მოსალოდნელია ქარბუქი და ყინვა - გაფრთხილება ამინდის შესახებ

მეტეოროლოგი კობა ფარტენაძე სოციალურ ქსელში უახლოესი დღეების ამინდის პროგნოზს აქვეყნებს:

„14 და 15 იანვარს ტემპერატურა კიდევ უფრო დაიკლებს. დაბლობში და ბარში ნალექი უკვე თოვლის სახით მოვა, მთასა და მაღალ მთაში კი ძლიერი, მდგრადი თოვლი დაფარავს გზებს.

რაც შეეხება სანაპირო კურორტებს, აღნიშნულ პერიოდში (14-15 იანვარი) ცივი ამინდი და თოვლჭყაპი იქნება.

ხარისხიანი თოვლი ნაკლებადაა მოსალოდნელია, მაგრამ ფანტელები მაინც დაგვატკბობენ სარკმლებიდან - როგორც ბავშვობის ზღაპარში, როცა გარეთ ცივა, მაგრამ შინ სითბოა.მთებში მოსალოდნელი ძლიერი თოვლის გამო, გთხოვთ გაითვალისწინოთ:

• იმგზავრეთ მხოლოდ ზამთრის საბურავებით

• შეასრულეთ ყველა ის რეკომენდაცია, რაც ქარბუქის დროს გამოიყენება

• გადაადგილებისას გამოიჩინეთ განსაკუთრებული სიფრთხილე. გისურვებთ მშვიდობიან დღეებს“,- წერს ფარტენაძე.