ომი უკრაინაში • 1749292741

ვოლოდიმირ ზელენსკი - ჩვენ არ ვართ ბავშვები პუტინთან ერთად საბავშვო პარკში, ის მკვლელია, რომელიც პარკში ბავშვების მოსაკლავად მოვიდა

ჩვენ არ ვართ ბავშვები პუტინთან ერთად საბავშვო მოედნის პარკში, ის მკვლელია, რომელიც პარკში ბავშვების მოსაკლავად მოვიდა, – ამის შესახებ უკრაინის პრეზიდენტმა, ვოლოდიმირ ზელენსკიმ „ეიბისი ნიუსთან“ ინტერვიუში განაცხადა.ზელენსკიმ აღნიშნა, რომ ადამიანებს, რომლებიც ათასობით მილის დაშორებით არიან, არ შეუძლიათ უკრაინელების ტკივილის შეგრძნება და გაგება.„საქმე პრეზიდენტ ტრამპში არ არის, არამედ ნებისმიერ ადამიანში, რომელიც ათასობით მილის დაშორებით, ამ ქვეყანაში არ იმყოფება. მათ ამ ტკივილის სრულად განცდა და გაგება არ შეუძლიათ“, – განაცხადა უკრაინის პრეზიდენტმა.ვოლოდიმირ ზელენსკის თქმით, ომის დაწყების შემდეგ უკრაინაში 631 ბავშვი დაიღუპა.ცნობისთვის, აშშ-ის პრეზიდენტმა, დონალდ ტრამპმა რუსეთი და უკრაინა პარკში მოჩხუბარ ბავშვებს შეადარა: „ზოგჯერ ხედავთ ორ პატარა ბავშვს, რომლებიც გიჟებივით ჩხუბობენ. ზოგჯერ მათ არ უნდათ გაშველება, ზოგჯერ  უკეთესია, გაჩერდე და მისცე უფლება, ცოტა ხანს იჩხუბონ, შემდეგ კი გააშველო“.

ომი უკრაინაში • 1749287994

"მსოფლიოში ყველა არ გმობს ასეთ შეტევებს, სწორედ ამას იყენებს პუტინი. ის დროს ყიდულობს, რომ ომი გააგრძელოს" - ზელენსკი ხარკოვზე განხორციელებული შეტევის შესახებ

რუსეთ-უკრაინის ომის მსხვერპლი ყოველდღიურად იზრდება. რუსმა ოკუპანტებმა, ამჯერად, ხარკოვს დაარტყეს. შეტევა ე.წ. კამიკაძე დრონების, მართვადი ბომბებისა და რაკეტების გამოყენებით განახორციელეს.თავდასხმის შედეგად სამი ადამიანი დაიღუპა, ხოლო 21 დაშავდა, მათ შორის, ორი ბავშვია. კიევის რაიონში რუსებმა სამოქალაქო საწარმოსაც დაარტყეს."80-ზე მეტი ადამიანი დაშავდა, ყველას გაუწიეს დახმარება. სამწუხაროდ, არიან დაღუპულებიც. მსოფლიოში ყველა არ გმობს ასეთ შეტევებს, სწორედ ამას იყენებს პუტინი. ის დროს ყიდულობს, რომ ომი გააგრძელოს. უსაფრთხოების გარანტიები უზრუნველყოფილი უნდა იყოს და მშვიდობა უნდა დამყარდეს, ამისთვის საჭიროა საწყისი ნაბიჯები, მათ შორის მთავარი, ცეცხლის შეწყვეტაა," - განაცხადა უკრაინის პრეზიდენტმა ვოლოდიმირ ზელენსკიმ.

