გურიაში დატრიალებული ტრაგედიის გამო, სექტემბერში დაგეგმილი „თევზის ფესტივალი“ აღარ გაიმართება - ლანჩხუთის მერია

15 წლის ბიჭი, რომელიც გუშინ მდინარე სუფსაში დაიხრჩო, გიორგი თირქიაა. ბიჭი სოფელ ჩიბათში ცხოვრობდა.

ტრაგედიასთან დაკავშირებით, ლანჩხუთის მერიამ მომდევნო თვეში დაგეგმილი ღონისძიება გააუქმა.

„ლანჩხუთის მუნიციპალიტეტის მერია ღრმა მწუხარებას გამოთქვამს 15 წლის გიორგი თირქიას გარდაცვალების გამო, თანაუგრძნობს ოჯახს, ახლობლებსა და მეგობრებს.

გუშინ მდინარე სუფსაში, ,,თევზის ფესტივალის“ ლოკაციასთან მომხდარი ტრაგედიის გამო, სექტემბრის თვეში დაგეგმილი ,,თევზის ფესტივალი“ აღარ გაიმართება“,- ვკითხულობთ განცხადებაში.