აშშ

აშშ-ის ცაზე, შეჯახების თავიდან ასარიდებლად გაკეთებული უხეში მანევრების გამო, თვითმფრინავის ორი ბორტგამყოლი დაშავდა

აშშ-ის ცაზე, Southwest Airlines-ის თვითმფრინავმა, ჰაერში სხვა თვითმფრინავთან შეჯახების თავიდან ასარიდებლად მკვეთრი მანევრი გააკეთა, რის შედეგადაც ორი ბორტგამყოლი დაშავდა.მედიის ცნობით, შეჯახების თავიდან ასაცილებლად, Southwest Airlines-ის თვითმფრინავი იძულებული გახდა "აგრესიულად“ დაშვებულიყო.ინციდენტი ჰოლივუდ-ბურბენკის აეროპორტის თავზე მოხდა. თვითმფრინავი ლას-ვეგასისკენ მიემართებოდა.

პოლიტიკა • 1753610615

დავით ჩიხელიძე ჯაფარიძის წერილზე: არცერთ დონეზე არ ვთანამშრომლობთ რუსეთთან, გარდა ეკონომიკურისა. ოპოზიცია მოსახლეობის შეცდომაში შეყვანას და „ქართული ოცნების“ რუსეთთან დაკავშირებას ცდილობს, რაც აღქმებია და არა რეალური მოცემულობა

ამჯერად ტყუილის გამავრცელებლად გირჩი ჯაფარიძე მოგვევლინა, რომელიც ამბობს, რომ საითაც არ გაიხედავ და ჩაიხედავ ყველგან რუსეთია, მოდი გავიხედოთ ირგვლივ და დავინახავთ რომ არსად რუსეთი არ არის, - ასე ეხმიანება ექსპერტი, დავით ჩიხელიძე ზურაბ გირჩი ჯაფარიძის გავრცელებულ წერილს.ჩიხელიძის თქმით, "ოპოზიცია მოსახლეობის შეცდომაში შეყვანას და "ქართული ოცნების" რუსეთთან დაკავშირებას ცდილობს, რაც აღქმებია და არა რეალური მოცემულობა".„პრემიერ მინისტრმა ირაკლი კობახიძემ, ოპოზიციის ბრალდებების საპასუხოდ არაერთხელ აღნიშნა, რომ საქართველოს რუსეთთან დაკავშირება არასერიოზული, რადგან არ არსებობს ერთი ფაქტიც კი, რაც საქართველოს რუსეთთან დააკავშირებს, მიუხედავად ფაქტობრივი შეუსაბამობისა, ოპოზიცია მოსახლეობის შეცდომაში შეყვანას და ქართული ოცნების რუსეთთან დაკავშირებას ცდილობს, რაც აღქმებია და არა რეალური მოცემულობა!ამჯერად ტყუილის გამავრცელებლად გირჩი ჯაფარიძე მოგვევლინა, რომელიც ამბობს, რომ საითაც არ გაიხედავ და ჩაიხედავ ყველგან რუსეთია, მოდი გავიხედოთ ირგვლივ და დავინახავთ რომ არსად რუსეთი არ არის! საქართველო უერთდება რუსეთის წინააღმდეგ დაწესებულ საერთაშორისო სანქციებს! არ გვაქვს რუსეთთან პირდაპირი დიპლომატიური ურთიერთობა, არცერთ დონეზე არ ვთანამშრომლობთ რუსეთთან, გარდა ეკონომიკურისა (რუსეთთან ეკონომიკური კავშირი ასევე აქვს ევროპის ქვეყნებს აშშ-ს, დიდ ბრიტანეთს და ა.შ.) საქართველო უერთდება ყველა იმ რეზოლუციას რომელიც რუსეთის წინააღმდეგ არის მიმართული. ეს არის რეალური მოცემულობა, რაც საქართველოს რუსეთისგან დისტანცირებას და ეროვნული პოლიტიკის გატარებას ადასტურებს, გირჩისთვის ეროვნული პოლიტიკა უკანალის ჩვენება და შარვლის ჩახდაა. ქართული ოცნებისთვის კი ეროვნული პოლიტიკა სუვერენიტეტის და დამოუკიდებლობის განმტკიცება არის! რაც არც რუსეთის და არც დასავლეთის მონობას არ გულისხმობს!“- წერს ჩიხელიძე.