ომი უკრაინაში • 1749273240

უკრაინაზე რუსეთის მასირებული შეტევის შედეგად 4 ადამიანი დაიღუპა, 80 კი დაშავდა

უკრაინაზე რუსეთის მასირებული შეტევის შედეგად 4 ადამიანი დაიღუპა, 80 კი დაშავდა, - განაცხადა საღამოს ვიდეომიმართვაში უკრაინის პრეზიდენტმა ვოლოდიმირ ზელენსკიმ.მან აღნიშნა, რომ სხვადასხვა ქალაქსა და რაიონში სამაშველო სამუშაოები მთელი დღის განმავლობაში გრძელდებოდა.„ტერნოპოლი, ლუცკი, კიევი და ოლქი, პოლტავა, ხმელნიცკის ოლქი, ლვოვი, ჩერნიგოვი, ოდესის ოლქი, სუმი. სულ 80 ადამიანი დაზარალდა - დახმარება ყველას გაეწია. სამწუხაროდ, არიან დაღუპულები. ამ დროის მდგომარეობით 4 დაღუპულის შესახებ არის ცნობილი - კიევსა და ლუცკში”, - განაცხადა ზელენსკიმ.მან ასევე აღნიშნა, რომ შესაძლოა, ნანგრევებში ადამიანები იყვნენ მოყოლილი. მისი ინფორმაციით, კიევშიო დაღუპულები მაშველები არიან, რომლებიც ადგილზე პირველი დარტყმის შემდეგ მივიდნენ და განმეორებით დარტყმას ემსხვერპლნენ.

მსოფლიო • 1749217910

გთხოვთ, მოითხოვეთ ახალი ეფექტური სანქციები, მკვლელობებისა და დარტყმების შეწყვეტის მიზნით - ვოლოდიმირ ზელენსკი აშშ-ს, ევროპასა და სხვა ქვეყნებს

უკრაინის პრეზიდენტი ვოლოდიმირ ზელენსკი კიდევ ერთხელ მოუწოდებს აშშ-ს, ევროპასა და სხვა ქვეყნებს, გააძლიერონ რუსეთზე ზეწოლა.ზელენსკის თქმით, გასულ ღამეს უკრაინაზე თავდასხმა 400-ზე მეტი დრონითა და 40 რაკეტით განხორციელდა.„გთხოვთ, მოგიწოდებთ, მხარი დაუჭიროთ ყველა იმ ძალისხმევას, რომ რუსეთზე სამართლიანი ზეწოლა განხორციელდეს. მხარი დაუჭირეთ დიპლომატიას, პოლიტიკურ და ეკონომიკურ ზეწოლას. გთხოვთ, მოითხოვეთ ახალი ეფექტური სანქციები რუსეთისა და მათი რეჟიმის წინააღმდეგ მკვლელობებისა და დარტყმების შეწყვეტის მიზნით, ნამდვილი მშვიდობის მიღწევის მიზნით“, – განაცხადა ზელენსკიმ.შეგახსენებთ, გასულ ღამეს რუსეთმა უკრაინაზე მასშტაბური თავდასხმა განახორციელა. იერიში მიიტანეს დედაქალაქ კიევზე, სადაც სამი ადამიანი დაიღუპა, ხოლო 27 დაშავდა. დრონებითა და რაკეტებით თავდასხმა განხორციელდა ქალაქ ლუცკზეც, სადაც ხუთი ადამიანი დაშავდა.

ომი უკრაინაში • 1749193643

ზელენსკი კიევზე თავდასხმის შემდეგ: რუსეთი ამაყობს მოკვლის უნარით და, პირდაპირ რომ ვთქვათ, ეს არის ერთადერთი რამ, რისი კეთებაც ამ სახელმწიფომ ნამდვილად ისწავლა

