დახმარება
საზოგადოება • 1779451851
ქუთაისში, მომსახურების სააგენტოში, მართვის მოწმობის აღების მიზნით მისული მამაკაცი გარდაიცვალა.„60 წლამდე ასაკის მამაკაცი იმყოფებოდა გამოცდაზე და პროცესში გახდა ცუდად, სასწრაფო სამედიცინო დახმარება გამოიძახეს და გადაიყვანეს კლინიკაში, სადაც გარდაიცვალა“ - უთხრეს „პრაიმტაიმს“
პოლიტიკა • 1779448095
კახა კალაძე მედიკამენტების დაფინანსების პროგრამით მოსარგებლე პენსიონერს ესტუმრა
თბილისის მერი კახა კალაძე სოციალურად დაუცველ პენსიონერ ცისანა ბოლქვაძეს ესტუმრა, რომელიც მედიკამენტების 500-ლარიანი დაფინანსების პროგრამით სარგებლობს.დედაქალაქის მერმა მისი საჭიროებები მოისმინა, ჯანმრთელობასთან ერთად მხნეობა უსურვა და დახმარება სამომავლოდაც აღუთქვა.„მედიკამენტების დაფინანსების პროგრამით სარგებლობისთვის ფიზიკური ვაუჩერის ქონა არაა აუცილებელი. ელექტრონულად არის შესაძლებელი, აღნიშნული დახმარებით ისარგებლო. საჭიროა მხოლოდ ექიმის მიერ ელექტრონულად გამოწერილი დანიშნულება, რომლის საფუძველზეც, ბენეფიციარს შეუძლია, ნებისმიერ აფთიაქში, წლის ნებისმიერ დროს მივიდეს და მიიღოს ის წამლები, რაც მისთვის აუცილებელია. სამწუხაროდ, არსებობენ ადამიანები, ოჯახები, რომელთაც სჭირდებათ მხარდაჭერა, თანადგომა. ბევრს უჭირს, არ არის მარტივი სიტუაცია და ჩვენ, შესაძლებლობების ფარგლებში, სანამ ამის აუცილებლობა არსებობს, გვერდით დავუდგებით მათ და დავეხმარებით ყველანაირად“, - განაცხადა კახა კალაძემ.თავის მხრივ, ცისანა ბოლქვაძემ მადლიერება გამოხატა მედიკამენტების დაფინანსების პროგრამის არსებობისთვის. როგორც მან აღნიშნა, არაერთი ტრავმა აქვს მიღებული, რის გამოც ბევრი მედიკამენტი სჭირდება, რომელთა შეძენას მხოლოდ საკუთარი სახსრებით ვერ შეძლებდა.„ძალიან დიდი შეღავათია ჩემნაირი მარტოხელა, სოციალურად დაუცველი პენსიონერისთვის მედიკამენტების დაფინანსების პროგრამა. სამწუხაროდ, ბოლო პერიოდში მომიწია მკურნალობა და რომ არა ეს დახმარება, ძალიან გამიჭირდებოდა მედიკამენტების შეძენა. მადლობა თბილისის მერიას და პირადად თქვენ, ბატონო კახა ასეთი საჭირო პროგრამის ამოქმედებისთვის“, - განაცხადა ცისანა ბოლქვაძემ.თბილისის მერიამ, მედიკამენტების დაფინანსების პროგრამის ფარგლებში, 226 ათასამდე მოთხოვნა დააფინანსა. „სოციალურად დაუცველი საპენსიო ასაკის პირებისთვის მედიკამენტების დაფინანსების“ პროგრამა მერიამ, კახა კალაძის საარჩევნო დაპირებისამებრ, 2022 წელს დაიწყო.პროგრამის ბენეფიციარები, სოციალურად დაუცველი ოჯახების მონაცემთა ერთიანი ბაზის მიხედვით, თბილისში რეგისტრირებული საპენსიო ასაკის პირები არიან, რომელთა ოჯახების შესაბამისი სარეიტინგო ქულა 200 000-ს არ აღემატება.სოციალურად დაუცველ პენსიონერებზე მედიკამენტები ექიმის დანიშნულებისამებრ გაიცემა. მოქალაქე ჯანმრთელობის ცნობა ფორმა N100-ით მისთვის ელექტრონულად გამოწერილ მედიკამენტებს სასურველ აფთიაქში იღებს. პენსიონერს პროგრამით განსაზღვრული თანხის გამოყენება მთელი წლის განმავლობაში, ლიმიტის (500 ლარი) ამოწურვამდე, მრავალჯერადად შეუძლია.თბილისის მერიის ჯანდაცვისა და სოციალური მომსახურების საქალაქო სამსახურის აღნიშნული პროგრამის 2026 წლის ბიუჯეტი 10 მლნ ლარს შეადგენს. აღნიშნული პროგრამით ყოველწლიურად 28 000-ზე მოქალაქე სარგებლობს.