მსოფლიო • 1753604319

ტრამპი პუტინთან დაკავშირებით მოთმინებას კარგავს - მარკო რუბიო

შეერთებული შტატების პრეზიდენტი რუსეთის მხრიდან ომის დასულებისთვის ნაბიჯების მოლოდინში მოთმინებას კარგავს, - განცხადება Fox News-ისთვის მიცემულ ინტერვიუში შეერთებული შტატების სახელმწიფო მდივანმა გააკეთა. მარკო რუბიოს თქმით, დონალდ ტრამპისა და ვლადიმირ პუტინის სატელეფონო საუბრებმა შედეგი ვერ გამოიღო.„ვფიქრობ პრეზიდენტი სულ უფრო ღიზიანდება იმით, რომ ვლადიმერ პუტინთან ძალიან კარგი კომუნიკაციისა და სატელეფონო საუბრების მიუხედავად, ამას არანაირი შედეგი არ აქვს. ამიტომ, მოქმედების დრო დადგა და, ვფიქრობ, პრეზიდენტმა ყველას დაანახა: ის მოთმინებას კარგავს. ის კარგავს სურვილს ელოდოს, როდის მოიმოქმედებს რუსეთი რამეს, რათა ეს ომი დაასრულოს“, - განაცხადა რუბიომ.მისივე თქმით, ტრამპი მიიჩნევს, რომ პუტინის მასთან მოლაპარაკებებს მხოლოდ დროის გაყვანის მიზნით აწარმოებდა.14 ივლისს დონალდ ტრამპმა განაცხადა, რომ აშშ რუსეთის სავაჭრო პარტნიორების წინააღმდეგ მეორედ 100%-იან ტარიფს დააწესებს, თუ 2 სექტემბრამდე უკრაინაში მშვიდობის შესახებ შეთანხმება არ მიიღწევა.

მსოფლიო • 1753601869

აშშ-ში სამგზავრო თვითმფრინავს ცეცხლი გაუჩნდა - ფაქტის ამსახველი კადრები მედიაში ვრცელდება

აშშ-ში, დენვერის საერთაშორისო აეროპორტში სამგზავრო თვითმფრინავს ცეცხლი გაუჩნდა. მგზავრები ევაკუაცია ავარიული, გასაბერი ტრაპით მოხდა. ინფორმაციას Fox News-ი ავრცელებს.მედიის ცნობით, American Airlines-ის თვითმფრინავს საბურავის პრობლემა შეექმნა, რამაც აალება გამოიწვია. შემთხვევის შედეგად ერთი ადამიანი მსუბუქად დაშავდა და ის საავადმყოფოში გადაიყვანეს.შემთხვევის დროს თვითმფრინავში ეკიპაჟის 6 წევრი და 173 მგზავრი იმყოფებოდა. მედიის ინფორმაციით, თვითმფრინავი ექსპლუატაციიდან ამოიღეს, რათა მას შესაბამის ტექნიკური შემოწმება ჩაუტარდეს.

