მსოფლიო • 1766265079

კომპანიამ თანამშრომელი კორპორაციულ წვეულებაზე მიუსვლელობის გამო დააჯარიმა

ტაილანდში კერძო კომპანიამ თანამშრომელი საახალწლო კორპორაციული ღონისძიების გაცდენისთვის დააჯარიმა, მას ჩამოერთვა პრემია და სხვა სანქციებიც დაუწესდა. ამის შესახებ გამოცემა The Thaiger წერს.სოციალურ ქსელებში გავრცელდა კომპანიის ხელმძღვანელობის წერილი. შეტყობინებაში აღნიშნული იყო, რომ თანამშრომელს, რომელიც სადღესასწაულო ღონისძიებას არ დაესწრო, ჩამოერთმეოდა 50 საათის სამუშაოს ანაზღაურება და წლიური პრემია. გარდა ამისა, ხელმძღვანელობის გადაწყვეტილებით, აღნიშნულ თანამშრომელს 2026 წელს ხელფასის მომატებაზეც უარი ეთქვა.წერილის გამოქვეყნებამ სოციალურ ქსელებში მწვავე დისკუსია გამოიწვია. ბევრი ტაილანდელი მიიჩნევდა, რომ დასჯა ზედმეტად მკაცრი იყო და დაზარალებულს სამსახურის დატოვებისკენ მოუწოდებდა. ასევე აღინიშნებოდა, რომ კომპანიას არ აქვს უფლება, კორპორაციულ ღონისძიებაზე არდასწრების გამო ხელფასთან დაკავშირებული სანქციები გამოიყენოს.მეორე მხრივ, ზოგიერთი მომხმარებელი ამტკიცებდა, რომ დღესასწაულის გაფრთხილების გარეშე გაცდენა შეიძლება დარღვევად ჩაითვალოს, რადგან კომპანია საკვებსა და სასმელს სტუმრების განსაზღვრული რაოდენობის გათვალისწინებით ამზადებდა.

საზოგადოება • 1766060760

სურსათის ეროვნულმა სააგენტომ ზუგდიდის აგრარული ბაზარი დააჯარიმა

სურსათის ეროვნული სააგენტოს სამეგრელო-ზემო სვანეთის რეგიონული დეპარტამენტის ინსპექტირების ჯგუფმა, შემოსული შეტყობინების საფუძველზე, ზუგდიდში, რუსთაველის ქ. N 96 მდებარე აგრარული ბაზარი, შ.პ.ს. ზუგდიდის სუპერმარკეტი (ს/ კ 219982400), არაგეგმურად შეამოწმა, - აღნიშნულია სააგენტოს მიერ გავრცელებულ ინფორმაციაში.მათივე განცხადებით, სახელმწიფო კონტროლის ფარგლებში, ყველის და ხორცის სარეალიზაციო განყოფილებებში გამოვლენილი შეუსაბამობების გამო (ჰიგიენური ნორმების დარღვევა და არასათანადო რეცხვა-დეზინფექცია) ბიზნესოპერატორი განმეორებითობის პრინციპით 5 000 ლარით დაჯარიმდა.„აღსანიშნავია, რომ მიმდინარე წელს აღნიშნული ობიექტი, სააგენტომ მითითებების შეუსრულებლობის გამო უკვე მეხუთედ დააჯარიმა.სურსათის ეროვნული სააგენტო აგრარულ ბაზრებს მთელი ქვეყნის მასშტაბით აქტიურად ამოწმებს.სურსათის ეროვნული სააგენტო მოუწოდებს მომხმარებლებს, რომ დარღვევის აღმოჩენის შემთხვევაში, ინფორმაცია დატოვონ ცხელ ხაზზე - 15-01.სამომხმარებლო ბაზრის ერთობლივი მონიტორინგი და მოსახლეობის აქტიური ჩართულობა სურსათის ეროვნულ სააგენტოს საშუალებას მისცემს, დროულად გამოავლინოს და აღმოფხვრას შეუსაბამობები“, - აცხადებენ სააგენტოში.

