„ბიჭმა მითხრა: დედა, უბედურება შეგვემთხვაო, ბავშვები გადმომხტარან ფანჯრიდან, ჩემი რძალი კი არ ვიცი, ცოცხალია თუ არა“ - რას ჰყვება ქალი, რომლის ოჯახის წევრსაც ამ დრომდე ეძებენ

ფონიჭალა

ფონიჭალაში, სადაც სავარაუდოდ, ბუნებრივი აირის დაგროვების შედეგად აფეთქება მოხდა, მაშველები საცხოვრებელი კორპუსის სადარბაზოს ნანგრევებისგან ათავისუფლებენ. ადგილზე არიან დაზარალებულების ახლობლებიც.

„რუსთავში ვცხოვრობ და იქიდან ჩამოვედი. ბიჭს დავურეკე, ვრეკავ და რატომ არ მპასუხობს ლალი მეთქი. დედა, უბედურება შეგვემთხვაო. ავდექი და წამოვედი…

რძალი საძინებელში ყოფილა, უკანა მხარეს, ბავშვები კი წინ, ფანჯრიდან გადმომხტარან და გამოიქცნენ. არ ვიცი, ჩემი რძალი ცოცხალია თუ არა“, - ამბობს მოქალაქე.

✕