შალვა პაპუაშვილი: „ქართული ოცნება“ მიიღებს მონაწილეობას თვითმმართველობის არჩევნებში და გაიმარჯვებს 64-ვე მუნიციპალიტეტში

ჩვენ ვიცით ერთი რამე, რომ „ქართული ოცნება“ მიიღებს მონაწილეობას თვითმმართველობის არჩევნებში და გაიმარჯვებს 64-ვე მუნიციპალიტეტში, - განუცხადა ჟურნალისტებს პარლამენტის თავმჯდომარემ შალვა პაპუაშვილმა.

პაპუაშვილს ჰკითხეს თვითმმართველობის არჩევნებზე, სადაც ოპოზიცია მონაწილეობის მიღებას არ აპირებს.

„ჩვენ ვიცით ერთი რამე, რომ „ქართული ოცნება“ მიიღებს მონაწილეობას თვითმმართველობის არჩევნებში და გაიმარჯვებს 64-ვე მუნიციპალიტეტში. ეს არის ის, რაც არის ჩვენი მიზანი. ვიცით, რადგან გვაქვს გამოცდილება. 2012 წლიდან მოყოლებულ ყველა არჩევნებზე, 2012 წლის ჩათვლით, ოპოზიცია „რუსი რუსის“ ძახილით ყოველ ჯერზე დამარცხდა. აქაც ხომ ვხედავთ, იმავეს აკეთებენ. აღმოჩნდა, რომ მილიონები, რაც დაიხარჯა „ენჯეოებში“ და ზოგიერთ პარტიაში, დაიხარჯა იმაში, რომ თაბახის ფურცელს რომ აიღებენ და დაწერენ 20 სიტყვას, 7 იქნება „რუსეთი“. ამით კმაყოფილები არიან დამფინანსებლები. როგორც ჩანს, პროექტების განხორციელების ერთადერთი ინდიკატორი დღესდღეობით არის ის, რამდენჯერ იტყვიან „რუსეთს“, „კრემლს“ და ა.შ. ცალკე „ენჯეოებს“ უხრიათ, რომ ამის გამო ფულს აძლევენ და ცალკე დონორებს უხარიათ, რომ ეს სიტყვები გაიგეს.

ჩემი სურვილია, რომ ექსტრემისტულმა ორგანიზაციებმა არ მიიღონ მონაწილეობა არჩევნებში, რათა ჩვენს ამომრჩევლებს არ ჰქონდეთ იმის ხიბლიც კი, ან საბაბი, რომ შემთხვევით მათი ხმა წავიდეს ექსტრემისტულ პარტიაში. ამიტომ თუ ისინი მონაწილეობას არ მიიღებენ, ეს იქნება მხოლოდ კარგი დემოკრატიისთვის“, - აღნიშნა პაპუაშვილმა.