გია ანთაძე და მერის მოადგილე ნიკა ბოლქვაძე სარაგბო კლუბ „არწივების" ხელმძღვანელს, მწვრთნელებსა და მორაგბეებს შეხვდნენ

 ოზურგეთის მერის მოვალეობის შემსრულებელი გია ანთაძე და მერის მოადგილე ნიკა ბოლქვაძე სარაგბო კლუბ „არწივების" ხელმძღვანელს, მწვრთნელებსა და მორაგბეებს შეხვდნენ.
მერმა სარაგბო კლუბს ხელმძღვანელის ზურაბ ცინცაძის დანიშვნა მიულოცა და ახალ სარაგბო სეზონში წარმატება უსურვა.

“არწივები” პირველი ლიგის პირველ მატჩში 25 სექტემბერს, 15:00 საათზე, ფოთის „პარკი არენაზე" სტეფანწმინდის „ყაზბეგს" დაუპირისპირდება.  

საქართველოს მთავრობის გადაწყვეტილებით, ოზურგეთში თანამედროვე სტანდარტების შესაბამისი რაგბის მოედნის მშენებლობა უახლოეს მომავალში დაიწყება.