„მშობლები შემპირდნენ, რომ არ გამათხოვებენ და მომცემენ თავისუფლებას“ - თბილისში გამოქცეულმა დაღესტნელმა ქალმა სახლში დაბრუნება გადაწყვიტა

ფოტო: რადიო თავისუფლება

დაღესტნის მოქალაქე ზაირა პიროვამ, რომელიც თბილისში იმყოფებოდა და ნათესავების მხრიდან შევიწროებაზე ლაპარაკობდა, ოჯახთან საუბრის შემდეგ შინ დაბრუნება გადაწყვიტა.

კრიზისულმა ჯგუფმა „СК SOS-მა" გამოაქვეყნა პიროვას ვიდეომიმართვა, რომელშიც ის ჰყვება, რომ „შინ დაბრუნებაზე ფიქრობს“.

„ნათესავებს და მშობლებს არ დავკავშირებივარ ოთხი თვის განმავლობაში იმის გამო, რომ მეშინოდა. ვიცოდი, ისინი ემუქრებოდნენ ჩემს მეგობრებს, მაგრამ გუშინ დავურეკე და დიდხანს ვისაუბრეთ და მე ვფიქრობ შინ დაბრუნებაზე, ვინაიდან ჩემი მშობლები შემპირდნენ, რომ არ გამათხოვებენ და მომცემენ თავისუფლებას, რომელიც მსურდა. ვიცი, რომ ბევრი გოგო კარგავს მას შინ დაბრუნების შემდეგ, მაგრამ მგონია, რომ ჩემი მშობლები და ნათესავები არ მავნებენ“, - ამბობს ის.

როგორც ორგანიზაცია „СК SOS-ი” აცხადებს, „ზაირა გაცნობილია იმ რისკებს, რომლებსაც აწყდებიან შინ დაბრუნებული გოგოები“.