დიმი
საზოგადოება • 1771227922
„იმ ქვეყანაში გაგიმარჯოს, ჩემო ძმაო“ - ზურა ბერიკაშვილი დღეს 57 წლის გახდებოდა
მსახიობი ზურა ბერიკაშვილი დღეს 57 წლის გახდებოდა. ამის შესახებ სოციალურ ქსელში რეჟისორი დიმიტრი ხვთისიაშვილი წერს და ზურას ფოტოს გვიზიარებს.ცნობისთვის, მსახიობი ზურა ბერიკაშვილი 2024 წელს, 55 წლის ასაკში გარდაიცვალა.„იმ ქვეყანაში გაგიმარჯოს ჩემო ძმაო“„საოცარი და განუმეორებელი ზურიკო“
მსოფლიო • 1771222223
ზელენსკი: უკრაინელების 90% ომის დროს არჩევნების ჩატარების წინააღმდეგია
უკრაინის პრეზიდენტმა ვოლოდიმირ ზელენსკიმ განაცხადა, რომ არჩევნების ჩასატარებლად ჩვენს ქვეყანას პირველ რიგში ომის დასრულება ან სულ მცირე ცეცხლის შეწყვეტა სჭირდება, - ეს განცხადება მან Politico-სთან ინტერვიუში გააკეთა.„ამისთვის უსაფრთხოება გვჭირდება. ჩვენ გვჭირდება ცეცხლის შეწყვეტა, ანუ შესაძლოა არა ომის დასასრული, არამედ ცეცხლის შეწყვეტა ან უსაფრთხოების გარანტიები. ასეთ ვითარებაში კანონი უნდა შეიცვალოს, იმედი მაქვს, ჩვენს პარლამენტს ამის გაკეთება შეუძლია. თუმცა საინტერესოა, რომ უკრაინელების 90% არჩევნების წინააღმდეგია. თუ ვინმეს აინტერესებს, რას ფიქრობენ უკრაინელები, მაშინ 90% წინააღმდეგია, რადგან ესმით, რომ საშინელებაა - როგორ ჩავატაროთ არჩევნები ახლა, ომის დროს, დაბომბვის ქვეშ“, - აღნიშნა მან.ზელენსკიმ ხაზი გაუსვა, რომ ძნელი გასაგები იყო, თუ როგორ მისცემდნენ ხმას სამხედროები და საზღვარგარეთ მყოფი 8 მილიონი უკრაინელი ომის დროს. მან უკრაინაში არჩევნების ჩატარება დაუშვა, მაგრამ მხოლოდ იმ შემთხვევაში, თუ აშშ-ის პრეზიდენტი ვლადიმერ პუტინთან 2-3-თვიან ზავზე შეთანხმდებოდა.
მსოფლიო • 1771220208
უკრაინული დელეგაცია ჟენევაში აშშ-სა და რუსეთთან მოლაპარაკებებზე გაემგზავრა
უკრაინის პრეზიდენტის ოფისის ხელმძღვანელი კირილო ბუდანოვი იტყობინება, რომ უკრაინული დელეგაცია ჟენევაში მოლაპარაკებებზე გაემგზავრა.„ჟენევისკენ მიმავალ გზაზე. წინ მოლაპარაკებების შემდეგი რაუნდია. გზაში კოლეგებთან ერთად ჩვენი ისტორიის გაკვეთილებს განვიხილავთ და სწორი დასკვნების ძიებაში ვიქნებით. უკრაინის ინტერესები დაცული უნდა იყოს“, - დაწერა მან სოციალურ ქსელში.ბუდანოვმა ასევე მატარებლის ფონზე გადაღებული ფოტოც გამოაქვეყნა იმ კოლეგებთან, რომლებთან ერთადაც ჟენევაში აშშ-სა და რუსეთის წარმომადგენლებთან მოლაპარაკებების შემდეგ რაუნდზე მიემგზავრება.უკრაინის პრეზიდენტმა ვოლოდიმირ ზელენსკიმ 12 თებერვლის საღამოს მიმართვაში განაცხადა, რომ უკრაინული მხარე მზად არის რუსულ დელეგაციასთან ახალი შეხვედრისთვის. მოგვიანებით მის ადმინისტრაციაში დაადასტურეს, რომ მოლაპარაკებების შემდეგი რაუნდის გამართვა 17-18 თებერვალს, ჟენევაში იგეგმება.
