ტრამპი: გრენლანდია გვესაჭიროება ეროვნული უსაფრთხოების გამო

აშშ-ის პრეზიდენტმა, დონალდ ტრამპმა ორშაბათს განაცხადა, რომ შეერთებულ შტატებს ესაჭიროება გრენლანდია არა კრიტიკულად მნიშვნელოვანი წიაღისეულის, არამედ ეროვნული უსაფრთხოების გამო.

კვირას ტრამპმა ლუიზიანას შტატის გუბერნატორი, ჯეფ ლენდრი გრენლანდიაში თავის სპეციალურ წარმომადგენლად დაასახელა, რამაც დანიისა და გრენლანდიის მხრიდან ხელახალი კრიტიკა გამოიწვია წიაღისეულით მდიდარი არქტიკული კუნძულის მიმართ ვაშინგტონის ინტერესის გამო.