საზოგადოება • 1775249177

„27 მარტს ქორწილი ჰქონდა, ხვალ გასვენება...“ - რას წერენ მარნეულში მოკლულ ბიჭზე

მარნეულში მოკლული 20 წლის უმიდ ბაირამოვს 4 აპრილს დაკრძალავენ. „27 მარტი ქორწილი ჰქონდა, ხვალ გასვენებაადგილობრივები ამბობენ, რომ დაშინების გამო სასწრაფო დახმარება დაგვიანებით გამოიძახეს, რის შედეგადაც დაშავებული ბიჭი ადგილზე გარდაიცვალა. ეჰჰ…გუშინ მარნეულში 20 წლის ბიჭი საკუთარი სახლში მოკლეს...“, - წერენ სოციალურ ქსელში მოკლულ ბიჭზე. შსს-მ მომხდარი მკვლელობას ფაქტზე გამოძიება 108-ე მუხლით დაიწყო, რაც განზრახ მკვლელობას გულისხმობს,

სამართალი • 1775220225

უფასო სასადილოებისთვის განკუთვნილი თანხის მითვისების საქმეზე დაკავებულ 5 პირს პროკურატურამ ბრალდება წარუდგინა

პროკურატურამ დიდი ოდენობით სახელმწიფოს კუთვნილი თანხების თაღლითურად დაუფლების და დიდი ოდენობით სახელმწიფოს კუთვნილი თანხების თაღლითურად დაუფლებაში დახმარების ფაქტებზე დაკავებულ 5 პირს ბრალდება წარუდგინა.საქართველოს სახელმწიფო უსაფრთხოების სამსახურში მიმდინარე გამოძიების შედეგად დადგინდა, რომ 2023-2026 წლებში, მძიმე სოციალურ მდგომარეობაში მყოფი მოქალაქეებისთვის უფასო სასადილოებით მომსახურების სახელმწიფო შესყიდვასთან დაკავშირებით, შპს Aladashvili & co-სა და ქ. თბილისის ისნის, ჩუღურეთის, მთაწმინდისა და კრწანისის რაიონების გამგეობებს შორის 12 ხელშეკრულება გაფორმდა. შპს Aladashvili & co-მ ისნის რაიონის ტერიტორიაზე არსებული სასადილოების ნაწილი - ოთხი სასადილო, გამგეობასთან გაფორმებული ხელშეკრულებებით გათვალისწინებული პირობებით სამართავად გადასცა ქვეკონტრაქტორ სამ კომპანიას: შპს „გიდს“, შპს "ბადეს" და შპს "ალიონს".ჩატარებული გამოძიებით დადგინდა, რომ შპს „Aladashvili & co“-ს დირექტორი შპს „გიდს“, შპს „ბადეს“ და შპს „ალიონთან“ ერთად, 2024-2026 წლებში, ყოველდღიურად, 14 451-მდე ბენეფიციარს ემსახურებოდა და არაჯეროვნად ასრულებდა ნაკისრ ვალდებულებებს.აღნიშნულმა კომპანიებმა მძიმე სოციალურ მდგომარეობაში მყოფი მოქალაქეებისთვის განკუთვნილ უფასო სასადილოებში მომსახურების გაწევისას დაარღვიეს ხელშეკრულებებით გათვალისწინებული პირობები და მიღება-ჩაბარების აქტების გაყალბების გზით, გამგეობებიდან მიღებული 18 909 104 ლარიდან თაღლითურად დაეუფლნენ სახელმწიფოს კუთვნილ დიდი ოდენობით თანხას - 3 529 000 ლარს.აღნიშნული კომპანიების მფლობელებს ბრალდება საქართველოს სისხლის სამართლის კოდექსის 180-ე მუხლის მე-3 ნაწილის „ბ“ ქვეპუნქტით (დიდი ოდენობით თაღლითობა) წარედგინათ, ხოლო შპს „Aladashvili & co“-ს თანამშრომელს ბრალდება საქართველოს სისხლის სამართლის კოდექსის 25.180-ე მუხლის მე-3 ნაწილის „ბ“ ქვეპუნქტით (დიდი ოდენობით თაღლითობაში დახმარება) წარედგინა, რაც სასჯელის სახედ და ზომად ჯარიმასთან ერთად 6-დან 9 წლამდე თავისუფლების აღკვეთას ითვალისწინებს.პროკურატურა ბრალდებულებისთვის აღკვეთის ღონისძიების შეფარდების შუამდგომლობით სასამართლოს კანონით დადგენილ ვადაში მიმართავს.

