„მდინარის დონის მატებამ სოფელ ტყაიაში რამდენიმე სახლის დატბორვა გამოიწვია“ - ვითარება ადგილზე

ზუგდიდის მუნიციპალიტეტის სოფელ ტყაიაში საცხოვრებელი სახლები დაიტბორა. ინფორმაცია სოციალურ ქსელში ვრცელდება. ტყაიას ადმინისტრაციული ერთეული მოსახლეობას სიფრთხილისკენ მოუწოდებს და ასევე, მიმართავს, დახმარების საჭიროების შემთხვევაში დარეკონ 112-ში.

„ენგურჰესიდან წყლის გაშვების ფონზე, მდინარის დონის მატებამ სოფელ ტყაიაში რამდენიმე სახლის დატბორვა გამოიწვია.

ადგილზე მობილიზებულნი არიან პოლიციისა და საგანგებო სიტუაციების მართვის სამსახურის (მაშველები) წარმომადგენლები, რომლებიც სიტუაციას აკონტროლებენ და მოსახლეობას ეხმარებიან.

გთხოვთ, შეინარჩუნოთ სიმშვიდე, გამოიჩინოთ სიფრთხილე და უსაფრთხოების მიზნით: იმ სახლებში, სადაც წყალი შევიდა ან იმატებს, სასწრაფოდ გამორთეთ ელექტროენერგია.

საჭიროების შემთხვევაში, გადავიდეთ უსაფრთხო ადგილზე ან ზედა სართულზე.

რაიმე დახმარება თუ დაგჭირდათ, დაუყოვნებლივ დარეკოთ 112-ზე“, - ნათქვამია ინფორმაციაში.