თენგიზ შარმანაშვილი: ისევ მიუბრუნდნენ ვიზალიბერალიზაციის გაუქმების საკითხს. ეს საშიშროება რომ არსებობდა, ქართველმა ხალხმა იცოდა და მილიონ ასი ათასზე მეტმა ადამიანმა მოგვცა ხმა, რადგან ჩათვალა, რომ სწორ პოლიტიკას ვაწარმოებთ

ადამიანთა ჯგუფი ღალატის გზას რომ დაადგება, მერე როგორც ჩანს, გაჩერება აღარ შეუძლია. ისევ მიუბრუნდნენ იმ საკითხს, რომ ვიზალიბერალიზაციის გაუქმება მოხდეს და საქართველოს მოქალაქეების ინტერესები სერიოზულად დააზიანონ, - განაცხადა თავდაცვისა და უშიშროების საპარლამენტო კომიტეტის თავმჯდომარის პირველმა მოადგილე თენგიზ შარმანაშვილმა.

მან კომენტარი გააკეთა ოპოზიციის მხრიდან უცხოეთში გახშირებულ ვიზიტებზე.

„ეს საშიშროება რომ არსებობდა ქართველმა ხალხმა იცოდა; ჩათვალა, რომ სწორ პოლიტიკას ვაწარმოებთ და ქართულ ინტერესებს ვიცავთ მილიონ ასი ათასზე მეტმა ადამიანმა მოგვცა ხმა. ჩვენი სახელით კი აღარ ველაპარაკებით მსოფლიოს, ველაპარაკებით მილიონ ასი ათასზე მეტი ამომრჩევლის სახელით“, - აღნიშნა შარმანაშვილმა.