მსოფლიო • 1749304296

პარაშუტით ფრენისას მოულოდნელად უსაფრთხოების ქამარი გახსნა... - ტრაგედია, რომელსაც 19 წლის მოდელი ემსხვერპლა

19 წლის სერბი გოგონა მონტენეგროს ქალაქ ბუდვაში მომხდარი უბედური შემთხვევის შედეგად გარდაიცვალა, ის პარაშუტით ფრენის დროს პანიკაში ჩავარდა, უსაფრთხოების ღვედი შეიხსნა და ადრიატიკის ზღვაში 50 მეტრზე მეტი სიმაღლიდან ჩავარდა.შემთხვევა გასულ კვირას ბუდვას სანაპიროზე მოხდა. გოგონას, სახელად ტიიანა რადონიჩს ადგილობრივმა ტურისტულმა სააგენტომ სარეკლამო ვიდეორგოლის გადაღების სანაცვლოდ უფასო ფრენა შესთავაზა.თვითმხილველები ამბობენ, რომ დაცემამდე ცოტა ხნით ადრე გოგონა აღელვებული ჩანდა და დახმარებას ითხოვდა. ტრაგედიამდე გადაღებულ ვიდეოკადრებში ჩანს, თუ როგორ ცდილობს ის უსაფრთხოების ღვედისა და სამაშველო ჟილეტის გახსნას, რის შემდეგაც წონასწორობას კარგავს, გადაბრუნდება და სიმაღლიდან ვარდება.

ომი უკრაინაში • 1749287994

"მსოფლიოში ყველა არ გმობს ასეთ შეტევებს, სწორედ ამას იყენებს პუტინი. ის დროს ყიდულობს, რომ ომი გააგრძელოს" - ზელენსკი ხარკოვზე განხორციელებული შეტევის შესახებ

რუსეთ-უკრაინის ომის მსხვერპლი ყოველდღიურად იზრდება. რუსმა ოკუპანტებმა, ამჯერად, ხარკოვს დაარტყეს. შეტევა ე.წ. კამიკაძე დრონების, მართვადი ბომბებისა და რაკეტების გამოყენებით განახორციელეს.თავდასხმის შედეგად სამი ადამიანი დაიღუპა, ხოლო 21 დაშავდა, მათ შორის, ორი ბავშვია. კიევის რაიონში რუსებმა სამოქალაქო საწარმოსაც დაარტყეს."80-ზე მეტი ადამიანი დაშავდა, ყველას გაუწიეს დახმარება. სამწუხაროდ, არიან დაღუპულებიც. მსოფლიოში ყველა არ გმობს ასეთ შეტევებს, სწორედ ამას იყენებს პუტინი. ის დროს ყიდულობს, რომ ომი გააგრძელოს. უსაფრთხოების გარანტიები უზრუნველყოფილი უნდა იყოს და მშვიდობა უნდა დამყარდეს, ამისთვის საჭიროა საწყისი ნაბიჯები, მათ შორის მთავარი, ცეცხლის შეწყვეტაა," - განაცხადა უკრაინის პრეზიდენტმა ვოლოდიმირ ზელენსკიმ.

