„თუ შევხედავ, რომ შევარცხვინე ჩემი ქვეყანა ჩემი სპორტული გამოსვლით, დავანებებ თავს...“ – მერაბ დვალიშვილი მიმართვას ავრცელებს

ქართველი UFC-ის მებრძოლი მერაბ დვალიშვილი სოციალურ ქსელში გამოქვეყნებულ ვიდეომიმართვაში საკუთარ სპორტულ კარიერასა და განვლილ გზაზე საუბრობს. სპორტსმენი იხსენებს, რა მიზნით დაიწყო სპორტული კარიერა და განმარტავს, რას ნიშნავს მისთვის საქართველოს სახელით ასპარეზობა.

 „ვთვლი, რომ ჩემი წაგებით თუ მოგებით კარგ საქმეს ვაკეთებ, იმ მიზანს ვემსახურები, რა მიზნითაც დავიწყე სპორტი, რომ ერთი რიგითი წარმომადგენელი ვყოფილიყავი ჩემი ქვეყნის. ვთვლი, რომ მაგას ისე თუ ასე ვაკეთებ. მანამდე არ გავჩერდები, სანამ ვთვლი, რომ ეს გამომდის. მერე, თუ შევხედავ, რომ შევარცხვინე მე ჩემი ქვეყანა ჩემი სპორტული გამოსვლით, დავანებებ თავს...“ – ამბობს მერაბ დვალიშვილი მიმართვაში.