მსოფლიო • 1784023006

ირანში განაცხადეს, რომ აშშ-ის სანქციების აღდგენის მიუხედავად, ნავთობის გაყიდვას აგრძელებენ

ირანული ნავთობის ექსპორტი ჩვეულ რეჟიმში გრძელდება, მიუხედავად იმისა, რომ გასულ კვირას გაუქმდა აშშ-ის მიერ ნავთობის სექტორის წინააღმდეგ დაწესებული სანქციებიდან 60-დღიანი გამონაკლისი, - განაცხადა ირანის ნავთობის მინისტრმა, მოჰსენ პაკნეჯადმა განაცხადა.პაკნეჯადის თქმით, ნავთობის სამინისტრო უკვე მრავალი წელია ფლობს მექანიზმებს ამერიკული სანქციების გავლენის გასანეიტრალებლად და ირანული ნავთობის ექსპორტს პრობლემები არ შეექმნება, მიუხედავად გამონაკლისების გაუქმებისა.აშშ-მა და ირანმა ერთმანეთზე მასშტაბური დარტყმები მას შემდეგ განაახლეს, რაც თეირანმა ჰორმუზის სრუტის დაკეტვის შესახებ ხელახლა გამოაცხადა.საპასუხოდ, დონალდ ტრამპმა განაცხადა ირანის საზღვაო ბლოკადის აღდგენისა და აშშ-ის განზრახვის შესახებ - გააკონტროლოს მსოფლიო ნავთობის ვაჭრობის ეს საკვანძო მარშრუტი.

მსოფლიო • 1784022785

ბაჰრეინმა ირანის მხრიდან ახალი თავდასხმები დაადასტურა

ბაჰრეინის თავდაცვის ძალებმა დაადასტურეს, რომ ირანმა სპარსეთის ყურის სამეფოზე ახალი თავდასხმები დაიწყო. ინფორმაციას abcnews-ი ავრცელებს.ამასთან, აშშ-სა და ირანის ძალებს შორის ორმხრივი ცეცხლი გრძელდება, მიუხედავად იმისა, რომ მხარეებმა გასულ თვეში ურთიერთგაგების მემორანდუმს მოაწერეს ხელი.

პოლიტიკა • 1784021740

საქართველოს პროკურატურის და აშშ-ის საელჩოს რეგიონული უსაფრთხოების სამსახურის მიერ გამოვლენილი არიან ახალი დანაშაულებრივი ჯგუფის წევრები, რომლებიც შტატებში თავშესაფრის მისაღებად საქართველოს მოქალაქეებს ყალბ დოკუმენტაციას უმზადებდნენ