საზოგადოება • 1766051890

სურსათის ეროვნული სააგენტო განცხადებას ავრცელებს

სურსათის ეროვნული სააგენტოს სამეგრელო-ზემო სვანეთის რეგიონული დეპარტამენტის ინსპექტირების ჯგუფმა, შემოსული შეტყობინების საფუძველზე, ზუგდიდში, რუსთაველის ქ. N 96 მდებარე აგრარული ბაზარი, შ.პ.ს. ზუგდიდის სუპერმარკეტი (ს/ კ 219982400), არაგეგმურად შეამოწმა, - აღნიშნულია სააგენტოს მიერ გავრცელებულ ინფორმაციაში.მათივე განცხადებით, სახელმწიფო კონტროლის ფარგლებში, ყველის და ხორცის სარეალიზაციო განყოფილებებში გამოვლენილი შეუსაბამობების გამო (ჰიგიენური ნორმების დარღვევა და არასათანადო რეცხვა-დეზინფექცია) ბიზნესოპერატორი განმეორებითობის პრინციპით 5 000 ლარით დაჯარიმდა.„აღსანიშნავია, რომ მიმდინარე წელს აღნიშნული ობიექტი, სააგენტომ მითითებების შეუსრულებლობის გამო უკვე მეხუთედ დააჯარიმა.სურსათის ეროვნული სააგენტო აგრარულ ბაზრებს მთელი ქვეყნის მასშტაბით აქტიურად ამოწმებს.სურსათის ეროვნული სააგენტო მოუწოდებს მომხმარებლებს, რომ დარღვევის აღმოჩენის შემთხვევაში, ინფორმაცია დატოვონ ცხელ ხაზზე - 15-01.სამომხმარებლო ბაზრის ერთობლივი მონიტორინგი და მოსახლეობის აქტიური ჩართულობა სურსათის ეროვნულ სააგენტოს საშუალებას მისცემს, დროულად გამოავლინოს და აღმოფხვრას შეუსაბამობები“, - აცხადებენ სააგენტოში.

სამართალი • 1765958372

დიდგორის ველზე ე.წ. დრიფტაობისთვის ქვემო ქართლის პოლიციამ ადმინისტრაციული სამართალდარღვევის ფაქტზე 4 პირი დააჯარიმა

შინაგან საქმეთა სამინისტროს ქვემო ქართლის პოლიციის დეპარტამენტის თეთრიწყაროს რაიონული სამმართველოს თანამშრომლებმა, სოციალურ ქსელში გავრცელებული ვიდეომასალის საფუძველზე, ავტომობილის განზრახ მოცურება/მოსრიალების და მოცურებით წრიული ბრუნვის განხორციელების ე.წ. დრიფტის ფაქტზე ადმინისტრაციული საქმის წარმოება დაიწყეს.სამართალდამცველების მიერ ჩატარებული მოკვლევით დადგინდა, რომ 2007 წელს დაბადებული ნ.გ.-მ, 2002 წელს დაბადებული თ.ლ.-მ, 2005 წელს დაბადებული ჯ.მ.-მ და 2002 წელს დაბადებული ლ.ვ.-მ სხვადასხვა დროს, თეთრიწყაროს მუნიციპალიტეტში მდებარე დიდგორის მემორიალის მიმდებარე ტერიტორიაზე ე.წ. დრიფტი გამართეს.სამართალდამცველების მიერ ოთხივე მათგანი, ადმინისტრაციულ სამართალდარღვევათა კოდექსის 125-ე მუხლის 17-ე და 121-ე მუხლის I ნაწილების შესაბამისად დაჯარიმდნენ.ინფორმაციას შსს ავრცელებს.

