დიდი სპორტიდან პოლიტიკამდე - რა არის ცნობილი მიხეილ ყაველაშვილის შესახებ
1732704163
„სევა ზაზას თავისი ღვიძლი შვილებისგან არასოდეს განუსხვავებია, სულ მესმოდა: სევა, სევოჩკა...“ - რას წერს ზაზა მესხის მეგობარი
შოვის ტრაგედიიდან 40 დღე გავიდა. ამ დრომდე, მაშველები ერთ დაკარგულ მოზარდს ეძებენ. რამდენიმე წუთის წინ ცნობილი გახდა, რომ იდენტიფიცირებულია ბოლოს ნაპოვნი მოზარდის ცხედარი და ის ზაზა მესხის ოჯახიდანაა.
ზაზა მესხის მეგობარი ტრაგედიის დროს დაღუპულ სევაზე წერს:
„გუშინ გვაცნობეს, რომ სევას ცხედართან ერთად იპოვეს ლურჯი ფერის სამკლავური. დანამდვილებით ვიცით, რომ სევა ლურჯი ფერის სამკლავურს ტრავმის შემდეგ ატარებდა. "დნმ" ტესტირება ჩართულია და ამას უახლოეს მომავალში დაადასტურებს. სევა-ვსევოლოდი ალინასა და იაროსლავის ღვიძლი შვილი იყო, და ის ზაზას თავისი ღვიძლი შვილებისგან არც არასოდეს განუსხვავებია - ზაზასგან სულ მესმოდა: სევა, სევოჩკა...“,-წერს ზაზა მესხის მეგობარი.
მოზარდის მამა სოციალურ ქსელში ემოციურ პოსტს აქვეყნებს.
„ჩემო საყვარელო, ძვირფასო შვილო. ბოლოს და ბოლოს გიპოვეს. ჩვენ ვიპოვეთ შენი სუნთქვაშეკრული სხეული და „ბედნიერები“ ვართ. რაც არ უნდა სასტიკად ჟღერდეს, ახლა შეგვიძლია დედასთან ერთად დაგასაფლაოთ. და ჩვენ გვექნება ადგილი, სადაც შეგვეძლება მოვიდეთ. საშინელმა ელემენტმა თქვენი სიცოცხლე შეიწირა.
ძალიან მიყვარხარ, მიყვარხარ უსაზღვროდ... ჩემს სიცოცხლეზე მეტად. გთხოვ, მაპატიე, რომ იმ საშინელ მომენტში შენთან არ ვიყავი, დაცვაც ვერ მოვახერხე, მხარზე მომეხვიე... ასეთი შესაძლებლობა რომ ყოფილიყო, უყოყმანოდ გაგიცვლიდი ადგილს. ძალიან მინდა რომ ცოცხალი იყო...
მხიარული და ცნობისმოყვარე ბიჭი იყავი. სამყაროს შეცნობა ახლახან დაიწყე. სამწუხაროდ, ცხოვრება სასტიკი რამ არის. რატომღაც, საუკეთესოები გვტოვებენ. მხოლოდ ერთი რამ მაძლევს შვებას - რომ ახლა მარტო არ ხარ. ღრუბელზე ზიხარ, ფეხები დაბლა გაქვს გადმოკიდებული, შენს გვერდით დედა ალინაა, შენი ორი ძმა და ზაზა. თქვენ იღიმით და ზემოდან გვიყურებთ.
გული და სული საშინელმა ტკივილმა გამიტეხა. სიტყვებს ვერ ვპოულობ იმის აღსაწერად, როგორ მენატრები.
სამწუხაროდ, საღამოობით წიგნებს ერთად ვეღარ წავიკითხავთ. აღარ მეტყვი, როგორ სწავლობ სკოლაში და ვინ ახალი მეგობრები შეიძინე.
ვეღარ იტრაბახებ შენი ახალი მანქანის მოდელით შენივე კოლექციიდან, რომელსაც ამდენი ხნის განმავლობაში აგროვებდი. ყველაფერი დასრულდა. სამუდამოდ დასრულდა... ჩემო ძვირფასო და საყვარელო ბიჭო.
მუდამ ჩემს გულში იქნები. შენ ყოველთვის ჩემთან იქნები ჩემს ბოლო ამოსუნთქვამდე. მიყვარხარ შვილო... სამუდამოდ, ჩემო სევოჩკა.....“ - წერს დაღუპული მოზარდის მამა.
ასევე ნახეთ:
