულებაში ჩვეულებრივი ამბავი იყო.სხდომის დასასრულს, პარლამენტის დროებითი საგამოძიებო კომისიის მდივანმა, სოზარ სუბარმა განაცხადა, რომ კომისიის მომდევნო სხდომა 2 აპრილს გაიმართება.

პოლიტიკა • 1743408020

თეა წულუკიანი: ჩვენი კომისია არ იძიებს სამხედროებს, ჩვენი კომისია იძიებს "ნაციონალური მოძრაობის" რეჟიმის დროს პოლიტიკური თანამდებობის პირების საქმიანობს სხვადასხვა ასპექტსა და საკითხს, პირველ რიგში, მაშინდელი უმაღლესი მთავარსარდლის, გადაწყვეტილებებსა და საქმიანობებს

მინდა გამოვეხმაურო იმ აჟიოტაჟს, რაც ჩვენმა წინა კვირის საქმიანობამ, ზოგიერთ მავნებელში და მათ მიერ პროპაგანდის მსხვერპლად ქცეულ ადამიანში გამოიწვია, - ამის შესახებ პარლამენტის დროებითი საგამოძიებო კომისიის თავმჯდომარემ, თეა წულუკიანმა, განაცხადა.მისი თქმით, კომისია იძიებს „ნაციონალური მოძრაობის“ თანამდებობის პირების საქმიანობის ასპექტებს, უპირველესად კი, მაშინდელი უმაღლესი მთავარსარდლის - პრეზიდენტ სააკაშვილის გადაწყვეტილებებს. წულუკიანმა აღნიშნა ისიც, რომ წინა სხდომებიდან უკვე გამოიკვეთა, რომ სააკაშვილი, კეზერაშვილი, მერაბიშვილი და სხვა მაღალი თანამდებობის პირები, მოქმედებდნენ არა სამხედროების გეგმის გათვალისწინებით, არამედ პოლიტიკური მოსაზრებებით, შესაბამისად, ისე აწარმოეს საომარი მოქმედებები, რომ სამხედრო გეგმა არ ჰქონდათ. „კიდევ ერთხელ ვიმეორებ: ჩვენი კომისია არ იძიებს სამხედროებს, ჩვენი კომისია იძიებს "ნაციონალური მოძრაობის" რეჟიმის დროს პოლიტიკური თანამდებობის პირების საქმიანობს სხვადასხვა ასპექტსა და საკითხს, პირველ რიგში, მაშინდელი უმაღლესი მთავარსარდლის, მაშინდელი უმაღლესი პოლიტიკური თანამდებობის პირის - პრეზიდენტის, მიხეილ სააკაშვილის, გადაწყვეტილებებსა და საქმიანობებს. ირკვევა წინა სხდომებიდან გამომდინარე, რომ თურმე, დადასტურებულადაც შეიძლება უკვე ჩაითვალოს თუმცა სხდომები გრძელდება, რომ მიხეილ სააკაშვილს და მის ამფსონებს - დავით კეზერაშვილს, ვანო მერაბიშვილს და სხვებს, არ ჰქონდათ სამხედრო გეგმა, ისე აწარმოეს საომარი მოქმედებები 2008 წლის აგვისტოში. ის გეგმა, რომელიც სწორედაც ჩვენმა ღირსეულმა, საქმის მცოდნე სამხედროებმა შეადგინეს, იქნა უარყოფილი და გვერდზე გადადებული. შესაბამისად, ისინი აგვისტოს ომის დროს არა სამხედროების აზრის გათვალისწინებით მოქმედებდნენ, არამედ პოლიტიკური მიზანშეწონილობებითა და პოლიტიკური მოსაზრებებით მართავდნენ საომარ მოქმედებებს.“ - აღნიშნა წულუკიანმა.ამასთან, ყურადღება გაამახვილა მშვიდობიანი მოქალაქეების კონფლიქტის ზონაში ჩატოვების ფაქტზე და განაცხადა, რომ კომისიამ კარგად უნდა გამოიკვლიოს, მოსახლეობის გაფრთხილება ვერ მოასწრეს თუ სააკაშვილმა ისინი მიზანმიმართულად ჩატოვა.„მათ გაწირეს მშვიდობიანი მოქალაქეები და მიატოვეს. უფრო მეტიც - გენერალმა ყურაშვილმა, ჩემს კითხვაზე მიპასუხა, რომ საფუძველი აქვს თქვენს მოსაზრებასო, კერძოდ, იმ მოსაზრებას, რომ გენერალი ყურაშვილი, როგორც სამშვიდობო ოპერაციების წარმომადგენელი, ვანო მერაბიშვილის მოადგილესთან ერთად, რომელიც საომარ მოქმედებებზე იყო პასუხისმგებელი, არეალში შეიყვანეს იმიტომ, რომ გენერალი ყურაშვილის დანახვაზე მოსახლეობა იქნებოდა მშვიდად. ეს მიმართულება ჩვენ კარგად უნდა გავაღრმაოთ: მიატოვეს და ვერ მოასწრეს მოსახლეობის გაფრთხილება თუ მიზანმიმართულად ჩატოვა მიხეილ სააკაშვილმა მშვიდობიანი მოქალაქეები საომარი მოქმედებების არეალში.“ - განაცხადა თეა წულუკიანმა.

