1758743148
უსიამოვნო სუნი ფეხსაცმელში ბევრისთვის ნაცნობი პრობლემაა. თუნდაც ახალ ფეხსაცმელს რამდენიმე დღეში შეიძლება ცუდი სუნი აუვიდეს. ამის მიზეზი ხშირად ბაქტერიებია, ნესტი, ვენტილაციის ნაკლებობა ან ჰიგიენის წესების უგულებელყოფა. საბედნიეროდ, არსებობს მარტივი და ეფექტური მეთოდები, რომლებიც ცუდ სუნს სამუდამოდ დაგავიწყებთ:
სოდა
სოდა ეფექტურად შთანთქავს სუნს. ჩაყარეთ 1–2 ჩაის კოვზი სოდა წინდებში და ჩადეთ ღამით ფეხსაცმელში. დილით სუნი აღარ დაგხვდებათ. სასურველია სოდაში ლავანდის ან პიტნის ეთერზეთიც დაუმატოთ უკეთესი სურნელისთვის.
გაყინვა
ეს მეთოდი ანადგურებს სუნის გამომწვევ ბაქტერიებს. ჩადეთ ფეხსაცმელი პარკში და გააჩერეთ საყინულეში 6–10 საათით. შემდეგ გააშრეთ ოთახის ტემპერატურაზე. კარგად მუშაობს სპორტულ ან ნაქსოვ ფეხსაცმელზე.
ძმრის ხსნარი
შეურიეთ ძმარი და წყალი თანაბრად (1:1), და ამ ნაზავით გააწმინდეთ ფეხსაცმლის შიდა ნაწილი. შემდეგ გააშრეთ ჰაერზე. არ გამოიყენოთ ეს მეთოდი ლაქიან ან ზამშის მასალაზე.
ჩაი
შავი ან მწვანე ჩაი ანეიტრალებს სუნს და კლავს ბაქტერიებს. მოხარშეთ ჩაის პაკეტები, გააშრეთ და ჩადეთ ღამით ფეხსაცმელში. საჭიროების შემთხვევაში გაიმეორეთ.
სპეციალური სფრეი ან სფრეი-დეზოდორანტი
შეგიძლიათ შეიძინოთ სპეციალური სფრეი, რომელიც ხელს უშლის უსიამოვნო სუნის გაჩენას, ან გამოიყენოთ ჩვეულებრივი იღლიის დეზოდორანტი. შეისხით ფეხის გულებზე და შემდეგ ჩაიცვით ფეხსაცმელი.
პროფილაქტიკაყველაზე კარგი სუნის საწინააღმდეგო საშუალებაა — მოვლა. ყოველთვის გააშრეთ ფეხსაცმელი გამოყენების შემდეგ, გამოიყენეთ დეზოდორანტ-ჩასადები. ატარეთ ბამბის წინდები და ხშირად გამოიცვალეთ.