საქართველოს პროკურატურის და აშშ-ის საელჩოს რეგიონული უსაფრთხოების სამსახურის მიერ ერთობლივად ჩატარებული ღონისძიების შედეგად გამოვლენილია ახალი დანაშაულებრივი ჯგუფის წევრები, რომლებიც აშშ-ში თავშესაფრის მისაღებად საქართველოს მოქალაქეებს ყალბ ისტორიებს და დოკუმენტაციას უქმნიდნენ - ინფორმაციას საქართველოს პროკურატურა ავრცელებს."საქართველოს პროკურატურამ დანაშაულებრივი ჯგუფის მიერ საქართველოს მოქალაქის უცხო ქვეყანაში უკანონოდ დარჩენისთვის ხელშეწყობის, საქართველოს მოქალაქისთვის უცხო ქვეყანაში თავშესაფრის მისაღებად მცდარი ინფორმაციის წარდგენის ხელშეწყობის, ორგანიზების და ყალბი ოფიციალური დოკუმენტის დამზადება-გასაღების ფაქტებზე კიდევ 4 პირს ბრალდება წარუდგინა.საქართველოს პროკურატურის და ამერიკის შეერთებული შტატების საელჩოს რეგიონული უსაფრთხოების სამსახურის მიერ ერთობლივად ჩატარებული ღონისძიების შედეგად დადგენილია, რომ ამერიკის შეერთებულ შტატებში საემიგრაციო პოლიტიკის გამკაცრებამ, საზღვრის გადაკვეთა გართულაა.მატერიალური სარგებლის მიღების მიზნით, საქართველოს სამმა მოქალაქემ დანაშაულებრივი ჯგუფი ჩამოაყალიბა, რომლის მიზანს ამერიკის შეერთებულ შტატებში თავშესაფრის მსურველ საქართველოს მოქალაქეთათვის თავშესაფრის მისაღებად საჭირო ყალბი ისტორიების, ე.წ. „ქეისების“ და შესაბამისი ყალბი მტკიცებულებების დამზადება წარმოადგენდა.დანაშაულებრივი ჯგუფის წევრები, საქართველოს მოქალაქეებს არწმუნებდნენ, რომ მათ მიერ დამზადებული დოკუმენტების და ასევე, მათ მიერ შექმნილი ისტორიების დახმარებით, უპრობლემოდ შეძლებდნენ ამერიკის შეერთებულ შტატებში თავშესაფრის მიღებას. ჯგუფის წევრები წერდნენ არარსებულ ისტორიებს, თუ როგორ დევნიდნენ საქართველოს მოქალაქეებს საქართველოში სხვადასხვა მიზეზით, მათ შორის, პოლიტიკური შეხედულების, სექსუალური ორიენტაციის, სამართალდამცავების მხრიდან მათი დევნის და სხვა მიზეზთა გამო. აღნიშნული ისტორიების გამყარების მიზნით, ჯგუფის წევრები ამზადებდნენ ყალბ დოკუმენტებს.ჯგუფის ერთ-ერთი წევრის საცხოვრებელი სახლის და ოფისის ჩხრეკისას ამოღებულ მობილურ ტელეფონებსა და კომპიუტერულ მოწყობილობებში აღმოჩენილია ხუთასამდე მოქალაქის სახელზე დამზადებული ყალბი დოკუმენტაცია, თავშესაფრის მაძიებლისთვის საჭირო ისტორია, ე.წ. „ქეისები“ და სხვა ყველა საჭირო ყალბი ოფიციალური დოკუმენტი და სხვადასხვა ორგანიზაციის ყალბი ელექტრონული ბეჭდები.გამოძიებით ასევე, დადგენილია, რომ 2025 წლის 1 იანვრიდან 2026 წლის ივნისამდე დროის პერიოდში, დანაშაულებრივი ჯგუფის წევრებმა ზემოხსენებული დანაშაულებრივი ქმედების შედეგად 675 794 ლარის, 388 526 აშშ დოლარის, 4 964 ევროს ოდენობით ფინანსური სარგებელი მიიღეს.ასევე სისხლისსამართლებრივი დევნა დაიწყო ორგანიზებული დანაშაულებრივი ჯგუფის ერთი წევრის მიმართ, რომელიც უზრუნველყოფდა ხსენებულ სისხლის სამართლის საქმეზე უკვე პასუხისგებაში მიცემულ ორგანიზებული ჯგუფის წევრთათვის ყალბი დოკუმენტების დამზადებას. აღნიშნული პირი სრულად აღიარებს დანაშაულს და თანამშრომლობს გამოძიებასთან.13 ივლისს, სასამართლოს განჩინების საფუძველზე დაკავებულია ერთი პირი. დაკავებულს და კიდევ ორ ბრალდებულს დაუსწრებლად, ბრალდება საქართველოს სისხლის სამართლის კოდექსის 344-ე სეკუნდა მუხლის მე-2 ნაწილის „ა“, „გ“ და „დ“ ქვეპუნქტებით, (ჯგუფის მიერ ორი ან მეტი პირის მიმართ, ყალბი დოკუმენტის გამოყენებით საქართველოს მოქალაქის უცხო ქვეყანაში უკანონოდ დარჩენის ან/და საერთაშორისო დაცვის მისაღებად მისი უფლებების, თავისუფლებების დარღვევის თაობაზე მცდარი ინფორმაციის წარდგენის ხელშეწყობა/ორგანიზება) წარედგინათ, რაც სასჯელის სახედ და ზომად 6 წლამდე თავისუფლების აღკვეთას ითვალისწინებს. მეოთხე ბრალდებულს ბრალდება საქართველოს საქართველოს სისხლის სამართლის კოდექსის 344-ე სეკუნდა მუხლის მე-2 ნაწილის „გ“ და „დ“ ქვეპუნქტებით, და მე-3 ნაწილით ( ჯგუფის მიერ ყალბი დოკუმენტის გამოყენებით საქართველოს მოქალაქის უცხო ქვეყანაში უკანონოდ დარჩენისთვის ან/და საერთაშორისო დაცვის მისაღებად მისი უფლებების ან თავისუფლებების დარღვევის თაობაზე მცდარი ინფორმაციის წარდგენის ხელშეწყობა/ორგანიზება, ორი ან მეტი პირის მიმართ) წარედგინა, რაც სასჯელის სახედ და ზომად შვიდ წლამდე თავისუფლების აღკვეთას ითვალისწინებს.შეგახსენებთ, რომ საქართველოს პროკურატურის და ამერიკის შეერთებული შტატების საელჩოს რეგიონული უსაფრთხოების სამსახურის მიერ ერთობლივად ჩატარებული ღონისძიების შედეგად უკვე გამოვლენილია კიდევ ორი ორგანიზებული დანაშაულებრივი ჯგუფი და დაკავებულია 3 პირი, 6 პირის მიმართ კი სისხლისსამართლებრივი დევნაა დაწყებული.პროკურატურა ბრალდებულების მიმართ აღკვეთის ღონისძიების შეფარდების შუამდგომლობით თბილისის საქალაქო სასამართლოს კანონით დადგენილ ვადაში მიმართავს.საქმეზე გრძელდება გამოძიება როგორც აღნიშნულ ფაქტებზე, ასევე სხვა ეპიზოდებში მონაწილე პირთა დადგენის და გამოვლენის მიზნით", - აღნიშნულია პროკურატურის მიერ გავრცელებულ განცხადებაში. 