პოლიტიკა • 1743407435

წინა ხელისუფლების პოლიტიკოსები ცდილობენ, რაც შეიძლება მეტ ადამიანს აუმღვრიონ გონება და აფიქრებინონ, თითქოს ჯარის ქმედებებს ვაფასებთ, კომისია იძიებს წინა ხელისუფლების საქმიანობას - თეა წულუკიანი

ჩვენი კომისია არ იძიებს სამხედროების მოქმედებებს, ჩვენი კომისია იძიებს „ნაციონალური მოძრაობის“ რეჟიმის დროს პოლიტიკური თანამდებობის პირების საქმიანობის სხვადასხვა ასპექტსა და საკითხს, – ამის შესახებ „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი საგამოძიებო კომისიის“ ხელმძღვანელმა, თეა წულუკიანმა კომისიის დღევანდელ სხდომაზე განაცხადა.თეა წულუკიანის თქმით, ის პოლიტიკოსები, რომლებიც მაშინ იყვნენ ხელისუფლებაში, დღეს ღელავენ, ცდილობენ, რაც შეიძლება მეტ ადამიანს აუმღვრიონ გონება და აფიქრებინონ, რომ ეს კომისია თითქოს არის იმისთვის, რომ ჯარის ქმედებები შეაფასოს.„მინდა, გამოვეხმაურო იმ აჟიოტაჟს, რაც ჩვენმა წინა კვირის საქმიანობამ ზოგიერთ მავნებელში და მათ მიერ პროპაგანდის მსხვერპლად ქცეულ ადამიანებში გამოიწვია. ჩვენი კომისია არ იძიებს სამხედროების მოქმედებებს, ჩვენი კომისია იძიებს „ნაციონალური მოძრაობის“ რეჟიმის დროს პოლიტიკური თანამდებობის პირების საქმიანობის სხვადასხვა ასპექტსა და საკითხს.პირველ რიგში, მაშინდელი უმაღლესი მთავარსარდლის, უმაღლესი პოლიტიკური თანამდებობის პირის, პრეზიდენტის, მიხეილ სააკაშვილის გადაწყვეტილებებსა და საქმიანობებს. წინა სხდომებიდან გამომდინარე ირკვევა, დადასტურებულადაც შეიძლება, ჩაითვალოს, რომ მიხეილ სააკაშვილი და მისი ამფონებს – დავით კეზერაშვილს, ვანო მერაბიშვილს და პოლიტიკური თანამდებობის სხვა პირებს, არ ჰქონდათ სამხედრო გეგმა, ისე აწარმოეს საომარი მოქმედებები 2008 წლის აგვისტოში. ის გეგმა, რომელიც სწორედაც ჩვენმა ღირსეულმა, საქმის მცოდნე სამხედროებმა შეადგინეს, იქნა უარყოფილი და გვერდზე გადადებული. შესაბამისად, ისინი აგვისტოს ომის დროს არა სამხედროების აზრის გათვალისწინებით მოქმედებდნენ, არამედ პოლიტიკური მიზანშეწონილობებითა და პოლიტიკური მოსაზრებებით მართავდნენ საომარ მოქმედებებს. მათ გაწირეს მშვიდობიანი მოქალაქეები და მიატოვეს. უფრო მეტიც, გენერალმა ყურაშვილმა, ჩემს კითხვაზე მიპასუხა, საფუძველი აქვს თქვენს მოსაზრებასო. კერძოდ, იმ მოსაზრებას, რომ გენერალი ყურაშვილი, როგორც სამშვიდობო ოპერაციების წამრომადგენელი, ვანო მერაბიშვილის მოადგილესთან ერთად, რომელიც საომარ მოქმედებებზე იყო პასუხისმგებელი, არეალში შეიყვანეს იმიტომ, რომ გენერალი ყურაშვილის დანახვაზე მოსახლეობა იქნებოდა მშვიდად. ეს მიმართულება ჩვენ კარგად უნდა გავაღრმავოთ. მიატოვეს და ვერ მოასწრეს მოსახლეობის გაფრთხილება, თუ მიზანმიმართულად ჩატოვა მიხეილ სააკაშვილმა მშვიდობიანი მოქალაქეები იმ საომარი მოქმედებების არეალში.