საზოგადოება • 1749275064

დღეს სულის შაბათია - რას ნიშნავს ეს დღე ქრისტიანებისთვის

სულთმოფენობის დღესასწაულს (8 ივნისს), წინ, სულის შაბათი უძღვის. ეს არის მიცვალებულთა საყოველთაო  ხსენების დღე, რომელიც კიდევ ერთხელ გვახსენებს, რაოდენ დიდი მნიშვნელობა აქ მიცვალებულთა სულზე ზრუნვას.ამ დღეს ტაძრებში გარდაცვლილთა სულთა საოხად დიდი პანაშვიდი აღესრულება.წმინდა მამები ამბობენ, რომ ამ დღეს განსაკუთრებით ელოდებიან გარდაცვლილები საკუთარი ოჯახის წევრების მხრიდან შემწეობას და მოხსენებას.ყველამ უნდა ეცადოთ მოიხსენიოთ თქვენი მიცვალებულები, დაესწროთ წირვას, შეაგზავნოთ მოსახსენებელი და მათ სახელზე დაანთოთ თუნდაც ერთი სანთელი. იკურთხება  მრევლის მიტანილი პროდუქტი და შემდეგ ის რიგდება მშიერთათვის... შეგიძლიათ ზეთი შესწიროთ, რომელიც ტაძრის კანდელებში ჩაისხმება.მიცვალებულები ახლობლების ლოცვასა და სიკეთეებზე არიან დამოკიდებულნი. მათ აღარ შეუძლიათ მონანიება. ამიტომ ჩვენი მიცვალებულებისთვის უნდა ვილოცოთ, ვიკითხოთ ფსალმუნნი და მათ სახელზე გავცეთ მოწყალება.წმინდა პაისი ათონელი:მიცვალებულები გონს მოდიან და დახმარებას ითხოვენ, მაგრამ საკუთარ თავს ვერ ეხმარებიან. ჯოჯოხეთში მყოფებს ქრისტესგან მხოლოდ ერთი რამ სურთ, 5 წუთი იცოცხლონ, რომ მოინანიონ. ჩვენ, ცოცხლებს, გვაქვს მონანიების დრო, მიცვალებულებს კი - არა.სწორედ ამიტომ მოვალენი ვართ დავეხმაროთ მათ ჩვენი მხურვალე ლოცვით. ამიტომ აქვს ჩვენს ეკლესიას წირვა,პანაშვიდი.პანაშვიდი მიცვალებულთა სულების საუკეთესო დამცველია. მათ აქვთ სულის ჯოჯოხეთიდან გამოყვანის უნარი. თქვენ კი, ყოველ ღვთისმსახურებაზე, უნდა წაიკითხოთ ფსალმუნები თქვენი მიცვალებულებისთვის.აუცილებელია წანდილის გაკეთება, რადგან ხორბალს აქვს მნიშვნელობა: დათესე ხრწნილებაში, ის აღდგება უხრწნელობაში (1 კორ. 15:42). ანუ ის სიმბოლოა ადამიანის სიკვდილისა და აღდგომისა. უნდა მიუთითოთ მიცვალებულთა სახელები, რათა მღვდლებმა მოიხსენიონ ისინი, რადგან ისინი უფრო მეტად გაჭირვებულები არიან, ვიდრე ავადმყოფები. ***საკურთხი მიცვალებულთა მოსახსენიებელ დღეებში კეთდება. ეს დღეები გახლავთ ხორციელის კვირისა და დიდი მარხვის სამი (მე-2, მე-3, მე-4) შაბათი, სულთმოფენობის წინა დღე (მას სულის შაბათსაც უწოდებენ). გარდა ამისა, საკურთხს აკეთებენ გარდაცვლილის დაბადებისა და გარდაცვალების დღეებში.რასაკვირველია, გარდაცვლილის სული საკვებს არ გეახლებათ; მას მადლით აღავსებს საკურთხის დროს აღვლენილი ლოცვები, მიცვალებულის სახელზე მომზადებული ტრაპეზით გლახაკების დაპურება და მოწყალების გაცემა.საკურთხზე ყოველთვის ამზადებენ კოლიოს ანუ წანდილს.ამ ტრადიციას საინტერესო ისტორია აქვს: იულიანე განდგომილმა, კონსტანტინეპოლის მეფემ, უარყო ქრისტე და კერპთაყვანისმცემლობას შეუდგა. მან იცოდა, რომ დიდმარხვის პირველ კვირას მორწმუნენი მარხვას განსაკუთრებით წმინდად ინახავდნენ და ცოდვებს ინანიებდნენ. იულიანემ უბრძანა ქალაქის თავს, მთელი კვირის მანძილზე ყოველდღე შეებღალა ბაზარში გასაყიდი სანოვაგე სამსხვერპლო ცხოველთა სისხლით. მეფის ბრძანება შესრულდა. კონსტანტინეპოლის მთავარეპისკოპოს ევდოქსის გამოეცხადა წმინდა თეოდორე ტირონი (იგი მრავალი წლის წინათ ეწამა ქრისტესთვის), ამცნო, რომ საზრდელი ნაკერპალის სისხლით იყო შებილწული და ურჩია, მის ნაცვლად მიეღოთ კოლიო - თაფლთან ერთად მოხარშული ხორბალი. ქრისტიანებმა შეიძინეს ხორბალი, კოლიო მოხარშეს და მთელი კვირის განმავლობაში მას იხმევდნენ. ასე გადაურჩნენ მარხვის შემწიკვლებას (დარღვევას). მას შემდეგ დიდმარხვის პირველი შვიდეულის შაბათი წმინდა თეოდორეს ხსენების დღედაა მიჩნეული.წანდილის გარდა ტრაპეზზე უნდა იყოს პური, ღვინო, ზეთი და კერძები, რომელთა გაკეთების სურვილიც მიცვალებულის ახლობლებს ექნებათ.

ომი უკრაინაში • 1749273240

უკრაინაზე რუსეთის მასირებული შეტევის შედეგად 4 ადამიანი დაიღუპა, 80 კი დაშავდა

უკრაინაზე რუსეთის მასირებული შეტევის შედეგად 4 ადამიანი დაიღუპა, 80 კი დაშავდა, - განაცხადა საღამოს ვიდეომიმართვაში უკრაინის პრეზიდენტმა ვოლოდიმირ ზელენსკიმ.მან აღნიშნა, რომ სხვადასხვა ქალაქსა და რაიონში სამაშველო სამუშაოები მთელი დღის განმავლობაში გრძელდებოდა.„ტერნოპოლი, ლუცკი, კიევი და ოლქი, პოლტავა, ხმელნიცკის ოლქი, ლვოვი, ჩერნიგოვი, ოდესის ოლქი, სუმი. სულ 80 ადამიანი დაზარალდა - დახმარება ყველას გაეწია. სამწუხაროდ, არიან დაღუპულები. ამ დროის მდგომარეობით 4 დაღუპულის შესახებ არის ცნობილი - კიევსა და ლუცკში”, - განაცხადა ზელენსკიმ.მან ასევე აღნიშნა, რომ შესაძლოა, ნანგრევებში ადამიანები იყვნენ მოყოლილი. მისი ინფორმაციით, კიევშიო დაღუპულები მაშველები არიან, რომლებიც ადგილზე პირველი დარტყმის შემდეგ მივიდნენ და განმეორებით დარტყმას ემსხვერპლნენ.

