დახმარება

მარკო რუბიო: ჩვენ არ ვცდილობთ, ვინმე ვაიძულოთ, დათანხმდეს შეთანხმებას, რომელიც არ სურს

ჩვენ არ ვცდილობთ, ვინმე ვაიძულოთ, დათანხმდეს შეთანხმებას, რომელიც არ სურს, – ამის შესახებ აშშ-ის სახელმწიფო მდივანმა, მარკო რუბიომ უნგრეთის პრემიერ-მინისტრთან, ვიქტორ ორბანთან ერთობლივ პრესკონფერენციაზე განაცხადა.რუბიოს თქმით, ეს ომი წარმოუდგენლად დამანგრეველია, რომელიც რაც შეიძლება სწრაფად უნდა დასრულდეს.„შეერთებულმა შტატებმა შეძლო, ორივე მხარე მოლაპარაკებების მაგიდასთან დაესვა. გასულ კვირას ახლო აღმოსავლეთში ტექნიკურ დონეზე ორივე მხარის სამხედრო მაღალჩინოსნები რეალურად ერთ მაგიდასთან დასხდნენ. ამ კვირის ბოლოს ჟენევაში მოლაპარაკებებს ხელახლა განვაახლებთ. მიმაჩნია, რომ ეს ძალიან პოზიტიური მოვლენაა, თუმცა, იმასაც ვიტყვი, რომ ჩვენ მხოლოდ ერთ რამეს ვცდილობთ, თუ ეს შესაძლებელია, გარკვეული როლი შევასრულოთ შეთანხმების მიღწევაში. ჩვენ არ ვცდილობთ, შეთანხმება ვინმეს თავზე მოვახვიოთ, არ ვცდილობთ, ვინმე ვაიძულოთ, დათანხმდეს იმ შეთანხმებას, რომელიც მას არ სურს. უბრალოდ გვინდა, დახმარება გავუწიოთ, რადგან მიგვაჩნია, რომ ეს ომი წარმოუდგენლად დამანგრეველია. მიგვაჩნია, რომ ეს ომი არასოდეს უნდა დაწყებულიყო და რაც შეიძლება სწრაფად უნდა დასრულდეს. ეს ერთ-ერთია იმ მცირერიცხოვან ომებს შორის, რაც კი ოდესმე მინახავს, სადაც საერთაშორისო საზოგადოების ზოგიერთი წევრი გმობს ომის დასრულების მცდელობებს, მაგრამ ჩვენ ამას ვაპირებთ იქამდე, ვიდრე ჩვენი როლი და ჩართულობა პოზიტიური იქნება“, – აღნიშნა რუბიომ.

პოლიტიკა • 1771228080

ახალგაზრდა იურისტთა ასოციაციაში აცხადებენ, რომ წყლის ჭავლში შერეული ნივთიერებებით დაზიანებული მოქალაქეების სახელით სამართალწარმოებას იწყებს