ჯანდაცვა • 1784021362

მიხეილ სარჯველაძე გრიპის ვაქცინაციის დანერგვის პარტნიორობის რეგიონული ღონისძიების გახსნას დაესწრო

ჯანდაცვის მინისტრი მიხეილ სარჯველაძე საქართველოში გრიპის ვაქცინაციის დანერგვის პარტნიორობის (PIVI) რეგიონული შეხვედრის გახსნას დაესწრო. ღონისძიება აშშ-ის მხარდაჭერით იმართება და მისი მიზანი ქვეყნებს ვაქცინაციის პროგრამების გაძლიერება, მომავალი ჯანმრთელობის საფრთხეებისთვის უკეთ მომზადება და უფრო ძლიერი, მდგრადი საზოგადოებების შექმნაა.როგორც ჯანდაცვის მინისტრმა სიტყვით გამოსვლისას აღნიშნა, ამ მიმართულებით, აქტიური თანამშრომლობა მნიშვნელოვანია სამინისტროსა და ქართული ჯანდაცვის სისტემის გასაძლიერებლად, ასევე, ქვეყნებს შორის პარტნიორობისთვის.მონაწილეებს ასევე სიტყვით მიმართა აშშ-ის ელჩის მოვალეობის შემსრულებელმა ალან პერსელმა.სამდღიანი ღონისძიება სამუშაო შეხვედრებსა და პანელურ დისკუსიებს აერთიანებს გრიპის, რესპირატორულ-სინციტიური ვირუსის (RSV), თუ სხვა რესპირატორული დაავადებების შესახებ. სხვადასხვა ქვეყნის წარმომადგენლები და საზოგადოებრივი ჯანდაცვის ექსპერტები საკუთარ გამოცდილებაზე ისაუბრებენ. განიხილავენ, სამომავლოდ, აღნიშნული დაავადებების კიდევ უფრო ეფექტურად მართვის გეგმებს, იმსჯელებენ თანამშრომლობის გაძლიერებისთვის მნიშვნელოვან საკითხებზეც.შეხვედრაში ჯანმრთელობის მსოფლიო ორგანიზაციის, აშშ-ის დაავადებათა კონტროლისა და პრევენციის ცენტრების წარმომადგენლები, ადგილობრივი ექსპერტები და სხვა მოწვეული სტუმრები მონაწილეობენ.

