რა ვერ გაიგეთ? ამ ქუჩა-ქუჩა სიარულ-სიარულით გაგიჭირდებათ მაკკეინის ინსტიტუტის ამ დავალების შესრულება - დავით ქართველიშვილი

პარტია „ხალხის ძალის“ წევრი დავით ქართველიშვილი მაკკეინის ინსტიტუტის ანგარიშს სოციალურ ქსელში ეხმიანება.

ექსპერტის თქმით, ანგარიშში მაკკეინის ინსტიტუტი მიანიშნებს, რომ აქციებზე მსხვერპლი, რომელიც ხელისუფლებას დაჰბრალდება ძალიან საგანგაშო იქნება. მისი თქმით, მაკკეინის ინსტიტუტის ეს დავალება, ქუჩაში სიარულის დროს რადიკალებისთვის რთული შესასრულებელი იქნება.

„მაკკეინის ინსტიტუტი მოკვდა უკვე იმის მინიშნებით, რომ აქციებზე ვინმეს სიკვდილი, რომელიც ხელისუფლებას დაჰბრალდება - "ძალიან საგანგაშო იქნება". რა ვერ გაიგეთ? ამ ქუჩა-ქუჩა სიარულ-სიარულით გაგიჭირდებათ ამ დავალების შესრულება,“- წერს დავით ქართველიშვილი.

მაკკეინის ინსტიტუტის მისია 9 დეკემბრიდან 13 დეკემბრის ჩათვლით თბილისში იმყოფებოდა, სადაც შეხვედრები გამართა ქართული საზოგადოების წარმომადგენლებთან.