ცნობილია, სად დაკრძალავენ ნუგზარ ბაგრატიონ-გრუზინსკის

ნუგზარ ბაგრატიონ-გრუზინსკის სვეტიცხოველში დაკრძალავენ. ამის შესახებ ინფორმაციას სამეფო ოჯახი ავრცეკებს.

,,სამეფო ოჯახი მწუხარებით იუწყება, რომ ამა წლის 1 მარტს, გარდაიცვალა საქართველოს სამეფო ტახტის მემკვიდრე, მისი სამეფო უმაღლესობა, ბატონიშვილი ნუგზარ პეტრეს ძე ბაგრატიონი-გრუზინსკი.

პანაშვიდები გაიმართება 4 - 5 მარტს თბილისის სამების საკათედრო ტაძარში, ხოლო დაკრძალვა მოხდება მცხეთის სვეტიცხოვლის საკათედრო ტაძარში  - სამეფო საოჯახო აკლდამაში.  უფალმა აცხონოს და გაანათლოს ქართველ მირონცხებულ მეფეთა მემკვიდრე!",- ნათქვამია განცხადებაში.