რატი იონათამიშვილი: ეუთო/ოდირის მოწვევამ პანიკა და ისტერია გამოიწვია რადიკალურ ოპოზიციაში. ისინი ძალიან შეშინებულები არიან, ვინაიდან კარგად ხვდებიან, რომ სპეკულაციებისთვის და დეზინფორმაციისთვის არანაირი სივრცე არ დარჩებათ

რადიკალური ოპოზიცია ძალიან შეშინებულია ვინაიდან დეზინფორმაციისთვის და ცრუ ინფორმაციების ტირაჟირებისთვის არანაირი სივრცე არ დარჩებათ, - ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, რატი იონათამიშვილმა ეუთო/ოდირის მოწვევასთან დაკავშირებით.

მისი თქმით, ოპოზიცია კარგად ხვდება, რომ სპეკულაციებისთვის სივრცე აღარ დარჩა.

„ოპოზიციას საკუთარი დღის წესრიგი აგებული აქვს სიცრუის პროპაგანდაზე. შესაბამისად, შემთხვევითი არ არის, რომ ეუთო/ოდირის მოწვევამ პანიკა და ისტერია გამოიწვია რადიკალურ ოპოზიციაში. ისინი ძალიან შეშინებულები არიან, ვინაიდან სინამდვილეში კარგად ხვდებიან, რომ 4 ოქტომბრის არჩევნები იქნება საბოლოო არჩევნები რადიკალური ოპოზიციისთვის და მათი სპეკულაციებისთვის. დეზინფორმაციისთვის და ასეთი ცრუ ინფორმაციების ტირაჟირებისთვის არანაირი სივრცე არ დარჩებათ“, - განაცხადა რატი იონათამიშვილმა.

მთავრობამ ადგილობრივი თვითმმართველობის არჩევნების დასაკვირვებლად ეუთო/ოდირის მისიის მოწვევის გადაწყვეტილება მიიღო, რასთან დაკავშირებითაც ეუთო/ოდირს შესაბამისი წერილი უკვე გაეგზავნა.