არესტოვიჩი

ვატო შაქარიშვილი უკრაინელი პოლიტიკოსების განცხადებებზე - აშანტაჟებენ პატრონებს გლობალური ომის პარტიიდან, რომ თუ ბოლომდე არ უპატრონებენ, მთელ მსოფლიოს საკუთარი პირით მოუყვებიან სიმართლეს უახლესი ისტორიის უდიდეს ბლეფზე

უდიდესი ბლეფი, სრული კატასტროფით მთავრდება! კიევის მოქმედი მერის, ვიტალი კლიჩკოს განცხადებით, უკრაინა ავტორიტარიზმისკენ მიდის. - ამის შესახებ საზოგადოებრივი მოძრაობის “საქართველო უპირველეს ყოვლისა” დამფუძნებელი, ვატო შაქარიშვილი, სოციალურ ქსელში წერს. მისი თქმით, უკრაინელი მაღალჩინოსნების ბოლოდროინდელი განცხადებები, გაშიფრული დამნაშავეების ქმედებებია; ასევე, ეს განცხადებები პასუხია აშშ-ისა და ევროპის ბრალდებებზე, უკრაინის ხელისუფლებაში არსებული კორუფციის შესახებ. “кінець! - უდიდესი ბლეფი, სრული კატასტროფით მთავრდება!კიევის მოქმედი მერის, ვიტალი კლიჩკოს განცხადებით, უკრაინა ავტორიტარიზმისკენ მიდის. გენერალიტეტის და სამხედრო ხელმძღვანელობის შემდეგ, უკრაინის უმძიმეს მდგომარეობაზე ადგილობრივი პოლიტიკური კლასიც ალაპარაკდა. მიუხედავად იმისა, რომ ზალუჟნის ცნობილი ინტერვიუს შემდეგ, რომელშიც ის ფრონტზე არსებულ ვითარებას “ჩიხს” უწოდებდა, ზელენსკიმ გენერლის შეფასებები მკვეთრად გააკრიტიკა, დღეს უკვე თავად მოუწია უკრაინის კონტრშეტევის წარუმატებლობის აღიარება. NATO-ს გენერალური მდივანი, მსოფლიოს აფრთხილებს, რომ უკრაინიდან “ცუდ ამბებს” უნდა ველოდოთ. უკრაინის გამარჯვების მითი დანგრეულია და ახლა უკვე თვალს ვადევნებთ მარცხის ერთმანეთზე გადაბრალების პროცესს. როდესაც ევროპასა და აშშ-ში უკრაინის დახმარების მიმართ კონსოლიდაციის ხარისხი მკვეთრად შემცირდა, გამოჩნდა არახამია და გამაფრთხილებელი მესიჯიც გაუგზავნა კოლექტიურ დასავლეთს. მან განაცხადა, რომ სტამბოლის მოლაპარაკებების შემდეგ, უკრაინისთვის სასარგებლო სამშვიდობო შეთანხმება, ბრიტანეთის იმჟამინდელმა პრემიერმა, ბორის ჯონსონმა ჩაშალა, რომელიც სასწრაფოდ ჩავიდა კიევში და უკრაინას ბრძოლის გაგრძელებისკენ მოუწოდა. ზელენსკიმ, AP-სთან ინტერვიუში უკმაყოფილება გამოთქვა, დასავლეთიდან გაგზავნილი შეიარაღების რაოდენობის გამო, მისი თქმით სწორედ იარაღის ნაკლებობამ განაპირობა კონტრშეტევის ჩავარდნა. არახამიამ თქვა, დიდ ომში დასავლეთმა ჩაგვითრიაო, ზელენსკიმ თქვა, რომ ამის შემდეგ საკმარისი რაოდენობის იარაღი არ მოგვაწოდესო. მათ, დასავლეთზე სცადეს პასუხისმგებლობის ტვირთის გადატანა, რაც სიმართლისგან შორს ნამდვილად არ არის, მაგრამ ეს სიმართლის თქმის სურვილით არ არის ნაკარნახევი, არამედ ეს არის გაშიფრული და სასოწარკვეთილი დამნაშავეების ქმედებები, რომლებსაც ფეხქვეშ მიწა ეწვით და არჩევნების ჩატარებაზეც კი უარს ამბობენ. ასევე, ეს არის ერთგვარი პასუხი, იმ საფუძვლიან ბრალდებებზე, რაც უკვე ასე ხშირად ისმის აშშ-დან და ევროპის ქვეყნებიდან, უკრაინის დღევანდელ ხელისუფლებაში გამეფებული კორუფციის შესახებ და იმ შეცდომების თაობაზე, რომლებიც ზელენსკის გუნდის მიერ იქნა დაშვებული, რამაც საბოლოო კრახი განაპირობა. ისინი აშანტაჟებენ საკუთარ პატრონებს გლობალური ომის პარტიიდან, რომ თუ ბოლომდე არ უპატრონებენ, მთელ მსოფლიოს საკუთარი პირით მოუყვებიან სიმართლეს, უახლესი ისტორიის უდიდეს ბლეფზე, რაც ბევრისთვის აქამდეც დიდი ხანია ნათელია. ამასთან დაკავშირებით დაწერა ფრანგმა პოლიტიკოსმა, პარტია "პატრიოტების" ლიდერმა, ფლორიან ფილიპმა, რომლის თქმითაც, “დიფ სთეითი” (The Deep State) იქცევა ისე, როგორც ყოველთვის იქცევა - ქმნის მარიონეტებს, შემდეგ მოისვრის და ბოლოს ანადგურებს მათ! ზელენსკის უახლოესი გარემოცვის ყოფილი წევრის და ერთ დროს, ქართველი ლიბერალების კერპის, არესტოვიჩის განცხადებით უკრაინა ვეღარც კი იოცნებებს ისეთი შეთანხმების გაფორმებაზე, როგორიც სტამბოლის მოლაპარაკებების მაგიდაზე იდო. ეს კი, იმას ნიშნავს, რომ უკრაინა მილიონამდე მსხვერპლით, ათეულობით მილიონი იძულებით გადაადგილებული ადამიანით, ამოწყვეტილი გენოფონდით, მიწასთან გასწორებული ქალაქებით, დანგრეული ინფრასტრუქტურით, ამერიკული კორპორაციების ხელში გადასული ეკონომიკით, უდიდესი ვალებით მიდის იმ წერტილში, სადაც შეეძლო ყოფილიყო აღნიშნული წარმოუდგენელი მასშტაბის ეროვნული ტრაგედიის გარეშე!!! ამ ფონზე, ოლენა ზელენსკა აცხადებს, რომ ომის შემდეგ, ის და მისი მეუღლე დასასვენებლად წასვლას აპირებენ... როგორც ჩანს, გადაიღალა ჟურნალებისთვის პოზირებით... წარმოუდგენელია ამაზე დიდი ცინიზმი! ქვეყანა დაანგრიეს, გრძელვადიანი კატასტროფისთვის გაწირეს და წავალთ მალდივებზე დავისვენებთო... P.S. ერთი-ერთში იგივე სცენარის განხორციელება სურდათ და დღემდე სურთ საქართველოში...” - წერს ვატო შაქარიშვილი.

