ახალქალაქი-ნინოწმინდის რაიონული პროკურორი ანტინარკოტიკული კამპანიის ფარგლებში სკოლის მოსწავლეებს შეხვდა

საქართველოს პროკურატურის მიერ ორგანიზებული ანტინარკოტიკული კამპანიის ფარგლებში, ახალქალაქი-ნინოწმინდის რაიონული პროკურორმა ვასილ ოსიძემ ახალქალაქის N3 საჯარო სკოლაში  მოსწავლეებთან საინფორმაციო შეხვედრა გამართა.

პროკურორმა მოზარდებს ნარკოტიკული საშუალებების მოხმარების გამომწვევ მიზეზებზე დეტალური ინფორმაცია მიაწოდა და ნარკოტიკული ნივთიერების მოხმარებით გამოწვეულ მძიმე შედეგებზე გაამახვილა ყურადღება.

შეხვედრის ფარგლებში, ასევე, საუბარი შეეხო ნარკოტიკული დანაშაულის არსს და იმ სამართლებრივ პასუხისმგებლობას და სასჯელებს, რომლებიც ამ ტიპის დანაშაულზეა გათვალისწინებული.

შეხვედრა ინტერაქტიულ რეჟიმში წარიმართა. მოსწავლეებმა საკუთარი მოსაზრებები გამოთქვეს და  ამ მიმართულებით ცნობიერების ამაღლების მნიშვნელობაზე ისაუბრეს.  პროკურორმა მათთვის საინტერესო შეკითხვებს ამომწურავი პასუხები გასცა.