რუსეთის მხრიდან უკრაინის დედაქალაქ კიევზე დრონებითა და ფრთოსანი რაკეტებით თავდასხმას 4 ადამიანი ემსხვერპლა, დაშავდა 20-ზე მეტი მოქალაქე. განადგურებულია სამოქალაქო ინფრასტრუქტურა.პარალელურად, უპილოტო საფრენი აპარატებით ქალაქი ლუცკიც დაიბომბა. ამ დროისთვის არსებული მონაცემებით, ლუცკიზე თავდასხმის შედეგად, დაშავებულია 5 ადამიანი."დღევანდელი დარტყმა აშკარად დემონსტრაციული იყო. მას არანაირი სამხედრო ლოგიკა არ ჰქონდა. ყოველივე ამას, ყოველ ასეთ დარტყმას აბსოლუტურად არაფერი საერთო არ აქვს ე.წ. ომის ძირითად მიზეზებთან, რომლებზეც მოსკოვი ლაპარაკობს. საქმე ისაა, რომ ისინი შეპყრობილი არიან ომით, სიძულვილითა და სხვა ერების ცხოვრების განადგურების სურვილით. ასეთების დამარცხება მხოლოდ ძალით შეიძლება - დიპლომატიის ძალით, სანქციებით, იარაღითა და ტექნოლოგიებით. რუსეთი ამით ამაყობს, ამაყობს მოკვლის უნარით და, პირდაპირ რომ ვთქვათ, ეს არის ერთადერთი რამ, რისი კეთებაც ამ სახელმწიფომ ნამდვილად ისწავლა," - განაცხადა უკრაინის პრეზიდენტმა, ვოლოდიმირ ზელენსკიმ.

მსოფლიო • 1749121925

კრემლში აცხადებენ, რომ პუტინი და ტრამპი პირისპირ შეხვედრაზე ჯერ არ შეთანხმებულან

რუსეთისა და აშშ-ის პრეზიდენტები 4 ივნისს გამართულ სატელეფონო საუბრისას პირისპირ შეხვედრაზე არ შეთანხმებულან, - აღნიშნულის შესახებ რუსეთის ფედერაციის პრეზიდენტის პრესმდივანი დიმიტრი პესკოვი აცხადებს.„საუბრის დროს შეთანხმება არ ყოფილა, რადგან სახელმწიფოს მეთაურებს შორის არსებობს საერთო მოსაზრება, რომ შეხვედრა აუცილებელია. შეხვედრა კი სათანადოდ უნდა იყოს მომზადებული“, - განაცხადა კრემლის წარმომადგენელმა.პესკოვის თქმით, პრეზიდენტებს შორის საუბარი კონსტრუქციული იყო.„პრეზიდენტებმა მართლაც ბევრი არსებითი და მნიშვნელოვანი საკითხი განიხილეს“, - დასძინა პესკოვმა.პუტინმა და ტრამპმა ამერიკელი ლიდერის თანამდებობის დაკავების შემდეგ მეოთხე სატელეფონო საუბარი გამართეს, რომელიც 1 საათსა და 10 წუთს გაგრძელდა.პუტინმა და ტრამპმა უკრაინის გარშემო არსებული ვითარება განიხილეს. 

საზოგადოება • 1749117004

„დინამო არენას“ მიმდებარედ საავტომობილო მოძრაობა იზღუდება - ნახეთ, როგორ იმოძრავებენ მანქანები

