ტრამპს ფლორიდაში, საარჩევნო შტაბში ელოდებიან, სადაც სავარაუდოდ მხარდამჭერებს სიტყვით მიმართავს

აშშ-ის პრეზიდენტობის რესპუბლიკელ კანდიდატს, დონალდ ტრამპს ფლორიდაში, უესთ პალმ ბიჩში გახსნილ საარჩევნო შტაბში ელოდებიან.

ტრამპი სავარაუდოდ სიტყვით მიმართავს მხარდამჭერებს.

ადგილზე, რესპუბლიკელი კანდიდატის სხვა მომხრეებთან ერთად, იმყოფება მილიარდერი ილონ მასკი, ასევე რობერტ კენედი უმცროსი და ტულსი გაბარდი.

ამასთან, კამალა ჰარისის შტაბში აცხადებენ, რომ დემოკრატების კანდიდატი ამ ღამით მხარდამჭერებს სიტყვით არ მიმართავს, ხოლო მერყევი შტატების შედეგების გამოცხადების შემდეგ, ჰარისის მხარდამჭერების ნაწილმა საარჩევნო შტაბი დატოვა.

„სიენენის“ წინასწარი მონაცემებით, დონალდ ტრამპმა ორ მერყევ შტატში გაიმარჯვა, ხოლო სამში ლიდერობს. საარჩევნო კოლეგიაში ახლა ტრამპს 246 ხმა აქვს, ხოლო ჰარისს – 187.