საზოგადოება • 1749242908

"აუცილებელია წანდილის მომზადება" - სულის შაბათს მიცვალებულები განსაკუთრებით ელოდებიან მოხსენიებას

სულთმოფენობის დღესასწაულს (8 ივნისს), წინ, სულის შაბათი უძღვის. ეს არის მიცვალებულთა საყოველთაო  ხსენების დღე, რომელიც კიდევ ერთხელ გვახსენებს, რაოდენ დიდი მნიშვნელობა აქ მიცვალებულთა სულზე ზრუნვას.ამ დღეს ტაძრებში გარდაცვლილთა სულთა საოხად დიდი პანაშვიდი აღესრულება.წმინდა მამები ამბობენ, რომ ამ დღეს განსაკუთრებით ელოდებიან გარდაცვლილები საკუთარი ოჯახის წევრების მხრიდან შემწეობას და მოხსენებას.ყველამ უნდა ეცადოთ მოიხსენიოთ თქვენი მიცვალებულები, დაესწროთ წირვას, შეაგზავნოთ მოსახსენებელი და მათ სახელზე დაანთოთ თუნდაც ერთი სანთელი. იკურთხება  მრევლის მიტანილი პროდუქტი და შემდეგ ის რიგდება მშიერთათვის... შეგიძლიათ ზეთი შესწიროთ, რომელიც ტაძრის კანდელებში ჩაისხმება. ***მიცვალებულები ახლობლების ლოცვასა და სიკეთეებზე არიან დამოკიდებულნი. მათ აღარ შეუძლიათ მონანიება. ამიტომ ჩვენი მიცვალებულებისთვის უნდა ვილოცოთ, ვიკითხოთ ფსალმუნნი და მათ სახელზე გავცეთ მოწყალება. ***წმინდა პაისი ათონელი: მიცვალებულები გონს მოდიან და დახმარებას ითხოვენ, მაგრამ საკუთარ თავს ვერ ეხმარებიან. ჯოჯოხეთში მყოფებს ქრისტესგან მხოლოდ ერთი რამ სურთ, 5 წუთი იცოცხლონ, რომ მოინანიონ. ჩვენ, ცოცხლებს, გვაქვს მონანიების დრო, მიცვალებულებს კი - არა.სწორედ ამიტომ მოვალენი ვართ დავეხმაროთ მათ ჩვენი მხურვალე ლოცვით. ამიტომ აქვს ჩვენს ეკლესიას წირვა,პანაშვიდი.პანაშვიდი მიცვალებულთა სულების საუკეთესო დამცველია. მათ აქვთ სულის ჯოჯოხეთიდან გამოყვანის უნარი. თქვენ კი, ყოველ ღვთისმსახურებაზე, უნდა წაიკითხოთ ფსალმუნები თქვენი მიცვალებულებისთვის.აუცილებელია წანდილის გაკეთება, რადგან ხორბალს აქვს მნიშვნელობა: დათესე ხრწნილებაში, ის აღდგება უხრწნელობაში (1 კორ. 15:42). ანუ ის სიმბოლოა ადამიანის სიკვდილისა და აღდგომისა. უნდა მიუთითოთ მიცვალებულთა სახელები, რათა მღვდლებმა მოიხსენიონ ისინი, რადგან ისინი უფრო მეტად გაჭირვებულები არიან, ვიდრე ავადმყოფები.***საკურთხი მიცვალებულთა მოსახსენიებელ დღეებში კეთდება. ეს დღეები გახლავთ ხორციელის კვირისა და დიდი მარხვის სამი (მე-2, მე-3, მე-4) შაბათი, სულთმოფენობის წინა დღე (მას სულის შაბათსაც უწოდებენ). გარდა ამისა, საკურთხს აკეთებენ გარდაცვლილის დაბადებისა და გარდაცვალების დღეებში.რასაკვირველია, გარდაცვლილის სული საკვებს არ გეახლებათ; მას მადლით აღავსებს საკურთხის დროს აღვლენილი ლოცვები, მიცვალებულის სახელზე მომზადებული ტრაპეზით გლახაკების დაპურება და მოწყალების გაცემა.საკურთხზე ყოველთვის ამზადებენ კოლიოს ანუ წანდილს.ამ ტრადიციას საინტერესო ისტორია აქვს: იულიანე განდგომილმა, კონსტანტინეპოლის მეფემ, უარყო ქრისტე და კერპთაყვანისმცემლობას შეუდგა. მან იცოდა, რომ დიდმარხვის პირველ კვირას მორწმუნენი მარხვას განსაკუთრებით წმინდად ინახავდნენ და ცოდვებს ინანიებდნენ. იულიანემ უბრძანა ქალაქის თავს, მთელი კვირის მანძილზე ყოველდღე შეებღალა ბაზარში გასაყიდი სანოვაგე სამსხვერპლო ცხოველთა სისხლით. მეფის ბრძანება შესრულდა. კონსტანტინეპოლის მთავარეპისკოპოს ევდოქსის გამოეცხადა წმინდა თეოდორე ტირონი (იგი მრავალი წლის წინათ ეწამა ქრისტესთვის), ამცნო, რომ საზრდელი ნაკერპალის სისხლით იყო შებილწული და ურჩია, მის ნაცვლად მიეღოთ კოლიო - თაფლთან ერთად მოხარშული ხორბალი. ქრისტიანებმა შეიძინეს ხორბალი, კოლიო მოხარშეს და მთელი კვირის განმავლობაში მას იხმევდნენ. ასე გადაურჩნენ მარხვის შემწიკვლებას (დარღვევას). მას შემდეგ დიდმარხვის პირველი შვიდეულის შაბათი წმინდა თეოდორეს ხსენების დღედაა მიჩნეული.წანდილის გარდა ტრაპეზზე უნდა იყოს პური, ღვინო, ზეთი და კერძები, რომელთა გაკეთების სურვილიც მიცვალებულის ახლობლებს ექნებათ.