ჯანდაცვა • 1779433027
ჯანდაცვის მინისტრის მოადგილე ირინე წაქაძე მსოფლიო ბანკის წარმომადგენელს - რობერტო კლაუდიო სორმანის შეხვდა.შეხვედრაზე მხარეებმა „ადამიანური კაპიტალის“ პროგრამის ფარგლებში სოციალური დაცვის მიმართულებით დაგეგმილი პროექტების მიმდინარეობა და სამომავლო თანამშრომლობის საკითხები განიხილეს. აღინიშნა, რომ პროგრამის მიზანია სოციალური დაცვის სისტემის გაძლიერება და მოსახლეობისთვის ხარისხიან სერვისებზე ხელმისაწვდომობის გაუმჯობესება.ჯანდაცვის მინისტრის მოადგილის - ირინე წაქაძის განცხადებით, პროგრამის პირველი ეტაპი სოციალურად დაუცველი ოჯახების ერთიან ბაზაში რეგისტრაციისთვის განაცხადის წარდგენის პროცესის გამარტივებას ისახავს მიზნად. კერძოდ, პირველი ივლისიდან სოციალურად დაუცველი ოჯახები განაცხადის შეტანას ონლაინ - ელექტრონული სისტემის მეშვეობით შეძლებენ.ახალი სისტემა ხელმისაწვდომი იქნება სომხურ და აზერბაიჯანულ ენებზეც. ამასთან, 1-ელი ივლისიდან, 60 დღემდე შემცირდება საარსებო შემწეობის დანიშვნის ვადაც, რაც შესაძლებლობას მისცემს ოჯახებს, რომ მიიღონ ფინანსური დახმარება უფრო სწრაფად.ადამიანური კაპიტალის პროგრამა, რომელიც მსოფლიო ბანკის მიერ ფინანსდება, მოიცავს ჯანმრთელობის, განათლებისა და სოციალური დაცვის მიმართულებებს. პროგრამა 2022 წლის ივნისიდან მიმდინარეობს და 2028 წლამდე გაგრძელდება.
ომი უკრაინაში • 1779431196
სიბიგა: უკრაინაში ომი გარდამტეხ მომენტშია
უკრაინის წინააღმდეგ რუსეთის ომი „გარდამტეხ მომენტს“ აღწევს, განაცხადა უკრაინის საგარეო საქმეთა მინისტრმა ანდრეი სიბიგამ ჰელსინგბორგში უკრაინა-ნატოს საბჭოს არაფორმალურ შეხვედრაზე.მან ხაზგასმით აღნიშნა, რომ უკრაინა უბრალოდ დახმარებას არ ითხოვს, არამედ ნატოს ქვეყნების პარტნიორია.„უკრაინა აღარ ითხოვს მხოლოდ შემოწირულობებს; ჩვენ ვართ უსაფრთხოების უზრუნველყოფის მონაწილე, დონორი და პარტნიორი, რომელიც მზადაა, გავუზიაროთ გამოცდილება ჩვენს მოკავშირეებს. თავდაცვის ხარჯების გაზრდა მშვიდობის გარანტიაა“, - აღნიშნა უკრაინელმა მინისტრმა.მან ნატოს ყველა წევრს მოუწოდა, წვლილი შეიტანონ უკრაინის თავდაცვის საქმეში.„ეს ინვესტიცია ჩვენი ცხოვრების განმავლობაში ყველაზე დიდ მშვიდობის დივიდენდს მოიტანს“, - ხაზგასმით აღნიშნა დიპლომატმა.სიბიგამ ასევე ხაზი გაუსვა, რომ „მოსკოვზე ზეწოლა იზრდება“ და რომ „ომში გარდამტეხი მომენტი“ ახლოვდება.
ტაბლოიდი • 1779393474
„ნამდვილი ძალა დახმარების თხოვნაშია...“ - ნუცა ბუზალაძის საქმრო მიმართვას ავრცელებს
ნუცა ბუზალაძის საქმრო, ცნობილი ამერიკელი აგენტი, დარენ პრინცი მიმართვას ავრცელებს.„არ ვიცი რატომ, მაგრამ ფსიქიკური ჯანმრთელობის ცნობადობის თვეში დახმარების მოთხოვნა უფრო მეტად გაიზარდა, ვიდრე ოდესმე. როგორც ჩანს, სტიგმა და ადამიანები, რომლებიც ჩუმად და სირცხვილში იტანჯებიან, ჯერ კიდევ ვერ ბედავენ დახმარებისთვის ნაბიჯის გადადგმას.ნამდვილი ძალა სწორედ დახმარების თხოვნაშია და პირველ რიგში ღმერთის რწმენაში.მე ჩემი წარსული მიზნად ვაქციე.თუ ვინმე ფსიქიკური ჯანმრთელობის პრობლემებს ან დამოკიდებულებას ებრძვით, ჩემი დოკუმენტური ფილმი ისევ ბიოშია.თუ დახმარება გჭირდება, მომწერე პირადში და ერთად ვაქციოთ შენი ყველაზე რთული პერიოდი ახალ დასაწყისად იმ ცხოვრებისკენ, რომელსაც ნამდვილად იმსახურებ“, - წერს დარენი სოციალურ ქსელში.