საქართველოს ახალგაზრდა იურისტთა ასოციაციაში აცხადებენ, რომ წყლის ჭავლში შერეული ნივთიერებებით დაზიანებული მოქალაქეების სახელით სამართალწარმოებას იწყებს და საქართველოს პროკურატურას შესაბამისი კომუნიკაციით მიმართავს.როგორც განცხადებაშია აღნიშნული, საია ამ ეტაპზე სამართლებრივად იცავს შვიდ დაზარალებულს, რომლებსაც ჯანმრთელობის პრობლემები აწუხებთ და აღნიშნულს 2024 წლის ნოემბერ-დეკემბერში შსს-ის მხრიდან საპროტესტო აქციებზე მათ წინააღმდეგ გამოყენებულ სპეციალურ საშუალებებს უკავშირებენ.„როგორც საზოგადოებისთვის ცნობილია, 2024 წლის ნოემბერ-დეკემბერში, საქართველოს შინაგან საქმეთა სამინისტრომ დემონსტრაციების დაშლისას გამოიყენა სხვადასხვა სახის სპეციალური საშუალება.2025 წლის 1-ელ დეკემბერს BBC-მ გამოაქვეყნა დოკუმენტური ფილმი და სტატია, რომლებშიც გაჟღერდა ვარაუდი, რომ 2024 წლის ნოემბერ-დეკემბრის დემონსტრაციების დაშლის დროს ხელისუფლებამ, სავარაუდოდ, გამოიყენა ქიმიური ნაერთი ბრომობენზილ ციანიდი („კამიტი“), რომელიც შერეული იყო წყლის ჭავლში. 2025 წლის პირველ დეკემბერს სახელმწიფო უსაფრთხოების სამსახურმა გამოძიება დაიწყო როგორც სისხლის სამართლის კოდექსის 333-ე მუხლით (სამსახურებრივი უფლებამოსილების გადამეტება), ასევე 319-ე მუხლით (უცხოეთის ორგანიზაციისთვის მტრულ საქმიანობაში დახმარება). 2025 წლის 6 დეკემბერს სახელმწიფო უსაფრთხოების სამსახურმა გაავრცელა განცხადება, რომლის მიხედვითაც სამსახურმა დაადასტურა წყლის ჭავლში ქიმიური ნივთიერების შერევის ფაქტი, თუმცა, სამსახურის მიხედვით, აღნიშნული ქიმიური ნივთიერება იყო არა კამიტი, არამედ „ქლორობენზილიდინ მალონონიტრილი“. სამსახურის მიერ გავრცელებული ინფორმაციის მიხედვით, „ბრომობენზილ ციანიდი“ იგივე „კამიტი“ საქართველოს შინაგან საქმეთა სამინისტროს არასდროს შეუძენია.ხაზგასმით მივუთითებთ, რომ საქართველოში ქიმიური გამაღიზიანებლების წყლის ჭავლში შერევის საკითხი მკაფიოდ არ რეგულირდება: „პოლიციის შესახებ“ კანონშიც და შსს-ს ინსტრუქციებშიც არ არსებობს ნორმები, რომლებიც დააწესებდნენ ასეთ პრაქტიკას, მაშინ, როცა 2015 წლის №1002 ბრძანების ძველი რედაქციის მიერ წყლის ჭავლის, რეზინის ტყვიებისა და ცრემლსადენი გაზის ერთდროული გამოყენების პირდაპირი აკრძალვა ამოღებულია მოქმედ ტექსტიდან, დამატებითი კანონიერების სტანდარტების შემოღების გარეშე, რის შედეგადაც ქიმიური გამაღიზიანებლებით გაჯერებული წყლის ჭავლი არ შეიძლება ჩაითვალოს „კანონით განსაზღვრულ“ შეკრებების მართვის კანონიერ საშუალებად და ეწინააღმდეგება როგორც ეროვნულ, ისე კონვენციურ მოთხოვნებს, რომ ძალის გამოყენება იყოს კანონიერი, აუცილებელი და პროპორციული ჩარევა.2025 წლის დეკემბრამდე, საიამ, წყლის ჭავლში ქიმიური ნივთიერებების შერევასა და მასთან დაკავშირებულ საფრთხეებზე, საჯარო წყაროებში გავრცელებულ ინფორმაციაზე და აქციის მონაწილეთა ინტერვიუებზე დაყრდნობით, არაერთხელ ისაუბრა. დემონსტრანტთა ნაწილი, რომლებმაც წყლის ჭავლის ზემოქმედება განიცადა, მიუთითებდნენ ჯანმრთელობის პრობლემებზე, კერძოდ, კანის დამწვრობაზე, მხედველობის გაუარესებაზე, სუნთქვის უკმარისობაზე, ნევროლოგიურ პრობლემებზე, ალერგიულ რეაქციაზე, სმენის გართულებაზე, სახსრების ტკივილზე, ფარისებრ ჯირკვალთან დაკავშირებულ პრობლემებზე და სხვა. 2025 წლის დეკემბრამდე, მიუხედავად მოწოდებებისა, სახელმწიფო არ ასაჯაროებდა ინფორმაციას იმასთან დაკავშირებით, თუ რა ქიმიურ საშუალებებს იყენებდა იგი 2024 წლის ნოემბერ-დეკემბერში. 2025 წლის იანვარში საიამ საჯარო ინფორმაციის გამოთხოვის შესახებ განცხადებით მიმართა შსს-ს და ჰკითხა მას, რა ქიმიურ ნივთიერებებს იყენებდა 2024 წლის ნოემბერ-დეკემბერში განხორციელებული საპოლიციო ღონისძიებების ფარგლებში, რა ქიმიური ნივთიერებები იყო შერეული წყლის ჭავლში და რა კონცენტრაციით. საიას შსს-სგან პასუხი არ მიუღია. 2025 წლის იანვარში საიას მიერ ჯანდაცვის სამინისტროდან გამოთხოვილი ინფორმაციის მიხედვით, გამოყენებული ქიმიური ნივთიერებების შემადგენლობის შესახებ ინფორმაციას არც ჯანდაცვის სამინისტრო არ ფლობდა და აღნიშნული ინფორმაცია შინაგან საქმეთა სამინისტროდან არ გამოუთხოვიათ, „საჭიროების არ არსებობის გამო“. აღსანიშნავია, რომ 2025 წლის 10 დეკემბერს ევროპის საბჭოს ადამიანის უფლებათა კომისარმა წერილით მიმართა საქართველოს გენერალურ პროკურორს, სადაც აღნიშნა, რომ წყლის ჭავლში ქიმიური გამაღიზიანებლების შერევა მნიშვნელოვან კითხვებს წარმოშობს კანონიერების, აუცილებლობის და პროპორციულობის შესახებ და აღნიშნული საკითხი უნდა იყოს 2024 წლის ნომებერ-დეკემბერში საპოლიციო ძალის გამოყენების გამოძიების ნაწილი.კომისარი ასევე აღნიშნავს, რომ 2025 წლის იანვარში შინაგან საქმეთა მინისტრი მას არწმუნებდა, რომ პროტესტის მონაწილეთა წინააღმდეგ წყლის ჭავლში შერეული ქიმიური ნივთიერებები არ გამოუყენებიათ. სახელმწიფო უსაფრთხოების სამსახურის მიერ წარმოებული გამოძიება 2024 წლის ნოემბერ-დეკემბრის აქციებზე წყლის ჭავლისა და ქიმიური ნივთიერებების გამოყენების საქმეზე ვერ აკმაყოფილებს ეფექტიანი და დამოუკიდებელი გამოძიების კონვენციურ სტანდარტს, რადგან ერთი და იგივე ორგანო პარალელურად იძიებს როგორც შესაძლო უფლებადარღვევას (სპეციალური საშუალებების გამოყენება), ისე თავადვე აყენებს ამ უფლებადარღვევის არსებობას ეჭვის ქვეშ. ასეთ კონფიგურაციაში გამოძიება ძირს უთხრის როგორც ინსტიტუციურ/იერარქიულ, ისე პრაქტიკულ დამოუკიდებლობას და მიზნად ისახავს, შექმნას „დაშინების ეფექტი“ ყველა იმ პირის მიმართ, ვინც საზოგადოებრივად მნიშვნელოვან უფლებადარღვევებზე საუბრობენ თუ სხვა სახით ადვოკატირებენ.„საქართველოს ახალგაზრდა იურისტთა ასოციაცია“ ამ ეტაპზე სამართლებრივად იცავს შვიდ დაზარალებულს, რომლებმაც ორგანიზაციას სხვადასხვა სახის ჯანმრთელობის პრობლემაზე მიაწოდეს ინფორმაცია და თითოეულ მათგანს აღნიშნული პრობლემები დღემდე აწუხებთ. ისინი აღნიშნულს 2024 წლის ნოემბერ-დეკემბერში შსს-ის მხრიდან საპროტესტო აქციებზე მათ წინააღმდეგ გამოყენებულ სპეციალურ საშუალებებს უკავშირებენ.„საქართველოს ახალგაზრდა იურისტთა ასოციაციის“ მიერ მათი სახელით გენერალურ პროკურატურაში გაგზავნილი განცხადებით საქართველოს კანონმდებლობისა და საერთაშორისო სტანდარტების გათვალისწინებით მოთხოვნილია: ინფორმაცია გამოძიების მიმდინარეობის შესახებ; დაზარალებული პირების გამოკითხვა; წყლის ჭავლში ნივთიერებების შერევისა და მისი გამოყენების პრაქტიკის შესაბამისობის შეფასება სისხლის სამართლის კოდექსით განსაზღვრულ დანაშაულებთან მიმართებით; პასუხისმგებელ პირთა გამოსავლენად აუცილებელი ყველა საგამოძიებო მოქმედების ჩატარება; იმ შვიდი პირის დაზარალებულად ცნობა, რომელთაც ჯანმრთელობის სხვადასხვა სახის დაზიანება მიადგათ 2024 წლის ნოემბერ-დეკემბერში შსს-ის მხრიდან სპეციალური საშუალებების გამოყენების შედეგად. „საქართველოს ახალგაზრდა იურისტთა ასოციაცია“ განაგრძობს ამ საკითხზე სამართლებრივ ადვოკატირებას, როგორც ადგილობრივ, ისე საერთაშორისო დონეზე“, – აღნიშნულია საია-ს განცხადებაში.

მსოფლიო • 1771146321

გერმანიაში ბოლო 2 თვის განმავლობაში მეხუთე ბანკი გაძარცვეს

გერმანიაში, ბრემენთან ახლოს მდებარე პატარა ქალაქ შტურში, ბოლო ორი თვის განმავლობაში ბანკის გაძარცვის უკვე მეხუთე შემთხვევა დაფიქსირდა. 13 თებერვალს, დაახლოებით შუადღისას, დაუდგენელმა პირებმა Volksbank-ის ადგილობრივი ფილიალის სარდაფში შეაღწიეს, რის შემდეგაც 14 სეიფი გატეხეს და დააცარიელეს.ზარალის ზუსტი ოდენობა ჯერჯერობით უცნობია, რადგან სეიფების შიგთავსი საბანკო საიდუმლოებას წარმოადგენს. პოლიცია დამნაშავეებს ეძებს.მძარცველებმა შენობის სარდაფში გაურკვეველი სითხე გაასხურეს. სავარაუდოდ, სწორედ ამის გამო, დაახლოებით 15:30 საათზე, ბანკის თანამშრომლები შეუძლოდ გახდნენ. ადგილზე მეხანძრეები და მედიკოსები მივიდნენ. ორ თანამშრომელს სამედიცინო დახმარება დასჭირდა, შენობიდან კი ხალხის ევაკუაცია განხორციელდა. სპეციალურმა გაზომვებმა შენობაში სახიფათო ნივთიერებების მომატებული კონცენტრაცია ვერ გამოავლინა.ეს ძარცვა გერმანიაში ბოლო ორი თვის განმავლობაში უკვე მეხუთეა. მანამდე თავდასხმები მოხდა შემდეგ ქალაქებში: ბონი, გელზენკირხენი, ჰალე და ვილჰელმსჰაფენი.ჯერჯერობით არცერთ შემთხვევაში დამნაშავეების დაკავება ვერ მოხერხდა. გამომძიებლები ცდილობენ დაადგინონ, არსებობს თუ არა კავშირი ამ ძარცვებს შორის.