პოლიტიკა • 1784020784

ქვეყანაში არა პოლიტიკური პატიმრები, არამედ გვყავს კონკრეტული დამნაშავეები, რომლებიც რევოლუციას გეგმავდნენ, პოლიციელებს სცემდნენ, ქვებს ესროდნენ - კახა კალაძე

„ყველაფერს თავის სახელი უნდა დავარქვათ. ქვეყანაში პოლიტიკური პატიმრები არ გვყავს“, - ამის შესახებ დედაქალაქის მერმა კახა კალაძემ მედიასთან ისაუბრა, სადაც მან უპასუხა შეკითხვას ამერიკული გამოცემის Washington Examiner სტატიის შესახებ, რომ თითქოს, „ქართული ოცნება - დემოკრატიული საქართველოს“ საპატიო თავმჯდომარე ბიძინა ივანიშვილი პოლიტპატიმრებით ვაჭრობს.თბილისის მერის თქმით, ქვეყანაში პოლიტპატიმრები კი არა, დამნაშავეები გვყავს, რომლებიც სახელმწიფო გადატრიალების მოწყობას გეგმავდნენ.„რა შუაშია ვაჭრობა? ყველაფერს თავის სახელი უნდა დავარქვათ. ქვეყანაში პოლიტიკური პატიმრები არ გვყავს. ჩვენ გვყავს კონკრეტული დამნაშავეები, რომლებსაც ჩადენილი დანაშაულის გამო აქვთ სასჯელი მიღებული. 4 ოქტომბერს პირდაპირ ეთერში ვნახეთ, რომ რევოლუციას აწყობდნენ. მანამდე სახელმწიფო გადატრიალების მთელი კამპანია ჰქონდათ გაჩაღებული. 4 ოქტომბერს კი ცდილობდნენ, ეს ყველაფერი სისრულეში მოეყვანათ. თუმცა, ამას შესაბამისი სამსახურების მხრიდან რეაგირება მოჰყვა და პრევენციული ღონისძიებები გატარდა. ისინი არიან დამნაშავეები, რომლებიც პოლიციელებს სცემდნენ, ქვებს ესროდნენ, „მოლოტოვის კოქტეილებს“ ესროდნენ, ცოცხლად დაწვას უპირებდნენ და ა.შ.რაც შეეხება აშშ-ს, ჩვენი პოზიცია ბევრჯერ გვაქვს დაფიქსირებული. დასამალი არაფერი გვაქვს. აბსოლტურად ღია ვართ, რომ ორ ქვეყანას შორის ურთიერთობა ახალი ფურცლიდან დაიწყოს. ის არასამართლიანი დამოკიდებულება, რაც ქართული სახელმწიფოსა და ხალხის მიმართ  ჰქონდა აშშ-ის წინა პრეზიდენტის ადმინისტრაციას, ეს კატეგორიულად მიუღებელია. დარწმუნებული ვარ, რომ დონალდ ტრამპის ადმინისტრაციას შესწევს ძალა, ის არასამართლიანი ურთიერთობა მარტივად გამოასწოროს“, - განაცხადა კახა კალაძემ.

