1726761050
„უმძიმესი აღმოჩნდა ინფორმაცია, როცა ჩვენი სტუდენტის დაღუპვის ამბავი შევიტყვეთ...“ - საქართველოს ტექნიკური უნივერსიტეტი გარდაცვლილი სამძიმრის წერილს აქვეყნებს
საქართველოს ტექნიკური უნივერსიტეტის რექტორი, აკადემიკოსი დავით გურგენიძე, უნივერსიტეტის ადმინისტრაცია, სტუ-ის დიზაინის საერთაშორისო სკოლის დეკანი, პროფესორი ნიკა შავიშვილი, სტუდენტები და პროფესორ-მასწავლებლები, დიზაინის საერთაშორისო სკოლის მეორე კურსის სტუდენტის, ელენე ეფრემიძის გარდაცვალების გამო ოჯახს და ახლობლებს სამძიმარს უცხადებენ.
როგორც უნივერსიტეტის მიერ გავრცელებულ სამძიმრის წერილშია აღნიშნული, უნივერსიტეტისთვის გამორჩეული სტუდენტის, ელენე ეფრემიძის სახელი მოუშუშებელ იარად დიდხანს დარჩება:
„საქართველოს ტექნიკური უნივერსიტეტისთვის უმძიმესი აღმოჩნდა ინფორმაცია, როცა ჩვენი სტუდენტის, დიზაინის საერთაშორისო სკოლის ნიჭიერი, შემოქმედებითი უნარებით დაჯილდოებული და იმედისმომცემი ბაკალავრის, გულისხმიერებით, სიკეთითა და სიყვარულით სავსე ელენე ეფრემიძის დაღუპვის ამბავი შევიტყვეთ.
ჩვენმა ქვეყანამ, კიდევ ერთი ახალგაზრდა დაკარგა. გვიჭირს ამ უმძიმეს წუთებში, სამძიმრით მივმართოთ ოჯახს… საქართველოს ტექნიკური უნივერსიტეტისთვის გამორჩეული სტუდენტის, ელენე ეფრემიძის სახელი მოუშუშებელ იარად დიდხანს დარჩება. მსუბუქი იყოს ელენესთვის ქართული მიწა“, – წერია საქართველოს ტექნიკური უნივერსიტეტის მიერ გავრცელებულ სამძიმრის წერილში.
ასევე წაიკითხეთ:
PHOTO: სიმსივნით დაავადებული პაციენტისთვის, ცაში თვითმფრინავით ღიმილი გამოსახეს
მეცნიერებმა დაბლოკეს ცილა, რომელიც კიბოების 75 პროცენტის გავრცელებას ხელს უწყობს