მსოფლიო • 1771016008
ამერიკული ზეწოლა უკრაინაში ვლადიმერ პუტინის ომის დასრულების გასაღებია, – ამის შესახებ უკრაინის პრეზიდენტმა, ვოლოდიმირ ზელენსკიმ „პოლიტიკოს“ ჟურნალისტს მიუნხენის უსაფრთხოების კონფერენციის ფარგლებში განუცხადა.მისი თქმით, ამის გარეშე რუსეთის პრეზიდენტი, ნაკლებად სავარაუდოა, მშვიდობისთვის აუცილებელ კომპრომისებზე წავიდეს.„ის უარს იტყვის. დღეს ერთი მიზეზით, ხვალ მეორე მიზეზით და ა.შ. ჩვენ მასზე ზეწოლა გვჭირდება. პუტინი ამ ომს შეაჩერებს, თუ მასზე რეალური ზეწოლა იქნება. გულწრფელად რომ ვთქვათ, დღეს მხოლოდ უკრაინა იცავს ევროპას. დღეს მხოლოდ ევროპა აძლევს ფულს და ეხმარება უკრაინას. დღეს მხოლოდ შეერთებულ შტატებს შეუძლია პუტინის შეჩერება. რასაც მე ვხედავ, ისინი მეტ სიგნალს იძლევიან, რომ უკრაინა უნდა წავიდეს კომპრომისზე და არა – რუსეთი. ვფიქრობ, რომ ეს სწორი პოზიცია არ არის“, – განაცხადა მან.ჟურნალისტის შეკითხვაზე, გეგმავს თუ არა უკრაინაში საპრეზიდენტო არჩევნების დანიშვნას, ზელენსკიმ განაცხადა, რომ ამას გააკეთებს, თუ მიიღებს პირობას, რომ პუტინი ომს თუნდაც რამდენიმე თვით შეაჩერებს, რისთვისაც ის დახმარებას აშშ-ის პრეზიდენტს სთხოვს.„პრეზიდენტი ტრამპი პუტინისგან ცეცხლის ორი, სამი თვით შეწყვეტის პირობას თუ მომცემს, არჩევნებს ჩავატარებთ“, – განუცხადა ზელენსკიმ „პოლიტიკოს“.
მსოფლიო • 1771014346
უკრაინის პრეზიდენტი, ვოლოდიმირ ზელენსკი აცხადებს, რომ რუსეთი კვლავ არ ავლენს ომის დასრულების რეალურ ინტერესს და კრემლის „თამაშების“ შესაჩერებლად საერთაშორისო თანამეგობრობის მხრიდან გაცილებით ძლიერი ზეწოლაა საჭირო.გამოცემა Politico-სთან საუბრისას, ზელენსკიმ კომენტარი გააკეთა ვაშინგტონიდან მომავალ სიგნალებზე, რომლებიც უკრაინის მხრიდან გარკვეულ დათმობებზე წასვლას გულისხმობს.პრეზიდენტმა ხაზგასმით აღნიშნა, რომ უკრაინამ და დასავლეთმა უკვე მრავალ დათმობაზე მოაწერეს ხელი, თუმცა აგრესორი მხარე ამას სათანადოდ არ აფასებს.„ჩვენ უამრავ კომპრომისზე წავედით. პუტინი და მისი მეგობრები ციხეში არ სხედან - ეს არის ყველაზე დიდი კომპრომისი, რაც მსოფლიომ უკვე დაუშვა“, - განაცხადა ზელენსკიმ.მისი თქმით, უკრაინას „არ შეუძლია დაივიწყოს“ ომის დროს დაღუპულთა რაოდენობა, თუმცა დასძინა, რომ კიევი მზად არის დაასრულოს ომი ნებისმიერ დროს, მაგრამ პუტინი ამის არანაირ გულწრფელ ინტერესს არ იჩენს, ამიტომ რუსეთზე მეტი ზეწოლაა საჭირო.რუსეთის განზრახვების შესახებ დასმულ კითხვაზე მან უპასუხა:„არ ვფიქრობ, რომ მათ ომის შეწყვეტა სურთ. ვფიქრობ, მათ შეუძლიათ [ამის გაკეთება]... ზეწოლის ქვეშ... სწორედ ამიტომ, სანამ საკმარისი ზეწოლა არ იქნება, ისინი [თამაშებს] თამაშობენ“.კითხვაზე, თუ რას ფიქრობს იმ ფაქტზე, რომ აშშ უკრაინასა და რუსეთზე თანაბარ ზეწოლას ახორციელებს, მან უპასუხა: „არის გარკვეული ფიქრები, რომლებიც ჩემთვის უნდა დავიტოვო“.
