PHOTO: დაათვალიერეთ „განახლებული რეგიონის“ პროგრამის ფარგლებში ზუგდიდში განხორციელებული პროექტები

საქართველოს პრემიერ-მინისტრის, ირაკლი ღარიბაშვილის მიერ ინიცირებული პროგრამის ,,განახლებული რეგიონების“ ფარგლებში, ქვეყნის ფაქტობრივად ყველა მუნიციპალიტეტში ინფრასტრუქტურული პროექტების განხორციელება აქტიურ ფაზაშია.

სამეგრელო-ზემო სვანეთის რეგიონში, პროგრამით დაფინანსებული რამდენიმე პროექტი ხორციელდება. მათ შორის, ქალაქ ზუგდიდში პროექტით გათვალისწინებული სამუშაოები დასრულებულია.

პროექტი მოიცავდა ქალაქ ზუგდიდში ცენტრალური მოედნის და ბულვარის მიმდებარე ტერიტორიის განახლებას.
მოხდა 20 შენობის რეაბილიტაცია.

მიმდინარეობს ბულვარში არსებული შადრევნის რეაბილიტაცია.

„განახლებული რეგიონების“ პროგრამა საქართველოს 63 მუნიციპალიტეტს მოიცავს. პროგრამა ითვალისწინებს რეგიონების ურბანულ განახლებას, რაც სახელმწიფოს, მუნიციპალიტეტის და კერძო საკუთრებაში არსებული მნიშვნელოვანი ობიექტის განვითარებას გულისხმობს.

პროგრამის დასრულების შემდეგ, ქვეყნის რეგიონებში განახლდება ცენტრალური ქუჩები, რეაბილიტირდება და მოეწყობა ახალი სკვერები და სხვა მუნიციპალური ინფრასტრუქტურა. ახალი პროექტების შედეგად განახლებული ურბანული მდებარეობები ახალ შესაძლებლობებს გაუჩენს ადგილობრივ მოსახლეობას.