პოლიტიკა • 1701594244

სრულდება ზელენსკის მსოფლიო ლიდერობანას თამაში, ცუდად არის უკრაინაში საქმე, უკვე უკრაინელებმა დაიწყეს ხმამაღლა ლაპარაკი ქვეყნის შიდა მოვლენებზე - ნინო ფოჩხუა

სრულდება ზელენსკის მსოფლიო ლიდერობანას თამაში. არესტოვიჩის გარდა სხვებიც ალაპარაკდნენ. ცუდად არის უკრაინაში საქმე, უკვე უკრაინელებმა დაიწყეს ხმამაღლა ლაპარაკი ქვეყნის შიდა მოვლენებზე - ასე ეხმაურება ექსპერტი ნინო ფოჩხუა, კიევის მერის, ვიტალი კლიჩკოს განცხადებას იმის შესახებ, რომ უკრაინა ავტორიტარიზმისკენ მიდის და „შესაძლოა, აღარ იყოს განსხვავებული რუსეთისგან, სადაც ყველაფერი ერთი ადამიანის ახირებაზეა დამოკიდებული“.ექსპერტის თქმით, ზელენსკის და მისი გუნდის ავტორიტარული მმართველობა ისედაც ცნობილი იყო, როგორ შეიძლება გუნდში, სადაც ადგილობრივების გარდა, ძებნილი პირები, უმძიმეს დანაშაულებში ბრალდებულები სააკაშვილი, ადეიშვილი, ლორთქიფანიძე ირიცხებოდნენ, იქ დემოკრატიულ მართველობაზე ყოფილიყო საუბარი. „სრულდება ზელენსკის მსოფლიო ლიდერობანას თამაში. არესტოვიჩის გარდა სხვებიც ალაპარაკდნენ. ცუდად არის უკრაინაში საქმე, უკვე უკრაინელებმა დაიწყეს ხმამაღლა ლაპარაკი ქვეყნის შიდა მოვლენებზე. ზელენსკის და მისი გუნდის ავტორიტარული მმართველობა ისედაც ცნობილი იყო, როგორ შეიძლება გუნდში, სადაც ადგილობრივების გარდა, ძებნილი პირები, უმძიმეს დანაშაულებში ბრალდებულები სააკაშვილი, ადეიშვილი, ლორთქიფანიძე ირიცხებოდნენ, იქ დემოკრატიულ მართველობაზე ყოფილიყო საუბარიც კი. ეს კიდევ არაფერი, მე აქაური ზელენსკის გამფეტიშებლები მაკვირვებენ, რა თქმა უნდა არალეგიტიმური პრეზიდენტიც მათ რიგებშია. ვის გვატოლებენ, რაში, ჩვენთანაც ავტორიტარიზმი და კორუფცია უნდა ყვაოდეს თუ ომში უნდა ვიყოთ ჩართულები? ამიტომ ამ უსამშობლო ადამიანებს არ უნდა უკვირდეთ, როცა ქართველი ხალხი მათ აგენტებს უწოდებს.“ - წერს ფოჩხუა facebook - ზე.

პოლიტიკა • 1701256698

მგონია, რომ უკრაინის ხელისუფლების ყოფილი თუ მოქმედი მაღალჩინოსნების მხრიდან დასავლეთზე რაღაცების გადაბრალება არასწორია - კობახიძე

მგონია, რომ უკრაინის ხელისუფლების ყოფილი თუ მოქმედი მაღალჩინოსნების მხრიდან დასავლეთზე რაღაცების გადაბრალება არასწორია, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ განაცხადა.ირაკლი კობახიძეს კითხვა დაუსვეს უკრაინის პრეზიდენტის ადმინისტრაციის ყოფილმა მრჩეველის, ალექსეი არესტოვიჩის განცხადებაზე, სადაც არესტოვიჩმა აღნიშნა: „უკრაინა სტრატეგიულ ჩიხშია, დასავლეთის ნაწილი მზად არის, ჩვენი მიწებითა და სისხლით გადაიხადოს, რათა რუსეთმა არ წააგოს, არ დაექვემდებაროს ჩინეთს, ჩვენ ამ ომში გადაგვაგდეს“.როგორც ირაკლი კობახიძემ განაცხადა, ბოლო პერიოდში გახშირდა უკრაინის ყოფილი თუ მოქმედი მაღალჩინოსნების თავდასხმები დასავლეთზე.„ჩვენ ამ საკითხში ღრმად ვერ შევალთ. ზოგადად, მგონია, რომ უკრაინის ხელისუფლების ყოფილი თუ მოქმედი მაღალჩინოსნების მხრიდან დასავლეთზე რაღაცების გადაბრალება არასწორია. რა თქმა უნდა, ნებისმიერი ხელისუფლება მოქმედებს საკუთარი პასუხისმგებლობით, როცა გადაწყვეტილებებს იღებს და განსაკუთრებით მაშინ, როცა ეს დაკავშირებულია ომის შეწყვეტასთან თუ გაგრძელებასთან. ეს ის პოლემიკაა, რაშიც ჩვენ ვერ ჩავერთვებით. ეს არის უკრაინელი მაღალჩინოსნებისა და დასავლეთის საქმე“, – განაცხადა კობახიძემ.

პოლიტიკა • 1701255661

რუსეთს სასარგებლო იდიოტები ჰყავს როგორც საქართველოში, ასევე უკრაინაში - თეონა აქუბარდია არესტოვიჩის განცხადებაზე