მსოფლიო • 1771135034

ვიქტორ ორბანი აცხადებს, რომ ევროკავშირი უნგრეთისთვის უფრო დიდ საფრთხეს წარმოადგენს, ვიდრე რუსეთი

ვიქტორ ორბანმა განაცხადა, რომ ევროკავშირი უნგრეთისთვის უფრო დიდ საფრთხეს წარმოადგენს, ვიდრე რუსეთი. უნგრეთის პრემიერმა, რომელიც დიდი ხანია აკრიტიკებს უკრაინისთვის გაწეულ ევროპულ სამხედრო დახმარებას რუსეთის აგრესიის ფონზე, მხარდამჭერების წინაშე გამოსვლისას ევროკავშირი მკაცრად გააკრიტიკა.„უნდა შევეჩვიოთ აზრს, რომ მათ, ვისაც თავისუფლება უყვარს, აღმოსავლეთის კი არა, ბრიუსელის უნდა ეშინოდეთ. პუტინით ხალხის დაშინება პრიმიტიული და არასერიოზულია. ბრიუსელი კი ხელშესახები რეალობა და გარდაუვალი საფრთხის წყაროა. ეს მწარე სიმართლეა და ჩვენ ამას არ შევეგუებით“, - განაცხადა მან.ორბანმა აპრილში დაგეგმილ საპარლამენტო არჩევნებზე ბრიუსელი მისი მთავარი მეტოქის - პარტია „ტისას“ ლიდერის, პეტერ მადიარის მხარდაჭერაში დაადანაშაულა და აღნიშნა, რომ ამ პარტიის პოპულარობის ზრდის უკან ევროპარლამენტში ევროპის სახალხო პარტიის ლიდერი მანფრედ ვებერი და ევროკომისიის პრეზიდენტი ურსულა ფონ დერ ლაიენი დგანან.„სრულიად აშკარაა, რომ უნგრეთში ნავთობ ბიზნესი, ბანკირები და ბრიუსელის ელიტა ემზადებიან მთავრობის ჩამოსაყალიბებლად“, - განაცხადა ორბანმა.

ასტროლოგია • 1771094457

ვისთვის სიყვარულის დღე და ვისთვის გამოცდა და შემოწმება - რას ურჩევს ასტროლოგი ზოდიაქოს ყველა ნიშანს