ჩვენ მათ ვეკითხებით, რატომ აქციე რეზერვისტები საზარბაზნე ხორცად, რატომ არ იყო არავითარი გეგმა, რატომ აქციე ჯარი და ჯარისკაცები, ოფიცრები საზარბაზნე ხორცად, ამას ვეკითხებით მაშინდელ პოლიტიკოსებს. ასევე ვსვამთ კითხვას, რატომ არ დაბრუნდა თავის შვილებთან და ოჯახში გიორგი ანწუხელიძე. რატომ ჩავარდა ის ტყვედ? ეს იყო გარდაუვალი, თუ შეიძლებოდა, ამის თავიდან აცილება. გმირი რომ ჩავარდა ტყვედ, შემდეგ, პირისპირ რომ აღმოაჩინა საკუთარი თავი სეპარატისტებთან და რუსებთან, მან გმირობა აჩვენა. არა მხოლოდ მან აჩვენა გმირობა, რატომ არ ახსენებენ ისინი, ვინც გუშინ და გუშინ წინ განერვიულდნენ ჩვენი სხდომების გამო, უშანგი სოფრომაძეს. იქ გიორგი ანწუხელიძე მარტო არ იყო, უშანგი სოფრომაძეც იყო, კახაბერ ხუბულური. რატომ არ დაუბრუნდა უშანგი სოფრომაძე თავის მეუღლეს და შვილებს. ეს არის შეკითხვები – შეიძლებოდა ამის თავიდან აცილება პოლიტიკოსების მიერ თუ არა“, – აღნიშნა წულუკიანმა.ამასთან, მისივე თქმით, მიხეილ სააკაშვილმა ჯარი და მშვიდობიანი მოსახლეობა საკუთარ სათამაშოდ აქცია.„ჩვენი მიზანია, ყველამ გაიგოს, ვინც არ უნდა მოხვიდეთ ახალგაზრდებო მომავალში პოლიტიკაში, უნდა იცოდეთ, რომ ჯარი არ არის სათამაშო. სააკაშვილმა ჯარიც და მშვიდობიანი მოსახლეობაც, სხვათა შორის, ორი გენერალიც, რომელიც აქ მობრძანდნენ, საკუთარ სათამაშოდ აქცია. შესაბამისად, ჩვენ ამ მიმართულების კვლევას გავაგრძელებთ. ბუნებრივია, რომ ის პოლიტიკოსები, ვინც მაშინ იყვნენ ხელისუფლებაში, დღეს ზოგიერთი ციხეშია, ზოგი ქუჩაშია და ზოგიც გაქცეულია, რა თქმა უნდა, ღელავენ, ცდილობენ, რაც შეიძლება მეტ ადამიანს აუმღვრიონ გონება და აფიქრებინონ, რომ ეს კომისია თითქოს არის იმისთვის, რომ ჯარის ქმედებები შეაფასოს“, – აღნიშნა წულუკიანმა.როგორც კომისიის ხელმძღვანელმა განაცხადა, „ქართული ოცნების“ ხელისუფლებამ გადაარჩინა ქართული ჯარის ღირსება სტრასბურგშიც და ჰააგის სასამართლოშიც.„„ქართული ოცნების“ ხელისუფლება იყო და არის ის ხელისუფლება, რომელმაც შექმნა სპეციალური ჯგუფი, ამ ჯგუფს მე ვხელმძღვანელობდი იუსტიციის მინისტრის რანგში და ჩვენ გადავარჩინეთ ქართული ჯარის ღირსება სტრასბურგშიც და ჰააგის სასამართლოშიც. ამიტომ, აქეთ ამ თემაზე ჩვენ არავითარ შენიშვნას არ მივიღებთ, მაგრამ თქვენ ჩვენ ვერ გაგვაჩერებთ. ჩვენ სააკაშვილის კიდევ ბევრ დანაშაულზე ახალ ფაქტებს გამოვავლენთ. ჩვენ კეზერაშვილის, მერაბიშვილის და სხვა პოლიტიკური