პოლიტიკა • 1784020028

ირაკლი რუხაძე: ჩვენი მთავარი დამცველი, სიტყვის თავისუფლების საქართველოში, ნიკა გვარამია, იყო ადამიანი, რომელიც დარბოდა იმის გამო, რომ "იმედის" აღება "გაეპრავებინათ". დადიოდა აშშ-ის საელჩოში, როგორც პირველი მოადგილე ადეიშვილის და უმტკიცებდა, რომ მე ვიყავი

ფუნდამენტალური ჩვენი მთავარი დამცველი, სიტყვის თავისუფლების საქართველოში ნიკა გვარამია, იყო ადამიანი, რომელიც დარბოდა იმის გამო, რომ "იმედის" აღება გაეპრავებინათ, - ამის შესახებ ბიზნესმენმა, ირაკლი რუხაძემ, გადაცემაში "საქართველოს დაბადება" ისაუბრა და დაასახელა მიზეზი, რის გამოც მის დაჭერას ვერ ახერხებდა "ნაციონალური მოძრაობა".რუხაძის განცხადებით ერთადერთი მიზეზი, რის გამოც მას „ნაციონალური მოძრაობის“ რეჟიმი ვერ იჭერდა იყო ის, რომ  ამერიკის მოქალაქეობა ჰქონდა."მერე დაიჭირეს ჩემი დეიდაშვილი და ჩემი ძალიან ახლო მეგობარი, რომელიც დაიჭირეს მხოლოდ იმიტომ, რომ მე ვერ მიჭერდნენ. არც ვიყავი მაშინ საქართველოში, მაგრა როცა ვიყავი, მაშინაც ვერ მიჭერდნენ ამერიკის მოქალაქეობის გამო. ამტკიცებდნენ სხვათა შორის, რომ დაგუგლოთ ჩემი სახელი და ნიკა გვარამიას სახელი ერთად WikiLeaks-ში, რომ შეიყვანოთ, გამოვა ბევრი დოკუმენტები ამერიკის საელჩოდან, რომელიც მიდის ამერიკაში. ანუ,  ელჩი უგზავნის თავის ვიღაც უფროსს იქ, ვისაც აბარებს რეპორტებს",- განაცხადა რუხაძემ.წამყვანის შეკითხვაზე თუ  რა შუაში იყო ნიკა გვარამია, რუხაძემ უპასუხა, რომ ნიკა გვარამია იყო ის ადამიანი, რომელიც აშშ-ის ელჩს უმტკიცებდა, რომ ის საქართველოს მოქალაქე იყო და შეეძლოთ მისი დაჭერა."იმიტომ, რომ ნიკა გვარამია დადიოდა საელჩოში, როგორც პირველი მოადგილე ადეიშვილის და უმტკიცებდა, რომ მე ვარ დასაჭერი და ვარ საქართველოს მოქალაქე. ხან უმტკიცებს, რომ დასაჭერი ვარ და ვერ მიიღო ეტყობა იქიდან უფლება, რომ დამიჭიროს, მერე უმტკიცებს, რომ საქართველოს მოქალაქე ვარ და ამიტომ აქვს უფლება, რომ დამიჭირონ და არა ვარ ამერიკელი. მერე ეს ელჩი წერს, რომ ეს ყველაფერი "იმედის" გამო ხდებაო, იმიტომ, რომ ირაკლი დარბის "იმედს" იცავს და ეს ყველაფერი არის იმიტომო, რომ "იმედის" დაბრუნებას შეუშალოთ ხელი. შეიძლება ზუსტი სიტყვებით არა ვამბობ, მაგრა დაგუგლეთ და ნახეთ. WikiLeaks-ში ამოდის ეს. ამიტომ, ფუნდამენტალური ჩვენი მთავარი დამცველი, სიტყვის თავისუფლების საქართველოში ნიკა გვარამია, იყო ადამიანი, რომელიც დარბოდა იმის გამო, რომ "იმედის" აღება გაეპრავებინათ. მე ნუ დამიჯერებთ, WikiLeaks-ში ნახეთ", - განაცხადა ირაკლი რუხაძემ.

