პოლიტიკა • 1760678509

ფინეთში გამართულ მიტინგზე ფონ დერ ლეიენისთვის ყვირილის გამო, ევროპარლამენტის წევრობის ყოფილი კანდიდატი დააჯარიმეს - სასამართლოს განაჩენით, მას პოლიციის ნებართვა სჭირდება ფინეთში ნებისმიერ აქციაში მონაწილეობისთვის

ჰელსინკის რაიონულმა სასამართლომ დააჯარიმა ევროპარლამენტის წევრობის ყოფილი კანდიდატი არმანდო მემა, რომელმაც ფინეთში ვიზიტის დროს ევროკომისიის პრეზიდენტ ურსულა ფონ დერ ლაიენს უყვირა.გამოცემა Brussels Signal-ის თანახმად, მემა 2024 წლის 11 აგვისტოს დააჯარიმეს 110 ევროთი „საჯარო მოხელის შეურაცხყოფისთვის“.„სასამართლომ მე დამსაჯა დანაშაულისთვის, რომელიც არ ჩამიდენია”, - განაცხადა მემამ.აღნიშნული ინციდენტი 2024 წლის ივნისში, ევროპარლამენტის არჩევნების კამპანიის პერიოდში მოხდა, როდესაც ევროკომისიის პრეზიდენტი ფინეთში იმყოფებოდა პრემიერ-მინისტრ პეტერი ორპოს მოწვევით და სიტყვით მიმართავდა ფინურ საზოგადოებას ევროპაში თავისუფალი სიტყვის მნიშვნელობასთან დაკავშირებით.„რუსეთში ადამიანები ციხეში ხვდებიან, თუ საკუთარ აზრს გამოთქვამენ,“  - ამბობდა ფონ დერ ლაიენი, რა დროსაც, ფინეთის პოლიციამ არმანდო მემა დააპატიმრა, რადგან მან შეკითხვები დასვა.სოციალურ მედიაში გავრცელებულმა ვიდეომ, რომელიც მემას დაკავებისას არის გადაღებული, გამოიწვია როგორც სიცილი, ისე სკეპტიციზმი.სასამართლო პროცესის დასრულების შემდეგ, მემამ კიდევ ერთხელ განაცხადა, რომ არაფერი დაუშავებია ამ ინციდენტს ევროკავშირის დემოკრატიის სერიოზული პრობლემა უწოდა: „ეს არის ძალიან სერიოზული პრობლემა თავისუფალი სიტყვის საკითხში ევროკავშირში. მშვიდობიანი პროტესტი ადამიანის უფლებაა. გაერო აღიარებს ამას. ფინეთში კი, რომელიც ერთ-ერთ ყველაზე დემოკრატიულ ქვეყანად მოიხსენიებს თავს, ოპოზიციურ კანდიდატებს მხოლოდ შეკითხვების დასმის გამო აპატიმრებენ.“„როდესაც ევროკომისიის პრეზიდენტი ამბობს: „თქვენს არ ხართ რუსეთში, იქ ციხეში აღმოჩნდებოდით“, და მერე მე ადგილზე მაპატიმრებენ, ეს უნდა გახდეს ტოპ-თემა. ხალხმა უნდა ჰკითხოს საკუთარ თავს: ეს არის დემოკრატია?“ - დასძინა მან.სასამართლომ ასევე დაადგინა, რომ მემა საჭიროებს პოლიციის ნებართვას, რათა შემდგომში მონაწილეობა მიიღოს ფინეთში გამართულ ნებისმიერ საპროტესტო აქციაში.„მე არ შემიძლია უბრალოდ წავიდე და მონაწილეობა მივიღო ნებისმიერ დემონსტრაციაში პოლიციის ნებართვის გარეშე. ეს არის თავისუფალი სიტყვის უფლება? ამას ევროპელი მოქალაქეები გადაწყვეტენ,“ – თქვა მემამ.7 აგვისტოს მემამ ასევე განაცხადა, რომ ფინელ ჟურნალისტებს აკრძალული ჰქონდათ მისი საქმის შესახებ ინფორმაცის გაშუქება.„ჩემი შეკითხვები იმდენად უხერხული იყო ურსულასა და ფინეთის პრემიერ-მინისტრისთვის, რომ ფინეთის მთავარ მედიას არ ჰქონდა უფლება დაეწერა ამ ინციდენტის შესახებ. მათი პასუხი იყო: „ჩვენ არ შეგვიძლია ამის გამოქვეყნება.“ჟურნალისტები გააჩუმეს და ვერ შეძლეს თავისუფლად შეესრულებინათ თავიანთი სამუშაო,“ – დაწერა მან X-ზე.მემას ეს განცხადებები გაკეთდა იმ დროს, როდესაც ფინეთის უზენაესი სასამართლო ემზადებოდა ყოფილი შინაგან საქმეთა მინისტრის, პაივი რასანენის, შესახებ გახმაურებული მოსმენისთვის, რომელიც სამართლებრივი პრობლემების წინაშე დგას თავისი რელიგიური შეხედულებების გამოხატვის გამო, რომელიც გენდერულ თემებსა და ქორწინებას ეხება.