მსოფლიო • 1749232611

„2 წელი ტყვედ ჰყავდა აყვანილი და აუპატიურებდა...“ - 74 წლის ქალის წამებისთვის მამაკაცი დააკავეს (უცხოეთი)

74 წლის ქალი 2 წლის განმავლობაში სასტუმროში ტყვედ იყო აყვანილი. საქმეზე 57 წლის მამაკაცი დააკავეს და პატიმრობა მიუსაჯეს. ამის შესახებ უცხოური მედია წერს.გამოცემის ცნობით, ხანდაზმული ქალი რამდენჯერმე იყო გაუპატიურებული, ასევე ნაწამები. კროუ ხანდაზმულ ქალს 2016 წელს, დედის გარდაცვალების შემდეგ დაუმეგობრდა. მძევალი ქალი და კროს დედა მთელი ცხოვრება მეგობრები იყვნენ.იმ დროს კროუ მინესოტაში ცხოვრობდა, 74 წლის კი - ნიუ-მექსიკოში. კროუ ნიუ-მექსიკოში გაფრინდა და დასავლეთ სანაპიროზე ოთხწლიანი საგზაო მოგზაურობა დაიწყო.მოგზაურობის გარკვეულ მომენტში კრომ ქალის ფინანსები თავის თავზე აიღო და უთხრა, რომ ნიუ-მექსიკოში ხალხს მისთვის ზიანის მიყენება სურდა. შემდეგ კრომ მისი საბანკო ანგარიშები დაცალა და სასტუმროს ნომრიდან გაშვებაზე უარი თქვა.ამის შემდეგ, 2020 წლის აგვისტოდან დაწყებული, კროუს მძევალი სასტუმროში ტყვედ ჰყავდა. პროკურორები აცხადებენ, რომ კროუ 74 წლის ქალს მოკვლით ან წამებით დაემუქრა, თუ ის გაქცევას შეეცდებოდა. ქალმა თქვა, რომ მას ნიუ-მექსიკოში, სახლში დაბრუნება სურდა, მაგრამ კროუ მას არ უშვებდა.ხანდაზმულ ქალს ტელეფონი ჰქონდა, მაგრამ კროუ ყოველთვის ამოწმებდა მას, რაც ვინმესთან დაკავშირებას ართულებდა. 2022 წლის 20 აგვისტოს ქალმა სოციალურ ქსელში ფარულად მისწერა ბერკლიში მცხოვრებ მეგობარს და უთხრა, რომ დახმარება სჭირდებოდა. ინფორმაცია ბუნდოვანი იყო, ამიტომ პოლიციას რამდენიმე დღე დასჭირდა ყველაფრის გასარკვევად.2022 წლის 25 აგვისტოს პოლიციამ ხანდაზმული ქალი კროუსთან ერთად სასტუმროს ნომერში იპოვა. ქალი შიშველი იწვა საწოლში, მოძრაობა არ შეეძლო, მთელ სხეულზე დალურჯებები ჰქონდა და თითი კი მოტეხილი.პროკურორები აცხადებენ, რომ კროუ მთელი სასამართლო პროცესის განმავლობაში იტყუებოდა, რომ ცუდად იყო, რათა სასამართლო პროცესი გადაედო. ადგილობრივი მედიის ცნობით, სასამართლო პროცესამდე კროუმ განაცხადა, რომ გულის შეტევა ჰქონდა და ექთანი მკურნალობდა. მიუხედავად იმისა, რომ მას ტკივილგამაყუჩებლები მისცეს, მას არასდროს დასჭირვებია გადაუდებელი სამედიცინო დახმარება.