სამართალი • 1779362677
ფინანსთა სამინისტროს საგამოძიებო სამსახური, სხვა სამართალდამცავ ორგანოებთან ერთად, აქტიურ და უკომპრომისო ბრძოლას განაგრძობს როგორც კორუფციული, ისე საფინანსო-ეკონომიკურ სფეროში ჩადენილი დანაშაულების აღსაკვეთად. ამჯერად გამოვავლინეთ სამი დანაშაულებრივი ფაქტი.პირველი ეხება საჯარო მოხელეების მხრიდან ქრთამის აღების ფაქტს. კორუფციულ დანაშაულზე დაკავებულია ორი პირი. კერძოდ, თეთრიწყაროს მუნიციპალიტეტში, სოფელ ჯორჯიაშვილის ადმინისტრაციულ ერთეულში მერის წარმომადგენელმა და ამავე ერთეულის მთავარმა სპეციალისტმა, წინასწარი შეთანხმებით, მოქალაქისგან ქრთამი აიღეს, რის სანაცვლოდაც შეპირდნენ მფარველობას სახელმწიფო საკუთრებაში არსებულ მიწის ნაკვეთზე უცხოელი ტურისტებისთვის საკემპინგე სივრცის მოწყობაში.მოპოვებულია დანაშაულის ამსახველი აუდიო და ვიდეომასალა, ნივთმტკიცებად ამოღებულია თანხაც.გამოძიება საქართველოს სისხლის სამართლის კოდექსის 338-ე მუხლის მე-2 ნაწილით მიმდინარეობს, რაც სასჯელის სახით თავისუფლების აღკვეთას 7-დან 11 წლამდე ვადით ითვალისწინებს.მეორე ფაქტი ეხება მოქალაქეების ჯანმრთელობისათვის საფრთხის შემცველ დანაშაულს. კერძოდ: სამეგრელო-ზემო სვანეთის რეგიონში, უკანონო სამეწარმეო საქმიანობისა და ამ საქმიანობაში დახმარების ფაქტზე, დავაკავეთ სამი ადამიანი: აფთიაქის ხელმძღვანელი, ფარმაცევტი და ექიმი.გამოძიებით დადგინდა, რომ ერთ-ერთ მუნიციპალიტეტში, ორ სხვადასხვა ადგილას მოქმედი აფთიაქიდან, სისტემატურად, შესაბამისი ნებართვისა და რეცეპტის გარეშე ხდებოდა სპეციალურ კონტროლს დაქვემდებარებული ფსიქოტროპული მედიკამენტების რეალიზაცია. აფთიაქის ხელმძღვანელს დახმარებას უწევდა ერთ-ერთი კლინიკის ექიმი-ნევროლოგი.ნივთმტკიცების სახით ამოღებულია დიდი ოდენობით სხვადასხვა დასახელების ფსიქოტროპული მედიკამენტი და თანხა.გამოძიება სსკ-ის 192-ე მუხლის მე-2 ნაწილისა და 25-192-ე მუხლის მე-2 ნაწილის „ა“ ქვეპუნქტებით მიმდინარეობს, რაც სასჯელის სახით თავისუფლების აღკვეთას 3-დან 5 წლამდე ვადით ითვალისწინებს.რაც შეეხება მესამე ფაქტს. ჩვენ აქტიურად ვაკონტროლებთ ფინანსურ სექტორს ციფრულ სივრცეშიც, სადაც უკონტროლო ნაკადები პირდაპირ საფრთხეს უქმნის ქვეყნის ეკონომიკას.დავაკავეთ ვირტუალური აქტივის მომსახურების არარეგისტრირებული პროვაიდერის მენეჯერი.ბრალდებული, საქართველოს ეროვნულ ბანკში სავალდებულო რეგისტრაციის გარეშე, ონლაინპლატფორმის გამოყენებით ახორციელებდა უკანონო სამეწარმეო საქმიანობას. ის ვირტუალური აქტივისა და ნაღდი ფულის კონვერტაციას ახდენდა, რითაც ხელს უწყობდა ქვეყანაში საერთაშორისო უკონტროლო ფინანსური ნაკადების მოძრაობას. ამ გზით, მან მილიონობით ლარის ღირებულების ვირტუალური აქტივის ტრანზაქცია შეასრულა. ჩატარებული ჩხრეკის შედეგად, ნივთმტკიცების სახით ამოღებულია დიდი ოდენობით ფულადი თანხა, ფულის მთვლელი აპარატები, კომპიუტერული ტექნიკა, რვა მობილური ტელეფონი, ათეულობით საბანკო და სიმ-ბარათი, ასევე საქმისათვის მნიშვნელოვანი დოკუმენტაცია.გამოძიება სსკ-ის 192-ე მუხლის პირველი ნაწილით მიმდინარეობს, რაც თავისუფლების აღკვეთას 3 წლამდე ვადით ითვალისწინებს.განვაგრძობთ გამოძიებას დანაშაულებრივ ქმედებაში ჩართული სხვა პირების დადგენა-მხილების, აგრეთვე, გადასახადებისთვის თავის არიდებისა და შესაძლო უკანონო შემოსავლის ლეგალიზაციის ფაქტების გამოსავლენად.მივმართავთ ყველას, ვინც შესაძლოა ფიქრობდეს, რომ კორუფციული გზით არის შესაძლებელი სხვადასხვა საკითხის გადაწყვეტა - მკაცრად დაიცავით საქართველოს კანონმდებლობა და თავი შეიკავეთ კორუფციულ თუ სხვა უკანონო საქმიანობაში ჩართვისგან, რადგან ნებისმიერი მცდელობა, გვერდი აუაროთ კანონს, დროულად იქნება იდენტიფიცირებული და თითოეულ ასეთ ფაქტს უმკაცრესი სამართლებრივი რეაგირება მოჰყვება.