მსოფლიო • 1758048432

ვენეციის არხში მოცურავე წყვილი დააჯარიმეს და ქალაქის დატოვება მოსთხოვეს

 ბრიტანელ წყვილს, რომელიც შვებულების გატარებას ვენეციაში აპირებდა, არხების ქალაქის დატოვება დროზე ადრე მოუწია, უფრო ზუსტად — ჩასვლის დღესვე. 35 წლის ბრიტანელი კაცი და მისი 25 წლის რუმინელი პარტნიორი გონდოლის მენიჩბეებმა ვენეციის დიდ არხში მოცურავეები შენიშნეს და ამის შესახებ მაშინვე აცნობეს პოლიციას. პოლიციამ კი თითოეული მათგანი 450 ევროთი დააჯარიმა და წყვილს ქალაქი 48 საათით დაატოვებინა. პოლიციის ცნობით, მხოლოდ წელს, მათ უკვე 1136-ედ მოუწიათ მსგავსი ზომის მიღება ტურისტების არასათანადო ქცევის გამო.როგორც ირკვევა, ქალაქის ვიზიტორებმა წმინდა მარკოზის მოედნის მახლობლად, აკადემიის ხიდთან მოისურვეს არხში გაცურვა. თუმცა, წყვილს ჭყუმპალაობა არ დასცალდა — ადგილზე ოპერატიულად მისულმა პოლიციამ ისინი მალევე ამოიყვანა წყლიდან. ვენეციის არხებში ბანაობა რამდენიმე მიზეზითაა აკრძალული, მათ შორის, გონდოლების აქტიურად გადაადგილებისა და წყლის სისუფთავის გამო."ვენეცია უნდა დავიცვათ მათგან, ვინც ქალაქს უპატივცემულოდ ეპყრობა", — აცხადებს ქალაქის უსაფრთხოების საბჭოს წევრი, ელიზაბეტა პესჩე, — "დაცვა კი გულისხმობს წესრიგის უზრუნველყოფას ქალაქის მცხოვრებებისა და იმ ვიზიტორებისთვის, რომლებიც ცივილურად იქცევიან".წესრიგის უზრუნველყოფას კი, ვენეცია, რომელიც ყოველწლიურად ათობით მილიონ ტურისტს მასპინძლობს, ბოლო წლებში სხვადასხვა წესის შემუშავებით ცდილობს. მაგალითად, ქალაქში არ დაიშვება 25-ზე მეტი ადამიანისგან შემდგარი ტურისტული ჯგუფი, იკრძალება დინამიკების ან მეგაფონების გამოყენება და ვიწრო ქუჩაზე გაჩერება გიდის მოსასმენად."ჯარიმების გარკვეული სისტემის შემუშავება აუცილებელიც კი იყო პოტენციური დარღვევების აღსაკვეთად", - განმარტავს პესჩე და ამატებს, რომ ამგვარი რეგულაციებით ლაგუნის ისტორიულ ცენტრს "ჭარბი ტურიზმისგან" იცავენ.