რუსეთს სასარგებლო იდიოტები ჰყავს როგორც საქართველოში, ასევე უკრაინაში, - ამის შესახებ ოპოზიციონერმა დეპუტატმა, „რეფორმების ჯგუფის“ წევრმა თეონა აქუბარდიამ ალექსეი არესტოვიჩის განცხადების შეფასებისას თქვა.„რუსეთს სასარგებლო იდიოტები ჰყავს როგორც საქართველოში, ასევე უკრაინაში. შესაბამისად, განცხადება ნატოში გაწევრიანების გადაწყვეტილებასთან დაკავშირებით არის ტყუილი, იმიტომ, რომ სწორედ იანუკოვიჩმა თქვა უარი ნატოში წევრობაზე კანონით, მაგრამ ამან არ დაიცვა უკრაინა ყირიმის ანექსიისგან და განგრძობითი ომისგან რუსეთის მხრიდან. მე ვფიქრობ, ამ განცხადებებით არესტოვიჩმა გააძლიერა რუსეთის პროპაგანდა, თითქოს მოსკოვმა ნატოს გაფართოების საწინააღმდეგოდ დაიწყო ეს ომი“, - აღნიშნა აქუბარდიამ.უკრაინის პრეზიდენტის ადმინისტრაციის ყოფილმა მრჩეველმა, ალექსეი არესტოვიჩმა ინტერვიუში განაცხადა, რომ დასავლეთი მზადაა უკრაინის მიწების ნაწილი გაწიროს, ოღონდ არ დაირღვეს სტრატეგიული წონასწორობა და რუსეთი სრულად არ დაექვემდებაროს ჩინეთს. მისი თქმით, გასაგები მიზანია, მაგრამ უკრაინელების სისხლის ფასად ამის მიღწევა ცინიზმია.

მსოფლიო • 1701240161

VIDEO: მეც კი არ ვიცი ბოლომდე, რატომ შევწყვიტეთ მოლაპარაკებები - არესტოვიჩი

უკრაინის პრეზიდენტის აპარატის ყოფილი მრჩეველი, ალექსეი არესტოვიჩი, ერთ-ერთ ინტერვიუში ამბობს, რომ, იმ ფონზე, როდესაც ჩრდილოატლანტიკური ალიანსი უკრაინას წევრად არ იღებს, ასობით ათასი უკრაინელის სიცოცხლის გაწირვა და ქვეყნის ნგრევა აზრს მოკლებულია."მე ვიყავი სტამბოლის მომლაპარაკებელი ჯგუფის წევრი, თუმცა მეც კი არ ვიცი ბოლომდე, რატომ შევწყვიტეთ მოლაპარაკებები. არადა, სტამბოლის სამუშაო დოკუმენტი სულაც არ იყო ცუდი. ბევრი ამბობდა, NATO-ზე უარი არ შეიძლებოდა, თუმცა ვინ თქვა, რომ NATO წევრად გვიღებს? სამაგიეროდ, 300 000 ადამიანი ცოცხალი იქნებოდა და ნახევარი უკრაინა არ იქნებოდა დანგრეული და დანაღმული“, - აცხადებს უკრაინის პრეზიდენტის აპარატის ყოფილი მრჩეველი.

მსოფლიო • 1701236460

დასავლეთი მზადაა, ჩვენი მიწები გაწიროს, ოღონდ არ დაირღვეს სტრატეგიული წონასწორობა - არესტოვიჩი

უკრაინის პრეზიდენტის აპარატის ყოფილი მრჩეველი, ალექსეი არესტოვიჩი, დღეს არსებულ ვითარებას ჩიხს უწოდებს. როგორც მან ერთ-ერთ ინტერვიუში აღნიშნა, დასავლეთი უკრაინის მიწების გასაწირად მზადაა."სტრატეგიული ჩიხი. დასავლეთი მზადაა, ჩვენი მიწები გაწიროს, ოღონდ არ დაირღვეს სტრატეგიული წონასწორობა და რუსეთი სრულად არ დაექვემდებაროს ჩინეთს. გასაგები მიზანია, მაგრამ უკრაინელების სისხლის ფასად ამის მიღწევა ცინიზმია“, - ამბობს ის.

პოლიტიკა • 1700226541

2024 წლის დასაწყისში, შემოგთავაზებთ საინფორმაციო ბომბს, რომელიც თვალს აგიხელთ, თუ ვინ არის სინამდვილეში ვლადიმერ ალექსანდრეს ძე - არესტოვიჩი ზელენსკიზე