რეგიონი • 1765802270

ბათუმის მერიამ საგზაო ინფრასტრუქტურულ სამუშაოებზე შრომის უსაფრთხოების ნორმების დარღვევის ფაქტზე შემსრულებელი კომპანიები დააჯარიმა

ქალაქ ბათუმის მუნიციპალიტეტის მერიის თანამშრომლებმა ბათუმში, რუსთაველისა და გოგებაშვილის ქუჩების საგზაო ინფრასტრუქტურის სარეაბილიტაციო სამუშაოების მიმდინარეობისას, შრომის უსაფრთხოების ნორმების დარღვევის ფაქტები გამოავლინეს და სამუშაოების შემსრულებელი კომპანიები დააჯარიმეს. საქალაქო ინფრასტრუქტურისა და კეთილმოწყობის სამმართველოს თანამშრომლებმა, ქვის მშრალი წესით დამუშავებისთვის, ორი კომპანია - შპს „გზა“ და შპს „ბონდი-2009“, 10 და 15 დეკემბერს,  დააჯარიმეს.ბათუმის მერიის შესაბამისი სამსახურები ქალაქის მასშტაბით მიმდინარე სამუშაოებზე მონიტორინგს მუდმივ რეჟიმში ახორციელებენ.

მსოფლიო • 1764948108

ევროკომისიამ სოციალური პლატფორმა „იქსი“ 120 მილიონით დააჯარიმა

ევროკომისიამ სოციალური პლატფორმა „იქსი“ ციფრული სერვისების აქტის დარღვევისთვის 120 მილიონი ევროთი დააჯარიმა.როგორც ევროკომისია აცხადებს, სოციალური პლატფორმა X-ის მიერ ვერიფიცირებული ანგარიშებისთვის შექმნილი „ლურჯი ნიშანი“ არღვევს ციფრული სერვისების შესახებ კანონის (DSA) მოთხოვნას.ევროკომისიის განცხადებით, სოციალურ პლატფორმა X-ზე ნებისმიერ პირს შეუძლია, გადაიხადოს თანხა და მიიღოს „ვერიფიცირებულის“ სტატუსი, კომპანია კი არსებითად არ ამოწმებს, ვინ დგას ანგარიშის უკან. „ეს ართულებს მომხმარებლებისთვის იმის განსჯას, რამდენად ავთენტურია ანგარიშები“, – აცხადებენ ევროკომისიაში.ამასთან, როგორც ევროკომისიაში აღნიშნავენ, „იქსი“ არ აკმაყოფილებს ციფრული სერვისების შესახებ კანონის გამჭვირვალობისა და ხელმისაწვდომობის მოთხოვნებს. ევროკომისიის განცხადებით, X არ ასრულებს ვალდებულებას, მიაწოდოს მკვლევრებს პლატფორმის საჯარო მონაცემებზე წვდომა.სოციალურ პლატფორმა X-ს ახლა აქვს 60 სამუშაო დღე, რათა ევროკომისიას აცნობოს კონკრეტული ღონისძიებების შესახებ, რომელთა განხორციელებასაც აპირებს. შეუსრულებლობამ, შეიძლება, პერიოდულად ჯარიმები გამოიწვიოს.

