ვინ არიან ახალგაზრდები, რომლებიც ახალციხეში მომხდარ ავარიას ემსხვერპლნენ
1734938504
რეგიონული განვითარებისა და ინფრასტრუქტურის მინისტრი, ირაკლი ქარსელაძე "დღის კურიერის" ეთერში მაგისტრალური გზების მშენებლობასა და დაგეგმილ კონკრეტულ პროექტებზე საუბრობს.
"რეალურად ჩვენ ვსაუბრობთ აღმოსავლეთ-დასავლეთ მაგისტრალზე, რომელიც არის შუა დერეფანი, რომლის მნიშვნელობაც არის ძალიან დიდი, როგორც ქვეყნისთვის, ასევე, საერთაშორისო-რეგიონულ ჭრილში. ამ მიმართულებით ჩვენ 70% აღნიშნული მაგისტრალის უკვე დასრულებული გვაქვს და ვაგრძელებთ ამ მიმართულებით მუშაობას. ყველა მიმდინარე პროექტი 2025 წლის ბოლომდე ეტაპობრივად დასრულება და თბილისიდან-ბათუმამდე სრულად მაგისტრალური გზა იქნება 4-ზოლიანი, რომლის ფარგლებშიც, ქობულეთის შემოვლითი, რომელიც ამჟამად არის 2-ზოლიანი, გათვალისწინებულია დამატებითი 2 ზოლის მშენებლობის დაწყება.
ამასთან, როდესაც აღმოსავლეთ-დასავლეთ მაგისტრალზე ვსაუბრობთ, მნიშვნელოვანია ის ახალი პროექტები, რომლებიც დაიწყება, კერძოდ, რუსთავი-წითელი ხიდი ფა ალგეთისა და სადახლოს მონაკვეთები, რომლითაც ჩვენ უკვე ვუკავშირდებით აზერბაიჯანსა და სომხეთს. ასევე დაიწყება, ბათუმი-სარფის პროექტი, რომლის ფარგლებშიც უკვე აზერბაიჯანს, სომხეთსა და თურქეთს მაგისტრალური გზით დავუკავშირდებით.
როცა მაგისტრალებზე ვსაუბრობთ, სამხრეთი-ჩრდილოეთის განვითარება არის ძალიან მნიშვნელოვანი, სადაც მიმდინარე მონაკვეთებთან ერთად, ასევე, მონაკვეთის, კერძოდ, წიწამური-ჟინვალის მონაკვეთის მშენებლობის დაწყება არის გათვალისწინებული.
ასევე კახეთის მაგისტრალი, რომელიც არის ძალიან მნიშვნელოვანი, თბილისი-საგარეჯოს მონაკვეთი უკვე დასრულებულია და აქაც მიმდინარე პროექტი გვაქვს, რომელიც საგარეჯო-ბადიაურის მონაკვეთს მოიცავს. გარდა ამისა, დაიწყება, მაგისტრალური კუთხით, ბადიაური-ჩალაუბნის მონაკვეთის მშენებლობა. ასევე, გურჯაანი-თელავის დამაკავშირებელი ახალი გზის მშენებლობა დაიწყება, ისევე, როგორც ლაგოდეხის შემოვლითი გზის მშენებლობა," - განაცხადა ქარსელაძემ.