მსოფლიო • 1771013557
უკრაინის პრეზიდენტი ვოლოდიმირ ზელენსკი აცხადებს, რომ რუსეთის მშვიდობისკენ იძულების რეალური ძალა მხოლოდ ამერიკის შეერთებულ შტატებს შესწევს. გამოცემა POLITICO-სთან ინტერვიუში მან ღიად ისაუბრა იმ მოლოდინებსა და იმედგაცრუებებზე, რაც ვაშინგტონის ამჟამინდელ პოლიტიკას უკავშირდება.ზელენსკის თქმით, დღეს უკრაინა ევროპის ერთადერთი დამცველია, ევროპა კი - ქვეყნის მთავარი ფინანსური დონორი. თუმცა, მისივე მტკიცებით, პუტინის აგრესიის საბოლოო წერტილის დასმა მხოლოდ აშშ-ს შეუძლია.პრეზიდენტი შიშობს, რომ თეთრი სახლი მოვლენებს არასწორი რაკურსით უყურებს. მისი თქმით, ვაშინგტონიდან სულ უფრო ხშირად მოდის სიგნალები იმის შესახებ, რომ დათმობებზე უკრაინა უნდა წავიდეს და არა რუსეთი.„რასაც მე ვხედავ, არის ის, რომ ისინი უფრო მეტ სიგნალს იძლევიან იმის შესახებ, რომ კომპრომისებზე უკრაინა უნდა წავიდეს და არა რუსეთი. ვფიქრობ, ეს არ არის სწორი პოზიცია. რა თქმა უნდა, ასე უფრო მარტივია“, - დასძინა მან.
მსოფლიო • 1771006740
მარტა კოსი უკრაინაზე: სრული წევრობა მხოლოდ სრული რეფორმების შემდეგ ხდება
ევროკავშირის მაღალჩინოსანმა განაცხადა, რომ უკრაინის მიერ რეფორმების განხორციელებისთვის „მოკლე გზა“ არ არსებობს, მიუხედავად იმ ვარაუდებისა, რომ კიევის ევროკავშირში დაჩქარებული გაწევრიანება შესაძლოა მომავალ წელსვე მოხდეს.„მოდით, ვიმსჯელოთ ამაზე ერთი ძირითადი პირობით - სრული წევრობა მხოლოდ სრული რეფორმების შემდეგ ხდება“, - განაცხადა ევროკომისარმა გაფართოების საკითხებში, მარტა კოსმა.უკრაინის პრეზიდენტმა, ვოლოდიმირ ზელენსკიმ იანვრის ბოლოს განაცხადა, რომ ქვეყანა მზად იქნება ბლოკში გასაწევრიანებლად 2027 წლისთვის, ხოლო ევროკავშირის წევრობა ეკონომიკური უსაფრთხოების გარანტიად გამოდგება რუსეთთან სამომავლო სამშვიდობო შეთანხმების შემთხვევაში.ამის შემდეგ გავრცელდა ინფორმაცია, რომ ევროკავშირი უკრაინისთვის გაწევრიანების ისეთ გეგმას განიხილავს, რომელიც ქვეყანას ბლოკში შესვლის საშუალებას მისცემს მანამ, სანამ ის გაწევრიანების პროცესით გათვალისწინებულ ყველა აუცილებელ რეფორმას დაასრულებს.თუმცა, ზოგიერთი ქვეყნის ლიდერმა, მათ შორის გერმანიის კანცლერმა ფრიდრიხ მერცმა, ამ დაჩქარებულ ვადებს წინააღმდეგობა გაუწია.