მსოფლიო • 1752770340

პოლიციამ მძღოლის გარეშე მოძრავი მანქანა დააჯარიმა, ღვედის გამოუყენებლობის გამო

ყაზანში საგზაო პოლიციის თანამშრომლებმა LiXiang L7 მარკის ავტომობილი გააჩერეს, რომელიც, როგორც აღმოჩნდა, მძღოლის გარეშე მოძრაობდა.სალონში მყოფმა მგზავრებმა ერთხმად განაცხადეს, რომ მათ ამასთან არაფერი საერთო არ ჰქონდათ — მანქანა ავტოპილოტით მოძრაობდა. ამის შესახებ SHOT წერს.როგორც SHOT Telegram არხმა შეიტყო, მანქანის მფლობელმა ინსპექტორები დაარწმუნა, რომ მისი LiXiang L7-ის მართვა პირდაპირ ტელეფონიდან იყო შესაძლებელი და საჭესთან ჯდომა საერთოდ არ იყო საჭირო. პოლიციამ, ბევრი ფიქრის გარეშე, ღვედის არ ტარების გამო ჯარიმა დააკისრა და ჯგუფი გაუშვა.არხის წყარომ შინაგან საქმეთა სამინისტროდან აღნიშნა, რომ ავტოპილოტს ჯერ არ შეუძლია დამოუკიდებლად გააჩეროს მანქანა ინსპექტორის მოთხოვნით, ამიტომ მართვას იქ მყოფი პირი ახორციელებდა და ეს პირი მძღოლად ითვლება. მან ასევე დასძინა, რომ თუ მძღოლს ტელეფონით მართვისას ნასვამ მდგომარეობაში  დააკავებენ, მას შეიძლება მართვის მოწმობა ჩამოერთვას და ციხეში აღმოჩნდეს.თუმცა, კითხვა, თუ როგორ უნდა დადგინდეს, ვინ მართავდა მანქანას ტელეფონის საშუალებით, როცა მოწყობილობის სხვა პირისთვის სწრაფად გადაცემა შესაძლებელია, ღიად რჩება.

სამართალი • 1750691966

მოსამართლემ მზია ამაღლობელი კვლავ პატიმრობაში დატოვა

მოსამართლე ნინო სახელაშვილმა მზია ამაღლობელი კვლავ პატიმრობაში დატოვა. ბათუმის საქალაქო სასამართლოში აღკვეთის ღონისძიების სახით ამაღლობელის წინასწარ პატიმრობაში ყოფნა გადაისინჯა.ცნობისთვის, 18 მარტს ამაღლობელი მოსამართლე სალიხ შაინიძემ ადმინისტრაციულ სამართალდამრღვევად ცნო და 2 000 ლარით დააჯარიმა.პროკურატურა ამაღლობელს პოლიციელის სიტყვიერ შეურაცხყოფას ედავებოდა.

პოლიტიკა • 1750429980

ლევან მახაშვილი: სახელმწიფოს, ყველა ორგანიზაციის ლეგიტიმური უფლებაა, როდესაც საქმე ეხება სიძულვილის ენას, მოახდინონ შესაბამისი რეაგირება