მსოფლიო • 1775213040

ემანუელ მაკრონი და სამხრეთ კორეის პრეზიდენტი შეთანხმდნენ, რომ ჰორმუზის სრუტის გახსნის ხელშესაწყობად ერთად იმუშავებენ

საფრანგეთის პრეზიდენტი ემანუელ მაკრონი და სამხრეთ კორეის პრეზიდენტი ლი ჯე მიუნგი შეთანხმდნენ, რომ ერთად იმუშავებენ ჰორმუზის სრუტის ხელახლა გახსნის ხელშესაწყობად და ახლო აღმოსავლეთში მიმდინარე ომით გამოწვეული გლობალური ეკონომიკური გაურკვევლობის შესამსუბუქებლად, – ამის შესახებ ინფორმაციას „ესოშიეთიდ პრესი“ ავრცელებს.სეულში ორი ქვეყნის პრეზიდენტების შეხვედრის შემდეგ გამართულ ბრიფინგზე ემანუელ მაკრონმა ხაზი გაუსვა საფრანგეთისა და სამხრეთ კორეის თანამშრომლობის აუცილებლობას სრუტის ხელახლა გახსნისა და ახლო აღმოსავლეთში დაძაბულობის დეესკალაციისთვის.ლი ჯე მიუნგის განცხადებით კი, ორივე მხარემ დაადასტურა, რომ „მათ გადაწყვეტილი აქვთ ითანამშრომლონ ჰორმუზის სრუტეში უსაფრთხო საზღვაო მიმოსვლის უზრუნველსაყოფად“.თუმცა, როგორც „ესოშიეთიდ პრესი“ წერს, არც საფრანგეთის და არც სამხრეთ კორეის ლიდერებს არ დაუკონკრეტებიათ, როგორ აპირებენ ჰორმუზის სრუტის გახსნაში დახმარებას.ცნობისთვის, ემანუელ მაკრონი პრეზიდენტის თანამდებობაზე დანიშვნის შემდეგ სამხრეთ კორეას პირველად ჩავიდა.

საზოგადოება • 1775205956

შალვა პაპუაშვილი: მიუსაფარი ძაღლების პრობლემაზე უფრო დიდი პრობლემაა ემოციურად დაზიანებული რადიკალური ოპოზიცია - ის კადრები რაც ჩვენ ვიხილეთ - შეჭრა, თავდასხმა, აცდენილია ყოველგვარ ადეკვატურ ქცევას

ის კადრები რაც ჩვენ ვიხილეთ - შეჭრა, თავდასხმა, აცდენილია ყოველგვარ ადეკვატურ ქცევას, - განაცხადა საქართველოს პარლამენტის თავმჯდომარემ, შალვა პაპუაშვილმა მიუსაფარ ცხოველებთან დაკავშირებით ატეხილ აჟიოტაჟზე დასმული კითხვის პასუხად.მისი თქმით, ამ ყველაფერმა დაგვანახა, რომ ქვეყანაში რადიკალური ოპოზიციის სახით გყვავს ემოციურად დაზიანებული ადამიანების ჯგუფი.„რაც ჩვენ ვიხილეთ ამ დღეებში, აღმოვაჩინეთ, რომ მიუსაფარი ძაღლების პრობლემაზე უფრო დიდი პრობლემაა ემოციურად დაზიანებული რადიკალური ოპოზიცია. აბსოლუტური ისტერია, რომელიც სჩვევია რადიკალებს ყველა საკითხთან დაკავშირებით და აბსოლუტური არაადეკვატურობა, რომელიც სჩვევია ზოგიერთ ჯგუფს ამ საკითხზე. მე მგონი, ეს პრობლემა უფრო დაგვანახა, რომ გვყავს ემოციურად დაზიანებული ადამიანების ჯგუფი რადიკალური ოპოზიციის სახით, რომელსაც სხვა სახის დახმარება სჭირდება. ის კადრები რაც ჩვენ ვიხილეთ - შეჭრა, თავდასხმა, აცდენილია ყოველგვარ ადეკვატურ ქცევას, მაშინ როდესაც ამ ყველაფერს მოწმენდილ ცაზე აკეთებენ. ვნახეთ სააგენტოს და სამინისტროს დეტალური განმარტებები ყველა საკითხზე. იმდენად არაადეკვატურ ხალხთან გვაქვს საქმე, რომ ასეთი დეტალური ინფორმაციების გამოქვეყნებაც გახდა საჭირო. ეს არის კიდევ ერთი საპნის ბუშტი, რომელიც გაუსკდა რადიკალურ ოპოზიციას“, - განაცხადა პაპუაშვილმა.

