„საერთაშორისო გამჭვირვალობას“ სტატუსი არ შეჩერებია - მსხვერპლის როლს თამაშობს იმ მიზნით, რომ კითხვის ნიშნები გააჩინოს არჩევნებთან დაკავშირებით - შალვა პაპუაშვილი

„საერთაშორისო გამჭვირვალობას“ არანაირი სტატუსი არ შეჩერებია, - განაცხადა საქართველოს პარლამენტის თავმჯდომარემ, შალვა პაპუაშვილმა.

მისი თქმით, „საერთაშორისო გამჭვირვალობა“ დღესაც არის ცესკოში რეგისტრირებული საარჩევნო დამკვირვებელი.

„ისინი ამ ტყუილს იყენებენ იმისთვის, რომ შექმნან მსხვერპლის შთაბეჭდილება, თითქოს ვიღაცა ვიღაცას დევნის. ამ მსხვერპლის როლს თამაშობს ზუსტად იმ მიზნით, რომ კითხვის ნიშნები გააჩინოს არჩევნებთან დაკავშირებით“, - აღნიშნა შალვა პაპუაშვილმა.