ასტროლოგი ანა მზიანი სოციალურ ქსელში საინტერესო ინფორმაციას აზიარებს ზოდიაქოს ყველა ნიშნისთვის:„სატურნი ვერძში გადავიდა, დღეს, 14 თებერვალს, 04:13-ზე და დარჩება 2028 წლის აპრილამდე. დიდი ხნით არა, როგორც ნეპტუნი, თუმცა, ისეთ რევიზიას ჩაატარებს, ისეთ შეზღუდვებს დააწესებს და ისე წამოარტყამს ცეცხლოვან ვერძებს თავში (სამედიცინო ასტროლოგიაში ვერძის სუსტი ზონა თავია) რომ...ასტროლოგიაში შაბათი სატურნის დღეა, თანაც დღეს მთვარეც სატურნშია და ყველანაირი მითითებაა იმაზე, რომ სატურნზე ვისაუბროთ.ძვირფასებო, პირველ რიგში ვალენტინობას გილოცავთ, აღნიშნავთ თუ არა სიყვარულის დღეს, მუდამ იყოს სიყვარული თქვენს გულებში საკუთარი თავის, ახლობლების და ზოგადად, სამყაროს მიმართ.ახლა ისევ დავიბრუნოთ სერიოზულობა, სატურნი მოითხოვს :)) და ასტროლოგიას დავუბრუნდეთ.სატურნი არის კარმის, დროის მკაცრი მასწავლებელი, სალი კლდე, რომელიც არ გვპატიობს შეცდომებს და რომელიც მკაცრი გამოცდებით გვასწავლის როგორ გამოვასწოროთ შეცდომები და დავსერიოზულდეთ, მოვაწესრიგოთ, შეგვზღუდოს, გამოგვწვრთნას, რათა გავძლიერდეთ, გავკაჟდეთ. სატურნი მოითხოვს გამოვავლინოთ პასუხისმგებლობის გრძნობა იმ სფეროების მიმართ, სადაც თავადაა სტუმრად. ანუ თუ სატურნი ვერძშია, სასწორებს პარტნიორობის თემა გიაქტიურდებათ, თხის რქას - ოჯახის მიმართ მოგეთხოვებათ მზრუნველობა და პასუხისმგებლობა, ხოლო კირჩხიბს - კარიერის თემაში და ა.შ. ნუ დაგვავიწყდება, სატურნი არის კანონი, ხელისუფლება და საკანონმდებლო ორგანო. უხუცესი და მკაცრი შემფასებელი.რა შეიძლება მოიტანოს სატურნის ვერძში გადასვლამ სამყაროში? სატურნი ვერძში დაცემულია. შეიძლება მივიღოთ მკაცრი კანონი, წესრიგის დამყარების სურვილი. მკაცრი და აგრესიული პასუხი მათ დარღვევაზე. იქნება ძალის გამოვლენა კანონის სახელით, შეიძლება ზოგიერთი გეგმა ჩაიშალოს, ადამიანებმა მიიღონ იმპულსური გადაწყვეტილება და ხანგრძლივი კავშირები გაწყდეს. ცვლილებები იქნება სამხედრო საქმიანობაშიც, ომის თემაშიც. არაა გამორიცხულ იყოს პროტესტები, გამკაცრებული, შემზღუდველი წესების და კანონების წინააღმდეგ გამოსვლა. სატურნი ვერძში ცოტა ხნით უკვე იყო 2025 წლის მაისი-სექტემბრის პერიოდში; შეგვამოწმა. გაიხსენეთ რა ხდებოდა თქვენს ცხოვრებაში 1996 წლიდან 1099 წლამდე, სწორედ ამ წლებში იყო სატურნი ვერძში. რა თემაზე მოგიწიათ პასუხისმგებლობის აღებამ? თუ გაიხსენებთ კარგი იქნება.ვინ იგრძნობს სატურნის ვერძში გადასვლას ყველაზე მეტად? რა თქმა უნდა, ვერძები (და ისინი, ვისაც ვერძის პირველ-15 გრადუსში გაქვთ პლანეტები და მნიშვნელოვანი წერტილები) და ისინი, ვისაც პლანეტები და მნიშვნელოვანი წერტილები გყავთ თევზების 27-30 გრადუსში. თუ კირჩხიბის, სასწორის, თხის რქის პირველ-20 გრადუსში და ტყუპის, ქალწულისა და მშვილდოსნის 22-30 გრადუსში გყავთ პლანეტები და მნიშვნელოვანი წერტილები, მეტი ძალისხმევა უნდა გამოავლინოთ სასურველის მისაღწევად. იქნება დაბრკოლებები და შეზღუდვები. ხოლო თუ ლომის, მშვილდოსნის პირველ 20 გრადუსში და კირჩხიბის, მორიელის, თხის რქისა და კუროს 22-30 გრადუსში გყავთ პლანეტები და მნიშვნელოვანი წერტილები, ცოტა მეტად გაგიმართლებთ, თუმცა, სერიოზულობისა და პასუხისმგებლობის გამოვლენა აუცილებლად მოგეთხოვებათ. სატურნის გადასვლაზე ვერძში ცოტათი უკვე შევეხე თებერვლის ასტროლოგიურ პროგნოზში, მაგრამ ახლა ვეცდები, ცოტა უფრო ვრცლად აგიხსნათ რას მოგიტანთ სატურნში ვერძის გადასვლა და რას უნდა მიაქციოთ ყურადღება. წაიკითხეთ პროგნოზი თქვენი მზისა და ასცენდენტის ნიშნების მიხედვით და გაიხსენეთ, თავად სად გყავთ სატურნი და რას მოითხოვს თქვენგან: ვერძი: ძვირფასებო, სატურნის სტუმრობა იოლი და ხუმრობა ნუ გგონიათ. უნდა გახდეთ სერიოზული, მკაცრი და გამოავლინოთ პასუხისმგებლობა. მოგიწევთ დროისა და წესების დაფასება. ისეთი ჯიუტი და თავისნათქვამა ვეღარ იქნებით; სატურნმა რქებუნები რომ არ წაგამტვრიოთ. შეიძლება დაიწყოთ წონის კლება, რაღაც აკრძალვები და შეზღუდვები დაუწესოთ საკუთარ თავს. ზოგიერთი დაიწყებთ ვარჯიშს. ხანდახან შეიძლება მოგეჩვენოთ, რომ მარტოსული ხართ ან თავად მოგინდებათ განმარტოება; გარშემო მყოფებისთვის კი ცივი და მკაცრი გახდებით. ზოგიერთი დაიწყებთ მკაცრი სამოსის, ფორმის ჩაცმას. რადგან სატურნი თქვენს ნიშანშია, ეცადეთ, მეტი დრო და რესურსი ჩადოთ თქვენს პიროვნულ განვითარებაში, ახლა დაიწყეთ იმის კეთება, რაც გსურთ, რომ მომავალში თქვენი პროფესია გახდეს. კურო: თქვენ ძალიან გიჭირთ რაღაცის მოშორება, რაღაცასთან განშორება, შეჩვეული ჭირი გირჩევიათ და სატურნი მოგაცილებთ ყველაფერ ზედმეტს, რასაც არ მოაქვს სარგებელი. უმეტესობა გათავისუფლდებით უსაფუძვლო შიშებისა და ნერვიულობისგან. მოხდება ღირებულებების გადაფასება და მიხვდებით, რომ იმაზე უკეთესი ხართ, ვიდრე გეგონათ. გაფრთხილდით, რომ არ გაგირთულდეთ ქრონიკული დაავადებები. დაუთმეთ მეტი დრო დასვენებას, გამოძინებას, ჩაიტარეთ მკურნალობის სრული კურსი. შეზღუდეთ მავნე საკვების მიღება აგრეთვე, უარი თქვით ყველა მავნე ჩვევასა და თვისებაზე. დანერგეთ სასარგებლო ჩვევები, მიიღეთ ნატურალური ვიტამინები და მინერალები. 2028 წლის აპრილში სატურნი თქვენს ნიშანში გადმოვა და მას მომზადებული, გაზრდილი და დასერიოზულებული უნდა დახვდეთ. ზოგიერთს უფრო მეტად მოგინდებათ განმარტოება, ასკეტურობა, ზოგიერთმა კი შეიძლება განმარტოებით (ან დახურულ დაწესებულებაში) მოინდომოთ მუშაობა. თუ ფარული შემოსავალი გაქვთ ან სასიყვარულო ურთიერთობა, ან მოიშორებთ, ან დააკანონებთ. ზოგიერთს ამ პერიოდში შორეულ ქვეყნებში მოგზაურობა გაგიტაცებთ ან კლდოვან, ცივ ადგილებში. ტყუპი: ჩამოაყალიბეთ, რისი მიღწევა გსურთ მომავალში, რა უნდა გააკეთოთ ახლა, რომ მომავალში მიიღოთ შედეგი. თუ პროექტის განხორციელებას აპირებთ ან ახალი ბიზნესის დაწყებას, გვერდით დროით გამოცდილი, სერიოზული პარტნიორები უნდა გყავდეთ. ნუ გგონიათ, რომ იოლად მიიღებთ რამეს, თუმცა, გამარჯვება სტაბილური და ხანგრძლივი იქნება და დიდი ხნის განმავლობაში მოგიტანთ სარგებელს. აქტიურად გამოიყენეთ თქვენი საქმიანობისთვის ინტერნეტი, მომავლის ტექნოლოგიები. კარგი იქნება ახალი პროფესიის ათვისება. თუ შეყვარებული ხართ, გაასერიოზულებთ ურთიერთობას, ზოგიერთს კი მეორე ოფიციალური ქორწინება გელოდებათ. ხოლო, თუ თავისუფალი ხართ, მეგობრებს სთხოვეთ, რომ გაგაცნონ სატურნის შესაფერისი პიროვნება. კირჩხიბი: სატურნი კარიერის თემას დაგილაგებთ. მეტი პასუხისმგებლობა უნდა გამოავლინოთ. სამსახურში მოიმატებს ვალდებულებები; დაწინაურდებით, მაგრამ ცოტა ხანში მიხვდებით, რომ ზედმეტი ტვირთი წამოიკიდეთ ზურგზე. ოფისში შეიძლება იყოს მოულოდნელი და მკაცრი შემოწმება. გარდა ამისა, თუ შეყვარებული ხართ, ახლა უნდა დააკანონოთ ურთიერთობა, ოფიციალური გახადოთ ან თუ დაშორებული ხართ, - ოფიციალურად განქორწინდეთ. თუ სწავლობთ, უნდა მიიღოთ საბუთი. ანუ ყველა სფერო, რაც სტატუსს შეეხება, უნდა იყოს იურიდიულად დამოწმებული და დაკანონებული. თავად უნდა გამოავლინოთ მოთმინება, პასუხისმგებლობა, უნდა გაიზარდოთ და წესებიც უნდა დაიცვათ; ბუტიაობა და ჭირვეულობა აღარ გაგივათ. პატივი ეცით ასაკით