არაბთა გაერთიანებული საამიროების ლიდერებმა კათოლიკოს-პატრიარქის გარდაცვალების გამო საქართველოს ხელისუფლებას სამძიმარი გამოუცხადეს

სრულიად საქართველოს კათოლიკოს-პატრიარქის, ილია მეორის გარდაცვალების გამო, საქართველოს ხელისუფლებას სამძიმარი გამოუცხადეს არაბთა გაერთიანებული საამიროების ლიდერებმაც.

„მისმა უდიდებულესობამ, პრეზიდენტმა შეიხ მოჰამედ ბინ ზაიდ ალ ნაჰიანმა სამძიმრის წერილი გაუგზავნა საქართველოს პრეზიდენტს, მიხეილ ყაველაშვილს. მისმა უდიდებულესობამ, ვიცე-პრეზიდენტმა, პრემიერ-მინისტრმა და დუბაის მმართველმა შეიხ მოჰამედ ბინ რაშიდ ალ მაკტუმმა და მისმა უდიდებულესობამ, ვიცე-პრეზიდენტმა, ვიცე-პრემიერმა და საპრეზიდენტო სასამართლოს თავმჯდომარემ შეიხ მანსურ ბინ ზაიდ ალ ნაჰიანმა ასევე გაუგზავნეს სამძიმრის წერილი საქართველოს პრემიერ-მინისტრს, ირაკლი კობახიძეს,“- ნათქვამია განცხადებაში.