პირების ომის პირობებში, თუ საპატიმროში, თუ საკუთრების უფლების მიმართულებით, კიდევ არაერთ დანაშაულებრივ ფაქტს გამოვავლენთ, ელენე ხოშტარიამ რაც არ უნდა იკივლოს ქუჩაში. მით უმეტეს, ირკვევა, რომ 2004 წლიდან სწორედ ელენე ხოშტარია, იმ დროს ჩაცმულ-დახურული ხელმძღვანელობდა ქართული ჯარის განადგურების დასაწყისს, როცა ათასეულობით პროფესიონალი გაუშვეს ქართული ჯარიდან. ასე შეატოვეს რუსეთს და სეპარატისტებს პირისპირ მოქალაქეები და ჯარისკაცები, რეზერვისტები. ამ მიმართულებაზე ჩვენ ვაგრძელებთ მუშაობას“, – განაცხადა თეა წულუკიანმა.

პოლიტიკა • 1743090060

დროებითი საგამოძიებო კომისია 2004-2008 წლებში საქართველოს ოკუპირებულ ტერიტორიებზე შექმნილი ვითარებისა და 2008 წლის აგვისტოს ომის საკითხების განხილვას განაგრძობს

2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელმა საქართველოს პარლამენტის დროებითმა საგამოძიებო კომისიამ, დღევანდელ სხდომაზე, 2004-2008 წლებში საქართველოს ოკუპირებულ ტერიტორიებზე შექმნილი ვითარებასა და 2008 წლის აგვისტოს ომთან დაკავშირებულ საკითხებზე სამ პირს მოუსმინა, - ინფორმაციას საქართველოს პარლამენტი ავრცელებს.„კომისიას ახსნა-განმარტება სამხედრო ექიმმა, ლაშა ქოიავამ მისცა, რომელიც 2007-2008 წლებში სამხედრო-სამედიცინო უზრუნველყოფის მიმართულებით მუშაობდა.მისი განცხადებით, ჯარში ძირეული ცვლილებები თავდაცვის მინისტრად გიორგი ბარამიძისა და მის თანაშემწედ ელენე ხოშტარიას დანიშვნის შემდეგ დაიწყო.როგორც ლაშა ქოიავამ აღნიშნა, მათ ჯარიდან ყველა ვეტერანის გაშვება სურდათ, თუმცა, იმის გამო, რომ გიორგი ბარამიძე მინისტრის თანამდებობიდან გაათავისუფლეს, მან ეს ვერ განახორციელა.მისივე თქმით, აღნიშნული გეგმა სისრულეში მოიყვანა უკვე თავდაცვის ახალმა მინისტრმა ირაკლი ოქრუაშვილმა, რომელმაც ერთი ბრძანებით 2 000 ოფიცერი გაუშვა ჯარიდან.ლაშა ქოიავას განცხადებით, ირაკლი ოქრუაშვილმა ასევე გააუქმა: სახმელეთო ჯარების შტაბი, სამხედრო დაზვერვა, ამერიკელების მომზადებული კომანდოსების 10 ბატალიონი, ფრანგებისა და შვეიცარიელების მიერ მომზადებული და აღჭურვილი სამთო-მსროლელთა ბატალიონი, სამხედრო ჰოსპიტალი, რომელიც შემდეგ გორში გადაიტანეს, ტექნიკური დაზვერვის ბატალიონი, სამხედრო აკადემია, რომელიც შემდეგ აღდგენილი და გადატანილი იყო გორში, რვათვიანი კურსით, რაც პრაქტიკულად შეუძლებელს ხდიდა ოფიცრის ჩამოყალიბებას.ლაშა ქოიავას თქმით, 2008 წლის თებერვალში მან სახმელეთო ჯარების სარდლისგან იცოდა, რომ საბრძოლო მოქმედებები მაისის თვეში უნდა დაწყებულიყო.