და თანამდებობით უფროს ადამიანებს. ლომი: სატურნი ვერძიდან გეხმარებათ უცხოელებთან და საზღვარგარეთ საქმეებისა და ურთიერთობების გაუმჯობესებაში. თავად თქვენგან ითხოვს პასუხისმგებლობას უცხოეთის თემების (სწავლა, სიყვარული, მოგზაურობა), იურიდიული საკითხების (დოკუმენტების გაფორმება) და პედაგოგობის მიმართ. კარგი დროა, რომ სერიოზულად მოეკიდოთ უცხო ენის შესწავლას, გაასერიოზულოთ რომანტიკული ურთიერთობა უცხოელ პარტნიორთან (ოფიციალურად დაარეგისტრიროთ), გააბათ საზღვარგარეთ საქმიანი კავშირები ან სულაც გაემგზავროთ სამუშაოდ, საცხოვრებლად, დასაფუძნებლად. თუ პედაგოგიურ საქმიანობას ეწევით, მეტი პასუხისმგებლობა და ვალდებულება უნდა გამოავლინოთ. ზოგიერთი გადაწყვეტთ, რომ მიიღოთ უმაღლესი განათლება ან აიღოთ დიპლომი. თუ შვილიშვილები გყავთ, მეტი დრო უნდა დაუთმოთ მათ აღზრდას. ქალწული:დაკვირვებით და დროულად უნდა გადაიხადოთ გადასახადები და ვალები. შეიძლება შეგიწყდეთ ფულადი დახმარება სახელმწიფოსგან ან პარტნიორისგან ან შეიძლება თქვენს პარტნიორს შეეზღუდოს ფინანსები. მაქსიმალურად დაკვირვებული უნდა იყოთ საბანკო საკითხების მოგვარებისას. თუ რამის ყიდვას აპირებთ განვადებით, ეს უნდა იყოს სერიოზული ფულის დაბანდება (თუნდაც, უძრავ იქნებაში, სწავლაში) და არა გასართობი ნივთი. კარგი იქნება, თუ დაიწყებთ ფულის მოგროვებას, მცირედ თანხასაც კი. ფულის დაბანდებას თუ აპირებთ, იურიდიულად გააფორმეთ ყველაფერი, ძალიან ახლობლებთანაც რომ გიწევდეთ პარტნიორობა. სასწორი:დღეიდან სხვებზე გადაყოლილი ვეღარ იქნებით. ახლა იოლად ჩამოიცილებთ ყველა იმ ადამიანს, პარტნიორი იქნება, მეგობარი თუ კლიენტი, ვინც არ გაფასებთ ან ბოროტად სარგებლობს თქვენი სიკეთით. გამყარდება ურთიერთობა იმ ადამიანებთან, ვინც თქვენი ერთგულია და ერთ იდეას, საქმეს ემსახურებით. სამსახურშიც და ოჯახშიც გადაანაწილეთ ვალდებულებები ანუ თქვენი საყვარელი ოქროს შუალედი უნდა დაიცვათ. სხვებთან უფრო მომთხოვნი უნდა იყოთ და თავადაც გამოავლინოთ პასუხისმგებლობა. თუ შეყვარებული ხართ, გადაწყვეტთ ოფიციალურად დაქორწინებას, თუ სამსახურში არ გაფასებენ, დროა წამოხვიდეთ. ხოლო, თუ მეუღლესთან ცხოვრება გახდა აუტანელი, - დაშორდეთ. ზოგიერთს პარტნიორის გამო ან თავად მან შეიძლება გარკვეული შეზღუდვა დაგიწესოთ. მორიელი:სატურნი მოგიწესრიგებთ სამსახურის და ყოველდღიური ვალდებულებების თემას. მეტი დაკვირვება გმართებთ ჯანმრთელობის მიმართაც. გაიუმჯობესეთ ძილისა და კვების რეჟიმი (კარგი იქნება, თუ აუკრძალავთ საკუთარ თავს მავნე პრიდუქტების ჭამას); ხშირად ისეირნეთ სუფთა ჰაერზე და ნურც მსუბუქ ვარჯიშს დაივიწყებთ. იზრუნეთ ძვალ-სახსროვან სისტემაზე, თმასა და კვებაზე. სამსახურში მოერიდეთ კოლეგებთან სიცივეს, დისტანციას. გამოავლინეთ პასუხისმგებლობა დაკისრებული ვალდებულებების მიმართ, მაგრამ სხვის საქმეებს თქვენ ნუ გააკეთებთ. შეიძლება დაგემატოთ ვალდებულება და ზოგჯერ თავი შეზღუდულადაც კი იგრძნოთ დამატებითი საქმეების გამო; იქნება ბევრი შემოწმება. ამიტომ, თუ ბუღალტერი ხართ, ეცადეთ, დოკუმენტები წესრიგში გქონდეთ. ზოგიერთი სახლში საოპერაციოსმაგვარ სისუფთავეს დაამყარებს, ზოგი კი სახლიდან ძველ, დაზიანებულ ნივთებს მოიცილებს. მშვილდოსანი:უფრო სერიოზული უნდა გახდეთ პირადი ურთიერთობების მიმართ. შეიძლება შეამციროთ ან საერთოდ უარი თქვათ რომანტიკულ თავგადასავალზე. ზოგიერთი კი დაშორდეთ კიდეც პარტნიორს ან გაასერიოზულოთ და მეტად იზრუნოთ საყვარელ ადამიანზე. პასუხისმგებლობა უნდა გაასმაგოთ შვილების მიმართაც. დაეხმარეთ მათ სირთულეების გადალახვაში. ზოგიერთ შემთხვევაში მათ შეიძლება რაღაც აუკრძალოთ, შეუზღუდოთ კიდეც, მათივე კეთილდღეობისთვის. კარგი იქნება, თუ შვილის სახელზე გახსნით ანაბარს. შეამცირეთ გართობა და განსაკუთრებით, აზარტული თამაშები. თუ გაქვთ ჰობი გაასერიოზულეთ, რათა მიიღოთ მატერიალური სარგებელი და წარმატება მისგან. ან თუ ხვდებით, რომ მასზე ბევრი ფული გეხარჯებათ, მოგება კი არ მოაქვს, მოიცილეთ. აგრეთვე, მოიცილეთ ყველაფერი, რაც გართმევთ სიხარულის, სიამოვნების განცდას, ფულს. თხის რქა: სატურნი თქვენი მმართველია და შესისხლხორცებული გაქვთ პასუხისმგებლობის გრძნობაც და ვალდებულებებისაც. მაგრამ ახლა, მომდევნო 2 წლის განმავლობაში, ყურადღება ოჯახზე, უძრავ ქონებაზე, ოჯახის წევრებთან და ნათესავებთან ურთიერთობაზე უნდა მიმართოთ. მოაწესრიგეთ საოჯახო არქივი, საბინაო დოკუმენტები. მოგემატებათ პასუხისმგებლობა და ვალდებულება თუნდაც დაქორწინებთ, პარტნიორზე ზრუნვით. კარგი იქნება, შეიძინოთ უძრავი ქონება, დაფუძნდეთ (ან თუ უცხოეთში ხართ, მიიღოთ ოფიციალურად ცხოვრების/მუშაობის დოკუმენტი); ბინაში გააკეთოთ რემონტი ან გადააადგილოთ ავეჯი. ზოგიერთი კი მოემზადოთ შვილის დაბადებისთვის და მოაწყოთ საბავშვო ოთახი. ერთ-ერთი ოჯახის წევრი კი შეიძლება სახლიდან წავიდეს (უცხოეთში გაემგზავროს ან დაქორწინდეს, სხვაგან გადავიდეს საცხოვრებლად). ზოგიერთი სახლში გადაწყვეტთ მუშაობას და გამოყოფთ ბინაში ადგილს, სადაც იმუშავებთ, მოიწყობთ ოფისს, კაბინეტს. მერწყული: სატურნი თქვენი ერთ-ერთი მმართველია და თქვენც დაბადებიდან იცით რას ნიშნავს ვალდებულებები და პასუხისმგებლობა. ახლა ყურადღება უნდა მიაქციოთ თქვენს ურთიერთობებს და-ძმებთან, მეზობლებთან, შეიძლება მათ თქვენი მზრუნველობა სჭირდებათ ან ცოტა სიმკაცრე უნდა გამოამლინოთ. აგრეთვე მიაქციეთ ყურადღება სწავლას, იქნება ეს სასწავლო, თუ კვალიფიკაციის ასამაღლებელი კურსები, ავტომობილის მართვის. ხოლო, თუ თავად გადაწყვეტთ პედაგოგობას, მაქსიმალური დაკვირვება, პასუხისმგებლობა და ზოგჯერ სიმკაცრეც უნდა გამოავლინოთ. თუ გიწევთ ინფორმაციის გავრცელება, გადაამოწმეთ ფაქტები. თუ ბიზნესის დაწყებას აპირებთ, სატურნის ყველა თვისება უნდა გამოავლინოთ. მართალია, შედეგი მომენტალური არ იქნება, მაგრამ საქმიანობა იქნება ხანგრძლივი, დროს გაუძლებს და სტაბილური. სატურნი კი კარგ ასპექტს აკეთებს თქვენს ნიშანთან და როგორც უკვე გითხარით, თქვენი ერთ-ერთი მმართველიცაა, მაგრამ ნუ გაგიკვირდებათ, თუ შეგიზღუდავთ კომუნიკაციას არასაჭირო ადამიანებთან. თუ საბუთები გაქვთ გასაფორმებლი ან დოკუმენტები შესადგენი - ზედაპირულობას და დაუკვირვებლობას სატურნი არ გაპატიებთ. თევზები: აბა როგორხართ, ჩემო ძვირფასებო? სატურნი ბოლო 2 წლის განმავლობაში თქვენს ნიშანში იყო და გარკვეული შეზღუდვა, აკრძალვა და სიმკაცრე უნდა მოეტანა თქვენთვის. სატურნი დღეს უკვე მოგშორდებათ, თუმცა ახლა მკაცრი მასწავლებელი თქვენი ფინანსების სფეროში გადადის და იქ დაგიდგენთ ახალ წესებს. ისწავლით ფულის გადანაწილებას, ბიუჯეტის დაგეგმვას, ფულის ფლანგვას კი გადაეჩვევით. კარგი იქნება, თუ დაიწყებთ ფულის მოგროვებას. თუ მომსახურების სფეროში საქმიანობთ, გამოავლინეთ პასუხისმგებლობა და ვალდებულება. ზოგიერთს შეიძლება შეგეზღუდოთ სხვის ხარჯზე ცხოვრება, დახმარება. აწარმოეთ აღრიცხვა, ვის ასესხეთ ფული, ან ვინ უნდა გადაგიხადოთ და როდის უნდა ჩაგაბარონ. კარგი იქნება, თუ დაიცავთ მსუბუქ დიეტას, თუ მეტად იზრუნებთ საკუთარ ძვლოვან სისტემაზე, ივარჯიშეთ, მაგრამ მსუბუქად, ზურგის, მუხლების გასაძლიერებლად,-წერს ანა მზიანი.