მსოფლიო • 1753599065

ტრამპი და ფონ დერ ლაიენი დღეს სავაჭრო შეთანხმების მიღწევას შეეცდებიან

აშშ-ის პრეზიდენტი დონალდ ტრამპი და ევროკომისიის პრეზიდენტი ურსულა ფონ დერ ლაიენი დღეს ერთმანეთს შოტლანდიაში შეხვდებიან. ლიდერები სავაჭრო შეთანხმების მიღწევაზე იმუშავებენ.შოტლანდიაში გამგზავრებამდე თეთრი სახლის ლიდერმა შეთანხმების მიღწევის შანსები შეაფასა როგორც „საკმაოდ კარგი“.„ვიტყოდი, რომ ევროკავშირთან შეთანხმების მიღწევის შანსი 50:50-ზეა“, - განუცხადა მან ჟურნალისტებს.12 ივლისს ტრამპმა გამოაცხადა, რომ 1 აგვისტოდან ევროკავშირიდან ექსპორტირებულ საქონელზე 30%-იან ტარიფს დააწესებს. თავისი გადაწყვეტილება მან ბრიუსელსა და ვაშინგტონს შორის „ერთ-ერთ ყველაზე სერიოზული სავაჭრო დეფიციტით“ ახსნა.

ტექნოლოგიები • 1753597248

ეს განსაკუთრებით ხშირია ახალგაზრდებში... - ChatGPT-ის შემქმნელი მოსახლეობას აფრთხილებს

OpenAI-ის გენერალურმა დირექტორმა სემ ალტმანმა განაცხადა, რომ სულ უფრო მეტი ადამიანი სულ უფრო მეტად ეყრდნობა ჩატბოტ ChatGPT-ს გადაწყვეტილებების მიღებისას - წერს Business Insider-ი.გამოცემის ინფორმაციით, ამ კვირაში აშშ-ის ფედერალური სარეზერვო სისტემის მიერ ორგანიზებულ საბანკო კონფერენციაზე გამოსვლისას ალტმანმა შეშფოთება გამოთქვა იმ ტენდენციის გამო, რომელსაც ის აღწერს, როგორც "ემოციური დამოკიდებულების გადაჭარბებულ ფორმას" ChatGPT-ზე. მისი თქმით, ეს განსაკუთრებით ხშირია ახალგაზრდებში.„ადამიანები ზედმეტად ეყრდნობიან ChatGPT-ს. არიან ახალგაზრდები, რომლებიც ამბობენ: "ვერანაირ გადაწყვეტილებას ვერ მივიღებ ჩემს ცხოვრებაში, თუ ყველაფერს არ მოვუყვები ChatGPT-ს. მას ესმის ჩემი, იცნობს ჩემს მეგობრებს, გავაკეთებ ყველაფერს, რასაც მეტყვის." ეს სულაც არ მომწონს,“ — განაცხადა ალტმანმა.

მსოფლიო • 1753562370

ბრაზილიელმა ექსტრასენსმა, რომელსაც „ცოცხალ ნოსტრადამუსს“ უწოდებენ ახალი წინასწარმეტყველება გამოაქვეყნა

ბრაზილიელმა ექსტრასენსმა ათოს სალომემ, რომელსაც ხშირად „ცოცხალ ნოსტრადამუსს" უწოდებენ, ახალი წინასწარმეტყველება გამოაქვეყნა. წინასწარმეტყველების შესახებ Sky News Australia-მ დაწერა. ეს წინასწარმეტყველება ეხება პრინც ჰარისა და მეფე ჩარლზ III-ს. ათოს სალომეს თქმით, პრინცი ჰარი დიდი ბრიტანეთში დაბრუნდება 2026 წლის ზაფხულამდე, თუმცა ეს არ იქნება გულწრფელი ოჯახური შერიგება, არამედ "იმიჯის გადარჩენის სტრატეგიის" ნაწილი.„ჰარი აცნობიერებს, რომ ბრიტანელების მხარდაჭერის დაბრუნება აუცილებელია, თუ სურს ინსტიტუციური მნიშვნელობის შენარჩუნება,“ – განაცხადა ათოს სალომემ და დაამატა, რომ ჰარის ცოლი მეგან მარკლი, სავარაუდოდ, აშშ-ში დარჩება ან ბრიტანეთში იშვიათად ჩავა.სამწუხაროდ, სალომეს თქმით, ყველა ნიშანი მიუთითებს, რომ 40 წლის პრინცსა და 76 წლის მეფეს შორის შერიგება მხოლოდ გარეგნული იქნება.