საზოგადოება • 1762979086

არუნ ხათრი 500 ლარით დააჯარიმეს

ინდური ხალხური მედიცინის ექსპერტი სურსათის ეროვნულმა სააგენტომ 500 ლარით დააჯარიმა.ამის შესახებ სეს-ის დოკუმენტში ვკითხულობთ:„სახელმწიფო კონტროლის განხორციელებისას ადგილზე დადგინდა, რომ ბიზნესოპერატორის საქმიანობა სრულად არ შეესაბამებოდა საქართველოს კანონმდებლობით განსაზღვრულ მოთხოვნებს: ბიზნესოპერატორი არ იყო რეგისტრირებული ეკონომიკურ საქმიანობათა რეესტრში საქართველოს კანონმდებლობის შესაბამისად. ასევე, გამოვლინდა მომხმარებლისთვის სურსათის შესახებ ინფორმაციის მიწოდების წესის დარღვევის ფაქტი, რის გამოც ბიზნესოპერატორი სურსათს/ცხოველის საკვების უვნებლობის, ვეტერინარიისა და მცენარეთა დაცვის კოდექსის 65-ე მუხლის პირველი ნაწილითა და 66-ე მუხლის მე-6 ნაწილის შესაბამისად დაჯარიმდა 500 ლარის ოდენობით და შეუჩერდა საქმიანობა რეგისტრაციამდე“

სამართალი • 1762772408

სასამართლომ, ნიკა მელია, ლისის ტბასთან ადმინისტრაციული წესით დაკავების საქმეზე, 5 000 ლარით დააჯარიმა

თბილისის საქალაქო სასამართლომ ნიკა მელია ადმინისტრაციულ სამართალდამრღვევად ცნო და 5 000-ლარიანი ჯარიმა დააკისრა. დღევანდელ სხდომას მელიაც ესწრებოდა, რომელსაც პოლიციისთვის შეურაცხყოფის მიყენებას ედავებიან.შსს-ს ინფორმაციით, პოლიტიკოსი ლისის ტბის ასახვევთან ადმინისტრაციულ სამართალდარღვევათა კოდექსის 173-ე მუხლის საფუძველზე მაისში დააკავეს, რაც სამართალდამცავი ორგანოს თანამშრომლის სიტყვიერ შეურაცხყოფას ან სხვაგვარი შეურაცხმყოფელი ქმედების განხორციელებას გულისხმობს.

