მსოფლიო • 1788288392

აშშ-ის ცენტრალურ სარდლობაში აცხადებენ, რომ ირანში ისლამური რევოლუციის გუშაგთა კორპუსის ობიექტებზე დარტყმები განაახლეს

აშშ-მა ირანში ისლამური რევოლუციის გუშაგთა კორპუსის ობიექტებზე დარტყმები განაახლა.აშშ-ის ცენტრალური სარდლობის ინფორმაციით, დარტყმები დაკავშირებულია ირანის ისლამური რევოლუციის გუშაგთა კორპუსის მიერ ბოლო პერიოდში განხორციელებულ თავდასხმების მცდელობებთან. აშშ-ის ცენტრალური სარდლობის ცნობით, ირანელების სამიზნე იყო როგორც კომერციული გემები, ასევე რეგიონში განლაგებული ამერიკელი სამხედროები.„დარტყმები მოყვა ირანის ისლამური რევოლუციის გუშაგთა კორპუსის მიერ ჰორმუზის სრუტეში კომერციული გემების წინააღმდეგ თავდასხმების ბოლო მცდელობებს, ასევე რეგიონში განლაგებულ ამერიკელ სამხედროებზე თავდასხმების მცდელობებს“, – ნათქვამია აშშ-ის ცენტრალური სარდლობის განცხადებაში.

მსოფლიო • 1788287182

დედამიწაზე წელიწადის ორი ახალი დრო გაჩნდა - მეცნიერების ახალი მიგნება

 ბრიტანელმა მეცნიერებმა ლონდონის ეკონომიკის სკოლიდან და იორკის უნივერსიტეტიდან დაადგინეს, რომ დედამიწაზე წელიწადის ორი ახალი დრო გაჩნდა.მათი მონაცემებით, ადამიანმა დედამიწის ბუნებრივი რითმები კარდინალურად შეცვალა, რამაც ორი ახალი პერიოდი - ბურუსის და ნაგვის სეზონები შექმნა. პირველი ყოველწლიურად დგება სამხრეთ-აღმოსავლეთ აზიაში, როდესაც ინდონეზიასა და მალაიზიაში ტორფნარს, ინდოეთში კი მოსავლის ნარჩენებს წვავენ.ნაგვის სეზონი დეკემბრიდან მარტის ჩათვლით ბალიზე ფიქსირდება, როდესაც მუსონური ქარები და ოკეანეს დინებები პლაჟებზე ტონობით პლასტიკს რიყავენ. წელს ამ 3 თვის განმავლობაში სანაპიროზე 3 ათასზე მეტი ტონა ნაგავი შეაგროვეს. ანალოგიური შემთხვევები ფიქსირდება ფილიპინებზე, ტაილანდსა და აშშ-ში.მეცნიერები ასევე ამტკიცებენ, რომ ტრადიციული წელიწადის დროები თანდათანობით ქრება. მაგალითად, ალპებში ზამთარი მოკლდება და თოვლი სულ უფრო იშვიათად მოდის. გარდა ამისა, სეზონებს სულ უფრო ხშირად თან ახლავს ექსტრემალური ამინდის მოვლენები.კვლევის ავტორებმა შემოიღეს ტერმინი „არითმიული“ წელიწადის დროები, როდესაც სეზონებისთვის დამახასიათებელი მოვლენების დრო იცვლება (მაგალითად, ფრინველების მიგრაცია, ყვავილობის დაწყება ან ფოთლების ცვენა). ასეთი ცვლილებები არღვევს ეკოსისტემებს, საფრთხეს უქმნის მილიონობით ადამიანის ჯანმრთელობას და ეკონომიკურ ზიანს იწვევს.