საქართველო-ფარერების საფეხბურთო მატჩის გამო, „დინამო არენას“ მიმდებარედ საავტომობილო მოძრაობა დროებით შეიზღუდება, ინფორმაციას თბილისის მერია ავრცელებს.„საქართველოსა და ფარერების ეროვნული საფეხბურთო ნაკრებების ამხანაგური მატჩის გამო, 5 ივნისს, „დინამო არენას“ მიმდებარე ტერიტორიაზე, როგორც საავტომობილო, ისე საზოგადოებრივი ტრანსპორტის მოძრაობა შეიზღუდება.16:00-დან 00:00 საათამდე მოძრაობა აიკრძალება გიორგი ცაბაძის, დიმიტრი ყიფიანისა და მეტრეველის ქუჩებზე, ასევე აკაკი წერეთლის გამზირზე.გადაადგილება შესაძლებელი იქნება თევდორე მღვდლის, აბასთუმნის, მიხეილ წინამძღვრიშვილის ქუჩების, თამარ მეფის გამზირის, ასევე, არჩილ ქურდიანის, შოთა იამანიძისა და მურმან ლებანიძის ქუჩების საშუალებით.შეზღუდვის პერიოდში, ავტობუსები: N384, N386, N311, N320, N315, N327, N306, N308 და N381 წერეთლის გამზირიდან იმოძრავებენ ქუთაისის ქუჩის მიმართულებით, რის შემდეგაც, სვლას განაგრძობენ ვახუშტი ბაგრატიონის ხიდის, სააკაძის მოედნის, კონსტანტინე გამსახურდიას გამზირის, მიროტაძის ქუჩის, პეკინის გამზირის გავლით და კვლავ, კონსტანტინე გამსახურდიას გამზირის საშუალებით, გმირთა მოედანს დაუკავშირდებიან. გმირთა მოედნიდან N320, N327, N386, N381, N315 და N384 მგზავრებს დადგენილი მარშრუტით, თამარ მეფის გამზირის გავლით მოემსახურება, ხოლო N306, N308 და N311 არსებული სქემით, ვარაზისხევის საშუალებით იმოძრავებენ.რაც შეეხება მიკროავტობუსებს, N541, N551, N536 და N431 წერეთლის გამზირიდან იმოძრავებენ ქუთაისის ქუჩის მიმართულებით და დაუკავშირდებიან სააკაძის მოედანს, საიდანაც: N541 მიროტაძის ქუჩით დაუკავშირდება კონსტანტინე გამსახურდიას გამზირს და გმირთა მოედნიდან იმოძრავებს დადგენილი სქემით; N551 მიროტაძის ქუჩიდან დაუკავშირდება პეკინის გამზირს და იმოძრავებს დადგენილი სქემით; N536 მიროტაძის ქუჩით დაუკავშირდება გამსახურდიას გამზირს, რის შემდეგაც, გმირთა მოედნიდან გადაადგილდება თამარ მეფის გამზირზე და იმოძრავებს დადგენილი სქემით; N431 სააკაძის მოედნიდან შარტავას ქუჩაზე გადაადგილდება, საიდანაც გამოიყენებს უკვე დადგენილ მარშრუტს.აღნიშნული საზოგადოებრივი ტრანსპორტი უკუმიმართულებისას წერეთლის გამზირს ანალოგიური გზებით დაუკავშირდება.მიკროავტობუსი N476 ჟიული შარტავას ქუჩიდან სააკაძის მოედნისა და მიროტაძის ქუჩის გავლით, პეკინისა და კონსტანტინე გამსახურდიას გამზირებს დაუკავშირდება, ხოლო თამარ მეფის გამზირიდან იმოძრავებს დადგენილი სქემით. უკუმიმართულებისას, აღნიშნული მიკროავტობუსი გამოიყენებს ანალოგიურ მარშრუტს; N504 მოძრაობას დაასრულებს მეტროსადგურ „წერეთელთან“, ხოლო N538 სადგურის მოედნის მიმართულებით მოძრაობისას, მტკვრის მარცხენა სანაპიროს გამოყენებით, დაუკავშირდება გენერალ კვინიტაძის ქუჩას, თამარ მეფის გამზირს და შემდეგ იმოძრავებს დადგენილი სქემით.უკუმიმართულებისას, N538 თამარ მეფის გამზირიდან დაუკავშირდება მტკვრის მარცხენა სანაპიროს და მეტროსადგურ „დიდუბისკენ“ სვლას დადგენილი სქემით განაგრძობს“, - ნათქვამია განცხადებაში.

პოლიტიკა • 1749116974

დიმიტრი სამხარაძე ევრობარომეტრის კვლევაზე: პავლიკა ჰერჩინსკი რომ გყავს წარმომადგენელი, რომელიც უკვე ნაცზე მეტი ნაცი გახდა, "ლელოელ" თაღლითებზე მეტი თაღლითი და გახარია მაზაკვალზე მეტი მაზაკვალი, არ უნდა გიკვირდეთ!