უკრაინის პრეზიდენტის აპარატის ყოფილი მრჩეველი პირობას დებს, რომ ინფორმაციას წლის დასაწყისისთვის გაავრცელებს და ის საზოგადოებას სიმართლეს გაუმხელს. არესტოვიჩის ვიდეომიმართვა სოციალური ქსელით გავრცელდა, სადაც ის აღნიშნავს, რომ უკრაინის ლიდერის ბოლო გადაწყვეტილებები დამაბნეველია და ლოგიკით ვერ აიხსნება. უკრაინის პრეზიდენტის აპარატის ყოფილი მრჩეველი ირწმუნება, რომ მან საკუთარი გეგმა მოამზადა სამხედრო კონფლიქტის დასასრულებლად და ამ გეგმას მხარს უჭერს გავლენიანი უკრაინელი გენერლების წრეც. დღესვე გახდა ცნობილი, რომ ალექსეი არესტოვიჩის წინააღმდეგ სისხლის სამართლის კიდევ ერთი საქმე აღიძრა. თავად ალექსეი არესტოვიჩი საზღვარგარეთ იმყოფება."ჭკვიანები მიხვდნენ, რომ უკრაინის საპრეზიდენტო არჩევნებში მონაწილეობას ვაპირებდი. მე დავპირდი ზელენსკის, რომ არ ჩავერეოდი, მაგრამ ბოლო დროს მისი ქმედებები ეწინააღმდეგება საღ ლოგიკას. უკრაინის მიწაზე სისხლის ღვრის შეჩერების გეგმა მაქვს. ჩემი მიზანი არ არის ომიდან ფულის გამომუშავება, როგორც ამას ახლა პრეზიდენტის ადმინისტრაცია აკეთებს. აუცილებლად მივაღწევთ წარმატებას. მე მივიღე მხარდაჭერა უკრაინის შეიარაღებული ძალების გავლენიანი გენერლებისგან. პატარა სპოილერი - 2024 წლის დასაწყისში მე შემოგთავაზებთ საინფორმაციო ბომბს, რომელიც თვალს აგიხელთ, თუ ვინ არის სინამდვილეში ვლადიმერ ალექსანდროვიჩი,"- აცხადებს არესტოვიჩი.

ომი უკრაინაში • 1699168579

მოქალაქეების რწმენაზე, რომ სწრაფად და ლამაზად გავიმარჯვებდით, პასუხისმგებლობა მეკისრება, იმ დროს შევქმენი ილუზია, რათა გადავრჩენილიყავით, დღეს ილუზიას ვანგრევ, რომ გადავრჩეთ - ალექსეი არესტოვიჩი

მართალია, რიგითი მოქალაქეების რწმენაზე, რომ ჩვენ სწრაფად და ლამაზად გავიმარჯვებდით, პასუხისმგებლობა პირადად მე მეკისრება, თუმცა არ გავურბივარ ამ პასუხისმგებლობას, იმ დროს მე შევქმენი ილუზია, რათა გადავრჩენილიყავით, დღეს ამ ილუზიას ვანგრევ, რომ გადავრჩეთ, – ამის შესახებ უკრაინის პრეზიდენტის ადმინისტრაციის ხელმძღვანელის ყოფილმა მრჩეველმა, ალექსეი არესტოვიჩმა განაცხადა.არესტოვიჩის თქმით, უკრაინაში კიდევ ერთი წლის განმავლობაში თუ იქნება ისეთი პოლიტიკა, როგორიც ახლა არის, უკრაინამ ნატო უნდა დაივიწყოს.„ბევრს ეწყინა, რომ ნატო-ს სანაცვლოდ ტერიტორია შევთავაზე, თუმცა მე სანაცვლოდ ტერიტორია არ შემითავაზებია, მაგრამ ბოლომდე არავინ კითხულობს. ასე რომ, პატარა საიდუმლოს გაგიმხელთ, თუ კიდევ ექვსი თვე ან ერთი წელი ასეთი „წარმატებული“ პოლიტიკა გვექნება, როგორიც ახლა, შეგვიძლია, ნატო დავივიწყოთ. ჩვენ ვისაუბრებთ მხოლოდ ზოგიერთ გარანტიაზე გაწევრიანების გარეშე. ეს პროცესი უკვე დაწყებულია, შეგიძლიათ, გაეცნოთ NBC-ის სტატიას. ერთი წლის შემდეგ კი, ესეც არ მოხდება. იქნება კიდევ ერთი მინსკის შეთანხმება ახალი სახელით, მაგრამ ეს ყველაფერი შეიძლება, გამოსწორდეს, იფიქრეთ ამაზე“, – წერს არესტოვიჩი.

