საშობაო „ალილო“ გურჯაანში - შობის მახარობლებმა, მსვლელობა გურჯაანის სამების ტაძრის ეზოდან დაიწყეს

საშობაო "ალილო" გურჯაანში - სადღესასწაულო წირვის დასრულების შემდეგ, შობის მახარობლებმა, მსვლელობა გურჯაანის სამების ტაძრის ეზოდან დაიწყეს.

სასულიერო პირებმა, სტიქაროსნებმა და მრევლმა ქუჩები გალობით მოიარეს და შემოწირულობები შეაგროვეს. "ალილოში" მონაწილეობა მიიღეს ადგილობრივი ხელისუფლების წარმომადგენლებმაც.

შეგროვილ ტკბილეულს, გურჯაანის მუნიციპალიტეტში მცხოვრებ შეჭირვებულ ოჯახებს გადასცემენ.