მსოფლიო • 1771006196
დონალდ ტრამპი აცხადებს, რომ ვოლოდიმირ ზელენსკის „მოუწევს მოქმედება“, თუ მას სამშვიდობო შეთანხმების მიღწევა სურს.აღნიშნულის შესახებ აშშ-ის პრეზიდენტმა თეთრ სახლში ჟურნალისტებს განუცხადა.„ზელენსკის მოუწევს მოქმედება, რუსეთს სურს შეთანხმების დადება და ზელენსკის მოუწევს მოქმედება, წინააღმდეგ შემთხვევაში, ის დიდ შესაძლებლობას გაუშვებს ხელიდან“, – განაცხადა დონალდ ტრამპმა.
მსოფლიო • 1771003740
ფინეთის პრეზიდენტმა, ალექსანდრ სტუბმა მიუნხენის უსაფრთხოების კონფერენციაზე სიტყვით გამოსვლისას განაცხადა, რომ რუსეთმა უკრაინასთან ომში სტრატეგიული მარცხი უკვე განიცადა. ინფორმაციას ამის შესახებ გერმანული გამოცემა Deutsche Welle ავრცელებს.მან უკრაინელებს მხარდაჭერა გამოუცხადა და აღნიშნა, რომ გამარჯვება მათ მხარესაა.„არ მინდა რჩევების მოცემა, მაგრამ მე მეჩვენება, რომ თქვენ ამ ომში იმარჯვებთ“, - მიმართა სტუბმა უკრაინელებს.ფინეთის პრეზიდენტის მოსაზრებით, ვლადიმირ პუტინმა მიზნებს ვერ მიაღწია.„მას სურდა ნატოს გაფართოების აღკვეთა, თუმცა ნატოში ფინეთი და შვედეთი შევიდნენ. მას სურდა, რომ ჩვენი სამხედრო ხარჯები შემცირებულიყო, ისინი კი 5%-მდე იზრდება“, - განაცხადა მან.სტუბმა ხაზი გაუსვა იმ ფაქტს, რომ რუსეთი ფრონტზეც მარცხდება. მისი თქმით, ომის დაწყებიდან 12 წლის განმავლობაში რუსეთმა უკრაინის ტერიტორიის 12% დაიკავა, შემდეგ კი მხოლოდ 8%. ბოლო ორი წლის განმავლობაში კი წინსვლამ მხოლოდ 1% შეადგინა.„ის ფრონტზეც აგებს. როდესაც 12 წლის წინ ომი დაიწყო, რუსეთმა უკრაინის ტერიტორიის დაახლოებით 12% დაიკავა. მას შემდეგ - კიდევ 8%. ბოლო ორი წლის განმავლობაში კი - 1%. დეკემბერში უკრაინელებმა 44 000 რუსი ჯარისკაცი მოკლეს და რუსეთი მათ ჩასანაცვლებლად წვევამდელების შეგროვებას ვერ ახერხებს. ჩემი პასუხია - უბრალოდ განაგრძეთ ის, რასაც აკეთებთ და, საბოლოო ჯამში, თქვენ აჯობებთ და გაიმარჯვებთ ამ ომში“, - დასძინა მან.
მსოფლიო • 1771003017
რუსეთს, აშშ-სა და უკრაინას შორის მოლაპარაკებების შემდეგი რაუნდი 17-18 თებერვალს ჟენევაში გაიმართება, - ამის შესახებ რუსეთის პრეზიდენტის პრესსპიკერმა დიმიტრი პესკოვმა განაცხადა.მისი ინფორმაციით, რუსეთის დელეგაციას რუსეთის პრეზიდენტის თანაშემწე ვლადიმერ მედინსკი უხელმძღვანელებს.„უკრაინის კონფლიქტის მოგვარების შესახებ მოლაპარაკებების მორიგი რაუნდი ასევე სამმხრივ რუსეთ-ამერიკის-უკრაინის ფორმატში 17-18 თებერვალს ჟენევაში გაიმართება“, - განაცხადა პესკოვმა.რუსეთ-უკრაინის ომის საკითხზე მოლაპარაკებების წინა, მეორე რაუნდი 4-5 თებერვალს აბუ-დაბიში გაიმართა. რუსეთის დელეგაციას შეიარაღებული ძალების გენერალური შტაბის მთავარი სამმართველოს ხელმძღვანელი იგორ კოსტიუკოვი ხელმძღვანელობდა.
