ზაალ ანჯაფარიძე: ორგანიზაციას „რეპორტიორები საზღვრებს გარეშე“ შეგვიძლია ვუწოდოთ რეპორტიორები ჭკუის და სინდისის გარეშე. იმიტომ რომ უარი თქვეს იმ მისიის შესრულებაზე, რისთვისაც დაარსდნენ, და გადავიდნენ „deep state“-ის დაკვეთების შესრულებაზე

ანალიტიკოსი ზაალ ანჯაფარიძე სოციალურ ქსელში, ორგანიზაცია „რეპორტიორები საზღვრებს გარეშე“-ს მიერ გამოქვეყნებულ სიას ეხმაურება, სადაც „პრესის თავისუფლების მტაცებელთა“ 2025 წლის 34-კაციან ჩამონათვალში ბიძინა ივანიშვილი მოხვდა და აღნიშნავს, რომ „მათ მიერ შედგენილი „მედიის მიმტაცებელთა“ სია, სადაც ილონ მასკსა და ვიქტორ ორბანთან ერთად ბიძინა ივანიშვილიც შეიყვანეს, არის სწორედაც რომ დაკვეთის შესრულება, რომ ამით ნიადაგი შეამზადონ დამსჯელი ზომებისთვის.“

ანალიტიკოსის შეფასებით, სწორედ 2012 წლის შემდეგ ჩაისუნთქა სააკაშვილის რეჟიმის მიერ სუნთქვა გადაკეტილმა მედიამ თავისუფლების ჰაერი. ზოგიერთმა იმდენად ღრმად, რომ დაუკრეფავში გავიდა.

„ორგანიზაციას „რეპორტიორები საზღვრებს გარეშე“ თამამად შეგვიძლია ვუწოდოთ რეპორტიორები ჭკუის და სინდისის გარეშე. რატომ? იმიტომ რომ ნებაყოფლობით უარი თქვეს იმ მისიის შესრულებაზე, რისთვისაც დაარსდნენ, და გადავიდნენ „deep state“ და მსგავსი ძალების დაკვეთების შესრულებაზე.
მათ მიერ შედგენილი „მედიის მიმტაცებელთა“ სია, სადაც ილონ მასკსა და ვიქტორ ორბანთან ერთად ბიძინა ივანიშვილიც შეიყვანეს, არის სწორედაც რომ დაკვეთის შესრულება, რომ ამით ნიადაგი შეამზადონ დამსჯელი ზომებისთვის.

არადა, ყველა კარგად ხედავს რომ სწორედ 2012 წლის შემდეგ ჩაისუნთქა სააკაშვილის რეჟიმის მიერ სუნთქვა გადაკეტილმა მედიამ თავისუფლების ჰაერი. ზოგიერთმა იმდენად ღრმად, რომ დაუკრეფავში გავიდა.“ - წერს ანჯაფარიძე.