ასტროლოგია • 1779304607
21 მაისის ასტროლოგიური პროგნოზი
ვერძიშეგიძლიათ მიიღოთ საინტერესო ინფორმაცია ჭორებიდან, დაკვირვებებიდან, შემთხვევითი საუბრებიდან. ამ დღეს თქვენ განსაკუთრებული ანალიტიკური შესაძლებლობები გექნებათ და მიღებულ ინფორმაციასაც სწორად გაშიფრავთ.კურომშვენიერი დღეა კუროებისთვის. თქვენთვის განსაკუთრებით წარმატებული იქნება ნებისმიერი საქმიანობა, რომელიც ფულადი საქმეების მოწესრიგებას ისახავს მიზნად.ტყუპებიკარგი დღეა ნებისმიერი დამოუკიდებელი გეგმის განსახორციელებლად. იქნება ეს საკუთარი ბიზნესი, სწავლა თუ საყოფაცხოვრებო სამუშაოები. ყურად არ იღოთ სხვების რჩევები.კირჩხიბიხვალ ახალ საქმეებს ნუ დაიწყებთ, დღე რუტინულად და მშვიდად გაატარეთ.ლომილომებმა უმჯობესია სხვებს დაუგდონ ყური და თავად ცოტა ილაპარაკონ, რადგან ისინი სხვა ადამიანების ფიქრებიდან და იდეებიდან საჭირო ინფორმაციებს გამოიტანენ, ამ ინფორმაციებს კი მომავალში აუცილებლად გამოიყენებენ.ქალწულიქალწულებმა კონცენტრირება მოახდინეთ იმ საკითხებზე, სადაც თავად წყვეტთ ყველაფერს. სხვა ადამიანების რჩევის გათვალისწინება სავალალო გავლენას მოახდენს შედეგზე.სასწორიაკონტროლეთ საკუთარი თავი, რათა არ გაგიფუჭდეთ ურთიერთობა სხვებთან! მაქსიმალურად შეიკავეთ თავი რჩევების და შენიშვნების მიცემისგან.მორიელიუმჯობესია მოთმინება შეინარჩუნოთ, დაგროვილმა დაძაბულობამ შეიძლება დაუფიქრებელი და მოულოდნელი მოქმედებისკენ გიბიძგოთ. არ აჰყვეთ ემოციებს, დაისვენეთ და კრიტიკულ მომენტებში დაითვალეთ ათამდე, რათა არ თქვათ ან არ გააკეთოთ ისეთი რამ, რასაც მოგვიანებით ინანებთ.მშვილდოსანისიტუაცია შეიძლება მკვეთრად შეიცვალოს. ახალი პროექტი, რომლის განხორციელებაშიც ეჭვი არ გეპარებოდათ, შესაძლოა საბრძოლველი გაგიხდეთ, თუმცა საბოლოოდ სიტუაცია მაინც თქვენს სასარგებლოდ დასრულდება.თხის რქაშეიძლება მოგეჩვენოთ, რომ სხვები განზრახ გაბრაზებენ, თუმცა, სჯობს გაღიზიანების მიზეზი შიგნით ეძებეთ და არა გარეთ. უმჯობესია დაკავდეთ მედიტაციით და სუნთქვითი ვარჯიშებით.მერწყულიარ დაიშუროთ ენერგია და დრო სხვების დასახმარებლად, ეს ახლა განსაკუთრებით კარგად გამოგივათ. სხვისთვის გაწეული დახმარება თქვენ არა მხოლოდ გარშემომყოფების თვალში აგამაღლებთ, არამედ თქვენს თვითშეფასებასაც გაზრდის.თევზებიგანცდა, რომ თქვენი არ ესმით და თუ ესმით, არასწორად, მთელი დღე გაგყვებათ. ამიტომ დღე მხოლოდ საკუთარი საქმეების მოგვარებას მიუძღვენით, თუ ეს შესაძლებელია, მინიმუმამდე დაიყვანეთ კომუნიკაცია.