მსოფლიო • 1775128146

ემანუელ მაკრონი: ტრამპის განცხადება პასუხსაც კი არ იმსახურებს

ტრამპის განცხადება პასუხსაც კი არ იმსახურებს, – ასე გამოეხმაურა საფრანგეთის პრეზიდენტი ემანუელ მაკრონი აშშ-ის პრეზიდენტს, დონალდ ტრამპს, რომელმაც თქვა, რომ მაკრონს ცოლი ცუდად ექცევა და ყბაში დარტყმისგან სრულად გონს არ მოსულა.საფრანგეთის პრეზიდენტის თქმით, აშშ-ის ლიდერის სიტყვები „არც ელეგანტური იყო და არც ღირსეული“.„არ ვაპირებ ამაზე პასუხის გაცემას, ეს პასუხსაც არ იმსახურებს. მათ შეუძლიათ, უკმაყოფილება გამოთქვან, რომ არ ეხმარებიან იმ ოპერაციაში, რომელიც დამოუკიდებლად გადაწყვიტეს, ეს ჩვენი ოპერაცია არ არის“, – თქვა მაკრონმა.საფრანგეთის პრეზიდენტი მიიჩნევს, რომ ჰორმუზის სრუტის „გასათავისუფლებლად“ სამხედრო ოპერაცია „არარეალისტური“ იქნება.მაკრონი მიიჩნევს, რომ ომი არ იძლევა ირანის ბირთვული საკითხის „მდგრადი გადაწყვეტის“ საშუალებას.აშშ-ის პრეზიდენტმა, დონალდ ტრამპმა თეთრ სახლში, აღდგომისადმი მიძღვნილ ღონისძიებაზე სიტყვით გამოსვლისას განაცხადა: „დავურეკე მაკრონს, რომელსაც ცოლი ცუდად ექცევა და ყბაში დარტყმისგან სრულად გონს არ მოსულა, ვუთხარი, სპარსეთის ყურეში გვინდა დახმარება, მიპასუხა, ეს ომის შემდეგ შეგვიძლიაო“.

სამართალი • 1775124112

პროკურორი ანი ლეკიაშვილი აცხადებს, რომ ჯუანშერ ბურჭულაძის, ვასილ მხეიძისა და გიორგი ხაინდრავას საპროცესო შეთანხმებასთან დაკავშირებით გადაწყვეტილება ჯერ არ არის მიღებული