მსოფლიო • 1788284100

აშშ-მა ირანულ ობიექტებზე ახალი საჰაერო დარტყმები განახორციელა

აშშ-მა სამშაბათს ირანულ ობიექტებზე ახალი საჰაერო დარტყმები განახორციელა.„დღეს, ადგილობრივი დროით 12:00 საათზე, ამერიკულმა ძალებმა ირანში „ისლამური რევოლუციის გუშაგთა კორპუსის“ ობიექტებზე დარტყმები დაიწყეს. ეს იერიშები პასუხია „ისლამური რევოლუციის გუშაგთა კორპუსის“ ბოლოდროინდელ მცდელობებზე, თავს დასხმოდა კომერციულ გემებს ჰორმუზის სრუტეში და რეგიონში დისლოცირებულ ამერიკელ სამხედროებს“, - ნათქვამია აშშ-ის ცენტრალური სარდლობის (CENTCOM) განცხადებაში.ირანის სახელმწიფო მაუწყებლის ცნობით, აფეთქებების ხმა ისმოდა კუნძულ ქეშმზე, რომელიც სრუტის ჩრდილოეთ ნაწილში მდებარეობს.სააგენტო Nour News-ი კი იუწყება, რომ აფეთქებები ასევე დაფიქსირდა საპორტო ქალაქ ბანდარ-აბასსა და სამხრეთ სანაპიროზე მდებარე ჩაბაჰარის პორტში.

ფინანსები • 1788274187

დოლარის და ევროს ფასი შეიცვალა - განახლებული კურსი

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6250 ლარი გახდა. კურსი, რომელიც დღეს მოქმედებდა, 2.6156 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0094 ლარი შეადგინა.რაც შეეხება ევროს, მისი კურსი 3.0424 ლარია. მაშინ, როცა დღეს მოქმედი კურსი 3.0333 ლარს შეადგენდა. შესაბამისად, ევროს ცვლილებამ 0.0091 ლარი შეადგინა.

მსოფლიო • 1788264780

მსოფლიო ბაზარზე ერთი ბარელი ამერიკული ნედლი ნავთობის ფასმა 87.81 აშშ დოლარი შეადგინა, ბრენტის მარკის ნავთობის ღირებულება კი 92.2 აშშ დოლარია

ბოლო საათებში ნავთობის ფასი, საშუალოდ, 2.1%-ით გაიზარდა.მსოფლიო ბაზარზე ერთი ბარელი ამერიკული ნედლი ნავთობის ფასმა 2.40%-ით მოიმატა და მისი ღირებულება 87.81 აშშ დოლარია.ფასის ზრდა შეინიშნება ბრენტის მარკის ნავთობზეც. დღეს ერთი ბარელი ბრენტის მარკის ნავთობი 92.2 აშშ დოლარს შეადგენს, რაც გუშინდელთან შედარებით 1.85%-ით მეტია.

მსოფლიო • 1788258840

REUTERS: დონალდ ტრამპის ადმინისტრაცია ევროპაში მემარჯვენე მედიის მხარდასაჭერად თანხების გამოყოფას გეგმავს

დონალდ ტრამპის ადმინისტრაცია ევროპაში მემარჯვენე მედიის მხარდასაჭერად თანხების გამოყოფას გეგმავს, - ინფორმაციას Reuters-ი წყაროებზე დაყრდნობით ავრცელებს.გამოცემის ინფორმაციით, აშშ-ის პრეზიდენტის დონალდ ტრამპის ადმინისტრაცია ევროპაში მემარჯვენე მედიის მუშაობის მხარდასაჭერად 4 მილიონი დოლარის დახარჯვას გეგმავს. თანხა 25 მილიონი დოლარის ოდენობის ფინანსური პაკეტის ნაწილია, რომელიც იმ სამოქალაქო საზოგადოების ჯგუფებისთვის იქნება გამოყოფილი, რომლებიც ევროპაში კონსერვატიულ ღირებულებებს იცავენ.აშშ-ის სახელმწიფო დეპარტამენტის დემოკრატიის, ადამიანის უფლებებისა და შრომის ბიუროში განაცხადეს, რომ დაფინანსების გამოყოფის მიზანს ტრანსატლანტიკური კავშირების გაძლიერება და სიტყვის თავისუფლების უფლების მხარდაჭერა წარმოადგენს.წყაროების თქმით, 3 მილიონი დოლარი გამოიყოფა პროგრამისთვის, რომლის მიზანი „ევროპაში დემოკრატიული უკუსვლის დოკუმენტირება და ანალიზი იქნება, რომელიც უკავშირდება მასობრივ და უკანონო მიგრაციას, დამოუკიდებელი მედიის მდგომარეობას და სუპრანაციონალური ორგანოების საკანონმდებლო დღის წესრიგს“. ასევე, 1 მილიონი დოლარი დამოუკიდებელი ჟურნალისტების კონსორციუმის შექმნის მიზნით გამოიყოფა, რომელიც ისეთ საკითხებს გააშუქებს, როგორიცაა „ეროვნული სუვერენიტეტი, ბუნებრივი უფლებები და რელიგიური თავისუფლება“.ჯერჯერობით უცნობია, თუ კონკრეტულად რომელი ორგანიზაციები და ჟურნალისტები მიიღებენ აშშ-ის სახელმწიფო დეპარტამენტიდან გრანტებს.აშშ-ის სახელმწიფო დეპარტამენტის წარმომადგენელმა განაცხადა, რომ ბიურო პოლიტიკურ პარტიებს არ აფინანსებს და ტრამპის ადმინისტრაცია მთელ მსოფლიოში, მათ შორის ევროპაში, დემოკრატიისა და ადამიანის უფლებების დაცვის ერთგული რჩება.