საზოგადოება • 1779295570
ეს დაავადებები ადამიანებს მემკვიდრეობით გადაეცემათ - ეზოტერიკოსი ასახელებს
რომელი დაავადებები გადადის მემკვიდრეობით საგვარეულოდან,- ამ თემაზე საინტერესო ინფორმაციას მინეროლოგი და ეზოტერიკოსი, თამარ იოსელიანი ავრცელებს. „რომელი დაავადებები გადადის მემკვიდრეობით საგვარეულოდან? თუ თქვენს გვარში თაობიდან თაობამდე ერთი და იგივე დიაგნოზი მეორდება, ფსიქოსომატიკის მიხედვით, ეს შეიძლება მიუთითებდეს დაუმუშავებელ ემოციურ პროგრამაზე, რომელსაც შემდეგი თაობები გაუცნობიერებლად იღებენ საკუთარ თავზე.• გული და სისხლძარღვებიგული სიყვარულისა და სიხარულის ორგანოდ ითვლება.საგვარეულოში განმეორებადი გულ-სისხლძარღვთა დაავადებები ხშირად უკავშირდება იმას, რომ ოჯახში ადამიანებს არ შეეძლოთ სიყვარულის ღიად მიღება და გამოხატვა.ადამიანები მუშაობდნენ, ოჯახს ზიდავდნენ, საკუთარ თავს სწირავდნენ, მაგრამ გრძნობებზე არ საუბრობდნენ, ბავშვებს არ ეხუტებოდნენ და საკუთარ თავს სიხარულის უფლებას არ აძლევდნენ.დაგროვილი, გამოუთქმელი ტკივილი და მუდმივი ემოციური დაძაბულობა თითქოს პირდაპირ გულს აწვება.• ონკოლოგიაფსიქოსომატიკაში ონკოლოგიური დაავადებები ხშირად უკავშირდება ღრმად ჩახშობილ წყენას, რომელსაც ადამიანი წლების განმავლობაში არ გამოხატავდა.ეს არის ისტორია ადამიანებზე, რომლებიც ყველაფერს იტანდნენ, ყველაფერს საკუთარ თავში ინახავდნენ, არასოდეს წუწუნებდნენ და საკუთარ საჭიროებებს უმნიშვნელოდ თვლიდნენ.ოჯახებში, სადაც ონკოლოგია მეორდება, ხშირად არსებობს საერთო პროგრამა:„არ შეიძლება გაბრაზება“,„არ შეიძლება მოთხოვნა“,„არ შეიძლება ყურადღების ცენტრში ყოფნა“,„სხვებისთვის უნდა იცხოვრო“.• ხერხემლისა და სახსრების პრობლემებიზურგი სიმბოლურად საყრდენს, პასუხისმგებლობასა და ტვირთს უკავშირდება.თუ საგვარეულოში თაობიდან თაობამდე ადამიანებს ზურგი, მუხლები ან სახსრები აწუხებთ, ეს ხშირად მიუთითებს ოჯახურ მოდელზე, სადაც ადამიანები საკუთარ თავზე აუტანელ პასუხისმგებლობას იღებდნენ და დახმარებას არასოდეს ითხოვდნენ. ეს არის პროგრამა:„ყველაფერს მარტო უნდა გავუმკლავდე“,„დახმარების თხოვნა სირცხვილია“,„უნდა გავძლო“.• ზედმეტი წონაფსიქოსომატიკაში ზედმეტი წონა ხშირად შიშსა და დაუცველობის განცდას უკავშირდება.ოჯახებში, რომლებმაც გადაიტანეს შიმშილი, ომი ან ქრონიკული სიღარიბე, სხეული თითქოს იმახსოვრებს: „უნდა დავაგროვო, რადგან ხვალ შეიძლება არაფერი იყოს“.ასევე, ზედმეტი წონა ხშირად გვხვდება ოჯახებში, სადაც საკვები ნუგეშის, სიყვარულისა და ჯილდოს ერთადერთი ფორმა იყო.• ყელისა და ფარისებრი ჯირკვლის პრობლემებიყელი სიმბოლურად ხმას, თვითგამოხატვასა და საკუთარი აზრის თქმის უფლებას უკავშირდება.თუ ქალებს საგვარეულოში ხშირად აქვთ ფარისებრი ჯირკვლის პრობლემები, ქრონიკული ანგინა ან კვანძები, ეს შეიძლება მიუთითებდეს ოჯახურ მოდელზე, სადაც ქალებს საკუთარი აზრის გამოხატვის უფლება არ ჰქონდათ.„გაჩუმდი“,„არ გამოირჩეოდე“,„ქმარმა თქვა — ესე იგი ასეა“,„შენი აზრი არავის აინტერესებს“.რამდენიმე თაობის განმავლობაში ჩახშობილი სიტყვები და დათრგუნული ემოციები ქმნის ამ მიმართულების სტაბილურ პროგრამას.• ქალის ჯანმრთელობის პრობლემებიმიომა, კისტები, ციკლის დარღვევა და უშვილობა ფსიქოსომატიკაში ხშირად უკავშირდება ქალურობისა და მამაკაცების მიმართ დამოკიდებულებას ოჯახში.თუ საგვარეულოში ქალები ღალატს, დამცირებას, მიტოვებას ან ტკივილს განიცდიდნენ და ამ ყველაფერს ჩუმად იტანდნენ, ეს ემოციური ტვირთი ხშირად სწორედ ქალის ორგანოებში „იფიქსირება“.ასეთი პრობლემები ასევე გვხვდება ოჯახებში, სადაც ქალობა საფრთხედ ან სისუსტედ ითვლებოდა და გოგონებს ასწავლიდნენ, რომ უნდა ყოფილიყვნენ ძლიერები, არ ეტირათ და დახმარება არ ეთხოვათ.• კანის დაავადებებიკანი ჩვენი საზღვარია სამყაროსთან — კონტაქტი და დაცვა.ფსორიაზი, ეგზემა და ნეიროდერმიტი ფსიქოსომატიკაში ხშირად უკავშირდება ოჯახებს, სადაც ადამიანები თავს უსაფრთხოდ არ გრძნობდნენ სხვა ადამიანებთან ურთიერთობაში.ან მუდმივად ირღვეოდა მათი პირადი საზღვრები, ან პირიქით — ისინი სრულ იზოლაციაში ცხოვრობდნენ და სითბოს მოკლებულნი იყვნენ.კანი თითქოს „ყვირის“:„ადამიანებთან კონტაქტი მტკენს“ან„მტკივა მათი სითბოს გარეშე“",- წერს იოსელიანი.