მსოფლიო • 1698909734

არესტოვიჩი უკრაინის მომავალ საპრეზიდენტო არჩევნებზე კენჭისყრას აპირებს

უკრაინის პრეზიდენტის ადმინისტრაციის ხელმძღვანელის ყოფილი მრჩეველი ალექსეი არესტოვიჩი აპირებს, რომ მონაწილეობა მიიღოს საპრეზიდენტო არჩევნებში, რომლის ჩატარების თარიღიც უკრაინაში მიმდინარე ომის გამო უცნობია. ამის შესახებ უკრაინული მედია ავრცელებს ინფორმაციას.კითხვაზე, მიიღებს თუ არა მონაწილეობას უკრაინის საპრეზიდენტო არჩევნებში, არესტოვიჩმა აღნიშნა, რომ კენჭისყრას აპირებს.ალექსეი არესტოვიჩმა ასევე განაცხადა, რომ სოციალურ ქსელში პოლიტიკურ, ეკონომიკურ, სოციალურ, სამხედრო და სხვა რეფორმებთან დაკავშირებით მის მიერ გამოქვეყნებული წინადადებები მისი საარჩევნო პროგრამაა.

მსოფლიო • 1698221372

მოქმედ სისტემას არათუ გამარჯვებისკენ არ მივყავართ, არამედ ის მთელი ძალით მიგვათრევს კატასტროფისკენ. რატომ ხდება ისე, რომ ერთი სცენარის მიხედვით ზედიზედ უკვე მეხუთე ქალაქს ვკარგავთ? - ალექსეი არესტოვიჩი

წელიწად-ნახევრის განმავლობაში ჩვენ ვერ გავიაზრეთ, რომ მოქმედ სისტემას არათუ გამარჯვებისკენ არ მივყავართ, არამედ ის მთელი ძალით მიგვათრევს კატასტროფისკენ. პოპასნაიას, სევეროდონეცკის, ლისიჩანსკისა და ბახმუტის შემდეგ ავდეევკის დაკარგვის პერსპექტივა არის განაჩენი სისტემის. თუ დავკარგავთ ავდეევკას, ჩნდება კითხვა: რატომ ხდება ისე, რომ ერთი სცენარის მიხედვით ზედიზედ უკვე მეხუთე ქალაქს ვკარგავთ? - ამის შესახებ უკრაინის პრეზიდენტის ადმინისტრაციის ყოფილი მრჩეველი, ალექსეი არესტოვიჩი წერს.„ახალგაზრდა პოსტსაბჭოთა რესპუბლიკებში პოლიტიკურმა ელიტებმა ააშენეს სისტემა, სადაც ძალაუფლება საკუთრებას წარმოადგენს, ხოლო სახელმწიფოსა და საზოგადოების გამანადგურებელ ქმედებებსა თუ უმოქმედობაზე არანაირი პასუხისმგებლობა არ არსებობს. ამის შედეგია საჯარო მოხელეებისა და პოლიტიკოსების დაუსჯელობა სისტემური კორუფციის გამო, ეკონომიკის 2,5-ჯერ შემცირების გამო და ასევე იმის გამო, რომ ერთი და იმავე სქემის მიხედვით ქალაქებს ვკარგავთ.პოპასნაიას, სევეროდონეცკის, ლისიჩანსკისა და ბახმუტის შემდეგ ავდეევკის დაკარგვის პერსპექტივა არის განაჩენი სისტემას. თუ დავკარგავთ ავდეევკას, ჩნდება კითხვა: რატომ ხდება ისე, რომ ერთი სცენარის მიხედვით ზედიზედ უკვე მეხუთე ქალაქს ვკარგავთ?პასუხი მარტივია: არ ვამზადებთ მძლავრ თავდაცვით ზღურბლს, მოწინააღმდეგე აგროვებს ძალებს რომელიმე მიმართულებაზე და იწყებს იერიშს, ჩვენ გვიხარია მისი დანაკარგები, შემდეგ ვაგზავნით იქ დამატებით ძალებს, მედიაში სიტუაციას ვამძაფრებთ, ვაქცევთ ამ ქალაქს წინააღმდეგობის სიმბოლოდ, ხოლო როდესაც სამხედრო თვალსაზრისით დაკავებული პოზიციების შენარჩუნება არახელსაყრელი ხდება - სამხედროების გმირობის, მათი ჯანმრთელობისა და სიცოცხლის ფასად ვინარჩუნებთ ამ ქალაქ-სიმბოლოს. საბოლოო ჯამში, ვკარგავთ ქალაქს, ცოცხალ ძალას, ტექნიკას, ეცემა მორალური სულისკვეთება და ვუმატებთ არგუმენტებს დასავლეთში პუტინის მომხრეებს.წელიწად-ნახევრის განმავლობაში ჩვენ ვერ გადავდგით ნაბიჯი უკან და ვერ მივხვდით, რომ მოქმედ სისტემას არათუ გამარჯვებისკენ არ მივყავართ, არამედ ის მთელი ძალით მიგვათრევს კატასტროფისკენ.უკრაინელი ხალხი იბრძვის გადარჩენისთვის, ებრძვის პუტინის რეჟიმს და ადგილობრივ კანიბალებს, რომლებიც შთანთქავენ შიდა რესურსებს და ყოველ ჯერზე ერთსა და იმავე შეცდომებს იმეორებენ. თუ ჯარში, ეკონომიკაში, შიდა და გარე პოლიტიკაში რადიკალურ ზომებს არ გავატარებთ, ეს ისტორია მომავალშიც განმეორდება. კიდევ რამდენი ტერიტორია და ადამიანი უნდა დავკარგოთ, რათა ეს გავითავისოთ?“, - წერს არესტოვიჩი.

