კადრები სამეგრელოდან, სადაც სტიქია მძვინვარებს - გრიგალმა დააზიანა სახლები, მოგლეჯილია ხეები, გათიშულია ელექტროენერგია

მთელი ღამის განმავლობაში წალენჯიხის მუნიციპალიტეტში სტიქია მძვინვარებდა. მოვარდნილმა გრიგალმა დააზიანა საცხოვრებელი სახლები, მოგლიჯა ხეები. გზებზე მოძრაობა ამ დრომდე შეზღუდულია. მოგლეჯილმა ხემ დააზიანა ავტომობილი. მძღოლს საფრთხე არ ემუქრება.

ასევე დაზიანდა ელექტრო გადამცემი ხაზები. ელექტროენერგია მოსახლეობის უმეტეს ნაწილს არ მიეწოდება.
მუნიციპალიტეტის მთელ ტერიტორიაზე მიმდინარეობს ზარალის აღწერა. რაც შეეხება ზუგდიდს,აქაც მთელი ღამე წვიმდა.

რთული ვითარებაა ანაკლიასა და განმუხურში, სადაც მოსახლეობის ნაწილს წყალი ეზოში შეუვარდა.
ზუგდიდს არ მიეწოდება ელექტროენერგია.