ზუკა რურუა: ყველამ ნათლად დავინახეთ, თუ რა მიზანს ემსახურებოდა ეს არასამთავრობო ორგანიზაციები და მათი თანხები

ყველამ ნათლად დავინახეთ, თუ რა მიზანს ემსახურებოდა ეს არასამთავრობო ორგანიზაციები და მათი თანხები, - განაცხადა „ქართული ოცნების“ ვაკის რაიონის დელეგატმა ზუკა რურუამ.

„ყველამ დავინახეთ იმ პერიოდში მათ მიერ შეძენილი სხვადასხვა ნივთები, პიროტექნიკა, რაც მათ ოფისებში აღმოაჩინეს. ეს რა თქმა უნდა მიზანმიმართული იყო იმისთვის, რომ შეტაკებების დროს გამოეყენებინათ და ეძალადათ როგორც როგორც სახელმწიფო დაწესებულებებზე, ასევე სამართალდამცველებზე. ყველამ ნათლად დავინახეთ, თუ რა მიზანს ემსახურებოდა ეს არასამთავრობო ორგანიზაციები და მათი თანხები“, - აღნიშნავს რურუა.

საპარლამენტო უმრავლესობაში მიაჩნიათ, რომ პროკურატურამ ფაქტებით კიდევ ერთხელ დაადასტურა ორგანიზებული ძალადობისა და რევოლუციური სცენარის მოწყობის ის მცდელობები, რომელსაც საზოგადოება თვეების განმავლობაში, აქციების მიმდინარეობისას ხედავდა

„ქრონიკამ“ კითხვით მიმართა UNDP-ის, ასევე ევროკავშირის, შვეიცარიის, გერმანიის, დიდი ბრიტანეთისა და ნიდერლანდების საელჩოებს, იცოდნენ თუ არა, რომ მათ მიერ გაღებულ გრანტებს ISFED-ი ძალადობრივი აქციების ორგანიზებისთვის იყენებდა? - დიპლომატიურ უწყებებს ჯერჯერობით პასუხი არ გაუციათ.