პოლიტიკა • 1770993600
პარტია „ხალხის ძალის" წევრი ზურაბ ქადაგიძის განცხადებით, ევროპაში არსებული საემიგრაციო და უსაფრთხოების მდგომარეობა ლიბერალური პოლიტიკის შედეგია და საქართველო ამ გზას არ უნდა დაადგეს.„პრემიერის ინიციატივაა, რომ ჩვენ წინასწარ დავიწყოთ მზადება და შევქმნათ ის „ჯავშანი“, რომელიც დაიცავს ჩვენს ეთნიკურ და რელიგიურ თვითმყოფადობას, რადგან მსოფლიო გეოპოლიტიკა ბრიუსელის პოლიტიკის გამო კატასტროფის წინაშე იდგა და ეს ნაწილობრივ საქართველოსაც შეეხო"- აღნიშნა პარლამენტის წევრმა და განმარტა, რომ აუცილებელია წინასწარი პრევენციული ნაბიჯების გადადგმა ეთნიკური და რელიგიური თვითმყოფადობის დასაცავად.„აუცილებლად უნდა გამოვიდეთ რეალობიდან — იმ მდგომარეობიდან, რაც დღეს არის პარიზში, ლონდონში, ბერლინში. ეს არ არის ბუნებრივი მდგომარეობა. ეს მოიტანა ბრიუსელის ვოუქიზმმა, საემიგრაციო პოლიტიკამ, ხალხის უსაფრთხოებაზე ნაკლებმა ზრუნვამ, „დიფ სთეითის“ აყოლამ. შესაბამისად მივიღეთ ის, რომ ბრიტანეთში უკვე ღიად საუბრობენ საემიგრაციო პოლიტიკის მძიმე შედეგებზე. ამ ფონზე პირდაპირ შეგვიძლია ვთქვათ, რომ საქართველო არ მიიღებს იმ შედეგს, რაც ევროპამ მიიღო.პრემიერის ინიციატივაა, რომ ჩვენ წინასწარ დავიწყოთ მზადება და შევქმნათ ის „ჯავშანი“, რომელიც დაიცავს ჩვენს ეთნიკურ და რელიგიურ თვითმყოფადობას, რადგან მსოფლიო გეოპოლიტიკა ბრიუსელის პოლიტიკის გამო კატასტროფის წინაშე იდგა და ეს ნაწილობრივ საქართველოსაც შეეხო. პრემიერმაც ახსენა შესაბამისი სტატისტიკა — ეს ყველაფერი ლიბერალურმა მიდგომამ მოიტანა.შეიძლება დაიწყოს ამ პროცესების შეზღუდვა, თუმცა უნდა აღინიშნოს ერთი ფაქტი — ჩვენ შეიძლება შევქმნათ ფარი, მაგრამ დაგვჭირდება „ხმალიც“, რათა შევინარჩუნოთ სტატუს-კვო და შემდეგ გავძლიერდეთ. ერთია არალეგალური ემიგრანტების შეზღუდვის პოლიტიკა, ხოლო მეორეა — ქართული ეთნოსის გაძლიერებისა და მშენებლობის პოლიტიკა.„ხალხის ძალა“ განსაკუთრებით ლობირებს ამ საკითხს, განსაკუთრებით კი დიმიტრი ხუნდაძე. მან არაერთი წინადადებით მიმართა ხელისუფლებას და თუ დემოგრაფიულ პოლიტიკაში რაიმე ხელშესახები შედეგი არსებობს, ეს ბატონი დიმიტრის დამსახურებაა. თუმცა ესეც არ არის საკმარისი.შეიძლება ითქვას, რომ პრობლემურ წერტილთან მივედით. ამის გადასაწყვეტად სამი რადიკალური ნაბიჯია გადასადგმელი: პირველი — ოჯახის გაძლიერება, სადაც სამი და მეტი შვილის ყოლის შემთხვევაში ოჯახები უნდა გაძლიერდნენ; მეორე — მიწის საკითხი, რათა ყველანაირი ხვრელი და ინსტრუმენტი გამოირიცხოს და მიწები უცხოელებზე არ გასხვისდეს; მესამე — რეპატრიაციის საინტერესო პროგრამის შექმნა, რომელიც ჩვენს ემიგრანტებს მისცემს საშუალებას დაბრუნდნენ.