მსოფლიო • 1753535880

შეიმუშავეს ხელოვნური ინტელექტი, რომელიც კიბოს დიაგნოზს ექიმებზე სწრაფად სვამს

კიბო მსოფლიოში სიკვდილიანობის ერთ-ერთი წამყვანი მიზეზია. ეროვნული კიბოს ინსტიტუტის მონაცემებით, 2022 წელს მსოფლიოში კიბოს თითქმის 20 მილიონი ახალი შემთხვევა დაფიქსირდა. რაც შეეხება დაღუპულებს, მათი რაოდენობა 9.7 მილიონი იყო. 2040 წლის პროგნოზების მიხედვით, ეს მაჩვენებელი 29.9 მილიონ ახალ შემთხვევამდე გაიზრდება.დაავადების ადრეული გამოვლენა რთულია, რადგან ტრადიციული დიაგნოსტიკური მეთოდები (სისხლის ანალიზები) შეიძლება ინვაზიური იყოს. ეს ზოგიერთ ადამიანს აიძულებს თავი აარიდოს რეგულარულ სკრინინგს. გარდა ამისა, ზოგიერთ რეგიონში ჯანდაცვის დაწესებულებებზე შეზღუდული წვდომა ართულებს კიბოს ტესტების მარტივად ჩატარებას.იაპონური სტარტაპის (Craif) მიზანია ამ ნაკლოვანებების მოგვარება ხელოვნური ინტელექტის გამოყენებით შარდის ანალიზზე დაფუძნებული არაინვაზიური ტესტის შექმნით. ეს კიბოს ადრეულ სტადიებზეც კი (მაგალითად, პირველ სტადიაზე) გამოავლენს."ტესტის ჩატარება სახლის პირობებშიც შესაძლებელია და ის მიკრო რნმ-ის გაუმჯობესებულ ანალიზს ეფუძნება. ასეთი ადრეული გამოვლენა უფრო ხელმისაწვდომი და ეფექტიანია", — განუცხადა TechCrunch-ს სტარტაპის თანადამფუძნებელმა და აღმასრულებელმა დირექტორმა რიუიჩი ონოსემ.პირადი გამოცდილებარიუიჩი ონოსემ კიბოს მომაკვდინებელი ეფექტი თავის ოჯახზე გამოცადა. მის ორივე ბებია-ბაბუას კიბოს დიაგნოზი დაუსვეს. პირადმა გამოცდილებამ გაუჩინა მას ძლიერი მოტივაცია, მოეგვარებინა ეს პრობლემა.პროდუქტის კიდევ ერთი უნიკალური ასპექტი შარდის გამოყენებაა. ონოსეს თქმით, ეს მარტივი, არაინვაზიურია და მრავალ სამეცნიერო და პრაქტიკულ უპირატესობას გვთავაზობს. მას სხვა ნიმუშებთან შედარებით ნაკლები მინარევები აქვს, ამიტომ ბიომარკერის სიგნალები უფრო მკაფიოა. ეს ხელს უწყობს გაზომვისას პოტენციური შეცდომების შემცირებას (მაგალითად, სისხლის ჰემოლიზის გამო) და ზოგავს ტესტირებაზე დანახარჯებს.ხელოვნურ ინტელექტს კიბოს შვიდი ტიპის აღმოჩენა შეუძლიაCraif-ის პირველ პროდუქტ, miSignal-ს პანკრეასის, მსხვილი ნაწლავის, ფილტვის, კუჭის, საყლაპავის, მკერდისა და საკვერცხის კიბოს აღმოჩენა შეუძლია."იაპონიაში ჩვენ ვთანამშრომლობთ 1000-ზე მეტ ჯანდაცვის დაწესებულებასთან და დაახლოებით 600 აფთიაქთან. ჩვენი გუნდი 73 ერთგული თანამშრომლისგან შედგება", — თქვა ონოსემ.სტარტაპი გეგმავს miSignal ტესტის მასშტაბის გაფართოებას კიბოს ათ სხვადასხვა სახეობაზე. გარდა ამისა, კომპანია ემზადება გამოიყენოს თავისი ტექნოლოგია არასიმსივნური დაავადებების, როგორიცაა ნეიროდეგენერაციული დარღვევები (მაგალითად, დემენცია), ადრეული გამოვლენისთვის.ახალი დაფინანსება სტარტაპს დაეხმარება აშშ-ის ბაზარზე შევიდეს კიბოს ადრეული გამოვლენის ტესტით. მიზანი შემდეგია: აშშ-ში 2029 წლისთვის კლინიკური კვლევების დასრულებაკომპანიამ უკვე დაიწყო პანკრეასის კიბოს ნიმუშების შეგროვება აშშ-ის 15 შტატის 30 ჯანდაცვის დაწესებულებასთან თანამშრომლობით.ხელოვნური ინტელექტი, როგორც ასისტენტი კიბოს წინააღმდეგ ბრძოლაშიხელოვნური ინტელექტი დიდი ხანია გვეხმარება კიბოსა და სხვა დაავადებების აღმოჩენაში. მაგალითად, ხელოვნური ინტელექტის ინსტრუმენტმა Annalise.ai-მ შეძლო ფილტვის კიბოს დიაგნოსტირება ექიმებზე სწრაფად და ამით გადაარჩინა 69 წლის ქალის, დაიან კოვეის სიცოცხლე.გარდა ამისა, ხელოვნურ ინტელექტს შეუძლია, მაგალითად, სისხლის ანალიზებში გამაფრთხილებელი ნიშნების ამოცნობა ან სკრინინგის დროს ძუძუს კიბოს შემთხვევების დაფიქსირება. ეს ყველაფერი მეცნიერების მიერ ჩატარებული კვლევებისა და ტესტების დამსახურებაა.

