გიორგი ვაშაძეს საბოტაჟის საქმეზე აღკვეთის ღონისძიების სახით 30 000-ლარიანი გირაო შეეფარდა

საბოტაჟი და უცხო ქვეყნისთვის მტრულ საქმიანობაში დახმარების გაწევის საქმე - თბილისის საქალაქო სასამართლოში გამართულ სხდომაზე მოსამართლემ პროკურატურის შუამდგომლობა დააკმაყოფილა და აღკვეთის ღონისძიების სახით გიორგი ვაშაძეს 30 000 ლარის ოდენობის გირაო შეუფარდა.

ვაშაძეს აეკრძალა საზღვრის გადაკვეთა, ჩამოერთვა პასპორტი და პირადობის მოწმობა. გიორგი ვაშაძე აცხადებს, რომ გირაოს გადაიხდის.