მისივე განცხადებით, 2008 წლის 7 აგვისტოს დილის 5 საათზე ჩაინიშნა სამხედრო თათბირი, რომელიც დაგვიანებით დაიწყო და განხილული იყო წინასწარ შემუშავებული სამხედრო მოქმედებების გეგმა.ლაშა ქოიავას თქმით, გეგმის მიხედვით, ჯარი ცხინვალში არ უნდა შესულიყო, უნდა მომხდარიყო როკის გვირაბთან გასვლა და მისი ჩაკეტვა, რათა რუსეთის სამხედრო ძალები საქართველოში ვერ შემოსულიყვნენ. ამის შემდეგ, ჯარები უნდა განლაგებულიყვნენ ცხინვალის გარშემო და ადგილობრივ ხელისუფლებასთან უნდა დაწყებულიყო მოლაპარაკება ჯარისა და პოლიციის ცხინვალში შეშვებასთან დაკავშირებით, რომ სისხლისღვრა არ მომხდარიყო.მისივე განმარტებით, თათბირს თავდაცვის მინისტრის, დავით კეზერაშვილისა და შეიარაღებული ძალების გაერთიანებული შტაბების ხელმძღვანელის ზაზა გოგავას გარდა, ასევე ესწრებოდნენ არასამხედრო პირები: იუსტიციის მინისტრი ზურაბ ადეიშვილი, შინაგან საქმეთა მინისტრი ვანო მერაბიშვილი და მისი მოადგილე შალვა ჯანაშვილი.როგორც მან აღნიშნა, სწორედ არასამხედრო პირების ჩარევის შედეგად მოხდა გეგმაში ცვლილებების შეტანა, რამაც გაუგებრობა გამოიწვია.ლაშა ქოიავას განცხადებით, გეგმის თანახმად, საბრძოლო მოქმედებები 8 აგვისტოს 7:00 საათზე უნდა დაწყებულიყო, თუმცა, 7 აგვისტოს, 23 საათზე 42 წუთზე დაიწყო „ცხინვალის საარტილერიო ცეცხლით დამუშავება“.მისი თქმით, უკვე 8 აგვისტოს, საბრძოლო მოქმედებები 7- 8 საათის დაგვიანებით დაიწყო, ვინაიდან გაცემული მითითების მიხედვით, უნდა დალოდებოდნენ ჟურნალისტების ჩასვლას. ასევე, მოგვიანებით სატვირთო მანქანით ჩატანილი იყო მიტინგის ჩასატარებლად აუცილებელი ინვენტარი.როგორც ლაშა ქოიავამ აღნიშნა, საბრძოლო მოქმედებების დროს თავდაცვის მინისტრის, დავით კეზერაშვილის მიერ გაცემული ბრძანების შემდეგ, რისი უფლებაც მას, როგორც სამოქალაქო პირს არ ჰქონდა, მოხდა საბრძოლო ბრიგადების ისეთი გადაადგილება, რამაც რუსეთის სამხედრო ძალებს საშუალება მისცა გადმოეკვეთათ საქართველოს საზღვარი და ცხინვალში შესულიყვნენ.როგორც მან აღნიშნა, მიხეილ სააკაშვილის გორიდან გაქცევის ფაქტმა ჯარის სერიოზული დემორალიზაცია გამოიწვია.ლაშა ქოიავას ინფორმაციით, საბრძოლო მოქმედებების დაწყებამდე საბრძოლო ქვედანაყოფების მეთაურებს „მმართველი პარტიის“ წარმომადგენლები მიამაგრეს.დღევანდელ სხდომაზე, საგამოძიებო კომისიის წევრებმა, 2008 წლის აგვისტოს ომის დროს შინაგან საქმეთა მინისტრის მოადგილეს, შალვა ჯანაშვილს მოუსმინეს.მისი განცხადებით, 2008 წლის 7 აგვისტოს დილით გამართულ თათბირს ის არ ესწრებოდა, ვინაიდან შვებულებაში იმყოფებოდა და თბილისში 7 აგვისტოს შუადღეს ჩამოვიდა.