საზოგადოება • 1771048920

ჰაერი თითქოს სასწაულების, აღსარების და თბილი სიტყვების მოლოდინითაა გაჟღენთილი... - დღეს ლოცვებს განსაკუთრებული ძალა აქვს

14 თებერვალი ისეთი დღეა, როდესაც ჰაერი თითქოს სასწაულების, აღსარების და თბილი სიტყვების მოლოდინითაა გაჟღენთილი. თუმცა, მართლმადიდებელი მორწმუნეებისთვის ეს თარიღი მნიშვნელოვანია არა მხოლოდ მისი რომანტიკული ატმოსფეროთი: ეკლესიის კალენდარში ის აღინიშნება, როგორც წმინდა მოწამე ტრიფონის ხსენების დღე - დღესასწაული, რომელიც მეცხოველეობის, სოფლის მეურნეობისა და ადამიანების მფარველ წმინდანს აღნიშნავს. ამ დღესთან დაკავშირებულია განსაკუთრებული ლოცვები განკურნებისა და დახმარებისთვის რთულ ვითარებაში, ასევე მრავალი ხალხური ტრადიცია, ცრურწმენა და ტაბუც კი.როგორ უნდა აღვნიშნოთ ეს დღე სწორად, რა არის ჩვეულებრივი წმინდა ტრიფონისთვის თხოვნა და რა წეს-ჩვეულებები დაგეხმარებათ კეთილდღეობისა და იღბლის მოზიდვაში თქვენს ცხოვრებაში.ძირითადი ტრადიციები და მკითხაობა ტრიფონის დღეს14 თებერვალი ისეთი თარიღია, რომელიც საოცრად ერწყმის თანამედროვე დღესასწაულებსა და უძველეს ხალხურ წეს-ჩვეულებებს. ვალენტინობის დღესთან ერთად, ტრიფონის დღე ასევე ახსოვთ ფოლკლორში - დრო, როდესაც ჩვენი წინაპრები ასრულებდნენ განსაკუთრებულ რიტუალებს და სწამდათ შელოცვებისა და ნიშნების ძალის.ერთ-ერთი ყველაზე ცნობილი ტრადიცია თაგვების მოშორების რიტუალები იყო. ძველად, მკურნალები და პატივცემული უხუცესები სახლებს სტუმრობდნენ: ისინი თაგვების ბუნაგებიდან თივის შეკვრებს ან გროვებს იღებდნენ, მათზე შელოცვებს ჩურჩულებდნენ და სოროში აბრუნებდნენ. შემდეგ თივას ღუმელში წვავდნენ, ფერფლს კი სათესლეში ყრიდნენ, რადგან გულწრფელად სწამდათ, რომ ამ რიტუალის შემდეგ მღრღნელები სამუდამოდ დატოვებდნენ ფერმას.ფრინველების მეშვეობით მკითხაობა არანაკლებ პოპულარული იყო. გოგონები ყურადღებით აკვირდებოდნენ ფრინველებს, რადგან სჯეროდათ, რომ შემთხვევით შეხვედრას შეეძლო მათი ბედის წინასწარმეტყველება. მაგალითად, ბეღურა ახალგაზრდა, სიმპათიურ და ენერგიულ საქმროს ჰპირდებოდა, ხოლო ყორანი უფრო მკაცრ და მოწიფულ ცხოვრების პარტნიორს.მკითხაობა ოჯახური ბედნიერებისთვისქალებისთვის, რომლებიც შვილზე ოცნებობდნენ, მაგრამ დაორსულების სირთულეებს განიცდიდნენ, განსაკუთრებული რიტუალი არსებობდა. ტრიფონის დღეს მათ ურჩევდნენ ყვავილების თაიგული ჩაეგდოთ ტბორში, სადაც ყინული ჯერ კიდევ იდგა და წმინდა ტრიფონისთვის ელოცათ. ითვლებოდა, რომ ეს რიტუალი ოჯახურ ბედნიერებას და დიდი ხნის ნანატრ დედობას მოჰქონდა სახლში.ქორწინება და სიყვარულიგანსაკუთრებით მნიშვნელოვანი იყო ქორწინების წეს-ჩვეულებები. ტრიფონის დღეს დაქორწინებული წყვილები თვლიდნენ, რომ მათი კავშირი ძლიერი და ხანგრძლივი იქნებოდა. ხოლო შეყვარებულები, რომლებიც 14 თებერვალს ერთმანეთს ერთგულებას შეჰფიცებდნენ, იმედოვნებდნენ, რომ ვერანაირი განსაცდელი ვერ გაანადგურებდა მათ გრძნობებს.წმინდა ტრიფონის დღე დღესაც განსაკუთრებულ დროდ რჩება, როდესაც უძველესი რწმენა-წარმოდგენები, წეს-ჩვეულებები და ნიშნები თანამედროვე ცხოვრებას ერწყმის და ოჯახურ ტრადიციებსა და ხალხურ მეხსიერებაში აგრძელებს არსებობას.რას ევედრებიან ადამიანები წმინდა ტრიფონსწმინდა ტრიფონს დიდი ხანია პატივს სცემენ, როგორც სწრაფ დამხმარეს და შუამავალს ცხოვრების სხვადასხვა განსაცდელში. ადამიანები მას ლოცვით მიმართავენ, როდესაც განსაკუთრებით სჭირდებათ მხარდაჭერა, დაცვა და წარმატებული შედეგის იმედი. ყველაზე ხშირად, მორწმუნეები მას შემდეგს სთხოვენ:ავადმყოფობისგან განკურნებაადამიანები წმინდა ტრიფონს ევედრებიან ფიზიკური დაავადებებისა და ფსიქიკური შფოთვისთვის, რთულ დროს - ჯანმრთელობას, ძალასა და ნუგეშს სთხოვენ.დაცვა ბოროტისა და ბნელი ძალებისგანის სულიერ ბრძოლაში ძლიერ შუამავლად ითვლება, ამიტომ ადამიანები მას მიმართავენ ბოროტი გავლენისგან, შურისა და ბოროტი აზრებისგან დასაცავად.კარგი მოსავლისა და შრომის კურთხევისთვისფერმერებისა და სახლის მეპატრონეების ლოცვებს განსაკუთრებული ადგილი უჭირავს: ისინი წმინდანს ნაყოფიერებას, წარმატებას სახლში და წარმატებას ყოველდღიურ საქმიანობაში სთხოვენ.სამსახურისა და ფინანსური საკითხების დახმარებისთვისადამიანები მას მიმართავენ ღირსეული პოზიციის მოსაძებნად, ასევე ვალებისა და ფინანსური სირთულეების დაძლევაში დახმარების თხოვნით.საბინაო საკითხებისთვისმორწმუნეები წმინდანს დახმარებას სთხოვენ საცხოვრებლის შეძენაში ან პოვნაში, ასევე სახლში სიმშვიდისა და კეთილდღეობისთვის.სიყვარულისა და მშვიდობისთვის ურთიერთობებშილოცვები ასევე ისმის მათგან, ვინც ოცნებობს სიყვარულის პოვნაზე, გრძნობების შენარჩუნებაზე ან საყვარელი ადამიანის რთული ბუნების შერბილებაზე ოჯახში ურთიერთგაგების დამყარებით.