პოლიტიკა • 1753523471

დიმიტრი ხუნდაძე დონალდ ტრამპისა და თამარ ტალიაშვილის შეხვედრაზე: ეს არის დასტური იმისა, რომ ქართულ-ამერიკული ურთიერთობები პოზიტიურ რელსებზე გადავა

"ხალხის ძალის" გენერალური მდივანი დიმიტრი ხუნდაძე აშშ-ს პრეზიდენტის დონალდ ტრამპისა და საქართველოს ელჩის თამარ ტალიაშვილის შეხვედრაზე საუბრობს და მიიჩნევს, რომ ეს აუდიენცია ქართულ-ამერიკული ურთიერთობების პოზიტიურ რელსებზე გადასვლის დასტურია.როგორც დიმიტრი ხუნდაძემ ჟურნალისტებთან საუბრისას განაცხადა, ის დარწმუნებულია, რომ მაღალი დონის ეს შეხვედრა შოკის მომგვრელი იქნება ქართველი რადიკალებისა და საქართველოს არაკეთილმოსურნეებისათვის."ამ შეხვედრას, რა თქმა უნდა, აქვს მაღალი პოლიტიკური ფასი. ეს არის დასტური იმისა, რომ ქართულ-ამერიკული ურთიერთობები პოზიტიურ რელსებზე გადავა და ამისათვის, შეხვედრაზე იყო შეთანხმებული კონკრეტული სამოქმედო გეგმის შემუშავება, რასაც მიჰყვება ორივე მხარე - ამერიკულიც და ქართულიც.მე მწამს და ამას ყველა დავინახავთ, რომ ალბათ ელდა ეცა ახლა ოპოზიციას, მითუმეტეს წინასაარჩევნოდ, რომ ასეთი მაღალი დონის შეხვედრა შედგა. ეს, რა თქმა უნდა, მათ ინტერესებში არ შედის. მეტიც, ეს არა მხოლოდ მათ, არამედ საქართველოს არაკეთილმოსურნეების ინტერესს სცდება,“ - განაცხადა დიმიტრი ხუნდაძემ.

