„არც კი ვიცი რა დავწერო, გაქვავებული ვარ...“ - დავით ოქიტაშვილი სამწუხარო ინფორმაციას ავრცელებს

22 აგვისტოს, დაახლოებით 01:00 საათზე ბორჯომის შესასვლელთან ავარია მოხდა. ერთმანეთს ტოიოტას მარკის ავტომობილი და ტრაილერი შეეჯახა, შემთხვევის შედეგად ორი პირი გარდაიცვალა, სამი კი დაშავდა.

ტრაგიკულ შემთხვევას კულტურის პალატის პრეზიდენტი, დავით ოქიტაშვილი ეხმიანება და ერთ-ერთი გარდაცვლილის შესახებ წერს:

„ჩემო ზურა, ჩემო გელაშ, არც კი ვიცი რა დავწერო, გაქვავებული ვარ. ჩემი და ჩემი ოჯახის სახელით მინდა მადლობა გადაგიხადო მეგობრობისათვის,ერთგულებისათვის.შეხვედრამდე მაგარო ადამიანო“,- წერს ოქიტაშვილი.

მომხდარზე შსს–მ გამოძიება სსკ–ს 276–ე მუხლის მერვე ნაწილით დაიწყო, რაც ტრანსპორტის მოძრაობის უსაფრთხოების წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.