ფინანსები • 1788257961

ეროვნული ბანკი: საგადახდო მომსახურებასთან დაკავშირებით დამატებითი მექანიზმების ამოქმედება მომხმარებელთა მხოლოდ მაღალრისკიანი ტრანზაქციებისგან დაცვას ემსახურება

საქართველოს ეროვნული ბანკის  მომხმარებლის ძლიერი ავთენტიფიკაციისა და ფინანსური ორგანიზაციების მიერ მომსახურების გაწევისას მომხმარებელთა უფლებების დაცვის წესში შესული ცვლილებები მიზნად ისახავს მომხმარებლის მაღალრისკიანი ტრანზაქციებისგან და შესაძლო ფინანსური თაღლითობისგან დაცვას.დამატებითი დაცვის მექანიზმი შეეხება მხოლოდ იმ შემთხვევებს, როდესაც საგადახდო მომსახურების პროვაიდერი (მათ შორის, კომერციული ბანკი,მიკრობანკი, რეგისტრირებული საგადახდომომსახურების პროვაიდერი და მიკროსაფინანსო ორგანიზაცია) შემდეგ ოთხ გარემოებას ერთდროულად  გამოავლენს:გადახდის ოპერაციის შინაარსი დაკავშირებულია თაღლითობის მაღალი რისკის პროფილის საქმიანობასთან;გამოვლენილია მომხმარებლის ხარჯვისა და ქცევის უჩვეულო თავისებურება;გადახდის ოპერაციის თანხა აღემატება 500 ლარს;მომხმარებლის ასაკი აღემატება 60 წელს;ყველა ზემოჩამოთვლილ შემთხვევაში საგადახდომომსახურების პროვაიდერი ვალდებულია 48 საათით შეაჩეროს მომხმარებლის მიერ ინიციირებული ელექტრონული გადახდის ოპერაციის შესრულება, დაუკავშირდეს მომხმარებელს და მარტივი და გასაგები ფორმით მიაწოდოს სათანადო ინფორმაცია რისკების ან შესაძლო თაღლითობის შესახებ. მომხმარებელს რისკიანი ან საეჭვო ტრანზაქციისინიციირების შემდეგ 48 საათის განმავლობაში ექნება საბოლოო გადაწყვეტილების მიღების შესაძლებლობა. თუ მომხმარებელი ოპერაციის შესრულებას კვლავ გადაწყვეტს, ამის შესახებ მან მომსახურების პროვაიდერს უნდა დაუდასტუროს.აღსანიშნავია, რომ ცვლილება შემუშავებულია საუკეთესო საერთაშორისო პრაქტიკის გათვალისწინებით. მსგავსი მიდგომა, კერძოდ, გარკვეული მოცულობის მაღალი რისკის ოპერაციების შეჩერების მექანიზმი მოქმედებს ისეთ ქვეყნებში, როგორებიცაა აშშ, კანადა, ბრაზილია, გაერთიანებული სამეფო, ევროკავშირის ქვეყნები და სხვა.

პოლიტიკა • 1788248338

თენგიზ შარმანაშვილი: დამღუპველმა მიგრაციულმა პოლიტიკამ კატასტროფის წინაშე მიიყვანა დემოგრაფიული სიტუაციაა ევროპულ ქვეყნებში - უნგრეთიც ამის წინაშე დგას