საზოგადოება • 1779292404
რა უნდა გავაკეთოთ ცხოველის დაკბენისას ცოფის პრევენციისთვის - ვეტერინარი განმარტავს
19 მაისს, გურჯაანის მუნიციპალიტეტის სოფელ ჩალაუბნის მიმდებარე ტერიტორიაზე მდებარე ერთ-ერთ ფერმაში ცოფის შემთხვევა დადასტურდა. სურსათის ეროვნული სააგენტოს ინფორმაციით, დაინფიცირებულ პუნქტსა და საფრთხის შემცველ ზონაში კარანტინი გამოცხადდა, რის გამოც ტერიტორიაზე ცხოველების გადაადგილება შეიზღუდა და გადაუდებელი სალიკვიდაციო ღონისძიებები დაიწყო. რა უნდა გავაკეთოთ ცხოველის დაკბენისას ცოფის პრევენციისთვის,- ამ თემაზე გადაცემაში „დილა მშვიდობისა საქართველო" ვეტერინარი, ლალი ვაშაკიძე საუბრობს. „ცხოველის დაკბენისას, პირველ რიგში, მანამ, სანამ ექიმს დაურეკავთ, თავად უნდა იმოქმედოთ, ასეთ დროს ყოველ წუთს უდიდესი მნიშვნელობა აქვს.პირველადი დახმარება დაზიანებული უბნის საპნით ამორეცხვა და 15 წუთის განმავლობაში გამდინარე წყლის ჭავლის ქვეშ გაჩერებაა. თუ დაკბენა სახის მიდამოში მოხდა, ვაქცინაციისთვის 24 საათი გვაქვს, ხოლო თუ ნაკბენი ხელზე ან ფეხზეა, დრო 1-2 დღემდე იზრდება“, - აღნიშნავს ლალი ვაშაკიძე. .
საზოგადოება • 1779291246
„განსაკუთრებული სიფრთხილე მართებთ გოგონების მშობლებს“ - ექიმი მშობლებსა და ახალგაზრდებს აფრთხილებს
მოზარდებში წონასთან დაკავშირებული კომპლექსები და მკაცრი დიეტების მცდელობა სულ უფრო ხშირია. ექიმი მარი მალაზონია მშობლებსა და ახალგაზრდებს აფრთხილებს, რომ შიმშილობა და დაუბალანსებელი კვება ორგანიზმისთვის სერიოზულ საფრთხეს წარმოადგენს.ექიმის განმარტებით, დიეტა არ ნიშნავს შიმშილს ან მკვეთრ შეზღუდვას — ეს არის ასაკის, ჯანმრთელობის მდგომარეობისა და ცხოვრების წესის შესაბამისი, სწორად დაბალანსებული კვება.„არ არსებობს ყველასთვის მისაღები უნივერსალური დიეტა. მოზარდები განსაკუთრებული კვების ჯგუფს მიეკუთვნებიან და მათ ორგანიზმს სპეციფიკური მოთხოვნილებები აქვს. ამიტომ კვების რომელიმე მოდელის ბრმად გაზიარება შეიძლება ჯანმრთელობისთვის სახიფათო აღმოჩნდეს“, — ამბობს მარი მალაზონია.მისივე თქმით, წონაში სწრაფი კლება და შიმშილი ორგანიზმისთვის სტრესია, რაც შემდგომში მეტაბოლურ დარღვევებსა და წონის კიდევ უფრო სწრაფ მატებას იწვევს.ექიმი განსაკუთრებულ ყურადღებას ამახვილებს მოზარდ გოგონებზე და ამბობს, რომ ე.წ. „დიეტის“ უკან ხშირად შესაძლოა კვებითი აშლილობები — ანორექსია ან ბულიმია იმალებოდეს.„ასეთ დროს სპეციალისტის დახმარება აუცილებელია. პრობლემის უგულებელყოფამ შესაძლოა მძიმე შედეგებამდე მიიყვანოს მოზარდი“, — აღნიშნავს ის.მარი მალაზონია მოზარდებში ყავისა და ენერგეტიკული სასმელების ჭარბ მოხმარებასაც სახიფათოდ მიიჩნევს. მისი თქმით, ორგანიზმის ტონუსისთვის საუკეთესო გამოსავალი სრულფასოვანი ძილი, ფიზიკური აქტივობა და დაბალანსებული კვებაა.ექიმი ასევე განმარტავს, რომ გარდატეხის ასაკში წონის მცირე ცვლილებები ყოველთვის არ არის არასწორი კვების შედეგი და ხშირად ჰორმონულ პროცესებთანაა დაკავშირებული. თუმცა საჭიროების შემთხვევაში აუცილებელია ენდოკრინოლოგიური კვლევებიც.