„ცნობიერება დაუბრუნდა, თუმცა…” - როგორია ქალის მდგომარეობა, რომელიც მეუღლემ უგონო მდგომარეობაში ნახა

ხაშურიდან, თბილისში სავარაუდოდ ინტოქსიკაციით გადმოყვანილი ქალი გონს მოვიდა.

ინფორმაცია „პრაიმტაიმს“ პირველი საუნივერსიტეტო კლინიკის  კლინიკური დირექტორმა ლალი ტურძელაძემ დაუდასტურა.

ქალს გუშინ საღამოს ცნობიერება დაუბრუნდა, თუმცა, მეტყველება და კომუნიკაციის სხვა უნარები ჯერჯერობით კვლავ შეზღუდული აქვს, შესაბამისად, მკურნალობა კვლავ უგრძელდება.

შეგახსენებთ, რომ 5 ივნისს ხაშურში, მამამ 9 წლის შვილი გარდაცვლილი ნახა, მეუღლე კი უგონო მდგომარეობაში.

მომხდარის სავარაუდო მიზეზად კვებითი ინტოქსიკაცია სახელდება.

შემთხვევას ლუგარის ლაბორატორია იკვლევს.