ქვიზი • 1749216720

აირჩიეთ კარი და ნახეთ, სად შეხვდებით თქვენს სიყვარულს - სწრაფი ტესტი

ეს მარტივი და საინტერესო ტესტი გაიარეთ და გაიგეთ, თუ სად და როგორ შეხვდებით თქვენს სიყვარულს.სურათს ყურადღებით დააკვირდით. ფერზე, ნომერზე და ფორმაზე ბევრი არ იფიქროთ. აირჩიეთ ის, რომელიც თქვენს ყურადღებას ყველაზე მეტად იზიდავს.კარი № 1სავარაუდოდ, შემოქმედებითი, მაგრამ ძალიან მგრძნობიარე ადამიანი ხართ. გარდა ამისა, თქვენ ცვალებადი ხასიათი გაქვთ. შეიძლება ზოგჯერ გულახდილი და კომუნიკაბელური იყოთ, მაგრამ ისეც ხდება, რომ მთელი სამყაროსგან იზოლირებული ხართ და საკუთარ თავში იკეტებით.სიყვარულს მშვიდ და წყნარ გარემოში შეხვდებით. პარკში ხშირად გაისეირნეთ და ბიბლიოთეკებს ესტუმრეთ. დიდი ალბათობით, მეორე ნახევარს სწორედ ასეთ ადგილებში გაიცნობთ.კარი № 2როგორც ჩანს, თავდაჯერებული ადამიანი ხართ და დეტალებს დიდ ყურადღებას აქცევთ, რადგან პერფექციონისტი ხართ.ჭეშმარიტ სიყვარულს ერთ-ერთ მაღალი წრის წვეულებაზე იპოვით. შესაძლოა, სწორედ ამ სიყვარულმა შეგანელოთ, უკან მოგახედოთ და ურთიერთობის და საკუთარი თავისთვის ცხოვრების დაწყება გაიძულოთ. ეს სიყვარული ცხოვრებაზე აზრს შეგაცვლევინებთ.კარი № 3სავარაუდოდ, თქვენ გულახდილი ადამიანი ხართ და გრძნობების დამალვა გიჭირთ. ეს ფანჯრიანი კარი შემთხვევით არ აგირჩევიათ. მისი დახმარებით შიგნით შეხედვა შეგიძლიათ. მხიარული და დადებითი ენერგიით სავსე ხართ. კარის რბილი ფერი იმას ნიშნავს, რომ ხართ ადამიანი, რომელსაც ცხოვრებიდან კმაყოფილების მიღება სიამოვნებს.მოგზაურობა, ახალი ადამიანების გაცნობა და ახალი კულტურის შესწავლა გიყვართ.სიყვარულს ერთ-ერთ მოგზაურობაში იპოვით. ყურადღება მიაქციეთ იმათ, ვინც თქვენ გვერდით არის, როცა გარეთ ხართ.კარი № 4თქვენ ძლიერი, ენერგიული ხის კარი აირჩიეთ. ეს იმას ნიშნავს, რომ ჰარმონიას და სტაბილურობას აფასებთ. თქვენ ზუსტად იცით, რა გსურთ, მაგრამ სასურველის მისაღწევად არასაჭირო რისკის გაწევა გიწევთ. თქვენ მხოლოდ გონივრულად რისკავთ.თქვენი ნამდვილი სიყვარული ახლოს იმყოფება. სადღაც სამეზობლოდ იპოვეთ. ეს შეიძლება იყოს თქვენი მეგობარი ან მეზობელი (შესაძლოა, თქვენი მშობლების მეგობრების შვილი იყოს).კარი № 5როგორც ჩანს, სიმარტივეს და წესებს აფასებთ. ცხოვრების მიმართ პრაქტიკული მიდგომა გაქვთ. თქვენ ნებისმიერი პრობლემის გადაჭრა შეგიძლიათ.ადამიანების დახმარება გიყვართ და ამას სიხარულით აკეთებთ. ბედნიერი ხართ, რადგან დიდი მოლოდინი არ გაგაჩნიათ.ნამდვილი სიყვარული გელოდებათ იქ, სადაც ორივე რაღაც გრანდიოზულს და სასარგებლოს აკეთებთ. მაგალითად, საქველმოქმედო საქმიანობა.კარი № 6ბუნებით სილამაზის მოყვარული ხართ. ირგვლივ ყოველთვის სენტიმენტალური და ლამაზი გახვევიათ, რადგან ძალიან ემოციური ადამიანი ხართ. ცხოვრებაში ემოციებით ხელმძღვანელობთ.ჯანმრთელობა და უსაფრთხოება თქვენთვის პრიორიტეტულია. თქვენთვის ყველაზე ღირებული ოჯახი და მეგობარია, დანარჩენი ყველაფერი მეორეხარისხოვანია.შესაძლოა, თქვენი ნამდვილი სიყვარული თქვენი საუკეთესო მეგობარი იყოს. ხანგრძლივი მეგობრობის შემდეგ ყურადღება მიაქციეთ მას, ვინც თქვენ გვერდითაა და მზად არის ყოველთვის მხარი დაგიჭიროთ.კარი № 7შერჩეული კარი გახასიათებთ, როგორც უნიკალურ, ორიგინალურ და საინტერესო ადამიანს. თქვენი დავიწყება ძნელია. მეგობრებს წრეში კომპანიის სული და გული ხართ. ზოგჯერ ღრუბლებში დაფრინავთ.სიყვარულს მაშინ იპოვით, როცა ყველაზე ნაკლებად ელოდებით. გამორიცხული არაა, ერთმანეთს ტბასთან სეირნობის დროს შეხვდეთ. ეს მოულოდნელი ინციდენტი ახალი ცხოვრების დასაწყისი და დიდი გრძნობის დაბადების დღე იქნება.კარი № 8ძალიან მოკრძალებული და უბრალო ადამიანი ხართ. ყურადღების ცენტრში ყოფნა არ გიყვართ.ძალიან მაღალი პასუხისმგებლობა გაქვთ და დაკისრებულ მოვალეობას ყოველთვის ასრულებთ. როგორც წესი, დასახულ მიზნებს ყოველთვის აღწევთ.სავარაუდოდ, თქვენი სიყვარული არის ის, ვისაც ყველაზე კარგად იცნობთ. შესაძლოა თანაკლასელი, კოლეგა, მეზობელი ან უბრალოდ ნაცნობი ადამიანი. თქვენს სამეგობრო წრეს ყურადღება მიაქციეთ.