ვიქნებით თუ არა ევრობიუროკრატების თავდასხმის ობიექტი? დიახ, ნამდვილად, რადგან ეს არის ლიბერალური დღის წესრიგის წინააღმდეგ გალაშქრება. თუმცა უნდა გავითვალისწინოთ: როდესაც სუვერენიტეტზე ვსაუბრობთ, ამ შემთხვევაში უცხოელი კანონდამრღვევი პირების უფლებებზე კი არ უნდა ვიფიქროთ, არამედ ქართველ დედაზე, რომელსაც სურს, რომ მისი შვილი საკუთარ სახლში, შრომით დაფასებული ჰყავდეს. ასე შევძლებთ ეთნოსისა და იდენტობის დაცვას,"- განაცხადა ზურაბ ქადაგიძემ.
პოლიტიკა • 1770973790
„თუ ადრე რიტორიკა კრემლის მიერ მიღებული გადაწყვეტილების უპირობო და მუდმივ უცვლელობაზე იდგა, ახლა ჩნდება პირობითობა,“ - წერს სოციალურ ქსელში „ხალხის ძალის“ წევრი დავით ქართველიშვილი, რომელიც ეხმიანება რუსეთის უშიშროების საბჭოს მდივნის მოადგილის, დიმიტრი მედვედევის განცხადებას იმის შესახებ, რომ აფხაზეთის და ე.წ. სამხრეთ ოსეთის „დამოუკიდებლობის“ ცნობის თაობაზე გადაწყვეტილება, შესაძლოს გაუქმდეს.დავით ქართველიშვილი აღნიშნავს, რომ მედვედევის პირით კრემლი წინასწარ ახმოვანებს სამომავლოდ მისაღებ გადაწყვეტილებებს. თუმცა, აქვე აღნიშნავს, რომ ეს განცხადებები შეიძლება ჰგავდეს ნიადაგის მოსინჯვას, რასაც საქართველომ მოთმინებითა და სიბრძნით უნდა ადევნოს თვალი და არ გამოიჩინოს ტრადიციული სულსწრაფობა.„სოციალურ ქსელში მუსირებს რუსეთის უშიშროების საბჭოს მდივნის მოადგილის, დიმიტრი მედვედევის „სკანდალური“ განცხადება - პრეზიდენტის რანგში მის მიერ 2008 წლის 26 აგვისტოს მიღებული გადაწყვეტილების (აფხაზეთის და ე.წ. სამხრეთ ოსეთის „დამოუკიდებლობის“ ცნობის თაობაზე) შესაძლო გაუქმების შესახებ.გავიხსენოთ - რა დე-ფაქტო როლს ასრულებს დღეს მედვედევი რუსეთის პოლიტიკაში: ის წარმოადგენს ე.წ. „ქორების“ ფრთას, რომლის მეშვეობით კრემლი წინასწარ ახმოვანებს სამომავლოდ მისაღებ გადაწყვეტილებებს - ქვეყანაში საზოგადოებრივი აზრის მომზადებისა და ჩამოყალიბების მიზნით. დიმიტრი მედვედევის განცხადება, რომ თეორიული აღიარების გაუქმებაც კი, არ გააქრობს აფხაზეთისა და ე.წ. სამხრეთ ოსეთის „სუბიექტობას“ - მხოლოდ იურიდიული ეგზოტიკა არ არის. ეს არის მომავალი და გარდაუვალი მოლაპარაკებების კონსტრუქციის წინასწარ ფორმირება. თუ აღიარება თეორიულად გაუქმებას ექვემდებარება, მაშინ ის უკვე აღარ წარმოადგენს რაიმე საკრალურ და მარადიულ დოგმას.