მისივე თქმით, როგორც ჭარბი წონა, ისე წონის დეფიციტი მოზარდის ჯანმრთელობისთვის სერიოზულ რისკს წარმოადგენს.„არასრულფასოვანი კვება ასუსტებს იმუნიტეტს, აფერხებს ზრდა-განვითარებას და ორგანიზმს ინფექციებთან ბრძოლას ურთულებს“, — ამბობს ექიმი.მარი მალაზონია მოზარდებსა და მშობლებს ურჩევს, ყურადღება გაამახვილონ არა მკაცრ დიეტებზე, არამედ ჯანსაღი ცხოვრების წესზე — წყლის საკმარის მიღებაზე, ფიზიკურ აქტივობაზე, დაბალანსებულ კვებასა და სწორი რეჟიმის დაცვაზე. წყარო
საზოგადოება • 1779290523
ძვირადღირებული მედიკამენტები 100 პროცენტით ფინანსდება - მნიშვნელოვანი ინფორმაცია მერიიდან
„ძუძუს კიბოს სამკურნალო მედიკამენტების დაფინანსების“ პროგრამის ფარგლებში, 1 134 მოქალაქისთვის 6 700-მდე შემთხვევა დაფინანსდა, – ამის შესახებ თბილისის მერმა, კახა კალაძემ მუნიციპალიტეტის მთავრობის დღევანდელ სხდომაზე განაცხადა.მისივე თქმით, ერთი პაციენტის მკურნალობის სრული კურსის ჩასატარებლად, მუნიციპალიტეტი მინიმუმ 24 750 და მაქსიმუმ 70 110 ლარს გამოყოფს.„თბილისის მერია ონკოლოგიური დიაგნოზის მქონე მოქალაქეთა მხარდაჭერას სხვადასხვა სახის პროგრამებით ახორციელებს, რომელთაგან ერთ-ერთი მნიშვნელოვანია „ძუძუს კიბოს სამკურნალო მედიკამენტების დაფინანსების“ პროგრამა. სტატისტიკამ აჩვენა, რომ მისი ეფექტიანობა საკმაოდ მაღალია. კერძოდ, განიკურნა ადრეული სტადიის ბენეფიციართა 97 პროცენტი.ჯანდაცვისა და სოციალური მომსახურების საქალაქო სამსახურის აღნიშნული პროგრამა, HER-2 დადებითი ადგილობრივად გავრცელებული (I-III სტადია) და მეტასტაზური ფორმის ძუძუს კიბოს დიაგნოზის მქონე მოქალაქეების სიცოცხლის გახანგრძლივება/განკურნებას ემსახურება. ამ დაავადებასთან ბრძოლაში ყველაზე მნიშვნელოვანი არის დროული აღმოჩენა, რადგან ხშირად სწორედ დროულ დიაგნოზზეა დამოკიდებული ადამიანის სიცოცხლე და ჯანმრთელობა. ჯანმრთელობა ყველაზე დიდი ფასეულობაა და ჩვენი ვალდებულებაა, ადამიანებს დროული დიაგნოსტიკისა და მკურნალობის შესაძლებლობა ჰქონდეთ“, – განაცხადა კახა კალაძემ.თბილისის მერის თქმით, პროგრამის ფარგლებში, ძვირადღირებული მედიკამენტები ყველა მოსარგებლეს სრულად, 100 პროცენტით უფინანსდება.„შესაბამისი მომსახურების მისაღებად, საქართველოს მოქალაქეს ბოლო ორი წლის განმავლობაში უწყვეტად და ამავდროულად, პროგრამაში ჩართვის დროისთვის თბილისის მუნიციპალიტეტში უნდა ჰქონდეს რეგისტრაცია. მოქალაქე, პროგრამაში ჩასართავად, განცხადებით და შესაბამისი საბუთებით დედაქალაქის მერიას მიმართავს, რომელთა საფუძველზე, მედიკამენტის აფთიაქიდან მისაღებად, საგარანტიო წერილი გაიცემა“,- აღნიშნა კახა კალაძემ.მისივე თქმით, დედაქალაქის მთავრობამ წლების განმავლობაში, აღნიშნულის გარდა, არაერთი პროგრამა განახორციელა, რაც ადამიანის სიცოცხლისა და ჯანმრთელობის შენარჩუნებას ემსახურება.