სახელმწიფოს, ყველა ორგანიზაციის ლეგიტიმური უფლებაა, როდესაც საქმე ეხება სიძულვილის ენას, მოახდინონ შესაბამისი რეაგირება, - განაცხადა პარლამენტის ევროპასთან ინტეგრაციის კომიტეტის თავმჯდომარემ, ლევან მახაშვილმა თანამდებობის პირების შეურაცხყოფის ფაქტებზე მიმდინარე სასამართლო პროცესების შეფასებისას.მისივე თქმით, სახელმწიფოსა ლეგიტიმური უფლებაა, გადადგას ის ნაბიჯი, რომელიც საჭიროა მსგავსი პრობლემების მოსაგვარებლად.„აქ მთავარი პრობლემა ის კი არ არის, რომ ევროპარლამენტმა ან სხვამ სცადა ან ცდილობენ სიძულვილის ენის რეგულირებას, აქ მთავარი პრობლემაა ის, რომ ამავე დროს, მეორე ხელით, მათ შორის საქართველოს მოუწოდებენ, რომ არაფერი გააკეთოს სიძულვილის ენის აღმოსაფხვრელად“, - განაცხადა მახაშვილმა.თბილისის საქალაქო სასამართლო პოლიტიკური თანამდებობის პირების შეურაცხყოფის ფაქტებზე მსჯელობს. სასამართლომ 4 ათასი ლარით დააჯარიმა ვახო სანაია, ასევე დავით ქაცარავა. მას 3 წლით იარაღის ტარების უფლებაც ჩამოერთვა. შინაგან საქმეთა სამინისტროს საჩივრით ფრაქცია „ქართულმა ოცნებამ“ მიმართა.

პოლიტიკა • 1750428900

გიორგი კახიანი: სიძულვილის ენა არ უნდა იყოს გამოყენებული არც პოლიტიკოსებს შორის და არც საზოგადოებაში

სიძულვილის ენა არ უნდა იყოს გამოყენებული არც პოლიტიკოსებს შორის და არც საზოგადოებაში, - განუცხადა ჟურნალისტებს პარლამენტის თავმჯდომარის მოადგილე გიორგი კახიანმა.მისივე თქმით, მთელს მსოფლიოში ყველა თანხმდება იმაზე, რომ სიძულვილის ენა, ეს არის ძალიან მძიმე რამ, ზოგადად, ყველა ებრძვის ამას.„ჩვენ ვნახეთ, რომ დღეს უკვე შესაბამისი რეზოლუციაც მიიღო ევროპარლამენტმა ამის თაობაზე, მაგრამ პრობლემა იმაშია, რომ ერთის მხრივ ისინი საუბრობენ, რომ თურმე მათ ქვეყნებში სიძულვილის ენა მიუღებელია, მაგრამ მეორეს მხრივ, ჩვენ ვხედავთ ხშირ შემთხვევაში, როდესაც მათი მხრიდან ფინანსდებიან აქ ისეთი არასამთავრობო ორგანიზაციები, რომლებიც სწორედ რომ სიძულვილის ენის გავრცელებას ახდენენ“, - აღნიშნა გიორგი კახიანმა.თბილისის საქალაქო სასამართლო პოლიტიკური თანამდებობის პირების შეურაცხყოფის ფაქტებზე მსჯელობს. სასამართლომ ოთხი ათასი ლარით დააჯარიმა ვახო სანაია. შინაგან საქმეთა სამინისტროს, საჩივრით ფრაქცია „ქართულმა ოცნებამ“ მიმართა.

სამართალი • 1750252054

ბათუმის საქალაქო სასამართლომ პლაკატის გაკვრისთვის მზია ამაღლობელი ადმინისტრაციულ სამართალდამრღვევად ცნო და 1000 ლარით დააჯარიმა