დიპლომატიაში მსგავსი ფორმულები შემთხვევით არ ჩნდება - ისინი მანევრის სივრცეს წინასწარ ამზადებენ. საქართველოსთვის ეს ნიუანსი ძალზე მნიშვნელოვანია. ამ განცხადებას წინ უსწრებდა კრემლის მიერ გატარებული ზომების მთელი კასკადი: აფხაზეთის პასპორტების მქონე რუსეთის მოქალაქეებს გაუუქმეს აფხაზეთის ტერიტორიაზე რუსული პასპორტების ვადების გაგრძელების პუნქტები, გაუქმდა აფხაზეთის მოქალაქეებისთვის რუსეთის მართვის მოწმობების გაცემა, ხოლო როსტოვში დემონსტრაციულად და ხმაურიანად დააპატიმრეს კრასნოდარის ოლქში აფხაზური დიასპორის თავმჯდომარე. ახლა კი, მოსკოვი პირველად საჯარო რიტორიკაში უშვებს აზრს, რომ 2008 წლის სამართლებრივი სტატუსი „გრანიტზე ამოკვეთილი მუდმივობა“ კი არა, თავის დროზე კონკრეტულ პოლიტიკურ კონფიგურაციაში მიღებული გადაწყვეტილებაა.ეს არ ნიშნავს კურსის დაუყოვნებლივ გადახვევას, მაგრამ ნიშნავს ფორმის განხილვის მზადყოფნას. ხოლო როცა ფორმა უკვე განიხილება - შინაარსის საკითხიც გარდაუვალად დგება. „აღიარების გარეშე სუბიექტობის შენარჩუნების“ თეზისი - ეს არის შიდა რუსული აუდიტორიისთვის შექმნილი „უსაფრთხოების ბალიში" და საკუთარი სახის შენარჩუნების ფორმულა. იგი კრემლს აძლევს საშუალებას, მომავალში სტრატეგიული ვითარების ცვლილების შემთხვევაში, კურსის შესაძლო კორექტირება ისე ახსნას, რომ ეს „დერჟავას" დამარცხებად არ იყოს აღქმული. მოსკოვი თითქოს ამბობს: „ჩვენ არაფერს ვაუქმებთ, მხოლოდ სამართლებრივ ინსტრუმენტს ვცვლით“. ეს ლოგიკა იდეალურად ჯდება დიდი გარიგების სცენარში, სადაც სტატუსი შეიძლება გარდაიქმნას ფართო რეგიონული კომპრომისის ფარგლებში. ამას პირდაპირ სიგნალს ჯერ ვერ ვუწოდებთ და ყოველგვარი ჩვეული წინასწარი ქართული ეიფორიის გარეშე უნდა შევხვდეთ. თუმცა ეს არის რუსეთის მხრიდან მოქნილობის დემონსტრირება, რომელიც გარეგნული „სიმკაცრით“ არის შეფუთული.დიდ პოლიტიკაში ჯერ იხსნება თავის დროზე დადებული ტაბუ ამა თუ იმ თემის განხილვაზე, შემდეგ შემოდის ახალი ტერმინოლოგია და მხოლოდ ამის შემდეგ იწყება რეალური მოლაპარაკება. თუ ადრე რიტორიკა კრემლის მიერ მიღებული გადაწყვეტილების უპირობო და მუდმივ უცვლელობაზე იდგა, ახლა ჩნდება პირობითობა. ხოლო პირობითობა ყოველთვის პირველი აგურია მომავალ დიალოგში რუსეთსა და საქართველოს შორის ყველაზე მგრძნობიარე თემის ირგვლივ. იმედია, გვეყოფა მოთმინება და სიბრძნე - მოვლენათა განვითარებას ტრადიციული სულსწრაფობის გარეშე ვადევნოთ თვალი,“ - წერს დავით ქართველიშვილი.