პოლიტიკა • 1762449845

ანტიკორუფციულმა ბიურომ მამუკა ხაზარაძე დააჯარიმა

დამალული საიჯარო ხელშეკრულება და არასრულად შევსებული ქონებრივი დეკლარაცია - ამ მიზეზების გამო დააჯარიმა ანტიკორუფციულმა ბიურომ 3 თვიანი მოკვლევის შემდეგ, მამუკა ხაზარაძე. რაჟდენ კუპრაშვილის უწყებამ მიმდინარე წლის 27 იანვრის დეკლარაცია შეისწავლა და დაადგინა, რომ "ლელოს" ლიდერმა საქართველოში გერმანიის ელჩზე სახლის გაქირავებით მიღებული შემოსავალი დამალა. ბიურო წერილობით განცხადებაში განმარტავს, რომ ხაზარაძემ დამატებითი დრო ითხოვა, თუმცა არც საჭირო დოკუმენტაცია და არც უცხოურ ბანკებში არსებული ანგარიშების ამონაწერები წარუდგენია.ანტიკორუფციულმა ბიურომ მოკვლევა 6 აგვისტოს, მას შემდეგ დაიწყო, რაც „კურიერმა“ ხაზარაძის ოჯახსა და პეტერ ფიშერს შორის საიდუმლო გარიგების ფარგლებში გაფორმებული ხელშეკრულების შესახებ ექსკლუზიური ინფორმაცია გაავრცელა. მაშინ ხაზარაძეც და მისი პარტიაც ეკონომიკური სარგებლისგან მიღებული შემოსავლის დამალვის ფაქტს უარყოფდა, თუმცა დღეს "ლელოს" ლიდერიც და მისი თანაგუნდელებიც აღიარებენ, რომ ხაზარაძემ კანონი დაარღვია.„ქართული ოცნება“ კი დარწმუნებულია, რომ მამუკა ხაზარაძემ გერმანიის ელჩთან ფარული თანამშრომლობის შესახებ ინფორმაცია მიზანმიმართულად, პოლიტიკური გარიგების საფუძველზე დამალა. ამ ფონზე, მმართველი პარტია მიიჩნევს, რომ ანტიკორუფციულმა ბიურომ სამართლებრივად სწორი გადაწყვეტილება მიიღო.ხაზარაძის ხარვეზებზე ღიად საუბრობენ მისი საარჩევნო პარტნიორებიც, თუმცა "ლელოს" ლიდერის პოლიტიკური აღსარებისა და კანონდარღვევის ფაქტზე გამოწერილი ჯარიმის შემდეგ, გახარიას გუნდი მის დაცვას ერიდება. „ნაციონალური მოძრაობისთვის“ კი ხაზარაძის ქმედება მხოლოდ ფორმალური დარღვევის ჩარჩოში ჯდება.ჯგუფური თაღლითობისთვის ერთხელ უკვე გასამართლებული ხაზარაძე, „ქართული ოცნების“ შეფასებით, ახლა უკვე პოლიტიკურ თაღლითობაშია მხილებული. მმართველი პარტია დარწმუნებულია, რომ "ლელოს" ლიდერმა გერმანელ დიპლომატს საცხოვრებელი სახლი პოლიტიკური მხარდაჭერის მისაღებად მიაქირავა.ხაზარაძის პოლიტიკურ მოტივაციასა და პეტერ ფიშერის არადიპლომატიურ ნაბიჯზე მიუთითებს პრემიერ-მინისტრი. ჟურნალისტების შეკითხვის საპასუხოდ ირაკლი კობახიძემ თქვა, რომ გერმანიის ელჩის არაეთიკურ ნაბიჯზე რეაგირება ოფიციალურ ბერლინსაც უნდა ჰქონოდა.ყავლაშვილის 14 ნომერში მდებარე საცხოვრებელი სახლი პეტერ ფიშერმა მამუკა ხაზარაძის ოჯახისგან 2022 წელს იქირავა, მას შემდეგ, რაც "ლელოს" ლიდერი ქართულმა სასამართლომ ჯგუფურ თაღლითობაში დამნაშავედ ცნო. ბინის გაქირავებამდე კი ხაზარაძემ უძრავი ქონება მეუღლეს ჩუქების ხელშეკრულების საფუძველზე იმავე წლის მარტში გადაუფორმა.

პოლიტიკა • 1762427323

მამუკა ხაზარაძე ჯერ კიდევ საპყრობილეში იმყოფებოდა, როდესაც მისმა ოჯახმა აღმოაჩინა ეს ე.წ. გადაცდომა და სახელმწიფოსთან ყველა ხარჯი გაასწორა - გიორგი სიორიძე

მამუკა ხაზარაძე ანტიკორუფციულმა ბიურომ დააჯარიმა. "კურიერის" ინფორმაციით, მოკვლევა დღეს დასრულდა და ხაზარაძემ დეკლარაციის შესწავლის პროცესში, დარღვევა აღიარა. "კურიერს" ანტიკორუფციულმა ბიურომ დაუდასტურა, რომ ხაზარაძის დეკლარაციაში არაერთი დარღვევაა.დოკუმენტების შესწავლის შედეგად გაირკვა, რომ "ლელოს" ლიდერმა საქართველოში გერმანიის ელჩზე სახლის გაქირავებით მიღებული შემოსავალი დამალა. ხაზარაძემ დამატებითი დრო ითხოვა, თუმცა მიუხედავად ამისა, მან ბიუროს საჭირო დოკუმენტაცია არ მიაწოდა.პარტია ”ლელო - ძლიერი საქართველოს” პოლიტიკური საბჭოს წევრის, გიორგი სიორიძის განცხადებით, ანტიკორუფციული ბიუროს ქმედება საზოგადოების ყურადღების არარსებულ თემებზე გადატანას ემსახურება."მამუკა ხაზარაძე ჯერ კიდევ საპყრობილეში იმყოფებოდა, როდესაც მისმა ოჯახმა აღმოაჩინა ეს ე.წ. გადაცდომა და სახელმწიფოსთან ყველა ხარჯი გაასწორა. ანტიკორუფციული ბიუროს ახლანდელი გამოხტომა სხვა არაფერია თუ არა ის, რომ გადაიტანონ საზოგადოების ყურადღება რეალურად არარსებულ თემებზე", - განაცხადა გიორგი სიორიძემ.