მსოფლიო • 1749120215

Ryanair-ის ბერლინი-მილანის რეისი მემინგენში ავარიულად დაეშვა - დაშავებულია 9 ადამიანი

Ryanair-ის ბერლინი-მილანის რეისი, ჭექა-ქუხილის შედეგად გამოწვეული ძლიერი ტურბულენტობის გამო, მემინგენში ავარიულად დაეშვა.შემთხვევის შედეგად 9 მგზავრი დაშავდა.Ryanair-ის განცხადებით, ავარიულად დაშვებამდე კაპიტანმა სამედიცინო დახმარება ითხოვა.ავიაკომპანიამ მგზავრები მილანში ავტობუსით გადაიყვანა, რადგან ადგილობრივმა საავიაციო ორგანომ Ryanair-ს მემინგენიდამ ფრენის უფლება არ მისცა.

სამართალი • 1749103339

პოლიციამ მარნეულში მომხდარი დაჭრის ფაქტი ცხელ კვალზე გახსნა - დაკავებულია 2 პირი

 შინაგან საქმეთა სამინისტროს ქვემო ქართლის პოლიციის დეპარტამენტის მარნეულის რაიონული სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, მარნეულში მომხდარ დაჭრის ფაქტთან დაკავშირებით 2 პირი: 2003 წელს დაბადებული ე.მ. და 2005 წელს დაბადებული რ.გ. დააკავეს. ინფორმაციას შსს ავრცელებს.ე.მ. - ს ბრალად ედება ჯანმრთელობის განზრახ მძიმე დაზიანება და ცეცხლსასროლი იარაღის უკანონო შეძენა-შენახვა- ტარება, ხოლო რ.გ. ცეცხლსასროლი იარაღის უკანონო შეძენა-შენახვა- ტარების ბრალდებითაა დაკავებული. დანაშაულები 7 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ე.მ. -მ მიმდინარე წლის 4 ივნისს, მარნეულში, წარსულში მომხდარი კონფლიქტის ნიადაგზე დაწყებული ურთიერთშელაპარაკებისას, 1998 წელს დაბადებულ ვ.გ. -ს ცეცხლსასროლი იარაღიდან გასროლით ჭრილობები მიაყენა,რის შემდეგაც რ.გ. - სთან ერთად მიმალვას შეეცადა, თუმცა ორივე მათგანი პოლიციამ ბრალდებულის სახით დააკავა.დაჭრილი მამაკაცი საავადმყოფოშია მოთავსებული, სადაც შესაბამისი სამედიცინო დახმარება უტარდება. სამართალდამცველების მიერ ნივთმტკიცებად ამოღებულია ცეცხლსასროლი იარაღები. გამოძიება სისხლის სამართლის კოდექსის 117-ე და 236-ე მუხლებით მიმდინარეობს.

ისტორიები • 1749099831

პარკში წაიყვანა და მეგობრებთან ერთად, ჯგუფურად გააუპატიურა - საქმე, რომელმაც მსოფლიო შეძრა