თავდაცვის კომიტეტის თავმჯდომარის მოადგილე თენგიზ შარმანაშვილი უნგრეთის პრემიერ-მინისტრის, პეტერ მადიარის განცხადებას მედიასთან ეხმიანება.შარმანაშვილის თქმით, დამღუპველმა მიგრაციულმა პოლიტიკამ კატასტროფის წინაშე მიიყვანა დემოგრაფიული სიტუაციაა ევროპულ ქვეყნებში.„ამ დამღუპველმა მიგრაციულმა პოლიტიკამ კატასტროფის წინაშე მიიყვანა დემოგრაფიული სიტუაციაა ევროპულ ქვეყნებში. ამის თაობაზე ჩვენი კი არა, აშშ-ს ადმინისტრაციაც კი უკვე საუბრობს. უნგრეთიც დგას ამ პრობლემის წინაშე.უნგრეთის წინა ხელისუფალი ყველანაირ წინააღმდეგობას უწევდა ევრობიუროკრატიას, რადგან ევროპული დანაწესები არ გაეტარებინა უნგრეთში და იქაც, ასე უკონტროლოდ არ შეეცვალათ დემოგრაფიული სიტუაციაა.ახლა, როდესაც მადიარი თვითონ მოვიდა ხელისუფლებაში, თვითონ დაეტაკა ამ პრობლემებს და მიხვდა, რომ ევროპულ ბიუროკრატიას არ უნდა აჰყვეს ამ საკითხებში, თორემ ისეთივე კატასტროფული სიტუაციის წინაშე დადგება დემოგაფიულად, როგორც ბევრი ევროპული ქვეყანა დგას“, - აღნიშნა შარამანშვილმა.უნგრეთის პრემიერ-მინისტრის, პეტერ მადიარის განცხადებით, უნგრელი ხალხისთვის ძნელი ასახსნელია, რატომ ეპყრობა ბრიუსელი უნგრეთს ასე უსამართლოდ მიგრაციის საკითხებზე

მსოფლიო • 1788201670

სკოტ ბესენტი რუსეთის ფინანსთა მინისტრს, ანტონ სილუანოვს შეხვდა

აშშ-ის სახაზინო მდივანი სკოტ ბესენტი რუსეთის ფინანსთა მინისტრს, ანტონ სილუანოვს შეხვდა. ამის შესახებ ინფორმაციას „სიენბისი“ ავრცელებს.შეხვედრა ჩრდილოეთ კაროლინის შტატის ქალაქ ეშვილში, „დიდი ოცეულის“ წევრი ქვეყნების ფინანსთა მინისტრებისა და ცენტრალური ბანკების ხელმძღვანელების სამიტზე გაიმართა. მედიის ცნობით, ბესენტისა და სილუანოვის შეხვედრაზე დონალდ ტრამპის მიერ რუსეთ-უკრაინის ომის დასრულების გეგმა განიხილეს. მხარეებმა ასევე ისაუბრეს ორი ქვეყნის ეკონომიკურ თანამშრომლობაზე.Fox Business-ის წყაროს ცნობით, ბესენტმა პრეზიდენტ ტრამპის მიერ უკრაინის საკითხზე შემუშავებული 28-პუნქტიანი სამშვიდობო გეგმა წარადგინა.ცნობისთვის, რუსეთის ფინანსთა მინისტრი G20-ის სამიტში სრულმასშტაბიანი ომის დაწყების შემდეგ პირველად მონაწილეობს.

მსოფლიო • 1788198736

ზელენსკი აცხადებს, რომ სტივ უიტკოფი და ჯარედ კუშნერი უკრაინაში ვიზიტისთვის ემზადებიან

უკრაინის პრეზიდენტმა, ვოლოდიმირ ზელენსკიმ აშშ-ის პრეზიდენტ დონალდ ტრამპის წარმომადგენლებთან საუბრის შემდეგ განაცხადა, რომ სტივ უიტკოფი და ჯარედ კუშნერი უკრაინაში ვიზიტისთვის ემზადებიან.კუშნერთან და უიტკოფთან საუბრის შემდეგ ზელენსკიმ აღნიშნა, რომ „ისინი რუსულ მხარესთან შეხვედრებისთვის და შესაბამისი კომუნიკაციისთვის“, ასევე „უკრაინაში ვიზიტისთვის“ ემზადებიან.„ჩვენ ჩვენი პოზიციები განვიხილეთ. სტივსა და ჯარედს ვაცნობე უკრაინაში არსებული ვითარების ცვლილებების შესახებ, როგორც ფრონტზე, ისე რუსეთის თავდასხმებთან დაკავშირებით. განვიხილეთ, რა შეიძლება გაკეთდეს იმისთვის, რომ რუსეთს ომის დასრულებისკენ ვუბიძგოთ. საჭიროა, რომ მოსკოვში, პუტინთან, შესაბამისი განწყობა იყოს ომის დასრულების და არა ბრძოლის გაგრძელების სურვილი. ამ ეტაპზე, სამწუხაროდ, სადაზვერვო მონაცემები, როგორც ჩვენი, ისე პარტნიორების, და ყველა სიგნალი რუსეთიდან მიუთითებს, რომ პირადად რუსეთის ლიდერს ჯერ კიდევ სურს ომი. მაშინაც კი, როცა მისი საზოგადოების აბსოლუტური უმრავლესობა თანახმა იქნებოდა, ომი შეჩერებულიყო შეხების ხაზზე“, – აღნიშნულია ზელენსკის ოფისის განცხადებაში.