ტექნოლოგიები • 1753513860

ჩვილისთვის გადასანერგი გული ექიმებმა საოპერაციო მაგიდაზევე "გააცოცხლეს"

დიუკის უნივერსიტეტის ქირურგებმა საოპერაციო მაგიდაზევე აამუშავეს გული, რომელიც ხუთ წუთზე მეტხანს იყო გაჩერებული. ორგანო ტრანსპლანტაციისთვის იყო განკუთვნილი. ამუშავების შემდგომ იგი სამი თვის ჩვილს გადაუნერგეს და მისი სიცოცხლე გადაარჩინეს.სამედიცინო მოხსენების მიხედვით, 6 თვის ასაკში ჩვილის გული უკვე ჯანსაღად ფუნქციონირებდა. ამასთანავე, ექიმებს ორგანოს უკუგდების არცერთი ნიშანი არ დაუფიქსირებიათ.შემთხვევა იმაზე მიუთითებს, რომ გულის რეანიმირება საოპერაციო მაგიდაზეც შესაძლებელია — ყოველ შემთხვევაში, ჩვილის გულის. ტრანსპლანტაციისთვის ორგანოს შესანახად ეს შეიძლება ეფექტიანი მეთოდი იყოს.დონორის ოჯახის ნებართვით ექიმებმა სპეციალურად შექმნილი ხელსაწყო გამოიყენეს, რათა პატარა გული აემუშავებინათ. მათ ოქსიგენატორი, ცენტრიდანული ტუმბო, ასევე დაღვრილი სისხლის შესაგროვებლად რეზერვუარი გამოიყენეს. ტრადიციული ხელსაწყოები, რომლებიც ორგანოს სხეულს გარეთ ინახავს, ჩვილის გულისათვის ზედმეტად დიდია. სწორედ ამიტომ, ექიმებს ახალი სისტემის შექმნა მოუწიათ.ცნობილია, რომ აშშ-ში გულის მომლოდინე ჩვილების დაახლოებით 20% ორგანოს მიღებამდე იხოცება. გულის დონორები უმეტესად ის ადამიანები არიან, რომელთა ტვინიც უკვე მკვდარია. მეორე მხრივ, გულის გადანერგვა ბავშვებში მხოლოდ შემთხვევათა 0.5%-ში ტარდება "ცირკულატორული სიკვდილის" შემდეგ — მაშინ, როცა დონორის გული ჩერდება და სისხლის მიმოქცევა წყდება.ცირკულატორული სიკვდილის შემდგომ გულის ამუშავება მედიცინაში საკამათო საკითხია. ზოგი კრიტიკოსი ფიქრობს, რომ ეს ცირკულატორული სიკვდილის განმარტებას აყენებს ეჭვქვეშ — განსაკუთრებით მაშინ, თუ გაჩერებული გული დონორის სხეულში უნდა აამუშაონ. ორჭოფობენ იმაზეც, თუ რამდენად ეთიკურია ჯერ ადამიანის აპარატიდან გამორთვა, შემდეგ გულის ამუშავება და გადასანერგად ამოღება.გადასანერგი გულის გაჩერებისას ორი მთავარი მიდგომა არსებობს: სხეულს შიგნით რეანიმაცია, რომელიც, ზოგის აზრით, ცირკულატორული სიკვდილის განმარტებას აყენებს ეჭვქვეშ და სხეულს გარეთ რეანიმაცია — ის, რაც დიუკის უნივერსიტეტის ქირურგებმა გააკეთეს. შესაძლოა, მეორე მიდგომამ ეთიკური ეჭვების გააქარწყლოს. საოპერაციო მაგიდაზე რეანიმაციის მომხრეები ფიქრობენ, რომ ამან შეიძლება გადასანერგი გულების ხელმისაწვდომობა 30%-ით გაზარდოს.მეორე მხრივ, ქირურგების სხვა გუნდი ვანდერბილტის უნივერსიტეტიდან განსხვავებულ მიდგომას მიმართავს, რათა ეთიკურ საკითხებს გვერდი აუარონ. ნაცვლად გულის მაშინვე ამუშავებისა, ისინი ორგანოს რეანიმაციის გარეშე ინახავენ — აორტას უჭერენ, თავად ორგანოს კი შენახვის ხელშემწყობი ცივი ხსნარით რეცხავენ. შედეგად გული გადასანერგად ვარგისი რჩება. მეთოდს ტვინზე ან სხეულის სხვა ნაწილებზე გავლენა არა აქვს.ამ დროისთვის ამ მიდგომის შედეგები დამაიმედებელია. ამ გზით შენახული სამივე გული წარმატებით გადაუნერგეს პაციენტებს და ჯანსაღად ფუნქციონირებს.