თბილისის საქალაქო სასამართლოში თავდაცვის ყოფილი მინისტრის, ჯუანშერ ბურჭულაძისა და მასთან ერთად დაკავებული თავდაცვის მინისტრის ყოფილი მოადგილის, გიორგი ხაინდრავას, თავდაცვის სამინისტროს შესყიდვების დეპარტამენტის ყოფილი უფროსის, ვლადიმერ ღუდუშაურის, ასევე ჯუანშერ ბურჭულაძის ცოლის ძმის, ვასილ მხეიძის სასამართლო პროცესი გაიმართა.დღევანდელ სასამართლო სხდომაზე დაიკითხა მოწმე აუდიტორი, რომელმაც სასამართლოს ჯუანშერ ბურჭულაძის, მისი ოჯახისა და მასთან დაკავშირებული პირების შემოსავლების შესახებ ინფორმაცია მიაწოდა. ასევე, დაიკითხა ყოფილი მაღალჩინოსნის შვილი – დავით ბურჭულაძე.დღევანდელ პროცესზე დაგეგმილი იყო თავად ბურჭულაძის დაკითხვა, თუმცა ყოფილმა მაღალჩინოსანმა განაცხადა, რომ საბოლოო სიტყვის უფლებით ისარგებლებს. ბურჭულაძის თქმით, სასამართლოში მოწმედ მისი ოჯახის წევრების წარდგენის მიზანი იყო, რომ ოჯახის შემოსავლებზე ესაუბრათ.დაცვის მხარემ დღევანდელ პროცესზე მტკიცებულებათა გამოკვლევა დაასრულა, რითაც საქმის განხილვა დასკვნით ეტაპზე გადადის.მომდევნო პროცესზე დასკვნით სიტყვას პროკურატურა წარმოთქვამს, ამავე უფლებით დაცვის მხარეც ისარგებლებს.საპროცესო შეთანხმების გაფორმებას რაც შეეხება, ცნობილია, რომ საგამოძიებო უწყებას ჯუანშერ ბურჭულაძის, ვასილ მხეიძესისა და გიორგი ხაინდრავას ადვოკატებმა უკვე მიმართეს. უახლოეს დღეებში მიმართვას ასევე გეგმავს ვლადიმერ ღუდუშაურის ადვოკატი.პროკურორის ანი ლეკიაშვილის თქმით, ამ დროისთვის რაიმე გადაწყვეტილება მიღებული არ არის, რადგან საპროცესო შეთანხმების გასაფორმებლად ორი მთავარი პირობაა – დანაშაულის აღიარება და ზიანის ანაზღაურება. მისვე თქმით, საპროცესო შეთანხმების გაფორმება პროკურატურის პრეროგატივაა.„დღეის მდგომარეობით, არც ზიანი არის ანაზღაურებული, შესაბამისად, განცხადებების შემოსვლის შემდეგ ბრალდების მხარეს რაიმე პირობა არ მიუღია და არ განუხილავს. გადაწყვეტილება მიღებული არ არის. რაც შეეხება ზიანს, ჯამში სამინისტროს მიადგა შვიდ მილიონამდე ზიანი. რომელმა ბრალდებულმა უნდა გადაიხადოს ეს თანხა, ამას არსებითი მნიშვნელობა ბრალდების მხარისთვის არ აქვს. მთავარია, ზიანი იყოს ანაზღაურებული, ვინ გადაიხდის თვითონ ბრალდებული, მათი ოჯახის წევრი თუ სხვა, ამას არსებითი მნიშვნელობა არ აქვს. მთავარია, დაზარალებულს არ ჰქონდეს პრეტენზია“, – განაცხადა ანი ლეკიაშვილმა.ცნობისთვის, თავდაცვის ყოფილ მინისტრს, ჯუანშერ ბურჭულაძეს ბრალდება სისხლის სამართლის კოდექსის 194-ე მუხლის მე-3 ნაწილის „გ“ ქვეპუნქტით და 332-ე მუხლის მეორე ნაწილით წარედგინა, რაც სამსახურებრივი უფლებამოსილების ბოროტად გამოყენებასა და უკანონო შემოსავლის ლეგალიზაციას გულისხმობს. აღნიშნული ქმედება სასჯელის სახედ და ზომად 9-დან 12- წლამდე თავისუფლების აღკვეთას ითვალისწინებს. ბურჭულაძეს, საერთო ჯამში, 1 593 212 ლარის უკანონო და დაუსაბუთებელი შემოსავლის ლეგალიზაციას ედავებიან. ბრალის მიხედვით, ჯუანშერ ბურჭულაძემ 2023 წელს, თავისი მოადგილის, ნათესავისა და საქართველოს თავდაცვის სამინისტროს შესყიდვების დეპარტამენტის ყოფილი უფროსის დახმარებით, სამხედრო ჰოსპიტალს სამედიცინო აპარატი, 2 606 272 ლარის ნაცვლად, 3 940 000 ლარად მიაწოდა, რის შედეგადაც, სამინისტროს 1 333 728 ლარის ქონებრივი ზიანი მიადგა. ასევე, 2025 წლის მარტში ჯუანშერ ბურჭულაძემ და მისმა მეუღლემ ესპანეთში 544 000 ევროდ ქონება შეიძინეს. აღნიშნულის წარმოშობის დამალვის და შენიღბვის მიზნით, ამ ქონებისთვის კანონიერი სახის მისაცემად მათ მესამე პირთან დაბა წყნეთში მდებარე უძრავი ქონების ფიქციური ნასყიდობის ხელშეკრულება გააფორმეს.რაც შეეხება ვლადიმერ ღუდუშაურსა და გიორგი ხაინდრავას, მათ დიდი ოდენობით თანხის გაფლანგვას ედავებიან, ვასილ მხეიძეს კი – გაფლანგვაში დახმარებას. მათ ბრალი წინასწარი შეთანხმებით, ჯგუფის მიერ, სამსახურებრივი მდგომარეობის გამოყენებით საქართველოს თავდაცვის სამინისტროს კუთვნილი დიდი ოდენობით თანხის გაფლანგვის და გაფლანგვაში დახმარების ფაქტზე საქართველოს სისხლის სამართლის კოდექსის 182-ე მუხლის მე-2 ნაწილის „ა“, „დ“ ქვეპუნქტებითდა მე-3 ნაწილის „ბ“ ქვეპუნქტით აქვთ წარდგენილი, რაც სასჯელის სახედ და ზომად 7-დან 11 წლამდე თავისუფლების აღკვეთას ითვალისწინებს. ვლადიმერ ღუდუშაური გირაოს სანაცვლოდ არის გათავისუფლებული.