მსოფლიო • 1788193917

The New York Times: რუსეთის ფინანსთა მინისტრი უკრაინაში შეჭრის შემდეგ პირველად ესწრება G20-ის შეხვედრას აშშ-ში

რუსეთის ფინანსთა მინისტრი, ანტონ სილუანოვი ჩრდილოეთ კაროლინის შტატის ქალაქ აშვილში მიმდინარე G20-ის მინისტერიალს ესწრება, - წერს გამოცემა The New York Times-ი.ეს უკრაინაში სრულმასშტაბური შეჭრის შემდეგ პირველი შემთხვევაა, როდესაც რუსეთის ფინანსური უწყების ხელმძღვანელი აღნიშნულ ფორმატს პირადად უერთდება.სილუანოვის გამოჩენამ უხერხული ვითარება შექმნა G20-ის ევროპელი წარმომადგენლებისთვის, რომელთა მთავრობებიც აქტიურად უჭერენ მხარს უკრაინას.ევროპელი დიპლომატები ცდილობენ, რუსეთი გლობალური ეკონომიკისა და დიპლომატიური ასპარეზისგან სრულ იზოლაციაში მოაქციონ.შესაბამისად, ისინი ყოველგვარ ნაბიჯს ერიდებიან, რაც შესაძლოა პოლიტიკის ცვლილებად იყოს აღქმული - განსაკუთრებით იმ ფონზე, როდესაც მოსკოვი კიევის უწყვეტ დაბომბვას განაგრძობს.

მსოფლიო • 1788191400

„ელჩის ფუნქციას საყოველთაოდ აღიარებული დიპლომატიური ნორმები და პრაქტიკა განსაზღვრავს, რაც ურთიერთპატივისცემასა და შიდა საქმეებში ჩაურევლობას გულისხმობს“ - ბელგიის საგარეო საქმეთა მინისტრმა აშშ-ის ელჩს მოუწოდა, შეწყვიტოს მთავრობის ოფიციალური პირების კრიტიკა სოციალურ ქსელებში

ბელგიის საგარეო საქმეთა მინისტრმა, მაქსიმ პრევომ აშშ-ის ელჩს, ბილ უაითს მოუწოდა, შეწყვიტოს მთავრობის ოფიციალური პირების კრიტიკა სოციალურ ქსელებში, რადგან მსგავსმა პროვოკაციებმა შესაძლოა ქვეყნებს შორის ორმხრივი ურთიერთობები დაძაბოს.პრევომ შეხვედრაზე უაითს პირდაპირ განუმარტა, რომ საჯარო განცხადებები, რომელთა „სამიზნე ბელგიელი ოფიციალური პირებია, დაუშვებელია“, ხოლო „ნებისმიერი შემდგომი პროვოკაცია კონტრპროდუქტიული იქნება და შესაძლოა ურთიერთობების არასაჭირო ესკალაცია გამოიწვიოს“.„ელჩის ფუნქციას საყოველთაოდ აღიარებული დიპლომატიური ნორმები და პრაქტიკა განსაზღვრავს, რაც ურთიერთპატივისცემასა და შიდა საქმეებში ჩაურევლობას გულისხმობს“, - ნათქვამია გავრცელებულ განცხადებაში.პრევომ ამერიკის ელჩი მას შემდეგ დაიბარა, რაც უაითმა პარასკევს ინსტაგრამზე ჯანდაცვის მინისტრ ფრანკ ვანდენბრუკეს შეურაცხმყოფელი პოსტი მიუძღვნა.