,,კარგი და აღმაფრთოვანებელი ამბავი..." - ,,ზარზმის აკადემიის" 38 მოსწავლე კომაროვში ჩაირიცხა

"ზარზმის აკადემიის" 38-მა მოსწავლემ სწავლა კომაროვში გააგრძელა, - ამის შესახებ ინფორმაციას სოციალურ ქსელში მაგდა ბობოხიძე ავრცელებს და ფოტოს აქვეყნებს.

მისი ინფორმაციით, სოფელ ზარზმაში, ბერად აღკვეცილმა მათემატიკოსმა იმდენი მოახერხა, რომ 38 მოსწავლე კომაროვში ჩაირიცხა.

"ერთი ამბავი უნდა იცოდეთ, ძალიან მნიშვნელოვანი, კარგი და აღმაფრთოვანებელი:

ადიგენში, სოფელ ზარზმის სკოლაში, არის "ზარზმის აკადემია", რომელშიც ძალიან, ძალიან, ძალიან კარგად და გაძლიერებულად ისწავლება მათემატიკა.

ბავშვები მოჰყავთ მთელი რეგიონიდან; მაგალითად, ერთი ბიჭი, კვირაში 3-ჯერ, 55 კილომეტრით დაშორებული სოფლიდან მოდის ზარზმაში, გაკვეთილისთვის გადის 110 კილომეტრს.

ისტორია არის ასეთი: მათემატიკოსი ჩამოვიდა ზარზმაში და გადაწყვიტა ბერად აღკვეცა, ასეც მოიქცა. მერე სოფელში დაიწყო მათემატიკის სწავლება, იმდენი მოახერხა, რომ "ზარზმის აკადემიის" 38-მა მოსწავლემ ჩააბარა კომაროვის გამოცდები და კომაროვში გააგრძელა სწავლა.

"რაღაც პერიოდის მერე ვცდილობთ ინგლისურად მოვიტანოთ ამოცანები, რომ ბავშვები ამ ენასაც შეეჩვიონო".

რისი აღწერაც რთულია, არის ემოციური ნაწილი: როგორი გადამდები ენთუზიაზმი და მონდომება იგრძნობა მასწავლებლის და მოსწავლეების მხრიდან.

ახლა ცდილობენ აკადემიაში დაამატონ ინგლისური და ეკონომიკა. ეძებენ დაფინანსებას.

იმედი მაქვს, რომ ყველაფერი გამოუვათ და იმედი მაქვს, რომ მათი მაგალითი მოტივაციის მომტანი იქნება სხვებისთვისაც." - წერს მაგდა ბობოხიძე სოციალურ ქსელში.

ასევე ნახეთ:

"ხილვაში გამოცხადებულ მამა გაბრიელს მისთვის უთქვამს: მაინც ხომ შევასრულე ის, რაც მინდოდაო" - ვის უვლენს სასწაულებს ციხეში უდიდესი წმინდანი

რა იწვევს ხელების კანკალს, ფეხებში კრუნჩხვის შეგრძნებას და რა საკვები გვიშველის ამ დროს - გიორგი ღოღობერიძის რჩევები

საუკეთესო წყვილები ჰოროსკოპის მიხედვით - თუ სერიოზულ ურთიერთობას ეძებთ

,,როდესაც ტრაქტორზე მყოფს მხედავდნენ, ყველას სიცილი და გაკვირვება ეუფლებოდა" – მამა თეიმურაზის ჩანაწერებიდან