მსოფლიო • 1784015253

აშშ-ის საიმიგრაციო სამსახურის თანამშრომლებმა მეინის შტატში 26 წლის მიგრანტი ცეცხლსასროლი იარაღით მოკლეს

აშშ-ის საიმიგრაციო სამსახურის თანამშრომლებმა მეინის შტატში 26 წლის მიგრანტი ცეცხლსასროლი იარაღით მოკლეს. ინფორმაციას ამის შესახებ „სიენენი“ ავრცელებს.როგორც „სიენენი“ წერს, მოკლული კოლუმბიელი მამაკაცი ჯოან სებასტიან გუერეროა. შემთხვევა ქალაქ ბიდფორდში, 13 ივლისს მოხდა.სათვალთვალო კამერების კადრებში ჩანს, რომ თეთრი ავტომობილი ბიდფორდის ერთ-ერთ გზაჯვარედინზე წრეზე მოძრაობდა, ხოლო ორი ქვეითი პირი ცდილობდა მისი გაჩერებას, სანამ თეთრმა ჯიპმა მანქანას არ დაარტყა. ამის შემდეგ, პირებმა, სავარაუდოდ, საიმიგრაციო სამსახურის თანამშრომლებმა მანქანა ალყაში მოაქციეს, ერთ-ერთმა მათგანმა მძღოლს  იარაღი დაუმიზნა,  შემდეგ კი მისი უკვე სხეული მანქანიდან ქუჩაზე გადმოიტანეს.აშშ-ის შიდა უსაფრთხოების სამინისტრომ განაცხადა, რომ აგენტმა იარაღი „საზოგადოებრივი უსაფრთხოებისთვის“ გამოიყენა, თუმცა არ დააკონკრეტა, რატომ მიიჩნია მამაკაცი საფრთხედ.ცნობისთვის, მანამდე ტეხასში აშშ-ის საიმიგრაციო სამსახურის თანამშრომლებმა კიდევ ერთი მიგრანტი მოკლეს.

მსოფლიო • 1784014375

მსოფლიოში ნავთობის ფასები კვლავ გაიზარდა და ერთი ბარელი 84.87 აშშ დოლარი გახდა

ჰორმუზის სრუტეში კონფლიქტის გამწვავების გამო მსოფლიოში ნავთობის ფასები კვლავ გაიზარდა.მედიის ცნობით, ბრენტის მარკის ნავთობის ფასი ერთ ბარელზე 1.9%-ით გაიზარდა და 84.87 აშშ დოლარი შეადგინა, რაც შეეხება აშშ-ში ნავთობის ფასს, ის 2%-ით გაიზარდა და 79.75 აშშ დოლარს მიაღწია.მედიის ცნობით, ნავთობის ფასის ზრდას აშშ-ირანის კონფლიქტის განახლება და ახლო აღმოსავლეთში განხორციელებულ იერიშები განაპირობებს.როგორც „ბიბისი“ წერს, ნავთობის ფასმა ერთ ბარელზე რეკორდულ 120 აშშ დოლარს აპრილის ბოლოს მიაღწია.

მსოფლიო • 1784014283

დონალდ ტრამპი: მინდა, კომპენსაცია მივიღოთ, რადგან ჩვენ ვიცავთ მსოფლიოს ძალიან მდიდარ ნაწილს, ვხარჯავთ ფულს