პოლიტიკა • 1762424956

ნინო წილოსანი მამუკა ხაზარაძეზე: ალბათ ერთხელ თაღლითი, მუდმივად თაღლითი იქნება, მასშტაბს ამ შემთხვევაში განსაკუთრებული მნიშვნელობა არ აქვს

ალბათ ერთხელ თაღლითი, მუდმივად თაღლითი იქნება, მასშტაბს ამ შემთხვევაში განსაკუთრებული მნიშვნელობა არ აქვს, - განაცხადა საქართველოს პარლამენტის თავმჯდომარის მოადგილემ, ნინო წილოსანმა მამუკა ხაზარაძეზე საუბრისას.მისივე თქმით, მამუკა ხაზარაძემ ანაკლიის პროექტიდან და იმ საქმიდან გამომდინარე, სადაც ბრალდებულია თაღლითობაში, გრძელი გზა გაიარა არასწორი ნაბიჯებით.„ყველაზე ელემენტარული რაც შეიძლება მოეტყუებინა ეს არის დეკლარაცია, რომელსაც საჯარო პირები ვაბარებთ“, - აღნიშნა ნინო წილოსანმა.ანტიკორუფციული ბიურო დეტალურად განმარტავს, რის საფუძველზე დააჯარიმა მამუკა ხაზარაძე. საქმე ეხება ქონებრივ დეკლარაციას, სადაც არ არის ასახული სრულყოფილი მონაცემები, მათ შორის ხაზარაძის მეუღლესა და გერმანიის ფედერაციული რესპუბლიკის საელჩოს შორის გაფორმებული უძრავი ქონების იჯარის ხელშეკრულებასთან დაკავშირებით.

სამართალი • 1762413550

გერმანიის ელჩისთვის სახლის მიქირავებით მიღებული შემოსავლის დამალვის გამო ანტიკორუფციულმა ბიურომ მამუკა ხაზარაძე დააჯარიმა

მამუკა ხაზარაძე ანტიკორუფციულმა ბიურომ დააჯარიმა. "კურიერის" ინფორმაციით, მოკვლევა დღეს დასრულდა და ხაზარაძემ დეკლარაციის შესწავლის პროცესში, დარღვევა აღიარა.ანტიკორუფციულ ბიუროში დოკუმენტების შესწავლის შედეგად დადასტურდა, რომ "ლელოს" ლიდერმა საქართველოში გერმანიის ელჩზე სახლის გაქირავებით მიღებული შემოსავალი დამალა."კურიერს" ინფორმაცია ანტიკორუფციულმა ბიურომ ცოტა ხნის წინ დაუდასტურა. უწყება აცხადებს, რომ ხაზარაძის დეკლარაციაში არაერთი დარღვევაა. ხაზარაძემ დამატებითი დრო ითხოვა, თუმცა მიუხედავად ამისა, მან ბიუროს საჭირო დოკუმენტაცია არ მიაწოდა.ფრაქცია "საქართველოსთვის" წევრის, ვიკა ფილფანის განცხადებით, მამუკა ხაზარაძემ შეცდომა აღიარა და ამის პოლიტიკურ შეფასებაში არ შევა."ეს ადამიანი გამოვიდა, თავად თქვა, რომ ჰქონდა დარღვევა და თქვა, რომ შეეშალა და მოასწრო გადახდა. ამის მეტი ამ პოლიტიკურ შეფასებაში მე არ შევალ", - განაცხადა პარლამენტის ფრაქცია "საქართველოსთვის" წევრმა, ვიკა ფილფანმა.