„ჩვენი მოქალაქეების სიცოცხლის გახანგრძლივებისა და ჯანმრთელობის მდგომარეობის გაუმჯობესების მიზნით, არაერთ პროგრამასა და პროექტს ვახორციელებთ, რადგან მიგვაჩნია, რომ ყველა ფუნდამენტზე უფრო ძლიერი საყრდენი – ადამიანი უნდა იყოს ყველაზე მეტად დაფასებული, უზრუნველყოფილი შესაბამისი მედიკამენტებით, ჰქონდეს სხვადასხვა მიმართულებით ხელშეწყობა და გრძნობდეს სიცოცხლის სიხარულს. მთელ მსოფლიოში ყოველწლიურად იმატებს სიმსივნით დაავადებული ადამიანების რიცხვი. სამწუხაროდ, ამ მხრივ საქართველოც არ არის გამონაკლისი. სწორედ ამიტომ, ვალდებულად ვთვლით, ონკოპაციენტების დაფინანსება, მათზე ზრუნვა და დახმარება, დედაქალაქის ბიუჯეტში თანხის მაქსიმალური რიცხვით ავსახოთ. ხშირ შემთხვევაში, დროულად ჩატარებული კვლევა და სწორი მკურნალობა სიცოცხლის გადარჩენას ნიშნავს. ამ პროგრამის უკან დგას არა უბრალოდ სტატისტიკა, არამედ დგანან ადამიანები, ოჯახები და მათი სიცოცხლე. ჩვენთვის მნიშვნელოვანია, რომ არც ერთი ქალი არ დარჩეს აუცილებელი მკურნალობის გარეშე ფინანსური სირთულეების გამო“, – განაცხადა კახა კალაძემ.
მსოფლიო • 1779286974
პანკისის ხეობაში დაკავებულ 3 პირს ბრალი ოფიციალურად უკვე წარედგინა
პანკისის ხეობაში დაკავებულ სამ პირს ბრალი ოფიციალურად უკვე წარედგინა. აღმკვეთი ღონისძიების საკითხზე სასამართლო დღეს იმსჯელებს. გამოძიება დაკავებულებს ტერორისტულ ორგანიზაცია „ისლამურ სახელმწიფოში“ გაერთიანებასა და დახმარებას ედავება.გამოვლენილია კონსპირაციული შეხვედრები, ამოღებულია იარაღი, ასაფეთქებელი ნივთიერებები და ტერორისტული სიმბოლიკის ამსახველი ნივთები. ბრალის დამტკიცების შემთხვევაში, ერთ ბრალდებულს 17 წლამდე პატიმრობა ემუქრება, ორს კი 6 წლამდე თავისუფლების აღკვეთა.„გამოძიებით დადგინდა, რომ ბრალდებული ტერორისტულ ორგანიზაცია "ისლამურ სახელმწიფოში" გაერთიანდა და აქტიურ მონაწილეობას იღებდა ტერორისტული ორგანიზაციის მიერ წარმოებულ შეიარაღებულ მოქმედებებში. ასევე, მის საცხოვრებელ სახლში, მართლსაწინააღმდეგოდ ინახავდა საბრძოლო მასალას, ხოლო ბრალდებულთან კავშირში მყოფი ორი პირი, საცხოვრებელ სახლებში მართლსაწინააღმდეგოდ ინახავდნენ ასაფეთქებელ ნივთიერებას, ასაფეთქებელ მოწყობილობებს, საბრძოლო მასალას და ცეცხლსასროლ იარაღებს.ჩხრეკის შედეგად, სხვა ნივთებთან ერთად, ამოღებულია დროშა ტერორისტული ორგანიზაციის სიმბოლიკით. ერთ პირს, ბრალდება უცხო ქვეყნის ტერორისტულ ორგანიზაციაში გაერთიანების და ტერორისტულ საქმიანობაში მისი დახმარების, ასევე საბრძოლო მასალის მართლსაწინააღმდეგო შეძენის და შენახვის ფაქტზე წარედგინა, რაც სასჯელის სახედ და ზომად 17 წლამდე თავისუფლების აღკვეთას ითვალისწინებს.ორ პირს, ბრალდება ცეცხლსასროლი იარაღის, საბრძოლო მასალის და ფეთქებადი ნივთიერების მართლსაწინააღმდეგო შეძენის და შენახვის ფაქტებზე წარედგინათ, რაც სასჯელის სახედ და ზომად 6 წლამდე თავისუფლების აღკვეთას ითვალისწინებს“, - განაცხადა პროკურორმა მაია სილაგაძემ.