მინდა, კომპენსაცია მივიღოთ, რადგან ჩვენ ვიცავთ მსოფლიოს ძალიან მდიდარ ნაწილს, – ამის შესახებ აშშ-ის პრეზიდენტმა, დონალდ ტრამპმა ოვალურ კაბინეტში ჟურნალისტებთან საუბრისას განაცხადა.მისივე თქმით, ეს საჭიროა მოკავშირეების დაცვის თვალსაზრისით.„ჩვენ ვხარჯავთ ფულს, ამიტომ გადავწყვიტეთ – დაცვისთვის კომპენსაციას მივიღებთ. ეს ჩვენთვის საჭირო არ არის, მაგრამ საჭიროა მოკავშირეების დაცვის თვალსაზრისით“, – განაცხადა დონალდ ტრამპმა.როგორც დონალდ ტრამპმა აღნიშნა, შეერთებულმა შტატებმა „ძალიან ეფექტურად“ შეასრულა ისრაელის, საუდის არაბეთის, კატარისა და არაბთა გაერთიანებული საამიროების დაცვის ამოცანა.ამასთან, ჟურნალისტებთან საუბრისას ტრამპმა ირანის წინააღმდეგ განახლებული დარტყმები „სამხედრო შეტაკებად“ მოიხსენია და უარყო, რომ ეს კონფლიქტის ახალ, ხანგრძლივ ეტაპს ნიშნავს.

მსოფლიო • 1784014059

აშშ-მა ირანზე დარტყმების მორიგი სერია განახორციელა

შეერთებული შტატების ცენტრალური სარდლობის ცნობით, ამერიკულმა ძალებმა ირანის წინააღმდეგ დარტყმების კიდევ ერთი, მეოთხე ეტაპი განახორციელეს.ხუთსაათიანი მისიის განმავლობაში ამერიკულმა ძალებმა ირანის სხვადასხვა რეგიონში სამხედრო სამიზნეებს, სანაპირო თავდაცვის სისტემებს, სარაკეტო და უპილოტო საფრენი აპარატების პოზიციებს და საზღვაო შესაძლებლობებს დაარტყეს. რეგიონში ამერიკულ სამხედრო ობიექტებზე იერიშებს განაგრძობს ირანიც.ისლამური რევოლუციის გუშაგთა კორპუსის ცნობით, დრონებით იერიშები „ალ ჯუფაირის“ ამერიკულ ბაზაზე იარაღის საწყობსა და თანამგზავრული კავშირის ცენტრზე მიიტანეს. ირანული დრონების უვნებელყოფის შესახებ ცნობას ბაჰრეინიც ავრცელებს.

მსოფლიო • 1784013989

აშშ ირანული ხომალდებისთვის ჰორმუზის სრუტის ბლოკადას განაახლებს

აშშ-ის სამხედრო უწყების განცხადებით, ცენტრალური ევროპის დროით შუაღამისას (თბილისის დროით ზეგ, 15 ივლისის 02:00 საათზე / 16:00 EDT), ირანის წინააღმდეგ საზღვაო ბლოკადის განხორციელებას დაიწყებს.აშშ-ის შეიარაღებული ძალების ცენტრალურმა სარდლობამ (CENTCOM) სოციალურ ქსელ X-ში განაცხადა, რომ ის „უზრუნველყოფს ბლოკადის აღსრულებას იმ გემების მიმართ, რომლებიც ირანის პორტებისა და სანაპირო ზონების მიმართულებით ან იქიდან გადაადგილდებიან“.ამავდროულად, კომერციული ნაოსნობა, რომელიც აღნიშნულ შეზღუდვებს არ არღვევს, რეგიონის წყლებში კვლავინდებურად დაიშვება.

მსოფლიო • 1784011330

კალასი აცხადებს, რომ რუსეთის წინააღმდეგ სანქციების 21-ე პაკეტზე შეთანხმება ვერ ხერხდება

ევროკავშირის უმაღლესი წარმომადგენელი კაია კალასი აცხადებს, რომ რუსეთის წინააღმდეგ სანქციების 21-ე პაკეტზე შეთანხმება ვერ ხერხდება, რაც მისივე თქმით სამწუხაროა.„თუმცა უნდა ვთქვა, რომ ამასთან საკმაოდ ახლოს ვართ“, –  განაცხადა კალასმა.ამასთან, როგორც კაია კალასმა აღნიშნა, აშშ-ის გადაწყვეტილება, უკრაინისთვის „პეტრიოტის” ტიპის რაკეტების წარმოების ლიცენზიის მიენიჭებინა, „დადებითი ნაბიჯია, თუმცა დროს მოითხოვს”.