ბათუმელებისა და ნეტგაზეთის დამფუძნებელი მზია ამაღლობელი ბათუმის საქალაქო სასამართლომ მეორედ ცნო ადმინისტრაციულ სამართალდამრღვევად. მოსამართლე მარიანა ფომაევამ პლაკატის გაკვრისთვის ამაღლობელი 1000 ლარით დააჯარიმა. ფომაევამ გადაწყვეტილება ორი მოწმე სამართალდამცველისა და ერთ-ერთი აქციის მონაწილის მოსმენის შემდეგ მიიღო.დაცვის მხარის განცხადებით, მზია ამაღლობელი ერთსა და იმავე საქმეზე ორჯერ გაასამართლეს.„დიახ ორი ერთსა და იმავე საქმეზე ორჯერ გაასამართლეს, მზია იმყოფებოდა აქციაზე, გააკრა სტიკერი და რამდენიმე წუთში დააკავეს, არის აბსოლუტურად ერთი და იგივე ქმედება, ამასთან არ არის და ვერ მოვიპოვეთ განმარტება კანონში სად შეიძლება დამახინჯდეს იერსახე ქალაქის და სად არა. ამაზე სასამართლოსაც მივმართეთ განემარტა, თუმცა თავი არ შეუწუხებია“ აღნიშნა ამაღლობელის ადვოკატმა.შინაგან საქმეთა სამინისტროს წარმომადგენელის თქმით, ერთხელ პასუხისმგებლობა ამაღლობელს სამართალდამცველების შეურაცხყოფის, მეორედ კი პლაკატის გაკვრის გამო დაეკისრა და არც საქმე იყო ხანდაზმული და ვადაგადაცილებული.ცნობისთვის, რომ პირველ ადმინისტრაციულ ბრალდებაზე მზია ამაღლობელი 2000 ლარით დააჯარიმეს. დღევანდელ სხდომას იგი პროტესტის ნიშნად არ დაესწრო და ამის შესახებ სასამართლოს წერილობით მიმართა.პარალელურად გრძელდება სისხლის სამართლის საქმის არსებითი განხილვა, რომლის მორიგი პროცესი 23 ივნისს არის ჩანიშნული.

სამართალი • 1749809819

სასამართლომ პოლიტიკური თანამდებობის პირების შეურაცხყოფის ფაქტზე ალეკო ელისაშვილი და ეკა მიშველაძე 4000 ლარით დაჯარიმა

თბილისის საქალაქო სასამართლომ პოლიტიკური თანამდებობის პირების შეურაცხყოფის ფაქტებზე იმსჯელა.სასამართლომ ალეკო ელისაშვილი და ეკა მიშველაძე ოთხი ათასი ლარით დააჯარიმა. საქმე ეხება ადმინისტრაციულ სამართალდარღვევათა კოდექსით გათვალისწინებული მუხლის დარღვევას. შინაგან საქმეთა სამინისტროს საჩივრით ფრაქცია ქართულმა ოცნებამ მიმართა.

სამართალი • 1747827639

იპოდრომის ყოფილ ტერიტორიაზე, მშენებლობის დროს უსაფრთხოების ნორმების დარღვევის გამო, თბილისის მერიამ სუბიექტი 30 000 ლარით დააჯარიმა