შალვა ჯანაშვილმა კითხვებზე პასუხის დროს დეტალურად ისაუბრა 7-9 აგვისტოს ვისგან იღებდა დავალებებს, რა ღონისძიებები გაატარეს შინაგან საქმეთა სამინისტროს სპეცდანიშნულების ძალებმა და განსაკუთრებულ დავალებათა ბატალიონმა. ასევე აღნიშნა, რომ ცხინვალში შესვლის ბრძანება მან შინაგან საქმეთა მინისტრის, ვანო მერაბიშვილისგან მიიღო.განსახილველ საკითხებთან დაკავშირებით, კომისიამ აგვისტოს ომის დროს საქართველოს შეიარაღებული ძალების გაერთიანებული შტაბების ხელმძღვანელს, ზაზა გოგავას მოუსმინა.მისი თქმით, საქართველოს შეიარაღებული ძალები არ იწვრთნებოდა იმისთვის, რომ ისინი შესულიყვნენ სამხრეთ ოსეთის თვითგამოცხადებული რესპუბლიკისა და აფხაზეთის ტერიტორიაზე.ზაზა გოგავას განცხადებით, 2008 წლის 1 აგვისტოდან დაიწყო კონფლიქტის ზონაში მდგომარეობის დაძაბვა, ჯერ დაიბომბა ქართული სოფელი, შემდეგ კი, 6 აგვისტოს დაიბომბა ქართული სამშვიდობო ძალების პუნქტი, რის შედეგად ორი ჯარისკაცი დაიღუპა.მისი თქმით, აღნიშნულ ფაქტების საპასუხოდ რაიმე კონკრეტული ღონისძიებების ჩატარების გადაწყვეტილებები მიღებული არ ყოფილა, არამედ მიჩნეული იქნა, რომ ქართულ მხარეს მოთმინება უნდა გამოეჩინა და საპასუხო ქმედება არ უნდა განეხორციელებინა.ზაზა გოგავას განცხადებით, 7 აგვისტოს, 23 საათსა 45 წუთზე უმაღლესმა მთავარსარდალმა დაავალა, რომ მიეღო ზომები მოწინააღმდეგის საცეცხლე წერტილების ჩასახშობად, საიდანაც ქართულ დასახლებაზე და სამშვიდობო ძალების დისლოკაციის ადგილებზე ცეცხლი იყო გახსნილი, რა დროსაც გამოყენებული იყო ისეთი იარაღი, რომელიც არ უნდა ყოფილიყო სამშვიდობო ძალების მოქმედების არეალში. როგორც მან აღნიშნა, 8 აგვისტოს, მიღებული ინფორმაციის საფუძველზე, დაიგეგმა მანევრული თავდაცვითი ოპერაცია.ზაზა გოგავას განცხადებით, ქართული შენაერთების მიერ განხორციელებული მანევრების შედეგად, ხეობის სოფლების მოსახლეობას შესაძლებლობა მიეცა წვერიახოს გზით კონფლიქტის ზონიდან გამოსულიყო.კომისიის წევრების კითხვებზე პასუხის გაცემისას, ზაზა გოგავამ აღნიშნა, რომ ცხინვალში შესვლის ბრძანება თავად გასცა, რაც შინაგან საქმეთა მინისტრმა მის მოადგილეს გადასცა.ზაზა გოგავამ ასევე აღნიშნა, რომ ის არ ეთანხმება ევროსაბჭოს 1633-ის რეზოლუციის იმ პუნქტს, სადაც ნათქვამია, რომ ქართველი სამხედროების აქტიურმა ქმედებებმა კონფლიქტი აქტიურ ფაზაში გადაზარდა.დღესვე, კომისიის წევრებმა, კომისიის მოთხოვნის შეუსრულებლობის გამო, გადაწყვეტილება მიიღეს ირაკლი ოქრუაშვილის საქმის პროკურატურაში გადაგზავნის თაობაზე.ირაკლი ოქრუაშვილი კომისიის გუშინდელ სხდომაზე იყო დაბარებული, თუმცა ის კომისიის სხდომაზე არ გამოცხადდა“, - აღნიშნულია გავრცელებულ ინფორმაციაში.