ევროკავშირში გაწევრიანების მსურველებმა უბრალოდ კი არ დაიკლო, არამედ რეიტინგი კატასტროფულად არის დავარდნილი! მეტიც, ხალხში გაღიზიანებასაც იწვევს და ვინმეს შეიძლება უკვირდეს?- ასე ეხმიანება „ქართული ოცნების“ რეგიონული მდივანი, დიმიტრი სამხარაძე, ევრობარომეტრის კვლევას, რომლის თანახმადაც ბოლო 1 წელში ევროკავშირისადმი ნდობა 17% შემცირდა.სამხარაძის განცხადებით, როდესაც საქართველოს მოსახლეობას ევაჭრებიან და ვაჭრობის საგანია ისეთი საკითხები როგორიცაა - ომის დაწყების შემთხვევაში ევროკავშირში შეშვება, ეკლესიასთან დაპირისპირება, ჰომოსექსუალების პროპაგანდის დაკანონება, არ უნდა უკვირდეთ კვლევის ასეთი შედეგი.მისივე თქმით, როდესაც მათ პაველ ჰერჩინსკი ჰყავთ წარმომადგენლად, რომელიც უკვე ნაცზე მეტი ნაცი გახდა, "ლელოელ“ თაღლითებზე მეტი თაღლითი და გახარია მაზაკვალზე მეტი მაზაკვალი, არ უნდა უკვირდეთ აღნიშნული შედეგი.ევროკავშირში გაწევრიანების მსურველებმა უბრალოდ კი არ დაიკლო, არამედ რეიტინგი კატასტროფულად არის დავარდნილი! მეტიც, ხალხში გაღიზიანებასაც იწვევს და ვინმეს შეიძლება უკვირდეს? როდესაც საქართველოს მოსახლეობას ევაჭრებიან, თან ვაჭრობის საგანი რა არის? შემოგიშვებ თუ ომს დაიწყებ, ეკლესიას დაუპირისპირდები, ჰომოსექსუალების პროპაგანდას დააკანონებ, იმ კორუმპირებული ევრო ჩინოვნიკების მონა იქნები, რომლებიც "დიფ სთეითის" მოსყიდულების რიგებში არიან! პავლიკა ჰერჩინსკი რომ გყავს წარმომადგენელი, რომელიც უკვე ნაცზე მეტი ნაცი გახდა, "ლელოელ" თაღლითებზე მეტი თაღლითი და გახარია მაზაკვალზე მეტი მაზაკვალი, არ უნდა გიკვირდეთ! ვერ დაგვიმონებთ ვერასოდეს და შეეგუეთ! საქართველოს განადგურება თქვენზე მაგრებსაც უნდოდათ, მაგრამ ვერ გადაგვაშენეს და არც თქვენ წამოგარტყმევინებთ თავში ხელს! გყავთ თქვენი მანქურთი "დაჩმორებული" ოპოზიცია და მაგათი მოხმარებით დაკმაყოფილდით!საქართველო თქვენი სავაჭრო ხურდა არ არის! გაუმარჯოს საქართველოს დამოუკიდებლობას, სუვერენიტეტს და თავისუფალ ხალხს“- წერს დიმიტრი სამხარაძე.

მსოფლიო • 1749048840

პუტინმა განაცხადა, რომ უკრაინის ხელისუფლებას მშვიდობა არ სჭირდება

რუსეთის პრეზიდენტმა, ვლადიმირ პუტინმა განაცხადა, რომ უკრაინის ხელისუფლებას მშვიდობა არ სჭირდება.„კიევის დღევანდელ რეჟიმს მშვიდობა საერთოდ არ სჭირდება. მათთვის მშვიდობა, დიდი ალბათობით, ნიშნავს ხელისუფლების დაკარგვას“, - აღნიშნა რუსეთის პრეზიდენტმა.„ბრიანსკში, ბრიანსკის ოლქში მომხდარი, სამოქალაქო პირებზე მიზანმიმართული თავდასხმა იყო. ყველა საერთაშორისო ნორმის თანახმად, ასეთ ქმედებებს ტერორიზმი ეწოდება“, - განაცხადა მან.