 ჯუნკო ფურუტა 1971 წელს, იაპონიაში დაიბადა. ოჯახის წევრებისა და მეგობრების თქმით ის ლამაზი, მხიარული და ბეჯითი გოგონა იყო. დიდი პოპულარობით სარგებლობდა სკოლის მოსწავლეებში და ნათელი მომავალიც ელოდა. ყველაფერი 1988 წლის ნოემბერში შეიცვალა.ჰიროში მიანოს სკოლაში ცუდი რეპუტაცია ჰქონდა. ის ხშირად აბულინგებდა თანატოლებს და ტრაბახობდა ორგანიზებულ დანაშაულებრივ დაჯგუფება "იაკუძასთან" კავშირებით. თანაკლასელის თქმით, ჰიროშის ჯუნკოს მიმართ სიმპათია ჰქონდა, თუმცა გოგონასგან რომანტიკულ ურთიერთობაზე უარი მიიღო.უარის თქმიდან რამდენიმე დღის შემდეგ, მიანო თავის მეგობართან ერთად ადგილობრივ პარკში წავიდა, სადაც ისინი უდანაშაულო ქალებზე ნადირობდნენ. სხვა გამოცდილი სექსუალური მოძალადეების მსგავსად, მიანო და მისი მეგობარი მინატო პოტენციური სამიზნეების დაფიქსირებაში ექსპერტები იყვნენ.ბიჭებმა დაახლოებით 20:30 საათზე ველოსიპედით სახლისკენ მიმავალი ჯუნკო ფურუტა შენიშნეს. მინატომ გოგონა ველოსიპედიდან გადააგდო, მიანომ კი ჯუნკოს დახმარება გაუწია და სახლში გაცილება შესთავაზა, რაზედაც თანხმობა მიიღო ამ დღის შემდეგ ჯუნკო ფურუტა აღარავის უნახავს.სინამდვილეში, მიანო და მინატო წინასწარ განსაზღვრული სცენარით მოქმედებდნენ. მიანომ გოგონა მოტყუებით წაიყვანა მიტოვებულ სახლში, სადაც მასზე სექსუალურად ძალადობდა და გამუდმებით ემუქრებოდა. ამავე დღეს, გოგონა პარკში წაიყვანა, სადაც მეგობრებთან ერთად, ჯგუფურად გააუპატიურა. საბოლოოდ კი ჯუნკომ ერთ-ერთი გამტაცებლის მშობლების სახლში ამოყო თავი.მიუხედავად იმისა, რომ ფურუტას მშობლებმა პოლიციას ქალიშვილის დაკარგვის შესახებ აცნობეს, ბიჭებმა გოგონას სახლში დარეკვა აიძულეს. ჯუნკომ ოჯახის წევრებს მოატყუა, რომ ის მეგობართან რჩებოდა.მინატო თავის მშობლებს ეუბნებოდა, რომ ჯუნკო მისი შეყვარებული იყო და გოგონასაც იმავეს აიძულებდა. საბოლოოდ, მინატოს მშობლები მიხვდნენ, რომ რაღაც რიგზე არ იყო, თუმცა, ბიჭი საკუთარ მშობლებსაც დაემუქრა, რის გამოც მათ გაჩუმება მოუწიათ.გოგონა 44 დღის განმავლობაში მიანომ და მისმა მეგობრებმა მინიმუმ 400-ჯერ გააუპატიურეს. სექსუალური ძალადობის გარდა, ბიჭები ჯუნკოს სხვადასხვა ხერხებით აწამებდნენ. წამების დროს მას სასქესო ორგანოში მაკრატელს, შამფურებს, ფეიერვერკებსა და ანთებულ ნათურასაც კი უდებდნენ. საბოლოოდ კი მისი შინაგანი ანატომია იმდენად განადგურდა, რომ აღარ შეეძლო მოშარდვა და დეფეკაცია.გოგონას არაერთხელ აიძულეს ცოცხალი ხოჭოების ჭამა, დამნაშავეების თვალწინ მასტურბაცია და საკუთარი შარდის დალევა. გოგონა ჭერზე ჩამოკიდეს და რკინისა და ბამბუკის ჯოხებითაც სცემეს. სანთებელითა და ცვილით ამოუწვეს სასქესო ორგანო და ქუთუთოები.ამ ამბავში ყველაზე ტრაგიკული კი ის არის, რომ ამ ყველაფრის თავიდან აცილება შეიძლებოდა. პოლიციას ორჯერ შეატყობინეს გოგონას მდგომარეობის შესახებ, თუმცა, მათი მხრიდან ჩარევა არც ერთხელ განხორციელდა.პოლიციამ წამების შესახებ პირველად მაშინ შეიტყო, როდესაც მინატოს სახლის ერთ-ერთმა სტუმარმა ოჯახს გოგონას მდგომარეობის შესახებ მოუყვა. პოლიცია დანაშაულის ადგილას მივიდა, თუმცა, ჰიროში მიანოს მშობლებმა სამართალდამცველები დაარწმუნეს, რომ გოგონა სახლში არ იმყოფებოდა. მეორედ კი პოლიციაში თავად ჯუნკო ფურუტამ დარეკა, თუმცა სანამ ხმას ამოიღებდა ბიჭებმა ყველაფერი დააფიქსირეს. პოლიციამ სიტუაციის გადასამოწმებლად გოგონას გადაურეკა, რომელმაც ისინი დაარწმუნა, რომ ზარი შემთხვევით განახორციელა.პოლიციაში დარეკვის გამო ბიჭებმა ფურუტა დასაჯეს, ფეხები მარტივად აალებადი სითხით დაუსველეს და ცეცხლი წაუკიდეს.1989 წლის 4 იანვარს გოგონა მოკლეს. დამნაშავეები, სავარაუდოდ იმის გამო გაბრაზდნენ, რომ ჯუნკომ მათ "მაჯონგის" თამაშში მოუგო, რის გამოც ის სასტიკად აწამეს. მისი ცხედარი 55 -ლიტრიან ბოცაში ჩადეს, ბეტონი დააყარეს და ცემენტის სატვირთო მანქანაში ჩადეს.ორი კვირის შემდეგ, პოლიციამ მიანო და მისი ერთი თანამზრახველი ოგურა ჯგუფური გაუპატიურების ბრალდებით დააკავა. მიანომ შეცდომით ჩათვალა, რომ მისი დაკავება ფურუტას მკვლელობასთან იყო კავშირში და სამართალდამცველებს ყველაფერი თვითონ მოუყვა. რამდენიმე დღეში ოთხივე ბიჭი დააპატიმრეს.ჯუნკო ფურუტას სასტიკი წამებისა და ბიჭების წინააღმდეგ არსებული არაერთი მტკიცებულების მიუხედავად, სასამართლომ მათ შოკის მომგვრელად მსუბუქი სასჯელები დაუწესა. ჰიროში მიანოს მიესაჯა პატიმრობა ოცი წლის ვადით, შინჯი მინატოს - ხუთიდან ცხრა წლამდე, ჯო ოგურად ხუთიდან ათ წლამდე, ხოლო იასუში ვატანაბეს ხუთიდან შვიდ წლამდე.მსუბუქი სასჯელის მიზეზად მათი ასაკი დასახელდა, თუმცა გავრცელებული მოსაზრებით, რეალური მიზეზი მათი "იაკუძასთან" კავშირი გახლდათ.განთავისუფლების შემდეგ, ვატანაბეს გარდა ყველა დამნაშავემ გააგრძელა კრიმინალური მოღვაწეობა. ყველა მათგანი ცოცხალი და თავისუფალია. არაოფიციალური ინფორმაციით, ზოგიერთი მათგანი ჯუნკო ფურუტას წამებასა და მკვლელობაში ჩართულობით დღემდე ტრაბახობს.დღესდღეობით იაპონიაში ბევრი ადამიანი ფიქრობს, რომ ფურუტას საქმეზე სამართალი არ აღსრულდა. როგორც ჩანს, ეს არასდროს მოხდება. 

