თქვენო უწმინდესობავ, უდიდესი პატივისცემით და სიყვარულით გილოცავთ დაბადების დღეს! თქვენი ლოცვა, სიყვარული და მზრუნველობა იმედია თითოეული ქართველისთვის - ლევან მგალობლიშვილი

თქვენი ლოცვა, სიყვარული და მზრუნველობა იმედია თითოეული ქართველისთვის, - წერს სოციალურ ქსელში აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილი და ილია მეორეს დაბადების დღეს ულოცავს.

„თქვენო უწმინდესობავ, უდიდესი პატივისცემით და სიყვარულით გილოცავთ დაბადების დღეს! განუზომელია თქვენი წვლილი საქართველოს მართლმადიდებელი ეკლესიის დამოუკიდებლობის მოპოვების, სახელმწიფოებრიობის მშენებლობის და ქვეყნის გამთლიანებისთვის ბრძოლაში. თქვენი ლოცვა, სიყვარული და მზრუნველობა იმედია თითოეული ქართველისთვის, მათ შორის საოკუპაციო ხაზს მიღმა მცხოვრები ჩვენი მოქალაქეებისთვის. თქვენო უწმინდესობავ, გისურვებთ ჯანმრთელობას, დღეგრძელობას და მხნეობას ჩვენი ქვეყნის საიმედოდ! თქვენი ლოცვის ძალა დიდი ხანი ფარავდეს სრულიად საქართველოს!“, - წერს მგალობლიშვილი.

4 იანვარი სრულიად საქართველოს კათოლიკოს-პატრიარქის, ილია მეორის დაბადების დღეა - უწმინდესს 92 წელი შეუსრულდა.