იპოდრომის ყოფილ ტერიტორიაზე მიმდინარე მშენებლობის დროს უსაფრთხოების ნორმები დაირღვა, რაზეც თბილისის მუნიციპალურმა ინსპექციამ მყისიერი რეაგირება მოახდინა.როგორც დედაქალაქის მერმა, კახა კალაძემ თბილისის მუნიციპალიტეტის მთავრობის სხდომაზე აღნიშნა, სუბიექტი 30 000 ლარით დაჯარიმდა.„წინა ხელისუფლების დროს გასხვისებული იყო ყოფილი იპოდრომის ტერიტორიის მიმდებარედ არსებული საჩოგბურთო კორტები, სადაც საცხოვრებელი კორპუსების მშენებლობა იგეგმებოდა. მოსახლეობის თხოვნითა და ჩვენი ჩართულობით, მოვახერხეთ და ეს ტერიტორია დედაქალაქს დავუბრუნეთ, რომლის შემდეგაც, გამოვაცხადეთ აუქციონი და აღნიშნული მიწის ნაკვეთი, მასზე სპორტული კომპლექსის მოწყობის მიზნით განვკარგეთ. მას ჰყავს კერძო მესაკუთრე, რომელსაც ვალდებულება გააჩნია. სპორტული კომპლექსი მოიცავს სამი საჩოგბურთო კორტის მშენებლობას. ტერიტორიაზე მოეწყობა საცურაო აუზი, ფიტნეს-დარბაზი, ასევე, სპორტულ-გამაჯანსაღებელი დანიშნულებისა და სპორტულ კომპლექსთან დაკავშირებული სივრცეები. კომპანიის მიერ უკვე განხორციელებულია, დაახლოებით, 5 000 000 ლარზე მეტის ინვესტიცია.აღნიშნულ ობიექტზე, რამდენიმე დღის წინ, სამშენებლო სამუშაოების მიმდინარეობისას, უსაფრთხოების ნორმები დაირღვა. კერძოდ, სართულშუა გადახურვის კონსტრუქციების მშენებლობისას ნაწილობრივ ჩამოიშალა საქარგილე მასალა. თბილისის მუნიციპალურმა ინსპექციამ მყისიერად მოახდინა რეაგირება და სუბიექტი დაჯარიმდა 30 000 ლარით, მშენებლობის პროცესში უსაფრთხოების ნორმების დარღვევის გამო“, - აღნიშნა კახა კალაძემ.მისი თქმით, მშენებლობა ჩვეულ რეჟიმში გაგრძელდება და კომპლექსი 2026 წლის პირველ ივნისამდე დასრულდება.„ჩვენი რეაგირების გარდა, თავად კომპანიის მხრიდანაც გადაიდგა დაუყოვნებლივი ნაბიჯები და ყველაფერი კეთდება იმისთვის, რომ მშენებლობის პროცესი ჩვეულ რეჟიმში გაგრძელდეს. კომპანიას, კანონით გათვალისწინებული ვალდებულების შესაბამისად, ჰყავს აკრედიტებული ტექნიკური ზედამხედველი, რომელიც ადგილზე აკონტროლებს მშენებლობის ეტაპებს, მისი მიმდინარეობის ხარისხსა და შესაბამისობას მოქმედ კანონმდებლობასთან. აღსანიშნავია ისიც, რომ ობიექტის პირველადი შეფასებითა და წარმოდგენილი დასკვნით, მზიდი კონსტრუქციების მდგრადობა უზრუნველყოფილია და საქარგილე მასალის ჩამოშლას გავლენა არ მოუხდენია შენობის მდგრადობაზე. სამუშაოების დასრულება და ექსპლუატაციაში მიღება 2026 წლის პირველ ივნისამდე მოხდება“, - განაცხადა დედაქალაქის მერმა.

მსოფლიო • 1746188473

ევროკავშირის მარეგულირებელმა „ტიკტოკი“ მომხმარებელთა მონაცემების დაცვის სტანდარტების დარღვევისთვის 530 მილიონი ევროთი დააჯარიმა

ევროკავშირის მარეგულირებელმა „ტიკტოკი“ 530 მილიონი ევროთი დააჯარიმა მომხმარებელთა მონაცემთა დაცვის სტანდარტების დარღვევისთვის.ირლანდიის მონაცემთა დაცვის კომისიაში განაცხადეს, რომ ჩინური კომპანიის, ByteDance-ის საკუთრებში არსებულმა „ტიკტოკმა“ ვერ აჩვენა, რომ ევროკავშირის მომხმარებელთა პერსონალური მონაცემები, რომელთა ნაწილზე ჩინეთში პერსონალს ჰქონდა წვდომა, დაცვის მაღალი დონით სარგებლობს, რაც გათვალისწინებულია ევროკავშირის კანონმდებლობით.როგორც კომისიამ დაადგინა, მიუხედავად იმისა, რომ „ტიკტოკი“ ოთხწლიანი გამოძიების განმავლობაში ამტკიცებდა, რომ ევროკავშირის მომხმარებელთა მონაცემებს ჩინეთში არსებულ სერვერებზე არ ინახავდა, გასულ თვეში კომპანიამ გაამხილა, რომ თებერვალში აღმოაჩინა ჩინეთში შენახული მონაცემთა შეზღუდული რაოდენობა, რაც წაიშალა.კომისიაში აცხადებენ, რომ ბოლო მოვლენებს სერიოზულად უდგებიან.ეს უკვე მეორე შემთხვევაა, როდესაც „ტიკტოკს“ ევროკავშირის მთავარი ორგანო – ირლანდიის მონაცემთა დაცვის კომისია დარღვევებში ადანაშაულებს. 2023 წელს სოციალური ქსელის პლატფორმა ევროკავშირში ბავშვების მონაცემების დამუშავებასთან დაკავშირებით კანონმდებლობის დარღვევისთვის 345 მილიონი ევროთი დააჯარიმეს.„ტიკტოკი“ გადაწყვეტილების გასაჩივრებას აპირებს. პლატფორმა, რომელსაც ევროკავშირში 175 მილიონი მომხმარებელი ჰყავს, აღნიშნავს, რომ მას არასდროს მიუღია ჩინეთის ხელისუფლებისგან ევროკავშირის მომხმარებელთა მონაცემებზე წვდომის მოთხოვნა და არასდროს გადაუცია ისინი მისთვის.„ეს დადგენილება პრეცედენტის შექმნის რისკს შეიცავს შორს მიმავალი შედეგებით ევროპაში კომპანიებისა და მთელი ინდუსტრიებისთვის, რომლებიც გლობალური მასშტაბით მუშაობენ“, – ნათქვამია „ტიკტოკის“ განცხადებაში.