მსოფლიო • 1697366090

უკრაინის ხელმძღვანელობა კორუმპირებული და არაადეკვატურია, ზეწოლას ახდენს ბიზნესზე, სამოქალაქო თავისუფლებებსა და პოლიტიკურ კონკურენტებზე -ალექსეი არესტოვიჩი

უკრაინის ხელმძღვანელობა კორუმპირებული და არაადეკვატურია, ზეწოლას ახდენს ბიზნესზე, სამოქალაქო თავისუფლებებსა და პოლიტიკურ კონკურენტებზე, – ამის შესახებ უკრაინის პრეზიდენტის ადმინისტრაციის ყოფილმა მრჩეველმა, ალექსეი არესტოვიჩმა განაცხადა.არესტოვიჩის თქმით, უკრაინის ხელისუფლებამ შეცდომები დაუშვა, რამაც მდგომარეობა სტრატეგიულ ჩიხამდე მიიყვანა.ალექსეი არესტოვიჩის განცხადებით, ბახმუტის დაცვაში ქვეყნის არმიამ უდიდესი რესურსი დახარჯა, რის გამოც სამხრეთში ახლა რესურსების ნაკლებობაა.„რუსეთს, თავისი ყველა ნაკლოვანების მიუხედავად, აქვს რეალური სუვერენიტეტი, მაგრამ ჩვენ არა. რუსეთი იღებს კანიბალურ გადაწყვეტილებებს, მაგრამ არსებული სიტუაციის ადეკვატური გადაწყვეტილებებია, ჩვენი ხელმძღვანელობა კი კორუმპირებულია და არაადეკვატური – როგორც ჩვენი მთავარი სპონსორები და პარტნიორები მუდმივად აღნიშნავენ. ეს პოლიტიკა ჩიხში მიგვიყვანს. ჩვენმა ხელმძღვანელობამ, ჩემი აზრით, დიდი ხნის წინ ამოწურა თავისი კომპეტენციის ზღვარი. მათ არც კი სურთ ხალხს სიმართლე უთხრან – 1991 წელს საზღვრები არ იქნება და უახლოეს მომავალში ყირიმი არ იქნება, მაგრამ იქნება თავდაცვა, სისხლი, ოფლი, ცრემლები“, – განაცხადა ალექსეი არესტოვიჩმა.

ომი უკრაინაში • 1681218841

უკრაინის ომის შემდგომი აღდგენა ომზე უფრო რთული და მეტი საფრთხის შემცველი იქნება - არესტოვიჩი

