პირველ ოქტომბერს შუქი გაითიშება - გადაამოწმეთ თქვენი მისამართი

გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. 

კომპანიის ცნობით, ქსელური გეგმური სარეაბილიტაციო სამუშაოების გამო 1-ელ ოქტომბერს დღის სხვადასხვა მონაკვეთში აბონენტებს ელექტროენერგიის მიწოდება შეეზღუდებათ და სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.

„ქსელის გეგმური სარეაბილიტაციო სამუშაოების გამო, 1-ელ ოქტომბერს 11:00-დან 19:00 საათამდე ელექტროენერგიის მიწოდება შეეზღუდება აბონენტებს დუშეთის მუნიციპალიტეტის სოფლებში - ცივწყარო, ანანური, ზოტიკიანთკარი და მიმდებარე სოფლებში;

12:25-დან 18:30 საათამდე აბონენტებს თბილისის მუნიციპალიტეტში, ნაფეტვრებში, ლისზე, აგარაკებში, მსხალდიდში და მიმდებარე სოფლებში;

15:00-დან 17:00 საათამდე აბონენტებს მცხეთის მუნიციპალიტეტის სოფლებში - საგურამო, ახალსოფელი, ტყანჭიქედი და მიმდებარე სოფლებში.

სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში“, - ნათქვამია ინფორმაციაში.