„ვხედავთ, რომ არ აქვთ ღირებულებითი ერთობა და მით უფრო, ვერ იყოფენ იმ არსებულ ოპოზიციურ ფინანსებს, რომლებიც ხშირ შემთხვევაში უცხოეთიდან მოდის“ - ვახტანგ ჩოჩია

"რამდენიმე დღეა აქტიურად ვადევნებთ თვალს ოპოზიციაში მიმდინარე საუბარს გაერთიანებასთან დაკავშირებით, თუმცა ეს პროცესი არ არის ახალი," - ამის შესახებ საპარლამენტო უმრავლესობის ლიდერის კაბინეტის უფროსი, ვახტანგ ჩოჩია საუბრობს. მისი თქმით, ოპოზიცია ვერ თმობს გავლენებს და პოლიტიკურ ამბიციებს, შესაბამისად, შეუძლებელია, მათ შორის კონსოლიდირებული ერთობა შეიქმნას, რომელიც მათ დაეხმარება საკუთარი მიზნების მიღწევაში.

"რამდენიმე დღეა აქტიურად ვადევნებთ თვალს ოპოზიციაში მიმდინარე საუბარს გაერთიანებასთან დაკავშირებით, თუმცა ეს პროცესი არ არის ახალი. მათ არჩევნების დღიდან მოყოლებული დაიწყეს საუბარი გეგმასთან და გაერთიანებასთან დაკავშირებით. თუმცა ვხედავთ, რომ მათ არ აქვთ არც ღირებულებითი ერთობა და მით უფრო ისინი ვერ იყოფენ იმ არსებულ ოპოზიციურ ფინანსებს, რომლებიც ხშირ შემთხვევაში უცხოეთიდან მოდის. შესაბამისად, ისინი ვერ დათმობენ ვერც საკუთარ გავლენებს და ვერც საკუთარ პოლიტიკურ ამბიციებს და შეუძლებელია, მათ შორის ვიხილოთ რაღაც ისეთი კონსოლიდირებული ერთობა, რომელიც მათ დაეხმარება საკუთარი მიზნების მიღწევაში." - აცხადებს ვახტანგ ჩოჩია.