სამართალი • 1742991337

აქციების დროს დაუმორჩილებლობასა და წვრილმან ხულიგნობაში ბრალდებული გივი ჯვარშეიშვილი სასამართლომ 2 700 ლარით დააჯარიმა

აქციების მიმდინარეობის დროს დაუმორჩილებლობასა და წვრილმან ხულიგნობაში ბრალდებული გივი ჯვარშეიშვილი, სასამართლომ 2 700 ლარით დააჯარიმა.გადაწყვეტილებას არ ეთანხმება ადვოკატი, რომელიც მის გასაჩივრებას აპირებს.გამოძიების ინფორმაციით, საქმე ეხება საპროტესტო აქციების მიმდინარეობის დროს, იანვარში რუსთაველის გამზირზე მომხდარ ინციდენტს, როდესაც ჯვარშეიშვილმა პოლიციელებს სიტყვიერი შეურაცხყოფა მიაყენა და მათ მოთხოვნას არ დაემორჩილა.

პოლიტიკა • 1741083214

ბოლო ოთხ წელიწადში, ბერბოკის მიმართვის საფუძველზე, გერმანიაში პროკურატურამ 513 ადამიანის მიმართ დაიწყო გამოძიება შეურაცხყოფის მუხლით, რაც ხუთ წლამდე პატიმრობას ითვალისწინებს - გურამ მაჭარაშვილი