მსოფლიო • 1749069874

უკრაინა და პარტნიორი ქვეყნები შეთანხმდნენ თავდაცვითი წარმოების მექანიზმის შექმნაზე - უკრაინის თავდაცვის მინისტრი

უკრაინა და პარტნიორი ქვეყნები შეთანხმდნენ თავდაცვითი წარმოების მექანიზმის შექმნაზე, – ამის შესახებ უკრაინის თავდაცვის მინისტრმა, რუსტემ უმეროვმა განაცხადა.მისი თქმით, აღნიშნული გადაწყვეტილება ქვეყნებმა „რამშტაინის“ ფორმატის შეხვედრაზე მიიღეს.უმეროვის თქმით, ახალი ფორმატის შექმნის იდეა ეკუთვნით დასავლურ ქვეყნებს, რომლებმაც შესთავაზეს დახმარება ახალი თავდაცვითი წარმოების ასამუშავებლად.„პარტნიორებმა მომართეს კითხვით, შეუძლიათ თუ არა უკრაინულ კომპანიებს, ააშენონ საწარმოები მათ სახელმწიფოებში, რათა აწარმოონ უახლესი პროდუქცია. ჩვენი პარტნიორები მზად არიან, სრულად გადაიხადონ წარმოებისთვის და პროდუქცია მიემართება უკრაინისკენ, ვიდრე ომი გაგრძელდება. ამ ინიციატივით, უკრაინელი მწარმოებლები შეძლებენ ინვესტიცია ჩადონ პარტნიორ სახელმწიფოებში“, – აღნიშნა მინისტრმა.უმეროვს არ დაუკონკრეტებია, რომელმა სახელმწიფოებმა გამოხატეს დაინტერესება საინვესტიციო თანამშრომლობაში, მაგრამ ცნობილია, რომ გერმანიის თავდაცვის მინისტრმა, ბორის პისტორიუსმა მხარი დაუჭირა უკრაინული შორეული მოქმედების იარაღის წარმოებას.

მსოფლიო • 1749058895

პუტინმა სატელეფონო საუბრისას მტკიცედ განაცხადა, რომ აეროდრომებზე განხორციელებულ ბოლოდროინდელ თავდასხმაზე რეაგირება მოუწევს - ტრამპი

აშშ-ის პრეზიდენტი დონალდ ტრამპი აცხადებს, რომ რუსეთის პრეზიდენტ ვლადიმერ პუტინს ტელფონით ესაუბრა და უკრაინის საკითხი განიხილა.მისი შეფასებით, ეს იყო კარგი საუბარი, თუმცა არა ისეთი, რომელიც „დაუყოვნებლივ მშვიდობამდე მიგვიყვანს“.როგორც აშშ-ის პრეზიდენტმა აღნიშნა, პუტინმა მას განუცხადა, რომ რუსეთს მოუწევს პასუხის გაცემა უკრაინის მიერ რუსული აეროდრომების დაბომბვაზე.„ახლახან დავასრულე რუსეთის პრეზიდენტ ვლადიმერ პუტინთან ტელეფონით საუბარი. სატელეფონო საუბარი დაახლოებით ერთ საათსა და 15 წუთს გაგრძელდა. ჩვენ განვიხილეთ უკრაინის მიერ რუსეთის ბაზირებულ თვითმფრინავებზე თავდასხმა და ასევე ორივე მხარის მიერ განხორციელებული სხვადასხვა თავდასხმა. ეს იყო კარგი საუბარი, მაგრამ არა ისეთი საუბარი, რომელიც დაუყოვნებლივ მშვიდობამდე მიგვიყვანდა. პრეზიდენტმა პუტინმა ძალიან მტკიცედ განაცხადა, რომ მას მოუწევს აეროდრომებზე განხორციელებულ ბოლოდროინდელ თავდასხმაზე რეაგირება“, – წერს ტრამპი თავის სოციალურ ქსელ Truth Social-ზე.აშშ-ის პრეზიდენტის თქმით, ვლადიმერ პუტინმა ასევე ირანის საკითხზე ისაუბრა.„ჩვენ ასევე განვიხილეთ ირანი და ის ფაქტი, რომ ირანის მიერ ბირთვულ იარაღთან დაკავშირებით გადაწყვეტილების მიღების დრო იწურება, რაც სწრაფად უნდა იქნას მიღებული. მე განვუცხადე პრეზიდენტ პუტინს, რომ ირანს არ შეიძლება, ჰქონდეს ბირთვული იარაღი. მჯერა, რომ ამ საკითხზე ჩვენ შევთანხმდით. პრეზიდენტმა პუტინმა შემომთავაზა, რომ მონაწილეობას მიიღებდა ირანთან მოლაპარაკებებში და შესაძლოა, ის შეძლებდა დახმარებას ამ საკითხის სწრაფად დასრულებაში. ჩემი აზრით, ირანი ამ ძალიან მნიშვნელოვან საკითხზე გადაწყვეტილების მიღებას აჭიანურებს და ჩვენ ძალიან მოკლე დროში დაგვჭირდება საბოლოო პასუხი“, – წერს ტრამპი.