მსოფლიო • 1771016008

პრეზიდენტი ტრამპი პუტინისგან ცეცხლის ორი-სამი თვით შეწყვეტის პირობას თუ მომცემს, არჩევნებს ჩავატარებთ - ვოლოდიმირ ზელენსკი

ამერიკული ზეწოლა უკრაინაში ვლადიმერ პუტინის ომის დასრულების გასაღებია, – ამის შესახებ უკრაინის პრეზიდენტმა, ვოლოდიმირ ზელენსკიმ „პოლიტიკოს“ ჟურნალისტს მიუნხენის უსაფრთხოების კონფერენციის ფარგლებში განუცხადა.მისი თქმით, ამის გარეშე რუსეთის პრეზიდენტი, ნაკლებად სავარაუდოა, მშვიდობისთვის აუცილებელ კომპრომისებზე წავიდეს.„ის უარს იტყვის. დღეს ერთი მიზეზით, ხვალ მეორე მიზეზით და ა.შ. ჩვენ მასზე ზეწოლა გვჭირდება. პუტინი ამ ომს შეაჩერებს, თუ მასზე რეალური ზეწოლა იქნება. გულწრფელად რომ ვთქვათ, დღეს მხოლოდ უკრაინა იცავს ევროპას. დღეს მხოლოდ ევროპა აძლევს ფულს და ეხმარება უკრაინას. დღეს მხოლოდ შეერთებულ შტატებს შეუძლია პუტინის შეჩერება. რასაც მე ვხედავ, ისინი მეტ სიგნალს იძლევიან, რომ უკრაინა უნდა წავიდეს კომპრომისზე და არა – რუსეთი. ვფიქრობ, რომ ეს სწორი პოზიცია არ არის“, – განაცხადა მან.ჟურნალისტის შეკითხვაზე, გეგმავს თუ არა უკრაინაში საპრეზიდენტო არჩევნების დანიშვნას, ზელენსკიმ განაცხადა, რომ ამას გააკეთებს, თუ მიიღებს პირობას, რომ პუტინი ომს თუნდაც რამდენიმე თვით შეაჩერებს, რისთვისაც ის დახმარებას აშშ-ის პრეზიდენტს სთხოვს.„პრეზიდენტი ტრამპი პუტინისგან ცეცხლის ორი, სამი თვით შეწყვეტის პირობას თუ მომცემს, არჩევნებს ჩავატარებთ“, – განუცხადა ზელენსკიმ „პოლიტიკოს“.

რჩევები • 1771006445

14 თებერვალს აღვლენილი ლოცვები განმკურნებლად მიიჩნევა

მსოფლიო • 1770995760

უკრაინის საგარეო საქმეთა მინისტრი აცხადებს, რომ ჩინეთს შეუძლია ომის დასრულებაში დახმარება

უკრაინის საგარეო საქმეთა მინისტრმა, ანდრიი სიბიგამ განაცხადა, რომ მან თავისი ჩინელი კოლეგა უკრაინაში მიიწვია და დასძინა, რომ პეკინს შეუძლია დაეხმაროს რუსეთთან ოთხწლიანი ომის დასრულებაში.„ჩინეთს შეუძლია მნიშვნელოვანი როლი შეასრულოს უკრაინისთვის სამართლიანი მშვიდობის დამყარებაში“, - განუცხადა სიბიგამ უკრაინულ ტელეარხ Novyny Live-ს, მიუნხენის უსაფრთხოების კონფერენციის ფარგლებში ჩინეთის საგარეო საქმეთა მინისტრ ვან ისთან შეხვედრის შემდეგ.„ჩვენ ვაფასებთ ჩინეთის მხარდაჭერას უკრაინის ტერიტორიული მთლიანობისა და სუვერენიტეტის მიმართ; ჩვენ გვქონდა ძალიან შინაარსიანი და პრაგმატული საუბარი“, - აღნიშნა უკრაინის საგარეო უწყების ხელმძღვანელმა.ვან იმ განაცხადა, რომ ჩინეთი „მზად არის უკრაინას ახალი ჰუმანიტარული დახმარება გაუწიოს“, თუმცა კიევში ვიზიტის შესახებ მიწვევა საერთოდ არ უხსენებია.

პოლიტიკა • 1770984960

სოფო ხორგუანი: მოვუწოდებთ ირაკლი კობახიძეს, გაიწვიოს ეროვნული ინტერესების საწინააღმდეგო გადაწყვეტილება და სოხუმის სახელმწიფო უნივერსიტეტის სტატუსი შენარჩუნდეს იმ ფორმით, რაც დღეს აქვს