უკრაინის პრეზიდენტის ოფისის ხელმძღვანელის ყოფილი მრჩევლის, ალექსეი არესტოვიჩის განცხადებით, "უკრაინის ომის შემდგომი აღდგენა ომზე უფრო რთული და მეტი საფრთხის შემცველი იქნება."არესტოვიჩის თქმით, ომის დროს მოწინააღმდეგის პირისპირ უკრაინელების საუკეთესო თვისებები ვლინდება, ომის შემდეგი რეკონსტრუქციისას კი, უკრაინელები თავიანთი ყველაზე ცუდ თვისებების წინაშე აღმოჩნდებიან."12 მილიონი იძულებით გადაადგილებული პირი, ჩათვალეთ ლტოლვილად, დანგრეული ეკონომიკა, ინფრასტრუქტურა, სახლები, დიდი საგარეო ვალი, სტრუქტურა დემოგრაფიულად შეცვლილია, ერთ დასაქმებულზე სამი პენსიონერი და ბავშვი მოვა, სოციალური დატვირთვა უზარმაზარია. სრულიად გაუგებარია, როგორ დასრულდება ომი და როგორი იქნება დასავლეთისგან საკომპენსაციო მექანიზმები, ზრდის წერტილის თვლა და ნამდვილად თუ დაგვეხმარებიან, როგორი გარანტიები ექნება იმ სტრატეგიულ ინვესტიციებს. განსაკუთრებით იმის გათვალისწინებით, რომ გვიბლოკავენ საგადასახადო ანგარიშფაქტურებს, ისევ იქნება შემოწმებები და ა.შ. წავა თუ არა ინვესტორი ასეთ ნიადაგზე, საკითხავია.ზოგადად ეკონომიკური პოლიტიკა, ჩემი აზრით, ზელენსკის მმართველობის ყველაზე სუსტი მხარეა. არ ვიცი, რას ეუბნება ის ხალხი, რომელიც ეკონომიკურ პოლიტიკას ატარებს, იგივე ჰეტმანი და სხვები, თუმცა ისინი პოლიტიკურ საფლავში მიათრევენ მას იმ განუკითხაობით, რომელიც ეკონომიკაშია," – განაცხადა არესტოვიჩმა.მისი თქმით, „უკრაინას მოუწევს ისეთი რაოდენობის პრობლემების გადაჭრა დემოგრაფიიდან ეკონომიკამდე, რომ მათთან გამკლავება ძალიან რთული იქნება“."ამის გამო, პრეზიდენტის რეიტინგი პირველ თვეებში მინიმალური იქნება და მეორე ვადით პრეზიდენტობისთვის ბრძოლაში ვეღარ იქნება ნომერ პირველი კანდიდატი და მას დააბრალებენ ყველა პრობლემას. ამასთან, ფრონტიდან დაბრუნებული 1.2 მილიონი ადამიანი პოსტტრავმული სტრესული აშლილობით, ამავე აშლილობით უამრავი მშვიდობიანი მოქალაქე, რომლებიც გადაურჩნენ დაბომბვებს. აუცილებელი იქნება ეკონომიკური სტრუქტურის შეცვლა, რადგან ომის შემდეგ, რუსეთთან არავითარი პირდაპირი ვაჭრობა არ იქნება. დანაღმული ტერიტორიების გამო, შეუძლებელი იქნება სოფლის მეურნეობის სამუშაოების ჩატარება. დანაღმვის ერთი დღე უდრის განაღმვის სამ დღეს, ანუ წლებზეა საუბარი და მილიარდებზე.არმია იქნება 300 ათასამდე, დანარჩენები სახლებში დაბრუნდებიან და უმეტესი მათგანი უმუშევარი ან დაბალანაზღაურებადი იქნება, პოსტტრავმული სტრესული აშლილობით. მათი ფსიქოლოგიური დახმარებისთვის კი, საჭირო იქნება, სახელმწიფო დონეზე, ისრაელის, ამერიკის პროგრამებით მომზადდეს 20 ათასამდე ფსიქოლოგი და სავალდებულო გახდეს ადამიანის ფსიქოლოგიური რეაბილიტაცია," – განაცხადა არესტოვიჩმა."პუტინი ხომ არსად გაქრება. ის სავარაუდოდ 2024 წლამდე დარჩება და მოიგებს, დაიწყებს მზადებას რევანშისა და კომპენსაციისთვის, რადგან მის ბიოგრაფიაში უკვე იყო პირველი ჩეჩნური რევოლუცია, შემდეგ მეორე და ის აუცილებლად მოინდომებს მეორე უკრაინულს, კომპენსირებას. სადღაც 2024 წლის მიწურულისთვის, მმართველობის მეორე თუ მორიგ ვადაზე, 2028-2029 წელს შეიძლება, კიდევ სცადოს.ნათელი პერსპექტივის შემთხვევაში კი, უკრაინა უახლოვდება ევროკავშირსა და ნატო-ს, ხდება მისი წევრი, რაც უკვე სხვა ისტორიული ბედი იქნებოდა ქვეყნისთვის. ჩათვალეთ, ჩვენ ოქროს ბილეთი ამოვიღეთ. ახლა ძალიან არასასიამოვნო ვითარებაში ვართ, ჩვენ გადავიხადეთ ოქროს ბარათი სისხლით, გადავიხადეთ და ვიხდით, თუმცა ის შესაძლოა, არსებითად გაუფასურდეს ასეთი ეკონომიკური პოლიტიკის გაგრძელებით," - განაცხადა არესტოვიჩმა.