შეცდომები, რასაც, სარეცხის რეცხვისას, ყველაზე ხშირად უშვებენ

რეცხვა  ისეთი რამაა, რასაც თითქმის ყოველდღე ვაკეთებთ. თუმცა, ამის მიუხედავად, ადამიანების უმეტესობა ამაში ექსპერტი არ არის.

შეიძლება ჩანდეს, რომ ყველაზე დიდი შეცდომა ფერადი ნივთების თეთრთან ერთად გარეცხვაა. თუმცა, ექსპერტების თქმით, ტანსაცმელი ხშირად ფუჭდება მრავალი გზით.

ჭარბი რაოდენობით სარეცხი საშუალების გამოყენება

სარეცხი საშუალების ჭარბი რაოდენობით გამოყენებამ შეიძლება საპირისპირო შედეგი გამოიღოს და თქვენი ტანსაცმელი გარეცხვამდე არსებულზე უფრო ჭუჭყიანი გახადოს. ბევრმა ადამიანმა ეს არ იცის.

ახალი სარეცხი მანქანები, როგორც წესი, ნაკლებ წყალს მოიხმარენ, ვიდრე ძველი მოდელები, გარემოსდაცვითი მიზეზების გამო, ამიტომ განსაკუთრებით მნიშვნელოვანია სწორი პროპორციების შერჩევა. აღსანიშნავია, რომ ზედმეტი სარეცხი საშუალების გამოყენებამ ასევე შეიძლება ლაქების მოცილება გაართულოს. ამიტომ, ექსპერტები გვირჩევენ სარეცხი საშუალებების გამოყენების ინსტრუქციის დაცვას.

ტანსაცმლის წინასწარი მომზადების ნაკლებობა

თუ ტანსაცმელზე ლაქა ან უჩვეულო სუნია, ჯერ ის უნდა დაამუშაოთ და მხოლოდ ამის შემდეგ გაგზავნოთ სარეცხ მანქანაში.

სარეცხის არომატების შერევა

ზოგიერთი ადამიანი ძალიან სპეციფიკურია სარეცხის სურნელის მიმართ. სხვადასხვა არომატის გამოყენებამ შეიძლება ნივთებს შორის არომატების შერევა გამოიწვიოს.

სარეცხი მანქანის ბარაბანი გადავსებულია

არასდროს გადავსოთ სარეცხი მანქანა ზედმეტად. ასევე, თუ ტანსაცმლის საშრობი გაქვთ, ზედმეტად არ გაავსოთ.

ნივთების ქსოვილის ტიპის მიხედვით დახარისხების ჩვევის ნაკლებობა

ჩვენ შეჩვეულები ვართ ტანსაცმლის ფერის მიხედვით დახარისხებას. თუმცა, ასევე კარგი იდეაა მათი ქსოვილის ტიპის მიხედვით დახარისხება: პირსახოცები პირსახოცებთან ერთად გარეცხეთ, ჯინსები ჯინსებთან ერთად და ზეწრები სხვა თეთრეულთან ერთად.

ზედმეტი რეცხვა და ზედმეტი გაშრობა
 
სარეცხ მანქანაზე ძალიან ხანგრძლივი რეცხვის ციკლები არ უნდა გამოიყენოთ.

თქვენ არ რეცხავთ სარეცხ მანქანას.

ადამიანებს ხშირად ავიწყდებათ ტექნიკის გაწმენდა. საჭიროა სრულიად ცარიელი სარეცხი მანქანა შევავსოთ რაც შეიძლება ცხელი წყლით და ერთი ჭიქა მათეთრებლით. გავაჩეროთ ეს ნარევი ერთი საათით, შემდეგ კი ცხელი წყლით ჩავრთოთ ხანგრძლივი რეცხვის ციკლი. არ დაგავიწყდეთ ბარაბანსა და კარს შორის არსებული რეზინის შუასადების გაწმენდა.

არასაჭირო რეცხვა

არ გავრეცხოთ ნივთები მხოლოდ იმიტომ, რომ ისინი ცოტა ხნით იყო ნახმარი და ოდნავ დაჭმუჭნული.

თეთრი და ფერადი ნივთების შერევა

შესაძლოა, ეს რეცხვისას დაშვებული უმნიშვნელო შეცდომა იყოს, მაგრამ აღსანიშნავია. თეთრი ნივთები მუქი ფერის ნივთებისგან, განსაკუთრებით ახლისგან მოშორებით უნდა შეინახოთ, რადგან შესაძლოა ფერი შეიცვალოს.

ნივთები გარეცხვისთანავე უნდა შეინახოთ, არ დატოვოთ სარეცხ მანქანაში, კალათაში, სკამზე ან საძინებელში. ჩვევად გაიხადეთ ახალი რეცხვის ციკლის დაწყება მანამ, სანამ წინა რეცხვის ყველა ნივთს არ შეინახავთ.