მსოფლიო • 1775103824

ტრამპი მაკრონზე: მას ცოლი საშინლად ეპყრობა - ის ჯერ კიდევ ყბაში მოხვედრილი დარტყმისგან გონს მოდის

 აშშ-ის პრეზიდენტმა, დონალდ ტრამპმა პირად სადილზე ემანუელ მაკრონსა და მის მეუღლეს, ბრიჟიტ მაკრონს დასცინა. მან მკაცრად გააკრიტიკა ნატოს მოკავშირეები იმის გამო, რომ ისინი არ ჩაებნენ ირანის წინააღმდეგ ომში.„ჩვენ ისინი არ გვჭირდებოდა, მაგრამ მაინც ვკითხე“, - განაცხადა ტრამპმა.„ვურეკავ საფრანგეთს, მაკრონს, რომელსაც ცოლი საშინლად ეპყრობა. ჯერ კიდევ ყბაში მოხვედრილი დარტყმისგან გონს მოდის“, - აღნიშნა ტრამპმა.იგი გულისხმობდა 2025 წლის მაისის ვიდეოს, სადაც ჩანს, რომ ვიეტნამში ვიზიტისას ბრიჟიტ მაკრონმა საფრანგეთის პრეზიდენტს თითქოს სახეში ხელი ჰკრა. მოგვიანებით მაკრონმა ეს კადრები დეზინფორმაციული კამპანიის ნაწილად მოიხსენია.„მე ვუთხარი: ემანუელ, ჩვენ ძალიან გაგვიხარდებოდა დახმარება ყურეში, მიუხედავად იმისა, რომ რეკორდებს ვამყარებთ ცუდი ბიჭებისა და ბალისტიკური რაკეტების განადგურებაში. ძალიან გვინდა დახმარება. თუ შეგიძლია, იქნებ გემები სასწრაფოდ გამოგვიგზავნო“, - განაგრძო ტრამპმა.შემდეგ მან ფრანგული აქცენტით განასახიერა მაკრონის სავარაუდო პასუხი: „არა, არა, არა, ამას ვერ ვიზამთ, დონალდ. ამის გაკეთება მხოლოდ მას შემდეგ შეგვიძლია, რაც ომი მოგებული იქნება“, - თქვა მან.