მსოფლიო • 1753508828

სად გაატარებს ტრამპი შვებულებას? - აშშ-ს პრეზიდენტი აქტიურ დასვენებას გეგმავს

აშშ-ის პრეზიდენტი, დონალდ ტრამპი შოტლანდიაში ჩავიდა, სადაც ოთხი დღე დაისვენებს. ინფორმაციას BBC ავრცელებს.თეთრი სახლის ლიდერი სამხრეთ ეირშირის რეგიონში მდებარე სასტუმრო “თერნბერი რეზორტში“ დაბინავდება, სადაც გოლფს ითამაშებს.მედიის ცნობით, უკვე ორშაბათს, ის აპირებს, რომ დიდი ბრიტანეთის პრემიერ-მინისტრს, კირ სტარმერს შეხვდეს. „მე მიყვარს თქვენი პრემიერ-მინისტრი. როგორც იცით, ის ჩემზე ოდნავ ლიბერალია, მაგრამ ის კარგი კაცია. მან სავაჭრო გარიგებას მიაღწია“, - თქვა ტრამპმა ჟურნალისტებთან სტარმერზე საუბრისას.როგორც BBC იუწყება, ტრამპი სასტუმროში უქმე დღეებს გაატარებს, ხოლო შემდეგ აბერდინშირის რეგიონში გადაინაცვლებს, სადაც საკუთარი სახლი აქვს. იქ ის გოლფის ახალ მოედანს გახსნის.ტრამპს შოტლანდიასთან განსაკუთრებული კავშირები აქვს. დედამისი, მერი ენ მაკლეოდი 1912 წელს ლუისის კუნძულზე დაიბადა. დიდი დეპრესიის დროს ის ნიუ-იორკში საცხოვრებლად გადავიდა, სადაც მოქმედი პრეზიდენტის მამაზე, ფრედ ტრამპზე გათხოვდა.

მსოფლიო • 1753504623

მიგრაცია ევროპას ანადგურებს, უმჯობესია საქმეს მიხედოთ, თორემ ევროპა აღარ იარსებებს - ტრამპი

აშშ-ის პრეზიდენტმა, დონალდ ტრამპმა შოტლანდიაში ოთხდღიანი ვიზიტის დაწყებისას განაცხადა, რომ მიგრაცია „ევროპას ანადგურებს“.პრესტვიკის აეროპორტში პარასკევს საღამოს ჟურნალისტებთან საუბრისას ტრამპმა განაცხადა: „რაც შეეხება მიგრაციას, უმჯობესია საქმეს მიხედოთ, თორემ ევროპა აღარ იარსებებს“.„მოგეხსენებათ, გასულ თვეს არავინ შემოსულა ჩვენს ქვეყანაში. არავინ. ჩვენ შევაჩერეთ ეს. ბაიდენი სრულიად კრეტინი იყო. და ის, რაც მან დაუშვა, თქვენც უშვებთ. და თქვენ უნდა შეაჩეროთ ეს საშინელი შემოსევა, რომელიც ევროპაში ხდება. ევროპის ბევრ ქვეყანაში. ზოგიერთმა ადამიანმა, ზოგიერთმა ლიდერმა არ დაუშვა ეს. მე შემიძლია ახლავე დაგისახელოთ ისინი, მაგრამ არ ვაპირებ სხვების შერცხვენას. მაგრამ შეაჩერეთ ეს. ეს მიგრაცია კლავს ევროპას“, - აღნიშნა დონალდ ტრამპმა.