ეროვნული ბანკი სესხებთან დაკავშირებით განცხადებას ავრცელებს
1757015284
ჩვენს მიერ მირთმეული საკვები და სასმელები მნიშვნელოვან გავლენას ახდენს ჩვენს კბილებზე. მაგალითად, გაზიანი სასმელები ყოველთვის მინანქრის დამშლელ სასმელად ითვლებოდა. თუმცა, გაზიანი სასმელების გარდა, არსებობს მრავალი პოპულარული სასმელი, რომლებიც იმავე რაოდენობის ზიანს აყენებენ კბილებს. ესენია:
1. არომატიზებული გაზიანი წყალი
„მიუხედავად იმისა, რომ ხშირად უშაქროა, ბევრი მათგანი მჟავეა გაზიანი წყლისა და დამატებული არომატიზატორების გამო. მისი სიმჟავე დროთა განმავლობაში ნელ-ნელა აზიანებს კბილის მინანქარს“, - ამბობს დოქტორი.
2. ხილის წვენები
ხილის წვენები , გემრიელია, მაგრამ შაქრიანი: „ფორთოხლის, ვაშლის და „მწვანე“ წვენები ხშირად ძალიან მჟავეა და მდიდარია ბუნებრივი შაქრით. ისინი ერთდროულად შეიცავენ შაქარსაც და სიმჟავესაც, რაც საზიანოა თქვენი კბილებისთვის“,- ამბობს დოქტორი.
3.სპორტული სასმელები
სპორტსმენებმა შეიძლება სპორტული სასმელები ელექტროლიტების გასაახლებლად მიირთვან , თუმცა ამ სასმელებმა შესაძლოა სერიოზული ზიანი მიაყენონ.
„ისინი ხშირად ჰიდრატაციისთვის იყიდება, თუმცა ასევე შეიცავს დამატებულ შაქარს და მჟავებსაც კი. ამ სასმელების შაქრის გარეშე შემცველი ვერსიებიც კი შეიძლება იყოს ძალიან მჟავე და კბილის მინანქრისთვის დამაზიანებელი“,- ამბობს სტომატოლოგი.
4. ცივი ყავა (ნაღებით)
ნაღების მცირე რაოდენობით ცივი ყავა ზაფხულის იდეალური სასმელია, თუმცა მისი ჭარბი რაოდენობა ზიანს აყენებს თქვენს კბილებს: „უშაქრო ცივი ყავაც კი მჟავეა, მაგრამ როდესაც სიროფებს, ნაღებს ან დამატკბობლებს ვუმატებთ, ისინი უფრო კარიესის გამომწვევი ხდებიან“, - ამბობს დოქტორი.
5. ღვინო
„როგორც წითელი, ასევე თეთრი ღვინოები მჟავეა და ეროზიულს ხდის კბილის მინანქარს. წითელი ღვინო განსაკუთრებით საზიანოა მჟავიანობისა და მუქი პიგმენტების კომბინაციის გამო, რამაც შეიძლება გამოიწვიოს ლაქები. თეთრი ღვინო, მიუხედავად იმისა, რომ უფრო ღია ფერისაა, ასევე მჟავეა და შეუძლია სწრაფად დაარბილოს კბილის მინანქარი. ეს ეფექტები ძლიერდება, როდესაც ღვინოს ხშირად და დიდი ხნის განმავლობაში სვამთ ან დეგუსტაციის დროს პირში იგუბებთ“,- ამბობს სტომატოლოგი.