მსოფლიო • 1775073397

მარკო რუბიო: ჩვენ ძალიან მცირედით ვართ დამოკიდებულნი ჰორმუზის სრუტეზე

აშშ-ის სახელმწიფო მდივანმა, მარკო რუბიომ განაცხადა, რომ აშშ „ძალიან მცირედით“ არის დამოკიდებული ჰორმუზის სრუტეზე, რომლის ჩაკეტვამაც გაზისა და ნავთობის ფასების მკვეთრი ზრდა გამოიწვია ირანთან კონფლიქტის დაწყების შემდეგ.Fox News-ის წამყვანმა, შონ ჰენითიმ რუბიოს ჰკითხა, არის თუ არა კონფლიქტის დასრულების ერთ-ერთი პირობა აშშ-ს მხრიდან სრუტეში „ნავთობის თავისუფალი დინების“ უზრუნველყოფა.„ჩვენ ძალიან მცირედით ვართ დამოკიდებულნი ამ სრუტეებზე, ამიტომ, თუ ირანი მართლაც გადაწყვეტს იქ ბაჟის დაწესებას, ან თუ გადაწყვეტენ სრუტის უკანონოდ კონტროლს და ამის განხორციელებას შეეცდებიან, ვფიქრობ, ეს პრეზიდენტის გადასაწყვეტი იქნება, მოისურვებს თუ არა დახმარებას“, - განაცხადა რუბიომ.„მაგრამ ეს მთელი მსოფლიოს პრობლემაა“, - დასძინა მან. „მსოფლიოს სხვადასხვა ქვეყანა უნდა გააქტიურდეს, მოაგვაროს ეს საკითხი და განაცხადოს, რომ ეს გაუსაძლისია - ჩვენ სწორედ ამისკენ მოვუწოდეთ მათ“.