მსოფლიო • 1749047100

უკრაინამ რუსეთს შესთავაზა ცეცხლის შეწყვეტა ორივე ქვეყნის ლიდერების შეხვედრამდე

უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინამ რუსეთს შესთავაზა ცეცხლის შეწყვეტა ორივე ქვეყნის ლიდერების შეხვედრამდე.„რუსები არ არიან მზად ცეცხლის შეწყვეტისთვის. ყოველ შემთხვევაში, [რუსეთის] დელეგაციის [წარმოდგენილი] დონე არ არის მზად ამის გადასაწყვეტად. ისინი მიიჩნევენ, რომ ეს ლიდერების საკითხია. მათ თავად გვითხრეს: „ცეცხლის შეწყვეტის საკითხი სხვა დონისაა“. ჩვენ ვთავაზობთ, და ვფიქრობ, რომ ჩვენი პარტნიორები მხარს დაგვიჭერენ, რუსებს ცეცხლის შეწყვეტას ლიდერების შეხვედრამდე. ჩემი პირადი აზრი ასეთია: ჯერ – ჩვენ მზად ვართ შეხვედრისთვის დაუყოვნებლივ, შეხვედრის ადგილი რუსების ასარჩევია: სტამბოლი, ვატიკანი, შვეიცარია - ეს ყველაფერი შესაძლებელია. ჩვენ ვთავაზობთ შეხვედრას ორშაბათიდან ნებისმიერ დღეს“, - აღნიშნა ვოლოდიმირ ზელენსკიმ.ზელენსკიმ ხაზგასმით აღნიშნა, რომ უკრაინა იმედოვნებს, რომ აშშ-ის პრეზიდენტი, დონალდ ტრამპი მხარს დაუჭერს ამ იდეას.

მსოფლიო • 1749044431

ზელენსკი - უკრაინა რუსეთს ცეცხლის შეწყვეტას სთავაზობს ორი ლიდერის შეხვედრამდე

უკრაინა რუსეთს ცეცხლის შეწყვეტას სთავაზობს ორი ლიდერის შეხვედრამდე, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.უკრაინის პრეზიდენტის იმედოვნებს, რომ პარტნიორები ინიციატივას მხარს დაუჭერენ.ზელენსკის განცხადებით, უკრაინული მხარე მზად არის დაუყოვნებლივ შესახვედრად ნებისმიერ ადგილას: სტამბოლში, ვატიკანსა თუ შვეიცარიაში.„პრეზიდენტი ერდოღანი დარწმუნებული ვარ, მხარს დაუჭერს, რადგან ჩვენი საუბრის დროს მან თქვა, რომ მას სურს ოთხი ადამიანის შეხვედრის ორგანიზება: პრეზიდენტი ერდოღანი, პრეზიდენტი ტრამპი, მე და პუტინი. ჩვენ ნებისმიერ დღეს მზად ვართ ასეთი შეხვედრისთვის. მნიშვნელოვანია, რომ ლიდერების დონეზე შეხვედრა ურთიერთგაგებისა და დეესკალაციის სურვილის ფონზე წარიმართოს, წინააღმდეგ შემთხვევაში, მოსკოვმა შეიძლება, ცალმხრივად შეაჩეროს ცეცხლის შეწყვეტა“, – აღნიშნა ვოლოდიმირ ზელენსკიმ.უკრაინის პრეზიდენტმა ასევე ისაუბრა რუსეთის ავიაბაზებზე თავდასხმაზე და თქვა, რომ ოპერაციის დროს დაზიანებული თვითმფრინავების ნახევრის აღდგენა შეუძლებელია. ზელენსკის თქმით, უკრაინა ყველაფერს აკეთებს რუსეთის შესაჩერებლად.

