ირმა ჭკადუა მიმართვას ავრცელებს - „დღეს შეიქმნა ის ვითარება, როცა უნდა განვასხვაოთ პროტესტი პასუხისმგებლობისგან დაცლილი ქმედებისგან“

ადვოკატი ირმა ჭკადუა სოციალურ ქსელში მიმართვას ავრცელებს და ქვეყანაში ბოლო დროს განვიტარებულ მოვლენებთან დაკავშირებით წერს:

„პროტესტი სცენაზე! მუსიკოსების წინააღმდეგ, რომლებიც პროფესიულ მოვალეობას ასრულებდნენ! ხვალ შეიძლება სახლებშიც შეიჭრან, ეს მხოლოდ დროის საკითხია.

ვფიქრობ, საზოგადოებისთვის მნიშვნელოვანია ამ პროცესების შეფასება. ეს ჯანსაღი დისკუსიაა, რადგან კანონმორჩილმა მოქალაქემ უნდა იცოდეს, როგორ დაიცვას თავი არაეთიკური თავდასხმებისგან, ასევე, რა არის თავისუფლება და რა – ზიანის მიყენება სხვებისთვის, ვფიქრობ სწორედ დღეს შეიქმნა ის ვითარება, როცა უნდა განვასხვაოთ პროტესტი პასუხისმგებლობისგან დაცლილი ქმედებისგან.

სიტყვის და გამოხატვის თავისუფლება ჩვენი საზოგადოების მონაპოვარია და მას საფრთხე არ ემუქრება“,- წერს ირმა ჭკადუა.