რჩევები • 1775041684

როგორ უნდა გააქროთ შინაური ცხოველის სუნი ბინაში - სპეციალისტის რჩევები

შინაური ცხოველის სუნი შეიძლება ბინაში რეგულარული დასუფთავების შემთხვევაშიც კი დარჩეს. ეს პრობლემა თითქმის ყველა შინაური ცხოველის პატრონისთვის ნაცნობია და ხშირად იწვევს მუდმივი შფოთვის შეგრძნებას.შინაური ცხოველების მოვლის ექსპერტმა განმარტა, რომ მთავარი შეცდომა სუნის შენიღბვის მცდელობაა მისი წყაროს მოშორების ნაცვლად.შინაური ცხოველების პატრონების მთავარი შეცდომა სუნის შენიღბვის მცდელობაა მისი გამომწვევი მიზეზის აღმოფხვრის ნაცვლად. სუნამოები და ჰაერის გამწმენდები შეიძლება ხანმოკლე შვებას იწვევდეს, მაგრამ ისინი პრობლემას არ წყვეტენ. შინაური ცხოველის სუნი გამოწვეულია ცხიმში, ნერწყვში და სხეულის სითხეების კვალში არსებული აქროლადი ნაერთებით. ეს ნაერთები ილექება ზედაპირებზე: ტექსტილზე, ხალიჩებზე, იატაკის ნაპრალებსა და რბილ ავეჯზე. თუ რეგულარულად არ იწმინდება, ეს ნაერთები გროვდება და მუდმივი ხდება.ექსპერტმა ხაზგასმით აღნიშნა, რომ ზედაპირული სისუფთავე ხშირად მატყუარაა. ზედაპირები შეიძლება მოწესრიგებულად გამოიყურებოდეს, მაგრამ ორგანული ნივთიერებების მიკრონაწილაკები მასალაში რჩება. ეს განსაკუთრებით ეხება იმ ადგილებს, სადაც თქვენი შინაური ცხოველი ყველაზე მეტ დროს ატარებს: საწოლს, დივანს, ხალიჩას ან ოთახის კუთხეს. ექსპერტი გვირჩევს, ჯერ ეს ადგილები განვსაზღვროთ და ცალ-ცალკე დავამუშაოთ.რეგულარული დასუფთავება ყოველთვის ეფექტური არ არის. აუცილებელია ორგანული ნივთიერებების დამშლელი პროდუქტები. ფერმენტებზე დაფუძნებული პროდუქტები საუკეთესოდ მუშაობს, რადგან ისინი ცილოვან ნაერთებს შლიან. მარტივ შემთხვევებში, საცხობი სოდა დაგეხმარებათ: წაუსვით ის რბილ ზედაპირებზე, გააჩერეთ რამდენიმე საათით და შემდეგ მოაშორეთ შეწოვილ ნაწილაკებთან ერთად.ბინის სისუფთავის შენარჩუნების გასაღები რეგულარული ღრმა დასუფთავებაა. მნიშვნელოვანია არა მხოლოდ მტვერსასრუტით გაწმენდა, არამედ სუნის გამომწვევი მიკრონაწილაკების მოცილებაც. შინაური ცხოველის ბეწვი და მიკრონაწილაკები ორგანული ნივთიერებებია, რომლებიც დროთა განმავლობაში იშლება და სუნს აძლიერებს. რეგულარული ქიმწმენდა ყოველთვის ეფექტური არ არის, რადგან ხალიჩაში გარკვეული ჭუჭყი რჩება.თანამედროვე მტვერსასრუტები ამარტივებს რეგულარულ დასუფთავებას. ისინი სულ უფრო ხშირად იქმნება შინაური ცხოველების გათვალისწინებით, რაც მნიშვნელოვნად მოქმედებს დასუფთავების კომფორტზე. დამატებითი ფაქტორია ვენტილაცია. ცუდად ვენტილირებად სივრცეებში სუნი უფრო სწრაფად გროვდება, ამიტომ აუცილებელია სუფთა ჰაერის რეგულარული მიწოდება. ჰაერის გამწმენდებს შეუძლიათ ორგანული ნაერთების, ალერგენების და ბაქტერიების მოცილებით დახმარება.მნიშვნელოვანია რეგულარული დასუფთავების შენარჩუნება და ყველა რეკომენდაციის დაცვა. თუ უსიამოვნო სუნი გახშირდება ან გაუარესდება, დროა ყურადღება მიაქციოთ თქვენი შინაური ცხოველის ჯანმრთელობას - შესაძლოა, დროა დაგეგმოთ ვეტერინართან ვიზიტი ან გადახედოთ მის დიეტას.

მსოფლიო • 1775029955

ძაღლებს შორის სერფინგში მსოფლიოს ხუთგზის ჩემპიონი მოკვდა

აშშ-ში მოკვდა ცნობილი ძაღლი-სერფერი მეტსახელად შუგარი, რომელიც გახდა პირველი ძაღლი, რომელიც სერფინგის დიდების დარბაზში შეიყვანეს.Associated Press-ის ცნობით, ის 16 წლის იყო. შუგარის გარდაცვალების მიზეზი კიბო გახდა. „მშვიდობით, ჩემო ძვირფასო. არ მჯერა, რომ ამას ვწერ... ძალიან მომენატრები“, - დაწერა სოციალურ ქსელში ძაღლის პატრონმა, რაიან რასტანმა.სანამ რასტანი შეიფარებდა, შუგარი მიუსაფარი ძაღლი იყო. სახლის პოვნის შემდეგ მან ძაღლებისთვის განკუთვნილ სერფინგის შეჯიბრებებში დაიწყო მონაწილეობა - ხან პატრონთან ერთად და ხანაც დამოუკიდებლად. შუგარმა მსოფლიო ჩემპიონის ტიტული ხუთჯერ მოიპოვა.2024 წელს, ჰანტინგტონ-ბიჩზე, ცნობილი სერფერების ხელების ანაბეჭდების გვერდით, ბეტონში შუგარის თათების ანაბეჭდებიც გამოჩნდა, როდესაც ის სერფინგის დიდების დარბაზში ოფიციალურად შეიყვანეს.„ეს უბრალოდ დაუჯერებელია. ოცნებები სერფერი ძაღლებისთვისაც კი ხდება რეალობა და ისეთი ბიჭებისთვისაც, როგორიც მე ვარ“, - თქვა მაშინ შუგარის პატრონმა.პლაჟის მიღმა შუგარი ფსიქოლოგიურ დახმარებას უწევდა ვეტერანებს და მონაწილეობდა მოხალისეობრივ საქმიანობაში.