სოხუმის სახელმწიფო უნივერსიტეტის შენარჩუნებას აქვს მორალური, ჰუმანური და პოლიტიკური მნიშვნელობა, ეს არის აფხაზეთთან ჩვენი ერთიანობის სიმბოლო, – ამის შესახებ პარტია „გახარიას საქართველოსთვის“ წევრმა, დეპუტატმა სოფო ხორგუანმა განაცხადა.მისივე თქმით, სტუდენტთა კვოტების განსაზღვრის გადაწყვეტილებით სოხუმის სახელმწიფო უნივერსიტეტის ლიკვიდაციის პროცესი იწყება, რაც თითოეული დევნილისთვის სილის გაწვნაა.„აფხაზეთი საქართველოა! გვინდა, გამოვეხმაუროთ ირაკლი კობახიძის ანტიეროვნულ, ანტიქართულ გადაწყვეტილებას, რომელიც ზურაბ ადეიშვილის მოადგილემ, გივი მიქანაძემ გაახმოვანა. ამ გადაწყვეტილებით იწყება სოხუმის სახელმწიფო უნივერსიტეტის ლიკვიდაციის პროცესი, რეალურად, ლიკვიდაცია ჰქვია, რასაც გვთავაზობენ. არადა, ირაკლი კობახიძემ დადო საჯარო დაპირება, როცა პარლამენტში იყო მოსული და ჩვენს კითხვას უპასუხა, თუ რას უპირებდა ომგადატანილ, დევნილ უნივერსიტეტს. კობახიძემ თქვა, რომ შეინარჩუნებდნენ. აქვე, ყოველ ჯერზე ახსენებდნენ ისტორიული გამოცდილებით არსებულ პროფილს, მაგრამ ირაკლი კობახიძემ ამჯერადაც მოიტყუა. სოხუმის სახელმწიფო უნივერსიტეტი არ არის მხოლოდ განათლების კერა. ჩვენ გვყავს აფხაზეთის მთავრობა დევნილობაში, მაგრამ სოხუმის უნივერსიტეტის მნიშვნელობა ბევრად მეტია. საქართველოს დამოუკიდებლობისა და თავისუფლებისთვის ბრძოლა ყოველთვის იყო განათლების უფლებისთვის ბრძოლასთან გათანაბრებული! სოხუმში ქართული უნივერსიტეტის დაფუძნებას სამშობლოს მოყვარული ადამიანების სიცოცხლე შეეწირა. უკვე ომგადატანილმა დევნილებმა წვალებით 1993 წლის ნოემბერში აღადგინეს თბილისში და დღემდე მოიტანეს. 500-მდე პროფესორ-მასწავლებელი და 3 ათასამდე სტუდენტი ჰყავს დღეს.სოხუმის სახელმწიფო უნივერსიტეტის შენარჩუნებას აქვს მორალური, ჰუმანური და პოლიტიკური მნიშვნელობა. ეს არის მეხსიერების ადგილი, იდენტობის შენარჩუნების და გადარჩენის ადგილი, სიმბოლო ჩვენი ერთიანობის აფხაზეთთან. ეს არის ადგილი, რომელმაც გადაარჩინა ბევრი დევნილი იმ საშინელ წლებში. გადარჩენა მხოლოდ ფიზიკური გადარჩენა არ არის. ეს არის სილის გაწვნა თითოეული დევნილისთვის. დევნილისთვის, რომელიც ყოველდღე ცხოვრობს იმედით, რომ სახლში, აფხაზეთში დაბრუნდება. რას სთვაზობენ დევნილებს, მიზერულ დახმარებას და წლობით რიგში დგომას ბინებისთვის და ამ პროცესშიც პოლიტიკური კორუფცია გვაქვს. რას ეუბნება ამ გადაწყვეტილებით ირაკლი კობახიძე დევნილებს, რომლებიც ოცნებობენ შინ დაბრუნებაზე, რომ იქ ჩაიტანონ ცოდნა და გამოცდილება, წვლილი შეიტანონ სამშობლოს აღორძინებაში? მოვუწოდებთ ირაკლი კობახიძეს, გაიწვიოს ეს ეროვნული ინტერესების წინააღმდეგ მიმართული გადაწყვეტილება და სოხუმის სახელმწიფო უნივერსიტეტის სტატუსი შენარჩუნდეს იმ ფორმით, რაც მას აქვს დღეს. კიდევ ერთხელ, აფხაზეთი საქართველოა! როგორც ჩანს, ხშირად უნდა შევახსენოთ ძალაუფლების მიმტაცებლებს. ჩვენ დავბრუნდებით აფხაზეთში, დავიბრუნებთ აფხაზებს და ერთად ავაშენებთ ერთიან და განვითარებულ საქართველოს! და საქართველო იმარჯვებს! აფხაზეთი საქართველოა“, – განაცხადა ხორგუანმა.

პოლიტიკა • 1770906000

დავით ქართველიშვილი: თბილისთან სულ სხვა ტიპის ურთიერთობები აქვს დღეს აშშ-ს, რაც დაკავშირებულია როგორც შეხვედრებთან როგორც სამუშაო ისე არაოფიციალურ ჭრილში, ისე სპეცსამსახურების შეფის და უფროსის ძალიან წარმატებულ ვიზიტთან

თბილისთან სულ სხვა ტიპის ურთიერთობები აქვს დღეს აშშ-ს, რაც დაკავშირებულია როგორც შეხვედრებთან როგორც სამუშაო ისე არაოფიციალურ ჭრილში, ისე სპეცსამსახურების შეფის და უფროსის ძალიან წარმატებულ ვიზიტთან აშშ-ში, - აცხადებს პარტია „ხალხის ძალის“ წევრი დავით ქართველიშვილი „დღის ქრონიკაში“.ქართველიშვილი სომხეთში ჯეი დი ვენსის ვიზიტს გამოეხმაურა.„როგორ უნდა მიხაროდეს ის 9-მილიარდიანი ინვესტიცია სომხეთის ატომურ ენერგეტიკაში, საიდანაც 5 მილიარდი სომხეთს აქვს გადასახდელი ამერიკისთვის შესაბამისი ტექნოლოგიური ინფრასტრუქტურის შესაძენად?! უდიდეს ნაწილს ისევ მოსკოვიდან შეისყიდიან. შემდგომი ბოლო 4 მილიარდი განაწილებულია წლების განნმავლობაში და ისევ სომხებს აქვთ გადასახდელი ამერიკისთვის. ამას ვეძახი ამერიკულ დახმარებას, რომელიც სჯობს, რომ არ გქონდეს. თუნდაც ის პროტოკოლური ხასიათის ღონისძიება, გენოციდის მემორიალთან მისვლა, რომელიც მომენტალურად გააქრო დი ვენსმა თავისი „ტვიტერიდან“ და ფაქტობრივად ესეც კი ფარსად გადააქცია. შეიძლება მეზობელ ქვეყანაში მსგავსი ვიზიტი რამე პოზიტიური კუთხით დავახასიათო, ან ვინატრო, რომ მსგავსი სულისკვეთებით რატომ არ ეწვია დივენსი თბილისს?! თბილისთან სულ სხვა ტიპის ურთიერთობები აქვს დღეს აშშ-ს, რაც დაკავშირებულია როგორც შეხვედრებთან როგორც სამუშაო ისე არაოფიციალურ ჭრილში, ისე სპეცსამსახურების შეფის და უფროსის ძალიან წარმატებულ ვიზიტთან აშშ-ში“, - აღნიშნა ქართველიშვილმა.

მსოფლიო • 1770895221

გერმანიის თავდაცვის მინისტრი: პარტნიორებმა უნდა გადახედონ საკუთარ მარაგებს და თუ იქ არაფერი დარჩა, რისი მიწოდებაც უკრაინისთვის იქნება შესაძლებელი, მაშინ საქმე ფულის გამოყოფაშია

გერმანიის თავდაცვის მინისტრმა ბორის პისტორიუსმა პარტნიორების მიერ უკრაინის დახმარებაზე გააკეთა განცხადება და აღნიშნა, რომ მათ საკუთარ მარაგებს უნდა გადახედონ.პისტორიუსის თქმით, თუ პარტნიორები აღმოაჩენენ, რომ მარაგები ამოეწურათ, მათ უკრაინას ფინანსური დახმარება უნდა გაუწიონ, ისე, როგორც გასულ წელს."ყველა პარტნიორი უფრო ინტენსიურად უჭერს მხარს უკრაინას და მათ კიდევ ერთხელ უნდა გადახედონ საკუთარ მარაგებს, რათა გადაწყვიტონ, რა შეგვიძლია გავაკეთოთ. თუ მათ მარაგებში არაფერი დარჩა, რისი მიწოდებაც უკრაინისთვის იქნება შესაძლებელი, საქმე ფულის გამოყოფას ეხება. გასულ წელს 1 მილიარდი ევროს მოზიდვა მოვახერხეთ", - განაცხადა გერმანიის თავდაცვის მინისტრმა.