მინდა, საზოგადოების ყურადღება შევაჩერო გერმანიის საგარეო საქმეთა მინისტრის მოთხოვნაზე, საქართველოში გათავისუფლდეს პატიმარი, რომელმაც ფიზიკური შეურაცხყოფა მიაყენა პოლიციელს. აქ შეიძლება, გასაკვირი არც არაფერი ყოფილიყო, გერმანიის საგარეო საქმეთა მინისტრი ანალენა ბერბოკი თავად რომ არ იყოს რეკორდსმენი გერმანიის მოქალაქეების სისხლის სამართლებრივი წესით დევნაში, – ამის შესახებ „ხალხის ძალის“ დეპუტატმა, გურამ მაჭარაშვილმა პარლამენტში სიტყვით გამოსვლისას განაცხადა.როგორც მაჭარაშვილი აღნიშნავს, ბოლო ოთხი წლის განმავლობაში, ბერბოკის მიმართვის საფუძველზე, პროკურატურამ 513 ადამიანზე დაიწყო გამოძიება „შეურაცხყოფის“ მუხლით, რაც ხუთ წლამდე პატიმრობას ითვალისწინებს.„სტატისტიკაში მას მხოლოდ მისი კოლეგა, ეკონომიკის მინისტრი რობერტ ჰაბეკი უსწრებს, რომლის მიმართვის საფუძველზე 805 ადამიანი არის გამოძიების ქვეშ. გამოდის, რომ ეს მინისტრები დღე-ნახევარში ერთხელ წერენ საჩივარს თავიანთი მოქალაქეების წინააღმდეგ და ესეც საკითხავია, სამინისტროს როდის ხელმძღვანელობენ. სხვათა შორის, ამ ორი მინისტრის მიმართვის გამო ადამიანების დევნის, მათი ბინების ჩხრეკის მაგალითები მოიყვანა აშშ-ის ვიცე-პრეზიდენტმა ჯეი დი ვენსმა მიუნხენის კონფერენციაზე, როდესაც გერმანიის დემოკრატიულ უკუსვლაზე საუბრობდა“, – განაცხადა გურამ მაჭარაშვილმა.მაჭარაშვილის თქმით, ვინმემ შეიძლება იფიქროს, რომ სახეში დარტყმაზე უარესია ის 513 საქმე, მაგრამ საქმე სულ სხვაგვარადაა.„შესაძლოა, ვინმემ იფიქროს, რომ სახეში დარტყმაზე უარესი იქნებოდა ის 513 თუ 815 შემთხვევა. ნურას უკაცრავად. ეს არის  შემთხვევები, როდესაც, მაგალითად, ბერბოკს ერთ-ერთმა მოქალაქემ სოციალურ ქსელში „ტერორისტი“ უწოდა ან 58 წლის მამაკაცმა მას  „მსოფლიოში ყველაზე სულელი საგარეო საქმეთა მინისტრი“ უწოდა. ამ ბოლო ეპითეტის ავტორს ქართველებისთვის კარგად ნაცნობმა მიხაელ როთმაც უჩივლა, რომელიც აქ ჭკუას გვასწავლიდა და რომელსაც სოციალურ ქსელში „მშიშარა ქვეშაფსია“ უწოდეს. ამასთან დაკავშირებითაც აღძრეს სისხლის სამართლის საქმე. სხვათა შორის, სასამართლომ ეს ადამიანები 9 600 ევროთი, დაახლოებით 30 000 ლარით დააჯარიმა. ასეთივეა დანარჩენი ასეულობით სისხლის სამართლის საქმეც. ერთი წუთით წარმოიდგინეთ, რა მოხდებოდა, ამ მოქალაქეს ბერბოკისთვის და როთისთვის სახეში რომ შემოერტყა? სოციალურ ქსელში დაწერა, სულელი საგარეო საქმეთა მინისტრიაო და ადვილი წარმოსადგენია, რას უზამდნენ გერმანიაში ამ მოქალაქეებს, სახეში რომ გაერტყათ, როგორც ამაღლობელმა გაარტყა პოლიციელს. განსაკუთრებით ფარისეველი საგარეო საქმეთა მინისტრის ფონზე. ახლა ისიც წარმოვიდგინოთ, რა შეფასება ექნებოდა იმავე სამინისტროს, ჩვენს რომელიმე ერთ მინისტრს რომ მიემართა პროკურატურისთვის 513 მოქალაქის საწინააღმდეგოდ და მეორე მინისტრს – 815 მოქალაქის საწინააღმდეგოდ? ხომ ატყდებოდა ერთი ამბავი ე.წ. კრიტიკულ მედიებში – ჩვენი მინისტრები რითი არიან დაკავებულებიო“, – აღნიშნა გურამ მაჭარაშვილმა.ცნობისთვის, გერმანიის საგარეო საქმეთა სამინისტრომ მზია ამაღლობელთან დაკავშირებით გაავრცელა განცხადება, სადაც ნათქვამია: „ ქართველი ჟურნალისტი მზია ამაღლობელი ერთ თვეზე მეტხნიანი პატიმრობის შემდეგ სასამართლოს წინაშე წარდგება, ის დაუყოვნებლივ უნდა იქნას გათავისუფლებული“.