მსოფლიო • 1748983571

რუსეთმა უნდა იგრძნოს, რა არის ომი, რუსეთმა უნდა იგრძნოს ომისგან ზარალი - ზელენსკი

პუტინი არ ცვლის ქცევას, როცა არ ეშინია თავისი ქმედებების შედეგების. რუსეთმა უნდა იგრძნოს, რა არის ომი, რუსეთმა უნდა იგრძნოს ომისგან ზარალი, – ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიური მიმართვისას ისაუბრა.უკრაინის პრეზიდენტის თქმით, მთელი ამ ხნის განმავლობაში, არ ყოფილა დღე თავდასხმის, სიკვდილის გარეშე.„დღის განმავლობაში ჩვენი სახელმწიფოს მთელ ტერიტორიაზე იყო საჰაერო განგაში, იყო თავდასხმები. ფაქტობრივად, არ ყოფილა დღე მკვლელობების გარეშე, ვიდრე ამერიკის შეერთებული შტატები, ევროპა და სხვები რუსეთისგან ითხოვენ ცეცხლის შეწყვეტას და მოლაპარაკებებს ომის დასასრულებლად. ვხედავთ რუსეთის მკაფიო განწყობას ომის გასაგრძელებლად, ისინი ამას ამტკიცებენ როგორც თავდასხმებით, ასევე თავიანთი განცხადებებით, ყველაფერი ეს არის არგუმენტები, რომ დაუწესდეთ ახალი სანქციები, მკაცრი სანქციები. მინდა, მადლობა გადავუხადო ამერიკელებს, ყველა ევროპელს, ვინც მხარს უჭერს ასეთ გზას – რუსეთის მშვიდობისკენ იძულების გზას და ეს ძალიან მნიშვნელოვანია. პუტინი არ ცვლის თავის ქცევას, როცა არ ეშინია თავისი ქმედებების შედეგების. რუსეთმა უნდა იგრძნოს, რა არის ომი. რუსეთმა უნდა იგრძნოს ზარალი ომისგან. მათ რეალურად უნდა იგრძნონ, რომ ომის გაგრძელებას ექნება მათთვის დამანგრეველი შედეგები“, – განაცხადა ზელენსკიმ.მისივე თქმით, უკრაინა აგრძელებს პარტნიორებთან თანამშრომლობას, რათა შეწყდეს მკვლელობები და უზრუნველყონ უკრაინის დაცვა.„ახლა ვაშინგტონში უკვე მუშაობს უკრაინის დელეგაცია იულია სვირიდენკოს ხელმძღვანელობით. მასთან ერთად ანდრეი ერმაკი და სხვები. ბევრი შეხვედრაა დაგეგმილი. ჩვენი მიზანია, რაც შეიძლება სწრაფად განვახორციელოთ ყველაფერი, რაზეც შევთანხმდით პრეზიდენტ ტრამპთან. მკვლელობების შეწყვეტა, ნამდვილი მშვიდობა, ეკონომიკური თანამშრომლობა ამერიკასთან. ჩვენ ვთავაზობთ ამერიკის შეერთებულ შტატებს კონკრეტულ და ურთიერთსასარგებლო შეთანხმებებს“, – განაცხადა ზელენსკიმ.ამასთან, უკრაინის პრეზიდენტმა აღნიშნა, რომ დღეს ატომური ენერგიის საერთაშორისო სააგენტოს ხელმძღვანელს, რაფაელ გროსის შეხვდა.„განვიხილეთ უსაფრთხოების პრობლემები, რომლებიც რუსული ოკუპაციით შეგვექმნა. ეს არის სიტუაცია ზაპოროჟიეს ატომურ სადგურზე. ჩვენ ვაკეთებთ მაქსიმუმს, რომ არ დავუშვათ რადიაციული თუ სხვა ინციდენტები. სამწუხაროდ, რუსულმა ოკუპაციამ შექმნა პრობლემა, რომელსაც მანამდე მსოფლიოში არავინ იცნობდა. მადლობა ყველას მსოფლიოში, ვინც გვეხმარება ამ სიტუაციის უსაფრთხოების ფარგლებში შენარჩუნებაში. რამდენადაც რთული არ უნდა იყოს, ჩვენ უნდა დავაბრუნოთ უკრაინის კონტროლი სადგურზე“, – განაცხადა ზელენსკიმ.