საზოგადოება • 1775023404

ტურიზის ეროვნულმა ადმინისტრაციამ ტურიზმის სფეროს 240 წარმომადგენელი გადაამზადა

საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია ტურიზმის სფეროს წარმომადგენლებისთვის მთელი ქვეყნის მასშტაბით ტრენინგებს აგრძელებს.ადმინისტრაციის ორგანიზებით პირველი დახმარების მოკლე კურსი 240 გიდს,  სასტუმროს წარმომადგენელსა და ტურიზმის სფეროში დასაქმების მსურველს ჩაუტარდა.ტრენინგები შემდეგ ქალაქებსა და დაბებში ჩატარდა: თბილისი, გორი, ქუთაისი, წყალტუბო, ყვარელი, ამბროლაური, ზუგდიდი, ახალციხე ბათუმი და მესტია.პირველი დახმარების ტრენინგის ძირითადი თემებია:პირველი დახმარების ძირითადი პრინციპები და პირადი უსაფრთხოება.პირველი დახმარება გულის გაჩერების დროს (გულ-ფილტვის რეანიმაცია).პირველი დახმარება უცხო სხეულების გადაცდენის დროს სასუნთქ გზებში.პირველი დახმარება ჭრილობის (მათ შორის დამწვრობის და ნაკბენების დროს - კონტექსტიდან გამომდინარე).პირველი დახმარება სისხლდენის დროს.პირველი დახმარება სხეულის დაზიანების დროს და დაზარალებულის გადაყვანა (გადაადგილება უსაფრთხოდ).სხვა გადაუდებელი მდგომარეობები (გულის წასვლა, გულყრა, ზედოზირება/მოწამვლა და სხვ.)

მსოფლიო • 1775018697

მარკო რუბიოს განცხადებით, ირანთან ომის შემდეგ აშშ-ს NATO-სთან ურთიერთობების გადახედვა მოუწევს

 აშშ-ის სახელმწიფო მდივნის, მარკო რუბიოს განცხადებით, ირანსა და აშშ-ს შორის შეტყობინებების გაცვლა მიმდინარეობს და არსებობს პოტენციალი, რომ ორ მხარეს შორის გარკვეულ მომენტში „პირდაპირი შეხვედრა“ შედგეს.„მიმდინარეობს შეტყობინებების გაცვლა, მიმდინარეობს მოლაპარაკებები. არსებობს პოტენციალი, რომ გარკვეულ მომენტში პირდაპირი შეხვედრაც შედგეს“, - განაცხადა რუბიომ.მისი თქმით, ირანთან ომის შემდეგ ვაშინგტონს ნატო-სთან ურთიერთობების გადახედვა მოუწევს.„საბოლოო ჯამში, ეს პრეზიდენტის გადასაწყვეტია და მან თავად უნდა მიიღოს ეს გადაწყვეტილება, მაგრამ ვფიქრობ, რომ სამწუხაროდ, მოგვიწევს გადახედვა, ემსახურება თუ არა ეს ალიანსი, რომელიც გარკვეული პერიოდის განმავლობაში კარგად ემსახურებოდა ამ ქვეყანას, კვლავ ამ მიზანს, თუ ის ახლა ცალმხრივ ქუჩად იქცა, სადაც ამერიკა უბრალოდ ევროპის დასაცავად დგას, მაგრამ როდესაც ჩვენი მოკავშირეების დახმარება გვჭირდება, ისინი გვიკრძალავენ ბაზების გამოყენების უფლებას და გვიკრძალავენ ფრენას“, - აღნიშნა რუბიომ.შეგახსენებთ, ევროპელმა ლიდერებმა ირანის წინააღმდეგ სამხედრო თავდასხმებში პირდაპირ ჩართვაზე უარი განაცხადეს.